ﻛﻮﻣﭙﻴﯘﺗﯧﺮ : ﺳﯜﺯﯛﻙ ﺩﯗﻧﻴﺎ ، ﺑﯧﻜﯩﻨﻤﻪ ﭘﯘﻗﺮﺍ

ﻛﻮﻣﭙﻴﯘﺗﯧﺮ : ﺳﯜﺯﯛﻙ ﺩﯗﻧﻴﺎ ، ﺑﯧﻜﯩﻨﻤﻪ ﭘﯘﻗﺮﺍ

ﺋﺎﺑﺪﯗﻗﺎﺩﯨﺮ ﺟﺎﻻﻟﯩﺪﯨﻦ

 يوللىغان ۋاقتى 2006-7-10

ﻳﻮﻟﻠﯩﻐﯘﭼﻰ:ﺯﯗﻻﻝ

ﺑﻪﺯﯨﺪﻩ ﺋﯩﭽﯩﻢ ﻗﯘﭘﻘﯘﺭﯗﻕ ﺑﻮﻟﯘﭖ ﻗﺎﻟﯩﺪﯗ ، ﻣﯘﺷﯘﻧﺪﺍﻕ ﭼﺎﻏﻼﺭ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﭘﺎﺕ - ﭘﺎﺕ ﻳﯜﺯ ﺑﻪﺭﺩﻯ . ﺗﻮﻟﯩﻤﯘ ﺋﻪﭘﺴﯘﺳﻜﻰ ، ﺳﻪﻥ ﺋﻪﻧﻪ ﺷﯘ ﻫﺎﻟﻘﯩﻠﯩﻖ ﭘﻪﻳﺘﺘﻪ ، ﺳﺎﯕﺎ ﭘﯜﺗﯜﻧﻠﻪﻱ ﺗﻪﺋﻪﻟﻠﯘﻕ ﺑﻮﻟﯘﺷﻘﺎ ﺗﯧﮕﯩﺸﻠﯩﻚ ﺳﯜﻛﯜﺕ ﻗﯩﻠﯩﺶ ﻫﻮﻗﯘﻗﯩﯖﻨﯩﻤﯘ ﻗﻮﻏﺪﯨﻴﺎﻟﻤﺎﻱ ﻗﺎﻟﯩﺴﻪﻥ ، ﺳﯧﻨﻰ ﭘﻪﻗﻪﺕ ﻗﻮﺭﺳﺎﻕ ﻗﺎﻳﻐﯘﺳﯩﻐﯩﻼ ﺳﯧﻠﯩﭗ ﻗﻮﻳﻐﺎﻥ ﺭﯦﺌﺎﻟﻠﯩﻖ ﺋﯚﺯﯨﻨﯩﯔ ﺋﻪﺩﻩﭘﺴﯩﺰ ﻗﻮﻟﻠﯩﺮﻯ ﺑﯩﻠﻪﻥ ﺋﻪﻣﺪﯨﻼ ﺳﯜﺯﯛﻟﯜﺷﻜﻪ ﺑﺎﺷﻠﯩﻐﺎﻥ ﺩﯨﻘﻘﯩﺘﯩﯖﻨﻰ ﻗﻮﭼﯘﯞﯦﺘﯩﺪﯗ - ﺩﻩ ، ﻧﻪﺗﯩﺠﯩﺪﻩ ﺋﯚﺯ "" ﺳﯜﻛﯜﺕ ""ﺋﯩﯖﮕﯩﻤﯘ ﺋﯚﺯﯛﯓ ﺋﯩﮕﻪ ﺑﻮﻻﻟﻤﺎﻱ ﻗﺎﻟﯩﺴﻪﻥ .

"" ﺳﯜﻛﯜﺕ "" ﺯﯨﺪﺩﯨﻴﻪﺗﻠﯩﻚ ﻫﺎﻟﻪﺗﻨﯩﯔ ﻳﻪﻧﻪ ﺑﯩﺮ ﺋﺎﺗﯩﻠﯩﺸﻰ ، ﺳﻪﻥ ﺑﯘ ﭼﺎﻏﺪﺍ ﺭﯦﺌﺎﻟﻠﯩﻘﻘﺎ ﻧﯩﺴﺒﻪﺗﻪﻥ ﺗﻪﺷﻪﺑﺒﯘﺳﻜﺎﺭ ﺋﻮﺭﯗﻧﺪﺍ ﺗﯘﺭﯗﭖ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﺎﺭﺍﻟﻤﺎﻳﺴﻪﻥ ، ﺑﻪﻟﻜﻰ ﺭﯦﺌﺎﻟﻠﯩﻘﺘﯩﻜﻰ ﺗﯜﺭﻟﯜﻙ ﻫﺎﺩﯨﺴﯩﻠﻪﺭ ﻣﻪﻧﯩﯟﯨﻴﯩﺘﯩﯖﻨﻰ ﺗﺎﻻﻥ - ﺗﺎﺭﺍﺝ ﻗﯩﻠﯩﭗ ﺗﯘﺭﯨﺪﯗ . ﻣﻪﺳﯩﻠﻪﻥ : ﺧﯩﺰﻣﯩﺘﯩﯖﻨﯩﯔ ﻛﯚﯕﯜﻟﺴﯩﺰ ﯞﻩ ﺋﯜﻧﯜﻣﺴﯩﺰ ﺑﻮﻟﯘﺷﻰ ، ﺋﯚﻱ ﻗﺎﻳﻐﯘﺳﻰ ، ﻣﺎﺋﺎﺷﯩﯖﻨﯩﯔ ﺋﺎﺩﺩﯨﻲ ﺗﯘﺭﻣﯘﺵ ﺋﯜﭼﯜﻧﻤﯘ ﻳﻪﺗﻤﻪﻱ ، ﻗﻪﺭﺯﺩﺍﺭ ﺑﻮﻟﯘﭖ ﻗﯧﻠﯩﺸﯩﯔ ، ﻗﺎﻳﺴﯩﺪﯗﺭ ﺑﯩﺮ ﺭﻩﻫﺒﻪﺭﻧﯩﯔ ﺩﻩﺭﺩﯨﯖﮕﻪ ﺑﻮﻟﻐﺎﻥ ﭘﻪﺭﯞﺍﺳﯩﺰﻟﯩﻘﻰ ، ﺋﯚﮔﯩﻨﯩﺶ ﯞﻩ ﺗﻪﺭﻩﻗﻘﯩﻲ ﻗﯩﻠﯩﺶ ﻏﺎﻳﻪﯕﻨﯩﯔ ﻫﻪﺭﺧﯩﻞ ﭘﯧﺸﻜﻪﻟﻠﯩﻜﻠﻪﺭ ﺗﯜﭘﻪﻳﻠﻰ ﺑﻪﺭﺑﺎﺕ ﺑﻮﻟﯘﺷﻰ . . . ﻗﺎﺭﺍ ، ﻳﯘﻗﯩﺮﯨﻘﯩﻼﺭﻧﯩﯔ ﺋﻪﻛﺴﯩﭽﻪ ، ﺗﺎﺷﻘﻰ ﺩﯗﻧﻴﺎﻧﯩﯔ ﺗﻪﺭﻩﻗﻘﯩﻴﺎﺕ ﺳﺎﺩﺍﻟﯩﺮﻯ ﺳﯧﻨﻰ ﻗﻮﺭﺷﺎﯞﻏﺎ ﺋﺎﻟﻐﺎﻥ ، ﺋﯘ ﻳﻪﺭﺩﯨﻜﻰ ﻳﯧﯖﯩﻠﯩﻘﻼﺭ ﺳﯧﻨﻰ ﻫﻪﻳﺮﻩﺗﻜﻪ ﺳﺎﻟﻐﺎﻥ ، ﺩﯗﻧﻴﺎ ﻗﺎﻧﺪﺍﻗﺘﯘﺭ ﺑﯩﺮ ﺷﻪﻛﯩﻠﺴﯩﺰ ﺗﺎﻣﻨﯩﯔ ﺋﯘ ﺗﻪﺭﯨﭙﯩﺪﻩ ﺳﯧﻨﻰ ﺋﻪﻟﻪﻣﻠﯩﻚ ﻛﯜﻧﺪﺍﺷﻠﯩﻘﻘﺎ ﻗﻮﻳﻐﺎﻥ . . .

ﺑﯘﻧﺪﺍﻕ ﭼﺎﻏﺪﺍ ﭘﯩﻜﯩﺮ ﻗﯩﻠﯩﺶ ﻣﯘﻣﻜﯩﻨﻤﯘ ؟ ﺳﻪﻥ ﺗﯧﺰ ﺋﯚﺯﮔﯩﺮﯨﯟﺍﺗﻘﺎﻥ ﺋﯘﭼﯘﺭﻻﺭ ﭘﺎﺭﺗﻼﯞﺍﺗﻘﺎﻥ ﺩﯗﻧﻴﺎ ﺗﻪﺭﯨﭙﯩﺪﯨﻦ ﺋﯩﮕﯩﻠﻪﻧﮕﻪﻥ ﺗﯩﻨﭽﯩﻖ ﻗﻮﺭﯗﻏﺎ ﺋﻮﺧﺸﺎﭖ ﻗﺎﻟﺪﯨﯔ . ﺳﯧﻨﯩﯔ ﺋﺎﻛﺘﯩﭗ ﺋﯩﻨﻜﺎﺱ ﻗﺎﻳﺘﯘﺭﯗﺷﯘﯓ ﺋﯜﭼﯜﻥ ﺋﻪﻗﻠﯩﯔ ﺭﯦﺌﺎﻟﻠﯩﻘﻘﺎ ﻧﯩﺴﺒﻪﺗﻪﻥ ﻣﻮﻝ ﺑﻮﻟﯘﺷﻰ ، ﺋﯚﺯﯛﯕﻨﻰ ﺭﻭﻫﯩﻲ ﺋﯜﺳﺘﯜﻧﻠﯜﻙ ﺗﯘﻳﻐﯘﺳﯩﺪﺍ ﻛﯚﺭﯛﺷﯜﯓ ، ﻳﻪﻧﻰ ﻛﯚﺯ ﺋﺎﻟﺪﯨﯖﺪﯨﻜﻰ ﻫﻪﺭﺑﯩﺮ ﺷﻪﻳﯩﺪﯨﻦ ﺋﯚﺯﯛﯕﻨﻰ ﺑﺎﻳﻘﯩﻴﺎﻟﯩﺸﯩﯔ ﻛﯧﺮﻩﻙ . ﺑﯩﺮﺍﻕ ﻫﻪﻗﯩﻘﯩﻲ ﺩﯗﻧﻴﺎ ﺳﯧﻨﻰ ﺗﺎﺷﻠﯩﯟﻩﺗﻜﻪﻥ ، ﺷﯘﯕﺎ ﺳﻪﻥ ﺋﻮﻳﺪﯗﺭﯗﭖ ﭼﯩﻘﯩﻠﻐﺎﻥ ﺳﺎﺧﺘﺎ ﺭﯦﺌﺎﻟﻠﯩﻘﻨﯩﯔ ﭘﺎﻳﺎﻧﺴﯩﺰ ﺋﯧﻘﯩﻨﯩﺪﺍ ﻟﻪﻳﻠﻪﭖ ﻛﯧﺘﯩﯟﺍﺗﻘﺎﻥ ﺋﻮﺕ - ﭼﯚﭘﻜﻪ ﺋﺎﻳﻠﯩﻨﯩﭗ ﻗﺎﻟﯩﺴﻪﻥ . ﺷﯘﻧﺪﺍﻕ ﺋﯩﻜﻪﻥ ، ﺳﻪﻥ ﺋﯚﺯ ﺋﯩﺪﯨﻴﻪﯕﻨﯩﯔ ﻏﺎﻟﯩﺐ ﺟﺎﻛﺎﺭﭼﯩﺴﻰ ﺑﻮﻻﻻﻣﺴﻪﻥ ؟ ﻧﺎﺗﺎﻳﯩﻦ . ﺑﯘﻧﺪﺍﻕ ﭼﺎﻏﺪﺍ ﺳﻪﻥ ﺑﯩﺮ ﻗﯘﺭﺕ ، ﺳﯧﻨﻰ ﺋﻮﺭﺍﭖ ﺗﯘﺭﻏﺎﻥ ﻳﺎﻏﺎﭼﻨﻰ ﺋﻪﻣﻪﺱ ، ﺑﻪﻟﻜﻰ ﺋﯚﺯ - ﺋﯚﺯﯛﯕﻨﻰ ﻳﻪﯞﺍﺗﻘﺎﻥ ﻗﯘﺭﺕ .

ﺋﺎﺩﻩﻡ ﺋﯚﺯ ﻳﺎﺭﺍﺗﻘﯘﭼﯩﺴﯩﻨﯩﯔ ﻗﯘﺩﺭﯨﺘﯩﻨﻰ ﺋﻪﯓ ﺋﺎﻟﯩﻲ ﺭﻩﯞﯨﺸﺘﻪ ﻧﺎﻣﺎﻳﺎﻥ ﻗﯩﻠﯩﺪﯨﻐﺎﻥ ﭘﺎﺋﺎﻟﯩﻴﻪﺗﭽﻰ ، ﺷﯘﻧﺪﺍﻕ ﺋﯩﻜﻪﻥ ، ﺋﯘﻧﯩﯔ ﻗﯘﺭﺗﻘﺎ ﺋﺎﻳﻠﯩﻨﯩﭗ ﻗﯧﻠﯩﺸﻰ ﺟﯩﻨﺎﻳﻪﺗﺘﯩﻦ ﺩﯦﺮﻩﻙ ﺑﯧﺮﯨﺪﯗ . ﺩﯗﻧﻴﺎ ﺋﺎﺩﻩﻣﻨﯩﯔ ﺗﻪﺳﻪﺭﺭﯗﭘﯩﻐﺎ ﺗﺎﭘﺸﯘﺭﯗﻟﻐﺎﻥ ، ﺑﯩﺮﺍﻕ ﺋﺎﺩﻩﻣﻠﻪﺭﺩﯨﻜﻰ ﺑﯩﺮ ﺧﯩﻞ ﺋﯩﻘﺘﯩﺪﺍﺭﻏﺎ ﺯﯨﻴﺎﻧﻜﻪﺷﻠﯩﻚ ﻗﯩﻠﯩﺶ ﺑﯩﺮ ﺟﻪﻣﯩﻴﻪﺗﻨﯩﯔ ﻛﻪﭼﯜﺭﮔﯜﺳﯩﺰ ﺋﯩﻠﻠﻪﺗﻠﯩﺮﯨﻨﻰ ﺋﺎﺷﻜﺎﺭﯨﻼﻳﺪﯗ .

ﺋﯩﭽﯩﻢ ﻧﯧﻤﻪ ﺋﯜﭼﯜﻥ ﻗﯘﺭﯗﻕ ﺑﻮﻟﯘﭖ ﻗﺎﻟﯩﺪﯗ ؟ ﻣﻪﻥ ﻧﯧﻤﻪ ﺋﯜﭼﯜﻥ ﺷﯜﻙ ﺑﻮﻟﯘﭖ ﻗﺎﻟﯩﻤﻪﻥ ؟ ﻧﯧﻤﻪ ﺋﯜﭼﯜﻥ ﻗﻪﻟﻪﻡ ﺗﻪﯞﺭﻩﺗﻜﯜﻡ ﻛﻪﻟﻤﻪﻳﺪﯗ ؟ ﻣﻪﻥ ﻣﺎﻫﯩﻴﻪﺕ ﺑﯩﻠﻪﻥ ﻫﻪﭘﯩﻠﯩﺸﯩﺸﻨﻰ ﻳﺎﺧﺸﻰ ﻛﯚﺭﯨﻤﻪﻥ . ﻗﻪﻟﻪﻡ ﯞﻩ ﭘﯩﻜﯩﺮ ﻗﯩﻠﯩﺶ ﻣﻪﻥ ﺋﯜﭼﯜﻥ ﺋﯧﻴﺘﻘﺎﻧﺪﺍ ، ﻫﻪﻗﯩﻘﻪﺕ ﯞﻩ ﺧﻪﻟﻖ ﺋﺎﻟﺪﯨﺪﺍ ﻫﯧﺴﺎﺏ ﺑﯧﺮﯨﺸﺘﯘﺭ .

ﺑﯜﮔﯜﻧﻜﻰ ﺩﯗﻧﻴﺎﺩﺍ ﻣﯩﻠﻴﻮﻧﻼﭖ ﻛﯩﺘﺎﺏ - ﺟﯘﺭﻧﺎﻟﻼﺭ ﻧﻪﺷﺮ ﻗﯩﻠﯩﻨﯩﭗ ﺗﯘﺭﯨﺪﯗ ، ﻣﯩﻠﻴﺎﺭﺩﻻﭖ ﺗﯧﻠﯧﯟﯨﺰﯗﺭ ﺋﯩﻨﺴﺎﻧﯩﻴﻪﺗﻨﯩﯔ ﺩﯨﻘﻘﯩﺘﯩﮕﻪ ﺟﻪﯓ ﺋﯧﻼﻥ ﻗﯩﻠﯩﭗ ﺗﯘﺭﯨﺪﯗ ، ﻣﯩﻠﻴﺎﺭﺩﻻﭖ ﺭﺍﺩﯨﺌﻮ ﻗﯘﻻﻕ ﭘﻪﺭﺩﯨﻤﯩﺰﻧﻰ ﺗﻪﯞﺭﯨﺘﯩﭗ ﺗﯘﺭﯨﺪﯗ ، ﻣﯩﻠﻴﻮﻧﻼﭖ ﮔﯧﺰﯨﺖ ﺑﯩﺰﻧﻰ ﺋﯚﺯ ﺗﻪﺳﯩﺮﯨﮕﻪ ﺋﺎﻟﯩﺪﯗ . ﻛﯩﻨﻮ ، ﺋﯜﻥ - ﺳﯩﻦ ﺑﯘﻳﯘﻣﻠﯩﺮﻯ ، ﺗﯧﻠﯧﮕﺮﺍﻣﻤﺎ ، ﭘﻮﭼﺘﺎ ﻣﺎﺭﻛﯩﺴﻰ ، ﻫﯚﺟﺠﻪﺕ ، ﺩﻭﻛﻼﺕ ، ﺋﯘﻗﺘﯘﺭﯗﺵ ، ﺷﻮﺋﺎﺭ ، ﺧﻪﺕ - ﭼﻪﻙ ﺩﯦﮕﻪﻧﺪﻩﻙ ﻧﻪﺭﺳﯩﻠﻪﺭ ﺷﯩﺪﺩﻩﺗﻠﯩﻚ ﻳﺎﻏﻘﺎﻥ ﻗﺎﺭ ﺋﯘﭼﻘﯘﻧﻠﯩﺮﯨﺪﻩﻙ ﻫﺎﻳﺎﺕ ﺑﻮﺷﻠﯘﻗﯩﻤﯩﺰﻧﻰ ﺋﯩﮕﯩﻠﻪﭖ ﺗﯘﺭﯨﺪﯗ . ﺑﯩﺰ ﺑﯘﻻﺭﻧﯩﯔ ﻗﺎﻧﭽﯩﻠﯩﻜﯩﻨﻰ ﻛﯚﺭﻩﻟﻪﻳﻤﯩﺰ ؟ ﺋﯧﻴﺘﯩﻠﯩﺸﯩﭽﻪ ، ﺗﻪﺭﻩﻗﻘﯩﻲ ﺗﺎﭘﻘﺎﻥ ﻏﻪﺭﺏ ﺋﻪﻟﻠﯩﺮﻯ ﺑﯚﺳﯜﺵ ﺧﺎﺭﺍﻛﺘﯧﺮﯨﮕﻪ ﺋﯩﮕﻪ ﺋﯘﭼﯘﺭﻻﺭﻧﯩﯔ ﺋﺎﺭﺍﻥ ﺑﻪﺷﺘﯩﻦ ﺑﯩﺮ ﻗﯩﺴﻤﯩﻨﻰ ﺗﺎﺭﻗﯩﺘﯩﺶ ﺩﺍﺋﯩﺮﯨﺴﯩﮕﻪ ﺋﺎﻻﻻﻳﺪﯨﻜﻪﻥ . ﺩﯦﻤﻪﻙ ، ﭘﻪﻥ - ﺗﯧﺨﻨﯩﻜﺎ ﻳﯜﻛﺴﻪﻟﮕﻪﻥ ، ﺋﯘﭼﯘﺭ ﻳﻮﻟﻠﯩﺮﻯ ﺭﺍﯞﺍﻥ ﺑﻮﻟﻐﺎﻥ ﻏﻪﺭﺏ ﺋﻪﻟﻠﯩﺮﯨﺪﯨﻤﯘ ﺋﯩﻨﺴﺎﻥ ﺋﻪﻗﯩﻞ - ﭘﺎﺭﺍﺳﯩﺘﯩﻨﯩﯔ ﻛﯚﭖ ﻗﯩﺴﻤﻰ ﻧﻪﺯﻩﺭﺩﯨﻦ ﺳﺎﻗﯩﺖ ﺑﻮﻟﯘﭖ ﻛﯧﺘﯩﺪﯨﻜﻪﻥ .

ﯞﻩﻫﺎﻟﻪﻧﻜﻰ ، ﺋﻪﺗﺮﺍﭘﯩﻤﯩﺰﺩﯨﻜﻰ ﺩﯗﻧﻴﺎﻧﻰ ﭘﻪﻗﻪﺕ ﺳﻪﺯﮔﯜ ﺋﻮﺭﮔﺎﻧﻠﯩﺮﯨﻤﯩﺰ ( ﻛﯚﺯ ، ﻗﯘﻻﻕ ، ﺗﯧﺮﻩ ، ﻣﯧﯖﻪ ) ﺑﯩﻠﻪﻥ ﻛﯚﺯﯨﺘﯩﯟﺍﺗﻘﺎﻥ ﺑﯩﺰﺩﻩﻙ ﻣﯩﻠﻠﻪﺕ ﺋﯜﭼﯜﻥ ﺋﯧﻴﺘﻘﺎﻧﺪﺍ ، ﺭﯦﺌﺎﻟﻠﯩﻖ ﻣﻪﯕﮕﯜ ﺳﯩﺮﻟﯩﻖ ﭘﯧﺘﻰ ﻗﯧﻠﯩﯟﯦﺮﯨﺪﯗ . ﺩﯗﻧﻴﺎﻧﯩﯔ ﺳﻪﺯﮔﯜ ﯞﺍﺳﯩﺘﯩﻠﯩﺮﻯ ﻛﯚﭘﯩﻴﯩﭗ ﺋﯩﻨﺴﺎﻥ ﺋﯩﻘﺘﯩﺪﺍﺭﯨﺪﯨﻦ ﺗﺎﻻﻱ ﻫﻪﺳﺴﻪ ﻫﺎﻟﻘﯩﻐﺎﻥ ﺑﯜﮔﯜﻧﻜﻰ ﺩﯗﻧﻴﺎﺩﺍ ، ﺑﯩﺰ ﺋﯚﺯﯨﻤﯩﺰﻧﯩﯔ ﺭﯦﺌﺎﻟﻠﯩﻘﯩﻨﻰ ﻫﺎﻳﯟﺍﻧﻼﺭﻏﺎ ﺧﺎﺱ ﺋﯩﭙﺘﯩﺪﺍﺋﯩﻲ ﺳﻪﺯﮔﯜ ﯞﺍﺳﯩﺘﯩﺴﻰ ﺑﯩﻠﻪﻥ ﻛﯚﺯﯨﺘﯩﺶ ﻫﺎﻟﯩﺘﯩﺪﻩ ﺗﯘﺭﯗﭖ ﻗﺎﻟﺪﯗﻕ .

ﺗﯧﻠﯧﯟﯨﺰﻭﺭ ﻧﻮﻣﯘﺭﻟﯩﺮﯨﺪﯨﻜﻰ ﺋﺎﻣﻤﯩﯟﯨﻠﯩﻖ ﺷﻪﺧﺴﯩﻲ ﺗﺎﻟﻼﺷﻨﯩﯔ ﻣﯘﻣﻜﯩﻨﭽﯩﻠﯩﻜﯩﻨﻰ ﻳﻮﻗﺎﺗﺘﻰ . ﺋﯘ ﺳﯩﻴﺎﺳﻪﺕ ، ﺋﯩﻘﺘﯩﺴﺎﺩ ، ﺗﻪﺷﯟﯨﻘﺎﺕ ﻣﯘﺋﻪﺳﺴﻪﺳﯩﻠﯩﺮﯨﻨﯩﯔ ﻛﻮﻧﺘﺮﻭﻟﻠﯘﻗﯩﺪﺍ ﺑﻮﻟﯘﭖ ، ﻛﯩﺸﯩﻠﻪﺭﺩﯨﻦ ﻣﺎﺳﻠﯩﺸﯩﺸﻨﻰ ﺗﻪﻟﻪﭖ ﻗﯩﻠﺪﻯ . ﻛﯩﺸﯩﻠﻪﺭ ﺋﯚﺯﻟﯩﺮﯨﻤﯘ ﺳﻪﺯﻣﯩﮕﻪﻥ ﻫﺎﻟﺪﺍ ﺋﯚﺯﯨﻨﯩﯔ ﯞﺍﻗﺘﻰ ، ﻳﯚﻧﯩﻠﯩﺸﯩﻨﻰ ﻳﯘﻗﯩﺮﯨﻘﯩﺪﻩﻙ ﻣﯘﺋﻪﺳﺴﻪﺳﯩﻠﻪﺭﮔﻪ ﺋﯚﺗﯜﻧﯜﭖ ﺑﯧﺮﯨﯟﻩﺗﺘﻰ . ﺋﺎﺧﯩﺮﻗﻰ ﻫﯧﺴﺎﺑﺘﺎ ﺗﯧﻠﯧﯟﯨﺰﻭﺭ ﺩﯗﻧﻴﺎ ﻫﻪﻗﻘﯩﺪﯨﻜﻰ ﻛﯚﺯﻧﻪﻙ ﺑﻮﻻﻟﻤﯩﺪﻯ ، ﻛﯩﺸﯩﻠﻪﺭ ﺗﯧﻠﯧﯟﯨﺰﻭﺭﻧﻰ ﺋﻪﻣﻪﺱ ، ﺗﯧﻠﯧﯟﯨﺰﻭﺭ ﻛﯩﺸﯩﻠﻪﺭﻧﻰ ﻛﯚﺯﻩﺗﺘﻰ .

ﺗﯧﻠﯧﻔﻮﻥ ﯞﻩ ﻳﺎﻧﻔﻮﻧﻼﺭ ﻛﯩﺸﯩﻠﻪﺭﮔﻪ ﺋﺎﻟﻤﺎﺷﺘﯘﺭﯗﺵ ﺟﻪﻫﻪﺗﺘﻪ ﻧﯩﺴﺒﻪﺗﻪﻥ ﺧﺎﺳﻠﯩﻖ ﺋﯧﻠﯩﭗ ﻛﻪﻟﮕﻪﻥ ﺑﻮﻟﺪﻯ . ﻛﯩﺸﯩﻠﻪﺭ ﺑﯘ ﯞﺍﺳﯩﺘﯩﻠﻪﺭﺩﯨﻦ ﭘﺎﻳﺪﯨﻠﯩﻨﯩﺸﻨﯩﯔ ﯞﺍﻗﺘﯩﻨﻰ ﯞﻩ ﺋﻮﺭﻧﯩﻨﻰ ﺋﯚﺯﻯ ﺋﻮﺭﯗﻧﻼﺷﺘﯘﺭﺍﻻﻳﺪﯗ ، ﭘﯩﻜﺮﯨﻨﯩﯔ ﺗﯜﺳﻰ ، ﻣﻪﺯﻣﯘﻧﻰ ﯞﻩ ﯞﺍﻗﺘﻰ ﻗﺎﺗﺎﺭﻟﯩﻘﻼﺭﻧﻰ ﻧﯩﺴﭙﯩﻲ ﻫﺎﻟﺪﺍ ﺑﻪﻟﮕﯩﻠﯩﻴﻪﻟﻪﻳﺪﯗ . ﺳﻮﺩﺍ ﯞﻩ ﺳﯚﻫﺒﻪﺕ ﺋﯩﺸﻠﯩﺮﻯ ﻣﻪﻟﯘﻡ ﻣﻪﻧﯩﺪﻩ ﺷﻪﺧﺴﻨﯩﯔ ﺋﯩﺮﺍﺩﯨﺴﯩﮕﻪ ﺑﺎﻗﯩﺪﯗ . ﺑﯩﺮﺍﻕ ﺗﯧﻠﯧﻔﻮﻥ ﯞﻩ ﻳﺎﻧﻔﻮﻧﻼﺭﺩﯨﻜﻰ ﭼﻪﻛﻠﯩﻤﯩﻠﯩﻚ ﻳﻪﻧﯩﻼ ﺯﻭﺭ . ﺳﯩﺰ ﻛﯚﺭﯛﺷﺘﯩﻦ ﺋﯧﺮﯨﺸﯩﺪﯨﻐﺎﻥ ﻧﯘﺭﻏﯘﻥ ﺋﯘﭼﯘﺭﻻﺭﺩﯨﻦ ﻗﯘﺭﯗﻕ ﻗﺎﻟﯩﺴﯩﺰ . ﺋﯘ ﺳﯩﺰﻧﯩﯔ ﻫﯧﺴﺎﺑﻼﺵ ، ﻫﯚﻛﯜﻡ ﻗﯩﻠﯩﺶ ﺋﯩﻘﺘﯩﺪﺍﺭﯨﯖﯩﺰﻏﺎ ﺳﯩﺰ ﻛﯜﺗﻜﻪﻧﺪﻩﻙ ﭘﺎﺱ ﭼﯩﻘﯩﺮﯨﭗ ﺑﯧﺮﻩﻟﻤﻪﻳﺪﯗ .

ﭼﺎﻗﯩﺮﻏﯘ ﺑﯩﺮ ﻗﻪﺩﻩﻡ ﺋﯩﻠﮕﯩﺮﯨﻠﯩﮕﻪﻥ ﻫﺎﻟﺪﺍ ﺗﯧﻠﯧﻔﻮﻥ ﯞﻩ ﻳﺎﻧﻔﻮﻧﻼﺭﻧﯩﯔ ﺋﯩﻘﺘﯩﺪﺍﺭﯨﻨﻰ ﺋﺎﺷﯘﺭﺩﻯ ، ﺋﯜﻧﯜﻣﯩﻨﻰ ﺗﻮﻟﯘﻗﻠﯩﺪﻯ . ﺋﻪﻣﻤﺎ ﺑﯘ ﻧﻪﺭﺳﯩﻠﻪﺭ ﺋﯚﺯ ﻧﯚﯞﯨﺘﯩﺪﻩ ﺋﯧﭽﯩﯟﯦﺘﯩﻠﻤﯩﮕﻪﻥ ، ﺑﻴﯘﺭﻭﻛﺮﺍﺕ ﺟﻪﻣﯩﻴﻪﺗﻨﯩﯔ ﭘﯘﻗﺮﺍﻟﯩﺮﻯ ﺋﯜﭼﯜﻥ ﻣﻪﺭﯨﭙﻪﺕ ، ﺋﯩﻘﺘﯩﺴﺎﺩ ﻗﯩﻤﻤﯩﺘﯩﺪﯨﻜﻰ ﭘﺎﻳﺪﯨﻼﺭﻧﻰ ﻛﯚﭖ ﻛﻪﻟﺘﯜﺭﻩﻟﻤﻪﻳﺪﯗ . ﺗﺎﻻﻧﺘﻠﯩﻖ ﺑﯩﺮ ﺋﺎﺩﻩﻣﮕﻪ ﻧﯩﺴﺒﻪﺗﻪﻥ ﺋﯧﻴﺘﻘﺎﻧﺪﺍ ، ﺟﻪﻣﯩﻴﻪﺕ ﺋﯘﻧﯩﯔ ﺗﺎﻻﻧﺘﯩﻨﻰ ﺟﺎﺭﻯ ﻗﯩﻠﺪﯗﺭﯗﺷﯩﻐﺎ ﭘﯘﺭﺳﻪﺕ ﺑﻪﺭﻣﻪﻳﺪﯨﻜﻪﻥ ﻳﺎﻛﻰ ﺋﯘﻧﯩﯔ ﺗﺎﻻﻧﺘﯩﻨﻰ ﺑﺎﺳﺘﯘﺭﯨﺪﯨﻜﻪﻥ ، ﺋﯘ ﻟﯜﻛﭽﻪﻙ ، ﻫﺎﺭﺍﻗﻜﻪﺵ ﻳﺎﻛﻰ ﺟﯩﻨﺎﻳﻪﺗﭽﻰ ﺑﻮﻟﯘﭖ ﻛﯧﺘﯩﺸﻰ ﻣﯘﻣﻜﯩﻦ . ﻫﻪﺭﻗﺎﻧﺪﺍﻕ ﺋﺎﺩﻩﻣﺪﻩ ﻣﻪﻟﯘﻡ ﻧﯩﺴﺒﻪﺗﺘﻪ ﺋﯩﺠﺎﺩﯨﻴﻠﯩﻖ ﺑﻮﻟﯩﺪﯗ . ﺋﯧﭽﯩﯟﯦﺘﯩﻠﮕﻪﻥ ، ﺩﯦﻤﻮﻛﺮﺍﺗﯩﻚ ﺟﻪﻣﯩﻴﻪﺕ ﺗﯘﻏﻤﺎ ﺋﯩﺠﺎﺩﯨﻲ ﺭﻭﻫﻘﺎ ﻧﯩﺴﺒﻪﺗﻪﻥ ﻛﻪﯕﺮﻯ ﭘﯘﺭﺳﻪﺕ ﺑﻮﻟﯘﭖ ، ﺋﯩﻨﺴﺎﻧﯩﻴﻪﺗﻨﯩﯔ ﻗﯘﺩﺭﯨﺘﻰ ﺋﻪﻧﻪ ﺷﯘ ﻣﯘﻫﯩﺘﺘﺎ ﺟﺎﺭﻯ ﺑﻮﻟﯩﺪﯗ . ﺗﯧﻠﯧﯟﯨﺰﻭﺭ ، ﺗﯧﻠﯧﻔﻮﻥ ، ﭼﺎﻗﯩﺮﻏﯘ ﺩﯦﮕﻪﻧﻠﻪﺭ ﺑﯩﺮ ﻣﻪﺩﻩﻧﯩﻲ ﺟﻪﻣﯩﻴﻪﺗﻨﯩﯔ ﺋﯜﺳﻜﯜﻧﯩﻠﯩﺮﻯ ﺳﯜﭘﯩﺘﯩﺪﻩ ﻛﯩﺸﯩﻠﻪﺭﻧﯩﯔ ﻣﻪﻧﯩﯟﻯ ﺗﯘﺭﻣﯘﺷﯩﻨﻰ ﺑﯧﻴﯩﺘﯩﺪﯗ . ﺋﻪﻣﻤﺎ ﺋﯘﻧﯩﯔ ﺭﻭﻫﻰ ﺋﯚﻟﯜﻙ ﺋﺎﯞﺍﻣﻐﺎ ﺋﯘﻧﭽﯩﻠﯩﻚ ﺟﺎﻧﻠﯩﻨﯩﺶ ﺋﯧﻠﯩﭗ ﻛﯧﻠﯩﺸﻰ ﻧﺎﺗﺎﻳﯩﻦ .

ﻣﻪﻥ ﺑﯩﺮ ﺷﺎﺋﯩﺮ . ﺑﯩﺮﺍﻕ ﻣﻪﻧﺪﯨﻜﻰ ﺋﻪﻗﯩﻞ ، ﺗﯘﻳﻐﯘ ﯞﻩ ﻫﯧﺴﺴﯩﻴﺎﺗﻨﻰ ﺗﯩﻨﯩﻤﺴﯩﺰ ﺗﺎﻟﯩﺸﯩﯟﺍﺗﻘﺎﻥ ﺩﯗﻧﻴﺎ ﺷﯧﺌﯩﺮ ﺋﯜﭼﯜﻥ ﻛﯧﺮﻩﻙ ﺑﻮﻟﯩﺪﯨﻐﺎﻥ ﺳﺎﭖ ﺗﻪﺑﯩﺌﻪﺗﻨﻰ ﻗﻮﭼﯘﯞﻩﺗﺘﻰ . ﺋﻪﮔﻪﺭ ﻣﻪﻥ ﺋﯜﺭﯛﻣﭽﯩﻨﯩﯔ ﺷﯩﻤﺎﻟﯩﻲ ﻗﻮﯞﯗﻗﻰ ( ﺑﯧﻴﻤﯩﻦ )ﺩﯨﻦ ﺩﯙﯕﻜﯚﯞﺭﯛﻛﻜﯩﭽﻪ ﻣﺎﯕﯩﺪﯨﻐﺎﻥ ﺑﻮﻟﺴﺎﻡ ، ﺗﯜﺭﻟﯜﻙ ﭘﻼﻛﺎﺗﻼﺭ ، ﺧﻪﺗﻠﻪﺭ ، ﺋﺎﯞﺍﺯﻻﺭ ، ﺑﻪﻟﮕﯩﻠﻪﺭ ﻣﯧﻨﯩﯔ ﻛﯚﺯﯛﻣﮕﻪ ﺗﺎﺷﻠﯩﻨﯩﭗ ، ﺩﯨﻘﻘﯩﺘﯩﻤﮕﻪ ﺋﯩﺴﺘﯧﻼ ﻳﯜﺭﮔﯜﺯﯨﺪﯗ . ﺋﻪﮔﻪﺭ ﻣﻪﻥ ﻣﯩﻨﺒﯘﺳﻘﺎ ﭼﯩﻘﯩﭗ ﻗﺎﻟﺴﺎﻡ ، ﺩﻭﺭﺍ ﯞﻩ ﺋﯩﭽﯩﻤﻠﯩﻜﻠﻪﺭ ﻫﻪﻗﻘﯩﺪﯨﻜﻰ ﺋﯧﻼﻧﻼﺭ ﻛﯚﺯﯛﻣﮕﻪ ﭼﯧﻠﯩﻘﯩﺪﯗ . ﻛﯩﺸﯩﻠﻪﺭﻧﯩﯔ ﻗﯩﻴﺎﭘﯩﺘﻰ ، ﻛﯩﻴﯩﻢ - ﻛﯧﭽﻪﻛﻠﯩﺮﯨﻤﯘ ﺋﯘﭼﯘﺭ ﺟﻪﻣﯩﻴﯩﺘﯩﻨﯩﯔ ﯞﺍﺳﯩﺘﯩﺴﯩﮕﻪ ﺋﺎﻳﻠﯩﻨﯩﭗ ﻛﻪﺗﻜﻪﻥ ، ﻛﯩﻴﯩﻢ - ﻛﯧﭽﻪﻛﻠﻪﺭﻧﯩﯔ ﻣﺎﺭﻛﯩﻠﯩﺮﻯ ، ﺋﯘﻻﺭﺩﯨﻜﻰ ﺧﻪﺗﻠﻪﺭﻧﯩﯔ ﻣﻪﻧﯩﺴﻰ ﺳﯧﻨﯩﯔ ﻛﺎﻟﻼﯕﻐﺎ ﺳﯩﺠﺎﭖ ﺗﯘﺭﯨﺪﯗ . ﺩﯦﻤﻪﻙ ، ﺳﻪﻥ ﺋﺎﺭﺍﻡ ﺗﺎﭘﯩﺪﯨﻐﺎﻥ ﭼﯩﻤﻠﯩﻘﻼﺭ ، ﺋﻮﺭﻣﺎﻧﻼﺭ ، ﺗﺎﻏﻼﺭ ، ﺳﺎﻟﻘﯩﻦ ﺳﯘ ﺑﻮﻳﻠﯩﺮﻯ ﺋﺎﻟﻠﯩﻘﺎﭼﺎﻥ ﺗﺎﯞﺍﺭﻻﺭﻏﺎ ﺋﺎﻳﻠﯩﻨﯩﭗ ﻛﻪﺗﻜﻪﻥ . ﺳﻪﻧﺪﻩ ﺭﻭﻫﯩﻲ ﻣﯘﯞﺍﺯﯨﻨﻪﺕ ﻳﻮﻗﺎﻟﻐﺎﻥ ، ﺭﯦﺌﺎﻟﻠﯩﻖ ﺑﯩﻠﻪﻥ ﺋﯚﺯﯛﯓ ﺋﻮﺗﺘﯘﺭﯨﺴﯩﺪﺍ ﭘﻪﺭﻕ ﺯﻭﺭﺍﻳﻐﺎﻥ . ﻛﯚﺯ ﺋﺎﻟﺪﯨﯖﺪﯨﻜﻰ ﺭﯦﺌﺎﻟﻠﯩﻘﻨﻰ ﺳﻪﻥ ﺋﯚﺯﯛﯓ ﻳﺎﺭﺍﺗﻘﺎﻥ ﺑﻮﻟﻤﺎﺳﺘﯩﻦ ، ﺑﻪﻟﻜﻰ ﺑﺎﺷﻘﯩﻼﺭ ﻳﺎﺳﺎﭖ ﺑﻪﺭﮔﻪﻥ ﺋﻪﻫﯟﺍﻟﺪﺍ ﺷﺎﺋﯩﺮﻧﯩﯔ ﺩﯗﻧﻴﺎﺳﻰ ﻗﺎﻧﺪﺍﻗﻤﯘ ﻫﻪﺭﯨﻜﻪﺗﻜﻪ ﺋﯚﺗﺴﯘﻥ ! ﺷﺎﺋﯩﺮﻧﯩﯔ ﻗﯘﻟﯩﻘﻰ ، ﻛﯚﺯﻯ ، ﻳﯜﺭﯨﻜﻰ ﺳﯜﭘﯩﺘﯩﺪﻩ ﻣﻪﯞﺟﯘﺕ ﺑﻮﻟﯘﯞﺍﺗﻘﺎﻥ ﺧﻪﻟﻖ ﺋﯘﭼﯘﺭ ﺩﻩﯞﺭﯨﻨﯩﯔ ﭘﺎﻟﻪﭺ ﺋﯩﺴﺘﯧﻤﺎﻟﭽﯩﺴﻰ ﺑﻮﻟﯘﭖ ﻗﺎﻟﻐﺎﻥ ﺷﺎﺭﺍﺋﯩﺘﺘﺎ ، ﺷﺎﺋﯩﺮﻧﯩﯔ ﯞﯨﺠﺪﺍﻧﻰ ﺋﺎﺯﺍﺑﻼﻧﻤﺎﺳﻤﯘ ؟ ﻣﯧﻨﯩﯔ "" ﺋﯩﺴﺘﯧﻤﺎﻟﭽﻰ "" ﺩﯦﮕﻪﻥ ﺳﯚﺯﯛﻡ ﺧﻪﻟﻘﯩﻤﯩﺰﮔﻪ ﻧﯩﺴﺒﻪﺗﻪﻥ ﺗﯧﺨﻰ ﺑﺎﻟﺪﯗﺭﻟﯘﻕ ﻗﯩﻠﯩﺪﯗ . ﺋﯘﭼﯘﺭ ﺋﯩﺴﺘﯧﻤﺎﻝ ﻗﯩﻠﯩﺶ ﺑﯩﺮ ﺯﺍﻣﺎﻧﯩﯟﻯ ﻣﯩﻠﻠﻪﺗﻜﻪ ﻣﻪﻧﺴﯘﭖ ﺋﯩﺶ . ﺯﺍﻣﺎﻧﯩﯟﻯ ﻣﯩﻠﻠﻪﺕ ﻗﺎﻧﺪﺍﻕ ﺑﻮﻟﯩﺪﯗ ؟ 1960 - ﻳﯩﻠﻰ ﻳﺎﭘﻮﻧﯩﻴﯩﺪﻩ ﺋﯚﺗﻜﯜﺯﯛﻟﮕﻪﻥ ﻣﯘﻫﺎﻛﯩﻤﻪ ﻳﯩﻐﯩﻨﯩﺪﺍ ، ﺋﺎﻟﯩﻤﻼﺭﻧﯩﯔ "" ﺯﺍﻣﺎﻧﯩﯟﯨﻠﯩﻖ "" ﻫﻪﻗﻘﯩﺪﯨﻜﻰ ﺑﯩﺮﺩﻩﻙ ﭘﯩﻜﺮﻯ ﻣﯘﻧﺪﺍﻕ ﺑﻮﻟﻐﺎﻥ ( ﻟﻰ ﻣﯩﯔ ﺗﯜﺯﮔﻪﻥ "" ﺟﯘﯕﮕﻮ ﻛﺮﯨﺰﯨﺴﻰ "" ﺩﯦﮕﻪﻥ ﻛﯩﺘﺎﺑﻘﺎ ﻗﺎﺭﺍﻟﺴﯘﻥ . ﺋﯩﺴﻼﻫﺎﺕ ﻧﻪﺷﺮﯨﻴﺎﺗﻰ ، 1998 - ﻳﯩﻠﻰ 12 - ﺋﺎﻱ ﻧﻪﺷﺮﻯ ) :

(1) ﺷﻪﻫﻪﺭ ﻧﻮﭘﯘﺳﻰ ﻳﯜﻛﺴﻪﻙ ﻣﻪﺭﻛﻪﺯﻟﻪﺷﻜﻪﻥ ، ﻫﻪﺭﻗﺎﻳﺴﻰ ﺟﻪﻣﯩﻴﻪﺕ ﺗﺎﺭﻣﺎﻗﻠﯩﺮﻯ ﻣﻪﺭﻛﻪﺯﻟﯩﺸﯩﺸﻜﻪ ﻗﺎﺭﺍﭖ ﻳﯜﺯﻟﻪﻧﮕﻪﻥ ﺑﻮﻟﯩﺪﯗ ؛

(2) ﺋﯧﻨﯧﺮﮔﯩﻴﻪ ﻛﯜﭼﯩﺪﯨﻦ ﻳﯜﻛﺴﻪﻙ ﺳﻪﯞﯨﻴﯩﺪﻩ ﭘﺎﻳﺪﯨﻠﯩﻨﯩﻠﻐﺎﻥ ، ﺗﺎﯞﺍﺭﻻﺭ ﻛﻪﯓ ﺗﯜﺭﺩﻩ ﺋﺎﻟﻤﺎﺷﺘﯘﺭﯗﻟﻐﺎﻥ ، ﺋﺎﻣﻤﯩﯟﻯ ﻣﯘﻻﺯﯨﻤﻪﺕ ﻫﻪﻣﻤﻪ ﻳﻪﺭﻧﻰ ﻗﺎﭘﻠﯩﻐﺎﻥ ﺑﻮﻟﯩﺪﯗ ؛

(3) ﺟﻪﻣﯩﻴﻪﺕ ﭘﯘﻗﺮﺍﻟﯩﺮﻯ ﻛﻪﯓ ﺗﯜﺭﺩﻩ ﺑﺎﺭﺩﻯ - ﻛﻪﻟﺪﻯ ﻗﯩﻠﯩﺸﻘﺎﻥ ، ﺳﯩﻴﺎﺳﯩﻲ ﯞﻩ ﺋﯩﻘﺘﯩﺴﺎﺩﯨﻲ ﺋﯩﺸﻼﺭﻏﺎ ﻫﻪﺭ ﺗﻪﺭﻩﭘﻠﯩﻤﻪ ﺋﺎﺭﯨﻼﺷﻘﺎﻥ ﺑﻮﻟﯩﺪﯗ ؛

(4)ﻳﻪﺭﻟﯩﻜﭽﯩﻠﯩﻚ ﯞﻩ ﻣﯩﺮﺍﺳﺨﻮﺭ ﮔﯘﺭﯗﻫﻼﺭ ﻳﯩﻤﯩﺮﯨﻠﮕﻪﻥ ، ﺷﻪﺧﺴﻨﯩﯔ ﺟﻪﻣﯩﻴﻪﺗﺘﯩﻜﻰ ﭘﺎﺋﺎﻟﯩﻴﻪﺗﭽﺎﻧﻠﯩﻘﻰ ﻛﯜﭼﻪﻳﮕﻪﻥ ﺑﻮﻟﯩﺪﯗ ؛

(5) ﺩﯗﻧﻴﺎﯞﻯ ﻣﻪﺩﻩﻧﯩﻴﻪﺕ ﯞﻩ ﺋﯩﻠﯩﻢ - ﭘﻪﻥ ﺑﯩﻠﯩﻤﻠﯩﺮﻯ ﺋﻮﻣﯘﻣﻴﯜﺯﻟﯜﻙ ﺗﺎﺭﻗﺎﻟﻐﺎﻥ ، ﻛﯩﺸﯩﻠﻪﺭﻧﯩﯔ ﻣﯘﻫﯩﺘﻘﺎ ﻗﺎﺭﯨﺘﺎ ﻣﯘﺳﺘﻪﻗﯩﻠﻠﯩﻘﻰ ﻣﺎﺋﺎﺭﯨﭗ ﺑﯩﻠﻪﻥ ﺋﻮﯓ ﺗﺎﻧﺎﺳﯩﭗ ﻫﺎﻟﺪﺍ ﻛﯧﯖﻪﻳﮕﻪﻥ ﺑﻮﻟﯩﺪﯗ ؛

(6) ﻗﺎﺗﻨﺎﺵ ﯞﻩ ﺋﺎﺧﺒﺎﺭﺍﺕ ﺗﯜﺭﻟﯩﺮﻯ ﭘﯜﺗﯜﻥ ﺟﻪﻣﯩﻴﻪﺗﻨﻰ ﻗﺎﭘﻠﯩﻐﺎﻥ ﺑﻮﻟﯩﺪﯗ ؛

(7) ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﻯ ﯞﻩ ﺋﯩﺠﺘﯩﻤﺎﺋﯩﻲ ﮔﻪﯞﺩﯨﻠﻪﺭﻧﯩﯔ ﺭﻭﻟﻰ ﻛﯜﻧﺴﺎﻳﯩﻦ ﭘﺎﺭﭼﯩﻼﻧﻐﺎﻥ ﯞﻩ ﻛﯚﭖ ﺧﯩﻠﻼﺷﻘﺎﻥ ﺑﻮﻟﯩﺪﯗ ؛

(8) ﺩﯙﻟﻪﺗﻠﻪﺭ ﺋﺎﺭﺍ ﻣﯘﻧﺎﺳﯩﯟﻩﺕ ﻛﻪﯓ ﻗﺎﻧﺎﺕ ﻳﺎﻳﻐﺎﻥ ﺑﻮﻟﯩﺪﯗ .

ﺑﯩﺰ ﻳﯘﻗﯩﺮﯨﻘﻰ ﺗﯜﺭﻟﯜﻙ ﻣﻪﺯﻣﯘﻧﻐﺎ ﺋﯚﺯﯨﻤﯩﺰﻧﯩﯔ ﺭﯦﺌﺎﻝ ﻫﺎﻟﯩﺘﯩﻨﻰ ﺳﯧﻠﯩﺸﺘﯘﺭﯗﭖ ﺑﺎﻗﺴﺎﻕ ﺷﯘﻧﻰ ﺭﻭﺷﻪﻥ ﻛﯚﺭﻩﻟﻪﻳﻤﯩﺰﻛﻰ ، ﺑﯩﺰ "" ﺯﺍﻣﺎﻧﯩﯟﯨﻠﯩﻖ ""ﺗﯩﻦ ﻛﯚﭖ ﻳﯩﺮﺍﻕ .

ﺑﯩﺰ ﺋﻮﺗﺘﯘﺭﺍ ﺋﻪﺳﯩﺮ ﺋﯩﮕﯩﻠﯩﻚ ﺷﻪﻛﻠﯩﺪﻩ ﺗﯘﺭﯗﭖ ﺋﯩﻨﺘﯧﺮﻧﯧﺖ ﺩﻩﯞﺭﯨﺪﻩ ﻫﯧﭽﻘﺎﻧﺪﺍﻕ ﻛﺮﯨﺰﯨﺲ ﻫﯧﺲ ﻗﯩﻠﻤﺎﻱ ﻳﺎﺷﺎﯞﺍﺗﻘﺎﻥ ﺑﯩﻐﻪﻡ ﻛﯩﺸﯩﻠﻪﺭﻣﯩﺰ . ﺗﯧﺨﯩﻤﯘ ﺋﯧﭽﯩﻨﯩﺸﻠﯩﻘﻰ ﺷﯘﻛﻰ ، ﺑﯩﺰ ﯞﻩﻳﺮﺍﻥ ﺑﻮﻟﻐﺎﻥ ﻣﯩﻠﻠﯩﻲ ﺋﻪﻗﯩﺪﻩ ﯞﻩ ﻣﻪﺩﻩﻧﯩﻴﻪﺗﻨﯩﯔ ﺧﺎﺭﺍﺑﯩﺴﯩﺪﯨﻜﻰ ﺋﯚﻟﯜﻡ ﺋﯘﺳﺴﯘﻟﯩﻨﻰ ﻛﯜﻟﯜﭖ ﺗﯘﺭﯗﭖ ﺋﻮﻳﻨﺎﯞﺍﺗﯩﻤﯩﺰ .

ﺋﻪﻟﯟﻩﺗﺘﻪ ، 21 - ﺋﻪﺳﯩﺮﺩﯨﻜﻰ ﺩﯗﻧﻴﺎﻧﯩﯔ ﺯﺍﻣﺎﻧﯩﯟﯨﻠﯩﻘﯩﻐﺎ ﻗﻮﻳﻐﺎﻥ ﺗﻪﻟﯩﭙﻰ 60 - ﻳﯩﻠﻼﺭﺩﯨﻜﻰ ﺳﻪﯞﯨﻴﯩﺪﻩ ﺗﯘﺭﻣﺎﻳﺪﯗ . ﻣﯘﺷﯘﻧﺪﺍﻕ ﺑﯩﺮ ﺟﯩﺪﺩﯨﻲ ﺗﻪﻗﻪﺯﺯﺍﻟﯩﻘﻨﻰ ﺋﻮﻳﻠﯩﻐﺎﻧﺪﺍ ، ﭘﻪﻳﺪﺍ ﺑﻮﻟﻐﺎﻥ ﯞﻩﻫﯩﻤﻪ ﻛﯩﺸﯩﺪﯨﻜﻰ ﺭﻭﻫﯩﻲ ﺗﯩﻨﭽﻠﯩﻘﻨﻰ ﺑﯩﺮﺍﻗﻼ ﺑﯩﺘﭽﯩﺖ ﻗﯩﻠﯩﯟﯦﺘﯩﺪﯗ - ﺩﻩ ، ﺗﯩﺖ - ﺗﯩﺘﻠﯩﻖ ، ﺑﯩﺌﺎﺭﺍﻣﻠﯩﻖ ﺋﯚﺭﺗﻪﺷﻜﻪ ﺑﺎﺷﻼﻳﺪﯗ .

ﺋﯘﭼﯘﺭ ﺩﻩﯞﺭﻯ ﺗﺎﭘﺸﯘﺭﻏﺎﻥ ﺗﺎﭘﺸﯘﺭﯗﻗﻼﺭﻧﻰ ﺋﺎﯕﻼﺵ ﺋﯜﭼﯜﻥ ﺳﻪﻧﺪﻩ ﻗﺎﻧﺪﺍﻕ ﺳﻪﺯﮔﯜ ﺑﻮﻟﯘﺷﻰ ﻛﯧﺮﻩﻙ ؟

ﺋﺎﯞﺳﺘﯩﺮﯨﻴﻪ ﻓﯩﺰﯨﻜﺎ ﺋﺎﻟﯩﻤﻰ ﻣﺎﺥ ﺋﯚﺯﯨﻨﯩﯔ "" ﺗﯘﻳﻐﯘﻻﺭ ﺗﻪﻫﻠﯩﻠﻰ "" ﺩﯦﮕﻪﻥ ﻛﯩﺘﺎﺑﯩﺪﺍ "" ﺋﯩﻨﺴﺎﻧﻼﺭﻧﯩﯔ ﺋﯚﺯﻯ ﻫﻪﻗﻘﯩﺪﯨﻜﻰ ﺑﯩﻠﯩﺸﻰ ﺗﻮﻟﯩﻤﯘ ﻣﯜﺟﯩﻤﻪﻝ "" ﺩﯦﮕﻪﻥ ، ﺋﺎﺭﻗﯩﺪﯨﻨﻼ ﺭﯨﺒﻮﺭﺕ ﺋﯩﺴﯩﻤﻠﯩﻚ ﺑﯩﺮ ﺋﺎﭘﺘﻮﺭﻧﯩﯔ "" ﺋﻮﺭﺗﺎﻕ ﺗﯘﻳﻐﯘ ﺋﯚﺯﻟﯜﻛﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯨﻐﺎﻥ ﻣﯘﻫﯩﻢ ﺋﺎﻣﯩﻞ "" ﺩﯦﮕﻪﻥ ﺳﯚﺯﯨﻨﻰ ﻗﻪﻳﺖ ﻗﯩﻠﻐﺎﻥ . ﻣﺎﺧﻨﯩﯔ ﻗﺎﺭﯨﺸﯩﭽﻪ ، ﻣﺎﺩﺩﺍ ﺗﯘﻳﻐﯘﺩﯨﻦ ﺋﺎﻳﺮﯨﻼﻟﻤﺎﻳﺪﯗ . ﺋﯘ ﺩﻩﯞﺍﺗﻘﺎﻥ ﻣﺎﺩﺩﺍ ﺭﻩﯓ ، ﺋﺎﯞﺍﺯ ، ﺗﯧﻤﭙﯧﺮﺍﺗﯘﺭﺍ ، ﺑﯧﺴﯩﻢ ، ﻣﺎﻛﺎﻥ ، ﺯﺍﻣﺎﻥ ﺑﯩﻠﻪﻧﻼ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﯘﭖ ﻗﺎﻟﻤﺎﺳﺘﯩﻦ ، ﻳﻪﻧﻪ ﻫﯧﺴﺴﯩﻴﺎﺕ ، ﺋﯩﺮﺍﺩﻩ ، ﺗﯘﻳﻐﯘ ﻗﺎﺗﺎﺭﻟﯩﻘﻼﺭ ﺑﯩﻠﻪﻧﻤﯘ ﻣﯘﻧﺎﺳﯩﯟﻩﺗﻠﯩﻚ . ﺷﯘﯕﺎ "" ﻣﺎﺩﺩﺍ "" ﺩﯦﮕﻪﻧﺪﻩ ، ﻣﻪﺯﻛﯘﺭ ﺋﯘﻗﯘﻡ ﻳﯘﻗﯩﺮﯨﻘﯩﻼﺭﻧﯩﯔ ﺋﻮﺭﺗﺎﻕ ﺑﯩﺮﯨﻜﻤﯩﺴﯩﻨﻰ ﻛﯚﺭﺳﯩﺘﯩﺪﯗ . ﺩﯦﻤﻪﻙ ، ﺋﯩﻨﺴﺎﻧﺪﯨﻜﻰ ﺋﯚﺯﻟﯜﻙ ﻣﯘﺋﻪﻳﻴﻪﻥ ﻣﻪﻧﯩﺪﻩ ﻣﺎﺩﺩﯨﻲ ﻣﻪﯞﺟﯘﺗﻠﯘﻕ ﺑﯩﻠﻪﻥ ﺑﻮﻟﻐﺎﻥ ﺑﯩﺮﻟﯩﻜﻨﻰ ﺷﻪﺭﺕ ﻗﯩﻠﯩﺪﯗ . ﺋﺎﻣﯧﺮﯨﻜﯩﻠﯩﻖ ﻳﺎﺯﻏﯘﭼﻰ ﯞﯨﻼﺩﯨﻤﯩﺮ ﻧﺎﺑﻮﻛﻮﻑ "" ﺭﯦﺌﺎﻟﻠﯩﻖ ﺋﯩﻨﺘﺎﻳﯩﻦ ﺳﯘﺑﻴﯧﻜﺘﯩﭗ ﻧﻪﺭﺳﻪ "" ﺩﻩﻳﺪﯗ . ﺑﯘ ﮔﻪﭘﺘﯩﻦ ﺋﺎﻳﺎﻧﻜﻰ ، ﺋﯩﻨﺴﺎﻧﻨﯩﯔ ﺭﯦﺌﺎﻟﻠﯩﻖ ﺩﻩﯞﺍﺗﻘﯩﻨﻰ ﺩﯗﻧﻴﺎ ﺑﯩﻠﻪﻥ ﺋﯚﺯﻯ ﺋﻮﺗﺘﯘﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺗﺘﯩﻦ ﺋﯩﺒﺎﺭﻩﺕ . ﺭﻭﺷﻪﻧﻜﻰ ، ﺩﯗﻧﻴﺎ ﺗﺎﻣﺎﻣﻪﻥ ﺳﯘﺑﻴﯧﻜﺘﯩﭗ ﻧﻪﺭﺳﻪ ﺋﻪﻣﻪﺱ ، ﺷﯘﻧﺪﺍﻗﻼ ﺗﺎﻣﺎﻣﻪﻥ ﺋﻮﺑﻴﯧﻜﺘﯩﭗ ﻧﻪﺭﺳﯩﻤﯘ ﺋﻪﻣﻪﺱ .

ﺋﺎﺩﻩﻣﺪﻩ ﺗﻪﺑﯩﻲ ﺭﻩﯞﯨﺸﺘﯩﻜﻰ ﺑﯩﺌﻮﻟﻮﮔﯩﻴﯩﻠﯩﻚ ﺳﻪﺯﮔﯜ ﺑﻮﻟﯩﺪﯗ . ﻣﻪﺳﯩﻠﻪﻥ ، ﺋﺎﯕﻼﺵ ، ﭘﯘﺭﺍﺵ ، ﺗﯧﺘﯩﺶ ﻗﺎﺗﺎﺭﻟﯩﻘﻼﺭ . ﺑﯩﺮﺍﻕ ﺋﯩﻨﺴﺎﻧﻼﺭﻧﯩﯔ ﺑﯘ ﺋﯩﻘﺘﯩﺪﺍﺭﯨﺪﯨﻦ ﭘﺎﻳﺪﯨﻠﯩﻨﯩﺸﻰ ﺋﻮﺧﺸﺎﺵ ﺑﻮﻟﻤﯩﻐﺎﭼﻘﺎ ، ﺑﻪﺯﯨﻠﻪﺭ ﻫﯜﻧﻪﺭﯞﻩﻥ ، ﺑﻪﺯﯨﻠﻪﺭ ﺳﻪﻧﻪﺗﻜﺎﺭ ، ﺑﻪﺯﯨﻠﻪﺭ ﺋﺎﻟﯩﻢ ﺑﻮﻟﯩﺪﯗ . ﺑﻪﺯﯨﻠﻪﺭ ﺑﻮﻟﺴﺎ ﺋﯩﭙﺘﯩﺪﺍﺋﯩﻲ ﺋﯩﻨﺴﺎﻥ ﭘﯧﺘﻰ ﺗﯘﺭﯨﯟﯦﺮﯨﺪﯗ . ﺋﯩﻨﺴﺎﻧﻼﺭ ﺟﻪﻣﯩﻴﯩﺘﯩﻨﯩﯔ ﻫﻪﺭﺧﯩﻞ ﺷﻪﻛﯩﻠﻠﯩﺮﻯ ﺩﻩﻝ ﺋﻪﻧﻪ ﺷﯘ ﺋﯩﻘﺘﯩﺪﺍﺭﻧﯩﯔ ﺗﻪﺷﻜﯩﻠﻠﯩﻨﯩﺸﻰ ، ﭘﯩﺸﺸﯩﻘﻠﯩﻨﯩﺸﯩﻐﺎ ﻳﺎﺭﯨﺸﺎ ﻛﯧﻠﯩﭗ ﭼﯩﻘﻘﺎﻥ . ﺷﯘﯕﻼﺷﻘﺎ ﺗﻪﺑﯩﺌﯩﻲ ﺳﻪﺯﮔﯜ ﺋﯩﻘﺘﯩﺪﺍﺭﻯ ﺑﺎﺭﻟﯩﻖ ﺋﯩﻘﺘﯩﺪﺍﺭﯨﻨﯩﯔ ﺋﺎﺳﺎﺳﻰ ، ﺑﺎﺭﻟﯩﻖ ﺗﻪﺭﻩﻗﻘﯩﻴﺎﺗﻨﯩﯔ ﺧﯧﻤﯩﺮﺗﯘﺭﯗﭼﻰ . ﺗﯜﺭﻟﯜﻙ ﺋﯩﺠﺘﯩﻤﺎﺋﯩﻲ ﺳﻪﯞﻩﺑﻠﻪﺭ ﻛﯩﺸﯩﻠﻪﺭﻧﯩﯔ ﺑﯘ ﺧﯩﻞ ﺋﯩﻘﺘﯩﺪﺍﺭﯨﺪﯨﻦ ﭘﺎﻳﺪﯨﻠﯩﻨﯩﺸﻨﯩﯔ ﻳﯘﻗﯩﺮﻯ - ﺗﯚﯞﻩﻥ ﺳﻪﯞﯨﻴﯩﺴﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ .

ﺋﯩﻨﺴﺎﻧﺪﺍ ﻳﻪﻧﻪ ﺑﯩﺮﺧﯩﻞ ﺳﻪﺯﮔﯜﻣﯘ ﺑﻮﻟﯩﺪﯗ ، ﺑﯘ ﺩﻩﻝ ﭘﯩﻜﯩﺮ ﺳﻪﺯﮔﯜﺳﻰ . ﺋﯩﻨﺴﺎﻧﻼﺭﻧﯩﯔ ﺋﻪﻗﯩﻞ ﺩﻩﺭﯨﺠﯩﺴﻰ ﺩﻩﻝ ﻣﯘﺷﯘ ﺳﻪﺯﮔﯜﺩﻩ ﺑﯩﯟﺍﺳﯩﺘﻪ ﻧﻪﺗﯩﺠﯩﻠﯩﻨﯩﺪﯗ . ﺩﯦﻤﻪﻙ ، ﭘﯩﻜﯩﺮ ﺳﻪﺯﮔﯜﺳﻰ ﺋﯩﻨﺴﺎﻧﺪﯨﻜﻰ ﺑﯩﺌﻮﻟﻮﮔﯩﻴﯩﻠﯩﻚ ﺳﻪﺯﮔﯜﻧﯩﯔ ﭘﯩﺸﺸﯩﻘﻠﯩﻨﯩﺸﯩﺪﯨﻦ ﻛﻪﻟﮕﻪﻥ ﺑﻮﻟﯘﭖ ، ﻛﯧﻴﯩﻨﻜﻰ ﺗﻪﺭﻩﻗﻘﯩﻴﺎﺗﻼﺭ ﻣﯘﺷﯘ ﺳﻪﺯﮔﯜﮔﻪ ﻛﯧﺮﻩﻙ ﺑﻮﻟﯩﺪﯨﻐﺎﻥ ﯞﺍﺳﯩﺘﯩﻨﯩﯔ ﺗﻪﺭﻩﻗﻘﯩﻴﺎﺗﻰ ﺑﯩﻠﻪﻥ ﺯﯨﭻ ﺑﺎﻏﻠﯩﻨﯩﺪﯗ . ﻣﻪﺳﯩﻠﻪﻥ : ﺗﯧﻠﯧﺴﻜﻮﭖ ، ﻣﯩﻜﺮﻭﺳﻜﻮﭖ ﺩﯦﮕﻪﻧﻠﻪﺭﺩﻩﻙ . ﺑﯘ ﺋﯜﺳﻜﯜﻧﯩﻠﻪﺭ ﺋﯩﻨﺴﺎﻧﻨﯩﯔ ﺗﻪﺑﯩﺌﻪﺗﻜﻪ ﺑﻮﻟﻐﺎﻥ ﺳﻪﺯﮔﯜﺳﯩﻨﻰ ﻛﯧﯖﻪﻳﺘﺘﻰ . ﺋﯩﻨﺴﺎﻧﻼﺭ ﺋﯘ ﺋﺎﺭﻗﯩﻠﯩﻖ ﺋﻪﯓ ﻳﯩﺮﺍﻕ ﯞﻩ ﺋﻪﯓ ﻛﯩﭽﯩﻚ ﻧﻪﺭﺳﯩﻠﻪﺭﻧﻰ ﻛﯚﺯﻩﺗﺘﻰ ، ﭼﯜﺷﻪﻧﺪﻯ ﯞﻩ ﺋﯚﺯﯨﮕﻪ ﭘﺎﻳﺪﯨﻠﯩﻖ ﺷﺎﺭﺍﺋﯩﺘﻘﺎ ﺋﺎﻳﻼﻧﺪﯗﺭﺩﻯ . ﻧﺎﻫﺎﻳﯩﺘﻰ ﺋﯧﻨﯩﻘﻜﻰ ، ﭘﻪﻥ ﺳﻪﺯﮔﯜﻟﻪﺭ ﺟﯘﻏﻼﻧﻤﯩﺴﯩﺪﯨﻦ ﻳﯧﯖﻰ ﺋﯩﻠﻤﯩﻲ ﺗﻪﺳﻪﯞﯞﯗﺭﻧﻰ ﺋﯩﺸﻠﻪﭘﭽﯩﻘﯩﺮﯨﺪﯗ ، ﺗﯧﺨﻨﯩﻜﺎ ( ﻫﯜﻧﻪﺭ ) ﺑﯘ ﺗﻪﺳﻪﯞﯞﯗﺭﻧﻰ ﻣﻪﻟﯘﻡ ﺋﯜﺳﻜﯜﻧﻪ ﯞﺍﺳﯩﺘﯩﺴﻰ ﺑﯩﻠﻪﻥ ﺗﻪﻣﯩﻨﻠﻪﻳﺪﯗ ، ﺷﯘﻧﯩﯔ ﺑﯩﻠﻪﻥ ﻛﯩﺸﯩﻠﻪﺭﻧﻰ ﺋﻮﺭﺍﭖ ﺗﯘﺭﻏﺎﻥ ﻣﯘﻫﯩﺖ ﺋﯚﺯﻯ ﺋﯜﭼﯜﻥ ﺗﺎﻣﺎﻣﻪﻥ ﺳﯩﺮﻟﯩﻖ ﺑﻮﻟﻐﺎﻥ ﻗﻮﻳﻨﯩﻨﻰ ﺋﺎﺷﻜﺎﺭﯨﻼﻳﺪﯗ ﯞﻩ ﻛﯧﯖﻪﻳﺘﯩﺪﯗ . ﻫﻪﺭﻗﺎﻧﺪﺍﻕ ﺑﯩﻠﯩﺶ ﺋﯩﻨﺴﺎﻥ ﺳﯘﺑﻴﯧﻜﺘﯩﻨﯩﯔ ﺩﯗﻧﻴﺎﻏﺎ ﻳﯜﺭﮔﯜﺯﮔﻪﻥ ﺋﯩﺴﺘﯧﻼﺳﯩﺪﯗﺭ .

ﺑﯘﺭﯗﻧﻘﻰ ﺟﺎﻫﺎﻧﮕﯩﺮﻟﯩﻚ ﺯﯦﻤﯩﻦ ﺋﯩﮕﯩﻠﻪﺵ ﯞﻩ ﻳﻪﺭ ﺋﯧﭽﯩﺸﺘﺎ ﻛﯚﺭﯛﻟﻪﺗﺘﻰ ، ﻳﯧﻘﯩﻨﻘﻰ ﺟﺎﻫﺎﻧﮕﯩﺮﻟﯩﻚ ﺑﺎﻳﻠﯩﻖ ﺗﻮﺷﯘﺵ ، ﺑﺎﺯﺍﺭ ﺋﯩﮕﯩﻠﻪﺵ ﺭﯨﻘﺎﺑﯩﺘﯩﺪﻩ ﻛﯚﺭﯛﻟﺪﻯ ، ﺑﯜﮔﯜﻧﻜﻰ ﺯﺍﻣﺎﻧﯩﯟﻯ ﺟﺎﻫﺎﻧﮕﯩﺮﻟﯩﻚ ﻣﯧﯖﯩﻨﻰ ﻗﯧﺰﯨﺶ ﺋﺎﺭﻗﯩﻠﯩﻖ ﻳﺎﺭﯨﺘﯩﻠﻐﺎﻥ ﺑﺎﻳﻠﯩﻘﻨﻰ ﭘﯜﺗﯜﻥ ﺋﯩﻨﺴﺎﻧﻼﺭﻏﺎ ﺋﻮﻣﯘﻣﻼﺷﺘﯘﺭﯗﺷﺘﺎ ﻛﯚﺭﯛﻟﻤﻪﻛﺘﻪ . ﺋﯩﻜﻜﻰ ﻗﯘﻟﯩﻘﯩﻤﯩﺰ ﺋﻮﺗﺘﯘﺭﯨﺴﯩﺪﯨﻜﻰ ﺑﻮﺷﻠﯘﻕ ﺩﯗﻧﻴﺎﺩﺍ ﺗﯧﺨﻰ ﻫﯧﭽﻜﯩﻢ ﻳﯜﺭﯛﺵ ﻗﯩﻠﻤﯩﻐﺎﻥ ﺑﻮﺯ ﻳﻪﺭ . ﺑﯩﻠﯩﻢ ﺋﯩﮕﯩﻠﯩﻜﻰ ﺩﻩﯞﺭﻯ ﻣﯘﺷﯘ ﺑﻮﺯ ﻳﻪﺭﻧﻰ ﺋﯩﮕﯩﻠﻪﺷﻜﻪ ﻗﺎﺭﺍﭖ ﻣﺎﯕﻤﺎﻗﺘﺎ .

"" ﻣﻪﺩﻩﻧﯩﻴﻪﺗﻨﯩﯔ ﺗﯧﺮﯨﺴﻰ ""ﻧﯩﯔ ﺋﺎﭘﺘﻮﺭﻯ ﻛﯧﺮﻛﺨﻮﻑ ﻛﻮﻣﭙﻴﯘﺗﯧﺮ ﭘﻪﻳﻼﺳﻮﭘﻰ ﻣﺎﻛﻠﻮﺧﺎﻧﻨﯩﯔ ﻣﯘﻧﺪﺍﻕ ﺑﯩﺮ ﺳﯚﺯﯨﻨﻰ ﻛﯩﺘﺎﺑﻨﯩﯔ ﺗﯩﺘﯘﻟﯩﻐﺎ ﻳﺎﺯﻏﺎﻥ : "" ﺋﯧﻠﯧﻜﺘﺮﻭﻥ ﺩﻩﯞﺭﯨﺪﻩ ﺋﯩﻨﺴﺎﻧﯩﻴﻪﺕ ﺑﯩﺰﻧﯩﯔ ﺗﯧﺮﯨﻤﯩﺰ ﺳﯜﭘﯩﺘﯩﺪﻩ ﻣﻪﯞﺟﯘﺕ ﺑﻮﻟﯩﺪﯗ "" . ﺑﯘ ﺳﯚﺯ ﻗﺎﻳﺴﯩﺪﯗﺭ ﺑﯩﺮ ﺷﺎﺋﯩﺮﻧﯩﯔ "" ﺩﯗﻧﻴﺎ ﻣﯧﻨﯩﯔ ﯞﯗﺟﯘﺩﯗﻡ ، ﺋﺎﺩﻩﻣﻠﻪﺭ ﻫﯜﺟﻪﻳﺮﻩﻡ "" ﺩﯦﮕﻪﻥ ﺳﯚﺯﯨﻨﻰ ﺋﻪﺳﻜﻪ ﺳﺎﻟﯩﺪﯗ . ﺳﻪﻧﻪﺗﻜﺎﺭﻻﺭ ، ﺑﯩﺰ ﭘﯜﺗﯜﻥ ﺋﺎﻟﻪﻡ ﺑﯩﻠﻪﻥ ﺗﯘﻳﻐﯘﻣﯩﺰ ﺋﺎﺭﻗﯩﻠﯩﻖ ﺳﯚﻫﺒﻪﺕ ﺋﯧﻠﯩﭗ ﺑﺎﺭﯨﻤﯩﺰ ﺩﯦﻴﯩﺸﯩﺪﯗ ، ﺑﯘ ﮔﻪﭖ ﺋﻪﯞﻟﯩﻴﺎﻻﺭﻧﯩﯔ ﺋﯩﻨﺴﺎﻧﻼﺭ ﺩﻩﻝ - ﺩﻩﺭﻩﺧﻠﻪﺭ ، ﮔﯩﻴﺎﻫﻼﺭ ، ﻫﻪﺗﺘﺎ ﻳﯩﺮﺍﻗﺘﯩﻜﻰ ﻏﯘﯞﺍ ﻳﯘﻟﺘﯘﺯﻻﺭ ﺑﯩﻠﻪﻥ ﺭﻭﻫﯩﻲ ﺗﯩﻠﺪﺍ ﺳﯚﺯﻟﯩﺸﯩﭗ ﺗﯘﺭﯨﺪﯗ ﺩﯦﮕﻪﻥ ﺳﯚﺯﻯ ﺑﯩﻠﻪﻥ ﺑﯩﺮﺩﻩﻙ . ﺋﺎﻣﯧﺮﯨﻜﯩﻠﯩﻖ ﻣﻪﺷﻬﯘﺭ ﺳﻪﻧﻪﺗﻜﺎﺭ ﻣﺎﻳﻜﯩﻞ ﺟﯧﻜﺴﯘﻧﻨﯩﯔ ﻣﯘﻧﯘ ﺳﯚﺯﻯ ﺗﯧﺨﯩﻤﯘ ﺗﯩﭙﯩﻜﻠﯩﻜﻜﻪ ﺋﯩﮕﻪ : "" ﻣﻪﻥ ﻧﺎﺧﺸﯩﻠﯩﺮﯨﻤﻨﻰ ﺋﯚﺯﯛﻡ ﻳﺎﺯﻣﯩﺪﯨﻢ ، ﺑﻪﻟﻜﻰ ﺋﯘﻻﺭﻧﻰ ﺋﻪﺭﺷﺘﯩﻦ ﻗﻮﺑﯘﻝ ﻗﯩﻠﺪﯨﻢ ، ﭼﯜﺷﯜﻣﺪﻩ ﺋﻪﺭﺵ ﺧﻪﻟﻘﻰ ﻣﺎﯕﺎ ﺳﯚﺯﻟﻪﻳﺪﯗ ، ﻣﻪﻥ ﺋﻮﻳﻐﺎﻧﻐﺎﻧﺪﯨﻦ ﻛﯧﻴﯩﻦ ﺋﯘﻻﺭﻧﻰ ﺧﺎﺗﯩﺮﯨﻠﯩﯟﺍﻟﯩﻤﻪﻥ . ﻣﻪﻥ ﺋﯘﺷﺘﯘﻣﺘﯘﺕ ﺑﻪﺯﻯ ﮔﻪﭘﻠﻪﺭﻧﻰ ﺋﺎﯕﻼﭖ ﻗﺎﻟﯩﻤﻪﻥ . ﺑﯘ ﮔﻪﭘﻠﻪﺭﻧﻰ ﺋﯚﺯﯛﻡ ﺋﻮﻳﻼﭖ ﭼﯩﻘﻘﺎﻥ ﺋﻪﻣﻪﺱ ، ﻣﻪﻥ ﺑﯘ ﮔﻪﭘﻠﻪﺭﻧﻰ ﻗﻮﺑﯘﻝ ﻗﯩﻠﯩﭗ ﺑﺎﺷﻘﯩﻼﺭﻏﺎ ﻳﻪﺗﻜﯜﺯﯛﭖ ﺑﯧﺮﯨﻤﻪﻥ ، ﺧﺎﻻﺱ ""

ﻗﺎﺭﯨﺴﺎﯓ ، ﺩﯗﻧﻴﺎ ﭼﻪﻛﺴﯩﺰ ﻛﻪﺗﻜﻪﻥ ﺭﻭﻫﯩﻲ ﻣﺎﮔﻨﯩﺖ ﻣﻪﻳﺪﺍﻧﯩﺪﻩﻙ ﻛﯚﺭﯛﻧﯩﺪﯗ . ﺩﯗﻧﻴﺎﻧﯩﯔ ﻗﺎﻳﺴﯩﺒﯩﺮ ﭼﯧﺘﯩﺪﻩ ﺑﯩﺮﺍﯞ ﺋﻮﻳﻠﯩﻐﺎﻥ ﻣﻪﺳﯩﻠﯩﻨﻰ ﻳﯩﺮﺍﻕ ﭼﻪﺗﺘﯩﻜﻰ ﺑﯩﺮﺍﯞ ﺭﺍﯞﺍﺟﻼﻧﺪﯗﺭﯗﯞﺍﺗﻘﺎﻥ ﺑﻮﻟﯩﺪﯗ . ﺳﻪﻥ ﺑﯩﻠﻤﻪﻳﺪﯨﻐﺎﻥ ﺑﯩﺮﺍﯞﻧﯩﯔ ﺋﯩﺸﻰ ﺳﯧﻨﯩﯔ ﭼﯜﺷﯜﯕﮕﻪ ﺑﯧﺸﺎﺭﻩﺕ ﺑﻮﻟﯘﭖ ﻛﯩﺮﯨﺸﻰ ﻣﯘﻣﻜﯩﻦ . ﺳﯧﻨﯩﯔ ﺭﻭﻫﯩﯔ ﻗﺎﻧﺪﺍﻗﺘﯘﺭ ﺑﯩﺮ ﻧﻪﺭﺳﯩﺪﯨﻦ ﻟﻪﺭﺯﯨﮕﻪ ﻛﻪﻟﮕﻪﻧﺪﻩﻙ ﺑﻮﻟﯩﺪﯗ ، ﺳﻪﻥ ﺋﯚﺯﯛﯕﻤﯘ ﺑﯩﻠﻤﯩﮕﻪﻥ ﻫﺎﻟﺪﺍ ﺳﯩﺮﻟﯩﻖ ﭘﻪﺭﯨﺸﺎﻧﻠﯩﻘﻘﺎ ﭘﺎﺗﯩﺴﻪﻥ ، ﺳﯧﻨﻰ ﻗﺎﺭﺍ ﺑﯧﺴﯩﺸﻰ ﻣﯘﻣﻜﯩﻦ ، ﯞﻩﻫﺎﻛﺎﺯﺍﻻﺭ . ﺩﯗﻧﻴﺎ ﺋﻪﺩﻩﺑﯩﻴﺎﺕ ﺗﺎﺭﯨﺨﯩﻨﻰ ﺋﺎﺧﺘﯘﺭﺳﺎﯓ ، ﻳﯩﺮﺍﻕ - ﻳﯩﺮﺍﻕ ﻗﯩﺘﻪﻟﻪﺭﺩﻩ ﻳﺎﻛﻰ ﻳﯩﺮﺍﻕ - ﻳﯩﺮﺍﻕ ﺳﯘﻻﻟﯩﻠﻪﺭﺩﻩ ﻳﺎﺷﯩﻐﺎﻥ ﺩﯨﻨﻰ ﯞﻩ ﯞﻩﺗﯩﻨﻰ ﺋﻮﺧﺸﯩﻤﯩﻐﺎﻥ ﺷﺎﺋﯩﺮﻻﺭ ﺧﯘﺩﺩﻯ ﺋﺎﻟﺪﯨﻨﺎﻻ ﻛﯧﻠﯩﺸﯩﯟﺍﻟﻐﺎﻧﺪﻩﻙ ﺋﻮﺧﺸﺎﺵ ﻣﺎﻫﯩﻴﻪﺗﻠﯩﻚ ﺳﯚﺯﻟﻪﺭﻧﻰ ﻗﯩﻠﯩﺸﻘﺎﻥ . ﻧﺎﯞﺍﺋﻰ ﺋﯧﻴﺘﻘﺎﻥ ﺳﯚﺯﻟﻪﺭﻧﻰ ﻣﯘﻫﻪﻣﻤﻪﺩ ﺳﯩﺪﯨﻖ ﺯﻩﻟﯩﻠﯩﻤﯘ ﺋﯧﻴﺘﻘﺎﻥ ﺑﻮﻟﯘﭖ ﭼﯩﻘﯩﺪﯗ . ﻧﯧﻤﻪ ﺋﯜﭼﯜﻥ ﺷﯘﻧﺪﺍﻕ ؟ ﺋﯩﻨﺴﺎﻧﻼﺭ ﻗﺎﻳﺴﻰ ﻗﻮﯞﻣﻐﺎ ﺗﻪﯞﻩ ﺑﻮﻟﯘﺷﯩﺪﯨﻦ ﻗﻪﺗﯩﻴﻨﻪﺯﻩﺭ ، ﺋﯘﻻﺭﻧﯩﯔ \"\" ﺯﺍﭘﭽﺎﺱ \"\"ﻟﯩﺮﻯ ﺋﻮﺧﺸﺎﺵ ، ﺋﯘﻻﺭﻧﯩﯔ ﻫﻪﻣﻤﯩﺴﻰ ﺋﻮﺭﺗﺎﻕ ﺑﯩﺮ ﺗﻪﺑﯩﺌﻪﺕ ﺑﯩﻠﻪﻥ ﺟﺎﻫﺎﻥ ﻫﺎﺩﯨﺴﯩﻠﯩﺮﯨﮕﻪ ﺋﯩﺒﺮﻩﺕ ﻛﯚﺯﻯ ﺑﯩﻠﻪﻥ ﻗﺎﺭﯨﻴﺎﻻﻳﺪﯗ ، ﺋﯩﻨﺴﺎﻧﻼﺭ ﺋﯚﺯﻟﯩﺮﻯ ﭼﯜﺷﯩﻨﯩﺪﯨﻐﺎﻥ ﻟﯘﻏﻪﺗﻠﻪﺷﻜﻪﻥ ﺗﯩﻞ ﺑﯩﻠﻪﻥ ﺳﯚﺯﻟﯩﺸﯩﺪﯗ . ﺑﯩﺮﺍﻕ ﺋﯘﻻﺭ ﻳﻪﻧﻪ ﻗﺎﻧﺪﺍﻗﺘﯘﺭ ﺋﯚﺯﻟﯩﺮﻯ ﻣﯘﺋﻪﻳﻴﻪﻧﻠﻪﺷﺘﯜﺭﯛﭖ ﺑﻮﻻﻟﻤﯩﻐﺎﻥ ﻏﺎﻳﯩﺐ ﺗﯩﻞ ﺑﯩﻠﻪﻧﻤﯘ ﺳﯚﺯﻟﯩﺸﯩﺪﯗ . ﺑﯘ ﺗﯩﻠﺪﯨﻜﻰ ﺳﯩﻐﯩﻢ ﯞﻩ ﻛﯚﻟﻪﻡ ﺋﯩﻨﺴﺎﻧﻼﺭﻧﯩﯔ ﺋﯩﺠﺘﯩﻤﺎﺋﯩﻲ ﺋﯚﺯﻟﯜﻛﯩﺪﯨﻦ ﻧﺎﻫﺎﻳﯩﺘﻰ ﻫﺎﻟﻘﯩﭗ ﻛﻪﺗﻜﻪﻥ . ﺩﻩﻝ ﻣﯘﺷﯘ ﺗﯩﻞ ﺋﯩﻨﺴﺎﻧﻼﺭﻧﻰ ﻛﯚﺭﯛﻧﻤﻪﺱ ﺭﯨﺸﺘﯩﻠﻪﺭ ﺑﯩﻠﻪﻥ ﺑﺎﻏﻼﭖ ﺗﯘﺭﯨﺪﯗ .

ﺩﯦﻤﻪﻙ ، ﺋﯩﻨﺴﺎﻧﻼﺭ ﺟﻪﻣﯩﻴﯩﺘﻰ ﺋﻪﻧﺪﯨﺰﻩ ، ﺋﻪﻗﯩﺪﻩ ﯞﻩ ﺗﻪﻗﺪﯨﺮ ﺟﻪﻫﻪﺗﺘﯩﻦ ﻫﻪﺭﺧﯩﻞ ﺑﻮﻟﯘﺷﯩﺪﯨﻦ ﻗﻪﺗﯩﻴﻨﻪﺯﻩﺭ ، ﺑﯩﺮ - ﺑﯩﺮﯨﻨﻰ ﭼﯜﺷﯩﻨﯩﺪﯨﻐﺎﻥ ﻳﻮﻟﻨﻰ ﺋﺎﻟﻠﯩﺒﯘﺭﯗﻥ ﯞﺍﻳﯩﻐﺎ ﻳﻪﺗﻜﯜﺯﺩﻯ . ﻟﯧﻜﯩﻦ ﺋﯩﻘﻠﯩﻤﻼﺭﻧﯩﯔ ﯞﻩ ﺟﻪﻣﯩﻴﻪﺗﻠﻪﺭﻧﯩﯔ ﺑﯘﻧﺪﺍﻕ ﺑﯩﺮﻟﯩﻜﻰ ﺑﻪﺭﯨﺒﯩﺮ ﺭﻭﻣﺎﻧﺘﯩﻚ ، ﻣﯩﺴﺘﯧﺘﯩﻚ ﺗﯜﺱ ﺋﺎﻟﻐﺎﻥ ﺑﯩﺮﻟﯩﻚ ﺑﻮﻟﯘﭖ ، ﺋﻪﻣﻪﻟﯩﻴﻪﺗﻨﻰ ﻛﯚﺯﺩﻩ ﺗﯘﺗﻘﺎﻧﺪﺍ ، ﻫﺎﺯﯨﺮﻣﯘ ﺟﯩﻨﭽﯩﺮﺍﻍ ﺩﻩﯞﺭﯨﺪﻩ ﻳﺎﺷﺎﯞﺍﺗﻘﺎﻥ ﺧﻪﻟﻘﻨﻰ ﺋﯧﻠﯧﻜﺘﺮﻭﻥ ﺩﻩﯞﺭﯨﺪﻩ ﻳﺎﺷﺎﯞﺍﺗﻘﺎﻥ ﺧﻪﻟﻖ ﺑﯩﻠﻤﻪﻳﯟﺍﺗﻘﺎﻥ ﺋﯩﺠﺘﯩﻤﺎﺋﯩﻲ ﺭﯦﺌﺎﻟﻠﯩﻖ ﻣﻪﯞﺟﯘﺕ ﺑﻮﻟﯘﭖ ﺗﯘﺭﻣﺎﻗﺖ ﺋﺎ.

ﺋﯘﭼﯘﺭ ، ﺗﻪﺭﻩﻗﻘﯩﻴﺎﺕ ، ﻣﻪﺩﻩﻧﯩﻴﻪﺕ ﺋﺎﻟﻤﺎﺷﺘﯘﺭﯗﺵ ﺟﻪﻫﻪﺗﺘﻪ ، ﺋﯚﺯﯨﻨﯩﯔ ﺗﯧﮕﯩﺸﻠﯩﻚ ﭘﺎﺋﺎﻟﯩﻴﻪﺗﭽﺎﻧﻠﯩﻖ ﺭﻭﻟﯩﻨﻰ ﺟﺎﺭﻯ ﻗﯩﻠﺪﯗﺭﺍﻟﻤﺎﻱ ، ﺗﺎﻻﻱ \"\" ﺑﯧﺮﻟﯩﻦ ﺗﺎﻣﻠﯩﺮﻯ \"\"ﻧﯩﯔ ﻗﻮﺭﺷﺎﯞﯨﺪﯨﻜﻰ ﺋﯩﭙﺘﯩﺪﺍﺋﯩﻲ ﺳﻪﻫﺮﺍﺩﺍ ﺩﯗﻧﻴﺎ ﺩﯦﮕﻪﻥ ﻣﯘﺷﯘ ﺩﻩﭖ ﻳﺎﺷﺎﯞﺍﺗﻘﺎﻥ ﺧﻪﻟﻖ 21 - ﺋﻪﺳﯩﺮﻧﯩﯔ ﺑﻮﺳﯘﻏﯩﺴﯩﺪﺍ ﻧﯧﻤﻪ ﻗﯩﻠﯩﺸﻨﻰ ﺑﯩﻠﻤﻪﻱ ﺗﯘﺭﯗﭘﺘﯘ . ﺩﻩﻝ ﻣﯘﺷﯘ ﺧﻪﻟﻘﻨﯩﯔ ﻳﺎﭘﻮﻥ ﺩﯦﯖﯩﺰﻯ ، ﻫﯩﻨﺪﯨﭽﯩﻨﻰ ، ﻳﯘﻧﺎﻥ ، ﺋﯩﺮﺍﻥ ، ﻣﯩﺴﯩﺮ ﻗﺎﺗﺎﺭﻟﯩﻖ ﺋﯩﻘﻠﯩﻤﻼﺭ ﺑﯩﻠﻪﻥ ﺗﯘﺗﺎﺷﻘﺎﻥ ﭘﺎﻳﺎﻧﺴﯩﺰ ﻣﻪﺩﻩﻧﯩﻴﻪﺕ ﭼﻪﻣﺒﯩﺮﯨﻜﻰ ﺑﺎﺭ . ﺑﯘ ﭼﻪﻣﺒﻪﺭ ﺋﯧﺮﺍﻻﺭ ﺩﺍﯞﺍﻣﯩﺪﺍ ﮔﺎﻫ ﻛﯧﯖﯩﻴﯩﭗ ، ﮔﺎﻫ ﺗﺎﺭﯨﻴﯩﭗ ﺗﯘﺭﻏﺎﻥ . ﺑﯜﮔﯜﻥ ﺑﯘ ﺧﻪﻟﻖ ﺗﻪﻛﻠﯩﻤﺎﻛﺎﻥ ﻗﯘﻣﻠﯩﺮﯨﻨﯩﯔ ﮔﯩﺮﺩﺍﺑﻠﯩﺮﯨﺪﺍ ﺋﯘﻧﺘﯘﻟﻐﺎﻥ ﺑﯘﻟﯘﯓ ﺑﻮﻟﯘﭖ ﻳﺎﺷﺎﯞﺍﺗﻘﺎﻥ ﺑﻮﻟﺴﯩﻤﯘ ، ﺋﻪﻣﻤﺎ ﺋﯘ ﻫﯧﭽﻜﯩﻤﺪﻩ ﻳﻮﻕ ، ﺗﯧﺨﻰ ﻗﯧﺰﯨﻠﻤﯩﻐﺎﻥ ﺋﺎﺟﺎﻳﯩﭗ ﺳﯧﻬﺮﯨﻲ ﻗﯘﺩﺭﯨﺘﻰ ﺑﺎﺭ ﻣﻪﺩﻩﻧﯩﻴﻪﺕ ﺗﯩﻨﺪﯗﺭﻣﯩﺴﯩﻐﺎ ﺋﯩﮕﻪ .

ﺋﯩﻨﺴﺎﻧﻼﺭ ﺟﻪﻣﯩﻴﯩﺘﯩﺪﯨﻜﻰ ﻫﻪﺭﺑﯩﺮ ﺋﯩﺨﺘﯩﺮﺍ ﺑﯩﺮ ﻗﯧﺘﯩﻤﻠﯩﻖ ﺯﻭﺭ ﺋﯩﻨﻘﯩﻼﺑﺘﯩﻦ ﺋﯩﺒﺎﺭﻩﺕ ﺑﻮﻟﻐﺎﻥ . ﻳﯧﺰﯨﻘﻨﯩﯔ ﻛﻪﺷﯩﭗ ﺑﻮﻟﯘﺷﻰ ﻣﯩﺴﻠﯩﺴﯩﺰ ﺋﯩﻨﻘﯩﻼﺏ ﺳﯜﭘﯩﺘﯩﺪﻩ ﻛﯩﺸﯩﻠﻪﺭﻧﯩﯔ ﭘﺎﺋﺎﻟﯩﻴﯩﺘﯩﻨﻰ ﺋﻪﺳﯩﺮﻟﻪﺭﺩﯨﻦ ﯞﻩ ﺭﺍﻳﻮﻧﻼﺭﺩﯨﻦ ﻫﺎﻟﻘﯩﺘﺘﻰ . ﻣﻪﺗﺒﻪﺋﻪ ، ﭘﺎﺭ ﻣﺎﺷﯩﻨﯩﺴﻰ ، ﺗﯧﻠﯧﻔﻮﻥ ، ﻛﺎﻣﯧﺮﺍ ، ﺗﯧﻠﯧﯟﯨﺰﻭﺭ ﺩﯦﮕﻪﻧﻠﻪﺭﻣﯘ ﺋﯩﻨﺴﺎﻧﻼﺭ ﺟﻪﻣﯩﻴﯩﺘﯩﺪﻩ ﺗﯜﭘﺘﯩﻦ ﺋﯚﺯﮔﯩﺮﯨﺶ ﻳﺎﺳﯩﻐﺎﻥ . ﻧﺎﻫﺎﻳﯩﺘﻰ ﻗﯩﺰﯨﻘﻜﻰ ، ﺑﯘﻧﯩﯖﺪﯨﻦ ﺗﻪﺧﻤﯩﻨﻪﻥ 50 ﻳﯩﻞ ﺋﯩﻠﮕﯩﺮﻯ ﻫﯧﺴﺎﺑﻼﺵ ﻣﺎﺷﯩﻨﯩﺴﻰ ﺩﯗﻧﻴﺎﻏﺎ ﻛﻪﻟﮕﻪﻧﺪﻩ ، ﺩﻩﻝ ﺋﯘﻧﻰ ﻳﺎﺳﯩﻐﺎﻥ ﺋﺎﻣﯧﺮﯨﻜﯩﻠﯩﻘﻼﺭ ﻫﯧﺴﺎﺑﻼﺵ ﻣﺎﺷﯩﻨﯩﺴﻰ ( ﻛﻮﻣﭙﻴﯘﺗﯧﺮ )ﻧﯩﯔ ﺑﯜﮔﯜﻧﻜﯩﺪﻩﻙ ﺋﻮﻣﯘﻣﻠﯩﺸﯩﭗ ﻛﯧﺘﯩﺸﯩﻨﻰ ﺗﻪﺳﻪﯞﯞﯗﺭ ﻗﯩﻼﻟﻤﯩﻐﺎﻧﯩﻜﻪﻥ . ﭼﯜﻧﻜﻰ ﺩﻩﺳﻠﻪﭘﻜﻰ ﻛﻮﻣﭙﻴﯘﺗﯧﺮﻧﯩﯔ ﺋﯧﻐﯩﺮﻟﯩﻘﻰ 30 ﺗﻮﻧﻨﺎ ﺑﻮﻟﯘﭖ ، 170 ﻛﯟﺍﺩﺭﺍﺕ ﻣﯧﺘﯩﺮ ﻳﻪﺭﻧﻰ ﺋﯩﮕﯩﻠﻪﻳﺪﯨﻜﻪﻥ ( ﺗﻪﺧﻤﯩﻨﻪﻥ ﺑﯩﺮ ﺑﯩﻨﺎ ﺑﯩﻠﻪﻥ ﺗﻪﯓ ) . ﺷﯘﯕﺎ ﺋﻪﻳﻨﻰ ﭼﺎﻏﺪﯨﻜﻰ ﻣﯘﺗﻪﺧﻪﺳﺴﯩﺴﻠﻪﺭ ﺋﺎﻣﯧﺮﯨﻜﺎ ﺋﯜﭼﯜﻥ ﺋﻪﻧﻪ ﺷﯘﻧﺪﺍﻕ ﻛﻮﻣﭙﻴﯘﺗﯧﺮﺩﯨﻦ ﺋﯜﭺ - ﺗﯚﺗﻰ ﺑﻮﻟﺴﯩﻼ ﻛﯘﭘﺎﻳﻪ ﺩﯦﮕﻪﻧﯩﻜﻪﻥ . ﺑﯩﺮﺍﻕ 50 ﻳﯩﻠﺪﯨﻦ ﻛﯧﻴﯩﻨﻜﻰ ﺑﯜﮔﯜﻧﻜﻰ ﻛﯜﻧﺪﻩ ﺋﯘ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﺩﯨﻜﻰ ﺋﯩﺸﺨﺎﻧﯩﻼﺭ ﯞﻩ ﺋﺎﺋﯩﻠﯩﻠﻪﺭﺩﯨﻦ ﺋﻮﺭﯗﻥ ﺋﯧﻠﯩﭗ ، ﺋﯘﭼﯘﺭ ﺋﺎﻟﻤﺎﺷﺘﯘﺭﯗﺷﻨﯩﯔ ﻛﯚﭖ ﻟﯩﻨﯩﻴﯩﻠﯩﻚ ﻗﺎﻧﺎﻟﻠﯩﺮﯨﻐﺎ ﺋﺎﻳﻼﻧﺪﻯ .

ﺷﯘﻧﺪﺍﻕ ، ﺗﻪﺭﻩﻗﻘﯩﻴﺎﺕ ﻧﺎﻫﺎﻳﯩﺘﻰ ﺗﯧﺰ ، ﻳﯧﻘﯩﻦ ﻛﻪﻟﮕﯜﺳﯩﻨﻰ ﭘﻪﺭﻩﺯ ﻗﯩﻠﯩﺶ ﻗﯩﻴﯩﻦ ، ﯞﻩﺯﯨﻴﻪﺗﻜﻪ ﺗﻪﺳﯩﺮ ﻛﯚﺭﺳﯩﺘﯩﺪﯨﻐﺎﻥ ﺋﺎﻣﯩﻠﻼﺭﻧﯩﯔ ﻛﯚﭘﻠﯜﻛﻰ ﯞﻩ ﺭﻭﻟﻰ ﺋﺎﺩﻩﻣﻠﻪﺭﻧﯩﯔ ﻗﯩﻴﺎﺱ ﺋﯩﻘﺘﯩﺪﺍﺭﯨﺪﯨﻦ ﺋﯧﺸﯩﭗ ﻛﻪﺗﺘﻰ . ﺑﯜﮔﯜﻥ ﺳﻪﻥ ﺋﻮﻳﻼﯞﺍﺗﻘﺎﻥ ﺑﯩﺮ ﺋﯩﺶ ﺑﺎﺷﻘﺎ ﺑﯩﺮ ﻳﻪﺭﺩﻩ ﺋﯩﺸﻘﺎ ﺋﯧﺸﯩﯟﺍﺗﻘﺎﻥ ﺑﻮﻟﯩﺪﯗ .

ﻛﻮﻣﭙﻴﯘﺗﯧﺮ 20 - ﺋﻪﺳﯩﺮﺩﯨﻜﻰ ﺋﯩﻨﺴﺎﻧﻼﺭﻧﻰ ﻳﯧﭙﻴﯧﯖﻰ ﺑﯩﺮ ﺗﺎﺭﯨﺨﯩﻲ ﺩﻩﯞﺭﮔﻪ ﺑﺎﺷﻼﭖ ﻛﯩﺮﺩﻯ . ﺋﯘ ﺗﺎﺭ ﺑﯩﺮ ﺭﺍﻳﻮﻥ ﺑﯩﻠﻪﻥ ﭼﻪﻛﻠﯩﻨﯩﭗ ﺗﯘﺭﻏﺎﻥ ﺋﻪﻧﻪﻧﯩﯟﻯ ﺳﻮﺩﺍ ، ﺋﻪﻧﻪﻧﯩﯟﻯ ﻣﻪﺩﻩﻧﯩﻴﻪﺕ ﺋﺎﻟﻤﺎﺷﺘﯘﺭﯗﺷﻘﺎ ﺟﻪﯓ ﺋﯧﻼﻥ ﻗﯩﻠﺪﻯ ، ﺋﯩﻠﯩﻢ - ﭘﻪﻥ ، ﺗﯧﺨﻨﯩﻜﺎ ﻫﻪﻣﻜﺎﺭﻟﯩﻘﯩﻨﻰ ﭼﯩﯖﯩﺘﺘﻰ . ﻛﯩﺸﯩﻨﻰ ﺗﯧﺨﯩﻤﯘ ﻗﺎﻳﯩﻞ ﻗﯩﻠﯩﺪﯨﻐﺎﻧﻠﯩﻘﻰ ﺷﯘﻛﻰ ، ﺋﯘ ﺋﺎﻟﺪﻯ ﺑﯩﻠﻪﻥ ﺑﯧﻜﯩﻨﻤﻪ ، ﻣﯘﺗﻪﺋﻪﺳﺴﯩﭗ ، ﺟﺎﻫﯩﻞ ﺩﯙﻟﻪﺕ ﻗﯘﺭﯗﻟﻤﯩﺴﯩﻨﯩﯔ ﺋﺎﺳﺎﺳﯩﻨﻰ ﺗﻪﯞﺭﯨﺘﯩﭗ ﻗﻮﻳﺪﻯ . ﺋﯘ ﻳﯧﭙﯩﻖ ﺷﻪﻛﯩﻠﺪﯨﻜﻰ ﺑﺎﺷﻘﯘﺭﯗﺷﻨﯩﯔ ﮔﺎﻟﯟﺍﯓ ، ﭼﯜﺷﻜﯜﻥ ﭘﯘﻗﺮﺍﻟﯩﺮﯨﻨﯩﯔ ﻗﻪﻟﺒﯩﮕﻪ ﻳﯩﺮﺍﻕ ﺩﯗﻧﻴﺎﺩﯨﻦ ﻫﺎﻟﻘﯩﭗ ﻛﻪﻟﮕﻪﻥ ﻧﯘﺭ ﺩﻭﻟﻘﯘﻧﻠﯩﺮﯨﻨﻰ ﭼﯜﺷﯜﺭﺩﻯ . ﻛﯩﺸﯩﻠﻪﺭ ﺑﯩﺮ ﻗﺎﻧﭽﻪ ﺗﺎﺭ ﺭﯗﺟﻪﻛﺘﯩﻦ ﺑﻮﻟﺴﯩﻤﯘ ﺋﯚﺯﻯ ﻳﺎﺷﺎﯞﺍﺗﻘﺎﻥ ﻣﯘﻫﯩﺘﺘﯩﻦ ﻛﻪﯓ ﺑﯩﺮ ﻣﯘﻫﯩﺘﻨﯩﯔ ﺑﺎﺭﻟﯩﻘﯩﻨﻰ ﻛﯚﺭﺩﻯ ، ﺋﯘ ﻳﻪﺭﻧﯩﯔ ﺳﺎﭖ ﻫﺎﯞﺍﺳﯩﻨﻰ ﭘﯘﺭﯨﻐﺎﻧﺪﻩﻙ ﺑﻮﻟﺪﻯ .

ﺑﯘﺭﯗﻧﻘﻰ ﺩﯗﻧﻴﺎ ﺗﯘﻣﺎﻧﻠﯩﻖ ﺩﯦﯖﯩﺰﺩﯨﻜﻰ ﻳﯩﺮﺍﻕ - ﻳﯩﺮﺍﻕ ﺋﺎﺭﺍﻟﻼﺭﺩﻩﻙ ﺑﯩﺮ - ﺑﯩﺮﯨﮕﻪ ﻧﯩﺴﺒﻪﺗﻪﻥ ﻣﯜﺟﯩﻤﻪﻝ ﯞﻩ ﺗﯘﺗﯘﻕ ﺋﯩﺪﻯ . ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺭﺍﻳﻮﻧﻠﯩﺮﻯ ﺑﯩﺮ - ﺑﯩﺮﯨﻨﯩﯔ ﻣﻪﯞﺟﯘﺗﻠﯘﻗﯩﻨﻰ ﺑﯩﻠﻪﺗﺘﯩﻴﯘ ، ﺋﻪﻣﻤﺎ ﺑﯩﺮ - ﺑﯩﺮﯨﻨﯩﯔ ﺋﯧﻬﺘﯩﻴﺎﺟﻰ ، ﺗﻪﻟﭙﯜﻧﯜﺷﻠﯩﺮﯨﻨﻰ ﺑﯩﻠﻪﻟﻤﻪﻳﺘﺘﻰ . ﺑﯩﺰﺩﻩﻙ ﻣﯩﻠﻠﻪﺕ ﺋﯜﭼﯜﻥ ﺋﯧﻴﺘﻘﺎﻧﺪﺍ ، ﺩﯗﻧﻴﺎﻧﯩﯔ ﻳﯩﺮﺍﻕ ﺑﯘﺭﺟﻪﻛﻠﯩﺮﯨﺪﻩ ﺋﯚﺯﮔﯩﭽﻪ ﺋﯩﻘﻠﯩﻤﻼﺭﻧﯩﯔ ﺑﺎﺭﻟﯩﻘﯩﻨﻰ \"\" ﺯﯨﻴﺎﻟﯩﻲ \"\" ﺩﻩﭖ ﺋﺎﺗﺎﻟﻐﺎﻧﻠﯩﺮﯨﻤﯩﺰ ﺧﻪﺭﯨﺘﯩﺪﯨﻦ ﻳﺎﻛﻰ ﺟﯘﻏﺮﺍﭘﯩﻴﻪ ﻛﯩﺘﺎﺑﻠﯩﺮﯨﺪﯨﻦ ﺑﯩﻠﻪﺗﺘﯘﻕ ، ﻣﯘﺗﻠﻪﻕ ﻛﯚﭖ ﺳﺎﻧﺪﯨﻜﻰ ﺳﺎﯞﺍﺗﺴﯩﺰ ﻛﯩﺸﯩﻠﯩﺮﯨﻤﯩﺰ ﺋﯜﭼﯜﻥ ﺋﯧﻴﺘﻘﺎﻧﺪﺍ ، ﺋﯚﺯﯨﻨﯩﯔ ﻣﻪﻫﻪﻟﻠﯩﺴﯩﺪﯨﻦ ﺑﺎﺷﻘﺎ ﺩﯗﻧﻴﺎ ﻣﻪﯞﺟﯘﺕ ﺋﻪﻣﻪﺱ ، ﺋﯘﻻﺭ ﺑﯩﺮﻩﺭ ﻳﻪﺭﻧﯩﯔ ﺑﺎﺭﻟﯩﻘﯩﻨﻰ ﺋﺎﯕﻼﭖ ﻗﺎﻟﺴﺎ \"\" ﺋﯘ ﻳﻪﺭﺩﯨﻤﯘ ﺗﺎﯞﯗﺯ ﺑﺎﺭﻣﯩﻜﻪﻥ ، ﻟﻪﯕﻤﻪﻥ ، ﭘﻮﻟﯘ ﺑﺎﺭﻣﯩﻜﻪﻥ \"\" ﺩﻩﭖ ﺳﻮﺭﯨﺸﯩﺪﯗ ، ﮔﻪﺭﭼﻪ ﺑﯘ ﮔﻪﭖ ﻫﺎﺯﯨﺮﻧﯩﯔ ﺋﯚﺯﯨﮕﻪ ﻣﺎﺱ ﻛﯧﻠﯩﭗ ﻛﻪﺗﻤﯩﺴﯩﻤﯘ . ﺋﻪﻣﻤﺎ ﺋﯘ ﺗﯧﻠﯧﯟﯨﺰﻭﺭ ﻳﯧﺘﯩﭗ ﻛﯧﻠﯩﺸﺘﯩﻦ ﺋﯩﻠﮕﯩﺮﯨﻜﻰ ﺭﯦﺌﺎﻟﻠﯩﻖ ﺋﯩﺪﻯ .

ﺋﻪﮔﻪﺭ ﺋﯩﻘﺘﯩﺴﺎﺩﯨﻲ ﺋﻪﻫﯟﺍﻟﯩﻢ ﻳﺎﺭ ﺑﯧﺮﯨﭗ ، ﺑﯩﺮ ﺩﺍﻧﻪ ﻛﻮﻣﭙﻴﯘﺗﯧﺮ ﯞﻩ ﺋﯧﻨﺘﯩﺮﺗﻮﺭﯨﻐﺎ ﻛﯩﺮﯨﺶ ﻻﻳﺎﻗﯩﺘﯩﻨﻰ ﺳﯧﺘﯩﯟﺍﻟﺴﺎﻡ ، ﺑﯘﻻﺭﻏﺎ ﻣﯘﻧﺎﺳﯩﯟﻩﺗﻠﯩﻚ ﺑﯩﻠﯩﻤﻠﻪﺭﻧﻰ ﺋﯩﮕﯩﻠﻪﭖ ﺑﻮﻟﯘﺵ ﺷﻪﺭﺗﻰ ﺋﺎﺭﻗﯩﺴﯩﺪﺍ ﻧﯘﺭﻏﯘﻥ ﻧﻪﺭﺳﯩﻠﻪﺭﻧﻰ ﺑﯩﻠﯩﺸﻜﻪ ﻣﯘﯞﻩﭘﭙﻪﻕ ﺑﻮﻟﻐﺎﻥ ﺑﻮﻻﺗﺘﯩﻢ :

ﻧﺎﯞﺍﺋﯩﻲ ﺋﻪﺳﻪﺭﻟﯩﺮﻯ ﻗﺎﻧﭽﻪ ﺧﯩﻞ ﺗﯩﻠﻐﺎ ﺗﻪﺭﺟﯩﻤﻪ ﻗﯩﻠﯩﻨﺪﻯ ؟

ﭘﺎﺭﯨﺞ ﻛﯘﺗﯘﭘﺨﺎﻧﯩﺴﯩﺪﺍ ﺳﺎﻗﻠﯩﻨﯩﯟﺍﺗﻘﺎﻥ ﺋﯘﻳﻐﯘﺭ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻘﻠﯩﺮﻯ ﻗﺎﻧﭽﯩﻠﯩﻚ ؟

ﻧﻴﯘ - ﻳﻮﺭﻛﺘﺎ ﻗﺎﻧﭽﯩﻠﯩﻚ ﺋﯘﻳﻐﯘﺭﻻﺭ ﺑﺎﺭ ؟

ﻓﻮﺭﺩ ﻣﺎﺭﻛﯩﻠﯩﻖ ﻣﺎﺷﯩﻨﯩﻨﯩﯔ ﻳﺎﭘﻮﻧﯩﻴﯩﺪﯨﻜﻰ ﺑﺎﻫﺎﺳﻰ ﻗﺎﻧﭽﯩﻠﯩﻚ ؟

ﭘﺎﺑﻠﻮﻧﯧﺮﻭﺩﺍﻧﯩﯔ ﺷﯧﺌﯩﺮﻟﯩﺮﻯ ﺟﻪﻣﯩﻲ ﻗﺎﻧﭽﻪ ﻣﯩﺴﺮﺍ ؟

ﺋﻪﺯﻫﻪﺭ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺑﯩﺮ ﻳﯩﻠﻠﯩﻖ ﺋﻮﻗﯘﺵ ﭘﯘﻟﻰ ﻗﺎﻧﭽﯩﻠﯩﻚ ؟

. . . . . . . . .

ﻣﻪﻥ ﻳﯘﻗﯩﺮﯨﻘﯩﻼﺭﻧﻰ ﺋﯩﮕﯩﻠﻪﺵ ﺑﯩﻠﻪﻥ ﺑﯩﺮﮔﻪ ، ﺋﯚﺯﯛﻣﻨﯩﯔ ﺋﻪﻫﯟﺍﻟﯩﻨﯩﻤﯘ ﺋﻪﯓ ﻳﯩﺮﺍﻕ ﻳﻪﺭﻟﻪﺭﮔﻪ ﺋﯘﻗﺘﯘﺭﺍﻻﻳﻤﻪﻥ . ﺩﯦﻤﻪﻙ ، ﻛﻮﻣﭙﻴﯘﺗﯧﺮ ﻳﻪﺭ ﺷﺎﺭﯨﻨﻰ ﺋﯩﺨﭽﺎﻣﻼﭖ ، ﺑﯩﺮ ﻛﻪﻧﺖ ﻫﺎﻟﯩﺘﯩﮕﻪ ﻛﻪﻟﺘﯜﺭﺩﻯ . ﺑﯜﮔﯜﻧﻜﻰ ﻛﯜﻧﺪﻩ \"\" ﻗﻮﺷﻨﺎ \"\" ﺩﯦﮕﻪﻥ ﺋﯩﺒﺎﺭﯨﺪﻩ ﻛﯚﺭﯛﻧﻪﺭﻟﯩﻚ ﺋﯚﺯﮔﯩﺮﯨﺶ ﺑﻮﻟﺪﻯ . ﺑﻪﺯﯨﺪﻩ ﺋﯩﺸﯩﻜﻰ ﺋﯩﺸﯩﻜﯩﮕﻪ ﻗﺎﺭﺍﭖ ﺗﯘﺭﻏﺎﻥ ﻫﻪﻣﺴﺎﻳﻪﯓ ﺗﻮﻧﯘﻣﺎﻳﺪﯨﻐﺎﻥ ﺋﺎﺩﻩﻣﮕﻪ ﺋﺎﻳﻠﯩﻨﯩﭗ ، ﺳﯧﺪﻧﻰ ﻳﺎﻛﻰ ﺳﯩﻨﮕﺎﭘﻮﺭﺩﯨﻜﻰ ﺷﯧﺮﯨﻜﯩﯔ ﻛﯜﻧﺪﯨﻠﯩﻚ ﺳﯩﺮﺩﯨﺸﯩﯖﻐﺎ ﺋﺎﻳﻠﯩﻨﯩﭗ ﻗﯧﻠﯩﺸﻰ ﻣﯘﻣﻜﯩﻦ . ﺭﻭﺷﻪﻧﻜﻰ ، ﺳﯧﻨﯩﯔ ﺋﺎﻟﺪﯨﯖﺪﺍ ﭘﯜﺗﯜﻥ ﺩﯗﻧﻴﺎ ﺳﯜﺯﯛﻙ ﭘﯧﺘﻰ ﻳﯧﻴﯩﻠﯩﭗ ﺗﯘﺭﻏﺎﻥ ﺑﻮﻟﯩﺪﯗ . ﺧﯘﺩﺩﻯ ﺳﻪﻥ ﻻﻣﭙﯘﭼﻜﯩﻨﯩﯔ ﺳﯩﺮﺗﯩﺪﺍ ﺗﯘﺭﯗﭖ ﺋﯘﻧﯩﯔ ﻗﯩﻠﯩﻨﻰ ﻛﯚﺭﮔﻪﻧﺪﻩﻙ ، ﻛﻮﻣﭙﻴﯘﺗﯧﺮﺩﯨﻦ ﺋﯩﺒﺎﺭﻩﺕ ﺋﺎﻻﻫﯩﺪﻩ \"\" ﺳﻪﺯﮔﯜ \"\" ﺋﺎﺭﻗﯩﻠﯩﻖ ﻛﯚﺯ ﺋﺎﻟﺪﯨﯖﺪﺍ ﺑﻮﻟﻤﯩﻐﺎﻥ ﺩﯗﻧﻴﺎﻧﻰ ﻣﺎﺗﯧﻤﺎﺗﯩﻚ ﺋﯧﻨﯩﻘﻠﯩﻘﺘﺎ ﻛﯚﺭﯛﭖ ﺗﯘﺭﯨﺴﻪﻥ .

ﻣﻪﻥ ﺑﺎﺷﺘﺎ ﺳﻪﺯﮔﯜ ﺋﻮﺭﮔﺎﻧﻠﯩﺮﻯ ﻫﻪﻗﻘﯩﺪﻩ ﺋﺎﺯﺭﺍﻕ ﺗﻮﺧﺘﺎﻟﻐﺎﻧﯩﺪﯨﻢ . ﺋﯩﻨﺴﺎﻧﻼﺭ ﭘﻪﻥ - ﺗﯧﺨﻨﯩﻜﺎ ﻳﺎﺭﺩﯨﻤﻰ ﺋﺎﺭﻗﯩﻠﯩﻖ ﻳﺎﺳﺎﭖ ﭼﯩﻘﻘﺎﻥ ﺋﻮﭘﺘﯩﻜﯩﻠﯩﻖ ﺋﯜﺳﻜﯜﻧﯩﻠﻪﺭ ﯞﻩ ﺑﺎﺷﻘﺎ ﻗﻮﺭﺍﻟﻼﺭ ﺋﯩﻨﺴﺎﻧﻼﺭﻧﯩﯔ ﺗﻪﺑﯩﺌﻪﺕ ﺩﯗﻧﻴﺎﺳﯩﻨﻰ ﺑﯩﻠﯩﺸﯩﺪﯨﻜﻰ ﺳﻪﺯﮔﯜﻧﯩﯔ ﯞﺍﺭﯨﻴﺎﻧﺘﻰ ، ﺩﯦﮕﻪﻥ ﭘﯩﻜﯩﺮﻟﻪﺭ ﺋﻮﻗﯘﺭﻣﻪﻧﻠﻪﺭﻧﯩﯔ ﻧﻪﺯﻩﺭﯨﮕﻪ ﭼﯜﺷﯜﺭﯛﻟﮕﻪﻧﯩﺪﻯ . ﺋﯩﻨﺴﺎﻧﯩﻴﻪﺕ ﺟﻪﻣﯩﻴﯩﺘﯩﻨﯩﯔ ﻗﯘﺭﯗﻟﻤﯩﺴﯩﻐﺎ ﻳﯧﯖﻰ ﻣﻪﺯﻣﯘﻥ ﺋﯧﻠﯩﭗ ﻛﻪﻟﮕﻪﻥ ﻛﻮﻣﭙﻴﯘﺗﯧﺮﻣﯘ ﺋﯩﻨﺴﺎﻧﯩﻴﻪﺗﺘﯩﻜﻰ ﺋﯚﺯﻟﯜﻙ ﻛﯧﯖﻪﻳﻤﯩﭽﯩﻠﯩﻜﯩﻨﯩﯔ ﻣﯘﻫﯩﻢ ﯞﺍﺳﯩﺘﯩﺴﻰ ﺳﯜﭘﯩﺘﯩﺪﻩ ﺗﯘﺭﻣﯘﺷﻨﯩﯔ ﺗﯚﺭﯨﺪﯨﻦ ﺋﻮﺭﯗﻥ ﺋﺎﻟﺪﻯ . ﻛﻮﻣﭙﻴﯘﺗﯧﺮ ﻣﯧﻨﯩﯔ ﺋﯩﺨﺘﯩﻴﺎﺭﯨﻤﻐﺎ ﺋﯚﺗﻜﻪﻥ ﻫﺎﻣﺎﻥ ، ﺋﯘ ﻣﯧﻨﯩﯔ ﻛﯚﺯﯛﻡ ، ﻗﯘﻟﯩﻘﯩﻢ ، ﺗﯧﺮﻩﻡ ، ﻧﯧﺮﯞﺍ ﻫﯜﺟﻪﻳﺮﯨﻠﯩﺮﯨﻤﮕﻪ ﺋﺎﻳﻠﯩﻨﯩﺪﯗ ، ﻣﻪﻥ ﺋﯘ ﺋﺎﺭﻗﯩﻠﯩﻖ ﻳﯩﯖﻨﯩﻨﯩﯔ ﺗﯚﺷﯜﻛﯩﺪﯨﻦ ﺋﯚﺗﻪﻟﻪﻳﻤﻪﻥ ، ﺋﺎﺗﻮﻡ ﻫﻪﺭﯨﻜﯩﺘﯩﻨﯩﯔ ﺩﺍﺋﯩﺮﯨﺴﯩﻨﻰ ﺋﺎﻳﻠﯩﻨﯩﭗ ﭼﯩﻘﺎﻻﻳﻤﻪﻥ ، ﻫﯜﺟﻪﻳﺮﯨﻠﻪﺭﻧﯩﯔ ﺷﻪﻛﻠﻰ ، ﺗﯜﺳﻰ ﯞﻩ ﺗﯜﺯﯛﻟﯜﺷﯩﻨﻰ ﻛﯚﺭﻩﻟﻪﻳﻤﻪﻥ ، ﺩﯦﺴﻨﻰ ﺑﺎﻏﭽﯩﺴﯩﻨﻰ ، ﺑﯜﻳﯜﻙ ﺑﯧﺮﯨﺘﺎﻧﯩﻴﻪ ﻣﯘﺯﯦﻴﯩﻨﻰ ، ﻫﻪﺭﺧﯩﻞ ﺋﺎﺭﺧﯩﭗ ﺋﺎﻣﺒﺎﺭﻟﯩﺮﯨﻨﻰ ﻛﯚﺭﻩﻟﻪﻳﻤﻪﻥ . ﺑﯘ ﻧﻪﺭﺳﯩﻠﻪﺭ ﻣﯧﻨﯩﯔ ﺗﻪﭘﻪﻛﻜﯘﺭ ﭘﺎﺋﺎﻟﯩﻴﯩﺘﯩﻤﻨﯩﯔ ﺗﺎﻳﺎﻧﭻ ﻧﯘﻗﺘﯩﻠﯩﺮﯨﻐﺎ ﺋﺎﻳﻠﯩﻨﯩﺪﯗ - ﺩﻩ ، ﺳﯘﺑﻴﯧﻜﺘﯩﭗ ﺗﻪﺷﻪﺑﺒﯘﺳﻜﺎﺭﻟﯩﻘﯩﻤﻨﻰ ﺗﯧﺨﯩﻤﯘ ﺋﻪﺭﻛﯩﻦ ﺭﻩﯞﯨﺸﺘﻪ ﺋﻪﻣﻪﻟﮕﻪ ﺋﺎﺷﯘﺭﺍﻻﻳﻤﻪﻥ .

ﺋﯧﻨﺘﯩﺮ ﺗﻮﺭﯨﻨﯩﯔ ﺋﻮﺗﺘﯘﺭﯨﻐﺎ ﭼﯩﻘﯩﺸﻰ ﻛﻮﻣﭙﻴﯘﺗﯧﺮﻧﯩﯔ ﺗﻪﺳﯩﺮ ﻛﯜﭼﯩﻨﻰ ﻣﯚﻟﭽﻪﺭﻟﯩﮕﯜﺳﯩﺰ ﺩﻩﺭﯨﺠﯩﺪﻩ ﺯﻭﺭﺍﻳﺘﺘﻰ . ﺋﯧﻨﺘﯩﺮ ﺗﻮﺭﻯ ﻧﯧﻤﻪ ﺋﯜﭼﯜﻥ ﺷﯘﻧﭽﻪ ﻗﯩﺰﻏﯩﻨﻠﯩﻖ ﭘﻪﻳﺪﺍ ﻗﯩﻠﺪﻯ ؟ ﻣﻪﻥ ﺑﯘ ﺳﻮﺋﺎﻟﻐﺎ ﺋﻪﯓ ﻳﺎﺧﺸﯩﺴﻰ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﺩﯦﮕﻪﻧﻠﯩﺮﻯ ﺑﻮﻳﯩﭽﻪ ﺟﺎﯞﺍﺏ ﺑﯧﺮﻩﻱ : \"\" ﺑﺎﺭﻣﯩﻘﯩﯖﯩﺰ ﻗﻮﻟﯩﯖﯩﺰﺩﯨﻜﻰ ﭼﺎﺷﻘﯩﻨﻪﻙ ( ﻣﺎﺋﯘﺱ )ﻧﻰ ﻧﻮﻗﯘﻏﺎﻥ ﻫﺎﻣﺎﻥ ، ﺩﯗﻧﻴﺎﻧﯩﯔ ﻳﯩﺮﺍﻕ ﭼﯧﺘﯩﺪﯨﻜﻰ ﺋﺎﺧﺒﺎﺭﺍﺗﻼﺭ ﺑﯩﺮ ﺗﻮﭖ ﭘﻪﺭﯨﺸﺘﯩﮕﻪ ﺋﺎﻳﻠﯩﻨﯩﭗ ، ﺳﯧﻜﯘﻧﺘﯩﻐﺎ ﻳﻪﺭ ﺷﺎﺭﯨﻨﻰ ﻳﻪﺗﺘﻪ ﻳﯧﺮﯨﻢ ﻗﯧﺘﯩﻢ ﺋﺎﻳﻠﯩﻨﯩﭗ ﭼﯩﻘﻘﯘﺩﻩﻙ ﺳﯜﺭﻩﺕ ﺑﯩﻠﻪﻥ ﻧﯘﺭ ﯞﻩ ﺗﻮﻙ ﻛﺎﺑﯧﻠﻠﯩﺮﻯ ﻳﺎﻛﻰ ﺗﯧﻠﯧﻔﻮﻥ ﺳﯩﻤﻠﯩﺮﻯ ﺋﺎﺭﻗﯩﻠﯩﻖ ﺋﯩﻘﻠﯩﻢ ﺋﺎﺗﻼﭖ ﺋﺎﻟﺪﯨﯖﯩﺰﺩﺍ ﻫﺎﺯﯨﺮ ﺑﻮﻟﯩﺪﯗ \"\" ( \"\" ﺑﯩﻠﯩﻢ ﺋﯩﮕﯩﻠﯩﻜﻰ ﺩﻭﻟﻘﯘﻧﻰ \"\" ، ﺗﺎﯞ ﺩﯦﻴﻪﻥ ﺗﯜﺯﮔﻪﻥ ، ﺟﯘﯕﮕﻮ ﺷﻪﻫﻪﺭ ﻧﻪﺷﺮﯨﻴﺎﺗﻰ 1998 - ﻳﯩﻞ 7 - ﺋﺎﻱ ﻧﻪﺷﺮﻯ ) .

ﻛﻮﻣﭙﻴﯘﺗﯧﺮ ﺋﯩﻨﺴﺎﻧﻼﺭﻏﺎ ﻧﯧﻤﻪ ﺋﯧﻠﯩﭗ ﻛﻪﻟﺪﻯ ؟ ﺋﯘ ﺋﯩﻨﺴﺎﻥ ﺗﻪﺑﯩﺌﯩﺘﯩﺪﯨﻜﻰ ﻗﺎﻳﺴﻰ ﺑﻮﺷﻠﯘﻗﻨﻰ ﺗﻮﻟﺪﯗﺭﺩﻯ ؟

ﺋﯩﻨﺴﺎﻥ ﺋﻪﻗﯩﻞ ﺋﯩﮕﯩﺴﻰ ، ﺷﯘﻧﺪﺍﻗﻼ ﻫﯧﺴﺴﯩﻴﺎﺕ ﺋﯩﮕﯩﺴﻰ . ﺋﯩﻨﺴﺎﻥ ﺋﯚﺯ ﻧﯚﯞﯨﺘﯩﺪﻩ ﻳﻪﻧﻪ ﺋﻪﻗﯩﻞ ﯞﻩ ﻫﯧﺴﺴﯩﻴﺎﺗﻨﯩﯔ ﺗﯘﺗﻘﯘﻧﻰ ، ﺋﻪﺗﺮﺍﭘﯩﺪﯨﻜﻰ ﺩﯗﻧﻴﺎﻏﺎ ﻫﯧﺴﺴﯩﻴﺎﺕ ﺗﯜﺳﻰ ﺑﯧﺮﯨﺸﻨﻰ ﻳﺎﺧﺸﻰ ﻛﯚﺭﯨﺪﯨﻐﺎﻥ ﺭﻭﻣﺎﻧﺘﯩﻚ ﻣﻪﺧﻠﯘﻕ . ﻣﻪﻥ ﺋﯚﺯﯛﻣﻨﻰ ﺋﺎﻟﺴﺎﻡ ، ﺩﯗﻧﻴﺎﻧﻰ ﻛﯚﺯﯨﺘﯩﺸﻨﻰ ، ﻛﯧﺰﯨﺸﻨﻰ ﺧﺎﻻﻳﻤﻪﻥ ، ﺑﯘ ﭼﺎﻏﺪﺍ ﺩﯗﻧﻴﺎ ﻣﺎﯕﺎ ﻗﺎﻧﺪﺍﻗﺘﯘﺭ ﺑﯜﻳﯜﻙ ﺑﯩﺮ ﻫﯧﺴﺴﯩﻴﺎﺗﻨﯩﯔ ﻣﯚﺟﯩﺰﯨﺴﯩﺪﻩﻙ ﻛﯚﺭﯛﻧﯩﺪﯗ . ﺋﺎﻟﺪﯨﻤﺪﺍ ﺑﻮﻏﺪﺍ ﻛﯚﻟﻰ ﺗﯘﺭﻏﺎﻥ ﺑﻮﻟﺴﺎ \"\" ﺑﯘ ﻛﯚﻝ ﻧﯧﻤﯩﺪﯦﮕﻪﻥ ﮔﯜﺯﻩﻝ ، ﺳﯘﻟﯩﺮﻯ ﺯﯗﻣﺮﻩﺗﺘﻪﻙ ﺋﯩﻜﻪﻥ ، ﺋﯘ ﺑﻪﺋﻪﻳﻨﻰ ﺋﺎﭘﺎﻕ ﺭﻭﻣﺎﻝ ﺋﺎﺭﺗﯩﯟﺍﻟﻐﺎﻥ ﺑﻮﻏﺪﺍ ﺋﺎﻧﯩﻨﯩﯔ ﺋﻪﻳﻨﯩﻜﯩﺪﻩﻙ ﺗﯘﺭﯗﭘﺘﯘ \"\" ﺩﯦﻴﯩﺸﯩﻢ ﻣﯘﻣﻜﯩﻦ . ﺩﯦﻤﻪﻙ ، ﻛﯚﺯ ﺋﺎﻟﺪﯨﻤﺪﯨﻜﻰ ﺩﯗﻧﻴﺎﺩﯨﻦ ﺋﺎﺩﻩﻣﻠﻪﺭﮔﻪ ﺧﺎﺱ ﻛﻪﻳﭙﯩﻴﺎﺗﻨﻰ ﻛﯚﺭﺩﯛﻡ . ﻳﯘﻗﯩﺮﯨﻘﯩﻼﺭ ﺑﻮﻏﺪﺍ ﻛﯚﻟﯩﻨﯩﯔ ﺋﯩﻨﺴﺎﻥ ﺗﻪﭘﻪﻛﻜﯘﺭﯨﺪﯨﻜﻰ ﺗﻮﻟﯘﻕ ، ﻣﯘﻛﻪﻣﻤﻪﻝ ﺋﯩﻨﻜﺎﺳﻰ ﺋﻪﻣﻪﺱ . ﺋﯘﻧﯩﯖﻐﺎ \"\" ﺑﯘ ﻛﯚﻟﻨﯩﯔ ﻛﯚﻟﯩﻤﻰ ﻗﺎﻧﭽﯩﻠﯩﻚ ؟ ﭼﻮﯕﻘﯘﺭﻟﯘﻗﻰ ﻗﺎﻧﭽﯩﻠﯩﻚ ؟ ﻗﺎﻧﭽﯩﻠﯩﻚ ﺳﯘ ﺳﯩﻐﯩﺪﯗ ؟ \"\" ﺩﯦﮕﻪﻥ ﺳﻮﺋﺎﻟﻼﺭﻏﺎ ﺑﯧﺮﯨﻠﮕﻪﻥ ﺋﯧﻨﯩﻖ ﺳﺎﻧﻠﯩﻖ ﺟﺎﯞﺍﺑﻼﺭﻣﯘ ﻗﻮﺷﯘﻟﯘﺷﻰ ﻛﯧﺮﻩﻙ ﯞﻩ ﺑﺎﺷﻘﯩﻼﺭ . ﺑﯘ ﺑﯩﺮ ﺟﻪﻫﻪﺗﺘﯩﻦ ، ﻛﻪﺳﭙﯩﻲ ﺋﺎﺩﻩﺕ ﺷﻪﻛﯩﻠﻠﻪﻧﺪﯛﺭﮔﻪﻥ ﺗﻪﭘﻪﻛﻜﯘﺭ ﺷﻪﻛﻠﯩﮕﻪ ﺑﺎﻏﻠﯩﻖ ﺑﻮﻟﺴﯩﻤﯘ ، ﻳﻪﻧﻪ ﺑﯩﺮ ﺟﻪﻫﻪﺗﺘﯩﻦ ، ﺋﯩﻨﺴﺎﻧﺪﯨﻜﻰ ﺗﯘﻏﻤﺎ ﻛﻪﻳﭙﯩﻴﺎﺗﻼﺷﺘﯘﺭﯗﺵ ﺧﺎﻫﯩﺸﯩﻨﯩﯔ ﻣﻪﻫﺴﯘﻟﻰ .

ﻛﻮﻣﭙﻴﯘﺗﯧﺮﭼﯘ ؟ ﺋﯘ ﻫﯧﺴﺎﺑﻼﻳﺪﯗ ، ﺋﯘﻧﯩﯔ ﺑﺎﻳﺎﻥ ﻗﯩﻠﯩﺸﺘﺎ ﺗﺎﻳﯩﻨﯩﺪﯨﻐﺎﻥ ﺗﯩﻠﻰ ﺳﺎﻧﺪﯨﻦ ﺋﯩﺒﺎﺭﻩﺕ . ﺋﯘﻧﯩﯔ ﻣﻪﻟﯘﻣﺎﺗﻠﯩﺮﻯ ﻣﯘﺗﻠﻪﻕ ﺋﯧﻨﯩﻘﻠﯩﻘﻘﺎ ﺋﯩﮕﻪ . ﺩﯦﻤﻪﻙ ، ﻛﻮﻣﭙﻴﯘﺗﯧﺮ ﺋﯩﻨﺴﺎﻧﺪﯨﻜﻰ ﺋﯧﺘﯩﻘﺎﺩ ، ﻫﯧﺴﺴﯩﻴﺎﺕ ، ﺋﯩﺮﺍﺩﻩ ﺗﯜﭘﻪﻳﻠﻰ ﻛﯧﻠﯩﭗ ﭼﯩﻘﯩﺪﯨﻐﺎﻥ ﺋﺎﺟﯩﺰﻟﯩﻘﯩﻨﻰ ﺗﻮﻟﯘﻗﻼﭖ ، ﺧﯩﺰﻣﻪﺕ ، ﭘﯩﻼﻥ ، ﻻﻳﯩﻬﻪ ، ﻫﯧﺴﺎﺑﻼﺵ ، ﻫﯚﻛﯜﻡ ﻗﺎﺗﺎﺭﻟﯩﻖ ﺟﻪﺭﻳﺎﻧﻼﺭﻧﻰ ﺗﻮﻏﺮﺍ ﻣﻪﻧﺘﯩﻘﯩﻲ ﺋﯩﺰﭼﯩﻠﻠﯩﻖ ﺑﯩﻠﻪﻥ ﺗﻪﻣﯩﻨﻠﻪﻳﺪﯗ . ﻣﻪﻟﯘﻣﻜﻰ ، ﺋﯩﻨﺴﺎﻥ ﻣﯧﯖﯩﺴﻰ ﺑﯩﻠﻪﻥ ﻛﻮﻣﭙﻴﯘﺗﯧﺮﻧﯩﯔ ﺑﯩﺮ ﻳﻪﺭﮔﻪ ﻛﯧﻠﯩﺸﻰ ﺭﻭﻣﺎﻧﺘﯩﻜﺎ ﺑﯩﻠﻪﻥ ﻟﻮﮔﯩﻜﯩﻨﯩﯔ ﻗﻮﺷﯘﻟﯘﺷﻰ ، ﻛﯚﺯﯨﺘﯩﺶ ﺑﯩﻠﻪﻥ ﻫﯧﺴﺎﺑﻼﺷﻨﯩﯔ ﻗﻮﺷﯘﻟﯘﺷﯩﺪﯗﺭ .

ﻛﻮﻣﭙﻴﯘﺗﯧﺮ ﻣﺎﻛﺮﻭ ﯞﻩ ﻣﯩﻜﺮﻭ ﺩﯗﻧﻴﺎﻧﻰ ﺋﯧﻨﯩﻖ ﺑﯩﻠﺪﯛﺭﯨﺪﯨﻐﺎﻥ ﻳﻪﺗﺘﯩﻨﭽﻰ ﺧﯩﻞ ﺳﻪﺯﮔﯜ ﺋﻮﺭﮔﯩﻨﻰ ، ﺋﯘ ﺋﯩﻨﺴﺎﻧﻼﺭﺩﯨﻜﻰ ﺑﻪﺵ ﺧﯩﻞ ﺗﻪﺑﯩﺌﯩﻲ ﺳﻪﺯﮔﯜ ﯞﻩ ﺋﻪﻗﯩﻠﺪﯨﻦ ﺋﯩﺒﺎﺭﻩﺕ ﺋﺎﻟﺘﯩﻨﭽﻰ ﺳﻪﺯﮔﯜﻧﻰ ﺋﯚﺯﯨﺪﻩ ﺋﺎﻟﯩﻲ ﻣﯘﻗﺎﻣﺪﺍ ﻧﺎﻣﺎﻳﺎﻥ ﻗﯩﻠﯩﺪﯗ .

ﺑﯩﻠﯩﺸﻜﻪ ﺑﻮﻟﯩﺪﯗﻛﻰ ، ﺋﯧﻠﯧﻜﺘﺮﻭﻥ ﺗﯧﺨﻨﯩﻜﯩﺴﻰ ﺧﻪﻟﻘﻨﻰ ﻫﻪﻣﻤﯩﺪﯨﻦ ﻣﻪﻫﺮﯗﻡ ﻫﺎﻟﺪﺍ ﻳﯧﭙﯩﻖ ﭼﺎﺭﻩ ﺑﯩﻠﻪﻥ ﺑﺎﺷﻘﯘﺭﯨﺪﯨﻐﺎﻥ ﻣﯘﺳﺘﻪﺑﯩﺖ ﻛﻮﻧﺎ ﺗﯜﺯﯛﻣﻨﯩﯔ ﺩﯛﺷﻤﯩﻨﻰ ﺑﻮﻟﯘﭖ ، ﺋﯩﻠﯩﻤﻨﯩﯔ ﺩﯦﻤﻮﻛﺮﺍﺗﯩﻴﯩﮕﻪ ﻣﺎﻳﯩﻞ ﻫﯚﺭ ﺧﺎﺭﺍﻛﺘﯧﺮﯨﻨﻰ ﻫﻪﻗﯩﻘﯩﻲ ﺗﯜﺭﺩﻩ ﺋﯩﺴﭙﺎﺗﻼﻳﺪﯗ . ﺑﯩﺮﺍﻕ ﺑﯘﻧﯩﯔ ﺋﯜﭼﯜﻥ ﺑﯩﺮ ﺷﻪﺭﺕ ﺑﺎﺭ ، ﺋﯘ ﺑﻮﻟﺴﯩﻤﯘ ﺧﻪﻟﻖ ﺋﻪﻧﻪ ﺷﯘ ﺗﯧﺨﻨﯩﻜﯩﻨﯩﯔ ﻗﻮﺑﯘﻝ ﻗﯩﻠﻐﯘﭼﯩﺴﻰ ﯞﻩ ﺑﺎﺷﻘﯘﺭﻏﯘﭼﯩﺴﻰ ﺑﻮﻻﻟﯩﺸﻰ ﻛﯧﺮﻩﻙ .

ﻣﯘﺷﯘ ﻳﻪﺭﮔﻪ ﻛﻪﻟﮕﻪﻧﺪﻩ ، ﺋﻪﺩﻩﺑﯩﻴﺎﺕ ﺗﯘﺭﻣﯘﺷﻨﻰ ﺋﯚﺯﮔﻪﺭﺗﯩﺪﯗ ، ﺧﻪﻟﻘﻨﻰ ﻳﯧﺘﻪﻛﻠﻪﻳﺪﯗ ﺩﯦﮕﯜﭼﯩﻠﻪﺭﮔﻪ ﺷﯘﻧﻰ ﺋﯧﻴﺘﻘﯘﻡ ﻛﯧﻠﯩﺪﯗ : ﺋﻪﺩﻩﺑﯩﻴﺎﺕ ﺋﯚﺯﮔﻪﺭﺗﻤﻪﻳﺪﯗ ، ﺳﺎﻗﻼﻳﺪﯗ ، ﺋﯘ ﺋﯩﻨﺴﺎﻧﻨﯩﯔ ﻣﻪﯕﮕﯜ ﺋﯚﺯﮔﻪﺭﻣﻪﺱ ﺗﻪﺑﯩﺌﯩﺘﯩﻨﻰ ، ﺋﯩﻨﺴﺎﻧﻨﯩﯔ ﻫﻪﺭﺑﯩﺮ ﻣﻮﻣﯧﻨﺘﺘﯩﻜﻰ ﻗﯩﻤﻤﯩﺘﯩﻨﻰ ﺋﻮﻕ ﻗﯩﻠﯩﭗ ﺋﺎﻳﻠﯩﻨﯩﺪﯗ ، ﺋﯘ ﻛﯩﺸﯩﻠﻪﺭﮔﻪ ﻣﻪﻟﯘﻡ ﻣﯩﻜﺮﻭ ﺗﯜﺳﻰ ﺑﯧﺮﯨﺪﯗ . ﺑﯩﺮﺍﻕ ﻫﻪﻣﻤﯩﮕﻪ ﻗﺎﺩﯨﺮ ﺗﻪﭘﻪﻛﻜﯘﺭ ﺷﻪﻛﻠﻰ ﺋﺎﺗﺎ ﻗﯩﻼﻟﻤﺎﻳﺪﯗ ، ﺋﻪﻟﯟﻩﺗﺘﻪ . ﭘﻪﻧﻤﯘ ﻳﻪﻛﻜﻪ - ﻳﯧﮕﺎﻧﻪ ﻫﺎﻟﺪﺍ ﻣﻪﺳﯩﻠﯩﻨﻰ ﺋﯜﺯﯛﻝ - ﻛﯧﺴﯩﻞ ﻫﻪﻝ ﻗﯩﻼﻟﻤﺎﻳﺪﯗ ، ﻣﯘﺑﺎﺩﺍ ﺑﯩﺮﻩﺭ ﻗﯘﺩﺭﻩﺗﻠﯩﻚ ﺗﯧﺨﻨﯩﻜﺎ ﺋﯩﻨﺴﺎﻧﯩﻴﻪﺗﻨﻰ ﯞﻩ ﺋﯩﻨﺴﺎﻧﯩﻴﻪﺗﻨﯩﯔ ﭘﻪﺭﯞﯨﺸﻜﺎﺭﯨﻨﻰ ﺳﯚﻳﯩﺪﯨﻐﺎﻥ ﻫﺎﻻﻝ ﺋﻪﻗﯩﺪﻩ ﺋﯩﮕﯩﺴﯩﮕﻪ ﺋﻪﻣﻪﺱ ، ﺑﻪﻟﻜﻰ ﻛﯚﯕﻠﯩﺪﻩ ﻳﺎﯞﯗﺯﻟﯘﻕ ﻗﯘﺗﺮﺍﭖ ﺗﯘﺭﻏﺎﻥ ﺗﻪﻟﯟﯨﻠﻪﺭﮔﻪ ﻣﻪﻧﺴﯘﭖ ﺑﻮﻟﺴﺎ ، ﺋﯩﻨﺴﺎﻧﯩﻴﻪﺕ ﺗﻪﻗﺪﯨﺮﻯ ﺋﺎﭘﻪﺕ ﺋﯩﭽﯩﺪﻩ ﻗﺎﻟﯩﺪﯗ ، ﻣﺎﻧﺎ ﺑﯘﻣﯘ ﺋﻮﺧﺸﺎﺷﻼ ﺗﯧﺨﻨﯩﻜﯩﻨﯩﯔ ﺋﺎﻗﯩﯟﯨﺘﻰ .

ﺑﯩﺮﺍﯞ ﺑﯩﺮ ﺩﺍﻧﯩﺸﻤﻪﻧﺪﯨﻦ ﺷﯘﻧﺪﺍﻕ ﺳﻮﺭﺍﭘﺘﯘ :

_ ﻗﺎﭼﺎﻥ ﻗﯩﻴﺎﻣﻪﺕ ﻗﺎﻳﯩﻢ ﺑﻮﻟﯩﺪﯗ ؟

_ ﺋﯧﺘﯩﻘﺎﺩ ﻳﻮﻗﺎﻟﻐﺎﻧﺪﺍ .

_ ﺋﯧﺘﯩﻘﺎﺩ ﻗﺎﻧﺪﺍﻕ ﯞﺍﻗﯩﺘﺘﺎ ﻳﻮﻗﺎﻟﻐﺎﻥ ﺑﻮﻟﯩﺪﯗ ؟

_ ﺋﯩﺶ ﺷﯘ ﺋﯩﺸﻨﯩﯔ ﺋﻪﻫﻠﻰ ﺑﻮﻟﻤﯩﻐﺎﻥ ﺋﺎﺩﻩﻣﻠﻪﺭﻧﯩﯔ ﻗﻮﻟﯩﻐﺎ ﺗﺎﭘﺸﯘﺭﯗﻟﻐﺎﻧﺪﺍ ( ﻫﺎﺭﺍﻡ ﻫﺎﻻﻟﻐﺎ ﻫﺎﻛﯩﻢ ﺑﻮﻟﻐﺎﻧﺪﺍ ، ﻳﺎﻟﻐﺎﻥ ﺭﺍﺳﺘﻘﺎ ﺋﻪﻣﯩﺮ ﺑﻮﻟﻐﺎﻧﺪﺍ ) ﻗﯩﻴﺎﻣﻪﺗﻨﻰ ﻛﯜﺗﺴﻪﯓ ﺑﻮﻟﯩﺪﯗ .

ﭘﻪﻧﻨﻰ ﺑﯩﻠﯩﭗ ، ﺳﻪﻧﻪﺗﻨﻰ ﭼﯜﺷﻪﻧﻤﯩﮕﻪﻧﻠﻪﺭ ﻳﯧﺮﯨﻢ ﻧﺎﺩﺍﻥ ، ﺳﻪﻧﻪﺗﻨﻰ ﺑﯩﻠﯩﭗ ، ﭘﻪﻧﻨﻰ ﭼﯜﺷﻪﻧﻤﯩﮕﻪﻧﻠﻪﺭ ﻳﯧﺮﯨﻢ ﻧﺎﺩﺍﻥ ، ﻳﯘﻗﯩﺮﯨﻘﯩﻼﺭﻧﻰ ﺑﯩﻠﯩﭗ ﺋﻪﻗﯩﺪﯨﻨﻰ ﭼﯜﺷﻪﻧﻤﯩﮕﻪﻧﻠﻪﺭ ﭘﯜﺗﯜﻥ ﻧﺎﺩﺍﻥ .

ﻣﺎﺩﺩﯨﻲ ﺑﯘﻳﯘﻣﻼﺭﻣﯘ ﺋﯩﺪﯨﻴﯩﻨﻰ ﺋﯩﺴﻼﻫ ﻗﯩﻠﯩﺶ ﻛﯜﭼﯩﮕﻪ ﺋﯩﮕﻪ ، ﺗﯧﻠﯧﯟﯨﺰﻭﺭ ( ﺳﯩﻤﻠﯩﻖ ﺗﯧﻠﯧﯟﯨﺰﯨﻴﻪ ﻗﺎﻧﺎﻟﻠﯩﺮﯨﺪﯨﻜﻰ ﭼﻪﺕ ﺋﻪﻝ ﻓﯩﻠﯩﻤﻠﯩﺮﻯ ) ، ﭼﺎﻗﯩﺮﻏﯘ ، ﺗﯘﻏﯘﺗﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﻛﻮﻣﯘﻟﯩﭽﻰ ، ﻫﺎﺭﺍﻕ ، \"\" ﺑﻪﺷﺘﻪ ﻳﺎﺧﺸﻰ ﻣﻪﺳﭽﯩﺖ \"\" ﺷﺎﻫﺎﺩﻩﺗﻨﺎﻣﯩﺴﻰ . . . ﺋﯘﻳﻐﯘﺭ ﺟﻪﻣﯩﻴﯩﺘﯩﻨﯩﯔ ﺋﻪﺧﻼﻕ ﺳﯩﺴﺘﯧﻤﯩﺴﯩﻨﻰ ﻫﻪﻳﺮﺍﻥ ﻗﺎﻻﺭﻟﯩﻖ ﺩﻩﺭﯨﺠﯩﺪﻩ ﺋﯚﺯﮔﻪﺭﺗﯩﭗ ﺗﺎﺷﻠﯩﺪﻯ . ﺑﯘﻻﺭ ﺋﺎﻟﺪﯨﺪﺍ ﺷﺎﺋﯩﺮﻻﺭﻧﯩﯔ ﺋﺎﻕ ﻛﯚﯕﯜﻟﻠﻪﺭﭼﻪ ﻧﻪﺳﯩﻬﻪﺗﻠﯩﺮﻯ ، ﻣﯘﯕﻠﯘﻕ ﻛﯚﺯ ﻳﺎﺷﻠﯩﺮﻯ ﻛﺎﺭ ﻗﯩﻠﻤﯩﺪﻯ . ﻣﺎﺩﺩﯨﻲ ﻧﻪﺭﺳﯩﻠﻪﺭ ﺗﺎﺭﯨﺨﻨﯩﯔ ﯞﯗﺟﯘﺩﯨﺪﯨﻜﻰ ﺋﯜﮔﯩﻠﻪﺭﺩﯗﺭ . ﺋﯘ ﺟﻪﻣﯩﻴﻪﺗﻨﯩﯔ ﻣﺎﺩﺩﯨﻲ ﺗﯘﺭﻣﯘﺵ ﺷﺎﺭﺍﺋﯩﺘﯩﻨﻰ ﺋﯚﺯﮔﻪﺭﺗﯩﺶ ﺑﯩﻠﻪﻥ ﺑﯩﺮﮔﻪ ﻳﻪﻧﻪ ﺭﻭﻫﻤﯘ ﭘﻪﻳﺪﺍ ﻗﯩﻠﯩﺪﯗ . ﺑﯘ ﺭﻭﻫ ﻣﯘﺯﯨﻜﺎ ، ﺭﻩﺳﯩﻢ ﯞﻩ ﺋﻪﺩﻩﺑﯩﻴﺎﺗﺘﯩﻜﻰ ﻧﯘﻗﺘﯩﻨﻪﺯﻩﺭﻟﻪﺭﮔﻪ ﺗﻪﺳﯩﺮ ﻛﯚﺭﺳﯩﺘﯩﺪﯗ . ﺑﯘ ﻫﻪﻗﺘﻪ ﻓﺮﺍﻧﺴﯩﻴﻪ ﺋﺎﯓ ﺋﯧﻘﯩﻤﻰ ﻳﺎﺯﻏﯘﭼﯩﺴﻰ ﻣﺎﺭﺳﯩﻞ ﭘﯘﺭﯗﺳﺘﻰ ﻣﯘﻧﺪﺍﻕ ﺩﯦﮕﻪﻧﯩﻜﻪﻥ : \"\" ﺗﺎﺭﯨﺦ ﺋﻪﻗﯩﻞ ﻳﻪﺗﻤﻪﻳﺪﯨﻐﺎﻥ ﻳﻪﺭﮔﻪ ﻳﻮﺷﯘﺭﯗﻧﻐﺎﻥ ﺑﻮﻟﯩﺪﯗ ، ﺑﯘ ﺩﻩﻝ ﺑﯩﺰ ﻗﯩﻴﺎﺱ ﻗﯩﻠﯩﭗ ﺑﻮﻟﻤﯩﻐﺎﻥ ﻣﺎﺩﺩﯨﻲ ﻧﻪﺭﺳﯩﻠﻪﺭ \"\" . ﺑﯧﻞ ﮔﯧﻴﺘﺲ : \"\" ﺑﯩﺮ ﻛﻪﺷﭙﯩﻴﺎﺕ ﺋﻪﮔﻪﺭ ﻛﯩﺸﯩﻨﻰ ﻣﻪﺳﺘﺎﻧﻪ ﻗﯩﻠﯩﺪﯨﻐﺎﻥ ﺋﺎﻻﻫﯩﺪﯨﻠﯩﻜﻜﻪ ﺋﯩﮕﻪ ﺑﻮﻟﻤﯩﺴﺎ ، ﺋﻮﻣﯘﻣﻠﯩﺸﺎﻟﻤﺎﻳﺪﯗ \"\" ﺩﯦﮕﻪﻧﯩﻜﻪﻥ . ﺑﯜﮔﯜﻧﻜﻰ ﺋﯘﻳﻐﯘﺭ ﺟﻪﻣﯩﻴﯩﺘﻰ ﻛﻮﻣﭙﻴﯘﺗﯧﺮﻧﻰ ﺋﯚﺯ ﺗﯘﺭﻣﯘﺷﯩﻨﯩﯔ ﻣﯘﻫﯩﻢ ﺋﻪﺯﺍﺳﯩﻐﺎ ﺋﺎﻳﻼﻧﺪﯗﺭﻣﺎﻗﭽﻰ ﺑﻮﻟﯩﺪﯨﻜﻪﻥ ، ﺋﺎﻟﺪﻯ ﺑﯩﻠﻪﻥ ﻛﯩﺸﯩﻠﻪﺭﺩﻩ ﻣﻪﺩﻩﻧﯩﻴﻪﺗﻜﻪ ﻧﯩﺴﺒﻪﺗﻪﻥ ﻗﯩﺰﻏﯩﻦ ﺋﯧﻬﺘﯩﻴﺎﺝ ﭘﻪﻳﺪﺍ ﻗﯩﻠﯩﺸﻰ ﺯﯙﺭﯛﺭ . ﺑﯘ ﺋﯧﻬﺘﯩﻴﺎﺝ ﻣﺎﺋﺎﺭﯨﭗ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ . ﻛﻮﻣﭙﻴﯘﺗﯧﺮ ﺭﯨﺸﺎﺗﻜﯩﻼﻧﻐﺎﻥ ﻣﻪﻛﺘﻪﭖ ﻗﻮﺭﯗﺳﯩﻨﯩﯔ ﻣﯘﺗﻪﺋﻪﺳﺴﯩﭗ ، ﻳﯧﭙﯩﻖ ﺋﻮﺭﮔﺎﻥ ﺋﯩﻜﻪﻧﻠﯩﻜﯩﻨﻰ ﺋﺎﺷﻜﺎﺭﯨﻼﭖ ﻗﻮﻳﺪﻯ ، ﺷﯘﻧﺪﺍﻗﻼ ﭘﯜﺗﻜﯜﻝ ﺟﻪﻣﯩﻴﻪﺗﻨﻰ ﺋﯚﮔﯩﻨﯩﺶ ﺑﺎﺯﯨﺴﯩﻐﺎ ﺋﺎﻳﻼﻧﺪﯗﺭﺩﻯ . ﺷﯘﻧﯩﯖﺪﯨﻦ ﻗﺎﺭﯨﻐﺎﻧﺪﺍ ، ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﻣﺎﺋﺎﺭﯨﭗ ﺳﯩﺴﺘﯧﻤﯩﺴﻰ ﺋﺎﺭﻗﺎ - ﺋﺎﺭﻗﯩﺪﯨﻦ ﺩﺍﯞﺍﻟﻐﯘﭖ ﻛﯧﻠﯩﯟﺍﺗﻘﺎﻥ ﻳﯧﯖﻰ ﺩﻭﻟﻘﯘﻧﻨﯩﯔ ﺯﻩﺭﺑﯩﺴﯩﻨﻰ ﻛﯜﺗﯜﯞﺍﺗﯩﺪﯗ ، ﺩﯦﻴﯩﺸﻜﻪ ﺑﻮﻟﯩﺪﯗ .

ﺑﯩﺰﮔﻪ ﺋﺎﻧﺎ ﺗﯩﻠﻨﻰ ﺑﯩﻠﯩﺶ ﺋﯩﻨﺘﺎﻳﯩﻦ ﻣﯘﻫﯩﻢ، ﺑﯩﺮﺍﻕ ﻣﻪﻛﺘﻪﭘﻠﻪﺭﻧﯩﯔ ﺑﯘ ﻫﻪﻗﺘﯩﻜﻰ ﺭﻭﻟﻰ ﻳﯧﺘﻪﺭﻟﯩﻚ ﺑﻮﻟﻤﺎﻳﻼ ﻗﺎﻟﻤﺎﺳﺘﯩﻦ ، ﺑﻪﻟﻜﻰ ﺋﯩﻨﺘﺎﻳﯩﻦ ﺗﯚﯞﻩﻥ . ﺋﺎﻧﺎ ﺗﯩﻞ ﺋﺎﺳﺎﺳﻰ ﭘﯘﺧﺘﺎ ﺑﻮﻟﻤﯩﻐﺎﻧﻼﺭ ﺑﺎﺷﻘﺎ ﺗﯩﻠﻼﺭﻧﻰ ﻗﺎﻧﭽﯩﻠﯩﻚ ﺋﯚﮔﻪﻧﺴﯘﻥ ؟ ﻛﯩﺸﯩﻨﯩﯔ ﺋﯩﭽﻜﻰ - ﺗﺎﺷﻘﻰ ﻣﯘﻫﯩﺘﻰ ، ﺋﺎﺭﺯﯗﺳﻰ ، ﺩﻩﺭﺩ - ﻫﻪﺳﺮﯨﺘﻰ ، ﺗﻪﻗﺪﯨﺮﻯ ﺑﯩﻠﻪﻥ ﻧﺎﺯﯗﻙ ﺑﺎﻏﻼﻧﻤﯩﻐﺎﻥ ﺗﯩﻞ ﭘﺎﺋﺎﻝ ﺗﻪﭘﻪﻛﻜﯘﺭﯨﻤﯩﺰﻧﯩﯔ ﺋﯩﺸﻪﻧﭽﻠﯩﻚ ﻫﻪﻣﺮﺍﻫﻰ ﺑﻮﻻﻟﻤﺎﻳﺪﯗ . ﺋﺎﻧﺎ ﺗﯩﻞ ﻛﯩﺸﯩﻨﯩﯔ ﯞﯨﺠﺪﺍﻧﻰ ﯞﻩ ﺗﻪﺑﯩﺌﯩﺘﻰ ﺑﯩﻠﻪﻥ ﻗﻮﺷﯘﻟﯘﭖ ﻛﻪﺗﻜﻪﭼﻜﻪ ، ﺗﻪﺗﻘﯩﻘﺎﺕ ﻫﺎﻳﺎﺗﯩﺪﺍ ﮔﯧﻨﺪﻩﻙ ﺋﺎﺳﺎﺳﯩﻲ ﺭﻭﻝ ﺋﻮﻳﻨﺎﻳﺪﯗ .

ﺑﯩﺰ ﺋﺎﻧﺎ ﺗﯩﻞ ﺗﻪﺭﺑﯩﻴﯩﺴﯩﻨﻰ ﻣﯘﻛﻪﻣﻤﻪﻝ ﻗﻮﺑﯘﻝ ﻗﯩﻠﯩﺶ ﺷﻪﺭﺗﻰ ﺋﺎﺳﺘﯩﺪﺍ ، ﺧﻪﻧﺰﯗ ﺗﯩﻠﻰ ﯞﻩ ﺑﺎﺷﻘﺎ ﭼﻪﺕ ﺋﻪﻝ ﺗﯩﻠﻠﯩﺮﯨﻨﻰ ﺋﯚﮔﯩﻨﯩﺸﯩﻤﯩﺰ ﻛﯧﺮﻩﻙ . ﻛﻮﻣﭙﻴﯘﺗﯧﺮﻧﻰ ﻧﯚﯞﻩﺗﺘﯩﻜﻰ ﺗﯘﺭﻣﯘﺵ ﻗﻮﺭﺍﻟﯩﻤﯩﺰﻏﺎ ﺋﺎﻳﻼﻧﺪﯗﺭﯗﺵ ﺋﯜﭼﯜﻥ ، ﭼﻪﺕ ﺋﻪﻝ ﺗﯩﻠﻰ ﻣﺎﺋﺎﺭﯨﭙﯩﻐﺎ ﯞﻩ ﻣﺎﺗﯧﻤﺎﺗﯩﻜﯩﻐﺎ ، ﺗﻪﭘﻪﻛﻜﯘﺭ ﭘﻪﻧﻠﯩﺮﯨﮕﻪ ﻳﯜﻛﺴﻪﻙ ﺋﻪﻫﻤﯩﻴﻪﺕ ﺑﯧﺮﯨﺸﯩﻤﯩﺰ ﻛﯧﺮﻩﻙ .

1999 - ﻳﯩﻞ

( \"\" ﺋﺎﺑﺪﯗﻗﺎﺩﯨﺮ ﺟﺎﻻﻟﯩﺪﯨﻦ ﻣﺎﻗﺎﻟﯩﻠﯩﺮﻯ \"\" ﻧﺎﻣﻠﯩﻖ ﻛﯩﺘﺎﺑﺪﯨﻦ ﺋﯧﻠﯩﻨﺪﻯ )