ﺋﻪﻗﯩﻠﺪﯨﻦ ﺑﺎﺷﻘﺎ ﻛﯚﺯ

ﺋﻪﻗﯩﻠﺪﯨﻦ ﺑﺎﺷﻘﺎ ﻛﯚﺯ

ئىزدىنىش مۇنبىرىدىن: elihamjan

يوللىغان ۋاقتى 2006-8-18

ﺋﺴﺴﯩﻖ ﻧﻪﻡ ﺩﯨﯖﯩﺰ ﺷﺎﻣﯩﻠﻰ ﻳﯜﺯﯛﻣﮕﻪ ﺋﻮﺗﺘﻪﻙ ﺋﯘﺭﯨﻼﺗﺘﻰ. ﻳﻮﻟﻨﯩﯔ ﺋﯩﻜﻜﻰ ﭼﯩﺘﯩﺪﯨﻜﻰ ﺧﻮﺭﻣﺎ ﺩﻩﺭﻩﺧﻠﯩﺮﻯ ﻳﺎﻟﻘﯘﻥ ﭼﯩﻘﯩﺮﯨﭗ ﻛﯚﻳﯜﯞﺍﺗﻘﺎﻧﺪﻩﻙ ﺋﯩﺪﻯ. ﻳﯘﺭﺗﯘﻣﻨﯩﯔ ﻛﻪﺑﻰ ﺗﯚﺕ ﭘﻪﺳﻠﻰ ﺑﯘ ﻳﻪﺭﺩﻩ ﻳﻮﻕ .

ﺷﻪﺭﯨﻘﭽﻪ ﭘﯘﺭﺍﻗﻘﺎ ﺗﻮﻳﯘﻧﻐﺎﻥ ﺑﯘ ﻣﻪﺭﻣﻪﺭﺩﻩﻙ ﺋﻪﺭﻩﺏ ﻛﻮﭼﯩﻠﯩﺮﯨﺪﺍ ﻣﯩﻐﯩﻠﺪﯨﺸﯩﭗ ﻳﯜﺭﮔﻪﻥ ﺋﯚﺯﮔﯩﭽﻪ ﭼﯩﺮﺍﻱ ، ﺋﯚﺯﮔﯩﭽﻪ ﺗﯩﻠﺪﺍ ﺳﯚﺯﻟﯩﺸﯩﯟﺍﺗﻘﺎﻥ ﻛﯩﺸﯩﻠﻪﺭ... ﺧﯘﺩﺍﻧﻰ ﺋﯩﺰﺩﻩﭖ ، ﺋﯩﻠﯩﻢ- ﮬﯩﻜﻤﻪﺕ ﺋﯩﺰﺩﻩﭖ ، ﺑﺎﻳﻠﯩﻖ ﺋﯩﺰﺩﻩﭖ ، ﺭﯨﺰﯨﻖ ﺋﯩﺰﺩﻩﭖ ﺑﯘ ﻳﻪﺭﮔﻪ ﻛﻪﻟﮕﻪﻥ ﻛﯩﺸﯩﻠﻪﺭ ... ﺯﯨﻤﯩﻨﺪﯨﻜﻰ ﺟﺎﻧﻠﯩﻖ ، ﺟﺎﻧﺴﯩﺰ ﻧﻪﺭﺳﯩﻠﻪﺭﻧﯩﯔ ﮬﻪﻣﻤﯩﺴﯩﻨﯩﯔ ﺋﯚﺯ ﻳﯩﻠﺘﯩﺰﻯ ﺗﯘﭘﺮﯨﻘﻰ ﺑﻮﻟﯩﺪﯗ. ﺋﻮﺯﯗﻗﻠﯘﻕ ﺋﺎﻟﯩﺪﯨﻐﺎﻥ ﻳﯩﻠﺘﯩﺰﺩﯨﻦ ، ﺟﺎﻥ ﺑﻪﺭﮔﯜﭼﻰ ﺗﯘﭘﺮﺍﻗﺘﯩﻦ ﺋﺎﻳﺮﯨﻠﯩﺶ ﺋﺎﺯﺍﺑﻰ ﻳﯜﺭﻩﻛﻨﻰ ﺋﯚﺭﺗﻪﻳﺪﯗ. ﺑﯩﺮﻩﺭ ﺋﯩﻐﯩﺰ ﺋﯘﻳﻐﯘﺭﭼﻪ ﺳﯚﺯ ، ﺋﻪﺟﻪﻣﻨﯩﯔ ﺩﯨﻠﻨﻰ ﺋﻪﺯﮔﯜﭼﻰ ﺳﯧﮭﯩﺮﻟﯩﻚ ﻛﯜﻳﻠﯩﺮﯨﻨﻰ ﺋﺎﯕﻠﯩﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﺑﯘ ﺋﻪﺭﻛﯩﻦ -ﺋﺎﺯﺍﺩﻩ ﺩﯨﻴﺎﺭﺩﺍ ﺋﺎﻧﺎ ﻳﯩﻠﺘﯩﺰﯨﻤﺪﯨﻦ ، ﺟﯩﻨﯩﻢ ﻳﺎﻳﺮﺍﻳﺪﯨﻐﺎﻥ ﺗﯘﭘﺮﯨﻘﯩﻤﺪﯨﻦ ﺋﺎﻳﺮﯨﻠﯩﺶ ﻏﯩﺮﯨﭙﻠﯩﻘﻰ ﻣﺎﯕﺎ ﮬﻪﻣﺮﺍ . ﮬﯩﺪﺍﻳﻪﺕ ﯞﻩ ﺋﻠﯩﻢ -ﮬﯩﻜﻤﻪﺕ ﺋﯩﺰﺩﻩﭖ ﻛﻪﻟﮕﻪﻥ ﺑﯘ ﺟﺎﻳﺪﯨﻦ ، ﺷﺎﻧﯘ - ﺷﻪﯞﻛﻪﺗﻠﯩﻚ ﺧﻪﻟﯩﭙﯩﻠﻪﺭ ﺗﺎﺭﯨﺨﯩﺪﯨﻦ، ﻏﻪﺭﯨﺒﻠﯩﺸﯩﺶ ﻛﻪﻟﻜﯜﻧﯩﺪﻩ ﺗﺎﺷﻘﻰ ﭘﻮﺳﺘﻰ ﻳﯘﻣﺸﯩﻐﺎﻥ ﺭﻩﯕﮕﻰ ﺋﯚﯕﮕﻪﻥ ﺑﻮﻟﺴﯩﻤﯘ ، ﻛﯚﺭﯛﻧﻤﻪﺱ ﻗﺎﺗﻼﻣﻠﯩﺮﯨﺪﺍ ﻛﺎﻣﺎﻟﻰ ﺋﯧﺘﻘﺎﺩﻗﺎ ﻣﻪﮬﻜﻪﻡ ﻳﯩﭙﯩﺸﻘﺎﻥ ﺋﻪﺭﻩﺏ ﺧﺎﺭﻩﻛﺘﯩﺮﯨﺪﯨﻦ ﻛﯚﺭﮔﯩﻨﯩﻢ ﺭﻭﮬ ﺗﯩﺮﻩﻧﻠﯩﻜﻠﯩﺮﯨﺪﯨﻜﻰ ﺋﺎﺟﺎﻳﯩﭗ ﺋﯜﻣﯩﺪﯞﺍﺭﻟﯩﻖ ﯞﻩ ﺋﯩﺸﻪﻧﭻ. ﻣﯧﻨﻰ ﺋﻮﻳﻼﻧﺪﯗﺭﻏﯩﻨﻰ ﺋﻪﯓ ﺋﯩﻐﯩﺮ ﻛﯜﻧﻠﻪﺭﺩﻩ، ﻣﻪﻏﻠﯘﺑﯩﻴﻪﺕ ﯞﻩ ﮬﺎﻻﻛﻪﺗﻠﯩﻚ ﻳﻮﻗﯩﻠﯩﺶ ﺧﻪﯞﯨﭙﻰ ﻛﯚﺯﮔﻪ ﻛﯚﺭﯛﻧﯜﭖ ﻗﺎﻟﻐﺎﻥ ﺋﻪﯓ ﻗﯩﻴﯩﻦ ﭘﻪﻳﯩﺘﻠﻪﺭﺩﻩ ﭼﯜﺷﻜﯜﻧﻠﻪﺷﻤﯩﮕﻪﻥ ﺭﻭﮬ ، ﻳﺎﺷﺎﺵ ﯞﻩ ﻛﻪﻟﮕﯜﺳﯩﮕﻪ ﺑﻮﻟﻐﺎﻥ ﺋﯜﻣﯩﺪ ﯞﻩ ﺟﻪﺳﯘﺭﻟﯘﻕ .

ﺑﯩﺮ ﻛﯜﻧﻰ ﻣﻪﻧﺪﯨﻦ ﻳﯘﺭﺗﯘﻣﻨﯩﯔ ﮬﺎﯞﺍ ﻛﯩﻠﯩﻤﺎﺗﯩﺪﯨﻦ ﺗﺎﺭﺗﯩﭗ ، ﻳﯩﻤﻪﻙ - ﺋﯩﭽﻤﯩﻜﯩﮕﯩﭽﻪ ﮬﻪﻣﻤﻪ ﻧﯩﻤﯩﺴﯩﻨﻰ ﺳﻮﺭﺍﭖ ﮬﺎﺭﻣﺎﻳﺪﯨﻐﺎﻥ ﺳﺎﯞﺍﻗﺪﺍﺷﻠﯩﺮﯨﻤﺪﯨﻦ ﺑﯩﺮﻯ :

- ﺳﻪﻥ ﺷﯘﻧﭽﻪ ﻳﯩﺮﺍﻗﺘﯩﻦ ﻛﯩﻠﯩﭗ ﺗﯘﺭﯗﭖ ﺑﯩﺰ ﺋﯚﺯ ﺗﯩﻠﯩﻤﯩﺰﺩﺍ ﺋﻮﻗﯘﭘﻤﯘ ﻗﯩﻴﻨﯩﻠﯩﺪﯨﻐﺎﻥ ﻗﯩﻴﯩﻦ ﺩﻩﺭﯨﺴﻠﻪﺭﺩﻩ ﮬﻪﻣﯩﺸﻪ ﺑﯩﺮﯨﻨﭽﻰ ﺑﻮﻟﯩﺴﻪﻥ ، ﺳﯩﻠﻪﺭ ﺷﯘﻧﺪﺍﻕ ﺋﻪﻗﯩﻠﻠﯩﻖ ﺧﻪﻗﻤﯘ؟ ﺩﻩﭖ ﺳﻮﺭﺍﭖ ﻗﺎﻟﺪﻯ .

ﺑﺎﺷﻼﻧﻐﯘﭼﺘﯩﻦ ﺗﺎﺭﺗﯩﭗ ﺋﺎﻟﯩﻲ ﻣﻪﻛﺘﻪﭘﻜﯩﭽﻪ ﺑﻮﻟﻐﺎﻥ 16 ﻳﯩﻠﻠﯩﻖ ﻣﺎﺋﺎﺭﯨﭗ ﺷﻪﻛﯩﻠﻠﻪﻧﺪﯛﺭﮔﻪﻥ ﻣﯘﯞﺍﺯﯨﻨﯩﺖ ﺭﺍﻣﻜﺎﻣﺪﯨﻜﻰ ﺋﻪﻗﯩﻠﻨﯩﯔ ﺳﻪﻟﺘﻪﻧﻪﺗﻠﯩﻚ ﺋﻮﺭﻧﯩﻐﺎ ﺋﺎﻟﻠﯩﺒﯘﺭﯗﻥ ﺳﻮﺭﺍﻕ ﺑﻪﻟﮕﯩﺴﻰ ﻗﻮﻳﯘﻟﻐﺎﻥ ﺋﯩﺪﻯ . ﻣﻪﻥ ﺑﯩﺮﺩﯨﻨﻼ ﺋﻮﻳﻠﯘﻧﯘﭖ ﻗﺎﻟﺪﯨﻢ . ﺋﯚﺯﯛﻡ ﺑﯩﻠﻪﻥ ﺳﺎﯞﺍﻗﺪﯨﺸﯩﻢ ، ﺋﯘﻳﻐﯘﺭ ﺑﯩﻠﻪﻥ ﺋﻪﺭﻩﺏ ﺋﻮﺗﺘﯘﺭﯨﺴﯩﺪﯨﻜﻰ ﭘﻪﺭﯨﻘﻨﻰ ﺋﻮﻳﻼﭖ ﻗﺎﻟﺪﯨﻢ.ﺋﯘﻣﯘ ، ﻣﻪﻧﻤﯘ ﺋﯩﻠﯩﻢ ﺋﯜﭼﯜﻥ ، ﻣﯘﯞﺍﭘﭙﯩﻘﯩﻴﻪﺕ ﺋﯜﭼﯜﻥ ﺋﯩﺠﺘﺎﮬﺎﺕ ﺑﯩﻠﻪﻥ ﺗﻪﺭ ﺋﺎﻗﻘﯘﺯﯨﻤﯩﺰ . ﺋﻪﮔﻪﺭ ﺋﻪﻗﯩﻞ ﺗﺎﺭﺍﺯﯨﺴﯩﺪﺍ ﺋﯜﻧﯜﻣﻨﻰ ﺋﯚﻟﭽﯩﺴﻪﻙ ، ﺗﺎﺭﺍﺯﯨﻨﯩﯔ ﻣﻪﻥ ﺗﯘﺭﻏﺎﻥ ﺟﺎﻳﻰ ﺑﯩﺴﯩﭗ ﻛﯩﺘﯩﺪﯗ . ﺋﻮﺧﺸﯩﻤﺎﻳﺪﯨﻐﯩﻨﻰ ﺋﯘ 14 ﺋﻪﺳﯩﺮﺩﯨﻦ ﺑﯩﺮﻯ ﺋﯚﺯ ﺟﯘﻻﺳﯩﻨﻰ ﻳﻮﻗﺎﺗﻤﯩﻐﺎﻥ

<<ﻗﯘﺭﺋﺎﻥ ﻛﻪﺭﯨﻢ>>ﮔﻪ ﻣﻪﮬﻜﻪﻡ ﻳﯩﭙﯩﺸﻘﺎﻥ ﺋﯘﮬﺎﻳﺎﺗﻨﯩﯔ ﺋﻪﯓ ﺋﯘﺷﺸﺎﻕ ﺗﻪﭘﺴﯩﻼﺗﻠﯩﺮﯨﺪﯨﻦ ﺗﺎﺭﺗﯩﭗ ﺋﻪﯓ ﭼﻮﯓ ﻗﯩﺴﻤﻪﺗﻠﯩﺮﯨﮕﯩﭽﻪ ﮬﻪﻣﻤﯩﻨﯩﯔ ﺟﺎﯞﺍﺑﯩﻨﻰ ﺑﯘ ﻣﯘﻗﻪﺩﺩﻩﺱ ﺩﻩﺳﺘﯘﺭﺩﯨﻦ ﺋﯩﺰﺩﻩﻳﺪﯗ . ﺳﺎﯞﺍﻗﺪﯨﺸﯩﻤﻨﯩﯔ ﻗﻪﻟﺒﻰ ﭘﻪﺭﯞﻩﺭﺩﯨﮕﺎﺭﻏﺎ ﺗﻪﯞﻩﻛﻜﯘﻝ ﻗﯩﻠﯩﺸﻨﯩﯔ ﻟﻪﺯﺯﯨﺘﻰ ﺑﯩﻠﻪﻥ ﺋﺎﺭﺍﻡ ﺗﺎﭘﺴﺎ ، ﺑﻪﺩﯨﻨﻰ ﮬﻪﻣﻤﯩﻪﻩ ﺳﻪﯞﻩﭖ ﺗﻪﺩﺑﯩﺮ ﻗﯩﻠﯩﺶ ﺑﯩﻠﻪﻥ ﭼﺎﺭﭼﺎﻳﺪﯗ. ﺗﯜﮔﯩﻤﻪﺱ ﺋﯩﻤﺘﯩﮭﺎﻧﻼﺭ ﺑﯩﻠﻪﻥ ﺋﺎﻟﺪﯨﺮﺍﺵ ﻳﯜﺭﮔﯩﻨﯩﻤﺪﻩ ، ﻗﯘﻟﯩﻘﯩﻤﻐﺎ ﺋﯩﻤﺘﯩﮭﺎﻥ ﺗﻪﻳﻴﺎﺭﻟﯩﻘﯩﺪﯨﻦ ﺑﺎﺷﻘﺎ ، ﻣﯘﯞﺍﭘﭙﯩﻘﯩﻴﻪﺕ ﺋﯜﭼﯜﻥ ﺋﻮﻗﯘﻟﯩﯟﺍﺗﻘﺎﻥ ﮬﺎﺟﻪﺕ ﻧﺎﻣﺎﺯﻟﯩﺮﯨﺪﯨﻜﻰ ﺋﯩﺘﯩﺠﺎ- ﺩﯗﺋﺎﻻﺭ ﺗﯩﻨﻤﺎﻱ ﺋﺎﯕﻠﯩﻨﯩﭗ ﺗﯘﺭﯨﺪﯗ. ﺷﯘﻧﺪﺍﻕ ﺑﯩﺰ ﺑﺎﺷﻘﯩﻼﺭﺩﯨﻦ ﺋﺎﺭﺗﯘﻕ ﺑﻮﻟﺴﺎﻕ ﺋﺎﺭﺗﯘﻗﻜﻰ ، ﮬﯧﭽﻜﯩﻤﺪﯨﻦ ﻗﯩﻠﯩﺸﻤﯩﻐﯘﺩﻩﻙ ﺋﻪﻗﯩﻠﻠﯩﻖ، ﺋﯩﺨﻼﺱ ﺑﯩﻠﻪﻥ ﺑﯧﺮﯨﻠﮕﻪﻥ

ﮬﻪﺭ ﺑﯩﺮ ﺋﯩﺸﯩﻤﯩﺰﺩﺍ ﻧﻪﺗﯩﺠﻪ ﻳﺎﺭﺍﺗﻘﯘﺩﻩﻙ ﺯﯨﮭﻨﯩﻲ ﻗﯘﯞﻩﺗﻜﻪ ﺋﯩﮕﻪ ﺧﻪﻟﻖ .ﺑﯩﺮﺍﻕ ﺋﻪﻗﯩﻞ ﺑﯩﻠﻪﻥ ﺗﻪﻗﺪﯨﺮﻧﯩﯔ ، ﺑﻪﺧﯩﺖ ﺑﯩﻠﻪﻥ ﺋﻪﻗﯩﻠﻨﯩﯔ ﻗﺎﻧﺪﺍﻕ ﻣﯘﻧﺎﺳﯩﯟﯨﺘﻰ ﺑﺎﺭ ؟ ﺋﻪﻗﯩﻞ ﺑﻪﺧﯩﺘﻨﯩﯔ ﺷﻪﺭﺗﯩﻤﯘ ؟

ﺋﻪﮔﻪﺭ ﺷﯘﻧﺪﺍﻕ ﺩﯨﻴﯩﻠﺴﻪ ﺋﻮﺗﺘﯘﺭﺍ ﺋﺎﺳﯩﻴﺎ ﺗﺎﺭﯨﺨﯩﺪﺍ ﺋﺎﺟﺎﻳﯩﭗ ﺑﯜﻳﯜﻙ ﺋﯩﺪﺩﯨﯟﯨﻲ ﺋﻮﻳﻐﯩﻨﯩﺶ ﺩﻭﻟﻘﯘﻧﻰ

ﻗﻮﺯﻏﯩﻐﺎﻥ ﺗﺎﺗﺎﺭ ﻣﯩﻠﻠﯩﺘﯩﻨﯩﯔ ﯞﻩﺗﯩﻨﯩﻨﻰ ﺑﯜﮔﯜﻧﻜﻰ ﺩﯗﻧﻴﺎ ﺧﻪﺭﯨﺘﯩﺴﯩﻨﯩﯔ ﻗﻪﻳﯩﺮﯨﺪﯨﻦ ﺋﯩﺰﺩﻩﻳﻤﯩﺰ ؟

ﻗﺎﺯﺍﻥ ﺧﺎﻧﻠﯩﻘﯩﻨﯩﯔ ﮬﻪﻳﯟﻩﺗﻠﯩﻚ ﺳﻪﻟﺘﻪﻧﻪﺕ- ﮬﻪﻳﯟﯨﺴﻰ ، ﭼﯩﺮﺍﻳﻠﯩﻖ ﺑﺎﻏﭽﺎ- ﺳﺎﺭﺍﻳﻠﯩﺮﻯ ﻗﺎﻧﺪﺍﻕ ﻏﺎﻳﯩﭗ ﺑﻮﻟﯘﭖ ﻛﻪﺗﺘﻰ؟ ﺩﯗﻧﻴﺎ ﻣﻪﺩﯨﻨﯩﻴﻪﺕ ﺗﺎﺭﯨﺨﯩﺪﯨﻜﻰ ﺋﯩﺴﯩﻞ ﺋﯚﺭﻧﻪﻛﻠﻪﺭﺩﯨﻦ ﺳﺎﻧﯩﻠﯩﺪﯨﻐﺎﻥ ﻣﺎﻳﺎﻻﺭ ، ﺋﺎﺯﺗﯩﻜﻼﺭ ﻣﻪﺩﻩﻧﯩﻴﺘﯩﻨﻰ ﻳﺎﺭﺍﺗﻘﺎﻥ ﺋﯩﻨﺪﯨﺌﺎﻧﻼﺭﻧﯩﯔ ﺗﺎﺭﺗﻘﯘﺯﯗﭖ ﻗﻮﻳﻐﺎﻥ ﺟﯩﻤﻰ ﻧﻪﺭﺳﯩﻠﯩﺮﯨﮕﻪ ﺋﻪﻗﯩﻞ ﺩﺍﻝ ﺑﻮﻻﻟﯩﺪﯨﻤﯘ ؟

ﺯﺍﻣﺎﻧﻼﺭ ﻛﻪﯓ ﻛﻪﺗﻜﻪﻥ ﺋﻮﺭﺧﯘﻥ ﺩﺍﻟﯩﻠﯩﺮﯨﺪﺍ ﻳﺎﺗﻼﺭﻧﯩﯔ ﻳﯜﺭﯨﻜﯩﮕﻪ ﻗﻮﺭﻗﯘﻧﭻ ﺳﯩﻠﯩﭗ ، ﺗﻪﺧﯩﺘﻠﯩﺮﯨﻨﻰ ﺗﯩﺘﯩﺮﺗﯩﭗ ﺋﯚﺗﻜﻪﻥ ﺋﯘﭼﻘﯘﺭ ﮬﻮﻥ ﺋﺎﺗﻠﯩﺮﯨﺪﻩﻙ ﮬﻪﺵ- ﭘﻪﺵ ﺩﯨﮕﯜﭼﻪ ﺋﯚﺗﯜﭖ ﻛﻪﺗﺘﻰ . ﺩﻩﺭﻳﺎ- ﺩﻩﺭﻳﺎ ﻗﺎﻧﻼﺭ ، ﺧﺎﺭﻻﻧﻐﺎﻥ ﺋﻪﺯﯨﺰ ﺟﺎﻧﻼﺭ ، ﻣﯘﺟﯘﻟﻐﺎﻥ ﻳﯜﺭﻩﻛﻠﻪﺭ ﺑﻪﺩﯨﻠﯩﮕﻪ ﺋﯩﺮﯨﺸﯩﻜﻪﻥ ﯞﻩ ﻳﻮﻗﺎﺗﻘﺎﻥ ﻧﻪﺭﺳﯩﻠﻪﺭ

ﯞﺍﻗﯩﺖ ﺩﻭﻟﻘﯘﻧﯩﺪﺍ ﺋﯩﺰﺳﯩﺰ ﻏﺎﻳﯩﭗ ﺑﻮﻟﺪﻯ . ﺭﯨﺌﺎﻟﻠﯩﻘﻨﯩﯔ ﮬﻪﺳﺮﯨﺘﻰ ﺋﺎﻟﺪﯨﺪﺍ ﺋﯚﺗﻤﯜﺷﻨﯩﯔ ﺳﺎﯞﺍﻗﻠﯩﺮﻯ- ﺩﯨﻦ ﺑﯩﺮﻩﺭ ﮬﯩﻜﻤﻪﺕ ﺋﯩﺰﺩﯨﻤﻪﻛﭽﻰ ﺑﻮﻟﻐﯩﻨﯩﻤﯩﺰﺩﺍ ﺑﯩﺰﮔﻪ ﺷﯘ ﻧﻪﺭﺳﻪ ﺋﺎﻳﺎﻥ ﺑﻮﻟﯩﺪﯗﻛﻰ ، ﺋﻪﻗﯩﻞ ﺑﯩﺮ ﺩﯙﻟﻪﺕ ، ﺑﯩﺮ ﻣﯩﻠﻠﻪﺕ ، ﺑﯩﺮ ﺷﻪﺧﯩﺴﻨﯩﯔ ﺗﻪﻗﺪﯨﺮﯨﺪﯨﻜﻰ ﮬﻪﻝ ﻗﯩﻠﻐﯘﭺ ﺋﺎﻣﯩﻞ ﺋﻪﻣﻪﺱ ، ﺷﯘﻧﺪﺍﻗﻼ ﺑﻪﺧﯩﺘﻨﯩﯔ ﺑﯩﺮﺩﯨﻨﺒﯩﺮ ﺷﻪﺭﺗﯩﻤﯘ ﺋﻪﻣﻪﺱ. ﺑﻪﻟﻜﻰ ﻛﺎﻣﺎﻟﻰ ﺋﯧﺘﻘﺎﺩ ﯞﻩ ﻣﯘﺷﯘ ﺑﯘﻻﻗﺘﯩﻦ ﺋﻮﺧﭽﯘﭖ ﭼﯩﻘﻘﺎﻥ

ﺋﯩﮕﯩﻠﻤﻪﺱ ﺭﻭﮬ ، ﺋﯜﻣﯩﺪﯞﺍﺭﻟﯩﻘﻨﻰ ﺋﯚﺯﯨﮕﻪ ﻧﯩﺠﺎﺗﻠﯩﻖ ﺗﯘﻣﺎﺭﻯ ﻗﯩﻠﻐﺎﻥ ﺧﻪﻟﻖ ﺋﻪﺗﯩﯟﺍﺭﻟﯩﻖ ﺋﻪﯕﮕﯜﺵ- ﺗﻪﺭﮔﻪ ﺋﺎﻳﻠﯩﻨﺎﻻﻳﺪﯗ. ﮬﻪﺭ ﻗﯩﺘﯩﻢ ﺗﺎﻻ- ﺗﯜﺯﻟﻪﺭﮔﻪ ﭼﯩﻘﯩﭗ ، ﻧﯘﺭﺳﯩﺰ ﻛﯚﺯﻟﻪﺭﻧﻰ ، ﺳﻮﻟﻐﯘﻥ ﻳﯜﺯﻟﻪﺭﻧﻰ ﻛﯚﺭﮔﯩﻨﯩﻤﺪﻩ ﻗﯘﻳﺎﺵ ﭘﺎﺗﻤﺎﺱ ﺷﻪﮬﻪﺭ ﮬﻪﻗﻘﯩﺪﯨﻜﻰ ﻣﯘﻧﺪﺍﻕ ﺑﯩﺮ ﮬﯩﻜﺎﻳﯩﻨﻰ ﺋﻪﺳﻠﻪﭖ ﻗﺎﻟﯩﻤﻪﻥ .

ﺑﯘﺭﯗﻧﻘﻰ ﺯﺍﻣﺎﻧﺪﺍ ﺋﺎﺟﺎﻳﯩﭗ ﻗﯘﺩﺭﻩﺗﻠﯩﻚ ، ﻳﯩﯖﯩﻠﻤﻪﺱ ﺑﯩﺮ ﺷﻪﮬﻪﺭ ﺑﻮﻟﻐﺎﻧﯩﻜﻪﻥ. ﺑﯘ ﺷﻪﮬﻪﺭﻧﯩﯔ ﺑﺎﻟﯩﻠﯩﺮﯨﻤﯘ ﺑﺎﺷﻘﺎ ﺑﺎﻟﯩﻼﺭﻏﺎ ﺋﻮﺧﺸﺎﺵ ﻣﻪﻛﺘﻪﭘﺘﻪ ﺋﻮﻗﯘﻳﺪﯨﻜﻪﻥ . ﺋﻪﻣﻤﺎ، ﺋﯘﻻﺭﻏﺎ ﺑﯩﺮﯨﻠﯩﺪﯨﻐﺎﻥ ﺗﺎﭘﺸﯘﺭﯗﻕ ، ﺋﯩﻠﯩﻨﯩﺪﯨﻐﺎﻥ ﺋﯩﻤﺘﯩﮭﺎﻥ ﻗﺎﺕ- ﻗﺎﺕ ﻛﯩﺘﺎﺑﻼﺭ ﺩﯙﯞﯨﺴﯩﮕﻪ ﭼﯚﻛﯜﭖ ﻗﯘﺭﯗﻕ ﻳﺎﺩﯨﻼﺷﻨﻰ

ﺋﻪﻣﻪﺱ، ﺋﯘﻻﺭﺩﺍ ﻣﯘﻛﻪﻣﻤﻪﻝ ﺋﯧﺘﻘﺎﺩ ﯞﻩ ﺑﯜﻳﯜﻙ ﻏﺎﻳﻪ ﻳﯩﺘﯩﺸﺘﯜﺭﯛﺷﻨﻰ ﻣﻪﻗﺴﻪﺕ ﻗﯩﻠﯩﺪﯨﻜﻪﻥ . ﺷﯘﻧﺪﺍﻕ ﺑﻮﻟﻐﺎﭼﻘﺎ ، ﻧﻪﯞﻗﯩﺮﺍﻥ ﻳﯩﮕﯩﺘﻠﻪﺭ ﺑﻪﺭﻧﺎ ﻗﯩﺰﻻﺭﺩﯨﻦ ﺗﺎﺭﺗﯩﭗ ، ﺑﺎﻗﯩﻲ ﺋﺎﻟﻪﻣﻨﯩﯔ ﺋﯩﺸﯩﻜﯩﻨﻰ ﭼﻪﻛﻜﻪﻥ ﺑﻮﯞﺍﻱ - ﻣﻮﻣﺎﻳﻼﺭﻏﯩﭽﻪ ﮬﻪﻣﻤﯩﻨﯩﯔ ﻛﯚﺯﻟﯩﺮﯨﺪﯨﻦ ﺋﯜﻣﯩﺪ ﯞﻩ ﻣﯘﮬﻪﺑﺒﻪﺕ ﭼﺎﻗﻨﺎﻳﺪﯨﻜﻪﻥ. ﮬﻪﺭﺑﯩﺮ ﺋﯩﺸﯩﺪﯨﻦ ﺟﻪﺳﯘﺭﻟﯘﻕ ﭼﯩﻘﯩﭗ ﺗﯘﺭﯨﺪﯨﻜﻪﻥ . ﭼﯜﺷﻜﯘﻧﻠﯜﻙ ﯞﻩ ﺑﻮﺷﺎﯕﻠﯩﻖ ﺋﯘﻻﺭﻏﺎ ﻳﺎﺕ ﺋﯩﻜﻪﻥ . ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻣﻨﯩﯔ < ﺋﺎﺧﯩﺮﻩﺕ ﺋﯜﭼﯜﻥ ﺋﻪﺗﯩﻼ ﺋﯚﻟﯩﺪﯨﻐﺎﻧﺪﻩﻙ ﺋﯩﺒﺎﺩﻩﺕ ﻗﻞ ،ﺑﯘ ﺩﯗﻧﻴﺎﻟﯩﻘﻰ

ﺋﯜﭼﯜﻥ ﻣﻪﯕﮕﯜ ﺋﯚﻟﻤﻪﻳﺪﯨﻐﺎﻧﺪﻩﻙ ﺋﯩﺠﺘﯩﮭﺎﺕ ﻗﯩﻞ > ﺩﯨﮕﻪﻥ ﮬﻪﺩﯨﺴﻰ ﺋﯘﻻﺭﻧﯩﯔ ﮬﺎﻳﺎﺗﻠﯩﻖ ﻣﯩﺰﺍﻧﻰ ﺋﯩﻜﻪﻥ . ﺯﺍﻣﺎﻧﻼﺭ ﺋﯚﺗﯜﭖ ، ﺋﻪﺗﺮﺍﭘﺘﯩﻜﻰ ﺷﻪﮬﻪﺭﻟﻪﺭﻧﯔ ﺑﯩﺮﻟﯩﺮﻯ ﻧﺎﺩﺍﻧﻠﯩﻘﺘﯩﻦ ، ﺋﯚﺯ ﺋﻪﻗﻠﯩﺪﯨﻦ ﻣﺎﺧﺘﯩﻨﯩﺪﯨﻐﺎﻥ ﻳﻪﻧﻪ ﺑﯩﺮﻟﯩﺮﻯ ﮬﻪﺩﺩﯨﺪﯨﻦ ﺋﺎﺷﻘﺎﻥ ﻗﯩﻠﻤﯩﺸﻠﯩﺮﻯ ﺗﯜﭘﻪﻳﻠﯩﺪﯨﻦ ﮬﺎﻻﻙ ﺑﻮﭘﺘﯘ . ﮔﺎﮬﻰ ﺗﻪﺗﯜﺭ ﭼﯚﺭﮔﯩﻠﻪﻳﺪﯨﻐﺎﻥ ﭘﻪﻟﻪﻛﻨﯩﯔ ﭼﺎﻗﯩﻤﯘ ، ﻛﯜﭼﻠﯜﻙ ﺩﯛﺷﻤﻪﻧﻨﯩﯔ ﺷﯩﺪﺩﻩﺗﻠﯩﻚ ﮬﯘﺟﯘﻣﻠﯩﺮﯨﻤﯘ، ﮬﯩﻴﻠﯩﮕﻪﺭ ﺳﯜﻳﻘﻪﺳﺘﭽﯩﻠﻪﺭﻧﯩﯔ ﺷﻪﻳﺘﺎﻧﻨﻰ ﺋﯘﺳﯘﻟﻐﺎ ﺳﺎﻟﯩﺪﯨﻐﺎﻥ ﻧﻪﻳﺮﻩﯕﻠﯩﺮﯨﻤﯘ ﺑﯘﺷﻪﮬﻪﺭﻧﻰ ﺑﻮﻳﺴﯘﻧﺪﯨﺮﺍﻟﻤﺎﭘﺘﯘ . ﺷﯘﻧﯩﯔ ﺑﯩﻠﻪﻥ ﻛﯩﺸﯩﻠﻪﺭ ﺑﯘ ﺷﻪﮬﻪﺭﻧﻰ ﻗﯘﻳﺎﺵ ﭘﺎﺗﻤﺎﺱ ﺷﻪﮬﻪﺭ ﺩﻩﭖ ﺋﺎﺗﺎﭘﺘﯘ . ﺋﻪﻣﯩﻠﯩﻴﻪﺗﺘﻪ ﺑﯘ ﺷﻪﮬﻪﺭﺩﯨﻤﯘ ﺩﯗﻧﻴﺎﻧﯩﯔ ﮬﻪﺭﻗﺎﻧﺪﺍﻕ ﺑﯩﺮ ﻳﯩﺮﯨﺪﯨﻜﯩﮕﻪ ﺋﻮﺧﺸﺎﺵ ﺋﻪﺗﺘﯩﮕﯩﻨﻰ ﺷﻪﺭﯨﻘﺘﯩﻦ ﻛﯚﺗﯜﺭﯛﻟﮕﻪﻥ ﻗﯘﻳﺎﺵ ﻛﻪﭺ ﺑﻮﻟﻐﺎﻧﺪﺍ ﻏﻪﺭﯨﺒﻜﻪ ﺑﺎﺵ ﻗﻮﻳﯩﺪﯨﻜﻪﻥ . ﭘﻪﻗﻪﺕ ﺋﯩﺘﻘﺎﺩ ﺋﺎﺗﺎ ﻗﯩﻠﻐﺎﻥ ﺋﯧﮕﯩﻠﻤﻪﺱ ﺭﻭﮬﻨﯩﯔ ﻗﯘﺩﺭﯨﺘﻰ ﺑﯘﺷﻪﮬﻪﺭﻧﻰ ﺋﻪﻧﻪ ﺷﯘﻧﺪﺍﻕ ﺋﯜﻣﯩﺪ ﯞﻩ ﻏﻪﻟﺒﻪ ﻗﯘﻳﺎﺷﻰ ﭘﺎﺗﻤﺎﺱ ﺷﻪﮬﻪﺭﮔﻪ ﺋﺎﻳﻼﻧﺪﯗﺭﻏﺎﻧﯩﻜﻪﻥ .

ﻣﻪﻥ ﻣﯘﯕﻠﯘﻕ ﺋﻪﺯﺍﻥ ﺋﺎﯞﺍﺯﯨﻐﺎ ﻗﯘﻻﻕ ﺳﯩﻠﯩﭗ ﺗﯘﺭﯗﭖ ، ﺋﯘﻳﻐﯘﺭ ﺭﯨﺌﺎﻟﻠﯩﻘﯩﺪﺍ ﻳﯩﻠﺘﯩﺰ ﺗﺎﺭﺗﻘﺎﻥ ﭼﯜﺷﻜﯜﻧﻠﯜﻙ ، ﺋﯜﻣﯩﺪﺳﯩﺰﻟﯩﻚ ﯞﻩ ﺑﯘﻧﯩﯔ ﻧﻪﺗﯩﺠﯩﺴﯩﺪﻩ ﻛﯩﻠﯩﭗ ﭼﯩﻘﻘﺎﻥ ﺑﻮﺷﺎﯕﻠﯩﻖ ، ﺭﺍﮬﻪﺗﭙﻪﺭﻩﺳﻠﯩﻜﺘﻪﻙ ﺯﺍﮬﯩﺮﻯ ﺋﯩﻠﻠﻪﺗﻠﻪﺭﻧﯩﯔ ﺳﻪﯞﻩﺑﻠﯩﺮﯨﻨﻰ ﺋﻮﻳﻼﭖ ﻛﻪﺗﺘﯩﻢ . ﻧﺎﻣﺮﺍﺗﻠﯩﻖ ، ﻧﺎﻗﯩﺲ ﺋﺎﺋﯩﻠﻪ ﺗﻪﺭﺑﯩﻴﺴﻰ ، ﻛﻪﻣﺘﯜﻙ ﻣﺎﺋﺎﺭﯨﭗ ، ﺟﻪﻣﯩﻴﻪﺕ ... ﺋﻪﻣﻤﺎ ﻳﯩﻐﯩﭗ ﻛﻪﻟﺴﻪ ﺑﯘﻻﺭﻧﯩﯔ ﮬﻪﻣﻤﯩﺴﯩﻨﯩﯔ ﻣﻪﻧﺒﻪﺳﻰ ﭘﻪﻗﻪﺕ ﺑﯩﺮﻻ . ﺋﯩﻤﺎﻡ ﺑﯘﺧﺎﺭﻯ ﺭﯨﯟﺍﻳﻪﺕ ﻗﯩﻠﯩﺪﯗﻛﻰ ، ﺑﯩﺮ ﺳﻪﮬﺮﺍﻟﯩﻖ ﺋﻪﺭﻩﺏ ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻣﻨﯩﯔ ﻳﯩﻨﯩﺪﺍ ﺗﯚﮔﯩﺴﯩﻨﻰ ﺑﺎﻏﻠﯩﻤﺎﺳﺘﯩﻦ ﻗﻮﻳﯩﯟﻩﺗﺘﻰ ﯞﻩ <ﺋﺎﻟﻼﮬﻘﺎ ﺗﻪﯞﻩﻛﻜﯘﻝ ﻗﯩﻠﺪﯨﻢ> ﺩﯨﺪﻯ . ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻡ ﺋﯘ ﻛﯩﺸﯩﮕﻪ ؛<ﺋﺎﯞﯞﺍﻝ ﺗﯚﻩﯨﻨﻰ ﺑﺎﻏﻼ ، ﺋﺎﻧﺪﯨﻦ ﺋﺎﻟﻼﮬﻘﺎ ﺗﻪﯞﻩﻛﻜﯘﻝ ﻗﯩﻞ > ﺩﯦﺪﻯ . ﺋﻪﭘﺴﯘﺱ ، ﮬﻪﻣﻤﻪ ﻧﻪﺭﺳﻪ ﺋﻪﻗﯩﻞ ﺑﯩﻠﻪﻥ ، ﻛﯚﺯﺑﯩﻠﻪﻥ ﻛﯚﺭﮔﯩﻠﻰ ، ﻗﻮﻝ ﺑﯩﻠﻪﻥ ﺗﯘﺗﻘﯩﻠﻰ ، ﺑﻪﮬﯩﺮﻟﻪﻧﮕﯩﻠﻰ ﺑﻮﻟﯩﺪﯨﻐﺎﻥ ﻣﺎﺩﺩﯨﻲ ﻣﻪﻧﭙﻪﺋﻪﺕ ﺑﯩﻠﻪﻥ ﺋﯚﻟﭽﯩﻨﯩﺪﯨﻐﺎﻥ ﺑﯜﮔﯜﻧﻜﻰ ﻛﯜﻧﺪﻩ ﺑﯩﺰ ﺋﻪﯓ ﻣﯘﮬﯩﻢ ﻧﻪﺭﺳﯩﻨﻰ ﺋﯘﻧﺘﯘﭖ ﻗﺎﻟﺪﯗﻕ . ﺑﯩﺰ ﭘﻪﻗﻪﺕ ﺗﯚﮔﯩﻨﻰ ﺑﺎﻏﻼﺵ ﺑﯩﻠﻪﻧﻼ ﺑﻮﻟﯘﭖ ﻛﻪﺗﺘﯘﻕ . <ﺑﯩﺰ ﺋﺎﻟﻪﻡ ﺑﺎﻏﭽﯩﺴﯩﺪﯨﻜﻰ ﺋﻪﯓ ﺋﯩﺴﯩﻞ ﻣﯧﯟﯨﮕﻪ ﻗﻮﻝ ﺋﯘﺯﺍﺗﺘﯘﻕ- ﻳﯘ ، ﺑﺎﻏﯟﻩﻧﻨﻰ ﺋﯘﻧﺘﯘﭖ ﻗﺎﻟﺪﯗﻕ >.

ﺋﯩﺴﻼﻡ ﺗﺎﺭﯨﺨﯩﺪﯨﻜﻰ ﻧﯘﺭﻏﯘﻥ ﻣﯘﮬﯩﻢ ﯞﻩﻗﻪﻟﻪﺭﻧﯩﯔ ﺷﺎﮬﯩﺪﻯ ﺑﻮﻟﻐﺎﻥ ﺋﯘﻣﺎﯞﯨﻴﻼﺭ ﺧﻪﻟﯩﭙﯩﻠﯩﻜﻰ ﺋﻪﺭﻩﺏ ﺯﯨﻤﯩﻨﯩﺪﯨﻦ ﮬﺎﻟﻘﯩﻐﺎﻥ ﺯﯦﻤﯩﻨﻼﺭﻏﯩﻤﯘ ﺧﻮﺟﺎ ﺑﻮﻟﻐﺎﻧﯩﺪﻯ . ﺋﯘﻣﺎﯞﯨﻴﻼﺭ ﻓﯘﺗﯘﮬﺎﺗﻠﯩﺮﯨﻨﯩﯔ ﺋﻪﯓ ﻳﺎﺭﻗﯩﻦ ﻧﻪﻣﯘﻧﯩﻠﯩﺮﯨﺪﯨﻦ ﺑﻮﻟﻐﺎﻥ ﺋﯩﺴﭙﺎﻧﯩﻴﻪ ﻣﯩﻼﺩﯨﻴﻪ 711- ﻳﯩﻠﻰ ﺑﻮﻳﺴﯘﻧﺪﯗﺭﻟﯘﭖ ، ﺋﯘﻣﺎﯞﯨﻴﻼﺭ ﺧﻪﻟﯩﭙﯩﻠﯩﻜﻰ ﺗﯧﺮﺗﻮﺭﯨﻴﺴﯩﮕﻪ ﻗﻮﺷﯘﻟﻐﺎﻥ ﺋﺎﻟﺘﯘﻥ ﺯﯨﻤﯩﻨﻐﺎ ﺋﺎﻳﻼﻧﻐﺎﻥ ﯞﻩ ﺋﻪﻧﺪﻩﻟﯘﺱ ﺩﻩﭖ ﺋﺎﺗﺎﻟﻐﺎﻥ . ﺑﯘ ﻳﻪﺭﺩﻩ ﺑﺎﺭﻟﯩﻘﻘﺎ ﻛﻪﻟﮕﻪﻥ ﺋﻪﺩﻩﺑﯩﻲ ﺋﯩﺠﺎﺩﯨﻴﻪﺕ ، ﭘﻪﻟﺴﻪﭘﻪ ، ﺗﻪﺑﯩﺌﯩﻲ ﭘﻪﻧﻠﻪﺭﺩﯨﻜﻰ ﮔﯜﻟﻠﯩﻨﯩﺶ ، ﺋﯩﺴﻼﻡ ﺑﯩﻨﺎﻛﺎﺭﻟﯩﻘﯩﻨﯩﯔ ﮔﯜﺯﻩﻟﻠﯩﻜﯩﻨﻰ ﻧﺎﻣﺎﻳﻪﻥ ﻗﯩﻠﻐﺎﻥ ﻣﻪﺳﺠﯩﺪ- ﻣﻪﺩﯨﺮﯨﺴﻠﻪﺭ ، ﺋﺎﻟﯩﻲ ﺑﯩﻠﯩﻢ ﻳﯘﺭﺗﻠﯩﺮﻯ ﺋﯩﺴﻼﻡ ﻣﻪﺩﻩﻧﯩﻴﺘﯩﻨﯩﯔ ﺑﯜﻳﯜﻙ ﭘﻪﻟﻠﯩﺴﯩﻨﻰ ﻳﺎﺭﺍﺗﻘﺎﻧﯩﺪﻯ . ﺗﯜﭖ ﻣﺎﮬﯩﺘﯩﺪﯨﻦ ﺋﯩﻠﯩﭗ ﺋﯩﻴﺘﻘﺎﻧﺪﺍ ، ﺑﯘ ﮔﯜﻟﻠﯩﻨﯩﺸﻨﯩﯔ ﺳﻪﯞﻩﺑﻠﯩﺮﻯ - ﺋﯘﻣﺎﯞﯨﻴﻼﺭ ﺧﻪﻟﯩﭙﯩﻠﯩﺮﯨﻨﯩﯔ ﺋﻪﻗﯩﻞ - ﭘﺎﺭﺍﺳﯩﺘﻰ ، ﺩﺍﻧﺎ ﺗﻪﺩﺑﯩﺮﻟﯩﺮﻯ ، ﻗﻮﺷﯘﻧﻨﯩﯔ ﺟﻪﯕﮕﯩﯟﺍﺭﻟﯩﻘﯩﻨﯩﯔ ﮬﻪﻣﻤﯩﺴﻰ ﻳﻪﻧﯩﻼ ﺑﯩﺮ ﻣﻪﻧﺒﻪﺩﯨﻦ - ﺟﺎﻥ-ﺩﯨﻞ ﺑﯩﻠﻪﻥ ﻳﯩﭙﯩﺸﻘﺎﻥ ﺋﯩﻤﺎﻧﺪﯨﻦ ﻛﻪﻟﮕﻪﻧﯩﺪﻯ . ﺋﻪﭘﺴﯘﺱ ﺑﯘ ﺑﯘﻻﻕ ﺋﺎﺳﺘﺎ - ﺋﺎﺳﺘﺎ ﻗﯘﺭﯗﺷﻘﺎ ، ﺩﯗﻧﻴﺎﻧﯩﯔ ﻣﻪﺋﯩﺸﻪﺗﻠﯩﺮﻯ ﺑﯩﻠﻪﻥ ﻛﯩﺸﯩﻠﻪﺭ ﺋﯧﺴﯩﺪﯨﻦ ﻛﯚﺗﯜﺭﯛﻟﯜﺷﻜﻪ ﺑﺎﺷﻠﯩﻐﺎﻧﺪﺍ ﺑﯘ ﺳﻪﻟﺘﻪﻧﻪﺕ ﻗﻮﻟﺪﯨﻦ ﻛﻪﺗﺘﻰ . ﺩﯗﻧﻴﺎ ﺧﻪﺭﯨﺘﯩﺴﯩﺪﯨﻦ ﺋﻪﻧﺪﻩﻟﯘﺱ ﺩﯦﮕﻪﻥ ﺋﯩﺴﯩﻢ ﺋﯚﭼﯜﺭﻟﯜﭖ ﺋﯘﻧﯩﯔ ﺋﻮﺭﻧﯩﻐﺎ ﻳﺎﯞﺭﻭﭘﺎﻟﯩﻘﻼﺭ ﺋﯩﺴﭙﺎﻧﯩﻴﻪ ﺩﯨﮕﻪﻥ ﺋﯩﺴﯩﻤﻨﻰ ﻳﺎﺯﺩﻯ . ﻳﻪﺗﺘﻪ ﺋﻪﺳﯩﺮﻟﯩﻚ ﻣﻪﺩﻩﻧﯩﻴﻪﺕ ﺧﺎﺭﺍﺑﯩﻠﯩﻘﻘﺎ ﺋﺎﻳﻼﻧﺪﻯ . ﺋﻪﻧﺪﻩﻟﯘﺳﻨﯩﯔ ﺋﺎﺧﯩﺮﻗﻰ ﯞﺍﻟﯩﻴﻠﯩﺮﯨﺪﯨﻦ ﺑﻮﻟﻐﺎﻥ ﺋﻪﺑﯘ ﺋﺎﺑﺪﯗﻟﻼ ﺳﻪﻏﯩﺮﻯ ﺋﻪﻧﺪﻩﻟﯘﺳﻨﯩﯔ ﺋﻪﯓ ﻣﯘﮬﯩﻢ ﺷﻪﮬﻪﺭﻟﯩﺮﯨﺪﯨﻦ ﺑﻮﻟﻐﺎﻥ ﻏﯩﺮﻧﺎﺗﻪ ﺷﻪﮬﺮﯨﻨﻰ ﻳﺎﯞﺭﻭﭘﺎﻟﯩﻖ ﻓﯩﺮﻧﺎﻧﺪﻭ ﺑﯩﻠﻪﻥ ﺧﻮﺗﯘﻧﻰ ﺋﯩﻠﺰﺍﺑﯩﺘﻘﺎ ﺗﺎﭘﺸﯘﺭﯗﭖ ﺑﯩﺮﯨﭗ ﭼﯩﻘﯩﭗ ﻛﯩﺘﯩﺸﻜﻪ ﻣﻪﺟﺒﯘﺭ ﺑﻮﻟﺪﻯ. ﻳﺎﯞﺭﻭﭘﺎﻟﯩﻘﻼﺭ <ﺋﻪﺭﻩﺑﻠﻪﺭﻧﯩﯔ ﺋﺎﮬ ﺋﯘﺭﯨﺪﯨﻐﺎﻥ ﺟﺎﻳﻰ > ﺩﻩﭖ ﺋﺎﺗﯩﯟﺍﻟﻐﺎﻥ ﻳﻪﺭﺩﻩ ﺋﺎﺑﺪﯗﻟﻼﮬﻨﯩﯔ ﺋﺎﻧﯩﺴﻰ - ﺋﻪﻗﯩﻞ-ﭘﺎﺭﺍﺳﻪﺗﻠﯩﻚ ﺗﻪﺩﺑﯩﺮﻟﯩﻚ ﺋﺎﻳﺎﻝ ﺋﺎﺋﯩﺸﻪ ﻏﯩﺮﻧﺎﺗﻪ ﺷﻪﮬﺮﯨﮕﻪ ﻧﻪﺯﻩﺭ ﺗﺎﺷﻼﭖ ﻛﯚﺯﯨﺪﯨﻦ ﮬﻪﺳﺮﻩﺕ - ﻧﺎﺩﺍﻣﻪﺕ ﻳﺎﺷﻠﯩﺮﯨﻨﻰ ﺗﯚﻛﯜﭖ ﺗﯘﺭﯗﭖ ، ﺋﻪﺭﻩﺏ ، ﺗﯜﺭﻙ ﺗﺎﺭﯨﺦ ﻛﯩﺘﺎﺑﻠﯩﺮﯨﻐﺎ ﺧﺎﺗﯩﺮﻟﻪﻧﮕﻪﻥ ﮬﯩﻜﻤﻪﺕ ﺑﯩﻠﻪﻥ ﻳﯘﻏﯘﺭﯗﻟﻐﺎﻥ ﻣﻪﺷﮭﯘﺭ ﻧﯘﺗﻘﯩﻨﻰ ﺳﯚﺯﻟﯩﺪﻯ . ﺑﯘ ﺗﺎﺭﯨﺦ ﺷﯘﻧﺪﺍﻕ ﺩﻩﺑﺪﻩﺏ- ﯨﻠﯩﻚ ﺋﯩﺒﺎﺭﯨﻠﻪﺭ ﺑﯩﻠﻪﻥ ﻳﻪﻛﯜﻧﻠﻪﻧﺪﻯ-ﻳﯘ ، ﻳﻪﻧﯩﻼ ﻛﯩﺸﯩﻠﻪﺭﻧﯩﯔ ﺋﯩﺴﯩﺪﯨﻦ ﻛﯚﺗﯜﺭﻟﯜﭖ ﻛﻪﺗﺘﻰ.

2

ﺋﯩﻠﯩﻢ ﺋﺎﺩﻩﻡ ﺋﺎﺗﺎ ﺑﯩﻠﻪﻥ ﮬﻪﯞﯞﺍ ﺋﺎﻧﯩﺪﯨﻦ ﺑﺎﺷﻼﻧﻐﺎﻥ ﮬﺎﻳﺎﺗﻠﯩﻖ ﻣﯘﺳﺎﭘﯩﺴﯩﺪﻩ ﺋﯚﺯﯨﻨﯩﯔ ﺋﺎﺟﺎﻳﯩﭗ ﺧﺎﺳﯩﻴﺘﻰ ﯞﻩ ﭘﻪﺯﻟﯩﻨﻰ ﻧﺎﻣﺎﻳﻪﻥ ﻗﯩﻠﯩﭗ ﻛﻪﻟﺪﻯ . ﺋﯩﻠﯩﻢ ﮔﻮﻳﺎ ﭘﺎﺭﺍﯞﯗﺯﻧﯩﯔ ﺑﯩﺸﯩﻐﺎ ﺋﻮﺧﺸﺎﺵ ﻳﻮﻗﻠﯘﻗﺘﯩﻦ ﺑﺎﺭﻟﯩﻘﻘﺎ ﻛﻪﻟﮕﻪﻥ ﺋﯩﻨﺴﺎﻧﯩﻴﻪﺗﻨﻰ ﺳﯚﺭﻩﭖ ﺋﺎﻟﻐﺎ ﺋﯩﺘﺘﯩﺮﯨﭗ ﻛﻪﻟﺪﻯ. ﻟﻮﻗﻤﺎﻥ ﺋﯩﺒﻨﻰ ﮬﻪﻛﯩﻤﻨﯩﯔ ﺋﻮﻏﻠﯩﻐﺎ ﻗﯩﻠﻐﺎﻥ ﻧﻪﺳﯩﮭﯩﺘﻰ ﺩﻩﻝ ﺋﯩﻠﯩﻤﻨﯩﯔ ﺧﺎﺳﯩﻴﯩﺘﯩﻨﻰ ﺋﻪﯓ ﺟﺎﻧﻠﯩﻖ ﺭﻩﯞﯨﺸﺘﻪ ﺋﯩﭙﺎﺩﯨﻠﻪﭖ ﺑﻪﺭﮔﻪﻧﯩﺪﻯ.

ﺋﻰ ﺋﻮﻏﻠﯘﻡ،- ﺩﻩﻳﺪﯗ ﺋﯘ ، - ﺋﯩﻠﯩﻢ ﺋﯜﮔﻪﻥ ، ﺋﺎﻟﯩﻤﻼﺭ ﺑﯩﻪﻥ ﻛﯚﭘﺮﻩﻙ ﮬﻪﻣﺴﯚﮬﺒﻪﺕ ﺑﻮﻝ ، ﺋﯩﻠﯩﻢ ﺧﯘﺩﺩﻯ ﺋﺎﺳﻤﺎﻧﺪﯨﻦ ﺯﯦﻤﯩﻦ ﺋﻪﮬﻠﯩﮕﻪ ﭼﯜﺷﻜﻪﻥ ﻳﺎﺧﺸﯩﻠﯩﻖ ﯞﻩ ﺑﻪﺭﻛﻪﺕ ﻳﺎﻣﻐﯘﺭﯨﻐﺎ ﺋﻮﺧﺸﺎﻳﺪﯗ.ﻳﺎﻣﻐﯘﺭ ﺑﯩﻠﻪﻥ ﻗﺎﻗﺎﺱ ﻳﻪﺭﻟﻪﺭ ﻛﯚﻛﻪﺭﮔﻪﻧﺪﻩﻙ ، ﺋﯩﻠﯩﻢ ﺑﯩﻠﻪﻥ ﺋﯚﻟﯜﻙ ﻗﻪﻟﯩﺒﻠﻪﺭ ﺗﯩﺮﯨﻠﯩﺪﯗ، ﻗﺎﺭﺍﯕﻐﯘ ﺩﯨﻠﻼﺭ ﻳﻮﺭﯨﻴﺪﯗ.

ﺋﯚﻟﯩﻤﺎﻻﺭ ، ﺋﻪﺩﯨﺒﻠﻪﺭ ، ﺷﺎﺋﯩﺮﻻﺭ ﻣﯩﻠﻠﻪﺕ ﺭﻭﮬﯩﻨﻰ ﻳﻮﺭﯗﻗﻠﯘﻗﻘﺎ ﻳﯩﺘﻪﻛﻠﻪﭖ ﻣﺎﯕﻐﯘﭼﻰ ﺳﻪﺭﻛﯩﻠﻪﺭ ، ﺷﯘﯕﺎ ﺋﯘﻻﺭﻏﺎ ﺋﯩﻨﺴﺎﻧﻼﺭﻧﻰ ﮔﯘﻣﺮﺍﮬﻠﯩﻘﺘﯩﻦ ﮬﯩﺪﺍﻳﻪﺗﻜﻪ ﺑﺎﺷﻠﯩﻐﯘﭼﻰ ﭘﻪﻳﻐﻪﻣﺒﻪﺭﻟﻪﺭﻧﯩﯔ ﯞﺍﺭﯨﺴﻠﯩﺮﻯ ﺩﯦﮕﻪﻥ ﺋﺎﻟﯩﻲ ﭘﻪﺧﯩﺮ ﺗﺎﺟﻰ ﻛﯩﻴﺪﯛﺭﯨﻠﮕﻪﻥ. ﻛﯚﺯ ﺋﺎﻟﺪﯨﺪﯨﻜﻰ ﻣﺎﺩﺩﯨﻲ ﻧﻪﺭﺳﯩﻠﻪﺭﺩﯨﻦ ﺑﺎﺷﻘﺎ ﮬﻪﻣﻤﯩﻨﻰ ﺋﯩﻨﻜﺎﺭ ﻗﯩﻠﯩﺪﯨﻐﺎﻥ ﻣﯩﺘﺎ ﻓﯩﺰﯨﻜﺎ ، ﯞﻩﺗﻪﻥ ﺑﯘﺭﭼﻰ ، ﺋﺎﺋﯩﻠﻪ ﻣﻪﺳﺌﯘﻟﯩﻴﺘﻰ ، ﺩﯨﻨﻨﯩﻲ ﭼﻪﻛﻠﯩﻤﯩﻠﻪﺭﺩﯨﻦ ﺧﺎﻟﯩﻲ ﺟﯩﻨﯩﺴﻨﻰ ﺑﺎﺯﺍﺭﻏﺎ ﺳﺎﻟﻐﯘﭼﻰ ﻏﻪﺭﯨﺒﻨﯩﯔ ﺯﺍﻣﺎﻧﯩﯟﯨﻲ ﺋﯩﻘﯩﻤﻠﯩﺮﯨﻤﯘ ﺋﯩﻨﺴﺎﻧﯩﻴﻪﺕ ﻣﯘﭘﺘﯩﻼ ﺑﻮﻟﻐﺎﻥ ﻗﺎﺭﺍﯕﻐﯘﻟﯘﻗﻨﻰ ﻳﻮﺭﯗﺗﯘﭖ ﺑﯩﺮﻩﻟﻤﯩﺪﻯ. ﺷﯘﻧﯩﺴﻰ ﺋﯩﻨﯩﻘﻜﻰ ، ﺋﯩﻠﯩﻤﻨﯩﯔ ﮬﻪﻣﻤﯩﺴﻰ ﭘﺎﻳﺪﯨﻠﯩﻖ ﺑﻮﻟﻤﺎﻳﺪﯗ . ﺷﯘﻧﺪﺍﻕ ﺋﯩﻠﯩﻢ ﺑﺎﺭﻛﻰ ، ﺋﯩﻨﺴﺎﻧﻨﻰ ﻗﺎﺭﺍﯕﻐﯘﻟﯘﻗﻘﺎ ، ﺧﻪﻟﯩﻘﻨﻰ ﮔﯘﻣﺮﺍﮬﻠﯩﻘﻘﺎ ﺑﺎﺷﻼﻳﺪﯗ . ﺋﺎﺑﺪﯗﻗﺎﺩﯨﺮﺩﺍﻣﻮﻟﻼﻣﺪﻩﻙ ﺋﺎﻟﯩﻤﻠﯩﺮﯨﻤﯩﺰ ﺋﺎﻟﺪﻯ ﺑﯩﻠﻪﻥ ﺋﯩﺘﻘﺎﺩ ﯞﻩ ﯞﯨﺠﺪﺍﻥ ﺳﺎﮬﯩﺒﻰ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﺋﯩﻠﻤﻰ ﺑﺎﺭﺍﻗﺴﺎﻧﻼﭖ ﺧﻪﻟﻘﻜﻪ ﺳﺎﻳﻪ ﺗﺎﺷﻼﭖ ﻧﻪﭖ ﺑﻪﺭﮔﻪﻥ . ﺑﯜﮔﯜﻥ ﺑﯩﺰﮔﻪ ﻛﯩﺮﯨﻜﯩﻤﯘ ﺋﺎﺷﯘﻧﺪﺍﻕ ﺋﯩﻠﯩﻢ.

ﺧﺎﺭﻟﯩﻖ ﯞﻩ ﻛﯜﻟﭙﻪﺕ ﻧﺎﺩﺍﻧﻠﯩﻘﺘﯩﻦ ﺗﯘﻏﯘﻟﯩﺪﯗ. ﺋﯩﻠﯩﻤﮕﻪ ﺑﻮﻟﻐﺎﻥ ﺋﯩﺸﺘﯩﻴﺎﻕ ، ﺋﺎﻟﯩﻤﻼﺭﻏﺎ ﺑﻮﻟﻐﺎﻥ ﮬﯚﺭﻣﻪﺕ ﻗﺎﺭﺍﺭ ﺗﺎﭘﻘﺎﻥ ﺩﻩﯞﯨﺮﻟﻪﺭ ﺗﺎﺭﯨﺨﯩﻤﯩﺰﻧﯩﯔ ﺋﻪﺯﯨﺰ ﯞﻩ ﻧﯘﺭﺍﻧﻪ ﺑﻪﺗﻠﯩﺮﯨﻨﻰ ﺋﺎﭼﻘﺎﻥ . ﻧﺎﺩﺍﻧﻠﯩﻖ ﯞﻩ ﺟﺎﮬﺎﻟﻪﺕ ﻳﺎﻣﺮﯨﻐﺎﻥ ﭘﻪﻳﯩﺖ ﺑﯩﺰﻧﻰ ﻛﯜﻟﭙﻪﺗﻠﯩﻚ ﺗﻪﻗﺪﯨﺮﮔﻪ ﺩﯗﭼﺎﺭ ﻗﯩﻠﻐﺎﻥ . ﻳﺎﯕﺰﯨﻨﺸﯩﻨﺪﻩﻙ ﺟﺎﮬﺎﻟﻪﺕ ﭘﯩﺮﻟﯩﺮﯨﻨﯩﯔ ﻧﺎﺩﺍﻧﻠﯩﻘﺘﺎ ﻗﺎﻟﺪﯗﺭﯗﺵ ﺳﯩﻴﺎﺳﯩﺘﯩﻨﯩﯔ ﻗﯩﺮﺗﺎﻗﻠﯩﺮﻯ ﮬﯩﻠﯩﮭﻪﻡ ﺩﯨﻤﺎﻗﻠﯩﺮﯨﻤﯩﺰﻧﻰ ﺋﺎﭼﭽﯩﻖ ﻗﯩﻠﯩﯟﺍﺗﻤﺎﻣﺪﯗ؟ ﺋﯚﺗﻤﯜﺷﻨﯩﯔ ﺋﺎﭼﭽﯩﻖ ﺳﺎﯞﺍﻗﻠﯩﺮﯨﻨﻰ ﻳﻪﻛﯜﻧﻠﻪﺵ ﺋﯩﻘﺘﯩﺪﺍﺭﯨﻨﻰ ﻳﻮﻗﺎﺗﻘﺎﻥ ﺧﻪﻟﻖ ﺭﻭﻧﺎﻕ ﺗﺎﭘﺎﻟﻤﺎﻳﺪﯗ. ﺗﯩﺮﯨﺸﭽﺎﻧﻠﯩﻘﺴﯩﺰ ﺗﺎﺷﻨﻰ ﻳﺎﺭﻏﯘﺩﻩﻙ ﺋﺎﮬ ﺋﯘﺭﯗﺵ ، ﯞﺍﻳﺴﺎﺵ ﮬﯩﭻ ﻧﻪﺭﺳﯩﻨﻰ ﺋﯚﺯﮔﻪﺭﺗﻪﻟﻤﻪﻳﺪﯗ . ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻣﻨﯩﯔ <ﮬﻪﺭ ﺑﯩﺮ ﺋﺎﺩﻩﻡ ﺋﯚﺯﯨﻨﯩﯔ ﻧﯩﻴﻪﺕ ﻗﯩﻠﻐﺎﻥ ﻧﻪﺭﺳﯩﺴﯩﮕﻪ ﺋﯩﺮﯨﺸﯩﺪﯗ > ﺩﯨﮕﻪﻥ ﮬﻪﺩﯨﺴﯩﺪﯨﻜﯩﺪﻩﻙ ﺑﯩﺰﺩﻩ ﺋﯩﻠﯩﻤﺪﻩﻙ ﺟﺎﻧﺎﻥ ﺋﯜﭼﯜﻥ ﺟﺎﻥ ﭘﯩﺪﺍ

ﻗﯩﻠﻐﯘﺩﻩﻙ ﺋﯩﺮﺍﺩﻩ ﯞﻩ ﺗﯩﺮﯨﺸﺎﻧﻠﯩﻖ ﺑﻮﻟﯩﺪﯨﻜﻪﻥ ، ﺷﺎﺭﺍﺋﯩﺖ ﯞﻩ ﭘﯘﺭﺳﻪﺗﻨﻰ ﺋﯚﺯﮔﻪﺭﺗﻜﯩﻠﻰ ﯞﻩ ﻳﺎﺭﺍﺗﻘﯩﻠﻰ ﺑﻮﻟﯩﺪﯗ.

ﺋﯩﺒﻨﻰ ﮬﻪﺯﻣﯩﺰﺯﺍﮬﯩﺮﻯ 11- ﺋﻪﺳﯩﺮﺩﻩ ﺋﯚﺗﻜﻪﻥ ﻣﻪﺷﮭﯘﺭ ﺋﺎﻟﯩﻢ ، ﻓﯩﻘﮭﯩﺸﯘﻧﺎﺱ . ﺋﯘ ﻗﯘﺭﺋﺎﻥ ﯞﻩ ﮬﻪﺩﯨﺴﻠﻪﺭﻧﯩﯔ ﺗﺎﺷﻘﻰ ﻣﻪﻧﯩﺴﻰ ﺑﯩﻠﻪﻧﻼ ﻛﯘﭘﺎﻳﯩﻠﯩﻨﯩﺶ ، ﺋﻪﻗﯩﻠﻨﻰ ، ﻟﻮﮔﯩﻜﯩﻨﻰ ﺋﺎﺳﺎﺱ ﻗﯩﻠﻐﺎﻥ ﭘﯩﻜﯩﺮ- ﺷﻪﺭﮬﻠﻪﺷﻨﻰ ﺭﻩﺕ ﻗﯩﻠﯩﺪﯨﻐﺎﻥ ﺯﺍﮬﯩﺮﯨﻼﺭ ﻣﻪﺯﮬﯩﭙﯩﮕﻪ ﺋﺎﺳﺎﺱ ﺳﺎﻟﻐﯘﭼﯩﻼﺭﻧﯩﯔ ﺑﯩﺮﻯ ﮬﯩﺴﺎﺑﻠﯩﻨﯩﺪﯗ . ﺋﯘﻧﯩﯔ ﺋﯩﻠﯩﻢ ﺗﻪﻟﻪﭖ ﻗﯩﻠﯩﺶ ﻳﻮﻟﯩﺪﯨﻜﻰ ﺋﺎﺟﺎﻳﯩﭗ ﻛﻪﭼﯜﺭﻣﯩﺸﻠﯩﺮﻯ ﺑﯩﺰﮔﻪ ﺋﯜﻣﯩﺪﯞﺍﺭﻟﯩﻖ ﯞﻩ ﺋﯩﺮﺍﺩﯨﻨﯩﯔ ﭼﻪﻛﺴﯩﺰ ﻗﯘﺩﺭﯨﺘﯩﻨﻰ ﻧﺎﻣﺎﻳﻪﻥ ﻗﯩﻠﯩﺪﯗ .

ﺋﯩﺒﻨﻰ ﮬﻪﺯﻣﯩﺰﺯﺍﮬﯩﺮﻯ ﺋﻪﺳﻠﯩﻲ ﺋﻪﻧﺪﻩﻟﯘﺳﺘﯩﻜﻰ ﺧﻪﻟﯩﭙﻪ ﺋﻮﺭﺩﯨﺴﯩﺪﺍ ﮬﻮﻗﯘﻕ ﺗﯘﺗﻘﺎﻥ ﯞﻩﺯﯨﺮﻟﻪﺭﺩﯨﻨﻰ ﺑﻮﻟﯘﭖ ، ﺗﺎﻛﻰ 40 ﻳﺎﺷﻘﺎ ﻛﯩﺮﮔﯜﭼﻪ ﺳﯩﻴﺎﺳﯩﻲ ﺑﯩﻠﻪﻥ ﺷﯘﻏﯘﻟﻼﻧﻐﺎﻥ . ﺷﯘ ﭼﺎﻏﻨﯩﯔ ﺋﺎﺩﯨﺘﻰ ﺑﻮﻳﯩﭽﻪ ﺋﯚﻟﯜﻡ - ﻳﯩﺘﯩﻢ ﺋﯩﺸﻠﯩﺮﻯ ﻣﻪﺳﺠﯩﺪﺗﻪ ﺋﯘﺯﯨﺘﯩﻠﯩﺪﯨﻜﻪﻥ . ﺑﯩﺮﻩﺭﺳﻰ ﯞﺍﭘﺎﺕ ﺑﻮﻟﺴﺎ ﻣﯩﻴﯩﺖ ﺋﯩﮕﯩﻠﯩﺮﻯ ﻣﻪﺳﺠﯩﺪﻛﻪ ﻛﯩﻠﯩﭗ ﺋﻮﻟﺘﯘﺭﯨﺪﯨﻜﻪﻥ ، ﺟﺎﻣﺎﺋﻪﺕ ﻣﻪﺳﺠﯩﺪﻛﻪ ﻛﯩﻠﯩﭗ ، ﺋﯚﻟﯜﻡ ﺋﯩﮕﯩﻠﯩﺮﯨﺪﯨﻦ ﮬﺎﻝ ﺳﻮﺭﺍﻳﺪﯨﻜﻪﻥ . ﻛﯜﻧﻠﻪﺭﻧﯩﯔ ﺑﯩﺮﯨﺪﻩ ﺋﯩﺒﻨﻰ ﮬﻪﺯﻣﯩﺰﺯﺍﮬﯩﺮﻯ ﻳﯩﻘﯩﻨﻠﯩﺮﯨﺪﯨﻦ ﺑﯩﺮﺳﯩﻨﯩﯔ ﺋﯚﻟﯜﻣﯩﮕﻪ ﭘﻪﺗﻪ ﺋﻮﻗﯘﭖ ﺗﻪﺳﻪﻟﻠﯩﻲ ﺑﯩﺮﯨﺶ ﺋﯜﭼﯜﻥ ﻣﻪﺳﺠﯩﺪﻛﻪ ﺑﯩﺮﯨﭙﺘﯘ .ﺑﯘ ﻧﺎﻣﺎﺯ ﭘﯧﺸﯩﻨﺪﯨﻦ ﻛﯩﻴﯩﻨﻜﻰ ﯞﺍﻗﯩﺖ ﺋﯩﻜﻪﻥ . ﺋﯩﺒﻨﻰ ﮬﻪﺯﻣﯩﺰﺯﺍﮬﯩﺮﻯ ﺋﻪﻣﺪﻯ ﻛﯩﺮﯨﭗ ﺋﻮﻟﺘﯘﺭﯨﺸﯩﻐﺎ ، ﺋﻪﺗﺮﺍﭘﯩﺪﯨﻜﻰ ﻛﯩﺸﯩﻠﻪﺭ:< ﻗﻮﭘﯘﯓ ، ﻣﻪﺳﺠﯩﺪﻛﻪ ﻛﯩﺮﮔﻪﻧﻜﻪﻧﺴﯩﺰ،ﺋﯩﻜﻜﻰ ﺭﻩﻛﺌﻪﺕ ﺗﻪﮬﯩﻴﻴﻪﺗﯘﻝ ﻣﻪﺳﯩﺠﯩﺪ ﻧﺎﻣﯩﺰﻯ ﺋﻮﻗﯘﻳﺴﯩﺰ ﺋﻪﻣﻪﺳﻤﯘ>،

ﺩﻩﭖ ﺋﯘﻧﻰ ﻧﻮﻗﯘﭘﺘﯘ . ﻣﯘﺷﯘﻧﭽﯩﻠﯩﻚ ﺋﯩﺸﻨﻰ ﺋﯘﻗﻤﯩﻐﯩﻨﯩﻐﺎ ﺧﯩﺠﯩﻞ ﺑﻮﻟﻐﺎﻥ ﺋﯩﺒﻨﻰ ﮬﻪﺯﻣﯩﺰﺯﺍﮬﯩﺮﻯ ﻗﻮﭘﯘﭖ ﺋﯩﻜﻜﻰ ﺭﻩﻛﺌﻪﺕ ﻧﺎﻣﺎﺯ ﺋﻮﻗﯘﭘﺘﯘ .ﺋﺎﺭﯨﺪﯨﻦ ﺑﯩﺮ ﻣﻪﺯﮔﯩﻞ ﺋﯚﺗﯜﭖ ، ﻳﻪﻧﻪﺑﯩﺮ ﺋﯚﻟﯜﻡ ﭘﻪﺗﯩﺴﻰ ﺋﯜﭼﯜﻥ

ﻣﻪﺳﺠﯩﺪﻛﻪ ﺑﯩﺮﯨﭙﺘﯘ .ﺑﯘ ﻧﺎﻣﺎﺯ ﺋﻪﺳﯩﺮﺩﯨﻦ ﻛﯩﻴﯩﻨﻜﻰ ﯞﺍﻗﯩﺖ ﺋﯩﻜﻪﻥ . ﺋﯚﺗﻜﻪﻥ ﻗﯩﺘﯩﻤﻠﯩﻖ ﺋﯩﺶ ﺋﯧﺴﯩﺪﻩ ﺑﻮﻟﻐﺎﭼﻘﺎ ،ﺋﯩﺒﻨﻰ ﮬﻪﺯﻣﯩﺰﺯﺍﮬﯩﺮﻯ ﻧﺎﻣﺎﺯ ﺋﻮﻗﯘﺷﻘﺎ ﺗﻪﻣﺸﯩﻠﯩﭙﺘﯘ . ﺋﻪﺗﺮﺍﭘﺘﯩﻜﻰ ﻛﯩﺸﯩﻠﻪﺭ :< ﺋﻮﻟﺘﯘﺭﯗﯓ ،ﻧﺎﻣﺎﺯ ﺋﻪﺳﯩﺮﺩﯨﻦ ﻛﯩﻴﯩﻦ ﮬﻪﺭﻗﺎﻧﺪﺍﻕ ﻧﻪﻓﻠﻰ ﻧﺎﻣﺎﺯ ﺋﻮﻗﯘﺷﻘﺎ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺳﺎﯞﺍﻗﻨﻰ ﺑﯩﻠﻤﻪﻣﺴﯩﺰ ؟>ﺩﻩﭖ ﺋﯘﻧﻰ ﺟﺎﻳﯩﻐﺎ ﺋﻮﻟﺘﯘﺭﻏﯘﺯﯗﭖ ﻗﻮﻳﯘﭘﺘﯘ .ﺷﻪﺭﯨﺌﻪﺕ ﺋﯩﻠﯩﻤﯩﺪﯨﻜﻰ ﺑﯘ ﺋﺎﺩﺩﯨﻲ ﺑﯩﻠﻤﻰ- ﮕﻨﯩﺪﯨﻦ ﻗﺎﺗﺘﯩﻖ ﺋﯘﻳﺎﺕ ﮬﯩﺲ ﻗﯩﻠﻐﺎﻥ ﺋﯩﺒﻨﻰ ﮬﻪﺯﻣﯩﺰﺯﺍﮬﯩﺮﻯ : < ﺋﻪﮔﻪﺭ ﺋﯩﻠﯩﻤﺴﯩﺰﻟﯩﻚ ، ﻧﺎﺩﺍﻧﻠﯩﻖ

ﺋﺎﺩﻩﻣﻨﻰ ﻛﯩﺸﯩﻠﻪﺭ ﺋﺎﺭﯨﺴﯩﺪﺍ ﻣﯘﺷﯘﻧﺪﺍﻕ ﻳﻪﺭﮔﻪ ﻗﺎﺭﯨﺘﯩﺪﯨﻐﺎﻥ ﺋﯩﺶ ﺑﻮﻟﺴﺎ، ﻣﺎﯕﺎ ﺑﯘ ﺩﯗﻧﻴﺎﻧﯩﯔ ﺳﺎﻳﯩﺪﻩﻙ

ﺗﯘﺭﺍﻟﻐﯘﺳﯩﺰ ﺋﻪﻣﻪﻝ - ﻣﻪﻧﺴﻪﭘﻠﯩﺮﻯ ،ﺭﺍﮬﻪﺕ - ﭘﺎﺭﺍﻏﻪﺗﻠﯩﺮﻯ ﻣﺎﯕﺎ ﻛﯩﺮﻩﻙ ﺋﻪﻣﻪﺱ>،ﺩﻩﭖ ﯞﻩﺯﯨﺮﻟﯩﻜﻨﻰ

ﺗﺎﺷﻼﭖ ،ﭘﯜﺗﯜﻥ ﺯﯨﮭﻨﻰ ﺑﯩﻠﻪﻥ ﺋﯩﻠﯩﻢ ﺋﯜﮔﯩﻨﯩﺸﻜﻪ ﻛﯩﺮﯨﺸﯩﭙﺘﯘ .ﺑﯘ ﭼﺎﻏﺪﺍ ﺋﯩﺒﻨﻰ ﮬﻪﺯﻣﯩﺰﺯﺍﮬﯩﺮﻯ 40 ﻳﺎﺷﺘﺎ ﺋﯩﻜﻪﻥ . ﺋﺎﺷﯘﻧﺪﺍﻕ ﻗﺎﺗﺘﯩﻖ ﺋﯩﺮﺍﺩﻩ ﯞﻩ ﺗﯩﺮﯨﺸﭽﺎﻧﻠﯩﻖ ﺑﯩﻠﻪﻥ ﺋﻮﻥ ﻳﯩﻞ ﺋﯩﻠﯩﻢ ﺗﻪﮬﺴﯩﻞ ﻗﯩﻠﯩﭗ 50 ﻳﺎﺷﻘﺎ ﻛﯩﺮﮔﻪﻧﺪﻩ ﺯﺍﻣﺎﻧﯩﺴﻨﯩﯔ ﺋﻪﯓ ﺋﺎﻟﺪﯨﻨﻘﻰ ﻗﺎﺗﺎﺭﯨﺪﯨﻜﻰ ﺑﯜﻳﯜﻙ ﺋﺎﻟﯩﻢ ﺑﻮﻟﯘﭖ ﻳﯩﺘﯩﺸﯩﭗ ﭼﯩﻘﯩﭙﺘﯘ . ﺋﯘﻧﯩﯔ ﺷﺎﻥ - ﺷﯚﮬﺮﯨﺘﻰ ﺋﻪﺗﺮﺍﭘﻘﺎ ﺗﺎﺭﯨﻠﯩﭙﺘﯘ . ﺗﻪﺭﻩﭖ - ﺗﻪﺭﻩﭘﺘﯩﻦ ﺗﺎﻟﯩﺒﯘﻝ ﺋﯩﻠﯩﻤﻠﻪﺭ ﺋﯘﻧﯩﯔ ﺩﻩﺭﯨﺴﻠﯩﺮﯨﻨﻰ ﺋﺎﯕﻼﺵ ﺋﯜﭼﯜﻥ ﮬﯘﺯﯗﺭﯨﻐﺎ ﻳﯩﻐﯩﻠﯩﭙﺘﯘ .ﺋﯩﺒﻨﻰ ﮬﻪﺯﻣﯩﺰﺯﺍﮬﯩﺮﻯ ﺑﯩﺮ ﺗﻪﺭﻩﭘﺘﯩﻦ ﺩﻩﺭﺱ ﺋﯚﺗﯜﭖ ، ﺑﯩﺮ ﺗﻪﺭﻩﭘﺘﯩﻦ ﺗﻪﻓﺴﯩﺮ ، ﮬﻪﺩﯨﺲ ، ﻓﯩﻘﮭﻰ ﺋﯩﻠﯩﻤﻠﯩﺮﯨﺪﯨﻦ ﻧﯘﺭﻏﯘﻥ ﺋﻪﺳﻪﺭﻟﻪﺭﻧﻰ ﻳﺎﺯﻏﺎﻥ . ﺋﻪﺭﻩﺑﻠﻪﺭ ﺋﺎﺭﯨﺴﯩﺪﺍ ﺗﺎﺭﺍﻟﻐﺎﻥ <ﮬﻪﺟﺠﺎﺟﻨﯩﯔ ﻗﯩﻠﯩﭽﯩﺪﯨﻦ ، ،ﺋﯩﺒﻨﻰ ﮬﻪﺯﻣﯩﺰﺯﺍﮬﯩﺮﻧﯩﯔ ﺗﯩﻠﯩﺪﯨﻦ ﮬﯩﭽﻜﯩﻢ ﺋﺎﻣﺎﻥ ﻗﺎﻟﻐﺎﻥ ﺋﻪﻣﻪﺱ > ﺩﯨﮕﻪﻥ ﻣﺎﻗﺎﻟﻤﯘ ﺩﻩﻝ ﺋﯘﻧﯩﯔ ﻳﯩﺘﯜﻙ ﺋﯩﻠﯩﻤﻰ ﯞﻩ ﻧﺎﺗﯩﻘﻠﯩﻘﻰ ﻧﯘﻗﺘﯩﺴﯩﺪﯨﻦ ﺋﯩﻴﺘﯩﻠﻐﺎﻥ .ﺑﯘ ﮬﯩﻜﺎﻳﻪ ﺋﻪﻣﻪﺱ ،ﺑﻪﻟﻜﻰ ﺋﻪﻳﻨﻪﻥ ﺧﺎﺗﯩﺮﻟﻪﻧﮕﻪﻥ ﺭﯨﺌﺎﻟﻠﯩﻖ .ﺑﯘ ﺷﺎﺭﺍﺋﯩﺖ

، ﭘﯘﺭﺳﻪﺕ ﻳﻮﻗﻠﯘﻕ ، ﻳﯩﺸﯩﻨﯩﯔ ﺑﯩﺮ ﻳﻪﺭﮔﻪ ﺑﯩﺮﯨﭗ ﻗﺎﻟﻐﯩﻨﻰ ﻳﻪﻧﻪ ﺋﺎﻟﻠﯩﻘﺎﻧﺪﺍﻕ ﺑﺎﮬﺎﻧﻪ ﺳﻪﯞﻩﭘﻠﻪﺭﻧﻰ ﺋﯚﺯﯨﻨﯩﯔ ﺑﻮﺷﺎﯕﻠﯩﻘﻰ ، ﺋﯩﺮﺍﺩﯨﺴﯩﺰﻟﯩﻜﯩﻨﻰ ﺋﺎﻗﻼﺷﻨﯩﯔ ﻗﺎﻟﻘﯩﻨﻰ ﻗﯩﻠﯩﯟﺍﻟﻐﺎﻧﻼﺭﻏﺎ ﺋﯚﺭﻧﻪﻙ ﺑﻮﻟﻐﯘﺩﻩﻙ ﺭﯨﺌﺎﻟﻠﯩﻖ .

3

ﺋﻪﻗﯩﻠﻨﻰ ﺑﯩﺮﺩﯨﻨﺒﯩﺮ ﺋﯚﻟﭽﻪﻡ ﻗﯩﻠﯩﯟﺍﻟﻐﺎﻥ ﻏﻪﺭﯨﭗ ﺟﻪﻣﺌﯩﻴﺘﻰ ﺑﺎﺭﻏﺎﻧﺴﯩﺮﻯ ﻧﯘﺭﻏﯘﻥ ﻣﻪﺳﯩﻠﯩﻠﻪﺭﻧﻰ ﮬﻪﻝ ﻗﯩﻠﯩﺸﻘﺎ ﺋﺎﻣﺎﻟﺴﯩﺰ ﻗﺎﻟﺪﻯ . ﺋﻪﻗﯩﻠﻠﯩﻘﻠﻪﺭﻧﯩﯔ ﻛﯚﭘﻠﯩﻜﯩﺪﯨﻦ ﺳﺎﻧﯩﻨﻰ ﺋﺎﻟﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﺑﯘ ﻏﯩﺮﯨﺐ ﺟﻪﻣﺌﯩﻴﻪﺗﺘﻪ ﭼﯩﻘﯩﺶ ﻳﻮﻝ ﺗﺎﭘﺎﻟﻤﺎﻱ ، ﺋﯚﺯﯨﻨﻰ ﺋﯚﻟﺘﯜﺭﯞﺍﻟﯩﺪﯨﻐﺎﻥ ، ﺳﺎﺭﺍﯓ ﺑﻮﻟﯘﭖ ﻗﺎﻟﯩﺪﯨﻐﺎﻥ-

ﻻﺭﻧﯩﯔ ﺳﺎﻧﻰ ﮬﻪﺳﺴﯩﻠﻪﭖ ﺋﯩﺸﯩﯟﻩﺭﺩﻯ. ﺩﯗﻧﻴﺎﻧﯩﯔ ﻳﻪﻧﻪ ﺑﯩﺮ ﻗﯘﺗﯘﺑﯩﺪﺍ ، ﻗﯘﻣﻠﯘﻕ ﺋﯜﺳﺘﯩﮕﻪ ﻣﯚﺟﯩﺰﻯ-

ﺩﻩﻙ ﺑﻪﺭﭘﺎ ﻗﯩﻠﯩﻨﻐﺎﻥ ﻗﻮﻳﯘﻕ ﺧﻮﺭﻣﺎ ﺩﻩﺭﻩﺧﻠﯩﺮﻯ ﺳﺎﻳﻪ ﺗﺎﺷﻼﭖ ﺗﯘﺭﻏﺎﻥ ﺑﯘ ﺋﻮﺗﻠﯘﻕ ﺯﯨﻤﯩﻨﺪﺍ ﻛﯩﺸﯩﻠﻪﺭ ﺭﯨﺌﺎﻟﻠﯩﻘﻘﺎ ﺑﺎﺷﻘﺎ ﺑﯩﺮ ﻛﯚﺯﺩﻩ ﻗﺎﺭﺍﻳﺘﺘﻰ . ﺷﯘﯕﺎ ﺋﯘﻻﺭﻧﯩﯔ ﺗﻪﻗﺪﯨﺮﻯ ، ﺭﯨﺰﯨﻘﻰ ﯞﻩ ﺑﻪﺧﺘﻰ ﺋﻪﻗﻠﯩﻲ ﺟﻪﻣﺌﯩﻴﻪﺗﺘﯩﻦ ﭘﻪﺭﯨﻘﻠﯩﻨﻪﺗﺘﻰ . ﻛﯚﯕﯜﻟﺴﯩﺰﻟﯩﻚ ، ﺑﺎﻻﻳﯩﺌﺎﭘﻪﺗﻠﻪﺭ ﺋﯘﻻﺭﻧﯩﯔ ﺭﻭﮬﯩﻲ ﻗﯘﯞﯨﺘﯩﻨﻰ ﺧﻮﺭﯨﺘﺎﻟﻤﺎﻳﺘﺘﻰ . ﺩﯗﻧﻴﺎ ﻣﻪﺋﯩﺸﻪﺗﻠﯩﺮﻯ ﺋﯘﻻﺭﻧﯩﯔ ﻗﻪﻟﺒﯩﺪﯨﻜﻰ ﺑﯜﻳﯜﻙ ﺋﻮﺭﯗﻧﻨﻰ ﺋﯩﮕﯩﻠﯩﯟﺍﻻﻟﻤﺎﻳﺘﺘﻰ . ﺑﯘ ﻳﻪﺭﺩﻩ ﺭﻭﮬﻰ ﻛﺮﯨﺰﯨﺴﺘﯩﻦ ،ﺗﯘﺭﻣﯘﺵ ﺑﯘﺭﯗﻗﺘﯘﻣﻠﯩﺮﯨﺪﯨﻦ ﺋﯚﺯﯨﻨﻰ ﺋﯚﻟﺘﯜﺭﯞﺍﻟﯩﺪﯨﻐﺎﻧﻼﺭﻧﻰ ﻛﯚﺭﮔﯩﻠﻰ ﺑﻮﻟﻤﺎﻳﺪﯗ.

ﺗﻮﭘﯩﻠﯩﻖ ﻳﻮﻟﺪﺍ ﻛﻪﺗﻤﯩﻨﯩﻨﻰ ﻣﯜﺭﯨﺴﯩﮕﻪ ﺋﯩﻠﯩﭗ ﻛﯩﺘﯩﯟﺍﺗﻘﺎﻥ ﻳﺎﻻﯓ ﺋﺎﻳﺎﻍ ﭘﯘﺗﻠﯩﺮﻯ ﭼﺎﻙ-ﭼﺎﻙ ﻳﯩﺮﯨﻠﻐﺎﻥ ﺗﺎﺭﯨﻤﻠﯩﻖ ﺩﯨﮭﻘﺎﻧﻨﯩﯔ ﻏﯩﺮﯨﺒﻠﯩﻘﻰ ﺑﻪﻛﻤﯘ ﭼﻮﯕﻘﯘﺭ . ﺋﯘ ﮬﻮﺳﯘﻟﺴﯩﺰ ﺋﯩﺘﯩﺰﯨﻐﺎ ﻗﺎﺭﺍﭖ ﻗﯘﺭﯗﻕ ﺧﯩﻴﺎﻟﻐﺎ ﭘﺎﺗﺘﻰ . ﺧﯘﺷﻴﺎﻗﻤﺎﺳﻠﯩﻖ ﺑﯩﻠﻪﻥ ﺋﺎﺳﻤﺎﻧﻐﺎ ﻗﺎﺭﯨﺪﻯ . ﻛﯜﻥ ﺋﯩﮕﯩﻠﮕﻪﻥ ، ﻧﺎﻣﺎﺯ ﺩﯨﮕﻪﺭﻧﯩﯔ ﯞﺍﻗﺘﻰ ﺋﯚﺗﯜﭖ ﻛﻪﺗﻜﻪﻥ . ﺋﯘ ﺑﯩﺸﯩﺪﯨﻼ ﺳﺎﯕﮕﯩﻼﭖ ﺗﯘﺭﻏﺎﻥ ﻛﯜﻥ ، ﺋﺎﻳﻠﯩﻨﯩﯟﺍﺗﻘﺎﻥ ﻳﻪﺭﺷﺎﺭﻯ ، ﺯﯨﺮﺍﺋﻪﺗﻠﻪﺭﻧﻰ ﺳﯘﻏﺎﺭﻏﯘﭼﻰ ﻳﺎﻣﻐﯘﺭﻧﯩﯔ ﻛﺎﺭﺍﻣﻪﺗﻠﯩﻚ ﺋﯩﮕﯩﺴﯩﮕﻪ ﺋﻪﻣﻪﺱ ، ﺋﯩﺘﯩﺰ ﺑﻮﻳﯩﺪﯨﻜﻰ ﻳﯘﻗﯘﺭﻯ ﺳﯜﺭﺋﻪﺗﻠﯩﻚ ﺗﺎﺷﻴﻮﻟﺪﺍ ﺷﯘﻧﭽﯩﯟﺍﻻ ﻣﺎﻱ ﺑﺎﻛﯩﻨﻰ ﺑﯩﺴﯩﭗ ﺋﯘﭼﻘﺎﻧﺪﻩﻙ ﺗﯩﺰ ﻛﯩﺘﯩﯟﺍﺗﻘﺎﻥ ﻣﺎﺷﯩﻨﺎ ﺷﻮﭘﯘﺭﯨﻐﺎ ﮬﻪﻳﺮﺍﻥ . ﻛﯚﺯ ﺋﺎﻟﺪﯨﻤﺪﺍ ﻳﻪﻧﻪ ﺑﯩﺮ ﻛﯚﺭﯛﻧﯜﺵ ، ﮬﻮﺳﯘﻟﺴﯩﺰ ﺧﻮﺭﻣﯩﻠﯩﻖ ﺑﯩﻐﯩﺪﯨﻦ ﺋﺎﻟﺪﯨﺮﺍﺵ ﭼﯩﻘﯩﯟﺍﺗﻘﺎﻥ ﺳﺎﻗﺎﻟﻠﯩﻖ ، ﺋﺎﭘﺌﺎﻕ ﺗﻮﻧﻠﯘﻕ ﺩﯨﮭﻘﺎﻥ ، ﻛﯜﻥ ﺋﯩﮕﯩﻠﮕﻪﻥ ، ﺋﺎﭘﺌﺎﻕ ﺩﺍﭼﯩﻼﺭ ﺋﺎﻟﺪﯨﺪﺍ ﺳﺎﻳﯩﻠﻪﺭ ﺋﯩﻜﻜﻰ ﺑﺎﺭﺍﯞﻩﺭ ﺋﯘﺯﺍﺭﻏﺎﻥ . ﺋﯘ ﻣﺎﺷﯩﻨﯩﺴﯩﻨﻰ ﻗﯘﻳﯘﻧﺪﻩﻙ ﮬﻪﻳﺪﻩﭖ ﻳﯘﻗﯘﺭﻯ ﺳﯜﺭﺋﻪﺗﻠﯩﻚ ﻳﻮﻟﻐﺎ ﭼﯩﻘﺘﻰ . ﺋﺎﻧﺪﯨﻦ ﺋﺎﻳﻼﻧﻤﯩﺪﯨﻦ ﺋﯚﺗﯜﭖ ، ﻣﻪﺳﺠﯩﺪ ﺋﺎﻟﺪﯨﺪﺍ ﺗﻮﺧﺘﯩﺪﻯ . ﺩﻩﻝ ﺷﯘ ﭼﺎﻏﺪﺍ ﻣﻪﺯﯨﻨﻨﯩﯔ ﻧﺎﻣﺎﺯ ﺩﯨﮕﻪﺭﮔﻪ ﺗﻮﯞﻟﯩﻐﺎﻥ ﻣﯘﯕﻠﯘﻕ ﺋﺎﯞﺍﺯﻯ ﻳﺎﯕﺮﯨﺪﻯ .

ﺋﻪﻗﯩﻞ ﺋﯩﻨﺴﺎﻧﻨﯩﯔ ﻗﻪﺩﯨﺮ - ﻗﯩﻤﻤﯩﺘﻰ ، ﺋﯩﻨﺴﺎﻧﯩﻴﻪﺕ ﻣﻪﺋﯩﺸﻪﺗﻠﯩﺮﯨﻨﯩﯔ ﺋﺎﭼﻘﯘﭼﻰ. ﺗﺎﺭﯨﺨﺘﯩﻜﻰ ﮬﻪﺭﺑﯩﺮ ﻣﯘﯞﺍﭘﭙﯩﻘﯩﻴﻪﺕ ، ﮬﻪﺭ ﻗﯩﺘﯩﻤﻠﯩﻖ ﺗﻪﺭﻩﻗﻘﯩﻴﺎﺕ ﺋﯩﻨﺴﺎﻥ ﺋﻪﻗﻠﻰ ﯞﻩ ﺗﯩﺮﯨﺸﭽﺎﻧﻠﯩﻘﯩﻨﯩﯔ ﻣﯩﯟﯨﺴﻰ. ﺯﺍﻣﺎﻧﯩﯟﯨﻲ ﺟﻪﻣﺌﯩﻴﻪﺗﺘﯩﻜﻰ ﺋﯩﻨﺴﺎﻥ ﮬﻪﻣﻤﯩﻨﻰ ﻗﻮﻻﻳﻼﺷﺘﯘﺭﻏﺎﻥ ﺷﯘﻧﭽﯩﯟﺍﻻ ﻛﻪﺷﭙﯩﻴﺎﺕ - ﺋﯩﺨﺘﯩﺮﺍﻻﺭﻧﯩﯔ ﺋﯩﮕﯩﺴﻰ . ﺑﯘﻻﺭﻧﯩﯔ ﮬﻪﻣﻤﯩﺴﻰ ﺋﯩﻨﺴﺎﻥ ﺋﯜﭼﯜﻥ ، ﺋﯩﻨﺴﺎﻥ ﺑﻪﺧﺘﻰ ﺋﯜﭼﯜﻥ. ﺑﯩﺮﺍﻕ ، ﺋﻪﻗﯩﻞ ﺑﯩﺰﻩﻛﻠﯩﺮﻯ ﺑﯩﻠﻪﻥ ﺟﺎﺑﺪﯗﻧﻐﺎﻥ ﭘﺎﺭﻗﯩﺮﺍﻕ ﺟﻪﻣﺌﯩﻴﻪﺗﺘﻪ ﻗﯘﺭﯗﻗﺪﯨﻠﯩﻨﯩﭗ ﻗﯩﻠﯩﯟﺍﺗﻘﺎﻥ ﺋﯩﻨﺴﺎﻧﻼﺭ

ﺋﯚﺯﯨﺪﻩ ﻧﯩﻤﻪ ﻛﻪﻣﻠﯩﻜﯩﻨﻰ ﻛﯚﺭﻩﻟﻤﯩﺪﻯ . ﺑﯘﻧﻰ ﻛﯚﺭﯛﺵ ﺋﯜﭼﯜﻥ ﺋﻪﻗﯩﻠﺪﯨﻦ ﺑﺎﺷﻘﺎ ﻛﯚﺯ ﺑﻮﻟﯘﺵ ﻛﯩﺮﻩﻙ.

* * * * * * * * * * * * * * * * * * * * * *

ﺭﯨﺌﺎﻟﻠﯩﻘﺘﯩﻦ ﺑﯩﺸﯩﻤﻨﻰ ﻛﯚﺗﯜﺭﯛﭖ ، ﺗﺎﺭﯨﺨﻨﯩﯔ ﻧﯘﺭﻟﯘﻕ ﺋﺎﺳﻤﯩﻨﯩﻐﺎ ﻧﻪﺯﻩﺭ ﺳﺎﻟﺪﯨﻢ . ﺋﺎﺳﻤﯩﻨﯩﻤﯩﺰﺩﺍ ﻗﯩﺰ ﺋﺎﻳﺎﻟﻼﺭﻧﯩﯔ ﻳﯘﻟﺘﯘﺯﻯ ﺧﯩﺮﻩﻟﯩﺸﯩﭗ ﻗﺎﭘﺘﯘ . ﺋﻪﺩﻩﺏ ﺑﻮﺳﺘﺎﻧﯩﻨﯩﯔ ﺯﯨﺒﺎ ﻏﯘﻧﭽﯩﻠﯩﺮﻯ . ﺋﺎﺋﯩﻠﻪ ﮔﯜﻟﯩﺴﺘﺎﻧﯩﻨﯩﯔ ﻣﯩﮭﯩﺮﻟﯩﻚ ﭘﻪﺭﯞﯨﺸﻜﺎﺭﻟﯩﺮﻯ ﺳﻮﻟﯘﺷﻘﺎ ﺑﺎﺷﻼﭘﺘﯘ . ﺷﯘ ﺳﻪﯞﻩﭘﺘﯩﻦ ﺑﯩﺮ ﺋﻪﻟﮕﻪ ﺑﺎﺵ ، ﺑﯩﺮ ﻗﯘﺷﯘﻧﻐﺎ ﺳﻪﺭﻛﻪ ﺑﻮﻟﻐﯘﺩﻩﻙ ﻳﯩﮕﯩﺘﻠﯩﺮﯨﻤﯩﺰ ﮬﻪﻡ ﺳﯚﻟﯩﺘﯩﺪﯨﻦ ﺋﺎﻳﺮﯨﻼﻱ ﺩﻩﭖ ﻗﺎﭘﺘﯘ . ﺑﯩﻐﯩﻤﯩﺰ ﺧﺎﺯﺍﻥ ﺑﻮﻟﻤﯩﺴﯘﻥ ، ﺋﺎﺳﻤﯩﻨﯩﻤﯩﺰ ﻳﯘﻟﺘﯘﺯﺳﯩﺰ ﻗﺎﻟﻤﯩﺴﯘﻥ ، ﺑﺎﻟﯩﻠﯩﺮﯨﻤﯩﺰ ﺋﺎﻧﯩﺴﯩﺰ ﺑﻮﻳﯘﻥ ﻗﯩﺴﯩﭗ ﻳﯜﺭﻣﯩﺴﯘﻥ ،ﺩﻩﭖ ﺋﻮﻳﻠﯩﺪﯨﻢ . ﭼﯜﻧﻜﻰ ، ﯞﯨﺠﺪﺍﻧﯩﻲ ﻣﻪﺳﺌﯘﻟﯩﻴﻪﺕ ﯞﻩ ﺋﯩﻤﺎﻧﯩﻲ ﺗﻪﺭﺑﯩﻴﻪﺕ ﺑﯩﻠﻪﻥ ﺋﺎﻧﯩﻠﯩﻖ ﺷﻪﺭﺗﯩﻨﻰ ﮬﺎﺯﯨﺮﻟﯩﻤﯩﻐﺎﻥ ﺋﺎﻧﯩﻨﯩﯔ ﺑﺎﻟﻠﯩﺮﻯ ﺗﯘﻏﯘﻟﻐﺎﻥ ﻛﯜﻧﺪﯨﻦ ﺑﺎﺷﻼﭖ ﻳﯩﺘﯩﻤﺪﯗﺭ .

ﺋﺎﻧﯩﻼﺭﻧﯩﯔ ﺑﯚﺷﯜﻙ ﺗﻪﯞﺭﻩﺗﻜﻪﻥ ﭘﺎﻙ ﻗﻮﻟﻠﯩﺮﯨﺪﺍ ﻣﯩﻠﻠﻪﺕ ﺗﻪﯞﺭﻩﻳﺪﯗ . ﺋﺎﻳﺎﻟﻼﺭﻧﯩﯔ ﻗﻪﻟﺒﻰ ﻛﯩﺮﻟﻪﺷﺴﻪ ﺑﯩﺮ ﻣﯩﻠﻠﻪﺗﻨﻰ ﻛﯩﺮ ﺑﺎﺳﯩﺪﯗ .

* * * * * * * * * * * * * * * * * * * * * * *

- ﻧﻪﺯﯨﺮﻩ ﻣﯘﮬﻪﻣﻤﻪﺩ ﺳﺎﻟﯩﮭﻨﯩﯔ <ﺷﻪﺭﯨﻖ ﻳﯘﻟﺘﯩﺰﯨﻨﻰ ﺋﯩﺰﺩﻩﭖ> ﺩﯨﮕﻪﻥ

ﻛﯩﺘﺎﺑﯩﺪﯨﻦ ﺋﯩﻠﯩﻨﺪﻯ .