ﺩﯗﻧﻴﺎﺩﯨﻦ ﻳﯩﺮﺍﻕ

ﺩﯗﻧﻴﺎﺩﯨﻦ ﻳﯩﺮﺍﻕ

يوللىغان ۋاقتى 2006-7-15

ﻳﻮﻟﻠﯩﻐﯘﭼﻰ:zulal

ﻳﺎﺯﻏﯘﭼﯩﺴﻰ : ﺋﺎﺑﺪﯗﻗﺎﺩﯨﺮ ﺟﺎﻻﻟﯩﺪﯨﻦ

1

ﭘﻪﺳﯩﻠﻠﻪﺭﻧﯩﯔ ﭘﻪﺯﯨﻠﻪﺗﻠﯩﺮﯨﺪﻩ ﻳﺎﺭﺍﺗﻘﯘﭼﯩﻨﯩﯔ ﻫﯩﻤﻤﯩﺘﻰ ﺑﯩﻠﯩﻨﯩﭗ ﺗﯘﺭﯨﺪﯗ . ﻣﻪﻥ ﻫﺎﻳﺎﺗﻠﯩﻖ ﺩﯗﻧﻴﺎﺳﯩﺪﯨﻜﻰ ﻫﻪﺭﺑﯩﺮ ﻫﺎﺩﯨﺴﯩﺪﯨﻦ ﺑﯜﻳﯜﻙ ﺭﻭﻫﯩﻲ ﺋﺎﺭﻗﺎ ﻛﯚﺭﯛﻧﯜﺷﻨﻰ ﻛﯚﺭﮔﻪﻧﺪﻩﻙ ﺑﻮﻟﯩﻤﻪﻥ . ﺑﯘ ﺋﺎﺭﻗﺎ ﻛﯚﺭﯛﻧﯜﺵ ﻗﺎﻧﺪﺍﻗﺘﯘﺭ ﺑﯩﺮ ﺭﻭﻫﯩﻲ ﻣﻪﺭﻛﻪﺯﻧﻰ ﻳﻮﺷﯘﺭﻏﺎﻥ ﻫﺎﻟﺪﺍ ﮔﻮﻳﺎ ﺋﺎﻟﻠﯩﺒﯘﺭﯗﻥ ﯞﺍﻳﯩﻐﺎ ﻳﻪﺗﻜﻪﻥ ﭘﺮﯨﻨﺴﯩﭙﻨﯩﯔ ﺗﻪﻧﺘﻪﻧﯩﺴﯩﮕﻪ ﺋﯘﻟﯘﻏﯟﺍﺭ ﻧﻪﺯﻩﺭ ﺑﯩﻠﻪﻥ ﻗﺎﺭﺍﭖ ﺗﯘﺭﺍﺗﺘﻰ . ﺑﯘ ﺩﯗﻧﻴﺎﺩﯨﻜﻰ ﺑﺎﺭﻟﯩﻖ ﭘﻪﺳﻜﻪﺷﻠﯩﻜﻠﻪﺭ ، ﻫﯩﻴﻠﯩﮕﻪﺭﻟﯩﻜﻠﻪﺭ ، ﻳﺎﯞﯗﺯﻟﯘﻗﻼﺭ ، ﺗﻪﯕﺴﯩﺰﻟﯩﻜﻠﻪﺭ ﻛﻪﺑﯩﻲ ﺟﻪﻣﯩﻴﻪﺕ ﺋﯩﻠﻠﻪﺗﻠﯩﺮﻯ ﺑﯩﭙﺎﻳﺎﻥ ﻛﺎﺋﯩﻨﺎﺗﻨﯩﯔ ﻫﻪﺭﯨﻜﯩﺘﻰ ﺩﺍﯞﺍﻣﯩﺪﺍ ﺑﻪﺭﺑﺎﺕ ﺑﻮﻟﯘﭖ ، ﺋﺎﺷﯘ ﻫﻪﺭﯨﻜﻪﺕ ﭘﺮﯨﻨﺴﯩﭙﯩﻨﻰ ﻣﻪﻧﺒﻪ ﻗﯩﻠﻐﺎﻥ ﺩﯗﻧﻴﺎ ﻗﺎﺭﺍﺵ ﯞﻩ ﺋﯧﺘﯩﻘﺎﺩ ﻏﻪﻟﯩﺒﻪ ﻛﺎﭘﺎﻟﯩﺘﯩﮕﻪ ﺋﯧﺮﯨﺸﯩﭗ ﻛﻪﻟﻤﻪﻛﺘﻪ ﺋﯩﺪﻯ . ﺩﻩﺭﻫﻪﻗﯩﻘﻪﺕ ، ﺑﯩﺰ ﻛﯚﺭﯛﯞﺍﺗﻘﺎﻥ ﺗﻪﺑﯩﺌﻪﺗﺘﯩﻜﻰ ﭘﻪﺳﯩﻠﻠﻪﺭ ﯞﺍﻗﯩﺖ ﺋﯚﺯﮔﯩﺮﯨﺸﻠﯩﺮﯨﺪﯨﻜﻰ ﻗﺎﻧﯘﻧﻼﺭﻧﻰ ﭼﯜﺷﯩﻨﯩﺸﻠﯩﻚ ﺗﯩﻞ ﺑﯩﻠﻪﻥ ﺋﺎﺷﻜﺎﺭﺍ ﻗﯩﻠﯩﺪﯗ . ﺑﯩﺰ ﺑﯩﻠﯩﺪﯨﻐﺎﻥ ﻗﺎﻳﺴﯩﺪﯗﺭ ﻗﯘﺭﯗﻟﯘﺷﻼﺭ ﺋﯚﺭﯛﻟﯜﭖ ، ﻳﯧﯖﻰ ﺑﯩﻨﺎﻻﺭ ﻗﻪﺩ ﻛﯚﺗﯜﺭﯨﺪﯗ ؛ ﻗﺎﻳﺴﯩﺪﯗﺭ ﺑﯩﺮ ﻛﯚﯞﺭﯛﻛﻨﯩﯔ ﻳﺎﻏﯩﭽﯩﻨﻰ ﻗﯘﺭﺕ ﻳﻪﭖ ﺑﯘﺯﯗﻟﯩﺪﯗ ؛ ﺑﯩﺰ ﺗﻮﻧﯘﻳﺪﯨﻐﺎﻥ ﻣﻮﻳﺴﯩﭙﯩﺘﻠﻪﺭ ﯞﺍﻗﺘﻰ ﻛﻪﻟﮕﻪﻧﺪﻩ ﻛﯧﺘﯩﭗ ﻗﺎﻟﯩﺪﯗ ، ﺋﯘﻧﯩﯔ ﺋﻮﺭﻧﯩﻐﺎ ﻳﯧﯖﻰ ﺑﻮﯞﺍﻕ ، ﻳﯧﯖﻰ ﺳﯩﻤﺎﻻﺭ ﻣﻪﻳﺪﺍﻧﻐﺎ ﻛﯧﻠﯩﺪﯗ . ﺭﻭﺷﻪﻧﻜﻰ ، ﺗﻪﺑﯩﺌﻪﺗﻜﻪ ﻗﺎﺭﯨﺴﺎﯓ ﺋﯩﺠﺘﯩﻤﺎﺋﯩﻴﻪﺗﺘﯩﻜﻰ ﻣﻪﺳﯩﻠﯩﻠﻪﺭﻧﯩﯔ ﺋﻪﭘﭽﯩﻞ ﺑﯧﺸﺎﺭﻩﺗﻠﯩﺮﯨﻨﻰ ﻛﯚﺭﻩﻟﻪﻳﺴﻪﻥ ، ﺋﻮﻳﻼﻧﺴﺎﯓ ، ﺋﯘ ﻫﺎﻳﺎﺕ ﻫﻪﻗﯩﻘﻪﺗﻠﯩﺮﯨﮕﻪ ﺩﺍﺋﯩﺮ ﺋﯩﺨﭽﺎﻡ ﺗﻪﻣﺴﯩﻠﮕﻪ ﺋﺎﻳﻠﯩﻨﯩﺪﯗ .

ﺷﯘ ﺗﺎﭘﺘﺎ ﻣﻪﻥ ﭘﻪﺭﯨﺸﺎﻥ ﻛﯜﺯﻧﯩﯔ ﻗﯘﭼﯩﻘﯩﺪﺍ ﺗﯘﺭﯗﭘﺘﯩﻤﻪﻥ . ﺑﯘﻧﺪﺍﻕ ﭼﺎﻏﻼﺭﺩﺍ ﺷﻪﻫﯩﺮﯨﻤﯩﺰﺩﻩ ﻛﯚﻳﺪﯛﺭﯛﻟﮕﻪﻥ ﻏﺎﺯﺍﯕﻼﺭﻧﯩﯔ ﺋﯩﺲ - ﺗﯜﺗﻪﻛﻠﯩﺮﻯ ﻫﺎﯞﺍﻧﻰ ﻗﺎﭘﻼﻳﺪﯗ . ﺑﺎﻫﺎﺭ ، ﻳﺎﺯ ﭘﻪﺳﯩﻠﻠﯩﺮﯨﺪﻩ ﻣﯘﻫﯩﺘﯩﻤﯩﺰﻏﺎ ﺯﯨﻨﻨﻪﺕ ﺑﻮﻟﻤﯩﺶ ﻳﺎﭘﺮﺍﻗﻼﺭ ﺳﺎﺭﻏﯩﻴﯩﭗ ﺗﯚﻛﯜﻟﮕﻪﻥ ﻫﺎﻣﺎﻥ "" ﺋﻪﺧﻠﻪﺕ "" ﻗﺎﺗﺎﺭﯨﻐﺎ ﺋﯚﺗﯜﭖ ﻗﺎﻟﯩﺪﯗ . ﺋﺎﺷﯘ ﺯﻩﭘﯩﺮﺍﻥ ﻏﺎﺯﺍﯕﻼﺭ ﻧﯧﻤﯩﺸﻘﯩﺪﯗﺭ ﻣﺎﯕﺎ ﺩﻩﯞﺭﯨﻤﯩﺰﺩﻩ ﭘﯧﻨﺴﯩﻴﯩﮕﻪ ﭼﯩﻘﻘﺎﻥ ﻛﺎﺩﯨﺮﻻﺭﺩﻩﻙ ﻛﯚﺭﯛﻧﯜﭖ ﻛﯧﺘﯩﺪﯗ . ﺷﯘﯕﺎ ﺳﯜﭘﯜﺭﯛﻟﯜﯞﺍﺗﻘﺎﻥ ﯞﻩ ﻛﯚﻳﺪﯛﺭﯛﻟﯜﯞﺍﺗﻘﺎﻥ ﻏﺎﺯﺍﯕﻼﺭﻧﻰ ﻛﯚﺭﺳﻪﻡ ﺑﻪﺭﺑﺎﺕ ﺑﻮﻟﻐﺎﻥ ﺋﻪﻗﯩﺪﯨﻠﻪﺭ ﺋﯜﭼﯜﻥ ﻧﺎﺩﺍﻣﻪﺕ ﭼﯧﻜﯩﻤﻪﻥ . ﭘﻪﺳﯩﻠﻠﻪﺭﺩﻩ ﻗﺎﻧﯘﻧﯩﻴﻪﺕ ﺑﺎﺭ ، ﻫﯧﺴﺴﯩﻴﺎﺕ ﻳﻮﻕ ، ﺳﯩﻴﺎﺳﻪﺗﺘﻪ ﺗﻪﺭﻏﯩﺒﺎﺕ ﺑﺎﺭ ، ﻳﯜﺯ - ﺧﺎﺗﯩﺮ ﻳﻮﻕ . ﺳﯩﻴﺎﺳﻪﺕ ﻗﯘﺭﺑﺎﻥ ﻗﯩﻠﯩﺶ ﺋﺎﺭﻗﯩﻠﯩﻖ ﻫﺎﻳﺎﺗﯩﻨﻰ ﺩﺍﯞﺍﻣﻼﺷﺘﯘﺭﺍﻻﻳﺪﯗ . ﺗﻪﺧﺘﻰ ﺋﺎﺩﺍﻟﻪﺕ ﺧﯘﺭﯗﭼﻠﯩﺮﯨﺪﯨﻦ ﭘﯜﺗﻤﯩﮕﻪﻥ ﺳﯩﻴﺎﺳﻪﺕ ﺑﻪﺋﻪﻳﻨﻰ ﺋﻪﻗﯩﻞ ﺧﺎﺭﺍﺑﯩﻠﯩﺮﯨﺪﻩ ﺋﯜﻧﮕﻪﻥ ﺋﻮﻏﺮﻯ ﺗﯩﻜﻪﻥ .

ﻏﺎﺯﺍﯕﻼﺭ ﺳﯜﭘﯜﺭﯛﻟﻤﻪﻛﺘﻪ . ﺳﯜﭘﯜﺭﯛﭖ ﺗﺎﺯﯨﻼﻧﻐﺎﻥ ﻛﻮﭼﯩﻼﺭﺩﺍ ﻗﯘﯞﯞﻩﺕ ﺩﻭﺭﯨﻠﯩﺮﯨﻨﻰ ﺗﻪﺷﯟﯨﻖ ﻗﯩﻠﯩﺪﯨﻐﺎﻥ ﺋﯧﻼﻥ ﯞﻩﺭﻩﻗﯩﻠﯩﺮﻯ ﺋﯘﭼﯘﭖ ﻳﯜﺭﻩﺗﺘﻰ . ﻗﺎﻳﺴﯩﺪﯗﺭ ﺑﯩﺮ ﺭﻭﻣﺎﻧﺘﯩﻚ ﻛﯩﻨﻮﺩﯨﻦ ﺋﺎﻟﺘﯘﻧﺪﻩﻙ ﻏﺎﺯﺍﯕﻐﺎ ﻛﯚﻣﯜﻟﮕﻪﻥ ﯞﯨﻨﺎ ﻛﻮﭼﯩﻠﯩﺮﯨﺪﺍ ﺳﻪﻳﻠﻪ ﻗﯩﻠﯩﭗ ﻛﯧﺘﯩﯟﺍﺗﻘﺎﻥ ﺑﯩﺮ ﺟﯜﭖ ﺋﺎﺷﯩﻖ - ﻣﻪﺷﯘﻗﻨﻰ ﻛﯚﺭﮔﻪﻧﯩﺪﯨﻢ . ﻣﯘﺯﺍﺭﺗﻨﯩﯔ ﻫﻪﻳﻜﯩﻠﻰ ﻛﯜﺯ ﻳﺎﭘﺮﺍﻗﻠﯩﺮﻯ ﺋﺎﺭﯨﺴﯩﺪﯨﻜﻰ ﻧﺎﺯﯗﻙ ﺗﯩﯟﯨﺸﻼﺭﻏﺎ ﻫﯘﺯﯗﺭ ﺑﯩﻠﻪﻥ ﻗﯘﻻﻕ ﺳﯧﻠﯩﯟﺍﺗﻘﺎﻧﺪﻩﻙ ﻗﯩﻼﺗﺘﻰ . ﻣﯘﺯﯨﻜﺎ ﻣﯘﯓ ﺋﺎﺭﯨﻼﺵ ﻛﯜﺯ ﻣﻪﻧﺰﯨﺮﯨﺴﯩﻨﯩﯔ ﮔﯜﺯﻩﻟﻠﯩﻜﯩﻨﻰ ﺗﯧﺨﯩﻤﯘ ﯞﺍﻳﯩﻐﺎ ﻳﻪﺗﻜﯜﺯﻩﺗﺘﻰ .

ﯞﺍﺩﻩﺭﯨﺦ ، ﺑﯩﺰﺩﻩ ﻛﯜﺯ ﺑﺎﺷﻘﯩﭽﻪ . . . ﻣﯧﻨﯩﯔ ﺋﯚﻳﯜﻡ ﺑﯩﺮﯨﻨﭽﻰ ﻗﻪﯞﻩﺗﺘﻪ ﺑﻮﻟﯘﭖ ، ﺋﯚﻳﯜﻣﻨﯩﯔ ﻛﻪﻳﻨﯩﺪﻩ ﺑﯩﺮﻗﺎﻧﭽﻪ ﺗﯜﭖ ﺗﺎﺵ ﺋﺎﻟﻤﺎ ﺩﻩﺭﯨﺨﻰ ﺑﺎﺭ . ﺑﺎﻫﺎﺭ ﺋﺎﻳﻠﯩﺮﯨﺪﺍ ﺋﯘﻧﯩﯔ ﭼﯧﭽﻪﻛﻠﯩﺮﯨﻨﻰ ﻛﯚﺭﮔﯩﻠﻰ ﺑﻮﻟﯩﺪﯗ . ﺑﯩﺮﺍﻕ ﺋﯘﻧﯩﯔ ﻣﯧﯟﯨﻠﯩﺮﻯ ﭼﯧﭽﯩﻜﯩﺪﯨﻦ ﺋﺎﻳﺮﯨﻠﯩﭗ ﻧﯘﻗﯘﺗﺘﻪﻙ ﺑﻮﻟﻐﺎﻧﺪﺍ ، ﺑﺎﺷﻼﻧﻐﯘﭺ ﻣﻪﻛﺘﻪﭖ ﺑﺎﻟﯩﻠﯩﺮﻯ ﺋﺎﻟﻤﺎ ﺷﺎﺧﻠﯩﺮﯨﻨﻰ ﻳﯩﺮﯨﭗ ﻳﯧﻴﯩﺸﻜﻪ ﺑﺎﺷﻼﻳﺪﯗ ، ﺷﯘﯕﺎ ﺋﯘ ﻣﯧﯟﯨﻠﻪﺭﻧﯩﯔ ﻛﯜﺯﺩﯨﻜﻰ ﻫﺎﻟﯩﺘﯩﻨﻰ ﺑﯩﻠﮕﯩﻠﻰ ﺑﻮﻟﻤﺎﻳﻼ ﻛﻪﻟﺪﻯ . ﺭﺍﺳﺘﯩﻨﻰ ﺋﯧﻴﺘﻘﺎﻧﺪﺍ ، ﺋﯘﻧﯩﯔ ﺗﺎﺵ ﺋﺎﻟﻤﺎ ﺋﯩﻜﻪﻧﻠﯩﻜﯩﻨﻰ ﻗﻮﺭﯗﺩﯨﻜﻰ ﭘﯧﺸﻘﻪﺩﻩﻣﻠﻪﺭﺩﯨﻦ ﺋﺎﯕﻼﭖ ﺟﻪﺯﻡ ﻗﯩﻠﻐﺎﻧﯩﺪﯨﻢ . ﺑﯩﺰﺩﯨﻜﻰ ﻣﺎﺋﺎﺭﯨﭗ ﺗﻪﺑﯩﺌﻪﺗﻨﯩﯔ ﮔﯜﺯﻩﻟﻠﯩﻜﯩﮕﻪ ﺷﻪﻳﺪﺍ ﺋﻪﯞﻻﺩﻻﺭﻧﻰ ﻗﺎﭼﺎﻥ ﺗﻪﺭﺑﯩﻴﯩﻠﻪﻳﺪﯨﻜﯩﻨﺘﺎﯓ . ﺑﯩﺰ ﻫﺎﺯﯨﺮﭼﻪ ﺑﯘ ﮔﻪﭘﻨﻰ ﻗﻮﻳﯘﭖ ﺗﯘﺭﺍﻳﻠﻰ . . . ﻗﺎﻧﺪﺍﻗﻼ ﺑﻮﻟﻤﯩﺴﯘﻥ ﺷﺎﺥ ﯞﻩ ﻳﻮﭘﯘﺭﻣﺎﻗﻠﯩﺮﻯ ﺷﺎﻻﯓ ﺋﺎﺷﯘ ﺑﯩﺮﻗﺎﻧﭽﻪ ﺗﯜﭖ ﺗﺎﺵ ﺋﺎﻟﻤﺎ ﺩﻩﺭﯨﺨﻰ ﺧﯩﻴﺎﻝ ﺳﯜﺭﮔﻪﻥ ﭼﺎﻏﻠﯩﺮﯨﻤﺪﺍ ﻗﺎﺭﺍﻳﺪﯨﻐﺎﻥ ﺋﻪﻣﻪﻛﻠﯩﺮﯨﻢ . ﺋﻪﭘﺴﯘﺳﻜﻰ ، ﺧﯩﻴﺎﻟﯩﻤﻐﺎ ﺑﻮﺷﻠﯘﻕ ﺋﺎﺗﺎ ﻗﯩﻠﻐﺎﻥ ﺋﺎﺷﯘ ﻛﯩﭽﯩﻜﻜﯩﻨﻪ ﻫﯘﺯﯗﺭﻯ ﺟﻪﻧﻨﻪﺕ ﻳﻪﻧﯩﻼ ﺩﻩﺧﻠﯩﺴﯩﺰ ﺋﻪﻣﻪﺱ . ﺋﻪﮔﻪﺭ ﻣﻪﻥ ﺑﺎﻟﻜﻮﻧﺪﺍ ﺗﯘﺭﯗﭖ ﻳﯩﺮﺍﻗﻘﺎ ﺋﻪﻣﻪﺱ ، ﺋﺎﻟﺪﯨﻤﻐﯩﻼ ﻗﺎﺭﺍﻳﺪﯨﻐﺎﻥ ﺑﻮﻟﺴﺎﻡ ، ﻗﻪﻏﻪﺯ ﭘﻮﺭﯗﭘﻜﯩﻼﺭ ، ﺳﯘﻟﻴﺎﯞ ( ﻳﺎﻟﺘﯩﺮﺍﻕ ) ﺧﺎﻟﺘﯩﻼﺭ ، ﺳﯧﺮﯨﻖ ﭼﯜﻣﯜﻟﻪ ﺋﻮﻻﺷﻘﺎﻥ ﺷﺎﭘﺎﻗﻼﺭ ﻛﯚﺭﯛﻧﯩﺪﯗ . ﺗﯧﺨﻰ ﻳﯧﻘﯩﻨﺪﯨﻼ ﺗﺎﯞﯗﺯ ﭼﺎﻏﯩﻨﻰ ﺑﻮﻟﯩﯟﯨﺪﻯ ، ﺋﺎﻳﺘﻮﻗﺎﭼﻨﯩﯔ ﻗﻪﻏﻪﺯ ﻗﯘﺗﯩﻠﯩﺮﻯ ﺗﺎﺷﻠﯩﻨﯩﭗ ، ﻳﯘﻗﯩﺮﯨﻘﯩﻼﺭﻏﺎ ﺗﯧﺨﯩﻤﯘ "" ﻫﯚﺳﻦ "" ﻗﻮﺷﺘﻰ . ﺋﯜﺳﺘﯩﺪﻩ ﺋﻮﻟﺘﯘﺭﯨﺪﯨﻐﺎﻥ ﺑﻪﺯﻯ ﻗﻮﺷﻨﯩﻼﺭﻧﯩﯔ ﯞﺍﻧﻨﯩﺴﻰ ﺑﺎﺭ ، ﺋﯘﻻﺭ ﻳﯘﻳﯘﻧﯘﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺷﯩﻼﻧﻜﯩﻠﯩﺮﯨﻨﻰ ﺑﺎﻟﻜﻮﻧﯘﻣﻨﯩﯔ ﺗﯜﯞﯨﮕﻪ ﺳﺎﯕﮕﯩﻠﯩﺘﯩﭗ ، ﻳﯘﻧﺪﯨﻠﯩﺮﯨﻨﻰ ﺑﯩﺮ ﺋﻪﭘﻠﯩﻚ ﻗﯘﻳﯩﯟﯦﺘﯩﺪﯗ . ﻳﺎﻟﻘﯘﻥ ﺭﻭﺯﻯ "" ﻛﺎﻣﺎﻟﺘﯜﺭﯛﻙ ﯞﻩ ﺋﯜﺭﯛﻣﭽﻰ "" ﺩﯦﮕﻪﻥ ﻣﺎﻗﺎﻟﯩﺴﯩﺪﻩ ( "" ﺷﯩﻨﺠﺎﯓ ﻣﻪﺩﻩﻧﯩﻴﯩﺘﻰ ""ﻧﯩﯔ 1998 - ﻳﯩﻞ 2 - ، 3 - ( ﻗﻮﺷﻤﺎ ) ﺳﺎﻧﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ ) ﺋﯚﻳﻨﻰ "" ﺋﺎﻟﯩﻲ ﺋﺎﭘﺘﻮﻧﻮﻣﯩﻴﻪ "" ﺩﯦﮕﻪﻧﯩﻜﻪﻥ . ﺑﯩﺮﺍﻕ ﻣﯧﻨﯩﯔ "" ﺋﺎﻟﯩﻲ ﺋﺎﭘﺘﻮﻧﻮﻣﯩﻴﻪﻡ "" ﺑﺎﻟﻜﻮﻧﺪﯨﻦ ﺳﯩﺮﺗﻘﺎ ﻗﺎﺭﯨﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﺋﺎﭘﺘﻮﻧﻮﻣﯩﻴﻪ ﺋﯩﺪﻯ ، ﭼﯜﻧﻜﻰ ﺳﯩﺮﺗﻘﺎ ﻗﺎﺭﯨﺴﺎﻣﻼ ﻳﯧﻘﯩﻤﺴﯩﺰ ﻛﯚﺭﯛﻧﯜﺵ ﯞﻩ ﺑﻪﺗﺒﯘﻱ ﭘﯘﺭﺍﻗﻼﺭ ﺗﯜﭘﻪﻳﻠﯩﺪﯨﻦ ﺋﯩﭽﯩﻢ ﺋﯧﻠﯩﺸﯩﺪﯗ . ﺋﺎﻣﺎﻝ ﻳﻮﻕ ، ﺩﯦﺮﯨﺰﯨﻠﻪﺭﻧﻰ ﻫﯩﻢ ﻳﺎﭘﯩﻤﻪﻥ - ﺩﻩ ، ﻳﯧﺰﯨﻖ ﺷﯩﺮﻩﻳﯩﻤﻨﯩﯔ ﺋﺎﻟﺪﯨﻐﺎ ﻛﯧﻠﯩﭗ ﻗﺎﻳﺴﯩﺪﯗﺭ ﺑﯩﺮ ﻛﯩﺘﺎﺑﻨﻰ ﻗﻮﻟﯘﻣﻐﺎ ﺋﺎﻟﯩﻤﻪﻥ . ﻛﺎﻟﻼﻣﺪﺍ ﻛﯩﺘﺎﺏ ﺑﯩﻠﻪﻥ ﺭﯦﺌﺎﻟﻠﯩﻖ ﺋﻮﺗﺘﯘﺭﯨﺴﯩﺪﯨﻜﻰ ﺯﯨﺖ ﺩﯗﻧﻴﺎ ﺗﯩﻜﻪﻧﻠﯩﻚ ﻗﺎﻧﺎﺗﻠﯩﺮﯨﻨﻰ ﺋﺎﺳﺘﺎ - ﺋﺎﺳﺘﺎ ﻳﯧﻴﯩﺸﻘﺎ ﺑﺎﺷﻼﻳﺪﯗ .

ﺋﯚﻳﻤﯘ ﺋﺎﺩﻩﻣﮕﻪ ﺋﻮﺧﺸﺎﭖ ﻛﯧﺘﯩﺪﯨﻐﺎﻥ ﻧﻪﺭﺳﻪ ، ﺋﯘ ﺋﯚﺯﯨﺪﯨﻦ ﺗﺎﺷﻘﯩﺮﻯ ﺩﯗﻧﻴﺎﻏﺎ ﺩﯦﺮﯨﺰﻩ ﺋﺎﺭﻗﯩﻠﯩﻖ ﻗﺎﺭﺍﻳﺪﯗ . ﺋﯘﻧﯩﯔ ﺋﺎﺩﻩﻣﻠﻪﺭﮔﻪ ﺋﻮﺧﺸﺎﺵ ﺗﯩﻨﯩﭗ ﻛﻪﺗﻜﻪﻥ ﻣﻪﯕﮕﯜﻟﯜﻙ ﺩﯗﻧﻴﺎﻟﯩﺮﻯ ﺑﻮﻟﯩﺪﯗ ، ﺋﯘﻧﯩﯔ ﺋﯩﭽﯩﺪﻩ ﺋﻮﻟﺘﯘﺭﯨﺪﯨﻐﺎﻥ ﺋﺎﺩﻩﻡ ﺑﻮﻟﺴﺎ ، ﺋﯚﻳﻨﯩﯔ ﺳﻮﻗﯘﭖ ﺗﯘﺭﯨﺪﯨﻐﺎﻥ ﻳﯜﺭﯨﻜﻰ . ﻣﯧﻨﯩﯔ ﺋﯚﻳﯜﻣﭽﯘ ؟ ﻣﯧﻨﯩﯔ ﺋﯚﻳﯜﻡ ﺟﻪﻣﯩﻴﻪﺕ ﯞﻩ ﺋﺎﺩﻩﻣﻠﻪﺭﮔﻪ ﻧﯩﺴﺒﻪﺗﻪﻥ ﺳﻮﯞﯗﭖ ﻛﻪﺗﻜﻪﻥ ﺑﯩﺮ ﻳﯜﺭﻩﻛﻨﯩﯔ ﺋﯩﮕﯩﺴﻰ ﺋﯩﺪﻯ .

ﻣﻪﻥ ﺋﯜﭼﯜﻥ ﺋﯚﻱ "" ﺋﺎﻟﯩﻲ ﺋﺎﭘﺘﻮﻧﻮﻣﯩﻴﻪ "" ﺋﻪﻣﻪﺱ ، ﺑﻪﻟﻜﻰ ﻏﯩﻼﺏ . ﻛﯩﺸﯩﻠﻪﺭ ﺑﯧﻠﯩﻜﻮﻓﻨﻰ ﺑﯧﻜﯩﻨﻤﯩﭽﻰ ، ﺷﯘﯕﺎ ﺋﯘ ﻏﯩﻼﺑﻨﯩﯔ ﺋﯩﭽﯩﮕﻪ ﻛﯩﺮﯨﯟﺍﻟﻐﺎﻥ ، ﺩﯦﻴﯩﺸﯩﺪﯗ . ﺑﯘﻧﺪﺍﻕ ﻛﯩﺸﯩﻠﻪﺭ "" ﻏﯩﻼﺏ ﺑﻪﻧﺪﯨﺴﻰ "" ﺩﯦﮕﻪﻥ ﻫﯧﻜﺎﻳﯩﺪﯨﻦ ﺑﺎﺷﻘﺎ ﻳﻪﻧﻪ ﭼﯧﺨﻮﻑ ﺩﻩﯞﺭﯨﺪﯨﻜﻰ ﺭﻭﺳﯩﻴﯩﻨﻰ ﺋﻮﻗﯘﭖ ﺑﺎﻗﺴﯘﻥ .

ﻣﻪﻥ ﺋﯚﻳﮕﻪ ﻛﯩﺮﺳﻪﻣﻼ ﺗﯘﺭﻣﯘﺷﻨﯩﯔ ﺑﯧﺴﯩﻤﻠﯩﺮﯨﻨﻰ ﯞﺍﻗﺘﯩﻨﭽﻪ ﺋﯘﻧﺘﯘﻏﺎﻧﺪﻩﻙ ﺑﻮﻟﯩﻤﻪﻥ . ﺋﯩﻜﻜﻰ ﻳﺎﺷﻠﯩﻖ ﺋﻮﻏﻠﯘﻣﻨﯩﯔ ﺳﻪﺑﯩﻲ ﻗﯩﻠﯩﻘﻠﯩﺮﻯ ﻗﺎﺭﺍﯕﻐﯘ ﺋﯚﻳﮕﻪ ﭼﯜﺷﻜﻪﻥ ﻧﯘﺭ ﺳﯩﺰﯨﻘﻠﯩﺮﯨﺪﻩﻙ ﻣﺎﯕﺎ ﻗﯘﻳﺎﺵ ﯞﻩ ﺗﻪﺑﯩﺌﻪﺗﻨﯩﯔ ﺋﯩﻠﻠﯩﻖ ﻣﯧﻬﺮﯨﻨﻰ ﻫﯧﺲ ﻗﯩﻠﺪﯗﺭﯨﺪﯗ . ﺑﯘ ﭼﺎﻏﺪﺍ ، ﻛﯚﺯ ﺋﺎﻟﺪﯨﻤﺪﺍ ﺗﺎﮔﻮﺭﻧﯩﯔ ﺷﯧﺌﯩﺮﯨﻲ ﺩﯗﻧﻴﺎﻟﯩﺮﻯ ﻳﯧﻴﯩﻠﯩﭗ ، ﻛﯧﭙﯩﻨﻪﻛﻠﻪﺭﻧﯩﯔ ﻗﺎﻧﺎﺗﻠﯩﺮﯨﻐﺎ ، ﺋﻮﺭﻣﯩﭽﯩﻼﺭﻧﯩﯔ ﺟﯘﺷﻘﯘﻥ ﻧﺎﺧﺸﯩﻠﯩﺮﯨﻐﺎ ، ﻛﻪﭘﺴﯩﺰ ﺑﺎﻟﯩﻼﺭ ﭘﯜﯞﻟﯩﮕﻪﻧﺪﯨﻜﻰ ﺳﻮﭘﯘﻥ ﻛﯚﭘﯜﻛﭽﯩﻠﯩﺮﯨﮕﻪ ﺳﯩﯖﯩﭗ ﻛﯧﺘﯩﻤﻪﻥ .

ﺷﻪﻫﻪﺭﺩﯨﻜﻰ ﻛﯜﺯ ﺑﯩﻠﻪﻥ ﺳﻪﻫﺮﺍﺩﯨﻜﻰ ﻛﯜﺯ ﺯﺍﺩﯨﻼ ﺋﻮﺧﺸﯩﻤﺎﻳﺪﯗ . ﺳﻪﻫﺮﺍﺩﺍ ﻛﯜﺯ ﺋﻪﻟﯟﻩﻙ ﻛﯧﻠﯩﺶ ﺑﯩﻠﻪﻥ ﺑﯩﺮﮔﻪ ﻣﻪﻧﻪ ﯞﻩ ﻫﯧﺴﺴﯩﻴﺎﺗﻘﺎ ﺑﺎﻱ ﺑﻮﻟﯩﺪﯗ . ﺋﯘ ، ﺯﻩﭘﯩﺮﺍﻥ ﭼﯩﺮﺍﻳﻰ ﺑﯩﻠﻪﻥ ﺋﯚﺯﯨﺪﯨﻜﻰ ﺋﯩﭽﻜﻰ ﺗﯩﻨﯩﻘﻼﺭﻧﻰ ﺗﯩﯖﺸﺎﯞﺍﺗﻘﺎﻧﺪﻩﻙ ﻛﯚﺭﯛﻧﯩﺪﯗ . ﺋﯘ ﯞﺍﻳﯩﻐﺎ ﻳﯧﺘﯩﭗ ﭘﯩﺸﻘﺎﻥ ﺭﻩﯕﮕﺎﺭﻩﯓ ﻣﯧﯟﯨﻠﯩﺮﻯ ﯞﻩ ﻫﻮﺳﯘﻟﻠﯩﺮﻯ ﺑﯩﻠﻪﻥ ﻛﯩﺸﯩﻠﻪﺭﮔﻪ ﺋﻪﯓ ﺳﻪﻣﯩﻤﯩﻲ ﯞﻩﺳﯩﻴﻪﺗﻠﯩﺮﯨﻨﻰ ﺋﯧﻴﺘﯩﯟﺍﺗﻘﺎﻧﺪﻩﻙ ﻛﯚﺭﯛﻧﯩﺪﯗ . ﺧﯘﺩﺩﻯ ﺑﻮﻳﯩﻐﺎ ﻳﻪﺗﻜﻪﻥ ﻗﯩﺰ ﺋﯩﭻ - ﺋﯩﭽﯩﺪﯨﻦ ﻛﯧﻠﯩﯟﺍﺗﻘﺎﻥ ﺗﻪﺑﯩﻲ ﭘﯘﺭﺍﻗﻠﯩﺮﻯ ﺑﯩﻠﻪﻥ ﻳﯩﮕﯩﺘﻠﯩﻚ ﻫﯧﺴﻠﯩﺮﯨﻤﯩﺰﻏﺎ ﻣﻪﺩﻩﺗﻜﺎﺭ ﺑﻮﻟﻐﺎﻧﺪﻩﻙ ، ﻛﯜﺯﻣﯘ ﺟﯩﻤﺠﯩﺖ ﺗﺎﺭﺗﯩﻨﭽﺎﻗﻠﯩﻘﻰ ﯞﻩ ﺧﯘﺵ ﭘﯘﺭﺍﻗﻠﯩﺮﻯ ﺑﯩﻠﻪﻥ ﺗﻪﯕﺮﻯ ﺋﺎﺗﺎ ﻗﯩﻠﻐﺎﻥ ﻫﺎﻳﺎﺗﻠﯩﻘﻨﯩﯔ ﻧﯘﺳﺮﯨﺘﯩﻨﻰ ﺗﻮﻧﯘﺗﯘﭖ ، ﺩﯨﻠﻼﺭﻧﻰ ﺳﯚﻳﯜﻧﺪﯛﺭﯨﺪﯗ . ﺧﯩﺴﻠﻪﺗﻠﯩﻚ ﯞﻩﻫﯩﻴﻠﻪﺭﻧﻰ ﭘﻪﻳﻐﻪﻣﺒﻪﺭﻟﻪﺭ ﺧﯘﺩﺍﺩﯨﻦ ﻗﻮﺑﯘﻝ ﻗﯩﻠﯩﺪﯗ ، ﺷﺎﺋﯩﺮ ﺗﻪﺑﯩﺌﻪﺗﺘﯩﻦ ﻗﻮﺑﯘﻝ ﻗﯩﻠﯩﺪﯗ ، ﺳﯩﻴﺎﺳﯩﻴﻮﻧﻼﺭ ﺟﻪﻣﯩﻴﻪﺗﺘﯩﻦ ﻗﻮﺑﯘﻝ ﻗﯩﻠﯩﺪﯗ ، ﺧﯘﺩﺍ ﺩﻩﻝ ﺋﺎﺷﯘ ﺗﻪﺑﯩﺌﻪﺕ ، ﺟﻪﻣﯩﻴﻪﺕ ﯞﻩﻫﯩﻴﻠﯩﺮﯨﻨﯩﯔ ﺑﯜﻳﯜﻙ ﺗﺎﻛﺎﻣﯘﻟﻰ .

ﺳﻪﻫﺮﺍﺩﯨﻜﻰ ﺋﺎﺷﯘ ﭼﯩﺮﺍﻳﯩﻖ ﻛﯜﺯ ﺑﺎﻟﯩﻠﯩﻘﯩﻤﻐﺎ ﻛﺎﺗﺘﺎ ﻣﻪﻧﯩﻠﻪﺭﻧﻰ ﻗﻮﺷﻘﺎﻧﯩﺪﻯ . ﺯﻩﯕﮕﻪﺭ ﺋﺎﺳﻤﺎﻥ ﺗﯧﺨﯩﻤﯘ ﺳﯜﺯﯛﻟﯜﭖ ، ﺋﺎﺩﻩﺗﺘﯩﻜﯩﺪﯨﻦ ﺋﯧﮕﯩﺰﻟﯩﺸﯩﭗ ﻛﯧﺘﻪﺗﺘﻰ . ﺳﻪﻫﺮﺍﺩﯨﻜﻰ ﻛﯜﺯ ﺋﺎﺳﻤﯩﻨﯩﻐﺎ ﻗﺎﺭﯨﺴﺎﯓ ، ﻟﯘﻏﻪﺗﻠﻪﺭﺩﯨﻜﻰ "" ﺋﻪﻫﻪﺩ "" ، "" ﻳﯜﻛﺴﻪﻙ "" ﺩﯦﮕﻪﻥ ﺋﯩﺒﺎﺭﯨﻠﻪﺭﻧﯩﯔ ﻣﻪﻧﯩﺴﯩﻨﻰ ﺟﺎﻻﻟﯩﺪﯨﻦ ﺭﯗﻣﻰ ﻛﻪﺑﯩﻲ ﺳﯩﺮﻟﯩﻖ ﺭﻩﯞﯨﺸﺘﻪ ﻣﯘﺗﺎﻟﯩﺌﻪ ﻗﯩﻼﻻﻳﺴﻪﻥ .

ﺋﯩﺴﺴﯩﻖ ﺋﯩﻘﻠﯩﻤﻼﺭﻏﺎ ﻛﯚﭼﯜﯞﺍﺗﻘﺎﻥ ﺗﯘﺭﻧﯩﻼﺭ ﺳﯧﭙﻰ ﺳﯧﻨﯩﯔ ﻧﻪﺯﻩﺭﯨﯖﻨﻰ ﺋﻪﮔﻪﺷﺘﯜﺭﯛﭖ ، ﻳﯩﺮﺍﻕ - ﻳﯩﺮﺍﻗﻼﺭﻏﺎ ﺋﯧﻠﯩﭗ ﻛﯧﺘﯩﺪﯗ ، ﺋﺎﺳﻤﺎﻧﻨﯩﯔ ﻛﻪﻳﻨﯩﺪﻩ ﻳﻪﻧﻪ ﺑﯩﺮ ﺋﺎﺳﻤﺎﻧﻨﯩﯔ ﺑﺎﺭﻟﯩﻘﯩﻨﻰ ﺷﯘ ﭼﺎﻏﺪﺍ ﻏﯘﯞﺍ ﻛﯚﺭﯛﭖ ﻗﺎﻟﯩﺴﻪﻥ . ﮔﻪﺭﭼﻪ ﺳﯧﻨﻰ ﺗﺎﻏﻼﺭ ﯞﻩ ﺋﻮﺭﻣﺎﻧﻼﺭ ، ﻛﯚﺯﯛﯓ ﺗﯧﻠﯩﭗ ﺋﺎﺭﺍﻥ ﻳﯧﺘﯩﺪﯨﻐﺎﻥ ﺋﯘﭘﯘﻕ ﺳﯩﺰﯨﻘﻠﯩﺮﻯ ﺋﻮﺭﺍﭖ ﺗﯘﺭﻏﺎﻥ ﺑﻮﻟﺴﯩﻤﯘ ، ﺋﻪﻧﻪ ﺷﯘﻧﺪﺍﻕ ﺩﻩﻗﯩﻘﯩﻠﻪﺭﺩﻩ ﺩﯗﻧﻴﺎﻧﯩﯔ ﺋﯩﻨﺘﺎﻳﯩﻦ ﻛﻪﯕﻠﯩﻜﯩﻨﻰ ﺳﯧﺰﯨﺴﻪﻥ - ﺩﻩ ، ﻗﻪﻟﺒﯩﯔ ﺋﺎﺭﻣﺎﻧﻼﺭﻏﺎ ﻟﯩﻖ ﺗﻮﻟﯩﺪﯗ . ﺟﻪﺳﯘﺭ ﺋﺎﺗﻠﯩﺮﻯ ﺑﯩﻠﻪﻥ ﺗﺎﻍ - ﺩﺍﯞﺍﻧﻼﺭ ﺋﯧﺸﯩﭗ ﺋﻮﻟﯘﺳﻼﺭﻧﻰ ﺗﯘﺗﺎﺷﺘﯘﺭﻏﺎﻥ ، ﻗﻮﯞﻣﻠﯩﺮﯨﻤﯩﺰﻏﺎ ﺋﯩﻨﺎﻗﻠﯩﻖ ﯞﻩ ﻗﯘﯞﯞﻩﺕ ﺭﯨﺸﺘﯩﻠﯩﺮﯨﻨﻰ ﭼﺎﺗﻘﺎﻥ ﺋﻮﻏﯘﺯﺧﺎﻥ ، ﺳﻪﺋﯩﺪﺧﺎﻥ ، ﺑﺎﺑﯘﺭﺧﺎﻥ ﻛﻪﺑﯩﻲ ﺋﺎﺗﯩﻼﺭ ﻗﯩﺴﺴﻪ ﯞﻩ ﺗﻪﺯﻛﯩﺮﯨﻠﻪﺭﻧﯩﯔ ﺋﺎﺭﺍﭼﻠﯩﺮﯨﺪﯨﻦ ﭼﯩﻘﯩﭗ ﺳﻪﻥ ﺗﻪﺭﻩﭘﻜﻪ ﻛﯧﻠﯩﯟﺍﺗﻘﺎﻧﺪﻩﻙ ﺗﯘﻳﯘﻟﯩﺪﯗ .

ﺑﯩﺮﺍﻕ ، ﺗﯘﺭﻧﯩﻼﺭ ﻛﯧﺘﯩﭗ ﻗﺎﻟﻐﺎﻧﺪﯨﻦ ﻛﯧﻴﯩﻦ ﺗﻮﻟﯩﻤﯘ ﻛﯩﭽﯩﻚ ﺑﯩﺮ ﻣﯘﻫﯩﺘﺘﯩﻜﻰ ﻧﺎﺗﯩﯟﺍﻥ ﻫﺎﻟﯩﺘﯩﯔ ﺋﻪﺳﻠﯩﮕﻪ ﻗﺎﻳﺘﯩﭗ ، ﺗﻪﺳﯟﯨﺮﻟﻪﭖ ﺑﻮﻟﻐﯘﺳﯩﺰ ﻣﻪﻳﯜﺳﻠﯜﻙ ﻳﯜﺭﯨﻜﯩﯖﻨﻰ ﻗﯩﺴﯩﺸﻘﺎ ﺑﺎﺷﻼﻳﺪﯗ .

"" ﻗﯩﺰﯨﻞ ﻗﯩﻴﺎ "" ﺭﻭﻣﺎﻧﯩﺪﺍ ﺗﻪﺳﯟﯨﺮﻟﻪﻧﮕﻪﻥ ﻣﻪﻫﺒﯘﺱ ﻟﻴﯘﺳﯩﻴﺎﯓ ﺟﺎﺯﺍ ﻻﮔﯧﺮﯨﺪﺍ ﺷﺎﻣﺎﻟﺪﺍﺷﻘﺎ ﭼﯩﻘﻘﺎﻧﺪﺍ ، ﺗﯜﺭﻣﯩﻨﯩﯔ ﺳﯜﺭﻟﯜﻙ ﺳﻪﻳﻨﺎﺳﯩﺪﺍ ﭼﯘﺭﯗﻟﺪﺍﺷﻘﺎﻥ ﻗﯘﺷﻘﺎﭼﻼﺭﻧﯩﯔ ﺗﯩﻜﻪﻧﻠﯩﻚ ﺳﯩﻤﻼﺭ ﺗﺎﺭﺗﯩﻠﻐﺎﻥ ﺗﺎﻣﻨﯩﯔ ﺋﯘ ﺗﻪﺭﯨﭙﯩﺪﯨﻜﻰ ﺋﻪﺭﻛﯩﻦ ﺩﯗﻧﻴﺎﻏﺎ ﺋﯘﭼﯘﭖ ﻛﯧﺘﯩﺸﻜﻪﻧﻠﯩﻜﯩﻨﻰ ﻫﻪﺳﺮﻩﺕ ﺑﯩﻠﻪﻥ ﺗﺎﻣﺎﺷﺎ ﻗﯩﻠﯩﺪﯗ - ﺩﻩ ، ﻗﻪﻟﺒﯩﺪﯨﻜﻰ ﺑﺎﻫﺎﺭ ﺗﻪﻟﭙﯜﻧﯜﺷﻠﯩﺮﯨﻨﻰ ﺑﺎﺳﺎﻟﻤﺎﻳﻼ ﻗﺎﻟﯩﺪﯗ . ﻣﻪﻫﺒﯘﺳﻠﯘﻗﺘﺎ ﺗﯘﻏﯘﻟﻐﺎﻥ ، ﻣﻪﻫﺒﯘﺳﻠﯘﻗﻨﯩﯔ ﻧﯧﻤﻪ ﺋﯩﻜﻪﻧﻠﯩﻜﯩﻨﻰ ﺑﯩﻠﻤﻪﻱ ﺗﯘﺭﯗﭖ ﻫﻪﭘﺴﯩﮕﻪ ﺗﯘﺗﯘﻟﻐﺎﻥ ﻟﻮﺑﯘ ﺑﺎﺵ ﺑﺎﻻ ﺗﯜﺭﻣﻪ ﻗﻮﺭﯗﺳﯩﻐﺎ ﺋﯧﺰﯨﭗ - ﺗﯧﺰﯨﭗ ﻛﯩﺮﯨﭗ ﻗﺎﻟﻐﺎﻥ ﻛﯧﭙﯩﻨﻪﻛﻨﻰ ﻗﻮﻏﻠﯩﺴﺎ ، ﺑﺎﺷﻘﺎ ﻣﻪﻫﺒﯘﺳﻼﺭ ﭘﻪﻧﺠﯩﺮﯨﺪﯨﻦ ﺗﯩﻜﯩﻠﯩﭗ ﺗﺎﻣﺎﺷﺎ ﻗﯩﻠﯩﺸﯩﺪﯗ . ﺷﯘﻧﺪﺍﻕ ، ﺋﯩﻨﺴﺎﻥ ﻫﺎﻳﺎﺗﻼ ﺑﻮﻟﯩﺪﯨﻜﻪﻥ ، ﺋﯘ ﺋﯚﺯﻯ ﺗﯘﺭﻏﺎﻥ ﻣﻪﻫﻜﯘﻣﻠﯘﻗﻨﯩﯔ ﻗﺎﻧﭽﯩﻠﯩﻚ ﯞﻩﻫﺸﯩﻲ ﺑﻮﻟﯘﺷﯩﺪﯨﻦ ﻗﻪﺗﯩﻴﻨﻪﺯﻩﺭ ، ﺋﺎﺩﺩﯨﻲ ، ﻣﻪﻧﯩﯟﻯ ﺟﻪﻧﻨﯩﺘﯩﻨﻰ ﻗﯘﺭﯗﭖ ﭼﯩﻘﯩﺸﻘﺎ ﻗﺎﺩﯨﺮ ﺑﻮﻻﻻﻳﺪﯗ .

ﺗﺎﺭﻏﯩﻨﺎ ﻳﺎﺗﺎﻕ ﺋﯚﻳﯜﻡ ﻣﻪﻥ ﻫﻪﻡ ﺋﺎﻳﺎﻟﯩﻢ ﺋﯜﭼﯜﻥ ﺋﯧﻴﺘﻘﺎﻧﺪﺍ ﻳﺎﺗﺎﻗﻼ ﺑﻮﻟﯘﭖ ﻗﺎﻟﻤﺎﻱ ، ﻳﻪﻧﻪ ﻛﯘﺗﯘﭘﺨﺎﻧﺎ . ﺑﻪﺯﯨﺪﻩ ﭼﯧﭽﯩﻠﯩﭗ ﻳﺎﺗﻘﺎﻥ ﻛﯩﺘﺎﺑﻼﺭﻧﻰ ﻛﯚﺭﯛﭖ ﺋﺎﻳﺎﻟﯩﻤﻤﯘ ﭼﯧﭽﯩﻠﯩﭗ ﻗﺎﻟﯩﺪﯗ ، ﺋﻪﻣﻤﺎ ﺋﯘ ﺋﯚﺯ ﻧﯚﯞﯨﺘﯩﺪﻩ ﺋﺎﺷﯘ ﻛﯩﺘﺎﺑﻼﺭﻧﻰ ﺭﻩﺗﻠﻪﻳﺪﯨﻐﺎﻥ ، ﺗﻮﭘﺎ ﺑﯧﺴﯩﭗ ﻛﻪﺗﺴﻪ ﺳﯜﺭﺗﯩﺪﯨﻐﺎﻥ ﭼﯩﻦ ﭘﻪﺭﯞﯨﺸﻜﺎﺭ . ﺷﯘ ﺗﺎﭘﺘﺎ ﺋﺎﻟﺪﯨﻤﺪﯨﻜﻰ ﺋﯜﺳﺘﻪﻝ ﺳﺎﺋﯩﺘﻰ ﺑﯩﺮ ﺧﯩﻞ ﺭﯨﺘﯩﻤﺪﺍ ﭼﯩﻜﯩﻠﺪﺍﭖ ﻣﺎﯕﻤﺎﻗﺘﺎ . ﺋﯘﻧﯩﯔ ﺩﻩﻗﯩﻘﯩﻠﻪﺭﻧﻰ ﻛﯚﺭﺳﯩﺘﯩﺪﯨﻐﺎﻥ ﺋﯩﺴﺘﺮﯦﻠﻜﯩﺴﻰ ﭘﯜﺗﻜﯜﻝ ﺳﺎﺋﻪﺕ ﻳﯜﺯﯨﻨﻰ ﺑﯩﺮ ﺋﺎﻳﻠﯩﻨﯩﭗ ﭼﯩﻘﻘﯘﭼﻪ ﻗﺎﺭﺍﭖ ﺑﺎﻗﺘﯩﻢ ، ﮔﻮﻳﺎ ﻳﯜﺭﯨﻜﯩﻤﻨﻰ ﺋﺎﺷﯘ ﺋﯩﺴﺘﺮﯦﻠﻜﯩﻨﯩﯔ ﺋﯘﭼﯩﻐﺎ ﻗﺎﺩﺍﭖ ﻗﻮﻳﯘﭖ ﺑﻪﺭﺩﯨﻢ . ﻳﯜﺭﯨﻜﯩﻢ ﭼﻪﻛﺴﯩﺰ ﯞﺍﻗﯩﺖ ﺩﯦﯖﯩﺰﯨﻐﺎ ﻏﻪﺭﻕ ﺑﻮﻟﯘﭖ ﻛﻪﺗﺘﻰ . ﺑﯘ ﺩﯦﯖﯩﺰ ﻣﺎﯕﺎ ﺳﯩﻴﺎﺳﻪﺕ ، ﺗﯜﺯﯛﻡ ، ﻣﯩﻠﻠﻪﺕ ، ﺋﯩﺮﻗﺘﯩﻦ ﻫﺎﻟﻘﯩﻐﺎﻥ ﺑﯩﺮ ﺋﻮﻣﯘﻣﯩﻴﻠﯩﻘﻨﻰ ﻫﻪﺩﯨﻴﻪ ﻗﯩﻼﺗﺘﻰ . ﺑﯘ ﺋﻮﻣﯘﻣﯩﻴﻠﯩﻘﺘﺎ ﺳﺎﺋﻪﺗﻠﻪﺭ ﺩﯗﻧﻴﺎﻧﯩﯔ ﻛﯚﺭﯛﻧﻤﻪﺱ ﻫﯜﺟﻪﻳﺮﯨﺴﯩﮕﻪ ﺋﺎﻳﻠﯩﻨﯩﭗ ﻛﻪﺗﺘﻰ . ﻣﻪﻥ ﺋﯩﻜﻜﯩﮕﻪ ﺑﯚﻟﯜﻧﺪﯛﻡ . ﻣﻪﻧﯩﯟﻯ ﺋﯚﺯﯛﻡ ﺧﯘﺩﺍﻧﯩﯔ ﻫﯩﻤﺎﺗﻰ ﺋﺎﺳﺘﯩﺪﯨﻜﻰ 18 ﻣﯩﯔ ﺋﺎﻟﻪﻣﮕﻪ ﻗﺎﭘﻼﻧﺪﻯ ، ﺟﯩﺴﻤﺎﻧﯩﻲ ﺋﯚﺯﯛﻡ ﻳﯧﺰﯨﻖ ﺷﯩﺮﻩﺳﯩﻨﯩﯔ ﺋﺎﻟﺪﯨﺪﺍ ﺗﯜﮔﯜﻟﯜﭖ ﺋﻮﻟﺘﯘﺭﺍﺗﺘﻰ . ﻣﻪﻧﯩﯟﻯ ﺋﯚﺯﯛﻡ ﺑﯩﻠﻪﻥ ﺟﯩﺴﻤﺎﻧﯩﻲ ﺋﯚﺯﯛﻣﻨﯩﯔ ﺑﯩﺮﻟﯩﺸﯩﭗ ﻗﺎﻟﯩﺪﯨﻐﺎﻥ ﭼﺎﻏﻠﯩﺮﻯ ﺑﻪﻛﻤﯘ ﺋﺎﺯ ﺋﯩﺪﻯ . ﻣﻪﻥ ﻣﯘﺷﯘ ﺋﯚﻳﺪﻩ ﺋﻮﻟﺘﯘﺭﯗﭖ ﭘﯘﺷﻜﯩﻨﻨﯩﯔ ﺩﯦﯖﯩﺰ ﯞﻩ ﺋﻪﺭﻛﯩﻨﻠﯩﻚ ﻫﻪﻗﻘﯩﺪﯨﻜﻰ ﺷﯧﺌﯩﺮﻟﯩﺮﯨﻨﻰ ﺋﻮﻗﯘﻏﺎﻧﻤﻪﻥ ، ﻧﺎﯞﺍﺋﯩﻴﻨﯩﯔ ﻣﯘﻫﻪﺑﺒﻪﺕ ﺷﺎﻣﺎﻟﻠﯩﺮﯨﻨﻰ ﭘﯘﺭﯨﻐﺎﻧﻤﻪﻥ ، ﭘﻪﺭﯨﺪﯨﺪﯨﻦ ﺋﻪﺗﺘﺎﺭﯨﻨﯩﯔ ﻛﺎﻣﺎﻟﻪﺕ ﺋﯩﺰﺩﯨﮕﻪﻥ ﻗﯘﺷﻠﯩﺮﯨﻨﻰ ﺗﻪﻗﻠﯩﺪﯨﻲ ﺳﯩﺰﯨﭗ ﭼﯩﻘﻘﺎﻧﻤﻪﻥ . ﻗﺎﺭﯨﺴﺎﻡ ، ﻗﯘﺵ ﻫﻪﻗﻘﯩﺪﻩ ﺷﯧﺌﯩﺮ ﻳﺎﺯﻣﯩﻐﺎﻥ ﺷﺎﺋﯩﺮ ﻳﻮﻗﺘﻪﻙ ﺗﯘﺭﯨﺪﯗ ، ﻣﯧﻨﯩﯔ ﺷﯧﺌﯩﺮﯨﻤﺪﯨﻤﯘ "" ﻗﯘﺵ "" ﺩﯦﮕﻪﻥ ﺳﯚﺯ ﻛﯚﭖ ﺋﯘﭼﺮﺍﻳﺪﯗ .

ﻳﻪﻧﯩﻼ ﺋﯩﻘﻠﯩﻤﻼﺭ ﻛﯧﺰﯨﭗ ﺑﺎﻫﺎﺭ ﺋﯩﺰﺩﯨﮕﻪﻥ ﻗﯘﺷﻼﺭ ﺋﯧﺴﯩﻤﮕﻪ ﻛﻪﻟﺪﻯ . ﻗﯘﺷﻼﺭﻧﯩﯖﻤﯘ ﺳﯩﻨﯩﭙﯩﻲ ﻛﯜﺭﻩﺷﻜﻪ ﺗﺎﺭﺗﯩﻠﯩﺸﯩﺪﻩﻙ ﻏﻪﻟﯩﺘﻪ ﺗﺎﺭﯨﺨﻰ ﺗﯧﺨﻰ ﻳﯧﻘﯩﻨﺪﯨﻼ ﺑﻮﻟﺪﻯ . ﺋﻪﻣﻤﺎ ﻗﯘﺵ ﺑﻪﺭﯨﺒﯩﺮ ﻗﯘﺵ ﺑﻮﻟﻐﺎﭼﻘﺎ ، ﺋﯩﻨﺴﺎﻧﯩﻴﻪﺕ ﺗﺎﯕﻐﺎﻥ ﺗﯜﺯﯛﻣﻨﻰ ﺋﯧﺘﯩﺮﺍﭖ ﻗﯩﻠﯩﺸﻤﯩﺪﻯ . ﺋﯘﻻﺭ ﭘﻪﺳﯩﻞ ﺋﺎﺗﻼﭖ ﺋﯘﭼﯘﯞﯦﺮﯨﺸﺘﻰ .

ﺟﯩﺒﺮﺍﻥ ﺧﻪﻟﯩﻞ ﺟﯩﺒﺮﺍﻥ ﺋﯧﻴﺘﻘﺎﻧﺪﻩﻙ ، ﻗﯘﺷﻼﺭ ﺋﯩﻨﺴﺎﻧﻼ ﻣﯘﻳﻪﺳﺴﻪﺭ ﺑﻮﻻﻟﻤﯩﻐﺎﻥ ﺑﻪﺧﺘﺘﯩﻦ ﺑﻪﻫﺮﯨﻤﻪﻥ ﺑﻮﻻﻻﻳﺪﯗ . ﺋﯘﻻﺭﺩﺍ ﭘﺎﺳﭙﻮﺭﺕ ﺩﯦﮕﻪﻥ ﻧﻪﺭﺳﻪ ﺑﻮﻟﻤﺎﻳﺪﯗ ، ﺋﯘﻻﺭﺩﺍ ﭘﺎﺳﭙﻮﺭﺕ ﺋﯜﭼﯜﻧﻼ ﻳﻮﻝ ﻣﺎﯕﯩﺪﯨﻐﺎﻥ ﻳﺎﻛﻰ ﭘﺎﺭﺍ ﺑﯧﺮﯨﺪﯨﻐﺎﻥ ﺋﯩﺸﻼﺭ ﺑﻮﻟﻤﺎﻳﺪﯗ . ﺋﯘﻻﺭﺩﺍ ﺋﯩﻨﺴﺎﻧﻼﺭﻏﺎ ﺋﻮﺧﺸﺎﺵ ﺋﯚﺯﻯ ﻗﺎﻧﯘﻥ ﺗﯜﺯﯛﭖ ﺋﯚﺯﻯ ﺧﯩﻼﭘﻠﯩﻖ ﻗﯩﻠﯩﺪﯨﻐﺎﻥ ، ﺋﯚﺯﻯ ﭘﺎﺳﯩﻞ ﺑﻪﻟﮕﯩﻠﻪﭖ ﺋﯚﺯﻯ ﺳﯩﻘﯩﻠﯩﺪﯨﻐﺎﻥ ﺋﺎﺩﻩﺕ ﻳﻮﻕ . ﺋﯘﻻﺭﺩﺍ ﺗﻪﯕﺮﻯ ﺑﻪﻟﮕﯩﻠﻪﭖ ﺑﻪﺭﮔﻪﻥ ﺑﯩﺮﻻ ﻗﺎﻧﯘﻥ ﺑﺎﺭ .

2

ﻣﻪﻥ ﺳﯩﺰﮔﻪ ﻣﯜﺟﯩﻤﻪﻝ ﻛﻪﻳﭙﯩﻴﺎﺗﺘﺎ ﺩﻩﭖ ﺑﯧﺮﯨﯟﺍﺗﻘﺎﻥ ﺋﺎﺷﯘ ﺗﺎﺭﻏﯩﻨﺎ ﺋﯚﻳﻨﻰ ﻣﻪﻧﯩﻠﻪﺭ ﺑﯘﺭﺟﻠﯩﺮﯨﻨﻰ ﻛﯚﺭﺳﯩﺘﯩﺪﯨﻐﺎﻥ ﺭﻩﺳﻪﺗﺨﺎﻧﺎﻡ ﺩﯦﺴﻪﻣﻤﯘ ﺑﻮﻟﯩﺪﯗ . ﭘﯩﻜﯩﺮ ﻳﯘﻟﺘﯘﺯﻟﯩﺮﯨﻢ ﻛﯚﭖ ﻫﺎﻟﻼﺭﺩﺍ ﻏﻪﻡ ﺗﯘﻣﺎﻧﻠﯩﺮﻯ ﺗﯜﭘﻪﻳﻠﯩﺪﯨﻦ ﺧﯩﺮﻩﻟﯩﺸﯩﭗ ﻗﺎﻟﯩﺪﯗ ، ﻫﻪﺗﺘﺎ ﺑﻪﺯﯨﺪﻩ ﭼﻮﺭﺕ ﻛﯚﺭﯛﻧﻤﻪﻳﻼ ﻗﺎﻟﯩﺪﯗ . ﺋﯚﻱ ﺳﯧﺘﯩﯟﯦﻠﯩﺶ ﯞﻩ ﻗﻪﺭﺯ ﻗﺎﻳﺘﯘﺭﯗﺵ ﻏﻮﯞﻏﺎﻟﯩﺮﻯ ﺋﻮﻳﻠﯩﻨﯩﺶ ﺋﯜﭼﯜﻥ ﻗﯘﺭﯗﭖ ﭼﯩﻘﻘﺎﻥ ﺧﯘﺳﯘﺳﯩﻲ ﻗﻮﺭﻏﯩﻨﯩﻤﻨﻰ ﭘﺎﺕ - ﭘﺎﺕ ﺋﯩﮕﯩﻠﯩﯟﺍﻟﯩﺪﯗ . ﺑﺎﺷﻘﯩﻼﺭﻏﺎ ﺋﯩﺰﺍﻫﻼﭖ ﺑﻪﺭﮔﯜﺳﯩﺰ ﺗﻪﯕﻘﯩﺴﻠﯩﻖ ﻟﯧﯟﯨﻤﻨﻰ ﭼﯩﺸﻠﻪﭖ ﺗﯘﺭﯗﭖ ﺳﯧﺘﯩﯟﺍﻟﻐﺎﻥ ﻛﯩﺘﺎﺑﻠﯩﺮﯨﻤﻨﯩﯔ ﺗﺎﺷﻠﯩﻨﯩﭗ ﻗﯧﻠﯩﺸﯩﻐﺎ ﺳﻪﯞﻩﺑﭽﻰ ﺑﻮﻟﺪﻯ .

ﺩﯦﺌﯧﻞ ﻛﺎﺭﻧﯩﮓ ، ﻧﺎﻣﺮﺍﺗﻠﯩﻘﺘﯩﻦ ﻣﯘﺯﯨﻜﺎ ﭼﯩﻘﯩﺪﯗ ، ﺩﯦﮕﻪﻧﯩﻜﻪﻥ . ﻣﯘﺯﺍﺭﺕ ﻧﺎﻣﺮﺍﺗﻠﯩﻘﻰ ﺗﯜﭘﻪﻳﻠﻰ ﺋﯩﻨﺴﺎﻧﯩﻴﻪﺗﻨﯩﯔ ﭼﻪﺗﻜﻪ ﻗﯧﻘﯩﻠﻐﺎﻥ ﯞﯨﺠﺪﺍﻧﯩﻨﻰ ﻛﯚﺭﻩﻟﯩﮕﻪﻧﯩﻜﻪﻥ . ﻣﯧﻨﯩﯖﭽﻪ ، ﻧﺎﻣﺮﺍﺗﻠﯩﻖ ﺋﯩﺠﺘﯩﻤﺎﺋﯩﻲ ﺗﯘﺭﻣﯘﺷﻨﯩﯔ ﺳﻪﯞﺭﻯ ﭼﯧﻜﯩﺪﯨﻦ ﺑﻪﻙ ﺋﯧﺸﯩﭗ ﻛﻪﺗﺴﻪ ، ﻧﺎﻣﺮﺍﺗﻠﯩﻘﺘﯩﻦ ﻣﯘﺯﯨﻜﺎ ﺋﻪﻣﻪﺱ ، ﺑﻪﻟﻜﻰ ﻳﯚﺗﻪﻝ ﺋﺎﯞﺍﺯﻯ ﭼﯩﻘﯩﺪﯗ .

ﺗﺎﺷﻘﻰ ﺩﯗﻧﻴﺎﻏﺎ ﻗﺎﺭﯨﺘﺎ ﻫﻪﯞﯨﺴﻰ ﯞﻩ ﻗﯩﺰﻏﯩﻨﻠﯩﻘﻰ ﺋﯘﺭﻏﯘﭖ ﺗﯘﺭﻏﺎﻥ ﻳﺎﺷﻼﺭ ﺋﯚﻳﯩﮕﻪ ﺑﻪﻧﺖ ﺑﻮﻟﯘﭖ ﺗﯘﺭﯗﺷﻨﻰ ﺧﺎﻟﯩﻤﺎﻳﺪﯗ . ﺋﯘﻻﺭﺩﺍ ﻛﻮﻟﻮﻣﺒﻮﺩﯨﻜﻰ ﺗﻪﯞﻩﻛﻜﯜﻟﭽﯩﻠﯩﻚ ﻗﯘﺗﺮﺍﭖ ﺗﯘﺭﯨﺪﯗ . ﺋﯘﻻﺭ ﻣﺎﯕﺴﺎﻡ ، ﭼﺎﭘﺴﺎﻡ ، ﺋﯘﭼﺴﺎﻡ ، ﻳﯧﯖﻰ ﻗﯘﺭﯗﻗﻠﯘﻗﻼﺭﻧﻰ ﺗﺎﭘﺴﺎﻡ ، ﺩﻩﻳﺪﯗ . ﻧﻮﻗﯘﻝ ﺑﯩﺮ ﺋﻮﺭﯗﻧﻐﺎ ﺑﺎﻏﻠﯩﻨﯩﭗ ﻗﯧﻠﯩﺶ ﺋﯘﻻﺭﻧﯩﯔ ﺭﻭﻫﯩﻲ ﺩﯗﻧﻴﺎﺳﯩﻐﺎ ﺳﺎﻗﺎﻳﻤﺎﺱ ﺟﺎﺭﺍﻫﻪﺕ ﺋﯧﻠﯩﭗ ﻛﯧﻠﯩﺪﯗ . ﺋﯘﻻﺭ ﺟﯘﺷﻘﯘﻥ ﻫﯧﺴﺴﯩﻴﺎﺗﻨﻰ ﺧﯩﻠﻤﯘﺧﯩﻞ ﺩﯗﻧﻴﺎﻏﺎ ﺳﯩﻤﻤﯧﺘﯩﺮﯨﻚ ﻫﺎﻟﺪﺍ ﻗﻮﻳﯘﭖ ﺑﯧﺮﯨﺸﻨﻰ ﻳﺎﺧﺸﻰ ﻛﯚﺭﯨﺪﯗ . ﺩﯦﻤﻪﻙ ، ﻣﻪﻧﻤﯘ ﺋﺎﺷﯘﻧﺪﺍﻕ ﻳﺎﺷﻼﺭﻧﯩﯔ ﺑﯩﺮﻯ . ﻟﯧﻜﯩﻦ ﻣﻪﻥ ﺗﻮﻟﯩﻤﯘ ﺧﯩﻴﺎﻟﭽﺎﻥ . ﺑﯩﺮ ﺗﻪﺭﻩﭘﺘﯩﻜﻰ ﺗﺎﻣﻐﺎ ﺩﯗﻧﻴﺎ ﺧﻪﺭﯨﺘﯩﺴﻰ ﭼﺎﭘﻼﻧﻐﺎﻥ ، ﺑﯩﺮ ﺗﻪﺭﻩﭘﺘﯩﻜﻰ ﺗﺎﻣﻐﺎ ﻛﯩﺘﺎﺏ ﺋﯩﺸﻜﺎﭘﻰ ، ﺑﯩﺮ ﺗﻪﺭﻩﭘﻜﻪ ﻛﺎﺭﯨﯟﺍﺕ ، ﺑﯩﺮ ﺗﻪﺭﻩﭘﻜﻪ ﺋﺎﺩﺩﯨﻲ ﻛﯩﻴﯩﻢ ﺋﯩﺸﻜﺎﭘﻰ ، ﺋﻮﺗﺘﯘﺭﯨﻐﺎ ﻳﯧﺰﯨﻖ ﺷﯩﺮﻩﺳﻰ ﻗﻮﻳﯘﻟﻐﺎﻥ ﺋﯚﻱ ﺑﺎﺭﻟﯩﻖ ﺷﻮﺧﻠﯘﻗﻠﯩﺮﯨﻨﻰ ﺷﺎﺋﯩﺮﺍﻧﻪ ﺗﻪﺳﻪﯞﯞﯗﺭﻟﯩﺮﻯ ﺑﯩﻠﻪﻥ ﻗﯩﻠﯩﺪﯨﻐﺎﻥ ﻣﺎﯕﺎ ﺋﻮﺧﺸﺎﺵ ﻣﯜﻟﯜﻛﺴﯩﺰ ﻳﺎﺷﻨﯩﯔ ﺩﯗﻧﻴﺎﺳﻰ .

ﻣﻪﻥ ﺑﯘ ﺋﯚﻳﺪﻩ ﻛﯚﭖ ﺋﻮﻟﺘﯘﺭﯨﻤﻪﻥ ، ﺷﯘﯕﻼﺷﻘﺎ ، ﺑﯘ ﺋﯚﻳﻨﻰ ﻛﯩﻴﯩﻤﯩﻤﮕﻪ ﺋﺎﻳﻠﯩﻨﯩﭗ ﻗﺎﻟﻐﺎﻧﺪﻩﻛﻤﯘ ﻫﯧﺲ ﻗﯩﻠﯩﻤﻪﻥ . ﻣﻪﻥ ﺋﺎﺳﺎﺳﻪﻥ ﺩﯦﮕﯜﺩﻩﻙ ﺑﯘ ﻛﯩﻴﯩﻤﻨﻰ ﺳﯧﻠﯩﯟﯦﺘﻪﻟﻤﻪﻳﻤﻪﻥ ، ﺳﺎﻟﺴﺎﻡ ﻳﺎﻟﯩﯖﺎﭼﻠﯩﻘﯩﻤﻨﻰ ﻫﯧﺲ ﻗﯩﻠﯩﺸﺘﯩﻦ ﻗﻮﺭﻗﯩﻤﻪﻥ . ﻓﺮﺍﻧﺲ ﻛﺎﻓﻜﺎﻧﯩﯔ ﮔﯧﺌﻮﺭﮔﯩﻲ ﺳﺎﻣﺴﺎ ﺩﯦﮕﻪﻥ ﻗﻪﻫﺮﯨﻤﺎﻧﻰ ﺑﯩﺮ ﻛﯧﭽﯩﺪﯨﻼ ﻗﻮﯕﻐﯘﺯﻏﺎ ﺋﺎﻳﻠﯩﻨﯩﭗ ﻗﯧﻠﯩﭗ ، ﺋﺎﺋﯩﻠﯩﺴﯩﺪﯨﻜﯩﻠﻪﺭﻧﯩﯔ ﻗﺎﺗﺘﯩﻖ ﻳﻪﻛﻠﯩﺸﯩﮕﻪ ﺋﯘﭼﺮﺍﻳﺪﯨﻜﻪﻥ . ﻣﻪﻟﯘﻣﻜﻰ ، ﺑﯩﺮ ﺋﺎﺩﻩﻡ ﺑﯩﺮ ﻳﻪﺭﮔﻪ ﺑﺎﻏﻠﯩﻨﯩﭗ ﻳﺎﺷﺎﯞﻩﺭﺳﻪ ﻗﯘﺭﺗﻘﺎ ﺋﺎﻳﻠﯩﻨﯩﭗ ﻛﯧﺘﯩﭗ ، ﭘﯜﺗﻜﯜﻝ ﺩﯗﻧﻴﺎﻧﻰ ﻗﯘﺭﺗﭽﻪ ﻧﻪﺯﻩﺭ ﺑﯩﻠﻪﻥ ﻛﯚﺯﯨﺘﯩﺪﯨﻐﺎﻥ ، ﺋﯚﺯﻯ ﻗﯩﻤﯩﺮﻻﭖ ﻣﺎﯕﻐﺎﭼﻘﺎ ، ﺟﺎﻫﺎﻧﺪﺍ ﺭﺍﻛﯧﺘﺎ ﺩﯦﮕﻪﻥ ﻧﻪﺭﺳﯩﻠﻪﺭﻧﯩﯔ ﺑﺎﺭﻟﯩﻘﯩﻨﻰ ﺋﯧﺘﯩﺮﺍﭖ ﻗﯩﻠﻐﯘﺳﻰ ﻛﻪﻟﻤﻪﻳﺪﯨﻐﺎﻥ ﺑﻮﻟﯘﭖ ﻗﺎﻟﯩﺪﯗ .

ﺑﯩﺮ ﺋﺎﺩﻩﻣﻨﯩﯔ ﺋﯚﻳﺪﯨﻦ ﭼﯩﻘﻤﺎﻱ ﭘﯩﻜﯩﺮ ﻗﯩﻠﯩﭗ ﻳﻮﻟﯟﺍﺳﻘﺎ ﺋﺎﻳﻠﯩﻨﯩﺸﻰ ﻣﯘﻣﻜﯩﻨﻤﯘ ؟ ﻧﻪﺩﯨﻤﯘ ﺋﻮﯞ ﺋﻮﯞﻻﺷﻨﻰ ﺑﯩﻠﻤﯩﮕﻪﻥ ﻳﻮﻟﯟﺍﺱ ﺑﻮﻟﺴﯘﻥ !

ﺗﻮﯕﯘﭖ ﻛﻪﺗﻜﻪﻥ ﺋﺎﺩﻩﻣﻨﯩﯔ ﻛﯩﻴﯩﻤﻰ ﻳﯧﻠﯩﯔ ﺑﻮﻟﺴﺎ ، ﺋﺎﺧﯩﺮ ﺋﯚﻳﮕﻪ ﻛﯩﺮﯨﯟﺍﻟﯩﺪﯗ ، \"\" ﺳﯩﻘﯩﻠﻐﺎﻥ ﻳﯜﺭﻩﻙ ﻛﯧﯖﯩﻴﯩﺶ ﺋﯩﻼﺟﯩﻨﻰ ﻗﯩﻼﻟﻤﯩﺴﺎ ، ﺋﯩﭽﻜﻰ ﺩﯗﻧﻴﺎﻧﻰ ﻗﯧﺰﯨﺸﻘﺎ ﺑﺎﺷﻼﻳﺪﯗ \"\" ( ﻫﻴﯘﮔﻮ ) .

ﭘﺎﺳﭙﻮﺭﺗﻰ ﻳﻮﻕ ﺋﺎﺩﻩﻡ ﺩﯗﻧﻴﺎﻧﻰ ﺋﯚﺯﯨﻨﯩﯔ ﯞﻩﺗﯩﻨﻰ ﺋﺎﺭﻗﯩﻠﯩﻖ ﭼﯜﺷﯩﻨﯩﺸﻜﻪ ﻣﻪﺟﺒﯘﺭ ﺑﻮﻟﯩﺪﯗ . ﭘﺎﺳﭙﻮﺭﺕ ﺩﯗﻧﻴﺎﺩﺍ ﺗﯧﺨﻰ ﺳﯩﻴﺎﺳﯩﻲ ﻗﯩﻤﺎﺭﻧﯩﯔ ﺋﺎﺧﯩﺮﻻﺷﻤﯩﻐﺎﻧﻠﯩﻘﯩﺪﯨﻦ ﺩﯦﺮﻩﻙ ﺑﯧﺮﯨﺪﯨﻐﺎﻥ ﺑﻪﻟﮕﻪ . ﺩﻩﻝ ﭘﺎﺳﭙﻮﺭﺕ ﺩﯦﮕﻪﻥ ﻧﻪﺭﺳﻪ ﻣﻪﯞﺟﯘﺩ ﺑﻮﻟﻐﺎﭼﻘﺎ ، ﻛﯩﺸﯩﻠﻪﺭﻧﯩﯔ ﻣﯩﻠﻠﻪﺕ ﺗﯘﻳﻐﯘﺳﻰ ﻛﯜﭼﻪﻳﮕﻪﻥ ، ﯞﻩﺗﻪﻥ ﺋﯘﻗﯘﻣﯩﻨﯩﯔ ﻛﯧﯖﯩﻴﯩﺸﻰ ﺗﻮﺧﺘﺎﭖ ﻗﺎﻟﻐﺎﻥ ، ﺩﯗﻧﻴﺎ ﭼﯜﺷﻪﻧﭽﯩﺴﻰ ﺗﺎﺭﺍﻳﻐﺎﻥ ، ﺷﯘﻧﺪﺍﻕ ﺑﻮﻟﻐﺎﭼﻘﺎ ، ﺋﺎﺩﻩﻡ ﺋﺎﺗﯩﻨﯩﯔ ﺑﺎﻟﯩﻠﯩﺮﻯ ﺑﯩﺮ - ﺑﯩﺮﯨﮕﻪ ﺩﯛﺷﻤﻪﻧﻠﯩﻚ ﻗﯩﻠﯩﺪﯨﻐﺎﻥ ﺑﻮﻟﻐﺎﻥ . ﻛﯩﺸﯩﻠﻪﺭ ﺋﺎﺭﺍ ﺩﻭﺳﺘﺎﻧﻪ ﻧﻪﺯﻩﺭ ﺑﯩﻠﻪﻥ ﻗﺎﺭﺍﺵ ﮔﻮﻳﺎ ﺯﺍﻣﺎﻧﯩﻤﯩﺰ ﺗﺎﺭﯨﺨﯩﻐﺎ ﻳﯩﺮﺍﻕ ﻣﻪﯞﻫﯘﻡ ﻣﻪﺳﻠﻪﻛﻜﻪ ﺋﺎﻳﻠﯩﻨﯩﭗ ﻗﺎﻟﻐﺎﻥ .

ﻣﻪﻥ ﯞﻩﺗﯩﻨﯩﻤﺪﯨﻦ ﺋﯚﺯﮔﻪ ﺩﯗﻧﻴﺎﻧﻰ ﻛﯚﺭﯛﭖ ﺑﺎﻗﻤﯩﺪﯨﻢ . ﮔﻪﺭﭼﻪ ﭘﯜﺗﻜﯜﻝ ﺋﯩﻨﺴﺎﻧﯩﻴﻪﺗﻨﻰ ﺑﯩﺮﺩﻩﻙ ﻗﯘﭼﺎﻗﻠﯩﻐﯘﻡ ﻛﻪﻟﺴﯩﻤﯘ ، ﺋﯘﻧﺪﺍﻕ ﻗﯩﻼﻟﻤﯩﺪﯨﻢ . ﺑﯘﻧﯩﯔ ﻧﯧﻤﻪ ﺋﯜﭼﯜﻧﻠﯩﻜﯩﻨﻰ ﺑﯩﻠﻪﻟﻤﯩﮕﻪﻥ ﭼﺎﻏﻠﯩﺮﯨﻤﺪﺍ ﺋﯩﺨﺘﯩﻴﺎﺭﺳﯩﺰ ﻫﺎﻟﺪﺍ ﺩﯗﻧﻴﺎ ﺧﻪﺭﯨﺘﯩﺴﯩﻨﯩﯔ ﺋﺎﻟﺪﯨﻐﺎ ﺑﯧﺮﯨﭗ ﻗﺎﻟﯩﻤﻪﻥ . ﻣﺎﻧﺎ ﺋﺎﻟﺪﯨﻤﺪﺍ ﺧﻪﺭﯨﺘﻪ ، ﻟﯧﻜﯩﻦ ﺋﯘﻧﯩﯖﺪﯨﻦ ﺩﯗﻧﻴﺎﻧﻰ ﺋﻪﻣﻪﺱ ، ﺑﻪﻟﻜﻰ ﺩﯗﻧﻴﺎ ﻫﻪﻗﻘﯩﺪﯨﻜﻰ ﻏﯘﯞﺍ ﺋﯘﻗﯘﻣﻨﻰ ﻛﯚﺭﮔﯩﻠﻰ ﺑﻮﻟﯩﺪﯗ . ﺋﻪﻧﻪ ﺋﺎﯞﯗ ﻛﯚﭘﻜﯚﻙ ﺗﯘﺭﻏﯩﻨﻰ ﺩﯦﯖﯩﺰ ، ﻟﯧﻜﯩﻦ ﺋﯘﻧﯩﯖﺪﯨﻦ ﭼﻮﯓ ﺑﯧﻠﯩﻘﻨﯩﯔ ﻛﯩﭽﯩﻚ ﺑﯧﻠﯩﻘﻨﻰ ﻳﯧﮕﻪﻧﻠﯩﻜﯩﻨﻰ ، ﺳﯘﻻﺭﻧﯩﯔ ﺷﯩﺪﺩﻩﺗﻠﯩﻚ ﻧﻪﺭﻩ ﺑﯩﻠﻪﻥ ﻗﯩﻴﺎ ﺗﺎﺷﻼﺭﻏﺎ ﺋﯘﺭﯗﻟﻐﺎﻧﻠﯩﻘﯩﻨﻰ ﻛﯚﺭﮔﯩﻠﻰ ﺑﻮﻟﻤﺎﻳﺘﺘﻰ . ﺋﻪﻧﻪ ﺋﺎﯞﯗ ﺗﻮﺧﯘﻧﯩﯔ ﻛﯚﺯﯨﺪﻩﻙ ﺗﯘﺭﻏﺎﻧﻠﯩﺮﻯ ﺷﻪﻫﻪﺭ ، ﻟﯧﻜﯩﻦ ﺋﯘﻧﯩﯖﺪﯨﻦ ﺗﯘﺭﻣﯘﺵ ﺭﯨﻘﺎﺑﯩﺘﯩﻨﯩﯔ ﺷﻪﭘﻘﻪﺗﺴﯩﺰ ﻣﻪﻧﺰﯨﺮﯨﺴﯩﻨﻰ ﻛﯚﺭﮔﯩﻠﻰ ﺑﻮﻟﻤﺎﻳﺘﺘﻰ . ﻛﯚﺯ ﺋﺎﻟﺪﯨﻤﺪﯨﻜﻰ ﻫﻪﺭﺑﯩﺮ ﺭﻩﯓ ﺑﯩﺮ ﺩﯙﻟﻪﺗﻜﻪ _ ﺋﻮﺭﺗﺎﻕ ﻣﯩﻠﻠﯩﻲ ﺋﯩﺮﺍﺩﻩ ﯞﻩ ﺋﻪﻗﯩﺪﻩ ﺋﯜﺳﺘﯩﮕﻪ ﻗﯘﺭﯗﻟﻐﺎﻥ ﺧﻮﺟﺎﻳﯩﻨﻠﯩﻘﻘﺎ ﯞﻩﻛﯩﻠﻠﯩﻚ ﻗﯩﻼﺗﺘﻰ . ﺑﯘ ﺭﻩﯕﻠﻪﺭﻧﯩﯔ ﺩﺍﺋﯩﺮﯨﺴﻰ ﺑﯩﺮ - ﺑﯩﺮﻯ ﺑﯩﻠﻪﻥ ﺗﻪﯓ ﺑﻮﻟﻤﯩﺴﯩﻤﯘ ، ﺑﻪﺯﯨﺴﻰ ﺯﯨﻴﺎﺩﻩ ﭼﻮﯓ ، ﺑﻪﺯﯨﺴﻰ ﻛﯩﭽﯩﻚ ﺑﻮﻟﺴﯩﻤﯘ ، ﺋﯘﻻﺭ ﺑﯩﺮ - ﺑﯩﺮﯨﻨﯩﯔ ﺧﻮﺟﺎﻳﯩﻨﻠﯩﻖ ﻫﻮﻗﯘﻗﯩﻐﺎ ﺋﻮﭼﯘﻕ - ﺋﺎﺷﻜﺎﺭﺍ ﺯﻩﺭﻩﺭ ﻳﻪﺗﻜﯜﺯﻩﻟﻤﻪﻳﺘﺘﻰ . ﺧﻪﺭﯨﺘﯩﮕﻪ ﺋﯘﺯﺍﻕ ﻗﺎﺭﺍﭖ ﻛﯚﺯﯛﻡ ﺗﻮﺭﻻﺷﻘﺎﻧﺪﻩﻙ ﺑﻮﻟﺪﻯ ، ﺑﺎﺭﻟﯩﻖ ﺭﻩﯕﻠﻪﺭ ﺑﯩﺮ - ﺑﯩﺮﯨﮕﻪ ﺋﺎﺭﯨﻠﯩﺸﯩﭗ ، ﺭﻩﯓ ﺗﯜﺭﻛﯜﻣﻰ ﺋﯧﻨﯩﻖ ﺑﻮﻟﻤﯩﻐﺎﻥ ﺑﯩﺮ ﺩﯗﻧﻴﺎ ﻣﺎﻧﺎﻧﻠﯩﻖ ﻛﯚﺯﻟﯩﺮﯨﻤﺪﻩ ﺋﻪﮔﯩﺸﻜﻪ ﺑﺎﺷﻠﯩﺪﻯ . ﻣﻪﻥ ﻛﯚﺯﯛﻣﻨﻰ ﺑﯩﺮ ﺋﯘﯞﯗﻟﯩﯟﯦﺘﯩﭗ ، ﺧﻪﺭﯨﺘﯩﮕﻪ ﻳﻪﻧﻪ ﻗﺎﺭﯨﺪﯨﻢ . ﺗﻮﯞﺍ ، ﭼﯧﮕﺮﯨﻼﺭﻧﻰ ﺑﯩﻠﺪﯛﺭﯨﺪﯨﻐﺎﻥ ﺳﯩﺰﯨﻘﻼﺭ ﺋﺎﺳﺎﺳﻪﻥ ﺗﯜﺯ ﺑﻮﻟﻤﺎﻳﺪﯨﻜﻪﻥ . ﺑﺎﺭﺍﯞﻩﺭ ﺋﯩﺮﺍﺩﯨﻠﻪﺭﻧﯩﯔ ﻛﯧﻠﯩﺸﯩﻤﻰ ﻳﺎﻛﻰ ﻣﯘﺳﺘﻪﻣﻠﯩﻜﯩﭽﯩﻠﻪﺭﻧﯩﯔ ﺋﯩﺮﺍﺩﻩ ﺋﯜﺳﺘﯜﻧﻠﯜﻛﻰ ﺑﯩﻠﻪﻥ ﺳﯩﺰﯨﻠﻐﺎﻥ ﭘﺎﺳﯩﻠﻼﺭ ﺗﯜﺯﺩﻩﻙ ﻗﯩﻼﺗﺘﻰ . ﺑﯘﻧﺪﺍﻕ ﺗﯜﺯ ﺳﯩﺰﯨﻘﻼﺭ ﻛﺎﻧﺎﺩﺍ ، ﺋﺎﻣﯧﺮﯨﻜﺎ ﯞﻩ ﺋﺎﻓﺮﯨﻘﺎ ﺯﯦﻤﯩﻨﻠﯩﺮﯨﺪﺍ ﺑﺎﺭ ﺋﯩﺪﻯ . ﺭﻩﯓ ﺭﻩﺳﺴﺎﻣﻼﺭﻧﯩﯔ ﻧﻪﺯﻩﺭﯨﺪﻩ ﺋﯧﺴﺘﯧﺘﯩﻚ ﻣﻪﻧﯩﮕﻪ ﺋﯩﮕﻪ ﺑﻮﻟﺴﺎ ، ﺟﯘﻏﺮﺍﭘﯩﻴﻮﻧﻼﺭﻧﯩﯔ ﻧﻪﺯﻩﺭﯨﺪﻩ ﺳﯩﻴﺎﺳﯩﻲ ﻣﻪﻧﯩﮕﻪ ﺋﯩﮕﻪ ﺋﯩﺪﻯ . ﻣﻪﻥ ﺋﯧﺴﺘﯧﺘﯩﻜﺎ ﺋﻪﻫﻠﻰ ﺑﻮﻟﯘﺵ ﺳﯜﭘﯩﺘﯩﻢ ﺑﯩﻠﻪﻥ ﯞﺍﻧﮕﻮﻙ ، ﺳﯩﺰﺍﻧﻼﺭﻧﯩﯔ ﺭﻩﺳﯩﻤﻠﯩﺮﯨﺪﯨﻦ ﺯﻭﻕ ﺋﺎﻟﻐﺎﻧﺪﺍ ، ﺭﻩﯓ ﺋﯩﭽﯩﺪﯨﻦ ﺭﻩﯓ ﺋﺎﺧﺘﯘﺭﯗﭖ ﺋﺎﺩﻩﺗﻠﯩﻨﯩﭗ ﻛﻪﺗﻜﻪﻧﯩﺪﯨﻢ . ﭼﯜﻧﻜﻰ ﺷﯘﻧﺪﺍﻕ ﻗﯩﻠﻐﺎﻧﺪﯨﻼ ﺳﻪﻧﻪﺗﻜﺎﺭﻻﺭﻧﯩﯔ ﺭﻩﯓ ﺋﯩﭽﯩﮕﻪ ﻳﻮﺷﯘﺭﯗﻧﻐﺎﻥ ﺋﯩﻨﺪﯨﯟﯨﺪﯗﺋﺎﻝ ﺩﯗﻧﻴﺎﺳﯩﻨﻰ ﺗﺎﭘﻘﯩﻠﻰ ﺑﻮﻻﺗﺘﻰ . ﺷﯘ ﺋﺎﺩﯨﺘﯩﻤﻨﻰ ﺑﻪﺯﯨﺪﻩ ﺧﻪﺭﯨﺘﻪ ﺋﺎﻟﺪﯨﺪﯨﻤﯘ ﺟﺎﺭﻯ ﻗﯩﻠﯩﭗ ﺗﺎﺷﻼﻳﻤﻪﻥ . ﺗﻪﺑﯩﺌﻪﺗﺘﻪ ﻳﯩﻠﭙﯩﺰ ﺟﻪﺭﻩﻥ ﺋﻮﯞﻻﭖ ﻳﯧﺴﻪ ، ﺋﺎﺩﻩﻣﻠﻪﺭ ﻳﯩﻠﭙﯩﺰﻧﻰ ﺋﻮﯞﻻﭖ ﻳﯧﻴﻪﻟﻪﻳﺪﯗ . ﺋﻪﻣﺪﻯ ﺋﺎﺩﻩﻣﻠﻪﺭﻧﯩﯔ ﺋﺎﺩﻩﻡ ﺋﻮﯞﻟﯩﺸﯩﻨﻰ ﺋﺎﻟﺴﺎﻕ ، ﺑﯘ ، ﺋﯩﺠﺘﯩﻤﺎﺋﯩﻴﻪﺕ ﺳﻪﻫﻨﯩﺴﯩﺪﯨﻜﻰ ﻫﺎﺩﯨﺴﯩﻠﻪﺭ ﻗﺎﺗﺎﺭﯨﻐﺎ ﺋﯚﺗﯜﭖ ﻗﺎﻟﯩﺪﯗ . ﻫﺎﻳﺎﺗﻠﯩﻖ ﺗﯜﺭﻛﯜﻣﻠﯩﺮﻯ ﺑﯩﺮ - ﺑﯩﺮﯨﻨﻰ ﺳﯩﯖﺪﯛﺭﯨﺪﯗ ، ﺋﺎﭘﭙﺎﻕ ﻗﯩﺶ ﻳﯧﺸﯩﻞ ﻛﯚﻛﻠﻪﻣﮕﻪ ﺳﯩﯖﯩﭗ ﻛﻪﺗﻜﻪﻧﺪﻩﻙ ، ﺭﻩﯓ ﺭﻩﯕﮕﻪ ﺳﯩﯖﯩﭗ ﻛﯧﺘﯩﺪﯨﻐﺎﻥ ﺋﯩﺸﻼﺭﻣﯘ ﺑﻮﻟﯩﺪﯗ .

ﺗﻪﺑﯩﺌﻪﺗﻨﯩﯔ ﺧﺎﻫﯩﺸﻰ ﺑﻮﻳﯩﭽﻪ ﺋﺎﻟﻤﯩﺸﯩﺪﯨﻐﺎﻥ ﭘﻪﺳﯩﻠﻠﻪﺭ ﻗﯩﺮ - ﺩﺍﻟﯩﻼﺭﻧﯩﯔ ﻗﯩﻴﺎﭘﯩﺘﯩﻨﻰ ﺋﯚﺯﮔﻪﺭﺗﻜﻪﻧﺪﻩﻙ ، ﺗﺎﺭﯨﺨﻨﯩﯔ ﺧﺎﻫﯩﺸﻰ ﺧﻪﺭﯨﺘﯩﺪﯨﻜﻰ ﺭﻩﯕﻠﻪﺭ ﯞﻩ ﺳﯩﺰﯨﻘﻼﺭﻧﯩﯔ ﺋﻮﺭﺍﻣﯩﻨﻰ ﺋﯚﺯﮔﻪﺭﺗﯩﭗ ﺗﯘﺭﯨﺪﯗ . ﻓﺮﺍﻧﺴﯩﻴﯩﻠﯩﻚ ﺷﻪﺭﻗﺸﯘﻧﺎﺱ ﮔﯧﺮﻭﺳﯩﻨﯩﯔ \"\" ﺑﻮﺯ ﻗﯩﺮ ﺋﯩﻤﭙﯧﺮﯨﻴﯩﺴﻰ \"\" ﻧﺎﻣﻠﯩﻖ ﺗﺎﺭﯨﺦ ﺋﻪﺳﯩﺮﯨﮕﻪ ﻗﻮﺷﯘﻣﭽﻪ ﻗﯩﻠﯩﭗ ﺑﯧﺮﯨﻠﮕﻪﻥ ﺗﺎﺭﯨﺨﯩﻲ ﺧﻪﺭﯨﺘﯩﻠﻪﺭﻧﻰ ﻛﯚﺭﯛﭖ ، ﻫﻪﺭﻗﺎﻧﺪﺍﻕ ﺧﻪﺭﯨﺘﯩﻨﯩﯔ ﺋﺎﺩﻩﻣﻠﻪﺭ ﺗﻪﺭﯨﭙﯩﺪﯨﻦ ﺳﯩﺰﯨﻠﯩﺸﯩﺪﻩﻙ ﺋﺎﺩﺩﯨﻲ ﻫﻪﻗﯩﻘﻪﺗﻨﻰ ﻣﯘﺭﻩﻛﻜﻪﭖ ﻛﻪﻳﭙﯩﻴﺎﺕ ﺋﯩﭽﯩﺪﻩ ﻳﯧﯖﯩﺒﺎﺷﺘﯩﻦ ﺗﻪﺳﺘﯩﻖ ﺋﻪﺗﻜﻪﻧﯩﺪﯨﻢ .

ﻛﯩﺸﻰ ﺋﯚﺯ ﺭﯦﺌﺎﻟﻠﯩﻘﯩﺪﺍ ﺗﯘﺭﯗﭖ ﻗﺎﻳﻤﯘﻗﻘﺎﻥ ﭼﺎﻏﻠﯩﺮﯨﺪﺍ ﺋﺎﺳﺎﻧﻼ ﺋﯚﺗﻤﯜﺵ ﺗﺎﺭﯨﺨﯩﻐﺎ ﺑﺎﻏﻠﯩﻨﯩﭗ ﻗﺎﻟﯩﺪﯗ ، ﺷﯘﻧﯩﯔ ﺑﯩﻠﻪﻥ ﺋﯘ ﺋﺎﻟﻠﯩﻘﺎﭼﺎﻥ ﻣﯘﺋﻪﻳﻴﻪﻧﻠﯩﺸﯩﭗ ﺑﻮﻟﻐﺎﻥ ﺗﻪﺟﺮﯨﺒﯩﻠﻪﺭﻧﯩﯔ ﺩﻭﻟﻘﯘﻧﯩﺪﺍ ﺋﯜﺯﯨﺪﯗ . ﺑﯩﺮﺍﻕ ﻧﺎﻣﻪﻟﯘﻡ ﺗﻪﺟﺮﯨﺒﯩﻠﻪﺭ ﻛﯩﺸﯩﮕﻪ ﻳﯜﺯ - ﺧﺎﺗﯩﺮ ﻗﯩﻠﻤﺎﻳﺪﯨﻐﺎﻥ ﺗﻪﺭﯨﺰﺩﻩ ﻛﯜﺗﯜﭖ ﺗﯘﺭﻏﺎﻥ ﺑﻮﻟﯩﺪﯗ . ﺋﯚﺯﯨﻨﯩﯔ ﺑﯜﮔﯜﻧﯩﮕﻪ ﺧﻮﺟﺎﻳﯩﻦ ﺑﻮﻻﻟﻤﯩﻐﺎﻧﻼﺭﻧﯩﯔ ﺋﻪﺗﯩﺴﻰ ﺗﻪﺷﯟﯨﺸﻠﯩﻚ ﺗﯜﻧﻨﻰ ﺋﯚﺯﯨﮕﻪ ﻫﻪﻣﺮﺍﻫ ﻗﯩﻠﻤﺎﻱ ﻗﺎﻟﻤﺎﻳﺪﯗ .

2- ﺩﯗﻧﻴﺎ ﺋﯘﺭﯗﺷﯩﺪﯨﻦ ﻛﯧﻴﯩﻦ ، ﻣﻪﻥ ﻛﯚﺭﯛﯞﺍﺗﻘﺎﻥ ﺋﺎﺷﯘ ﺧﻪﺭﯨﺘﯩﺪﯨﻜﻰ ﺭﻩﯕﻠﻪﺭﻧﯩﯔ ﻣﯘﻧﺎﺳﯩﯟﯨﺘﯩﺪﻩ ﻛﯚﭖ ﺋﯚﺯﮔﯩﺮﯨﺶ ﺑﻮﻟﺪﻯ . ﻳﺎﻟﺘﺎ ﻳﯩﻐﯩﻨﻰ ﯞﻩ ﭘﻮﺗﺴﯩﺪﺍﻡ ﻛﯧﻠﯩﺸﯩﻤﻰ ﺧﻪﺭﯨﺘﯩﺪﯨﻜﻰ ﺭﻩﯕﻠﻪﺭﻧﯩﯔ ﺋﯚﺯﮔﯩﭽﻪ ﺑﯩﺮ ﺗﻪﺭﺗﯩﭙﯩﻨﻰ ﯞﯗﺟﯘﺩﻗﺎ ﻛﻪﻟﺘﯜﺭﮔﻪﻥ ﺑﻮﻟﯘﭖ ، ﻛﯩﺸﯩﻠﻪﺭﻧﯩﯔ ﺋﯩﺠﺘﯩﻤﺎﺋﯩﻲ ﻗﯘﺗﯘﭘﻼﺭ ﻫﻪﻗﻘﯩﺪﯨﻜﻰ ﻛﯚﺯ ﻗﺎﺭﯨﺸﯩﻨﻰ ﺭﻩﻫﯩﻤﺴﯩﺰﻟﯩﻚ ﺑﯩﻠﻪﻥ ﺋﺎﺳﺘﯩﻦ - ﺋﯜﺳﺘﯜﻥ ﻗﯩﻠﯩﯟﻩﺗﺘﻰ . ﺑﯩﺮﺍﻕ ﺋﯩﻨﺴﺎﻧﯩﻴﻪﺕ ﺋﯚﺯﻯ ﺗﯜﺯﮔﻪﻥ ﻛﯧﻠﯩﺸﯩﻢ ﯞﻩ ﻗﺎﺋﯩﺪﯨﻠﻪﺭﺩﯨﻦ ﻳﯜﺯ ﺋﯚﺭﯛﻣﻪﻱ ﻗﺎﻟﻤﺎﻳﺘﺘﻰ ، ﭼﯜﻧﻜﻰ ﻛﯧﻠﯩﺸﯩﻢ ﺋﯜﺳﺘﯜﻥ ﻛﯜﭼﻠﻪﺭﻧﯩﯔ ﺑﯩﺮ ﺧﯩﻞ ﻛﯚﯕﯜﻝ ﺋﯧﭽﯩﺶ ﺋﻮﻳﯘﻧﯩﺪﯨﻦ ﺋﯩﺒﺎﺭﻩﺕ ﺋﯩﺪﻯ . ﺑﯩﺰ ﺋﯧﻴﺘﻘﺎﻧﺪﻩﻙ ، 1990 - ﻳﯩﻠﯩﻨﯩﯔ ﺋﺎﻟﺪﻯ - ﻛﻪﻳﻨﯩﺪﻩ ، ﺋﻪﻳﻨﻰ ﯞﺍﻗﯩﺘﺘﯩﻜﻰ ﺋﯜﺳﺘﯜﻥ ﻛﯜﭼﻠﻪﺭ ﺑﺎﺵ ﻗﺎﺗﯘﺭﯗﭖ ﺳﯩﺰﯨﭗ ﭼﯩﻘﻘﺎﻥ ﭘﺎﺳﯩﻠﻼﺭ ﺑﯩﻜﺎﺭ ﻗﯩﻠﯩﻨﺪﻯ . ﺋﻮﺗﺘﯘﺭﺍ ﺋﺎﺳﯩﻴﺎ ﺧﻪﻟﻘﻠﯩﺮﯨﻤﯘ ﻗﻮﻟﯩﻐﺎ ﻗﻪﻟﻪﻡ ﺋﺎﻟﺪﻯ ، ﺋﯘﻻﺭ ﺑﯘ ﻗﻪﻟﻪﻣﻨﻰ ﻳﯜﺭﯨﻜﯩﻨﯩﯔ ﭼﻮﯕﻘﯘﺭ ﻗﺎﺗﻠﯩﻤﯩﺪﯨﻜﻰ ﺳﯩﻴﺎﻫﻼﺭﻏﺎ ﭼﯩﻼﭖ ﺗﯘﺭﯗﭖ ، ﺋﯚﺯﻟﯩﺮﯨﻨﯩﯔ ﭘﺎﺳﯩﻠﻠﯩﺮﯨﻨﻰ ﺳﯩﺰﯨﭗ ﭼﯩﻘﯩﺸﺘﻰ . ﺗﯩﻨﯩﻤﺴﯩﺰ ﺋﯩﻠﮕﯩﺮﯨﻠﻪﯞﺍﺗﻘﺎﻥ ﺋﯩﻨﺴﺎﻧﯩﻴﻪﺕ ﺋﯜﭼﯜﻥ ﺑﯘﺭﯗﻧﻘﻰ ﺗﺎﺭﯨﺦ ﻫﺎﻣﺎﻥ ﺧﺎﺗﺎ ﻳﯧﺰﯨﻠﻐﺎﻥ ﺑﻮﻟﯩﺪﯗ ، ﺷﯘﯕﺎ ﺋﯘ ﺋﯚﺯﮔﻪﺭﺗﯩﻠﯩﺪﯗ .

ﻣﺎﻧﺎ ، ﺋﺎﻟﺪﯨﻤﺪﯨﻜﻰ ﺧﻪﺭﯨﺘﻪ ﺗﯩﭙﺘﯩﻨﭻ ﺗﯘﺭﯗﭘﺘﯘ ، ﺋﯘ ﺷﯘ ﺗﺎﭘﺘﺎ ﭘﯩﻜﯩﺮﻟﻪﺭ ﺩﺍﯞﺍﻟﻐﯘﭖ ﺗﯘﺭﻏﺎﻥ ﻗﻪﻟﺒﯩﻤﺪﯨﻜﻰ ﺩﯗﻧﻴﺎﻏﺎ ﺑﺎﻗﻘﺎﻧﺪﺍ ، ﺗﻮﻟﯩﻤﯘ ﺋﻪﺭﺯﯨﻤﻪﺱ ﻛﯚﺭﯛﻧﺪﻯ ، ﭼﯜﻧﻜﻰ ﺋﯘﻧﯩﯔ ﺋﺎﺷﯘ ﺗﯩﭙﺘﯩﻨﭻ ﻫﺎﻟﯩﺘﻰ ﺭﯦﺌﺎﻝ ﺩﯗﻧﻴﺎﺩﯨﻜﻰ ﺋﯘﺭﯗﺵ ﺋﻮﺗﻠﯩﺮﻯ ﯞﻩ ﺋﯘﻧﯩﯖﺪﯨﻦ ﻗﯧﻠﯩﯟﺍﺗﻘﺎﻥ ﺟﺎﺭﺍﻫﻪﺗﻨﻰ ﻣﻪﯕﮕﯜ ﺋﯧﻴﺘﯩﭗ ﺑﯧﺮﻩﻟﻤﻪﻳﺘﺘﻰ . ﻣﻪﻥ ﺧﻪﺭﯨﺘﯩﮕﻪ ﻗﺎﺭﺍﭖ ﺩﯗﻧﻴﺎ ﺋﯩﺰﺩﻩﻳﻤﻪﻥ ، ﺧﻪﺭﯨﺘﻪ ﻣﯧﻨﯩﯔ ﭘﯩﻜﯩﺮﻟﯩﻚ ﻗﻪﻟﺒﯩﻤﮕﻪ ﻗﺎﺭﺍﭖ ﻣﻪﻧﻪ ﺋﯩﺰﺩﯨﻤﻪﻛﺘﻪ . ﺋﯧﻨﯩﻘﻜﻰ ، ﻣﻪﻧﯩﻠﯩﻚ ﺑﯩﺮ ﺩﯗﻧﻴﺎ ﻫﺎﻣﺎﻥ ﻣﯧﻨﯩﯔ ﺋﯩﺴﺴﯩﻖ ﻗﺎﻥ ﺋﯘﺭﻏﯘﭖ ﺗﯘﺭﻏﺎﻥ ﺋﺎﻟﻤﯩﺪﻩﻙ ﻳﯜﺭﯨﻜﯩﻢ ﺑﯩﻠﻪﻥ ﺑﯩﻠﻠﻪ ﺗﯘﻏﯘﻟﯩﺪﯗ .

ﺧﻪﺭﯨﺘﯩﺪﯨﻜﻰ ﭘﺎﺳﯩﻠﻼﺭ ﻣﺎﯕﺎ ﻗﺎﻥ ﺋﯧﻘﯩﭗ ﺗﯘﺭﻏﺎﻥ ﺟﯩﻠﻐﯩﺪﻩﻙ ﻛﯚﺭﯛﻧﯜﺷﻜﻪ ﺑﺎﺷﻠﯩﺪﻯ . \"\" ﻣﻪﻥ ﺋﺎﻓﯧﻨﺎ ﭘﯘﻗﺮﺍﺳﻰ ﺋﻪﻣﻪﺱ ، ﺑﻪﻟﻜﻰ ﺩﯗﻧﻴﺎ ﭘﯘﻗﺮﺍﺳﯩﻤﻪﻥ \"\" ﺩﻩﭖ ﺗﻮﯞﻟﯩﻐﺎﻥ ﺳﻮﻗﺮﺍﺕ ﻫﺎﺯﯨﺮﻧﯩﯔ ﺋﯚﺯﯨﺪﻩ ﻫﺎﻳﺎﺕ ﺑﻮﻟﺴﺎ ، \"\" ﭘﺎﺳﯩﻞ \"\"ﺩﯨﻦ ﺋﯩﺒﺎﺭﻩﺕ ﻗﺎﻧﻠﯩﻖ ﺟﯩﻠﻐﺎ ﺋﺎﻟﺪﯨﺪﺍ ﺗﻮﺳﯘﻟﯘﭖ ﻗﺎﻻﺭ ﺑﻮﻟﻐﯩﻴﻤﯩﺪﻯ ؟ !

ﺳﻮﻗﺮﺍﺕ ﺋﺎﺩﺍﻟﻪﺗﺴﯩﺰ ﻗﺎﻧﯘﻥ ﺗﻪﺭﯨﭙﯩﺪﯨﻦ ﺋﯚﻟﯜﻣﮕﻪ ﺑﯘﻳﺮﯗﻟﺪﻯ . ﻣﺎﻧﺎ ﺑﯘ ﻗﺎﻧﯘﻧﻨﯩﯔ ﻗﺎﻧﯘﻧﺴﯩﺰﻟﯩﻘﻰ . ﻟﯧﻜﯩﻦ ﺳﻮﻗﺮﺍﺕ ﻗﯧﭽﯩﭗ ﻛﯧﺘﻪﻟﻪﻳﺪﯨﻐﺎﻥ ﺗﯘﺭﯗﻗﻠﯘﻕ ، ﻗﺎﻧﯘﻥ ﺩﯦﮕﻪﻥ ﺋﯘﻗﯘﻣﻨﯩﯔ ﻣﯘﻗﻪﺩﺩﻩﺳﻠﯩﻜﻰ ﺋﯜﭼﯜﻥ ﺋﯚﻟﯜﻣﮕﻪ ﺭﺍﺯﻯ ﺑﻮﻟﺪﻯ . ﺑﯘﻧﻰ ﻧﯧﻤﻪ ﺩﻩﻳﻤﯩﺰ ؟ ﻣﺎﻧﺎ ﺑﯘ ﻗﺎﻧﯘﻧﻨﯩﯔ ﯞﯨﺠﺪﺍﻧﻰ . ﻗﺎﻧﯘﻥ ﺑﯩﻠﻪﻥ ﯞﯨﺠﺪﺍﻥ ﺑﯩﺮ - ﺑﯩﺮﯨﻨﻰ ﺗﻮﻟﯘﻕ ﭼﯜﺷﻪﻧﻤﯩﺪﻯ ، ﺷﯘﯕﻼﺷﻘﺎ ﺋﯩﻨﺴﺎﻧﻼﺭ ﺗﯜﺯﮔﻪﻥ ﻗﺎﻧﯘﻧﻼﺭ ﻫﻪﻗﯩﻘﻪﺗﻨﯩﯔ ﺋﺎﯞﺍﺯﯨﻨﻰ ﺋﺎﯕﻠﯩﻴﺎﻟﻤﯩﺪﻯ .

ﺋﯩﻨﺴﺎﻧﻨﯩﯔ ﺷﻪﺧﺴﯩﻴﯩﺘﻰ ﺗﻪﻧﻬﺎ ﺑﻮﻟﯩﺪﯗ ، ﻟﯧﻜﯩﻦ ﺋﯩﻨﺴﺎﻧﯩﻴﻪﺗﭽﯩﻠﯩﻚ ﺗﻪﻧﻬﺎ ﺑﻮﻟﻤﺎﻳﺪﯗ ، ﺷﯘﯕﻼﺷﻘﺎ ﺋﯩﻨﺴﺎﻥ ﺋﯚﺯﯨﺪﯨﻦ ﻫﺎﻟﻘﯩﭗ ﭘﺎﺋﺎﻟﯩﻴﻪﺕ ﻗﯩﻠﯩﺸﻘﺎ ﻣﻮﻫﺘﺎﺝ . ﺑﯘ ﻣﻪﻧﯩﺪﯨﻦ ﺋﯧﻴﺘﻘﺎﻧﺪﺍ ، ﺑﺎﺭﻟﯩﻖ ﻛﯩﺸﯩﻠﻪﺭ ﺑﯩﺮ - ﺑﯩﺮﯨﻨﯩﯔ ﺩﻭﺳﺘﻠﯘﻗﻰ ﺋﺎﺭﻗﯩﻠﯩﻖ ﺋﯚﺯﻟﯜﻛﻨﻰ ﻛﯧﯖﻪﻳﺘﯩﺪﯗ ﯞﻩ ﻣﯘﺷﯘ ﻛﯧﯖﯩﻴﯩﺸﻨﯩﯔ ﺋﯜﺯﻟﯜﻛﺴﯩﺰﻟﯩﻜﯩﺪﻩ ﺋﻮﺭﺗﺎﻗﻠﯩﻘﻨﻰ ﻳﺎﺭﯨﺘﯩﺪﯗ . ﻣﺎﻧﺎ ﺑﯘ ﺗﻪﺑﯩﻲ ﺋﯩﻨﺴﺎﻧﻨﯩﯔ ﺋﯩﺠﺘﯩﻤﺎﺋﯩﻴﻠﯩﻘﻰ .

ﻣﻪﻥ ﺑﯩﺮ ﺋﯘﻳﻐﯘﺭ ﻳﯩﮕﯩﺘﻰ ، ﺑﯩﺮﺍﻕ ﻣﻪﻥ ﺑﯘ ﻳﻪﺭﺩﻩ ﺗﻮﻟﯩﻤﯘ ﻳﯩﺮﺍﻕ ﺋﺎﻣﯧﺮﯨﻜﯩﺪﺍ ﻳﺎﺷﯩﻐﺎﻥ ﯞﺍﻟﺖ ﯞﯦﺘﻤﺎﻥ ﺑﯩﻠﻪﻥ ﺋﻮﺭﺗﺎﻗﻠﯩﻖ ﺗﺎﭘﺎﻻﻳﻤﻪﻥ . ﺋﯘ ﻛﯜﻳﻠﯩﮕﻪﻥ ﺗﻪﺑﯩﺌﻪﺗﻨﯩﯔ ﺋﺎﯞﺍﺯﯨﻨﻰ ﻛﯩﭽﯩﻜﯩﻤﺪﯨﻦ ﺗﺎﺭﺗﯩﭗ 12 ﻣﯘﻗﺎﻣﺪﯨﻦ ﺋﺎﯕﻼﭖ ﭼﻮﯓ ﺑﻮﻟﺪﯗﻡ . ﺋﯩﻨﺴﺎﻧﯩﻴﻪﺗﻨﻰ ﺑﺎﻏﻼﭖ ﺗﯘﺭﯨﺪﯨﻐﺎﻥ ﺭﯨﺸﺘﻪ ﺋﻪﻧﻪ ﺷﯘﻧﺪﺍﻕ ﭼﯩﮕﯩﻠﯩﺪﯗ . ﺋﻪﻟﯩﺸﯩﺮ ﻧﺎﯞﺍﺋﯩﻲ ﺑﯩﺰ \"\" ﺋﯩﻨﺘﯧﺮﻧﺎﺗﺴﯩﺌﻮﻧﺎﻟﯩﺰﻡ \"\" ( ﺑﻪﻳﻨﻪﻟﻤﯩﻨﻪﻟﭽﯩﻠﯩﻚ ) ﺩﻩﭖ ﺋﺎﺗﺎﻳﺪﯨﻐﺎﻥ ﺩﯗﻧﻴﺎﯞﻯ ﺭﯨﺸﺘﯩﻨﻰ ﺧﻮﺗﻪﻥ ﻳﯩﮕﯩﺘﻰ ﻓﻪﺭﻫﺎﺩ ﯞﻩ ﺋﻪﺭﻣﯩﻨﯩﻴﻪ ﮔﯜﺯﯨﻠﻰ ﺷﯧﺮﯨﻨﻨﯩﯔ ﻣﯘﻫﻪﺑﺒﯩﺘﻰ ﺋﺎﺭﻗﯩﻠﯩﻖ ﻳﯜﻛﺴﻪﻙ ﭘﻪﻟﻠﯩﮕﻪ ﻳﻪﺗﻜﯜﺯﮔﻪﻥ ﺋﻪﻣﻪﺳﻤﯩﺪﻯ ؟ !

ﻧﺎﯞﺍﺋﯩﻲ ﭘﺎﺳﭙﻮﺭﺕ ﻫﻪﻗﻘﯩﺪﻩ ﺑﯩﺮﻧﻪﺭﺳﻪ ﺩﯦﻤﯩﮕﻪﻥ ، ﭼﯜﻧﻜﻰ ﺋﯘ ﺯﺍﻣﺎﻧﻼﺭﺩﺍ ﻣﻪﻧﯩﯟﯨﻴﻪﺗﻨﻰ ﻳﯜﮔﻪﻧﻠﻪﻳﺪﯨﻐﺎﻥ ﺯﺍﻣﺎﻧﯩﯟﻯ ﭼﻪﻛﻠﻪﺭ ﻛﯚﭖ ﺋﻪﻣﻪﺱ ﺋﯩﺪﻯ . ﻧﺎﯞﺍﺋﯩﻴﻨﯩﯔ ﻗﻪﻟﯩﻤﻰ ﺋﺎﺳﺘﯩﺪﯨﻜﻰ ﻓﻪﺭﻫﺎﺩ ﺯﺍﻣﺎﻧﯩﻤﯩﺰﺩﺍ ﺑﻮﻟﯩﺪﯨﻐﺎﻥ ﺑﻮﻟﺴﺎ ، ﭘﺎﺳﭙﻮﺭﺕ ﺋﺎﻻﻟﻤﯩﻐﺎﻥ ﺑﻮﻻﺗﺘﻰ - ﺩﻩ ، ﺑﯩﺴﺘﻮﻥ ﺗﺎﻏﻠﯩﺮﯨﻨﻰ ﻳﯧﺮﯨﭗ ، ﺳﯘﻏﺎ ﺗﻪﺷﻨﺎ ﺧﻪﻟﻘﻨﻰ ﺧﯘﺭﺳﻪﻥ ﻗﯩﻼﻟﻤﯩﻐﺎﻥ ﺑﻮﻻﺗﺘﻰ .

ﻣﻪﻥ ﺑﯘ ﻳﻪﺭﺩﻩ ﻏﺎﻳﯩﯟﻯ ﺑﯩﺮ ﺩﯗﻧﻴﺎﻧﻰ ﭼﯜﺷﻪﯞﺍﺗﻘﯩﻨﯩﻢ ﻳﻮﻕ ، ﺑﻪﻟﻜﻰ ﺋﻪﻣﻪﻟﮕﻪ ﺋﯧﺸﯩﺸﺘﺎ ﺭﯦﺌﺎﻝ ﺋﺎﺳﺎﺳﻠﯩﺮﻯ ﺗﻮﻟﯘﻕ ﺗﯘﺭﯗﭖ ، ﻣﻪﯕﮕﯜﻟﯜﻙ ﺋﺎﺭﻣﺎﻥ ﺳﯜﭘﯩﺘﯩﺪﻩ ﺋﺎﺩﺍﭖ ﻛﻪﺗﻜﻪﻥ ﻛﯩﺸﯩﻠﯩﻚ ﺋﯩﺴﺘﯩﻜﯩﻢ ﺩﯗﻧﻴﺎﻧﻰ ﺋﯚﺯ ﻛﯚﺯﯛﻡ ﺑﯩﻠﻪﻥ ﻛﯚﺭﯛﺵ ﻫﻪﻗﻘﯩﺪﻩ ﺳﯚﺯ ﺋﯧﭽﯩﯟﺍﺗﯩﻤﻪﻥ . ﺑﯘ ، ﻧﻮﺭﻣﺎﻝ ﺑﯩﺮ ﺋﯩﻨﺴﺎﻧﺪﺍ ﺑﻮﻟﯩﺪﯨﻐﺎﻥ ﺋﻪﯓ ﺋﺎﺩﺩﯨﻲ ﺗﻪﻟﻪﭖ ﺑﻮﻟﯘﭖ ، ﺋﯘ ، ﻗﺎﻧﺪﯗﺭﯗﻟﻤﯩﻐﺎﻥ ﺋﻪﻫﯟﺍﻝ ﺋﺎﺳﺘﯩﺪﺍ ﺋﯩﺰﺯﻩﺕ - ﻫﯚﺭﻣﯩﺘﯩﯖﻨﻰ ﻗﻮﻟﺪﯨﻦ ﺑﯧﺮﯨﭗ ﻗﻮﻳﻐﺎﻥ ﺑﻮﻟﯩﺴﻪﻥ .

ﻛﯩﭽﯩﻜﯩﻤﺪﻩ ﺋﺎﻧﺎﻡ ، ﺋﯘ ﺗﺎﻡ ﺑﻪﻙ ﺧﻪﺗﻪﺭﻟﯩﻚ ، ﺋﯘﻧﯩﯖﻐﺎ ﻳﺎﻣﺎﺷﻤﯩﻐﯩﻦ ، ﺩﻩﻳﺘﺘﻰ . ﻟﯧﻜﯩﻦ ﻣﻪﻥ ﺋﯘﻧﯩﯖﻐﺎ ﻳﺎﻣﯩﺸﯩﭗ ، ﺋﯘﻧﯩﯔ ﻛﻪﻳﻨﯩﺪﯨﻜﻰ ﻧﻪﺭﺳﯩﻠﻪﺭﻧﻰ ﻛﯚﺭﻩﺗﺘﯩﻢ . ﺋﺎﻧﺎﻡ ﻣﯧﻨﻰ ، ﺋﯘ ﺗﺎﻏﻼﺭ ﺑﻪﻙ ﻳﯩﺮﺍﻕ ، ﺑﺎﺭﻏﯘﭼﻪ ﻫﯧﺮﯨﭗ ﻗﺎﻟﯩﺴﻪﻥ ، ﺩﻩﭖ ﺋﺎﮔﺎﻫﻼﻧﺪﯗﺭﺍﺗﺘﻰ . ﻟﯧﻜﯩﻦ ﻣﻪﻥ ﺋﺎﻧﭽﻪ ﺋﯘﺯﺍﻕ ﺋﯚﺗﻤﻪﻱ ﺩﻭﺳﺘﻠﯩﺮﯨﻢ ﺑﯩﻠﻪﻥ ﺑﯩﺮﮔﻪ ﺷﯘ ﺗﺎﻏﻼﺭﻏﺎ ﺑﯧﺮﯨﭗ ، ﺗﺎﻏﻼﺭﻧﯩﯔ ﻛﻪﻳﻨﯩﺪﻩ ﺗﺎﻍ ﺑﺎﺭﻟﯩﻘﯩﻨﻰ ﺑﯩﻠﮕﻪﻧﯩﺪﯨﻢ .

[ﻫﯧﻜﻤﻪﺕ : ﺋﻮﻟﺘﯘﺭﯗﭖ ﺗﯘﺭﯗﭖ ﺑﯩﻠﮕﻪﻥ ﺑﯩﻠﯩﻤﻠﻪﺭﮔﻪ ﻗﺎﺭﯨﻐﺎﻧﺪﺍ ، ﻫﻪﺭﯨﻜﻪﺕ ﻗﯩﻠﯩﭗ ﺗﯘﺭﯗﭖ ﺋﺎﻟﻐﺎﻥ ﺑﯩﻠﯩﻤﻠﻪﺭ ﺟﺎﻧﻠﯩﻖ ﺑﻮﻟﯩﺪﯗ

ﺗﻪﻟﻪﭘﭽﺎﻥ ﺋﺎﺩﻩﻣﻠﻪﺭ ﺭﯦﺌﺎﻟﻠﯩﻘﻨﯩﯔ ﭼﻪﻛﻠﯩﻤﯩﺴﯩﮕﻪ ﻛﯚﭘﺮﻩﻙ ﺋﯘﭼﺮﺍﭖ ، ﺋﺎﺧﯩﺮ ﺟﯩﻤﯩﻐﯘﺭ ﺑﻮﻟﯘﭖ ﻗﺎﻟﯩﺪﯗ . ﻳﯩﮕﯩﺘﻠﻪﺭﺩﯨﻦ ﺯﯨﻠﯟﺍ ﺑﻮﻱ ، ﺷﻮﺧﻠﯘﻕ ﻛﯜﺗﯩﺪﯨﻐﺎﻥ ﻗﯩﺰﻻﺭ ﺑﯘﻧﺪﺍﻕ ﺟﯩﻤﯩﻐﯘﺭﻟﯘﻗﻨﻰ ﭼﯜﺷﻪﻧﻤﻪﻳﺪﯗ . ﭘﯩﻜﺮﯨﻲ ﺷﻮﺧﻠﯘﻗﻨﯩﯔ ﺳﯚﺭﯛﻥ ﭘﻮﺳﺘﻰ ﺑﻮﻟﻤﯩﺶ ﺟﯩﻤﯩﻐﯘﺭﻟﯘﻕ ﻫﺎﺯﯨﺮﻗﻰ ﺋﺎﻣﻤﯩﯟﻯ ﻣﯘﻧﺎﺳﯩﯟﻩﺕ ﺋﺎﺭﻗﯩﻠﯩﻖ ﻗﻮﻟﻐﺎ ﻛﯧﻠﯩﺪﯨﻐﺎﻥ ﺋﺎﻣﻪﺗﺘﯩﻦ ﻗﯘﺭﯗﻕ ﻗﺎﻟﯩﺪﯗ .

ﺑﯩﺮﺍﯞ ﺩﯦﯖﯩﺰﺩﯨﻦ ﺷﯘﻧﺪﺍﻕ ﺳﻮﺭﺍﭘﺘﯘ :

_ ﺋﻪﻱ ﺩﯦﯖﯩﺰ ، ﺳﯧﻨﯩﯖﺪﻩ ﺯﺍﺩﻯ ﺋﻮﺕ ﻳﻮﻕ ﺗﯘﺭﯗﻗﻠﯘﻕ ﻧﯧﻤﯩﺸﻘﺎ ﻗﺎﻳﻨﺎﻳﺴﻪﻥ ؟ ﻗﺎﻳﻨﺎﭖ ﺗﯘﺭﯗﻗﻠﯘﻕ ﺳﯜﻳﯜﯓ ﻧﯧﻤﯩﺸﻘﺎ ﺳﻮﻏﯘﻕ ؟

_ ﺋﻪﻱ ﺩﻩﺭﺩﻟﯩﻚ ﺋﯩﻨﺴﺎﻥ ، ﺷﯘﻧﯩﻤﯘ ﺑﯩﻠﻤﯩﺪﯨﯖﻤﯘ ؟ ﺳﻪﻥ ﻗﻮﺭﻗﯩﺪﯨﻐﺎﻥ ﺩﻭﺯﺍﺥ ﺋﻮﺗﻰ ﺩﻩﻝ ﻣﯧﻨﯩﯔ ﺋﺎﺳﺘﯩﻤﺪﺍ ﻛﯚﻳﯩﺪﯗ ، ﺷﯘﯕﺎ ﻗﺎﻳﻨﺎﭖ - ﺗﯧﺸﯩﭗ ﺗﯘﺭﯨﻤﻪﻥ ، ﺋﻮﺕ ﺑﻪﻙ ﺋﺎﺯﺍﺑﻠﯩﻖ ﺑﻮﻟﻐﺎﭼﻘﺎ ﺳﯜﻳﯜﻡ ﺳﻮﻏﯘﻕ.

3

ﻣﻪﻥ ﻣﻪﺷﻬﯘﺭ ﻛﯩﺸﯩﻠﻪﺭﻧﯩﯔ ﺳﺎﻳﺎﻫﻪﺕ ﺧﺎﺗﯩﺮﯨﻠﯩﺮﯨﻨﻰ ﺋﻮﻗﯘﺷﻨﻰ ﻳﺎﺧﺸﻰ ﻛﯚﺭﯨﻤﻪﻥ . ﻣﯘﺳﺘﻪﻗﯩﻞ ﺧﺎﺭﺍﻛﺘﯧﺮ ﯞﻩ ﺩﯗﻧﻴﺎ ﻗﺎﺭﺍﺵ ﻳﯧﺘﯩﻠﺪﯛﺭﮔﻪﻥ ﻛﯩﺸﯩﻠﻪﺭ ﻛﯚﺭﮔﻪﻥ - ﺑﯩﻠﮕﻪﻧﻠﯩﺮﯨﻨﻰ ﺧﺎﺱ ﻣﻪﻧﯩﯟﻯ ﺩﯗﻧﻴﺎﺳﻰ ﺑﯩﻠﻪﻥ ﻳﯘﻏﯘﺭﯗﭖ ، ﺋﯚﺯﯨﮕﻪ ﻻﻳﯩﻖ ﻗﯩﻤﻤﻪﺗﻨﻰ ﻫﯧﺲ ﻗﯩﻼﻻﻳﺪﯗ . ﺳﻪﻣﯩﻤﯩﻲ ﻳﺎﺯﻏﯘﭼﯩﻼﺭ ﺋﯚﺯﻟﯩﺮﻯ ﺋﯘﭼﺮﺍﺗﻘﺎﻥ ﻳﯧﯖﻰ ﻧﻪﺭﺳﯩﻠﻪﺭ ﺑﯩﻠﻪﻥ ﻗﻪﻟﺒﻰ ﺋﻮﺗﺘﯘﺭﯨﺴﯩﺪﺍ ﺭﻭﻱ ﺑﯧﺮﯨﯟﺍﺗﻘﺎﻥ ﺯﯨﺪﺩﯨﻴﻪﺗﻠﻪﺭﻧﻰ ﺋﻪﻳﻨﻪﻥ ﺧﺎﺗﯩﺮﯨﻠﻪﭖ ﺋﻮﻗﯘﺭﻣﻪﻧﻠﻪﺭﮔﻪ ﺗﺎﭘﺸﯘﺭﯨﺪﯗ ، ﺑﯘ ﺟﻪﺭﻳﺎﻧﺪﺍ ﺋﯘﻻﺭ ﺳﺎﺩﺩﺍ ﻛﯩﺸﯩﻠﻪﺭﺩﻩ ﻛﯚﺭﯛﻟﯩﺪﯨﻐﺎﻥ ﺗﻪﺋﻪﺟﺠﯜﭘﻠﯩﺮﯨﻨﻰ ﻳﻮﺷﯘﺭﻣﯩﻐﺎﻥ ﺑﻮﻟﯩﺪﯗ . ﺑﯘﻧﺪﺍﻕ ﺋﻪﺳﻪﺭﻟﻪﺭﻧﯩﯔ ﺋﯩﭽﯩﺪﻩ ﮔﻴﻮﺗﯩﻨﯩﯔ \"\" ﺋﯩﺘﺎﻟﯩﻴﻪ ﻣﻪﻛﺘﯘﭘﻠﯩﺮﻯ \"\" ﻣﻪﻧﺪﻩ ﺋﺎﻻﻫﯩﺪﻩ ﺗﻪﺳﯩﺮ ﻗﺎﻟﺪﯗﺭﺩﻯ . ﺋﻪﺩﻩﺑﯩﻲ ﮔﯜﻟﻠﯩﻨﯩﺶ ﻫﻪﺭﯨﻜﯩﺘﯩﻨﯩﯔ ﺋﻮﭼﯩﻘﻰ ﻫﯧﺴﺎﺑﻠﯩﻨﯩﺪﯨﻐﺎﻥ ﺋﯩﺘﺎﻟﯩﻴﻪ ﮔﻴﻮﺗﻰ ﺋﯜﭼﯜﻥ ﺋﯧﻴﺘﻘﺎﻧﺪﺍ ، ﮔﻮﻳﺎ ﭘﺎﻳﺎﻧﺴﯩﺰ ﻛﻪﺗﻜﻪﻥ ﺳﻪﻧﻪﺕ ﻣﯘﺯﯦﻴﯩﺪﻩﻙ ﻛﯚﺭﯛﻧﮕﻪﻧﯩﺪﻯ ، ﺑﯘ ﻳﻪﺭﻧﯩﯔ ﻛﻪﭼﻜﻰ ﺷﻪﭘﯩﻘﻰ ، ﺑﻮﻟﺰﺍﻧﯘ ﻛﻮﭼﯩﻠﯩﺮﯨﺪﯨﻜﻰ ﻗﺎﻳﻨﺎﻕ ﺑﺎﺯﺍﺭﻻﺭ ، ﭼﯧﺮﻛﺎﯞ ﺗﺎﻣﻠﯩﺮﯨﺪﯨﻜﻰ ﻫﻪﻳﯟﻩﺗﻠﯩﻚ ﺩﯨﻨﯩﻲ ﺭﻩﺳﯩﻤﻠﻪﺭ ﮔﻴﻮﺗﯩﻨﯩﯔ ﺋﯚﺯ - ﺋﯚﺯﯨﻨﻰ ﻳﯧﯖﯩﯟﺍﺷﺘﯩﻦ ﺑﺎﻳﻘﯩﺸﯩﺪﯨﻜﻰ ﺋﻮﺑﻴﯧﻜﺘﻼﺭﺩﯨﻦ ﺑﻮﻟﻐﺎﻧﯩﺪﻯ . ﺋﯩﺘﺎﻟﯩﻴﯩﺪﯨﻜﻰ ﺋﯩﻜﻜﻰ ﻳﯩﻠﻠﯩﻖ ﺯﯨﻴﺎﺭﻩﺕ ﮔﻴﻮﺗﯩﻨﯩﯔ ﺋﯩﺠﺎﺩﯨﻴﯩﺘﯩﺪﻩ ﻛﯚﺭﯛﻧﻪﺭﻟﯩﻚ ﺑﯘﺭﯗﻟﯘﺵ ﻫﺎﺳﯩﻞ ﻗﯩﻠﻐﺎﻧﯩﺪﻯ .

ﻛﯩﺘﺎﺏ ﺋﻮﻗﯘﺵ ﻳﺎﺧﺸﻰ ﺋﺎﺩﻩﺕ ، ﺑﯩﺮﺍﻕ ﺋﻪﻣﻪﻟﯩﻴﻪﺗﭽﯩﻞ ﭘﯩﻜﯩﺮﻟﻪﺭ ﻧﻮﻗﯘﻝ ﻛﯩﺘﺎﺏ ﺋﻮﻗﯘﺷﺘﯩﻦ ﻛﻪﻟﻤﻪﻳﺪﯗ ، ﻛﯩﺘﺎﺏ ﺩﯗﻧﻴﺎﻧﻰ ﻫﻪﺭﯨﻜﻪﺕ ﺟﻪﺭﻳﺎﻧﯩﺪﺍ ﻛﯚﺯﯨﺘﯩﯟﺍﺗﻘﺎﻥ ﻛﯩﺸﯩﻠﻪﺭ ﺋﯜﭼﯜﻥ ﺋﯧﻴﺘﻘﺎﻧﺪﺍ ﻳﺎﺧﺸﻰ ﺩﻭﺳﺖ ، ﺋﯚﺯﯨﻤﯘ ﺗﻮﺧﺘﺎﭖ ﻗﯧﻠﯩﺶ ﺑﯩﻠﻪﻥ ﺑﯩﺮﮔﻪ ﺩﯗﻧﻴﺎﻧﻰ ﺗﯘﺭﻏﯘﻥ ﻫﺎﻟﻪﺗﺘﻪ ﭼﯜﺷﯩﻨﯩﺪﯨﻐﺎﻥ ﻛﯩﺸﯩﻠﻪﺭ ﺋﯜﭼﯜﻥ ﺋﯘﻳﻘﯘ ﺩﻭﺭﯨﺴﻰ . ﻗﻪﺩﯨﻤﻜﻰ ﺭﯨﻤﻨﯩﯔ ﻣﯘﺗﻪﭘﻪﻛﻜﯘﺭﻯ ﺳﯧﻨﯩﻜﺎ ﺳﺎﻳﺎﻫﻪﺕ ﻗﯩﻠﯩﺸﻨﯩﯔ ﺋﻪﻫﻤﯩﻴﯩﺘﯩﻨﻰ ﺋﯩﻨﻜﺎﺭ ﻗﯩﻠﻐﺎﻧﺪﻩﻙ ﺗﯘﺭﺳﯩﻤﯘ ، ﻟﯧﻜﯩﻦ ﺋﯘ ﻳﺎﺷﻠﯩﻖ ﭼﺎﻏﻠﯩﺮﯨﺪﺍ ﻛﯚﭖ ﺟﺎﻳﻼﺭﻧﻰ ﻛﻪﺯﮔﻪﻥ . ﻫﯩﻨﺪﯨﺴﺘﺎﻧﺪﺍ ﻣﻮﻏﯘﻝ ﺋﯩﻤﭙﯧﺮﯨﻴﯩﺴﯩﻨﻰ ﻗﯘﺭﻏﺎﻥ ﻛﺎﺗﺘﺎ ﺋﻪﺭﺑﺎﺑﯩﻤﯩﺰ ﺯﻭﻫﯘﺭﯨﺪﺩﯨﻦ ﻣﯘﻫﻪﻣﻤﻪﺩ ﺑﺎﺑﯘﺭ \"\" ﺑﺎﺑﯘﺭﻧﺎﻣﻪ \"\" ﺩﯦﮕﻪﻥ ﺋﻪﺳﯩﺮﯨﺪﻩ ﺋﯩﻘﻠﯩﻤﻼﺭ ﯞﻩ ﺗﻪﺑﯩﺌﻪﺗﻜﻪ ﺑﻮﻟﻐﺎﻥ ﺷﻪﻳﺪﺍ ﻗﻪﻟﺒﯩﻨﯩﯔ ﺩﯗﺭﺩﺍﻧﻪ ﻫﯧﻜﻤﻪﺗﻠﯩﺮﯨﻨﻰ ﻗﺎﻟﺪﯗﺭﯗﭖ ﻛﻪﺗﻜﻪﻧﯩﺪﻯ . ﺑﯩﺰ ﻗﻪﻳﺖ ﻗﯩﻠﯩﯟﺍﺗﻘﺎﻥ ﺑﯘ ﺷﻪﺧﺴﻠﻪﺭ ﺋﺎﺧﯩﺮﻟﯩﺸﯩﭗ ﻗﯧﻠﯩﯟﺍﺗﻘﺎﻥ ﻣﯘﺷﯘ ﺋﻪﺳﯩﺮﯨﻤﯩﺰ ( 20 - ﺋﻪﺳﯩﺮﻧﻰ ﺩﯦﻤﻪﻛﭽﻰ )ﺩﯨﻦ ﺧﯧﻠﻰ ﺋﯩﻠﮕﯩﺮﻯ ﻳﺎﺷﺎﭖ ﺋﯚﺗﻜﻪﻥ ﻛﯩﺸﯩﻠﻪﺭ . 20 - ﺋﻪﺳﯩﺮﺩﻩ ﻳﺎﻛﻰ 20 - ﺋﻪﺳﯩﺮﻧﯩﯔ ﻛﯧﻴﯩﻨﻜﻰ ﻳﯧﺮﯨﻤﯩﺪﺍ ﭼﻪﺕ ﺋﻪﻟﻠﻪﺭﻧﻰ ﺯﯨﻴﺎﺭﻩﺕ ﻗﯩﻠﯩﺶ ﺋﻮﻣﯘﻣﯩﻲ ﻳﯜﺯﻟﯩﻨﯩﺸﻜﻪ ﺋﺎﻳﻼﻧﺪﻯ ، ﻫﻪﺗﺘﺎ ﺳﺎﻳﺎﻫﻪﺗﭽﯩﻠﻪﺭﻧﻰ ﺟﻪﻟﭗ ﻗﯩﻠﯩﺶ ﺋﺎﺭﻗﯩﻠﯩﻖ ﺋﯚﺭﻩ ﺗﯘﺭﯨﺪﯨﻐﺎﻥ ﺑﯩﺮ ﻗﯩﺴﯩﻢ ﺩﯙﻟﻪﺗﻠﻪﺭﻣﯘ ﺑﺎﺭ ﺑﻮﻟﺪﻯ . ﺋﯘﻧﯩﯔ ﺋﯜﺳﺘﯩﮕﻪ ﻳﯘﻗﯩﺮﻯ ﺳﯜﺭﻩﺗﻠﯩﻚ ﺋﯘﭼﯘﺭ ﻟﯩﻨﯩﻴﯩﻠﯩﺮﯨﻨﯩﯔ ﺩﯙﻟﻪﺗﻠﻪﺭﻧﻰ ﺗﯘﺗﺎﺷﺘﯘﺭﯗﺷﻰ ﻳﻪﺭ ﺷﺎﺭﯨﻨﻰ ﻛﯩﭽﯩﻜﻠﯩﺘﯩﯟﻩﺗﺘﻰ . ﺩﻩﺭﯞﻩﻗﻪ ، ﺑﯜﮔﯜﻧﻜﻰ ﺷﺎﺭﺍﺋﯩﺘﺘﺎ ﺑﯩﺮ ﺭﺍﻳﻮﻧﻨﯩﯔ ﺗﯩﻨﭽﻠﯩﻖ ، ﺗﻪﺭﻩﻗﻘﯩﻴﺎﺕ ﻣﻪﺳﯩﻠﯩﺴﻰ ﭘﯜﺗﻜﯜﻝ ﺩﯗﻧﻴﺎ ﺑﯩﻠﻪﻥ ﺯﯨﭻ ﺑﺎﻏﻠﯩﻨﯩﺸﻠﯩﻖ ﺑﻮﻟﯘﭖ ﻗﺎﻟﺪﻯ . ﺑﯩﺮ ﺭﺍﻳﻮﻧﻨﯩﯔ ﺋﯩﺠﺘﯩﻤﺎﺋﯩﻲ ﭘﺎﺭﺍﯞﺍﻧﻠﯩﻘﻰ ، ﺳﯩﻴﺎﺳﯩﻲ ﻣﯘﻫﯩﺘﻰ ، ﺗﻪﺑﯩﺌﯩﻲ ﻣﯘﻫﯩﺘﻰ ، ﺩﯦﻤﻮﻛﺮﺍﺗﯩﻴﯩﻨﻰ ﻳﻮﻟﻐﺎ ﻗﻮﻳﯘﺵ - ﻗﻮﻳﻤﺎﺳﻠﯩﻘﻰ ﭘﯜﺗﻜﯜﻝ ﺩﯗﻧﻴﺎﻧﯩﯔ ﺋﻮﺭﺗﺎﻕ ﻣﻪﺳﯩﻠﯩﺴﯩﮕﻪ ﺋﺎﻳﻼﻧﺪﻯ . ﺑﯘﻧﯩﯖﻐﺎ ﻗﺎﺭﺍﭖ ﺩﯗﻧﻴﺎﻧﻰ ﻛﯩﭽﯩﻚ ﺩﯦﻤﻪﻱ ﺋﺎﻣﺎﻝ ﻳﻮﻕ .

ﺋﻪﻣﻤﺎ ، ﺩﯗﻧﻴﺎ ﺑﯩﺰ ﺋﯜﭼﯜﻥ ﻳﻪﻧﯩﻼ ﺑﻪﻙ ﭼﻮﯓ ، ﭼﯜﻧﻜﻰ ﺗﻪﺭﻩﻗﻘﯩﻲ ﻗﯩﻠﻐﺎﻥ ﺩﯗﻧﻴﺎﻧﯩﯔ ﻫﻪﻗﯩﻘﯩﻲ ﺭﯗﺧﺴﺎﺭﻯ ﺑﯩﺰﺩﯨﻦ ﺑﻪﻙ ﻳﯩﺮﺍﻗﺘﺎ ، ﺑﯩﺰ ﺋﯘﻧﻰ ﭘﻪﻗﻪﺕ ﺭﻩﯓ ﯞﻩ ﺋﯩﺶ ﻗﻮﺷﯘﻟﻐﺎﻥ ﺗﯧﻠﯧﯟﯨﺰﯨﻴﻪ ﻓﯩﻠﯩﻤﻠﯩﺮﯨﺪﯨﻦ ، ﺗﻪﺷﯟﯨﻘﺎﺕ ﺋﯧﻬﺘﯩﻴﺎﺟﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺋﺎﺧﺒﺎﺭﺍﺗﻼﺭﺩﯨﻨﻼ ﻛﯚﺭﻩﻟﻪﻳﻤﯩﺰ . ﺑﯩﺰ ﺋﯚﺯﯨﻤﯩﺰﺩﯨﻦ ﺗﺎﺷﻘﯩﺮﻯ ﺩﯗﻧﻴﺎﻧﻰ ﺋﯘﻗﯘﻡ ، ﻏﺎﻳﻪ ، ﻣﻪﺳﻠﻪﻛﺘﯩﻦ ﺋﯩﺒﺎﺭﻩﺕ ﻳﺎﺕ ﻛﯚﺯﻩﻳﻨﻪﻙ ﺋﺎﺭﻗﯩﻠﯩﻖ ﻛﯚﺭﯛﭖ ﻛﻪﻟﺪﯗﻕ . ﺷﯘﯕﺎ ، ﺩﯗﻧﻴﺎﻧﻰ ﺋﯚﺯ ﻛﯚﺯﯨﻤﯩﺰ ﺑﯩﻠﻪﻥ ﻛﯚﺭﯛﭖ ﺩﯨﺘﻼﭖ ﺑﯧﻘﯩﺸﺘﯩﻦ ﺗﻮﻟﯩﻤﯘ ﻳﯩﺮﺍﻗﺘﯩﻤﯩﺰ . ﺑﯩﺰ ﺋﯜﭼﯜﻥ ﻧﻴﯘ - ﻳﻮﺭﻙ ، ﺗﻮﻛﻴﻮ ﺩﯦﮕﻪﻧﻠﻪﺭ ﺋﺎﻱ ﺷﺎﺭﯨﺪﯨﻨﻤﯘ ﻳﯩﺮﺍﻕ . ﺑﯩﺰﻧﯩﯔ ﺑﯘ ﻳﻪﺭ ﮔﺎﺭﺳﯩﻴﻪ ﻣﺎﺭﻛﻮﺳﻨﯩﯔ .\"\" ﻳﯜﺯ ﻳﯩﻞ ﻏﯧﺮﯨﺒﻠﯩﻖ \"\" ﺋﻪﺳﯩﺮﯨﺪﯨﻜﻰ ﻣﺎﻛﺎﻧﺪﻭ ﻛﻪﻧﺘﯩﮕﻪ ﺋﻮﺧﺸﺎﭖ ﻛﯧﺘﯩﺪﯗ . ﺟﺎﻫﺎﻥ ﻛﯚﺭﻣﯩﮕﻪﻥ ﺋﺎﺩﻩﻣﻠﻪﺭﮔﻪ ﭼﻪﺕ ﺋﻪﻟﻨﯩﯔ ﻧﻪﺭﺳﯩﻠﯩﺮﻯ ﺳﯩﺮﻟﯩﻖ ﻫﻪﻡ ﺋﻪﺗﯩﯟﺍﺭ ﻧﻪﺭﺳﯩﮕﻪ ﺋﺎﻳﻠﯩﻨﯩﭗ ﻗﺎﻟﯩﺪﯗ . ﺧﯘﺩﺩﻯ ﺩﯨﻴﺎﺭﯨﻤﯩﺰﺩﯨﻦ ﺋﺎﭘﯩﺮﯨﭗ ﺳﯧﺘﯩﻠﻐﺎﻥ ﺗﯜﺭﻙ ﺋﺎﺗﻠﯩﺮﻯ ﺗﺎﯓ ﭘﺎﺩﯨﺸﺎﻫﯩﻨﻰ ﻫﺎﯓ - ﺗﺎﯓ ﻗﺎﻟﺪﯗﺭﻏﺎﻧﺪﻩﻙ ، ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﭘﻪﻟﺘﻮﻟﯩﺮﻯ ، ﻫﻪﺭﻩﻣﻨﯩﯔ ﺧﻮﺭﻣﯩﻠﯩﺮﻯ ، ﮔﯧﺮﻣﺎﻧﯩﻴﯩﻨﯩﯔ ﺷﯩﻠﻪﭘﯩﻠﯩﺮﻯ ﺑﯩﺰﻧﯩﯔ ﺋﻪﯓ ﻣﻪﻟﯘﻣﺎﺗﻠﯩﻖ ﻛﯩﺸﯩﻠﯩﺮﯨﻤﯩﺰﻧﯩﯔ ﺭﻭﻫﯩﻨﻰ ﺯﯨﻠﺰﯨﻠﯩﮕﻪ ﺳﺎﻟﺪﻯ . \"\" ﻳﯜﺯ ﻳﯩﻞ ﻏﯧﺮﯨﺒﻠﯩﻖ \"\" ﺭﻭﻣﺎﻧﯩﺪﯨﻜﻰ ﺳﯩﮕﺎﻥ ﻛﯩﺸﯩﺴﻰ ﻣﯧﺮﮔﺎﺩﯨﺲ ﺋﯧﻠﯩﭗ ﻛﻪﻟﮕﻪﻥ ﻣﺎﮔﻨﯩﺖ ﻣﺎﻛﺎﻧﺪﻭ ﻛﻪﻧﺘﯩﺪﯨﻜﻰ ﻻﺧﺸﯩﮕﯩﺮ ، ﻣﻪﺵ ﻗﺎﺗﺎﺭﻟﯩﻖ ﻧﻪﺭﺳﯩﻠﻪﺭﻧﻰ ﺋﻮﯕﺪﺍ - ﺩﯛﻣﺪﻩ ﻗﯩﻠﯩﯟﯦﺘﯩﭗ ، ﺧﺎﻻﻳﯩﻘﻨﻰ ﻫﻪﻳﺮﺍﻧﯘﻫﻪﺱ ﻗﯩﻠﯩﯟﯦﺘﯩﺪﯗ . \"\" ﺋﯩﻠﯩﻢ - ﭘﻪﻥ ﺋﺎﺭﯨﻠﯩﻘﻨﻰ ﻗﯩﺴﻘﺎﺭﺗﺘﻰ ، _ ﺩﻩﻳﺪﯗ ﻣﯧﺮﮔﺎﺩﯨﺲ ، _ ﭘﺎﺕ ﺋﺎﺭﯨﺪﺍ ﻛﯩﺸﯩﻠﻪﺭ ﺑﻮﺳﯘﻏﯩﺪﯨﻦ ﭼﯩﻘﻤﺎﻳﻼ ﺩﯗﻧﻴﺎﻧﯩﯔ ﻫﻪﺭﻗﺎﻧﺪﺍﻕ ﺑﯩﺮ ﻳﯧﺮﯨﺪﻩ ﺑﻮﻟﯘﯞﺍﺗﻘﺎﻥ ﺋﯩﺸﻨﻰ ﻛﯚﺭﻩﻟﻪﻳﺪﯨﻐﺎﻥ ﺑﻮﻟﯩﺪﯗ \"\" . ﻣﯧﺮﮔﺎﺩﯨﺲ ﺑﯘ ﮔﻪﭘﻨﻰ ﺩﻩﯞﺍﺗﻘﺎﻧﺪﺍ ، ﺋﯧﺰﯨﻠﯩﺶ ، ﺗﺎﻻﻥ - ﺗﺎﺭﺍﺝ ﯞﻩ ﻛﻪﻣﺴﯩﺘﯩﺶ ﺋﯩﭽﯩﺪﯨﻜﻰ ﻻﺗﯩﻦ ﺋﺎﻣﯧﺮﯨﻜﯩﺴﻰ ﺋﯚﺯﯨﻨﯩﯔ ﺑﯩﭽﺎﺭﻩ ﻫﺎﻳﺎﺗﯩﻨﻰ ﺩﺍﯞﺍﻡ ﻗﯩﻠﺪﯗﺭﯗﯞﺍﺗﺎﺗﺘﻰ .

ﺑﯜﮔﯜﻧﻜﻰ ﻻﺗﯩﻦ ﺋﺎﻣﯧﺮﯨﻜﯩﺴﻰ ﻏﯧﺮﯨﺐ ﺋﻪﻣﻪﺱ ، ﺋﯘ ﺋﻪﻣﺪﻯ ﻫﻪﺭﮔﯩﺰﻣﯘ ﻣﺎﮔﻨﯩﺘﻘﺎ ﻫﻪﻳﺮﺍﻥ ﻗﺎﻟﻤﺎﻳﺪﯗ ، ﺋﻪﻛﺴﯩﭽﻪ ﺋﯘﻻﺭ ﻳﯧﯖﻰ - ﭘﺎﺭﻻﻕ ﺋﯩﺴﺘﯩﻘﺒﺎﻟﻰ ﺋﺎﺭﻗﯩﻠﯩﻖ ﺑﺎﺷﻘﯩﻼﺭﻧﻰ ﻫﻪﻳﺮﺍﻥ ﻗﺎﻟﺪﯗﺭﻣﺎﻗﺘﺎ . ﺑﯜﮔﯜﻥ ﺋﯘﻻﺭﺩﺍ ﺩﯗﻧﻴﺎﯞﻯ ﺋﻪﺩﻩﺑﯩﻴﺎﺗﻨﯩﯔ ﻳﺎﺭﺍﺗﻘﯘﭼﯩﻠﯩﺮﻯ ﺋﻪﯓ ﻛﯚﭖ ، ﺋﯘﻻﺭﻧﯩﯔ ﭘﯘﺗﺒﻮﻝ ﺗﺎﺭﯨﺨﯩﺪﯨﻜﻰ ﺗﻪﺳﯩﺮﻟﯩﻚ ﻫﯧﻜﺎﻳﯩﻠﯩﺮﻯ \"\" ﺋﯩﻠﻠﯩﺌﺎﺩﺍ \"\" ، \"\" ﺋﻮﺩﯦﺴﺴﺎ \"\" ﺟﻪﯕﻨﺎﻣﯩﻠﯩﺮﯨﺪﻩﻙ ﻗﻮﺯﻏﯩﺘﯩﺶ ﻛﯜﭼﯩﮕﻪ ﺋﯩﮕﻪ .

ﺑﯩﺰﺩﻩ ﺑﯩﺮﻩﺭ ﻳﺎﺯﻏﯘﭼﯩﻨﯩﯔ ﺑﯩﺮﻩﺭ ﭘﺎﺭﭼﻪ ﺋﻪﺳﯩﺮﻯ ﭼﻪﺕ ﺋﻪﻟﺪﻩ ﺋﯧﻼﻥ ﻗﯩﻠﯩﻨﯩﭗ ﻗﺎﻟﺴﺎ ﻫﺎﻳﺎﺟﺎﻧﻠﯩﻨﯩﭗ ﻛﯧﺘﯩﻤﯩﺰ . ﺑﯩﺰ ﺋﯚﺯﯨﻤﯩﺰﻧﯩﯔ ﺑﺎﺷﻘﯩﻼﺭ ﺗﻪﺭﯨﭙﯩﺪﯨﻦ ﻣﯘﺋﻪﻳﻴﻪﻧﻠﻪﺷﺘﯜﺭﯛﻟﯜﺷﯩﻤﯩﺰﻧﻰ ﺑﻪﻙ ﺋﺎﺭﺯﯗ ﻗﯩﻠﯩﻤﯩﺰ ، ﺋﯚﺯﯨﻤﯩﺰ ﺋﯚﺯﯨﻤﯩﺰﻧﻰ ﻣﯘﺋﻪﻳﻴﻪﻧﻠﻪﺷﺘﯜﺭﯛﺷﻜﻪ ﺟﯜﺭﻩﺕ ﻗﯩﻼﻟﻤﺎﻳﻤﯩﺰ . ﻛﻮﻧﺴﯧﺮﺗﻠﯩﺮﯨﻤﯩﺰﺩﺍ ﺑﯩﺮ - ﺋﯩﻜﻜﻰ ﻧﻪﭘﻪﺭ ﭼﻪﺕ ﺋﻪﻟﻠﯩﻚ ﺋﻮﻟﺘﯘﺭﯗﭖ ﺑﻪﺭﺳﻪ ، ﺋﯘﻻﺭﻧﻰ ﮔﻪﯞﺩﯨﻠﻪﻧﺪﯛﺭﯛﭖ ﺳﯜﺭﻩﺗﻜﻪ ﺋﺎﻟﯩﻤﯩﺰ . ﺑﯩﺰﮔﻪ ﭼﻪﺕ ﺋﻪﻝ ﻣﻪﺩﻩﻧﯩﻴﯩﺘﯩﻨﯩﯔ ﺷﻪﻛﻠﻪﻥ ﻗﯩﺴﻤﯩﻼ ﻛﯩﺮﯨﺪﯗ ، ﺋﯩﺠﺎﺩﭼﺎﻥ ﺭﻭﻫﻰ ﻛﯩﺮﻣﻪﻳﺪﯗ ، ﺑﯘﻻﺭﻧﯩﯔ ﻫﻪﻣﻤﯩﺴﻰ ﻧﯧﻤﻪ ﺋﯜﭼﯜﻥ ؟

ﺑﯩﺮ ﺋﯧﻐﯩﺰ ﮔﻪﭖ ﺑﯩﻠﻪﻥ ﺟﺎﯞﺍﺏ ﺑﻪﺭﮔﻪﻧﺪﻩ ، ﺑﯧﻜﯩﻨﻤﻪ ﺭﺍﻳﻮﻥ ﻛﯩﺸﯩﻠﯩﺮﯨﮕﻪ ﻧﯩﺴﺒﻪﺗﻪﻥ ﭼﻪﺗﺘﯩﻦ ﻛﻪﻟﮕﻪﻥ ﺑﯘﻳﯘﻣﻼﺭ ﺳﯧﻬﺮﯨﻲ ﻛﯜﭼﻜﻪ ﺋﯩﮕﻪ ﺑﻮﻟﯩﺪﯗ .

ﺑﯧﻜﯩﻨﻤﯩﭽﯩﻠﯩﻚ ﺑﺎﺷﻘﯩﻼﺭ ﺋﯧﻴﺘﻘﺎﻧﺪﻩﻙ ، ﺗﺎﺭﯨﺨﻨﯩﯔ ﻣﻪﻫﺴﯘﻟﯩﻤﯘ ؟ ﺑﯩﺰ ﺑﯘﻧﺪﺍﻕ ﺩﯦﮕﯜﭼﯩﻠﻪﺭﺩﯨﻦ : \"\" ﺳﯩﺰ ﺩﻩﯞﺍﺗﻘﺎﻥ ﺗﺎﺭﯨﺦ ﻗﺎﻧﺪﺍﻕ ﺗﺎﺭﯨﺦ \"\" ﺩﻩﭖ ﺳﻮﺭﺍﺷﻘﺎ ﻣﻪﺟﺒﯘﺭﻣﯩﺰ . ﺑﯩﺰ ﻳﺎﺷﺎﯞﺍﺗﻘﺎﻥ ﺑﯘ ﺭﺍﻳﻮﻧﻨﯩﯔ ﺗﺎﺭﯨﺨﺘﺎ ﻣﻪﺩﻩﻧﯩﻴﻪﺕ ﺩﻭﻗﻤﯘﺷﻰ ﺑﻮﻟﯘﭖ ﻛﻪﻟﮕﻪﻧﻠﯩﻜﯩﺪﯨﻦ ﺋﯩﺒﺎﺭﻩﺕ ﭘﺎﻛﯩﺘﻨﻰ ﻫﯧﭽﻜﯩﻢ ﺭﻩﺕ ﻗﯩﻠﻤﺎﻳﺪﯨﻐﯘ ؟ ﺟﯘﯕﮕﻮﺩﺍ ﺗﺎﺭﯨﺦ ﺩﯦﮕﻪﻥ ﺋﯘﻗﯘﻡ ﺋﯚﺯﯨﻨﻰ ﺋﺎﻗﻼﺵ ﯞﻩ ﺗﻪﺳﻪﻟﻠﻰ ﺑﯧﺮﯨﺸﻨﯩﯔ ﮔﯘﻣﺎﺷﺘﯩﺴﻰ ﺑﻮﻟﯘﭖ ﻗﯧﻠﯩﺸﺘﯩﻦ ﺧﺎﻟﯩﻲ ﺑﻮﻻﻟﻤﺎﻱ ﻛﻪﻟﺪﻯ .

ﺑﯩﺮ ﻗﯧﺘﯩﻢ ﻛﯩﺘﺎﺑﺨﺎﻧﯩﻐﺎ ﺑﺎﺭﻏﺎﻧﺪﺍ ﺟﯘﯕﮕﻮ ﻳﺎﺯﻏﯘﭼﯩﻠﯩﺮﯨﻨﯩﯔ ﭼﻪﺕ ﺋﻪﻝ ﺯﯨﻴﺎﺭﯨﺘﻰ ﻫﻪﻗﻘﯩﺪﻩ ﻳﺎﺯﻏﺎﻥ ﺋﻪﺳﻪﺭﻟﯩﺮﻯ ﻣﻪﺟﻤﯘﺋﻪﺳﯩﻨﻰ ﻛﯚﺭﯛﭖ ﻗﺎﻟﺪﯨﻢ . ﺑﯘ ﻳﺎﺯﻏﯘﭼﯩﻼﺭ ﯞﺍﯓ ﻣﯧﯔ ، ﻟﻴﯘ ﺷﯩﻨﯟﯗ ، ﺟﺎﯓ ﺟﯧﻲ ، ﺟﺎﯓ ﻛﺎﯕﻜﺎﯓ ﻗﺎﺗﺎﺭﻟﯩﻘﻼﺭ ﺋﯩﺪﻯ . ﻣﻪﻥ ﯞﺍﯓ ﻣﯧﯖﻨﯩﯔ ﺷﯩﻨﺠﺎﯓ ﺗﯧﻤﯩﺴﯩﺪﯨﻜﻰ ﺋﻪﺳﻪﺭﻟﯩﺮﯨﻨﻰ ﻳﺎﻗﺘﯘﺭﺍﺗﺘﯩﻢ ، ﺷﯘﯕﻼﺷﻘﯩﻤﯩﻜﯩﻦ ، ﯞﺍﯓ ﻣﯧﯖﻨﯩﯔ ﻛﯩﺘﺎﺑﯩﻨﻰ ﻗﻮﻟﯘﻣﻐﺎ ﺋﺎﻟﺪﯨﻢ . ﻛﯩﺮﯨﺶ ﺳﯚﺯﯨﻨﻰ ﺋﻮﻗﯘﭘﻼ ﻳﺎﻗﺘﯘﺭﯗﭖ ﻗﺎﻟﻐﺎﻧﺪﻩﻙ ﺑﻮﻟﺪﯗﻡ - ﺩﻩ ، ﺳﯧﺘﯩﯟﺍﻟﺪﯨﻢ . ﻛﯩﺮﯨﺶ ﺳﯚﺯ 1959 - ﻳﯩﻠﻰ ﻳﺎﻧﯟﺍﺭﺩﺍ ﻳﯧﺰﯨﻠﻐﺎﻥ ﺑﻮﻟﯘﭖ ، ﺋﺎﭘﺘﻮﺭ ﺷﯘ ﭼﺎﻏﻘﯩﭽﻪ ﺟﻪﻣﯩﻲ 40 ﻗﯧﺘﯩﻢ ﭼﻪﺕ ﺋﻪﻟﮕﻪ ﭼﯩﻘﻘﺎﻧﻠﯩﻘﯩﻨﻰ ﻗﻪﻳﺖ ﻗﯩﻠﯩﭗ ﺋﯚﺗﻜﻪﻧﯩﺪﻯ . ﺋﯘﻧﯩﯖﺪﯨﻦ ﺑﺎﺷﻘﺎ ، ﺩﻩﻱ ﺧﯘﻳﻴﯩﯖﻨﯩﯔ ﺋﺎﻣﯧﺮﯨﻜﯩﺪﺍ ﺗﯘﺭﯗﭖ ﻳﺎﺯﻏﺎﻥ ﻣﻪﻛﺘﯘﭘﻼﺭ ﺗﻮﭘﻠﯩﻤﯩﻨﻰ ﻛﯚﺭﮔﻪﻧﯩﺪﯨﻢ . ﺟﺎﯓ ﺷﻴﻪﻧﻠﻴﺎﯓ ﻗﺎﺗﺎﺭﻟﯩﻖ ﻧﯘﺭﻏﯘﻥ ﻳﺎﺯﻏﯘﭼﯩﻼﺭﻧﯩﯔ ﭼﻪﺕ ﺋﻪﻟﮕﻪ ﻟﯧﻜﺴﯩﻴﻪ ﺋﻮﻗﯘﻏﯩﻠﻰ ﭼﯩﻘﻘﺎﻧﻠﯩﻘﯩﻨﻰ ﻣﺎﺗﯧﺮﯨﻴﺎﻟﻼﺭﺩﯨﻦ ﻛﯚﺭﮔﻪﻧﻤﻪﻥ . ﺩﯦﻤﻪﻙ ، ﺋﯘﻻﺭ ﺋﯜﭼﯜﻥ ﭼﻪﺕ ﺋﻪﻝ ﻗﻮﻏﯘﻧﻠﯘﻗﻨﯩﯔ ﻳﻮﻟﻰ ﺋﯩﺪﻯ .

ﺑﯩﺰﺩﻩ ﺋﯘﻧﺪﺍﻕ ﺋﯩﺸﻼﺭ ﻳﻮﻕ ﺩﯦﺴﻪﻙ ، \"\" ﻣﯧﺘﺎﻓﯩﺰﯨﻚ \"\" ﺧﺎﺗﺎﻟﯩﻖ ﺋﯚﺗﻜﯜﺯﮔﻪﻥ ﺑﻮﻟﯩﻤﯩﺰ . ﺑﯩﺰ ﭼﻪﺕ ﺋﻪﻟﻠﻪﺭﮔﻪ ﺯﯨﻴﺎﺭﻩﺗﻜﻪ ﭼﯩﻘﻘﺎﻥ ﻳﺎﺯﻏﯘﭼﯩﻼﺭﻧﻰ ﺑﺎﺭﻣﺎﻕ ﺑﯩﻠﻪﻥ ﺳﺎﻧﺎﭖ ﺑﯧﺮﻩﻟﻪﻳﻤﯩﺰ . ﺋﯩﻠﯩﻢ ﺗﻪﻫﺴﯩﻞ ﻗﯩﻠﯩﺶ ﺋﺎﺭﺯﯗﺳﯩﺪﯨﻜﯩﻠﻪﺭ ﭼﻪﺕ ﺋﻪﻟﮕﻪ ﺋﻮﻗﯘﺷﻘﺎ ﭼﯩﻘﻤﺎﻗﭽﻰ ﺑﻮﻟﻐﺎﻧﻼﺭﻏﺎ ﻣﯚﺟﯩﺰﯨﮕﻪ ﻗﺎﺭﯨﻐﺎﻧﺪﻩﻙ ﻗﺎﺭﺍﻳﺪﯗ ، ﺋﯘﻻﺭﻧﻰ ﺋﺎﻻﻫﯩﺪﻩ ﻣﺎﺗﯧﺮﯨﻴﺎﻟﺪﯨﻦ ﻳﺎﺳﺎﻟﻐﺎﻧﺪﻩﻙ ﻫﯧﺲ ﻗﯩﻠﯩﺪﯗ .

ﻳﺎﺯﻏﯘﭼﻰ ﺯﻭﺭﺩﯗﻥ ﺳﺎﺑﯩﺮ 1997 - ﻳﯩﻠﻰ ﻛﯜﺯﺩﻩ ﺋﯩﭽﻜﯩﺮﯨﮕﻪ ﻗﯩﻠﻐﺎﻥ ﺳﻪﭘﯩﺮﯨﻤﯩﺰﺩﻩ ﻣﺎﯕﺎ ﭼﻪﺕ ﺋﻪﻟﮕﻪ ﭼﯩﻘﯩﺶ ﻧﯩﻴﯩﺘﯩﻨﯩﯔ ﺑﺎﺭﻟﯩﻘﯩﻨﻰ ، ﺋﻪﻣﻤﺎ ﭘﺎﺳﭙﻮﺭﺗﻰ ﺑﻮﻟﻤﯩﻐﺎﭼﻘﺎ ﺑﺎﺭﺍﻟﻤﺎﻳﯟﺍﺗﻘﺎﻧﻠﯩﻘﯩﻨﻰ ﺋﯧﻴﺘﯩﭗ ﻫﻪﺳﺮﻩﺗﻠﻪﻧﮕﻪﻧﯩﺪﻯ . ﺋﯩﺰﺩﯨﻨﯩﺶ ﺭﻭﻫﯩﻐﺎ ﺑﺎﻱ ﺑﯘ ﺋﯘﺳﺘﺎﺯ ﻳﺎﺯﻏﯘﭼﯩﻤﯩﺰﻣﯘ ﺑﯩﺰ ﺑﯩﻠﻪﻥ ﺧﯘﺩﺩﻯ ﻗﯧﻴﯩﺪﯨﻐﺎﻧﺪﻩﻛﻼ ﺋﯘﺷﺘﯘﻣﺘﯘﺕ ﺧﻮﺷﻠﯩﺸﯩﭗ ، ﭘﺎﺳﭙﻮﺭﺕ ﺗﻪﻟﻪﭖ ﻗﯩﻠﻤﺎﻳﺪﯨﻐﺎﻥ ﻳﻪﺭﮔﻪ ﻛﻪﻟﻤﻪﺳﻜﻪ ﻛﻪﺗﺘﻰ .

ﺯﻭﺭﺩﯗﻥ ﺋﺎﻛﯩﻨﯩﯔ ﯞﺍﯓ ﻣﯧﯔ ﺑﯩﻠﻪﻥ ﻳﯧﻘﯩﻦ ﺋﺎﻏﯩﻨﻪ ﺋﯩﻜﻪﻧﻠﯩﻜﯩﻨﻰ ﺋﻮﺑﺪﺍﻥ ﺑﯩﻠﯩﻤﻪﻥ . ﺋﯚﺗﻜﻪﻥ ﻳﯩﻠﻰ ﻛﯜﺯﺩﻩ ﺑﯧﻴﺠﯩﯖﺪﺍ ﺯﻭﺭﺩﯗﻥ ﺋﺎﻛﺎ ﺑﯩﻠﻪﻥ ﻣﻪﻫﻤﯘﺕ ﻣﯘﻫﻪﻣﻤﻪﺕ ﺋﯩﻜﻜﯩﺴﻰ ﯞﺍﯓ ﻣﯧﯖﻨﻰ ﺋﺎﻻﻫﯩﺪﻩ ﻳﻮﻗﻼﭖ ﻛﯧﻠﯩﺸﻜﻪﻧﯩﺪﻯ ، ﯞﺍﯓ ﻣﯧﯔ ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺧﻪﻟﻖ ﻫﯚﻛﯜﻣﯩﺘﯩﻨﯩﯔ ﺑﯧﻴﺠﯩﯖﺪﯨﻜﻰ ﺋﯩﺶ ﺑﯧﺠﯩﺮﯨﺶ ﺑﺎﺷﻘﺎﺭﻣﯩﺴﯩﻐﺎ ﻛﯧﻠﯩﭗ ﺑﯩﺰ ﺑﯩﻠﻪﻥ ﭼﯜﺷﻠﯜﻙ ﺗﺎﻣﺎﻕ ﻳﯧﮕﻪﻧﺪﻩ ، ﺯﻭﺭﺩﯗﻥ ﺋﺎﻛﺎ ﺑﯩﻠﻪﻥ ﯞﺍﯓ ﻣﯧﯔ ﺋﯩﻜﻜﯩﺴﻰ ﭼﺎﻗﭽﺎﻗﻠﯩﺸﯩﭗ ﻳﺎﻧﻤﯘﻳﺎﻥ ﺋﻮﻟﺘﯘﺭﯗﺷﻘﺎﻧﯩﺪﻯ . ﻣﺎﻧﺎ ﺑﯘ ﺋﯩﺸﻼﺭﻏﯩﻤﯘ ﻫﻪﺵ - ﭘﻪﺵ ﺩﯦﮕﯜﭼﻪ ﺑﯩﺮ ﻳﯩﻞ ﺑﻮﻟﯘﭖ ﻗﺎﭘﺘﯘ . ﯞﺍﯓ ﻣﯧﯔ ﺋﻪﭘﻪﻧﺪﻯ ﺯﻭﺭﺩﯗﻥ ﺋﺎﻛﯩﻨﯩﯔ ﯞﺍﭘﺎﺗﯩﻨﻰ ﺑﻪﻟﻜﯩﻢ ﺋﺎﯕﻠﯩﻐﺎﻧﺪﯗ ، ﺑﯩﺮﺍﻕ ﭼﻪﺕ ﺋﻪﻟﮕﻪ 40 ﻗﯧﺘﯩﻤﺪﯨﻦ ﺋﺎﺭﺗﯘﻕ ﺯﯨﻴﺎﺭﻩﺗﻜﻪ ﭼﯩﻘﻘﺎﻥ ﺑﯘ ﻣﻪﺷﻬﯘﺭ ﺯﺍﺕ ﺯﻭﺭﺩﯗﻥ ﺋﺎﻛﯩﻨﯩﯔ ﻣﺎﯕﺎ ﺋﯧﻴﺘﻘﺎﻥ ﻫﻪﺳﺮﯨﺘﯩﻨﻰ ﺑﯩﻠﻪﻣﺪﯨﻐﺎﻧﺪﯗ ؟ ﺑﻪﻟﻜﯩﻢ ﺋﯘ ﺑﯘﻧﻰ ﺑﯩﻠﺴﻪ ﻫﯧﺴﺪﺍﺷﻠﯩﻖ ﻗﯩﻼﺭ ﺋﯩﺪﻯ ، ﭼﯜﻧﻜﻰ ﯞﺍﯓ ﻣﯧﯔ ﺟﺎﭘﺎ ﺗﺎﺭﺗﻘﺎﻥ ﺋﯩﺴﻴﺎﻧﻜﺎﺭ ﺯﯨﻴﺎﻟﯩﻲ .

ﺯﻭﺭﺩﯗﻥ ﺋﺎﻛﺎ ، ﺑﯩﺰ ﺋﺎﯞﯞﺍﻝ ﻣﺎﯞﺩﯗﻥ ﻣﯘﻛﺎﭘﺎﺗﯩﻨﻰ ﺋﯧﻠﯩﺸﻘﺎ ﺗﯩﺮﯨﺸﯩﺸﯩﻤﯩﺰ ﻛﯧﺮﻩﻙ ، ﻧﻮﺑﯧﻞ ﻣﯘﻛﺎﭘﺎﺗﯩﻨﻰ ﺋﯧﻠﯩﺶ ﻛﯧﻴﯩﻨﻜﻰ ﺋﻪﺳﯩﺮﺩﯨﻜﯩﻠﻪﺭﻧﯩﯔ ﺋﯩﺸﻰ ، ﺩﻩﻳﺘﺘﻰ . ﺑﯩﺮﺍﻕ ﻣﺎﯞﺩﯗﻥ ﻣﯘﻛﺎﭘﺎﺗﯩﻨﻰ ﺑﺎﻫﺎﻟﯩﻐﯘﭼﯩﻼﺭ ﺑﯩﺰﺩﯨﻜﻰ ﺋﻪﺩﯨﺒﻠﻪﺭﻧﻰ ﺋﻮﻳﻼﺷﺘﯩﻤﯘ - ﻳﻮﻕ ، ﺑﯘﻧﻰ ﺗﯧﺨﻰ ﺑﯩﻠﻤﯩﺪﯗﻕ ، ﺋﯘﻧﯩﯔ ﺋﯜﺳﺘﯩﮕﻪ ﺑﯩﺰﺩﻩ ﺧﻪﻧﺰﯗ ﺗﯩﻠﯩﺪﺍ ﺑﯩﯟﺍﺳﯩﺘﻪ ﺋﻪﺳﻪﺭ ﻳﺎﺯﯨﺪﯨﻐﺎﻥ ﻏﻮﻟﻠﯘﻕ ﻳﺎﺯﻏﯘﭼﯩﻼﺭﻧﯩﯔ ﺗﺎﻳﯩﻨﻰ ﻳﻮﻕ .

ﻗﺎﺭﯨﻐﺎﻧﺪﺍ ، ﺋﺎﻟﺪﯨﻤﯩﺰﺩﯨﻜﻰ ﻣﻪﺳﯩﻠﻪ ﻣﯘﻛﺎﭘﺎﺗﻘﺎ ﺋﯧﺮﯨﺸﯩﺶ ﻣﻪﺳﯩﻠﯩﺴﻰ ﺑﻮﻟﻤﺎﺳﺘﯩﻦ ، ﺑﻪﻟﻜﻰ ﺗﻪﺭﻩﻗﻘﯩﻲ ﻗﯩﻠﯩﺶ ﭘﯘﺭﺳﯩﺘﯩﻨﻰ ﻗﻮﻟﻐﺎ ﻛﻪﻟﺘﯜﺭﯛﺵ ﻣﻪﺳﯩﻠﯩﺴﯩﺪﯨﻦ ﺋﯩﺒﺎﺭﻩﺕ ﺑﻮﻟﺴﺎ ﻛﯧﺮﻩﻙ . ﺷﯘ ﭼﺎﻏﺪﯨﻼ ﺋﯩﻘﺘﯩﺴﺎﺩﯨﻲ ﺑﯧﻜﯩﻨﻤﯩﭽﯩﻠﯩﻜﺘﯩﻦ ﺗﺎﺭﺗﯩﭗ ﺭﻭﻫﯩﻲ ﺑﯧﻜﯩﻨﻤﯩﭽﯩﻠﯩﻜﻜﻪ ﻗﻪﺩﻩﺭ ﺋﯩﺠﺘﯩﻤﺎﺋﯩﻲ ﺋﯩﻠﻠﻪﺗﻠﻪﺭﮔﻪ ﺧﺎﺗﯩﻤﻪ ﺑﯧﺮﻩﻟﻪﻳﻤﯩﺰ . ﺑﻪﺯﯨﺪﻩ ﺑﯧﻜﯩﻨﻤﯩﭽﯩﻠﯩﻚ ﺗﻪﺑﯩﻲ ﺑﻮﻟﻤﺎﻳﺪﯗ ، ﺋﻪﻛﺴﯩﭽﻪ ﺳﯜﻧﯩﻲ ﻫﺎﻟﺪﺍ ﻛﻪﻟﺘﯜﺭﯛﭖ ﭼﯩﻘﯩﺮﯨﻠﻐﺎﻥ ﺑﻮﻟﯩﺪﯗ . ﺑﯩﺰ ﺑﯘﻧﻰ ﭼﯜﺷﯩﻨﯩﺸﯩﻤﯩﺰ ﯞﻩ ﭼﯜﺷﻪﻧﺪﯛﺭﯛﺷﯩﻤﯩﺰ ﻛﯧﺮﻩﻙ .

\"\" ﺋﺎﺳﺎﺳﯩﻲ ﻗﺎﻧﯘﻥ \"\" ﻫﻪﺭﺑﯩﺮ ﭘﯘﻗﺮﺍﻏﺎ ﺑﺎﺭﺍﯞﻩﺭ ﻫﻮﻗﯘﻕ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﯞﻩﺩﻩ ﻗﯩﻠﻐﺎﻧﯩﺪﻯ . ﺋﺎﺷﯘ ﻫﻮﻗﯘﻗﻨﯩﯔ ﺋﯩﭽﯩﺪﻩ ﻛﯩﺸﯩﻠﻪﺭﻧﯩﯔ ﺗﻪﺭﻩﻗﻘﯩﻲ ﻗﯩﻠﯩﺶ ﺋﯜﭼﯜﻥ ﺯﯙﺭﯛﺭ ﺑﻮﻟﻐﺎﻥ ﭘﯘﺭﺳﻪﺗﻨﯩﯔ ﺑﺎﺭﺍﯞﻩﺭﻟﯩﻜﯩﻤﯘ ﺑﻮﻟﯩﺪﯗ ، ﺋﻪﻟﯟﻩﺗﺘﻪ . ﺋﯘﻧﯩﯔ ﺋﯜﺳﺘﯩﮕﻪ ﻗﺎﻧﯘﻧﻨﻰ ﻗﺎﻧﯘﻥ ﺗﺎﺭﻣﺎﻗﻠﯩﺮﯨﻼ ﺋﯩﺠﺮﺍ ﻗﯩﻠﯩﺪﯗ ، ﺩﯦﺴﻪﻙ ﺧﺎﺗﺎ ﺑﻮﻟﯩﺪﯗ ، ﭼﯜﻧﻜﻰ ﻗﺎﻧﯘﻥ ﺗﺎﺭﻣﺎﻗﻠﯩﺮﯨﺪﺍ ﺋﯩﺸﻠﻪﻳﺪﯨﻐﺎﻥ ﻛﯩﺸﯩﻠﻪﺭﻣﯘ ﻧﺎﻥ ﻳﻪﻳﺪﯨﻐﺎﻥ ﻛﻮﻧﻜﺮﯦﺖ ﺋﺎﺩﻩﻣﻠﻪﺭﺩﯨﻦ ﺋﯩﺒﺎﺭﻩﺕ . ﺩﯗﻧﻴﺎ ﺗﺎﺭﯨﺨﯩﺪﺍ ﻗﺎﻧﯘﻧﻨﯩﯔ ﻣﯘﻛﻪﻣﻤﻪﻟﻠﯩﺸﯩﺸﻰ ﺋﯩﻜﻜﻰ ﺑﺎﺳﻘﯘﭼﻨﻰ ﺑﯧﺴﯩﭗ ﺋﯚﺗﻜﻪﻥ ، ﺑﯩﺮﻯ ، ﻗﺎﻧﯘﻥ ﯞﻩ ﻗﺎﻧﯘﻥ ﻣﯘﺋﻪﺳﺴﻪﺳﯩﻠﯩﺮﯨﻨﯩﯔ ﺗﯜﺯﯛﻟﯜﺷﻰ ، ﻳﻪﻧﻪ ﺑﯩﺮﻯ ، ﻗﺎﻧﯘﻧﻨﻰ ﺋﯩﺠﺮﺍ ﻗﯩﻠﺪﯗﺭﯗﺵ ﺋﯜﭼﯜﻥ ﺧﻪﻟﻖ ﺋﺎﻣﻤﯩﺴﯩﻨﯩﯔ ﻛﯜﺭﻩﺵ ﻗﯩﻠﯩﺸﻰ . ﻗﺎﻧﯘﻥ ﺗﯜﺯﯛﻟﺴﯩﻤﯘ ﺋﯘﻧﯩﯔ ﻫﻪﻗﻘﺎﻧﯩﻲ ﻳﯜﺭﮔﯜﺯﯛﻟﯜﺷﯩﻨﻰ ﻧﺎﺯﺍﺭﻩﺕ ﻗﯩﻼﻻﻳﺪﯨﻐﺎﻥ ، ﻗﺎﻧﯘﻥ ﺋﯜﭼﯜﻥ ﻛﯜﺭﻩﺵ ﻗﯩﻼﻻﻳﺪﯨﻐﺎﻥ ﺧﻪﻟﻖ ﺑﻮﻟﻤﯩﺴﺎ ، ﻗﺎﻧﯘﻥ ﻣﯘﺋﻪﺳﺴﻪﺳﯩﻠﯩﺮﻯ ﭼﯩﺮﯨﭗ ﻛﯧﺘﯩﺪﯗ . ﺟﯘﯕﮕﻮﺩﺍ ﻗﺎﻧﯘﻧﻨﯩﯔ ﺑﺎﺭﻟﯩﻘﯩﻐﺎ ﮔﻪﭖ ﻛﻪﺗﻤﻪﻳﺪﯗ ، ﺑﯩﺮﺍﻕ ﻗﺎﻧﯘﻥ ﺭﻭﻫﯩﻨﯩﯔ ﺑﺎﺭﻟﯩﻘﯩﻐﺎ ﺑﯩﺮﻧﯧﻤﻪ ﺩﯦﻤﻪﻙ ﺗﻪﺱ . ﻣﻪﻣﻠﯩﻜﻪﺗﻠﯩﻚ ﺧﻪﻟﻖ ﻗﯘﺭﯗﻟﺘﯩﻴﻰ ﺩﺍﺋﯩﻤﯩﻲ ﻛﻮﻣﯩﺘﯧﺘﻰ ﻫﯧﻠﯩﻬﻪﻡ ﺩﯙﻟﻪﺗﻨﻰ ﻗﺎﻧﯘﻥ ﺑﻮﻳﯩﭽﻪ ﺋﯩﺪﺍﺭﻩ ﻗﯩﻠﯩﺸﻨﻰ ﺗﻪﻛﯩﺘﻠﻪﯞﺍﺗﻤﺎﻣﺪﯗ ؟ !

ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺕ ﺟﻪﻫﻪﺗﺘﻪ ﺭﺍﻳﻮﻧﻼﺭ ﺋﻮﺗﺘﯘﺭﯨﺴﯩﺪﺍ ﻛﯧﻠﯩﭗ ﭼﯩﻘﻘﺎﻥ ﺯﻭﺭ ﭘﻪﺭﻗﻨﻰ ﺗﻪﺑﯩﻲ ﺟﯘﻏﺮﺍﭘﯩﻴﯩﻠﯩﻚ ﺋﻪﯞﺯﻩﻟﻠﯩﻚ ﯞﻩ ﺗﺎﺭﯨﺨﯩﻲ ﺳﻪﯞﻩﺑﻠﻪﺭ ﺑﯩﻠﻪﻥ ﺋﯩﺰﺍﻫﻼﺷﻘﺎ ﺑﻪﻙ ﻛﯚﻧﯜﭖ ﻛﻪﺗﺘﯘﻕ . ﺑﯩﺮﺍﻕ ﻗﺎﻧﯘﻧﻨﯩﯔ ﺋﯩﺠﺮﺍ ﺑﻮﻟﯘﺷﯩﺪﯨﻤﯘ ﺭﺍﻳﻮﻥ ﭘﻪﺭﻗﻰ ﺑﻮﻟﯘﺷﻰ ﻛﯧﺮﻩﻛﻤﯘ ؟ ﻗﺎﻧﯘﻥ ﺑﯘﻧﯩﯖﺪﺍ \"\" ﻫﻪﺋﻪ ! \"\" ﺩﻩﭖ ﺟﺎﯞﺍﺏ ﺑﻪﺭﻣﻪﻳﺪﯗ ، ﺋﻪﻟﯟﻩﺗﺘﻪ .

ﻗﺎﻧﯘﻥ ﺋﺎﺑﺴﺘﺮﺍﻛﺖ ﻣﻪﺯﻣﯘﻧﺪﯨﻦ ﺋﯩﺒﺎﺭﻩﺕ . ﻗﺎﻧﯘﻥ ﺭﻭﻫﻰ ﺋﺎﺩﻩﻡ ﺳﯘﺑﻴﯧﻜﺘﯩﻐﺎ ﺋﺎﻳﻼﻧﻐﺎﻥ ﻫﻪﺭﯨﻜﻪﺗﺘﯩﻦ ﺋﯩﺒﺎﺭﻩﺕ . ﻗﺎﻧﯘﻥ ﻗﺎﻧﯘﻧﻨﻰ ﺋﯩﺠﺮﺍ ﻗﯩﻠﯩﺪﯨﻐﺎﻥ ﻛﯩﺸﯩﻠﻪﺭ ﺗﻪﺭﯨﭙﯩﺪﯨﻦ ﻛﻮﻧﻜﺮﯦﺘﻠﯩﺸﯩﺪﯗ . ﺷﯘﻧﺪﺍﻕ ﺋﯩﻜﻪﻥ ، ﻗﺎﻧﯘﻥ ﺩﯙﻟﻪﺗﻨﯩﯔ ﺑﺎﺵ ﺗﯧﻤﯩﺴﻰ ﺑﻮﻟﻐﺎﻥ ﺧﻪﻟﻘﻨﯩﯔ ﻗﻮﻟﯩﻐﺎ ﺗﺎﭘﺸﯘﺭﯗﻟﯘﺷﻰ ، ﺋﯘ ، ﺧﻪﻟﻘﻨﯩﯔ ﺭﻭﻫﯩﻲ ﺳﺎﭘﺎﺳﻰ ﺗﻪﺭﯨﭙﯩﺪﯨﻦ ﻳﯜﻛﺴﻪﻟﺪﯛﺭﯛﻟﯜﺷﻰ ﻛﯧﺮﻩﻙ . ﺋﻪﭘﺴﯘﺳﻜﻰ ، ﺑﯩﺰﺩﻩ ﺧﻪﻟﻖ ﺗﯜﺭﻟﯜﻙ ﻫﻮﻗﯘﻗﻨﯩﯔ ﺟﺎﭘﺎﻛﻪﺵ ﺩﻩﯞﺍﮔﻪﺭﻟﯩﺮﻯ ﺳﯜﭘﯩﺘﯩﺪﻩ ﻗﺎﻧﯘﻥ ﺩﻩﺭﯞﺍﺯﯨﺴﯩﻨﯩﯔ ﺋﺎﻟﺪﯨﺪﺍ ﺗﻪﻟﻤﯜﺭﯛﭖ ﺗﯘﺭﻣﺎﻗﺘﺎ .

4

ﺋﯜﭺ ﻳﯩﻞ ﺋﯩﻠﮕﯩﺮﻯ ﻗﯘﺩﺩﯗﺱ ﻫﺎﭘﯩﺰ ﺟﺎﻣﺎﺋﻪﺗﻨﯩﯔ ﻏﯘﻟﻐﯘﻻ ﻗﯩﻠﯩﺸﻰ ﯞﻩ ﻫﯚﻛﯜﻣﻪﺗﻨﯩﯔ ﻗﻮﻟﻠﯩﺸﻰ ﺑﯩﻠﻪﻥ ﺗﯩﻠﺸﯘﻧﺎﺳﻠﯩﻖ ﺳﺎﻫﻪﺳﻰ ﺑﻮﻳﯩﭽﻪ ﺳﺘﻮﻛﻬﻮﻟﯩﻤﺪﺍ ﭼﺎﻗﯩﺮﯨﻠﻐﺎﻥ ﺧﻪﻟﻘﺎﺭﺍ ﻣﯘﻫﺎﻛﯩﻤﻪ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﭗ ﻛﻪﻟﺪﻯ . ﺷﯘ ﭼﺎﻏﺪﺍ ﺷﯩﻨﺠﺎﯓ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﻰ ﺑﯘ ﻫﻪﻗﺘﻪ ﻣﻪﺧﺴﯘﺱ ﺧﻪﯞﻩﺭ ﺑﯧﺮﯨﭗ ﻗﯘﺩﺩﯗﺱ ﻫﺎﭘﯩﺰﻧﻰ \"\" ﻣﻪﻫﻤﯘﺩ ﻗﻪﺷﻘﻪﺭﯨﻴﺪﯨﻦ ﻛﯧﻴﯩﻦ ﺑﯩﺰﺩﻩ ﻣﻪﻳﺪﺍﻧﻐﺎ ﻛﻪﻟﮕﻪﻥ ﺋﯩﻜﻜﯩﻨﭽﻰ ﺑﯜﻳﯜﻙ ﺗﯩﻠﺸﯘﻧﺎﺱ \"\" ﺩﻩﭖ ﺗﻪﺭﯨﭙﻠﯩﺪﻯ . ﺷﯩﻨﺠﺎﯓ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﯩﻨﯩﯔ ﻗﯘﺩﺩﯗﺱ ﻫﺎﭘﯩﺰﻧﯩﯔ ﺋﯩﻠﻤﯩﻲ ﭘﺎﺋﺎﻟﯩﻴﯩﺘﯩﮕﻪ ﻛﯚﯕﯜﻝ ﺑﯚﻟﯜﭖ ، ﺋﯘﻧﻰ ﺗﻪﺷﯟﯨﻖ ﻗﯩﻠﯩﺸﻰ ﺧﯘﺷﺎﻟﻠﯩﻨﺎﺭﻟﯩﻖ ﺋﯩﺶ ، ﻗﯘﺩﺩﯗﺱ ﻫﺎﭘﯩﺰﻧﯩﯔ ﺟﺎﭘﺎﻟﯩﻖ ﺷﺎﺭﺍﺋﯩﺘﺘﺎ ﻳﺎﺭﺍﺗﻘﺎﻥ ﺑﯩﺮ ﻗﯩﺴﯩﻢ ﺋﯩﻠﻤﯩﻲ ﻧﻪﺗﯩﺠﯩﻠﯩﺮﯨﻨﻰ ﻫﻪﻗﯩﻘﻪﺗﻪﻥ ﺗﻪﺷﯟﯨﻖ ﻗﯩﻠﯩﺸﻘﺎ ﺋﻪﺭﺯﯨﻴﺪﯗ . ﺑﯩﺮﺍﻕ ﺋﯘﻧﯩﯖﻐﺎ ﺑﯧﺮﯨﻠﮕﻪﻥ ﺑﺎﻫﺎ ﺋﻮﻳﻼﻧﻤﺎﻳﻼ ﻗﯩﻠﯩﻨﻐﺎﻥ ﺗﻪﯞﻩﻛﻜﯜﻟﭽﯩﻠﯩﻜﻨﻰ ﺋﺎﺷﻜﺎﺭﯨﻼﭖ ﻗﻮﻳﺪﻯ . \"\" ﻣﻪﻫﻤﯘﺩ ﻗﻪﺷﻘﻪﺭﯨﻲ ﻛﯩﻢ ؟ ﺋﯘ ، ﺗﯩﻠﺸﯘﻧﺎﺳﻠﯩﻘﺘﺎ ﻧﯧﻤﻪ ﺋﯩﺸﻼﺭﻧﻰ ﻗﯩﻠﺪﻯ ؟ ﺋﯘﻧﯩﯔ ﺗﯜﺭﻛﻮﻟﻮﮔﯩﻴﻪ ﺋﯩﻠﻤﯩﺪﯨﻜﻰ ﺋﻮﺭﻧﻰ ﻧﻪﺩﯨﻦ ﻛﻪﻟﮕﻪﻥ ؟ \"\" ﺋﺎﯞﯞﺍﻝ ﺑﯩﺰ ﺋﺎﺷﯘ ﻣﻪﺳﯩﻠﯩﻠﻪﺭﮔﻪ ﻗﺎﻧﺎﺋﻪﺗﻠﯩﻨﻪﺭﻟﯩﻚ ﺋﯩﻠﻤﯩﻲ ﺟﺎﯞﺍﺏ ﺗﯧﭙﯩﺸﯩﻤﯩﺰ ، ﺋﺎﻧﺪﯨﻦ ﻗﯘﺩﺩﯗﺱ ﻫﺎﭘﯩﺰﻧﯩﯔ ﺷﯘ ﭼﺎﻏﺪﯨﻜﻰ ﺩﯦﺴﺴﯩﺮﺗﺎﺗﺴﯩﻴﯩﺴﯩﻨﯩﯔ ﺋﯩﻠﻤﯩﻲ ﯞﻩﺯﻧﯩﻨﻰ ﺧﻪﻟﻘﺎﺭﺍ ﻧﯘﻗﺘﯩﺪﺍ ﺗﯘﺭﯗﭖ ﺑﺎﻫﺎﻟﯩﺸﯩﻤﯩﺰ ، ﺋﻪﮔﻪﺭ ﻣﯘﯞﺍﭘﯩﻖ ﻛﻪﻟﺴﻪ ﻳﯘﻗﯩﺮﯨﻘﻰ ﺑﺎﻫﺎﻧﻰ ﺑﯧﺮﯨﺸﯩﻤﯩﺰ ﻛﯧﺮﻩﻙ ﺋﯩﺪﻯ . ﺑﯩﺰ ﺋﻪﺩﯨﺒﻠﯩﺮﯨﻤﯩﺰ ﯞﻩ ﻧﺎﺧﺸﯩﭽﻰ - ﻣﯘﺯﯨﻜﺎﻧﺘﻠﯩﺮﯨﻤﯩﺰﻏﺎ \"\" ﺗﺎﻻﻧﺘﻠﯩﻖ \"\" ، \"\" ﻣﻪﺷﻬﯘﺭ \"\" ﺩﯦﮕﻪﻥ ﻧﺎﻣﻼﺭﻧﻰ ﺗﻮﭖ ﺑﺎﻫﺎﺩﺍ ﺑﺎﻫﺎﺳﯩﻨﻰ ﭼﯜﺷﯜﺭﯛﭖ ﺳﯧﺘﯩﯟﯦﺮﯨﺪﯨﻐﺎﻥ ﺑﻮﻟﯘﭖ ﻛﻪﺗﺘﯘﻕ . ﻫﯧﻠﯩﻤﯘ ﺑﯩﺰ \"\" ﺋﯘﻟﯘﻍ \"\" ، \"\" ﺗﺎﻻﻧﺘﻠﯩﻖ \"\" ﺋﺎﺩﻩﻣﻠﯩﺮﯨﻤﯩﺰﻧﯩﯔ ﻛﯚﭘﻠﯜﻛﯩﺪﯨﻦ ﺋﺎﺳﻤﺎﻧﻐﺎ ﭼﯩﻘﯩﭗ ﻛﻪﺗﻤﯩﺪﯗﻕ . ﺑﻪﻟﻜﯩﻢ ﻫﻪﻣﻤﯩﻤﯩﺰ ﺋﺎﺷﯘﻧﺪﺍﻕ ﻛﯩﺸﯩﻠﻪﺭﻧﯩﯔ ﺋﺎﺭﯨﻤﯩﺰﺩﯨﻦ ﻛﯚﭘﻠﻪﭖ ﭼﯩﻘﯩﺸﯩﻨﻰ ﺋﺎﺭﺯﯗ ﻗﯩﻠﺴﺎﻕ ﻛﯧﺮﻩﻙ . ﺑﯩﺮﺍﻕ ﺋﯘﻧﺪﺍﻕ ﮔﯜﺯﻩﻝ ﺭﯦﺌﺎﻟﻠﯩﻘﻨﻰ ﻫﻪﻗﯩﻘﯩﻲ ﺋﺎﺭﺯﯗ ﻗﯩﻠﯩﺪﯨﻐﺎﻥ ﻛﯩﺸﯩﻠﻪﺭ ﺗﺎﻻﻧﺖ ﺑﺎﺭﻟﯩﻘﻘﺎ ﻛﯧﻠﯩﺸﺘﯩﻦ ﺋﯩﻠﮕﯩﺮﻯ ﻳﺎﺭﯨﺘﯩﺸﻘﺎ ﺗﯧﮕﯩﺸﻠﯩﻚ ﺷﻪﺭﺗﻠﻪﺭﻧﻰ ﺋﻮﻳﻠﯩﺸﻰ ﺯﯙﺭﯛﺭ .

ﺑﯩﺰ ﮔﺎﻫﯩﺪﺍ ﺋﯚﺯﯨﻤﯩﺰﻧﻰ ﺯﯨﻴﺎﺩﻩ ﻣﺎﺧﺘﺎﭖ ﻛﯧﺘﯩﻤﯩﺰ . ﻣﻪﻫﻤﯘﺩ ﻗﻪﺷﻘﻪﺭﯨﻴﺪﯨﻦ ﭘﻪﺧﯩﺮﻟﻪﻧﮕﯩﻨﯩﻤﯩﺰﺩﻩ : \"\" ﻛﯩﻤﻨﯩﯔ ﺑﺎﺭ ﻣﯘﺷﯘﻧﺪﺍﻕ ﺋﺎﻟﯩﻤﻰ ﻗﯧﻨﻰ ؟ \"\" ﺩﻩﭖ ﻧﺎﺧﺸﺎ ﺗﻮﯞﻟﯩﺪﯗﻕ . ﺑﺎﺷﻘﯩﻼﺭﻧﯩﯔ ﻧﯧﻤﯩﺪﻩﭖ ﺟﺎﯞﺍﺏ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺋﻮﻳﻼﺷﻤﯩﺪﯗﻕ . ﮔﺎﻫﯩﺪﺍ ﺋﯚﺯﯨﻤﯩﺰﻧﻰ ﻛﻪﻣﺴﯩﺘﯩﭗ ﺋﺎﺩﻩﻡ ﻗﺎﺗﺎﺭﯨﻐﺎ ﺋﺎﻟﻤﺎﻱ ﻛﯧﺘﯩﻤﯩﺰ . ﺑﯘ ، ﻧﯧﻤﻪ ﺋﯜﭼﯜﻥ ؟

ﺋﺎﻧﺎﺗﻮﻣﯩﻴﻪ ﯞﻩ ﺑﯩﺌﻮﻟﻮﮔﯩﻴﻪ ﺋﺎﻟﯩﻤﻠﯩﺮﻯ ﺭﻭﻫﯩﻲ ﻗﺎﺗﻤﺎﻟﻠﯩﻘﻨﯩﯔ ﮔﯧﻨﯩﺘﯩﻚ ﺋﻪﻧﻪﻧﻪ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﯨﺪﯨﻐﺎﻥ ﻛﻪﺷﭙﯩﻴﺎﺗﻼﺭﻧﻰ ﺋﻮﺗﺘﯘﺭﯨﻐﺎ ﭼﯩﻘﺎﺭﻏﯩﻨﻰ ﻳﻮﻕ . ﺋﯘﻧﺪﺍﻕ ﺑﻮﻟﻐﺎﻧﺪﺍ ، ﺗﺎﺭﯨﺨﺘﯩﻜﻰ ﻓﯧﺌﻮﺩﺍﻝ ﻫﯚﻛﯜﻣﺮﺍﻧﻼﺭﻧﻰ ﺋﻪﻳﯩﺒﻠﻪﺷﻨﯩﯔ ﻫﺎﺟﯩﺘﻰ ﺑﻮﻟﻤﺎﻳﺘﺘﻰ . ﺷﯘﻧﺪﺍﻗﻼ ﺋﺎﻕ ﺗﻪﻧﻠﯩﻜﻠﻪﺭ ﺗﻪﺭﯨﭙﯩﺪﯨﻦ ﻗﯘﻝ ﻗﯩﻠﯩﻨﻐﺎﻥ ﻧﯧﮕﯩﺮﻻﺭﺩﯨﻦ ﺳﻮﻳﯩﻨﻜﺎ ، ﻣﯩﻜﺎﺋﯩﻞ ﺟﯧﻜﺴﻮﻥ ، ﻣﺎﻧﺪﯦﻼ ﻗﺎﺗﺎﺭﻟﯩﻘﻼﺭﻧﯩﯔ ﭼﯩﻘﯩﺸﯩﻨﻰ ﺗﻪﺳﻪﯞﯞﯗﺭ ﻗﯩﻠﻐﯩﻠﻰ ﺑﻮﻟﻤﺎﻳﺘﺘﻰ . ﺭﻭﺷﻪﻧﻜﻰ ، ﺑﯩﺰﺩﯨﻤﯘ ﺗﯘﻏﻤﺎ ﻗﺎﺷﺸﺎﻗﻠﯩﻘﻨﯩﯔ ﺑﻮﻟﯘﺷﻰ ﻣﯘﻣﻜﯩﻦ ﺋﻪﻣﻪﺱ . ﺭﻭﻫﯩﻲ ﻗﺎﺷﺸﺎﻗﻠﯩﻖ ﯞﻩ ﺑﯧﻜﯩﻨﻤﯩﭽﯩﻠﯩﻚ ﻳﻪﻧﯩﻼ ﺟﻪﻣﯩﻴﻪﺗﻨﯩﯔ ﺋﯩﻨﺴﺎﻥ ﺗﻪﺑﯩﺘﯩﮕﻪ ﺧﯩﻼﭖ ﻫﺎﻟﺪﺍ ﺋﯩﺸﻠﻪﭘﭽﯩﻘﺎﺭﻏﺎﻥ ﻣﻪﻫﺴﯘﻻﺗﻠﯩﺮﯨﺪﯗﺭ .

ﻗﺎﺭﯨﻐﯘﻻﺭﭼﻪ ﭼﻮﻗﯘﻧﯘﺵ ، ﻗﺎﺭﯨﻐﯘﻻﺭﭼﻪ ﻳﻪﻛﻠﻪﺵ ، ﺋﯚﺯﯨﻨﻰ ﻫﻪﻡ ﺋﯚﺯﮔﯩﻨﻰ ﺑﯩﻠﻤﻪﻱ ﻻﭖ ﺋﯘﺭﯗﺵ ، ﺋﺎﺳﻤﺎﻧﻨﻰ ﻗﯘﺩﯗﻗﺘﯩﻦ ﭼﯩﻘﻤﺎﻱ ﻛﯚﺯﯨﺘﯩﺶ ، ﺑﯘﺭﻧﯩﻨﯩﯔ ﺋﯘﭼﯩﻨﻰ ﻛﯚﺭﯛﺵ ، ﺩﻭﭘﭙﯩﺴﯩﻨﻰ ﺋﻪﻛﻪﻝ ﺩﯦﺴﻪ ﻛﺎﻟﻠﯩﺴﯩﻨﻰ ﻛﯧﺴﯩﭗ ﻛﯧﻠﯩﺶ ، ﻳﯘﺭﺗﯟﺍﺯﻟﯩﻖ ، ﻣﻪﻫﻪﻟﻠﯩﯟﺍﺯﻟﯩﻖ ، ﻏﻪﻳﯟﻩﺗﺨﻮﺭﻟﯘﻕ ، ﭘﯩﺘﻨﯩﺨﻮﺭﻟﯘﻕ ، ﭼﯧﻘﯩﻤﭽﯩﻠﯩﻖ ، ﻳﺎﻟﻐﺎﻧﭽﯩﻠﯩﻖ ﻗﺎﺗﺎﺭﻟﯩﻘﻼﺭ ﺳﯩﻴﺎﺳﯩﻲ ، ﺋﯩﺠﺘﯩﻤﺎﺋﯩﻲ ﺑﯧﻜﯩﻨﻤﯩﭽﯩﻠﯩﻚ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺋﯩﻠﻠﻪﺗﻠﻪﺭﺩﯗﺭ .

ﺑﯧﻜﯩﻨﻤﻪ ﺭﺍﻳﻮﻥ ﺧﻪﻟﻘﻠﯩﺮﻯ ﺋﯜﭼﯜﻥ ﻳﻪﺭ ﺷﺎﺭﻯ ﺋﯩﻠﻠﯩﻖ ﺋﺎﺋﯩﻠﻪ ﺑﻮﻟﻤﺎﺳﺘﯩﻦ ، ﺑﻪﻟﻜﻰ ﺳﯩﺮﻟﯩﻖ ﻻﮔﯧﺮ ، ﺑﯘﻧﺪﺍﻕ ﻳﻪﺭﺩﯨﻜﻰ ﺧﻪﻟﻘﻨﯩﯔ ﺗﺎﺭﯨﺨﻨﻰ ﻫﻪﺭﯨﻜﻪﺗﻠﻪﻧﺪﯛﺭﯨﺪﯨﻐﺎﻥ ﻛﯜﭺ ﺑﻮﻟﻤﯩﻘﻰ ﺋﺎﺳﺎﻧﻐﺎ ﺗﻮﺧﺘﯩﻤﺎﻳﺪﯗ ، ﺋﯘﻻﺭ ﻛﯚﭖ ﻫﺎﻟﻼﺭﺩﺍ ﯞﻩﺯﯨﻴﻪﺗﻨﯩﯔ ﺗﻪﺟﺮﯨﺒﻪ ﻣﺎﺗﯧﺮﯨﻴﺎﻟﯩﻐﺎ ﺋﺎﻳﻠﯩﻨﯩﭗ ﻗﺎﻟﯩﺪﯗ .

ﺋﯚﺯﯛﻣﻨﻰ ﺋﺎﻟﺴﺎﻡ ، ﭼﻪﺕ ﺋﻪﻟﻠﻪﺭﺩﻩ ﺋﯩﻠﯩﻢ ﺗﻪﻫﺴﯩﻞ ﻗﯩﻠﯩﺸﻨﻰ ، ﺑﯩﻠﯩﻢ ﺋﯩﮕﯩﻠﯩﻜﯩﻨﻰ ﺋﺎﺳﺎﺱ ﻗﯩﻠﯩﺪﯨﻐﺎﻥ 21 - ﺋﻪﺳﯩﺮﮔﻪ ﺩﯗﻧﻴﺎﯞﻯ ﺋﺎﯕﻐﺎ ﺋﯩﮕﻪ ﺯﯨﻴﺎﻟﯩﻲ ﺳﯜﭘﯩﺘﯩﺪﻩ ﻛﯩﺮﯨﺸﻨﻰ ﺋﯩﻨﺘﺎﻳﯩﻦ ﺋﺎﺭﺯﯗ ﻗﯩﻠﯩﻤﻪﻥ .

ﻣﻪﻥ ﭘﯜﺗﻜﯜﻝ ﺩﯗﻧﻴﺎﻧﻰ ، ﺋﯩﻨﺴﺎﻧﯩﻴﻪﺗﻨﻰ ، ﺋﯩﻨﺴﺎﻧﯩﻴﻪﺗﻨﯩﯔ ﺋﻪﻗﯩﻞ - ﭘﺎﺭﺍﺳﯩﺘﯩﻨﻰ ﺳﯚﻳﯩﻤﻪﻥ . ﺑﯩﺮﺍﻕ ﺑﯜﻳﯜﻙ ﻣﯘﺗﻪﭘﻪﻛﻜﯘﺭﻻﺭﻧﯩﯔ ﻛﯩﺘﺎﺑﯩﻨﻰ ﺋﻮﻗﯘﭖ ، ﺋﯘﻻﺭﻧﯩﯔ ﺋﯩﺪﯨﻴﯩﺴﯩﮕﻪ ﻗﺎﻣﯩﻠﯩﭗ ﻗﯧﻠﯩﺸﻨﻰ ﺧﺎﻟﯩﻤﺎﻳﻤﻪﻥ . ﺷﯘﻧﯩﯔ ﺋﯜﭼﯜﻥ ﺩﯗﻧﻴﺎﻧﻰ ﻛﯚﺭﯛﺷﯜﻡ ، ﺋﺎﻳﻠﯩﻨﯩﺸﯩﻢ ، ﻫﻪﺭﺑﯩﺮ ﻳﯧﯖﻰ ﻧﻪﺭﺳﯩﻨﯩﯔ ﺋﯩﻠﻬﺎﻣﻰ ﺋﺎﺭﻗﯩﻠﯩﻖ ﺋﯩﺪﯨﻴﯩﻤﻨﻰ ﺗﯜﺯﯨﺘﯩﺸﯩﻢ ، ﺋﯚﺯﯛﻣﻨﯩﯔ ﻫﯧﭽﻜﯩﻤﮕﻪ ﺋﻮﺧﺸﯩﻤﺎﻳﺪﯨﻐﺎﻥ ﺧﺎﺱ ﺗﻪﭘﻪﻛﻜﯘﺭﯗﻣﻨﻰ ﻗﯘﺭﯗﭖ ﭼﯩﻘﯩﺸﯩﻢ ﻛﯧﺮﻩﻙ .

\"\" ﺳﯚﻱ ﻫﻪﻡ ﺳﯚﻳﯜﻝ ، ﺑﻪﺧﺖ ﺩﯦﮕﻪﻥ ﺋﻪﻧﻪ ﺷﯘ \"\" ﺩﯦﮕﻪﻥ ﮔﻪﭖ ﺑﺎﺭ . ﻣﻪﻥ ﻳﺎﺷﻠﯩﻘﻨﯩﯔ ﻫﺎﺭﺍﺭﯨﺘﻰ ﺗﯧﭙﯩﭗ ﺗﯘﺭﻏﺎﻥ ﺋﯩﺴﺴﯩﻖ ﻟﯧﯟﯨﻤﻨﻰ ﻛﯜﺯﻧﯩﯔ ﺳﻮﻏﯘﻕ ﻫﺎﯞﺍﺳﯩﻐﺎ ﺳﻮﺯﺩﯗﻡ .

1998 - ﻳﯩﻞ ﺋﯚﻛﺘﻪﺑﯩﺮ

( ﻳﺎﺯﻏﯘﭼﯩﻨﯩﯔ \"\" ﺋﺎﺑﺪﯗﻗﺎﺩﯨﺮ ﺟﺎﻻﻟﯩﺪﯨﻦ ﻣﺎﻗﺎﻟﯩﻠﯩﺮﻯ \"\" ﻧﺎﻣﻠﯩﻖ ﻛﯩﺘﺎﺑﯩﺪﯨﻦ ﺋﯧﻠﯩﻨﺪﻯ )