ﺷﺎﻥ ﺷﻪﺭﻩﭖ ﯞﻩ ﻣﯩﻠﻠﻰ ﺭﻭﻫ

ﺷﺎﻥ ﺷﻪﺭﻩﭖ ﯞﻩ ﻣﯩﻠﻠﻰ ﺭﻭﻫ

يوللىغان ۋاقتى 2006-7-23

ﻳﻮﻟﻠﯩﻐﯘﭼﻰ:ﺑﯩﺪﺍﺭ

ﺳﯩﺰ ﺑﺎﺗﯘﺭ ﺗﺎﻍ ﻳﯜﺭﻩﻙ ﺋﻪﺯﯨﻤﻪﺗﻠﻪﺭ ﻣﯜﺷﻜﯜﻝ ﺟﻪﯕﻠﻪﺭﺩﻩ ﺯﻩﭘﻪﺭ ﻗﯘﭼﻘﺎﻧﺪﺍ، ﺗﻪﻧﺘﻪﺭﺑﯩﻴﻪ ﭼﻮﻟﭙﺎﻧﻠﯩﺮﻯ، ﻣﻪﺭﯨﭙﻪﺕ ﺩﯗﻟﺪﯗﻟﻠﯩﺮﻯ ﺩﯗﻧﻴﺎﯞﻯ ﺑﻪﻳﮕﯩﻠﻪﺭﺩﻩ، ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﻠﻪﺭﺩﻩ ﺋﯚﺯ ﺭﯨﻘﺎﺑﻪﺗﭽﯩﻠﯩﺮﯨﻨﻰ ﻳﯧﯖﯩﭗ ﺷﯚﻫﺮﻩﺕ ﻗﺎﺯﺍﻧﻐﺎﻧﺪﺍ، ﺋﯘﻻﺭﻧﻰ ﭘﻪﭘﯩﻠﻪﭖ ﺋﯚﺳﺘﯜﺭﮔﻪﻥ ﺋﺎﻧﺎ ﯞﻩﺗﻪﻧﻨﯩﯔ ﺟﺎﻧﻠﯩﻨﯩﭗ ﺳﯩﻠﻜﯩﻨﮕﯩﻨﯩﻨﻰ، ﺋﯘﻻﺭﻏﺎ ﺋﻪﻗﯩﺪﻩ ﻗﯩﻠﻐﺎﻥ ﺧﻪﻟﻘﻨﯩﯔ ﺋﻮﺭﯗﻧﻠﯩﺮﯨﺪﯨﻦ ﺗﯘﺭﯗﭖ ﻛﻪﺗﻜﯩﻨﯩﻨﻰ، ﻫﺎﻳﺎﺟﺎﻥ ﻳﺎﺷﻠﯩﺮﯨﻨﻰ ﺗﯚﻛﯜﭖ، ﺋﺎﺷﯘ ﺋﻪﺯﯨﻤﻪﺗﻠﻪﺭﻧﻰ ﺧﯘﺵ ﭘﯘﺭﺍﻕ ﮔﯜﻟﻠﻪﺭﮔﻪ ﻛﯚﻣﯜﯞﻩﺗﻜﻪﻧﻠﯩﻜﯩﻨﻰ، ﺋﯘﻻﺭﻧﯩﯔ ﺋﯜﺳﺘﯩﯟﯦﺸﯩﻐﺎ ﯞﻩﺗﻪﻥ ﺑﺎﻳﺮﯨﻘﯩﻨﻰ ﻳﯧﭙﯩﭗ، ﺋﯘﻻﺭﻧﻰ ﻗﯘﭼﺎﻗﻼﭖ، ﺳﯚﻳﯜﭖ ﺋﺎﭘﯩﺮﯨﻦ ﺋﻮﻗﯘﻏﺎﻧﻠﯩﻘﯩﻨﻰ، ﺗﻪﻧﺘﻪﻧﻪ ﻗﯩﻠﯩﺸﻘﺎﻧﻠﯩﻘﯩﻨﻰ ﻛﯚﺭﮔﻪﻧﻤﯘ؟ ﺑﯘ ﺩﯦﮕﻪﻥ ﺑﯩﺮ ﻛﯜﭼﻠﯜﻙ ﻣﯘﻫﻪﺑﺒﻪﺕ، ﺑﯩﺮ ﺋﯘﻟﯘﻍ ﺭﻭﻫ، ﻣﯘﻗﻪﺩﺩﻩﺱ ﻫﻪﻡ ﭘﺎﻙ ﻏﻮﺭﯗﺭ، ﺑﯘﻻﺭﻧﯩﯔ ﻫﻪﻣﻤﯩﺴﯩﻨﻰ ﺋﺎﺷﯘ ﺋﻪﺯﯨﻤﻪﺗﻠﻪﺭ ﺋﻮﻳﻐﺎﺗﻘﺎﻥ. ...................

ﻛﯚﭖ ﯞﺍﻗﯩﺘﻼﺭﺩﯨﻦ ﺑﯩﺮﻯ ﺑﯩﺰ ﭘﻪﻗﻪﺕ ﺩﯗﻧﻴﺎﺩﯨﻜﻰ ﺑﺎﺷﻘﺎ ﺋﻪﻝ، ﺑﺎﺷﻘﺎ ﻣﯩﻠﻠﻪﺕ ﺧﻪﻟﻘﻠﯩﺮﻯ ﺋﯩﭽﯩﺪﯨﻦ ﺋﯜﺯﻟﯜﻛﺴﯩﺰ ﻳﯧﺘﯩﺸﯩﭗ ﭼﯩﻘﻘﺎﻥ، ﺩﯗﻧﻴﺎﻧﻰ ﺯﯨﻠﺰﯨﻠﯩﮕﻪ ﺳﺎﻟﯩﺪﯨﻐﺎﻥ ﻣﯚﺟﯩﺰﯨﻠﻪﺭﻧﻰ ﻳﺎﺭﯨﺘﯩﭗ، ﺋﯚﺯ ﯞﻩﺗﯩﻨﯩﻨﻰ، ﺋﯚﺯ ﺧﻪﻟﻘﯩﻨﻰ، ﭘﯜﺗﻜﯜﻝ ﺋﯩﻨﺴﺎﻧﯩﻴﻪﺗﻨﻰ ﻫﻪﻳﺮﺍﻥ ﻗﺎﻟﺪﯗﺭﻏﺎﻧﻠﯩﻘﯩﻨﻰ، ﻛﯜﻟﺪﯛﺭﮔﻪﻧﻠﯩﻜﯩﻨﻰ، ﻫﻪﺭﺧﯩﻞ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﻯ ﺋﺎﺭﻗﯩﻠﯩﻖ ﻛﯚﺭﯛﭘﻼ، ﺋﺎﯕﻼﭘﻼ ﻛﻪﻟﺪﯗﺋﯘﻕ، ﺑﺎﺷﻘﯩﻼﺭﻧﯩﯔ ﺋﯚﺯﻟﯩﺮﯨﻨﯩﯔ ﻗﻪﻫﺮﯨﻤﺎﻥ ﺋﻪﺯﯨﻤﻪﺗﻠﯩﺮﻯ، ﭼﻮﻟﭙﺎﻧﻠﯩﺮﻯ ﺑﯩﻠﻪﻥ ﭘﻪﺧﯩﺮﻟﻪﻧﮕﻪﻧﻠﯩﻜﯩﻨﻰ، ﺷﺎﺗﻼﻧﻐﺎﻧﻠﯩﻘﯩﻨﻰ ﻛﯚﺭﮔﯩﻨﯩﻤﯩﺰﺩﻩ، ﺋﺎﯕﻠﯩﻐﯩﻨﯩﻤﯩﺰﺩﺍ ﺑﯩﺰ ﭘﻪﻗﻪﺕ ﺷﯘﻻﺭ ﺋﯜﭼﯜﻧﻼ ﻫﺎﻳﺎﺟﺎﻧﻼﻧﺪﯗﻕ، ﻫﻪﺗﺘﺎ ﻳﺎﺵ ﺗﯚﻛﺘﯘﻕ. ..........

ﺩﯗﻧﻴﺎﺩﯨﻜﻰ ﻫﻪﺭﻗﺎﻳﺴﻰ ﺋﻪﻝ، ﻫﻪﺭﻗﺎﻳﺴﻰ ﻣﯩﻠﻠﻪﺕ ﺧﻪﻟﻘﻠﯩﺮﻯ ﺋﯚﺯﻟﯩﺮﯨﻨﯩﯔ ﻣﻪﺩﻩﻧﯩﻴﻪﺕ، ﺳﻪﻧﻪﺕ، ﺗﻪﻧﺘﻪﺭﺑﯩﻴﻪ ﺳﺎﻫﻪﺳﯩﺪﯨﻜﻰ ﺋﻪﺯﯨﻤﻪﺗﻠﯩﺮﻯ ﺋﺎﺭﻗﯩﻠﯩﻖ ﻗﻮﻟﻐﺎ ﻛﻪﻟﺘﯜﺭﮔﻪﻥ ﺷﺎﻧﻠﯩﻖ ﻧﻪﺗﯩﺠﯩﻠﯩﺮﻯ ﺑﯩﻠﻪﻥ ﭘﯜﺗﯜﻥ ﺩﯗﻧﻴﺎﻏﺎ ﺋﯚﺯ ﯞﻩﺗﯩﻨﯩﻨﯩﯔ ﻗﯘﺩﺭﯨﺘﯩﻨﻰ، ﺗﻪﺭﻩﻗﻘﯩﻴﺎﺕ ﺳﻪﯞﯨﻴﯩﺴﯩﻨﻰ، ﻣﻪﺩﻩﻧﯩﻴﻠﯩﺸﯩﺶ ﺩﻩﺭﯨﺠﯩﺴﯩﻨﻰ ﻫﻪﻣﺪﻩ ﺋﯚﺯ ﺧﻪﻟﻘﯩﻨﯩﯔ، ﺋﯚﺯ ﻣﯩﻠﻠﯩﺘﯩﻨﯩﯔ ﺋﻪﻗﯩﻞ ﭘﺎﺭﺍﺳﯩﺘﯩﻨﻰ، ﻳﯜﻛﺴﻪﻙ ﯞﻩﺗﻪﻥ ﭘﻪﺭﯞﻩﺭﻟﯩﻚ ﺭﻭﻫﯩﻨﻰ، ﻛﯜﭼﻠﯜﻙ ﺟﺎﺳﺎﺭﯨﺘﯩﻨﻰ، ﻛﯧﻠﯩﭽﻪﻛﻜﻪ ﺑﻮﻟﻐﺎﻥ ﺋﯩﺸﻪﻧﭽﯩﺴﯩﻨﻰ،ﮔﯜﺯﻩﻝ ﻫﺎﻳﺎﺗﻨﻰ ﺳﯚﻳﯜﺵ ﻗﯩﺰﻏﯩﻨﻠﯩﻘﯩﻨﻰ، ﻗﯩﺴﻘﯩﺴﻰ، ﺑﯘ ﺩﯗﻧﻴﺎﺩﯨﻜﻰ ﻳﯜﻛﺴﻪﻙ ﻣﻪﯞﺟﯘﺗﻠﯩﻘﯩﻨﻰ ﻧﺎﻣﺎﻳﻪﻥ ﻗﯩﻠﯩﺪﯗ. ﺋﻪﻧﻪ ﺷﯘ ﺋﻪﺯﯨﻤﻪﺗﻠﻪﺭﻧﯩﯔ ﺋﺎﻟﻪﻣﺸﯘﻣﯘﻝ ﻏﻪﻟﺒﯩﺴﻰ، ﺟﺎﺳﺎﺭﻩﺕ ﺑﯩﻠﻪﻥ ﺋﯧﻠﯩﺸﯩﺶ ﺭﻭﻫﻰ ﻛﯩﺸﯩﻠﻪﺭﻧﻰ ﭼﯘﯕﻘﯘﺭ ﺗﻪﺭﺑﯩﻴﯩﮕﻪ ﺋﯩﮕﻪ ﻗﯩﻠﯩﺪﯗ. ﻛﯩﺸﯩﻠﻪﺭﮔﻪ ﭘﯜﺗﻤﻪﺱ ﺗﯜﮔﯩﻤﻪﺱ ﺋﯜﻣﯩﺪ، ﻛﯜﭼﻠﯜﻙ ﻏﻮﺭﯗﺭ ﺋﺎﺗﺎ ﻗﯩﻠﯩﺪﯗ، ﺧﻪﻟﻘﻨﯩﯔ ﺋﯘﻳﯘﺷﯘﺵ ﻛﯜﭼﯩﻨﻰ ﺋﺎﺷﯘﺭﯨﺪﯗ، ﻛﯩﺸﯩﻠﻪﺭﻧﯩﯔ ﺋﯩﺮﺍﺩﯨﺴﯩﻨﻰ ﭼﯩﯖﯩﺘﯩﺪﯗ. ﺷﯘﯕﺎ ﻫﻪﺭﻗﺎﻧﺪﺍﻕ ﺧﻪﻟﻖ ﯞﻩ ﻫﻪﺭﻗﺎﻧﺪﺍﻕ ﻣﯩﻠﻠﻪﺕ ﺋﻪﻧﻪ ﺷﯘﻧﺪﺍﻕ ﺋﻪﺯﯨﻤﻪﺗﻠﻪﺭﻧﻰ ﻳﯧﺘﯩﺶ ﺗﯜﺭﯛﺵ ﺋﯜﭼﯜﻥ ﻫﻪﺭﻗﺎﻧﺪﺍﻕ ﺑﻪﺩﻩﻝ ﺗﯚﻟﻪﺷﻜﻪ ﺭﺍﺯﻯ ﺑﻮﻟﯩﺪﯗ. ﺧﻪﻟﻘﻨﯩﯔ ﺑﻪﺭﮔﯩﻨﯩﻨﻰ ﻳﻪﻧﻪ ﺋﯘﻻﺭ ﺧﻪﻟﻘﻘﻪ ﻗﺎﻳﺘﯘﺭﯨﺪﯗ، ﺑﯘﻧﺪﺍﻕ ﺋﯚﺯ ﺋﺎﺭﺍ ﻗﺎﻳﺘﯘﺭﯗﺷﻨﻰ ﺋﻪﻣﻪﻟﮕﻪ ﺋﺎﺷﯘﺭﻏﺎﻥ ﺧﻪﻟﻖ ﺋﯜﻣﯩﺘﻜﻪ ﺗﻮﻟﯘﭖ ﺗﺎﺷﻘﺎﻥ ﺑﻮﻟﯩﺪﯗ. ﺋﻪﻛﺴﯩﭽﻪ ﺑﻮﻟﻐﺎﻧﺪﺍ، ﺷﯘ ﺧﻪﻟﻖ ﯞﻩ ﺷﯘ ﻣﯩﻠﻠﻪﺗﻨﯩﯔ ﺋﯚﺯﯨﻨﯩﯔ ﻫﺎﻳﺎﺗﻰ ﻛﯜﭼﯩﻨﻰ ﻧﺎﻣﺎﻳﻪﻥ ﻗﯩﻠﯩﺸﯩﺪﯨﻦ ﺳﯚﺯ ﺋﯧﭽﯩﺶ ﻗﯧﻴﯩﻦ. ﻫﯩﭻ ﺑﻮﻟﻤﯩﻐﺎﻧﺪﺍ ﺷﯘ ﺧﻪﻟﻖ ﺋﺎﺭﯨﺴﯩﺪﺍ ﻧﺎﺩﺍﻧﻠﯩﻖ، ﭼﯜﺷﻜﯜﻧﻠﯜﻙ، ﺋﯚﺯﯨﻨﻰ ﻳﺎﺭﺍﺗﻤﺎﺳﻠﯩﻖ، ﻫﻮﺭﯗﻧﻠﯘﻕ، ﻗﺎﺷﺎﯕﻠﯩﻖ، ﻣﻪﻫﻜﯘﻣﻠﯘﻕ، ﻧﺎﻥ ﻗﯧﭙﯩﻠﯩﻖ ﻫﯚﻛﯜﻡ ﺳﯜﺭﯨﺪﯗ؛ ﺟﯩﻨﺎﻳﻪﺗﻜﻪ، ﺯﻩﻫﻪﺭﻟﯩﻚ ﭼﯩﻜﯩﻤﻠﯩﻜﻜﻪ ﺑﯩﺮﯨﻠﯩﺶ ﻗﯩﻠﻤﯩﺸﻠﯩﺮﻯ، ﺗﺮﻭﺭﻟﯘﻕ ﺑﯩﻠﻪﻥ ﺷﯘﻏﯘﻟﻠﯘﻧﯘﺵ ﺋﻪﻫﯟﺍﻟﻠﯩﺮﻯ ﺑﺎﺵ ﻛﯚﺗﯜﺭﯨﺪﯗ؛ ﺋﻪﻣﻪﻟﺪﺍﺭﻻﺭ ﭼﯩﺮﯨﻜﻠﯩﺸﯩﺪﯗ، ﺋﯘﺯﯗﻥ ﻣﻪﺯﮔﯩﻞ ﺑﯘﺭﯗﺧﺘﯘﻡ ﻫﺎﻟﻪﺗﺘﻪ ﻳﺎﺷﯩﻐﺎﻥ ﺧﻪﻟﻘﻨﯩﯔ ﺭﻭﻫﯩﻲ ﻫﺎﻟﯩﺘﻰ ﻗﺎﻻﻳﻤﯩﻘﺎﻧﻠﯩﺸﯩﺪﯗ؛ ﻫﻪﺭﻗﺎﻳﺴﻰ ﺳﺎﻫﻪﻟﻪﺭﺩﻩ ﺋﺎﺯ ﺑﻮﻟﻤﯩﻐﺎﻥ ﭘﺎﺭﯨﺨﻮﺭﻻﺭ، ﺗﻪﺧﺴﯩﻜﻪﺷﻠﻪﺭ، ﭼﯧﻘﯩﻤﭽﯩﻼﺭ، ﻗﻮﻟﯩﺪﯨﻦ ﺋﯩﺶ ﻛﻪﻟﻤﻪﻳﺪﯨﻐﺎﻥ ﻧﺎﻥ ﻗﯧﭙﯩﻼﺭ ﻫﯚﻛﯜﻡ ﺳﯜﺭﯛﭖ، ﻛﯩﺸﯩﻠﻪﺭﻧﻰ ﺋﯜﻣﯩﺘﺴﯩﺰﻟﻪﻧﺪﯛﺭﯨﺪﯗ، ﺟﻪﻣﯩﻴﻪﺗﻨﻰ ﺑﯘﻟﻐﺎﻳﺪﯗ، ﺑﯘ ﻧﯩﯔ ﺑﯩﻠﻪﻥ ﮔﯜﻟﻠﯩﻨﯩﺶ، ﺗﻪﺭﻩﻗﻘﯩﻴﺎﺕ، ﻳﯜﻛﺴﻪﻙ ﻣﻪﻧﻪﯞﯨﻲ ﻣﻪﺩﻩﻧﯩﻴﻪﺕ ﺑﻪﺭﭘﺎ ﻗﯩﻠﯩﺶ ﺩﯦﮕﻪﻧﻠﻪﺭ ﻗﯘﺭﯗﻕ ﮔﻪﭘﻜﻪ ﺋﺎﻳﻠﯩﻨﯩﺪﯗ.

ﺧﻪﻟﻘﯩﻤﯩﺰ ﺩﯗﻧﻴﺎﺩﯨﻜﻰ ﻫﻪﺭﻗﺎﻳﺴﻰ ﺋﻪﻝ ﺧﻪﻟﻘﻠﯩﺮﻯ ﻗﺎﺗﺎﺭﯨﺪﺍ، ﺋﯚﺯﻟﯩﺮﯨﮕﻪ ﺋﺎﺗﺎ ﻗﯩﻠﯩﻨﻐﺎﻥ ﮔﯚﻫﻪﺭ ﺯﯨﻤﯩﻨﺪﺍ ﺋﻪﯞﻻﺗﺘﯩﻦ - ﺋﻪﯞﻻﺗﻘﯩﭽﻪ ﻳﺎﺷﺎﭖ، ﺷﺎﻧﻠﯩﻖ ﻣﻪﺩﻩﻧﯩﻴﻪﺗﻠﻪﺭﻧﻰ ﻳﺎﺭﯨﺘﯩﭗ، ﺋﯩﻨﺴﺎﻧﯩﻴﻪﺗﻨﯩﯔ ﻣﻪﺩﻩﻧﯩﻴﻪﺕ ﻏﻪﺯﯨﻨﯩﺴﯩﮕﻪ ﺋﯚﺯﻟﯩﺮﯨﻨﯩﯔ ﺋﯚﭼﻤﻪﺱ ﺗﯚﻫﭙﯩﺴﯩﻨﻰ ﻗﻮﺷﯘﭖ، ﺋﯚﺯﻟﯩﺮﯨﻨﯩﯔ ﻣﯘﺷﯘ ﺩﯗﻧﻴﺎﻧﯩﯔ ﺑﯩﺮ ﻗﯩﺴﻤﻰ ﺋﯩﻜﻪﻧﻠﯩﻜﯩﻨﻰ ﺋﯩﺴﭙﺎﺗﻼﭖ ﻛﻪﻟﮕﻪﻥ. ﻟﯩﻜﯩﻦ، ﺗﯜﺭﻟﯜﻙ ﺳﻪﯞﻩﭘﻠﻪﺭ ﺗﯜﭘﻪﻳﻠﯩﺪﯨﻦ ﺭﻭﻫﯩﻤﯩﺰﻏﺎ ﺑﻪﺯﻯ ﺋﻪﺟﻪﻟﻠﯩﻚ ﻳﺎﻣﺎﻥ ﺋﯩﻠﻠﻪﺗﻠﻪﺭ ﺳﯩﯖﯩﭗ ﻛﯩﺮﯨﭗ، ﺗﻪﺭﻩﻗﻘﯩﻴﺎﺗﯩﻤﯩﺰﻏﺎ؛ ﻣﻪﯞﺟﯘﺗﻠﯩﻘﯩﻤﯩﺰﻏﺎ ﺧﯩﺮﯨﺲ ﻗﯩﻠﺪﻯ؛ ﺑﯩﺮ ﻣﻪﻫﻪﻝ ﺭﻭﻫﯩﻤﯩﺰ ﺧﯘﻧﯘﻛﻠﯩﺸﯩﭗ، ﭼﻮﯕﻠﯩﺮﯨﻤﯩﺰ ﺟﺎﻥ ﻗﺎﻳﻐﯘﺳﯩﺪﺍ، ﺯﯨﻴﺎﻟﯩﻠﯩﺮﯨﻤﯩﺰ ﺟﺎﻫﺎﻥ ﻗﺎﻳﻐﯘﺳﯩﺪﺍ، ﺩﯨﻬﻘﺎﻧﻠﯩﺮﯨﻤﯩﺰ ﻧﺎﻥ ﻗﺎﻳﻐﯘﺳﯩﺪﺍ ﻳﯜﺭﯛﭖ ﻛﻪﻟﺪﻯ؛ ﺑﻮﻟﯘﭘﻤﯘ ﺋﻪﯞﻻﺗﻠﯩﺮﯨﻤﯩﺰﻧﯩﯔ ﯞﯗﺟﯘﺩﯨﻐﺎ ﻫﺎﻳﺎﺗﻰ ﻛﯜﭺ، ﻳﯜﻛﺴﻪﻙ ﻏﻮﺭﯗﺭ، ﭘﻪﺋﯩﺌﯩﺮﻟﯩﻨﯩﺶ ﺗﯘﻳﻐﯘﺳﻰ، ﺋﯘﻳﯘﺷﯘﺵ ﻛﯜﭼﻰ ﺋﺎﺗﺎ ﻗﯩﻼﻟﯩﻐﯘﺩﻩﻙ ﺋﯘﺗﯘﻕ ﺋﯩﮕﯩﻠﯩﺮﻯ، ﻗﻪﻫﺮﯨﻤﺎﻥ، ﺑﺎﺗﯘﺭ ﺋﻪﺯﯨﻤﻪﺗﻠﯩﺮﯨﻤﯩﺰﻧﯩﯔ ﻛﻪﻣﻠﯩﻜﯩﺪﯨﻦ ﺋﯜﻣﯩﺘﺴﯩﺰ، ﺋﯩﺮﺍﺩﯨﺴﯩﺰ، ﺋﻪﻗﯩﺪﻩ ﺋﯩﺘﯩﻘﺎﺗﺴﯩﺰ ﺋﻪﯞﻻﺗﻠﯩﺮﯨﻤﯩﺰﻧﯩﯔ ﺧﯧﻠﻰ ﺳﺎﻟﻤﺎﻗﻨﻰ ﺋﯩﮕﯩﻠﻪﻳﺪﯨﻐﺎﻥ ﺑﯩﺮﻗﯩﺴﻤﻰ ﺯﻩﻫﻪﺭﻟﯩﻚ ﭼﯩﻜﯩﻤﻠﯩﻜﻜﻪ ﻳﻪﻡ ﺑﻮﻟﺪﻯ، ﺗﯜﺭﻣﯩﻠﻪﺭﮔﻪ ﻗﺎﻣﺎﻟﺪﻯ، ﻳﻪﻧﻪ ﺑﯩﺮ ﻗﯩﺴﻨﻰ ﻫﺎﻳﺎﺕ ﻳﻮﻟﯩﻨﯩﯔ ﻗﺎﺭﺍﯕﻐﯘ ﺑﯘﻟﯘﯓ ﭘﯘﺷﻘﺎﻗﻠﯩﺮﯨﯩﺪﺍ ﺗﻪﻣﺘﯩﺮﻩﭖ ﻳﯜﺭﯨﺸﯩﺪﯗ، ﺩﯦﻤﻪﻙ، ﺑﯩﺮ ﺧﻪﻟﻖ، ﺑﯩﺮ ﻣﯩﻠﻠﻪﺕ ﺋﯜﭼﯜﻥ ﺋﯧﻴﯩﺘﻘﺎﻧﺪﺍ ﺋﯚﺯﯨﻨﯩﯔ ﭘﺎﻙ ﻳﯜﺭﯨﻜﻰ، ﺋﻪﻗﯩﻞ - ﭘﺎﺭﺍﺳﯩﺘﻰ، ﻳﯜﻛﺴﻪﻙ ﺟﺎﺳﺎﺭﯨﺘﻰ ﺋﺎﺭﻗﯩﻠﯩﻖ ﺑﺎﺷﻘﯩﻼﺭﻧﻰ ﻗﺎﻳﯩﻞ ﻗﯩﻼﻻﻳﺪﯨﻐﺎﻥ، ﺗﻪﺳﯩﺮﻟﻪﻧﺪﯛﺭﻩﻟﻪﻳﺪﯨﻐﺎﻥ، ﺋﯩﻤﺎﻧﻰ ﺋﻪﺭﻛﻪﻙ ﺋﻪﺯﯨﻤﻪﺗﻠﯩﺮﻯ، ﻗﻪﻫﺮﯨﻤﺎﻧﻠﯩﺮﻯ ﺑﻮﻟﯩﺸﻰ ﻛﯧﺮﻩﻙ.

ﺑﯩﺰﻧﯩﯔ ﺋﯚﺯﯨﻤﯩﺰﻧﻰ ﺑﺎﺷﻘﯩﻼﺭﺩﯨﻦ ﺗﯚﯞﻩﻥ ﭼﺎﻏﻼﺷﻘﺎ ﻫﯩﭽﻘﺎﻧﺪﺍﻕ ﺋﺎﺳﺎﺳﯩﻤﯩﺰ ﻳﻮﻕ؛ ﻫﻪﺭﻗﺎﻧﺪﺍﻕ ﯞﺍﻗﯩﺘﺘﺎ، ﻫﻪﺭﻗﺎﻧﺪﺍﻕ ﺟﺎﻳﺪﺍ، ﺑﯧﺸﯩﻤﯩﺰﻏﺎ ﻛﻪﻟﮕﻪﻥ ﻣﯜﺷﻜﯜﻟﭽﯩﻠﯩﻜﻠﻪﺭﮔﻪ ﺷﯜﻛﺮﻯ ﻗﯩﻠﯩﭗ، ﻗﻮﻝ ﻗﻮﺷﺘﯘﺭﯗﭖ ﺗﯘﺭﯗﺷﻘﺎ ﻫﯩﭽﻘﺎﻧﺪﺍﻕ ﺋﺎﺳﺎﺳﯩﻤﯩﺰ ﻳﻮﻕ؛ ﮔﯜﺯﻩﻝ ﻛﯧﻠﯩﭽﻪﻙ ﻳﺎﺭﯨﺘﯩﺶ ﺋﯜﭼﯜﻥ ﺋﺎﻟﻐﺎ ﻗﺎﺭﺍﭖ ﻛﯧﺘﯩﯟﺍﺗﻘﺎﻧﻼﺭﻏﺎ ﺳﺎﻻﻡ ﺑﯧﺮﯨﭗ، ﺋﯘﻻﺭﻧﻰ ﺋﯘﺯﯗﺗﯘﭖ ﻗﻮﻳﯘﭖ، ﻛﻪﻳﻨﯩﺪﯨﻦ ﻗﺎﺭﺍﭖ ﻗﯧﻠﯩﺸﻘﺎ ﻫﯩﭽﻘﺎﻧﺪﺍﻕ ﺋﺎﺳﺎﺳﯩﻤﯩﺰ ﻳﻮﻕ؛ ﺋﯚﺯﯨﻤﯩﺰﻧﻰ، ﺋﯚﺯ ﺗﯘﭘﺮﯨﻘﯩﻤﯩﺰﻧﻰ ﻳﺎﻛﻰ ﺋﯚﺯﮔﯩﻠﻪﺭﻧﻰ ﻗﺎﻏﺎﭖ ﻛﯜﻥ ﺋﯚﺗﻜﯜﺯﯛﺷﻜﻪ ﻳﺎﻛﻰ ﺑﺎﺷﻘﯩﻼﺭﻧﯩﯔ ﭼﺎﭘﯩﻨﯩﺪﺍ ﺗﻪﺭﻟﻪﭖ ﻳﯧﺘﯩﺸﻘﺎ ﺗﯧﺨﯩﻤﯘ ﺋﺎﺳﺎﺳﯩﻤﯩﺰ ﻳﻮﻕ. ﺑﯩﺰﺩﻩ ﺑﺎﺷﻘﯩﻼﺭ ﻗﯩﻼﻟﯩﻐﺎﻧﻨﻰ ﻗﯩﻼﻻﻳﺪﯨﻐﺎﻥ، ﺑﺎﺷﻘﯩﻼﺭ ﻗﯩﻼﻟﻤﯩﻐﺎﻧﻨﯩﻤﯘ ﻗﯩﻼﻻﻳﺪﯨﻐﺎﻥ، ﻫﻪﺗﺘﺎ ﺑﺎﺷﻘﯩﻼﺭﺩﯨﻦ ﻳﺎﺧﺸﯩﺮﺍﻕ ﻗﯩﻼﻻﻳﺪﯨﻐﺎﻥ ﺋﯘﻟﯘﻍ ﺭﻭﻫ، ﻳﯜﻛﺴﻪﻙ ﻏﻪﻳﺮﻩﺕ ﺷﯩﺠﺎﺋﯩﺘﻰ ﺑﻮﻟﻐﯩﻨﻰ ﺗﯜﺯﯛﻙ. ...........

ﺑﯩﺰﻧﯩﯔ ﺋﺎﻧﯩﻠﯩﺮﯨﻤﯩﺰﻣﯘ ﺑﯩﺮ ﺯﺍﻣﺎﻧﻼﺭﺩﺍ ﺋﺎﺟﺎﻳﯩﭗ ﺋﺎﺩﻩﻣﻠﻪﺭﻧﻰ ﺗﯘﻏﯘﭖ ﺋﯚﺳﺘﯜﺭﮔﻪﻥ ﺳﯩﺰ ﻣﯧﻨﯩﯔ ﮔﯧﭙﯩﻤﮕﻪ ﭼﻮﻗﯘﻡ ﺋﯩﺸﯩﻨﯩﯔ، ﺑﯜﮔﯜﻧﻜﻰ ﻛﯜﻧﺪﻩ ﻳﻪﻧﻪ ﺑﯩﺰﻧﯩﯔ ﺋﺎﻧﯩﻠﯩﺮﯨﻤﯩﺰ ﻧﯩﻨﻰ ﺋﻪﺭﺑﺎﭘﻼﺭﻧﻰ، ﭼﻮﻟﭙﺎﻧﻼﺭﻧﻰ، «ﺋﻪﯞﻟﯩﻴﺎ»ﻻﺭﻧﻰ، ﻧﻰ ﻧﻰ «ﭘﺎﺩﯨﺸﺎﻫ»ﻻﺭﻧﻰ ﺗﯘﻏﺎﻻﻳﺪﯗ، ﺗﯘﻏﺪﻯ، ﺗﯘﻏﯩﯟﺍﺗﯩﺪﯗ.

ﻗﻪﻫﺮﯨﻤﺎﻧﺴﯩﺰ ﺋﻪﻟﺪﻩ ﻳﻮﻗﻜﻪﻥ ﺭﻭﻫ ﺩﯦﮕﻪﻥ،

ﺋﻪﺳﻠﯩﺪﻩ ﻳﺎﺷﻨﺎﻳﺪﯗ ﺋﯩﻨﺴﺎﻥ ﺭﻭﻫ ﺑﯩﻠﻪﻥ.

ﻗﻪﻫﺮﯨﻤﺎﻧﺴﯩﺰ ﺑﻪﻙ ﻏﯧﺮﯨﭗ ﺑﻮﻟﻐﺎﻱ ﯞﻩﺗﻪﻥ،

ﻗﻪﻫﺮﯨﻤﺎﻧﺴﯩﺰ ﺑﯘﻧﻰ ﻫﯩﭻ ﺑﯩﻠﻤﻪﭘﺘﯩﻤﻪﻥ.

ﺗﻪﺱ ﺋﯩﻜﻪﻥ ﺑﯩﻬﯘﺷﻨﻰ ﺗﯩﻠﻼﭖ ﺋﻮﻳﻐﯘﺗﯘﺵ،

ﺗﻪﺱ ﺋﯩﻜﻪﻥ ﺋﯚﻟﮕﻪﻥ ﻳﯜﺭﻩﻛﻨﻰ ﺋﻮﻳﻨﯘﺗﯘﺵ.

ﺑﯩﺮ ﺟﺎﺳﺎﺭﻩﺕ ﺋﯩﮕﯩﺴﻰ ﺗﻮﻧﯘﻟﻤﯩﺴﺎ،

ﻫﻪﺭﺯﺍﻣﺎﻥ ﻏﺎﻟﯩﭗ ﻛﯧﻠﻪﺭﻛﻪﻥ ﻫﯘﺩﯗﻗﯘﺵ.

.............................................

ﺋﻪﺭﻛﯩﻦ ﺭﻭﺯﯨﻨﯩﯔ ﺋﺎﺳﻤﺎﻥ ﭘﺎﺩﯨﺸﺎﻫﻰ ﻧﺎﻣﻠﯩﻖ ﺋﻪﺳﯩﺮﯨﺪﯨﻦ.