ﻗﻪﺷﻘﻪﺭﺩﯨﻜﻰ ﺗﻪﺋﻪﺟﯘﭘﻠﯘﻕ ﺋﻮﻳﻼﺭ ﯞﻩ ﺋﯩﻨﻜﺎﺳﻼﺭ

ﻗﻪﺷﻘﻪﺭﺩﯨﻜﻰ ﺗﻪﺋﻪﺟﯘﭘﻠﯘﻕ ﺋﻮﻳﻼﺭ ﯞﻩ ﺋﯩﻨﻜﺎﺳﻼﺭ

ﻣﺎﻗﺎﻻ ﺋﺎﭘﺘﯘﺭﻯ : ﺳﻪﺭﯞﻯ

ﻣﻪﻧﺒﻪ : ﺩﯨﻴﺎﺭﯨﻢ

ﺋﯩﻜﻜﻰ ﺋﺎﻱ ﺋﯩﻠﮕﯩﺮﻯ ﻛﻮﻣﺎﻧﺪﯨﺮﻭﭘﻜﯩﻐﺎ ﭼﯩﻘﯩﺶ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻗﻪﺷﻘﻪﺭﮔﻪ ﺑﯧﺮﯨﺶ ﭘﯘﺭﺳﯩﺘﯩﮕﻪ ﻣﯘﻳﻪﺳﺴﻪﺭ ﺑﻮﻟﺪﯗﻡ . ﺋﯘﺯﯗﻧﺪﯨﻦ ﺑﯧﺮﻯ ﺩﯨﻴﺎﺭﯨﻤﯩﺰﺩﯨﻜﻰ ﺑﯘ ﻗﻪﺩﯨﻤﻰ ﻣﻪﺩﻩﻧﯩﻴﻪﺕ ﺑﯚﺷﯘﮔﯩﻨﻰ ﺑﯩﺮ ﻛﯚﺭﯗﺵ ﺋﯩﺴﺘﯩﮕﻰ ﺑﺎﺭ ﺋﯩﺪﻯ ، ﺷﯘﯕﺎ ﺑﯘ ﺗﺎﺳﺎﺩﺩﯨﭙﻰ ﻛﻪﻟﮕﻪﻥ ﭘﯘﺭﺳﻪﺗﺘﯩﻦ ﺷﯘﻧﺪﺍﻕ ﺧﯘﺷﮭﺎﻝ ﺑﻮﻟﺪﯗﻡ . ﻗﻪﺷﻘﻪﺭ ﺗﯘﭘﺮﯨﻘﯩﻐﺎ ﻗﻪﺩﻩﻡ ﻗﻮﻳﻐﺎﻧﺪﯨﻦ ﺑﺎﺷﻼﭖ ﺑﯘ ﻳﻪﺭﺩﯨﻜﻰ ﮬﻪﺭ ﺑﯩﺮ ﻧﻪﺭﺳﯩﮕﻪ ، ﻣﯘﮬﯩﺘﻘﺎ ، ﺋﯩﻠﻠﯩﻖ ﭼﯩﺮﺍﻱ ، ﺧﯘﺵ ﭘﯧﺌﯩﻞ ﺋﯘﻳﻐﯘﺭﻟﯩﺮﯨﻤﻐﺎ ﻗﯩﺰﯨﻘﯩﺶ ﺋﯩﭽﯩﺪﻩ ﻧﻪﺯﻩﺭ ﺗﺎﺷﻼﻳﺘﺘﯩﻢ . ﻗﻪﺷﻘﻪﺭﺩﻩ ﺑﻮﻟﻐﺎﻥ ﺗﯚﺕ ﻛﯘﻧﺪﻩ ﻛﻮﻟﻠﯩﻜﺘﯩﭗ ﯞﻩ ﺑﻪﺯﯨﺪﻩ ﺋﯚﺯﯗﻡ ﻳﺎﻟﻐﯘﺯ ﻗﻪﺷﻘﻪﺭ ﺷﻪﮬﯩﺮﯨﻨﻰ ﺋﺎﻳﻠﯩﻨﯩﭗ ﻗﻪﺩﯨﻤﻰ ﻣﻪﺩﻩﻧﯩﻲ ﻣﯩﺮﺍﺳﻠﯩﺮﯨﻤﯩﺰﻧﻰ ﺯﯨﻴﺎﺭﻩﺕ ﻗﯩﻠﺪﯨﻢ ، ﻗﻪﺷﻘﻪﺭ ﺷﻪﮬﻪﺭ ﻣﻪﻧﺰﯨﺮﯨﺴﯩﺪﯨﻦ ، ﺑﻮﻟﯘﭘﻤﯘ ﮬﯧﻴﺘﻜﺎﺭ ﺋﻪﺗﺮﺍﭘﯩﺪﯨﻜﻰ ﻣﯩﻠﻠﯩﻲ ﺑﯩﻨﺎﻛﺎﺭﻟﯩﻘﯩﻤﯩﺰﻧﯩﯔ ﻧﺎﻣﺎﻳﻪﻧﺪﯨﻠﯩﺮﻯ ، ﺋﻪﻳﻨﻪﻥ ﺳﺎﻗﻠﯩﻨﯩﭗ ﻗﺎﻟﻐﺎﻥ ﻗﻮﻝ - ﮬﯘﻧﻪﺭﯞﻩﻧﭽﯩﻠﯩﻚ ، ﺯﻩﺭﮔﻪﺭﭼﯩﻠﯩﻚ ، ﻣﯩﻠﻠﻰ ﺋﯚﺭﭖ - ﺋﺎﺩﻩﺕ ﯞﻩ ﺗﺎﺋﺎﻡ ﻣﻪﺩﯨﻨﯩﻴﻪﺗﻠﯩﺮﯨﻤﯩﺰ ﺑﯩﻠﻪﻥ ﺋﻪﺳﺮﺍﺭ ﺑﻮﻟﯘﭖ ، ﺋﯘﻧﯩﯖﺪﯨﻦ ﺯﻭﺭ ﺋﯩﺴﺘﯩﺘﯩﻚ ﺯﻭﻗﻼﺭﻏﺎ ﺋﯧﺮﯨﺸﺘﯩﻢ . ﻣﯧﻨﻰ ﮬﻪﻳﺮﺍﻧﻠﯩﻘﺘﺎ ﻗﺎﻟﺪﯗﺭﻏﯩﻨﻰ ﺋﯩﭙﺎﺭﺧﺎﻥ ﺟﻪﻣﻪﺕ ﻗﻪﺑﺮﯨﺴﺘﺎﻧﻠﯩﻘﻰ ﻣﻪﻗﺒﻪﺭﯨﺴﯩﻨﯩﯔ ﮬﯧﭽﻘﺎﻧﺪﺍﻕ ﻳﺎﻏﺎﭺ ﻗﯘﺭﯗﻟﻤﺎ ﺋﯩﺸﻠﻪﺗﻤﯩﮕﻪﻥ ﺋﻪﮬﯟﺍﻟﺪﺍ 26 ﻣﯧﺘﯩﺮ ﺋﯧﮕﯩﺰﻟﯩﻜﺘﯩﻜﻰ ﻻﻳﺪﺍ ﻗﻮﭘﯘﺭﯗﻟﻐﺎﻥ ﻗﯘﺭﯗﻟﯘﺵ ، ﻣﻪﻗﺒﻪﺭﻩ ﺳﯩﺮﺗﯩﻐﺎ ﭼﺎﭘﻼﻧﻐﺎﻥ ﭼﺎﻕ - ﭼﯘﻗﻼﺭﻧﯩﯔ ﺋﯚﺯ ﺭﻩﯕﮕﯩﻨﻰ ﻳﻮﻗﺎﺗﻤﺎﻱ ﺗﯘﺭﯗﺷﻰ ﺑﻮﻟﺪﻯ . ﺑﯩﺮ ﺗﻪﺭﻩﭘﺘﯩﻦ ﭼﯘﺷﻪﻧﺪﯗﺭﮔﯘﭼﯩﻨﯩﯔ ﺑﺎﻳﺎﻧﯩﻨﻰ ﺋﺎﯕﻠﯩﻐﺎﭺ ﺋﻪﻳﻨﻰ ﯞﺍﻗﯩﺘﺘﺎ ﺑﯩﻨﺎﻛﺎﺭﻟﯩﻖ ﺋﯘﺳﺘﯩﻠﯩﺮﻯ ﻣﻪﺯﻛﯘﺭ ﻗﯘﺭﯗﻟﯘﺷﻨﻰ ﻗﺎﻧﺪﺍﻕ ﭘﯘﺗﺘﯘﺭﮔﻪﻧﺪﯗ ؟ ﺋﻪﺷﯘ ﭼﺎﻕ -ﭼﯘﻗﻼﺭﻧﻰ ﻗﺎﻧﺪﺍﻕ ﺋﯘﺳﯘﻟﺪﺍ ﺋﯩﺸﻠﻪﭖ ﭼﯩﻘﺎﺭﻏﺎﻧﺪﯗ ؟ ﺩﯦﮕﻪﻧﺪﻩﻙ ﺳﻮﺋﺎﻟﻼﺭ ﺋﻪﻛﯩﺲ ﺋﯧﺘﻪﺗﺘﻰ .

ﻗﻪﺷﻘﻪﺭﮔﻪ ﻛﯧﻠﯩﭗ ﺑﯩﺮﻧﻪﭼﭽﻪ ﻛﯘﻥ ﺋﯩﭽﯩﺪﻩ ﻗﻪﺷﻘﻪﺭ ﺧﻪﻟﻘﻨﯩﯔ ﺑﯩﺮ -ﺑﯩﺮﺳﯩﮕﻪ ﺷﯘﻧﭽﯩﻠﯩﻚ ﺧﯘﺵ - ﺧﯘﻳﻠﯘﻕ ﺑﯩﻠﻪﻥ ﺳﯩﻠﯩﻖ - ﺳﯩﭙﺎﻳﻪ ﻣﯘﺋﺎﻣﯩﻠﻪ ﻗﯩﻠﯩﺸﻠﯩﺮﻯ ، ﺳﻮﺩﯨﻐﺎ ﻣﺎﮬﯩﺮﻟﯩﻘﻰ ، ﻗﻪﺷﻘﻪﺭ ﻳﺎﺷﻠﯩﺮﯨﻨﯩﯔ ﺗﯩﺮﯨﺸﭽﺎﻧﻠﯩﻘﻰ ، ﻣﻪﻥ ﺋﯘﭼﺮﺍﺗﻘﺎﻥ ﺑﯩﺮﻧﻪﭼﭽﻪﻳﻠﻪﻧﻨﯩﯔ ﺋﯧﻨﮕﯩﻠﯩﺰ ، ﻳﺎﭘﯘﻧﻼﺭ ﺑﯩﻠﻪﻥ ﺷﯘﻧﭽﻪ ﺭﺍﯞﺍﻥ ﺋﺎﻻﻗﻪ ﻗﯩﻠﯩﯟﺍﺗﻘﺎﻧﻠﯩﻐﻰ ، ﻣﯩﻠﻠﻰ ﻛﯩﻴﯩﻢ - ﻛﯧﭽﻪﻙ ، ﺗﺎﺋﺎﻡ ﻣﻪﺩﯨﻨﯩﻴﯩﺘﯩﻤﯩﺰﻧﯩﯔ ﺑﯘ ﻳﻪﺭﺩﻩ ﺧﯧﻠﻰ ﻣﯘﻛﻪﻣﻤﻪﻝ ﺳﺎﻗﻠﯩﻨﯩﭗ ﻗﺎﻟﻐﺎﻧﻠﯩﻘﻰ ..... ﻗﺎﺗﺎﺭﻟﯩﻖ ﺑﯩﺮ ﻗﺎﺗﺎﺭ ﺋﯩﺸﻼﺭ ﻣﯧﻨﻰ ﺳﯚﻳﯘﻧﺪﯗﺭﺩﻯ . ﻟﯧﻜﯩﻦ ﻣﯘﻧﺪﺍﻕ ﺑﯩﺮﻧﻪﭼﭽﻪ ﺋﯩﺸﻤﯘ ﻣﯧﻨﻰ ﺗﻪﺋﻪﺟﺠﯘﭘﺘﻪ ﻗﺎﻟﺪﯗﺭﯗﭖ ، ﺋﻮﻳﯘﻣﺪﺍ ﺑﯩﺮﻧﻪﭼﭽﻪ " ﻧﯧﻤﻪ ﺋﯘﭼﯘﻥ ؟ " ﻟﻪﺭﻧﻰ ﺋﻮﻳﻐﺎﺗﺘﻰ . ﺗﯚﯞﻩﻧﺪﻩ ﺑﯘﻧﻰ ﺩﻭﺳﺘﻼﺭﻧﯩﯔ ﻛﯚﺭﯗﭖ ﺑﯧﻘﯩﺸﯩﻐﺎ ﺳﯘﻧﺪﯗﻡ ، ﭘﯩﻜﺮﯨﯖﻠﻪﺭﻧﻰ ﺑﻪﺭﮔﻪﻳﺴﯩﻠﻪﺭ .

1، ﻗﻪﺷﻘﻪﺭﮔﻪ ﻛﯧﻠﯩﭗ ﺋﯩﻜﻜﯩﻨﭽﻰ ﻛﯘﻧﻰ ﭼﯘﺷﺘﯩﻦ ﻛﯧﻴﯩﻦ ﺑﯘ ﻗﯧﺘﯩﻤﻘﻰ ﭘﺎﺋﺎﻟﯩﻴﻪﺗﻨﯩﯔ ﻛﯘﻥ - ﺗﻪﺭﺗﯩﯟﻯ ﺳﯘﭘﯩﺘﯩﺪﻩ ﺋﯩﭙﺎﺭﺧﺎﻥ ﻗﻪﺑﺮﯨﺴﯩﻨﻰ ﺯﯨﻴﺎﺭﻩﺕ ﻗﯩﻠﺪﯗﻕ . ﺋﯩﭙﺎﺭﺧﺎﻥ ﻗﻪﺑﺮﯨﺴﺘﺎﻧﻠﯩﻘﻰ ﺷﻪﮬﻪﺭ ﺳﯩﺮﺗﯩﻐﺎ ﺟﺎﻳﻼﺷﻘﺎﻥ ﺋﯩﻜﻪﻥ ، ﺑﯩﺮ ﻣﻪﮬﻪﻟﻠﯩﻠﻪﺭﺩﯨﻦ ﺋﯚﺗﯘﭖ ﻳﯧﺘﯩﭗ ﺑﺎﺭﺩﯗﻕ . ﺑﯘ ﻛﯘﻧﻰ ﮬﺎﯞﺍ ﻧﺎﮬﺎﻳﯩﺘﻰ ﺋﻮﭼﯘﻕ ﺑﻮﻟﯘﭖ ، ﺑﯘ ﻳﻪﺭﻧﻰ ﺯﯨﻴﺎﺭﻩﺕ ﻗﯩﻠﯩﺪﯨﻐﺎﻧﻼﺭﻣﯘ ﺧﯧﻠﯩﻼ ﻛﯚﭖ ﺋﯩﻜﻪﻥ ، ﺳﺎﻳﺎﮬﻪﺕ ﻣﺎﺷﯩﻨﯩﻠﯩﺮﯨﺪﺍ ﺋﯘﻳﻐﯘﺭ ﯞﻩ ﺑﺎﺷﻘﺎ ﻣﯩﻠﻠﻪﺗﻠﻪﺭﺩﯨﻦ ﺳﺎﻳﺎﮬﻪﺗﭽﯩﻠﻪﺭﻧﯩﯔ ﺋﺎﻳﯩﻘﻰ ﺋﯘﺯﯗﻟﻤﻪﻱ ﻛﯧﻠﯩﭗ ﺗﯘﺭﺍﺗﺘﻰ ﺧﺎﺗﯩﺮﻩ ﺑﯘﻳﯘﻣﻠﯩﺮﻯ ﺳﺎﺗﯩﺪﯨﻐﺎﻥ ﺋﺎﻳﺎﻟﻼﺭ ﯞﻩ ﻛﯩﭽﯩﻚ ﺑﺎﻟﯩﻼﺭﻧﯩﯔ ﺧﯧﺮﯨﺪﺍﺭ ﭼﺎﻗﯩﺮﯨﺸﻠﯩﺮﻯ . ﺑﯘ ﻳﻪﺭﻧﻰ ﺗﯧﺨﯩﻤﯘ ﺋﺎﯞﺍﺕ ﻗﯩﻠﯩﯟﻩﺗﻜﻪﻥ ﺋﯩﺪﻯ . ﻣﻪﺯﻛﯘﺭ ﺋﻮﺭﯗﻧﻨﯩﯔ ﻛﯚﻟﯩﻤﯩﻤﯘ ﺧﯧﻠﯩﻼ ﭼﻮﯓ ﺋﯩﻜﻪﻥ . ﺋﯘ ﻳﻪﺭﻧﻰ ﺋﺎﻻﮬﻪﺯﻩﻝ ﻳﯧﺮﯨﻢ ﺳﺎﺋﻪﺗﺘﯩﻦ ﻛﯚﭘﺮﻩﻙ ﺋﺎﻳﻼﻧﺪﯗﻕ . ﻗﻪﺷﻘﻪﺭﺩﯨﻦ ﻗﺎﻳﺘﯩﺪﯨﻐﺎﻧﻐﺎ ﺑﯩﺮ ﻛﯘﻥ ﻗﺎﻟﻐﺎﻧﺪﺍ ﺋﯚﺯﯗﻡ ﻳﺎﻟﻐﯘﺯ ﻳﯘﺳﯘﭖ ﺧﺎﺱ ﮬﺎﺟﯩﭗ ﻗﻪﯞﺭﯨﮕﺎﮬﯩﻨﻰ ﺯﯨﻴﺎﺭﻩﺕ ﻗﯩﻠﺪﯨﻢ . ﭼﻮﯓ ﺩﻩﺭﯞﺍﺯﯨﺪﯨﻦ ﻛﯩﺮﯨﭗ ﺑﯘ ﻳﻪﺭﺩﯨﻜﻰ ﺟﯩﻤﺠﯩﺘﻠﯩﻖ ﻣﯧﻨﻰ ﺗﻮﻟﯩﻤﯘ ﮬﻪﻳﺮﺍﻥ ﻗﯩﻠﺪﻯ ، ﺋﯩﺸﯩﻚ ﺑﯧﻠﯩﺘﻰ ﺳﺎﺗﯩﺪﯨﻐﺎﻥ ﺧﻪﻧﺰﯗ ﺋﺎﻳﺎﻝ ﻣﯧﻨﻰ ﺧﯘﺷﺨﯘﻱ ﻗﺎﺭﺷﻰ ﺋﺎﻟﺪﻯ ، ﮬﻪﻡ ﺑﯩﺮ ﺋﯚﻳﺪﯨﻦ ﭼﯘﺷﻪﻧﺪﯗﺭﮔﯘﭼﻰ ﻗﯩﺰﻧﻰ ﭼﺎﻗﯩﺮﯨﭗ ﭼﯩﻘﺘﻰ، ﺋﯘ ﭼﻮﯓ - ﭼﻮﯓ ﻗﻮﻱ ﻛﯚﺯﻟﯩﺮﯨﺪﯨﻦ ﻣﯧﮭﺮﯨﯟﺍﻧﻠﯩﻖ ﻳﯧﻐﯩﭗ ﺗﯘﺭﯨﺪﯨﻐﺎﻥ ، ﺋﯩﺴﺴﯩﻖ ﭼﯩﺮﺍﻱ ﻗﯩﺰ ﺋﯩﻜﻪﻥ . ﻣﻪﻥ ﺋﯘﻧﯩﯔ ﮬﻪﻣﺮﺍﮬﻠﯩﻘﯩﺪﺍ ﺋﯩﭽﻜﯩﺮﻯ ﮬﻮﻳﻠﯩﻐﺎ ﻛﯩﺮﺩﯨﻢ ، ﻗﺎﺭﯨﺴﺎﻡ ﺑﯩﺮ ﭼﻪﺗﺌﻪﻟﻠﯩﻚ ﺳﺎﻳﺎﮬﻪﺗﭽﻰ ﺑﻮﻟﺴﺎ ﻛﯩﺮﻩﻙ ، ﭼﻮﯓ ﺳﻮﻣﻜﯩﻠﯩﺮﯨﻨﻰ ﻳﯘﺩﯗﯞﺍﭘﺘﯘ ، ﺋﯩﭽﻜﯩﺮﻯ ﮬﻮﻳﻠﯩﻐﺎ ﻛﯩﺮﯨﺸﺘﯩﻜﻰ ﻳﯘﺳﯘﭖ ﺧﺎﺱ ﮬﺎﺟﯩﭙﻨﯩﯔ ﮬﻪﻳﻜﯩﻠﯩﻨﻰ ﻛﯚﺭﯗﯞﯦﺘﯩﭙﺘﯘ . ﺑﯩﺰ ﺋﯘﺩﯗﻝ ﻳﯘﺳﯘﭖ ﺧﺎﺱ ﮬﺎﺟﯩﭙﻨﯩﯔ ﻣﻪﻗﺒﻪﺭﯨﺴﻰ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺋﯚﻳﮕﻪ ﻛﯩﺮﺩﯗﻕ ، ﭼﯘﺷﻪﻧﺪﯗﺭﮔﯘﭼﻰ ﻗﯩﺰ ﻣﯧﻨﻰ ﻣﻪﻗﺒﻪﺭﻩ ﻳﯧﻨﯩﻐﺎ ﺑﺎﺷﻼﭖ ﻛﻪﻟﺪﻯ ، ﮬﻪﻡ ﻳﯧﻘﯩﻤﻠﯩﻖ ﺋﺎﯞﺍﺯﺩﺍ ﻳﯘﺳﯘﭖ ﺧﺎﺱ ﮬﺎﺟﯩﭙﻨﯩﯔ ﻗﯩﺴﻘﯩﭽﻪ ﺗﻪﺭﺟﯩﻤﮭﺎﻟﻰ ، ﺋﯘﻧﯩﯔ ﻧﯩﻤﻪ ﻣﻪﻗﺴﻪﺩﺗﻪ ﺩﯗﻧﻴﺎﯞﻯ ﺷﯚﮬﺮﻩﺗﻜﻪ ﺋﯩﮕﻪ " ﻗﯘﺗﺎﺩﻏﯘ ﺑﯩﻠﯩﻚ " ﺋﻪﺳﯩﺮﯨﻨﻰ ﻳﯧﺰﯨﭗ ﭼﯩﻘﯩﭗ ﻛﯩﻤﮕﻪ ﺳﻮﯞﻏﺎ ﻗﯩﻠﻐﺎﻧﻠﯩﻘﻰ ، ﺋﻪﺳﯩﺮﯨﺪﻩ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﭘﻪﻟﺴﻪﭘﯩﯟﻯ ﭘﯩﻜﯩﺮﻟﯩﺮﻯ، ﮬﻪﻡ ﺋﯘﻧﯩﯔ ﺋﯩﭽﯩﺪﯨﻜﻰ ﺗﻪﺭﺑﯩﻴﯩﯟﻯ ﺋﻪﮬﻤﯩﻴﯩﺘﻰ ﺯﻭﺭ ﺑﻮﻟﻐﺎﻥ ﻣﯩﺴﺮﺍﻻﺭﻧﻰ ﻣﻪﺯﻛﯘﺭ ﺋﯚﻳﻨﯩﯔ ﺗﯧﻤﯩﻐﺎ ﻛﯚﭼﯘﺭﯗﭖ ﻳﯧﺰﯨﻠﻐﺎﻧﻠﯩﻐﯩﻨﻰ ، ﺑﯘ ﻗﯘﺭﯗﻟﯘﺷﻨﯩﯔ ﻣﻪﺩﻩﻧﯩﻴﻪﺕ ﺯﻭﺭ ﺋﯩﻨﻘﯩﻼﯞﯨﺪﺍ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﯨﻐﺎﻧﻠﯩﻘﻰ ، ﻣﻪﺯﻛﯘﺭ ﻗﯘﺭﯗﻟﯘﺷﻨﯩﯔ ﻛﯧﻴﯩﻦ ﺑﯩﻨﺎ ﻗﯩﻠﯩﻨﻐﺎﻧﻠﯩﻘﻰ ﻗﺎﺗﺎﺭﻟﯩﻖ ﺳﺎﯞﺍﺗﻼﺭﻧﻰ ﺗﻮﻟﯩﻤﯘ ﻳﯩﻐﯩﻨﭽﺎﻕ ﻗﯩﻠﯩﭗ ﺳﯚﺯﻟﻪﭖ ﺑﻪﺭﺩﻯ ، ﺋﯘ ﻳﻪﻧﻪ ﺋﻪﻳﻨﻰ ﯞﺍﻗﯩﺘﺘﯩﻜﻰ ﺧﻪﻟﻘﯩﻤﯩﺰﻧﯩﯔ ﻳﯘﺳﯘﭖ ﺧﺎﺱ ﮬﺎﺟﯩﭙﻨﻰ ﺷﯘﻧﭽﯩﻠﯩﻚ ﮬﯚﺭﻣﻪﺕ ﻗﯩﻠﯩﺪﯨﻐﯩﻨﯩﻨﻰ ، ﺋﯘﻧﯩﯔ ﻗﻪﺑﺮﯨﺴﻰ ﻳﯧﻨﯩﺪﯨﻦ ﺋﯚﺗﯘﭖ ﻛﯧﺘﯩﯟﺍﺗﻘﺎﻧﻼﺭﻧﯩﯖﻤﯘ 500 ﻣﯧﺘﯩﺮ ﺋﺎﺭﯨﻠﯩﻖ ﻗﺎﻟﻐﺎﻧﺪﺍ ﺋﺎﺗﺘﯩﻦ ﭼﯘﺷﯘﭖ ﭘﯩﻴﺎﺩﻩ ﺋﯚﺗﯘﺵ ﺋﺎﺭﻗﯩﻠﯩﻖ ﺋﯘﻧﯩﯖﻐﺎ ﺑﻮﻟﻐﺎﻥ ﮬﯚﺭﻣﯩﺘﯩﻨﻰ ﺑﯩﻠﺪﯗﺭﺩﯨﻐﺎﻧﻠﯩﻘﯩﻨﻰ ، ﻣﻪﻗﺒﻪﺭﻩ ﻛﻪﻳﻨﯩﺪﯨﻜﻰ ﺋﺎﻳﺮﯨﻢ ﺧﺎﻧﯩﻼﺭ ﺑﻮﻟﺴﺎ ﺋﻪﻳﻨﻰ ﺩﻩﯞﺭﺩﻩ ﺋﺎﻟﯩﻤﻨﯩﯔ ﻗﻪﺑﺮﯨﺴﯩﻨﻰ ﺯﯨﻴﺎﺭﻩﺕ ﻗﯩﻠﻐﯘﭼﯩﻼﺭﻧﯩﯔ ﻳﯧﺘﯩﭗ ﺋﺎﺭﺍﻡ ﺋﯧﻠﯩﺸﻰ ﺋﯘﭼﯘﻥ ﺳﯧﻠﯩﻨﻐﺎﻥ ﺋﻪﺳﻠﻰ ﻗﯘﺭﯗﻟﯘﺷﻘﺎ ﺗﻪﻗﯩﺪ ﻗﯩﻠﯩﻨﯩﭗ ﺳﯧﻠﯩﻨﻐﺎﻧﻠﯩﻐﯩﻨﻰ ﺋﯧﻴﺘﯩﭗ ﺑﻪﺭﺩﻯ . ﺋﯘﻧﯩﯔ ﺳﯚﺯﻟﯩﺮﯨﺪﯨﻦ ﺋﻪﻳﻨﻰ ﺩﻩﯞﺭﺩﯨﻜﻰ ﺧﻪﻟﻘﯩﻤﯩﺰﻧﯩﯔ ﺑﯩﻠﯩﻢ ﺋﯩﮕﯩﻠﯩﺮﯨﻨﻰ ﻗﺎﻧﭽﯩﻠﯩﻚ ﺩﻩﺭﯨﺠﯩﺪﻩ ﮬﯚﺭﻣﻪﺕ ﻗﯩﻠﯩﺪﯨﻐﯩﻨﻰ ﺗﻮﻧﯘﭖ ﻳﻪﺗﺘﯩﻢ ، ﻛﯚﺯ ﺋﺎﻟﺪﯨﻤﺪﺍ ﺑﻮﻟﺴﺎ ﻧﯘﺭﻏﯘﻧﻠﯩﻐﺎﻥ ﺑﯩﻠﯩﻢ ﺳﯚﻳﻪﺭ ﺧﻪﻟﻘﯩﻤﯩﺰﻧﯩﯔ ﺋﺎﻟﯩﻤﻨﯩﯔ ﺯﯨﻴﺎﺭﻩﺗﮕﺎﮬﯩﻨﻰ ﺗﺎﯞﺍﭖ ﻗﯩﻠﯩﯟﺍﺗﻘﺎﻥ ﻛﯚﺭﯗﻧﯘﺷﻠﻪﺭ ﻧﺎﻣﺎﻳﻪﻥ ﺑﻮﻟﯘﯞﺍﺗﺎﺗﺘﻰ . ﺋﺎﻟﯩﻤﻐﺎ ﺑﻮﻟﻐﺎﻥ ﮬﯚﺭﻣﯩﺘﯩﻢ ﮬﻪﺳﺴﯩﻠﻪﭖ ﺋﺎﺷﺘﻰ ، ﺋﯩﭽﯩﻤﺪﻩ ﺋﺎﻟﯩﻤﻨﯩﯔ ﺭﻭﮬﯩﻐﺎ ﺋﺎﺗﺎﭖ ﺩﯗﺋﺎ ﺋﻮﻗﯘﺩﯗﻡ ، ﻗﻪﻟﺒﯩﻢ ﻧﯧﻤﯩﺸﻘﯩﺪﯗﺭ ﺋﺎﻟﻠﯩﻘﺎﻧﺪﺍﻗﺘﯘ ﺑﯩﺮ ﮬﺎﻳﺎﺟﺎﻥ ﺋﯩﻠﻜﯩﺪﻩ ﻟﻪﺭﺯﯨﮕﻪ ﻛﻪﻟﮕﻪﻥ ﺋﯩﺪﻯ ، ﻛﯚﺯﻟﯩﺮﯨﻤﺪﻩ ﻟﯩﻐﯩﺮﻻﭖ ﺗﯘﺭﻏﺎﻥ ﻳﺎﺷﻼﺭﻧﻰ ﺋﯩﭽﯩﻤﮕﻪ ﻳﯘﺗﯘﯞﻩﺗﺘﯩﻢ . ﻧﻪﭼﭽﻪ ﭘﺎﺭﭼﻪ ﺧﺎﺗﯩﺮﻩ ﺳﯘﺭﯨﺘﯩﮕﻪ ﭼﯘﺷﯩﯟﺍﻟﻐﺎﻧﺪﯨﻦ ﻛﯧﻴﯩﻦ ، ﭼﯘﺷﻪﻧﺪﯗﺭﮔﯘﭼﻰ ﻗﯩﺰ ﺑﯩﻠﻪﻥ ﺧﻮﺷﻠﯘﺷﯘﭖ ﺋﯘ ﻳﻪﺭﺩﯨﻦ ﻗﺎﻳﺘﯩﭗ ﭼﯩﻘﺘﯩﻢ . ﻣﯧﮭﻤﺎﻧﺨﺎﻧﯩﻐﺎ ﻗﺎﻳﺘﻘﯘﭼﻪ ﺋﯧﯖﯩﻤﺪﺍ ﺗﯘﺭﻟﯘﻙ ﺳﻮﺋﺎﻟﻼﺭ ﺋﻪﻛﯩﺲ ﺋﯧﺘﻪﺗﺘﻰ . ﺋﯩﭙﺎﺭﺧﺎﻥ ﻗﻪﺑﺮﯨﺴﺘﺎﻧﻠﯩﻐﯩﺪﯨﻜﻰ ﺯﯨﻴﺎﺭﻩﺕ ﻗﯩﻠﻐﯘﭼﯩﻼﺭﻧﯩﯔ ﺷﯘﻧﭽﻪ ﻛﯚﭖ ﺑﻮﻟﯩﺸﻰ ، ﻳﯘﺳﯘﭖ ﺧﺎﺱ ﮬﺎﺟﯩﭗ ﻗﻪﺑﺮﯨﺴﯩﻨﯩﯔ ﺑﻮﻟﺴﺎ ﺟﯩﻢ - ﺟﯩﺖ ﺳﯘﻛﯘﻧﺎﺕ ﺋﯩﭽﯩﺪﻩ ﺗﯘﺭﯗﺷﻰ ، ﺋﯘ ﻳﻪﺭﻧﻰ ﺯﯨﻴﺎﺭﻩﺕ ﻗﯩﻠﯩﺪﯨﻐﺎﻧﻼﺭﻧﯩﯔ ﻧﺎﮬﺎﻳﯩﺘﻰ ﺋﺎﺯ ﺋﯩﻜﻪﻧﻠﯩﻜﻰ ﻣﯧﻨﻰ ﭼﻮﯕﻘﯘﺭ ﺋﻮﻳﻐﺎ ﭼﯚﻣﺪﯗﺭﺩﻯ . ﺩﻭﺳﺘﻼﺭ ﺋﻮﻳﻠﯩﻨﯩﭗ ﺑﯧﻘﯩﯖﻼﺭ ﺋﻪﻣﯩﻠﯩﻴﻪﺗﺘﻪ ﻛﯩﻤﻠﻪﺭ ﺑﯩﺰﻧﯩﯔ ﻗﻪﺩﯨﺮﻟﻪﭖ ﻳﺎﺩ ﺋﯧﺘﯩﭗ ﺗﯘﺭﯗﺷﯩﻤﯩﺰﻏﺎ ﺋﻪﺭﺯﯨﻴﺪﯗ ، ﻛﯩﻤﻠﻪﺭﻧﯩﯔ ﺑﯩﺰ ﺋﯘﭼﯘﻥ ﻗﻮﺷﻘﺎﻥ ﺗﯚﮬﭙﯩﺴﻰ ﺋﻪﯓ ﺯﻭﺭ ؟ ﻧﯧﻤﻪ ﺋﯘﭼﯘﻥ ﺋﯘﻟﯘﻕ ﺋﺎﻟﯩﻤﻠﯩﺮﯨﻤﯩﺰﻧﯩﯔ ﻣﯘﺑﺎﺭﻩﻙ ﻗﻪﺑﺮﯨﻠﯩﺮﻯ ﺑﯘﮔﯘﻧﻜﻰ ﻛﯘﻧﺪﻩ ﻧﻪﺯﯨﺮﯨﻤﯩﺰﺩﯨﻦ ﺳﺎﻗﯩﺖ ﺑﻮﻟﯘﭖ ﻗﺎﻟﺪﻯ ؟؟..

2، ﺋﯩﭙﺎﺭﺧﺎﻥ ﻗﻪﺑﺮﯨﺴﯩﺪﯨﻦ ﻗﺎﻳﺘﯩﭗ ﻛﯧﻠﯩﺶ ﻳﻮﻟﯩﺪﺍ ﺑﯩﺮ ﭼﻮﯓ ﻛﯚﯞﺭﯗﻛﺘﯩﻦ ﺋﯚﺗﺘﯘﻕ ، ﺩﻩﻝ ﺷﯘ ﯞﺍﻗﯩﺘﺘﺎ ﺑﯩﺮﺳﻰ ﺗﯘﻣﻪﻥ ﺩﻩﺭﻳﺎﺳﻰ ﻣﯘﺷﯘ ﺋﯩﻜﻪﻥ ﺩﯦﺪﻯ . ﺋﯘﻧﯩﯔ ﺳﯚﺯﯨﮕﻪ ﺋﯩﺸﻪﻧﻤﻪﻱ ﻗﺎﻳﺘﯘﺭﯗﭖ ﺳﻮﺭﯨﺴﺎﻡ "ﮬﻪﺋﻪ ، ﻣﯘﺷﯘ ﺋﯩﻜﻪﻥ" ﺩﯦﺪﻯ . ﻛﯚﺯ ﺋﺎﻟﺪﯨﻤﺪﯨﻜﻰ ﻛﯚﯞﺭﯗﻙ ﺋﺎﺳﺘﯩﺪﺍ ﺋﯧﻘﯩﯟﺍﺗﻘﯩﻨﻰ ﻣﯧﻨﯩﯔ ﻏﺎﻳﯩﯟﻯ ﺩﯗﻧﻴﺎﺭﯨﻤﺪﯨﻜﻰ ﺋﻪﺯﯨﻢ ﺩﻩﺭﻳﺎ ﺑﻮﻟﻤﺎﺳﺘﯩﻦ ، ﺑﻪﻟﻜﻰ ﺟﯩﺮﺍ ﺳﯘﻟﯩﺮﻯ ﺳﺎﻗﯩﻨﺪﺍﭖ ﺋﯧﻘﯩﯟﺍﺗﻘﺎﻥ ﻛﯩﭽﯩﻜﻼ ﺑﯩﺮ ﺋﯧﻘﯩﻦ ﺋﯩﺪﻯ . ﺷﯘﻧﭽﻪ ﻛﯚﭖ ﺋﻮﻏﻼﻧﻼﺭﻧﻰ ﺋﯚﺯ ﺳﯘﻳﯩﺪﻩ ﭘﻪﺭﯞﯨﺶ ﻗﯩﻠﯩﭗ ﺋﯚﺳﺘﯘﺭﮔﻪﻥ ، ﺋﻪﺟﺪﺍﺗﻠﯩﺮﯨﻤﯩﺰﻧﯩﯔ ﺗﺎﻻﻱ ، ﺗﺎﻻﻱ ﻛﯚﺯ ﻳﺎﺷﻠﯩﺮﯨﻨﻰ ﺳﯩﯖﺪﯗﺭﯗﭖ ﻛﻪﺗﻜﻪﻥ ﺑﯘ ﺋﻪﺯﯨﻢ ﺩﻩﺭﻳﺎﻧﯩﯔ ﺑﯘﮔﯘﻧﻜﻰ ﮬﺎﻟﯩﺘﻰ ﻛﯚﯕﻠﯘﻣﻨﻰ ﺷﯘﻧﭽﯩﻠﯩﻚ ﻳﯧﺮﯨﻢ ﻗﯩﻠﺪﻯ . ﻛﻪﭼﻠﯩﻜﻰ ﺗﺎﻣﺎﻕ ﯞﺍﻗﺘﯩﺪﺍ ﺑﯘ ﻗﯧﺘﯩﻤﻘﻰ ﭘﺎﺋﺎﻟﯩﻴﻪﺗﻜﻪ ﻣﻪﺳﺌﯘﻝ ﻛﯩﺸﯩﺪﯨﻦ" ﺗﯘﻣﻪﻥ ﺩﻩﺭﻳﺎﺳﻰ ﻧﯩﻤﻪ ﺋﯘﭼﯘﻥ ﻗﯘﺭﯗﭖ ﻛﻪﺗﺘﻰ ؟" ﺩﻩﭖ ﺳﻮﺭﯨﺪﯨﻢ ، ﺋﯘ ﺳﻮﺋﺎﻟﯩﻤﻨﻰ ﺋﺎﯕﻼﭖ ﺋﺎﯞﺍﻝ ﻛﯘﻟﯘﭖ ﻛﻪﺗﺘﻰ ، ﺋﺎﻧﺪﯨﻦ ﻣﯘﻧﺪﺍﻕ ﺩﯦﺪﻯ : "ﻣﻪﻧﺪﯨﻦ ﺑﯘ ﺗﻮﻏﺮﯗﻟﯘﻕ ﺳﻮﺋﺎﻝ ﺳﻮﺭﯨﻐﺎﻥ ﺋﯩﻜﻜﯩﻨﭽﻰ ﻛﯩﺸﻰ ﺳﯩﺰ ، ﺋﯚﺗﻜﻪﻥ ﻳﯩﻠﻰ ﺋﯩﭽﻜﯩﺮﺩﯨﻦ ﻛﻪﻟﮕﻪﻥ ﺑﯩﺮ ﺧﻪﻧﺰﯗ ﺗﻪﺗﻘﯩﻘﺎﺗﭽﯩﻤﯘ ﻗﻪﺷﻘﻪﺭﺩﻩ ﺗﯘﻣﻪﻥ ﺩﻩﺭﻳﺎﺳﻰ ﺑﺎﺭ ﺩﻩﭖ ﺋﺎﯕﻠﯩﻐﺎﻥ ﺋﯩﺪﯨﻢ ، ﻗﻪﺷﻘﻪﺭ ﺷﻪﮬﯩﺮﯨﻨﻰ ﺋﺎﻳﻠﯩﻨﯩﭗ ﭼﯩﻘﺘﯩﻢ ، ﻟﯧﻜﯩﻦ ﺋﯘ ﺩﻩﺭﻳﺎﻧﻰ ﺗﯧﺨﻰ ﺑﺎﻳﻘﯩﻤﯩﺪﯨﻢ ، ﺋﯘ ﻗﻪﻳﻪﺭﺩﻩ ؟ " ﺩﻩﭖ ﺳﻮﺭﯨﻐﺎﻥ ﺋﯩﺪﻯ ، ﻣﻪﻧﻤﯘ ﺩﻩﻣﺎﻟﻠﯩﻘﻘﺎ ﻧﯩﻤﻪ ﺩﯦﻴﯩﺸﯩﻤﻨﻰ ﺑﯩﻠﻪﻟﻤﻪﻱ ﻗﺎﻟﻐﺎﻥ ﺋﯩﺪﯨﻢ ، ﻣﺎﻧﺎ ﺑﯘﮔﯘﻥ ﺳﯩﺰ ﺳﻮﺭﺍﭖ ﻗﺎﻟﺪﯨﯖﯩﺰ ، ﻛﻪﭼﻠﯩﻚ ﺗﺎﻣﺎﻗﺘﯩﻦ ﻛﯧﻴﯩﻦ ﻣﻪﻥ ﺳﯩﺰﻧﻰ ﺗﯘﻣﻪﻥ ﺩﻩﺭﻳﺎﺳﯩﻨﯩﯔ ﻛﻪﭼﻠﯩﻚ ﻣﻪﻧﺰﯨﺮﯨﺴﯩﻨﻰ ﺗﺎﻣﺎﺷﺸﺎ ﻗﯩﻠﺪﯗﺭﺍﻱ ، ﺋﺎﻧﺪﯨﻦ ﺋﯘﻧﯩﯖﻐﺎ ﺋﺎﺋﯩﺖ ﺳﯚﺯﻟﻪﺭﻧﻰ ﻗﯩﻠﯩﭗ ﺑﯩﺮﻩﻱ ﺩﯦﺪﻯ . ﺗﺎﻣﺎﻗﺘﯩﻦ ﻛﯧﻴﯩﻦ ﺑﯩﺮﻧﻪﭼﭽﻪﻳﻠﻪﻥ ﺋﯘﻧﯩﯔ ﺑﺎﺷﻠﯩﺸﻰ ﺑﯩﻠﻪﻥ ﺗﯘﻣﻪﻥ ﺩﻩﺭﻳﺎﺳﯩﻐﺎ ﺑﺎﺭﺩﯗﻕ . ﮔﯘﮔﯘﻣﺪﯨﻜﻰ ﺗﯘﻣﻪﻥ ﺩﻩﺭﻳﺎﺳﯩﻨﯩﯔ ﺷﯩﺮﯨﻠﺪﺍﺷﻠﯩﺮﻯ ﺗﻮﻟﯩﻤﯘ ﻣﯘﯕﻠﯘﻕ ﺋﺎﯕﻠﯩﻨﺎﺗﺘﻰ ، ﺋﯘ ﺧﯘﺩﺩﻯ ﺋﯚﺯﯨﻨﯩﯔ ﻗﯩﺴﻤﻪﺗﻠﯩﺮﯨﻨﻰ ﺳﯚﺯﻟﻪﯞﺍﺗﻘﺎﻧﺪﻩﻙ ﺋﯩﺪﻯ . ﮬﯧﻠﯩﻘﻰ ﻣﻪﺳﺌﯘﻝ ﻛﯩﺸﯩﻨﯩﯔ ﺋﯧﻴﺘﯩﺸﯩﭽﻪ ﻧﻪﭼﭽﻪ ﻳﯩﻠﻨﯩﯔ ﺋﺎﻟﺪﯨﺪﺍ ﻗﻪﺷﻘﻪﺭﺩﯨﻜﻰ ﺋﻪﯞﺭﻩﺯ ﺳﯘﻳﯩﻨﻰ ﺗﯘﻣﻪﻥ ﺩﻩﺭﻳﺎﺳﯩﻐﺎ ﻗﻮﻳﯘﭖ ﺑﯧﺮﻩﺗﺘﯩﻜﻪﻥ ، ﺑﯘﻟﻐﯘﻧﯘﺵ ﻧﺎﮬﺎﻳﯩﺘﻰ ﺋﯧﻐﯩﺮ ﺑﻮﻟﯘﭖ ، ﺑﯘ ﮬﻪﻗﺘﻪ ﺧﻪﻟﻖ ﻗﯘﺭﯗﻟﺘﯩﻴﯩﺪﺍ ﺟﯩﻖ ﺗﻪﻛﻠﯩﭗ - ﭘﯩﻜﯩﺮﻟﻪﺭﻧﯩﯔ ﭼﯘﺷﻜﻪﻧﻠﯩﻜﻰ ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺷﻪﮬﻪﺭ ﺭﻩﮬﺒﻪﺭﻟﯩﺮﯨﻨﯩﯔ ﺑﯘ ﺋﯩﺸﻘﺎ ﻳﯧﻘﯩﻨﺪﯨﻦ ﻛﯚﯕﯘﻝ ﺑﯚﻟﯘﭖ ، ﺑﯘﻟﻐﯘﻧﯘﺷﻨﻰ ﺗﯩﯩﺰﮔﯩﻨﻠﻪﺵ ﺗﻪﺩﺑﯩﺮﻟﯩﺮﯨﻨﻰ ﻗﻮﻟﻠﯩﻨﯩﯟﺍﺗﻘﺎﻧﻠﯩﻐﯩﻨﻰ ، ﻛﯧﻴﯩﻨﭽﻪ ﻳﺎﺧﺸﻰ ﺑﻮﻟﯘﭖ ﻛﯧﺘﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﺑﻪﺭﺩﻯ . ﺋﯘ ﻳﻪﻧﻪ ﻳﺎﺯ ﻛﯩﺮﮔﮕﻨﺪﻩ ﺳﯘﻧﯩﯔ ﺋﯘﻟﻐﯘﻳﯩﺪﯨﻐﺎﻧﻠﯩﻐﯩﻨﻰ ﺋﯧﻴﺘﺘﻰ . ﻟﯧﻜﯩﻦ ﺷﯘﻧﺪﺍﻗﺘﯩﻤﯘ ﻛﯚﯕﻠﯘﻡ ﺑﻪﻛﻼ ﻳﯧﺮﯨﻢ ﺑﻮﻟﺪﻯ . ﮔﻪﺭﭼﻪ ﺗﯘﻣﻪﻥ ﺩﻩﺭﻳﺎﺳﯩﻨﻰ ﺑﯘﺭﯗﻥ ﻛﯚﺭﯗﭖ ﺑﺎﻗﻤﯩﻐﺎﻥ ﺑﻮﻟﺴﺎﻣﻤﯘ ، ﻟﯧﻜﯩﻦ ﻳﺎﺯﻏﯘﭼﯩﻠﯩﺮﯨﻤﯩﺰﻧﯩﯔ ﺋﯘ ﮬﻪﻗﺘﯩﻜﻰ ﺗﻪﺳﯟﯨﺮﻯ ﺋﺎﺭﻗﯩﻠﯩﻖ ﺋﯘﻧﻰ ﺗﻮﻧﯘﻏﺎﻥ ﺋﯩﺪﯨﻢ ، ﺷﯘﯕﺎ ﺋﻪﺯﻩﻟﺪﯨﻨﻼ ﺗﯘﻣﻪﻥ ﺩﻩﺭﻳﺎﺳﯩﻨﻰ ﻧﺎﮬﺎﻳﯩﺘﻰ ﭼﻮﯓ ﺋﻪﺯﯨﻢ ﺩﻩﺭﻳﺎ ، ﺩﻩﺭﻳﺎ ﺳﯘﻳﻰ ﺩﻩﺭﻳﺎ ﻗﯩﻨﯩﻐﺎ ﺳﯩﻐﻤﺎﻱ ﺋﯧﻘﯩﭗ ﺗﯘﺭﯨﺪﯗ ﺩﻩﭖ ﺗﻪﺳﻪﯞﯞﯗﺭ ﻗﯩﻼﺗﺘﯩﻢ . ﺷﯘﯕﺎ ﻛﯚﺯ ﺋﺎﻟﺪﯨﻤﺪﯨﻜﻰ ﺭﯨﺌﺎﻟﻠﯩﻘﻨﻰ ﻗﻮﺑﯘﻝ ﻗﯩﻠﯩﺶ ﮬﻪﻗﯩﻘﻪﺗﻪﻥ ﺗﻪﺱ ﺋﯩﺪﻯ . ﺋﯧﻴﺘﯩﯖﻼﺭﭼﯘ ، ﺗﯘﻣﻪﻥ ﺩﻩﺭﻳﺎﺳﻰ ﻧﯩﻤﻪ ﺋﯘﭼﯘﻥ ﻣﯘﺷﯘ ﮬﺎﻟﻐﺎ ﻛﻪﭖ ﻗﺎﻟﺪﻯ ؟؟

3، ﺑﯩﺰ ﻗﻪﺷﻘﻪﺭ ﺗﯧﺨﻨﯩﻚﺋﯩﺸﭽﯩﻼﺭ ﻣﻪﻛﺘﯩﯟﯨﻨﻰ ﺯﯨﻴﺎﺭﻩﺕ ﻗﯩﻠﻐﺎﻥ ﯞﺍﻗﺘﯩﻤﯩﺰﺩﺍ ، ﺋﻪﻣﮕﻪﻙ ﻛﯘﭼﻠﯩﺮﯨﻨﻰ ﺳﯩﺮﺗﻘﺎ ﻳﯚﺗﻜﻪﺵ ﺗﻪﺟﯩﺮﺑﻪ ﺳﯩﻨﯩﭙﻰ ﺑﻮﻟﻐﺎﻥ ﻧﺎﻣﺮﺍﺗﻼﺭ ﭘﻪﺭﺯﻩﻧﺘﻠﯩﺮﯨﻨﯩﯔ ﻣﯧﮭﻤﺎﻧﺨﺎﻧﺎ ﻣﯘﻻﺯﯨﻤﻪﺗﭽﯩﻠﯩﻚ ﻛﻪﺳﭙﯩﻨﻰ ﭘﯘﺗﺘﯘﺭﮔﻪﻥ ﺋﻮﻗﯘﻏﯘﭼﯩﻼﺭﻧﯩﯔ ﺋﻮﻗﯘﺵ ﭘﯘﺗﺘﯘﺭﯗﺵ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﺘﯘﻕ . ﻳﯩﻐﯩﻦ ﺭﯨﻴﺎﺳﻪﺗﭽﯩﺴﻰ ﻣﻪﺯﻛﯘﺭ ﻣﻪﻛﺘﻪﭘﻨﯩﯔ ﭘﺎﺭﺗﯩﻴﻪ ﻳﺎﭼﯧﻴﻜﺎ ﺳﯧﻜﺮﯨﺘﺎﺭﻯ ﺋﯩﻜﻪﻥ ، ﺑﯘ ﭘﯩﺸﻘﻪﺩﻩﻡ ﻣﯘﺋﺎﺭﯨﭙﭽﻰ ﻳﯩﻐﯩﻨﻐﺎ ﺧﻪﻧﺰﯗﭼﻪ ﺭﯨﻴﺎﺳﻪﺗﭽﯩﻠﯩﻚ ﻗﯩﻠﺪﻯ ، ﮬﻪﻡ ﺋﯚﺯﻯ ﻛﯚﭘﭽﯩﻠﯩﻜﻜﻪ ﺗﻪﺭﺟﯩﻤﻪ ﻗﯩﻠﯩﭗ ﺑﻪﺭﺩﻯ ، ﺋﯘﻧﯩﯔ ﺧﻪﻧﺰﯗﭼﯩﺴﻰ ﺧﯧﻠﻰ ﺭﺍﯞﺍﻥ ﺋﯩﻜﻪﻥ ، ﻟﯧﻜﯩﻦ ﺗﻪﺭﺟﯩﻤﻪ ﺟﻪﺭﻳﺎﻧﯩﺪﺍ "ﻣﻪﻛﺘﻪﭖ ﻣﯘﺩﯨﺮﻯ" ﺩﯨﮕﻪﻥ ﺷﯘﻧﭽﻪ ﺋﯚﻟﭽﻪﻣﻠﯩﻚ ﺋﺎﺗﺎﻟﻐﯘﻧﻰ ﻗﻮﻟﻼﻧﻤﺎﻱ ، ﺋﯘﻧﯩﯔ ﺋﻮﺭﻧﯩﻐﺎ xiao zhang ﺋﺎﺗﺎﻟﻐﯘﺳﯩﻨﻰ ﻗﻮﻟﻠﯩﻨﯩﺸﻰ ﺧﯘﺩﺩﻯ ﺑﯩﺮ ﻗﺎﭼﺎ ﺋﺎﺷﻘﺎ ﭼﯩﯟﯨﻦ ﭼﯘﺷﯘﭖ ﻛﻪﺗﻜﻪﻧﺪﻩﻙ ﻛﯚﯕﻠﯘﻣﻨﻰ ﺗﻮﻟﯩﻤﯘ ﻏﻪﺵ ﻗﯩﻠﯩﭗ ﻗﻮﻳﺪﻯ . ﺑﯘ ﻏﻪﺷﻠﯩﻜﻠﯩﺮﯨﻢ ﺋﯘﻧﯘﺗﻤﺎﻱ ﺗﯘﺭﯗﭘﻼ ﻳﻪﻧﻪ ﻣﯘﻧﺪﺍﻕ ﺋﯩﺸﻘﺎ ﺩﯗﭺ ﻛﯧﻠﯩﭗ ، ﺑﺎﺷﻘﯩﭽﯩﻼ ﺑﻮﻟﯘﭖ ﻗﺎﻟﺪﯨﻢ . ﻗﻪﺷﻘﻪﺭﺩﯨﻦ ﻗﺎﻳﺘﯩﺪﯨﻐﺎﻥ ﯞﺍﻗﯩﺘﺘﺎ ﺑﯘ ﻗﯧﺘﯩﻤﻘﻰ ﭘﺎﺋﺎﻟﯩﻴﻪﺗﯩﻜﻰ ﻗﻪﺷﻘﻪﺭﻟﯩﻚ ﺋﯘﻳﻐﯘﺭﻻﺭ ﺑﺎﺷﻘﺎ ﯞﯨﻼﻳﻪﺕ - ﺷﻪﮬﻪﺭﻟﻪﺭﺩﯨﻦ ﻛﻪﻟﮕﻪﻥ ﺋﯘﻳﻐﯘﺭﻻﺭﻧﻰ ﻣﯧﮭﻤﺎﻥ ﻗﯩﻠﯩﯟﺍﻟﯩﻤﯩﺰ ﺩﻩﭖ ﺳﻮﺭﯗﻥ ﮬﺎﺯﯨﺮﻻﭘﺘﯘ . ﺑﯩﺰﻣﯘ ﺋﯘﻻﺭﻧﯩﯔ ﻳﺎﺧﺸﻰ ﻛﯚﯕﻠﯩﻨﻰ ﻳﻪﺭﺩﻩ ﻗﻮﻳﻤﺎﻱ ﺧﯘﺷﺎﻝ - ﺧﯘﺭﺍﻡ ﺋﯩﺸﺘﯩﺮﺍﻙ ﻗﯩﻠﺪﯗﻕ ، ﺋﯘﻻﺭﻧﯩﯔ ﻗﯩﺰﻏﯩﻨﻠﯩﻘﻰ ﮬﻪﻡ ﻣﯧﮭﻤﺎﻧﺪﻭﺳﺘﻠﯩﻘﻰ ﮬﻪﻣﻤﻪﻳﻠﻪﻧﻨﻰ ﺷﯘﻧﺪﺍﻕ ﺧﯘﺷﺎﻝ ﻗﯩﻠﺪﻯ ، ﻟﯧﻜﯩﻦ ﺋﺎﺭﯨﻠﯩﻘﺘﺎ ﺳﺎﮬﯩﺒﺨﺎﻧﺎ ﺑﻮﻟﻐﺎﻥ ﻗﻪﺷﻘﻪﺭ ﻳﺎﺷﻠﯩﺮﯨﻨﯩﯔ ﮬﯧﭽﻘﺎﻧﺪﺍﻕ ﻳﺎﺕ ﻣﯩﻠﻠﻪﺕ ﺋﺎﺭﯨﻼﺷﻤﯩﻐﺎﻥ ﺳﻮﺭﯗﻧﺪﺍ ﺋﯚﺯ - ﺋﺎﺭﺍ ﺧﻪﻧﺰﯗﭼﻪ ﭘﺎﺭﺍﯕﻠﯩﺸﯩﺸﻰ ، ﻳﻪﻧﻪ ﻛﯧﻠﯩﭗ ﮬﻪﻣﻤﯩﺴﯩﻼ ﺑﯩﺮ - ﺑﯩﺮﯨﮕﻪ ﺋﻪﮔﯩﺸﯩﭗ ﺧﻪﻧﺰﯗﭼﻪ ﺳﯚﺯﻟﯩﺸﯩﭗ ﻛﯧﺘﯩﺸﻠﯩﺮﻯ ﻣﯧﻨﻰ ﺗﻮﻟﯩﻤﯘ ﺑﯩﺌﺎﺭﺍﻡ ﻗﯩﻠﺪﻯ . ﺋﺎﺩﻩﺗﺘﻪ ﺧﯩﺰﻣﻪﺗﻠﯩﺮﯨﻤﯩﺰﺩﻩ ﺳﺎﭖ ﺋﯘﻳﻐﯘﺭ ﺗﯩﻠﻰ ﺑﯩﻠﻪﻥ ﺋﺎﻻﻗﻪ ﻗﯩﻠﯩﺸﯩﻤﯩﺰ ﺗﻮﻟﯩﻤﯘ ﻣﯘﺷﻜﯘﻝ ﺑﻮﻟﯩﯟﺍﺗﻘﺎﻥ ، ﻗﯧﺮﯨﻨﺪﺍﺷﻠﯩﺮﯨﻤﯩﺰ ﺋﯚﺯ ﺋﻮﻱ ﭘﯩﻜﯩﺮﻟﯩﺮﯨﻨﻰ ﺋﺎﻧﺎ ﺗﯩﻠﯩﺪﺍ ﺋﯩﭙﺎﺩﯨﻠﻪﺵ ﭘﯘﺭﺳﯩﺘﯩﮕﻪ ﺋﯧﺮﯨﺸﻪﻟﻤﻪﻳﯟﺍﺗﻘﺎﻥ ، ﺗﯩﻠﯩﻤﯩﺰ ﺧﯩﺮﯨﺴﺘﻘﺎ ﺋﯘﭼﺮﺍﯞﺍﺗﻘﺎﻥ ﻣﯘﺷﯘﻧﺪﺍﻕ ﭘﻪﻳﺘﺘﻪ ، ﺋﯚﺯﯨﻤﯩﺰ ﺧﺎﻻﭖ ﺗﯘﺭﯗﭖ ﻳﺎﺕ ﺗﯩﻠﻼﺭ ﺑﯩﻠﻪﻥ ﭘﺎﺭﺍﯕﻠﯩﺸﯩﺸﯩﻤﯩﺰ ﻧﯧﻤﯩﺪﯨﻦ ﺩﯦﺮﻩﻙ ﺑﯧﺮﯨﺪﯗ . ﻳﺎﻛﻰ ﺑﯘﻧﺪﺍﻕ ﻗﯩﻠﯩﺸﯩﻤﯩﺰ ﺋﻪﻳﻨﻰ ﺩﻩﯞﺭﺩﻩ ﺋﻪﺭﻩﭖ ، ﭘﺎﺭﯨﺲ ﺗﯩﻠﻠﯩﺮﯨﺪﺍ ﺋﺎﻻﻗﻪ ﻗﻪﻟﯩﺶ ، ﺋﻪﺳﻪﺭ ﻳﯧﺰﯨﺸﻨﻰ ﺷﻪﺭﻩﭖ ﮬﯧﺲ ﻗﯩﻠﻐﯩﻨﯩﺰﺩﻩﻙ ، ﺑﯘﻣﯘ ﺑﯩﺮ ﻣﻪﺩﻩﻧﯩﻴﻪﺗﻠﻪﻙ ﺑﻮﻟﻐﺎﻧﻠﯩﻐﯩﻤﯩﺰﻧﯩﯔ ﺑﻪﻟﮕﯩﺴﯩﻤﯩﺪﯗ ، ﺩﯦﮕﻪﻧﻨﻰ ﺋﻮﻳﻼﭖ ﻗﺎﻟﺪﯨﻢ . ﺋﯧﮭﺘﯩﻤﺎﻝ ، ﺑﯘﻧﺪﺍﻕ ﺋﯩﺸﻼﺭ ﮬﻪﻣﻤﯩﻼ ﺋﺎﺩﻩﻣﺪﻩ ﺑﻮﻟﯘﺷﻰ ﻧﺎﺗﺎﻳﯩﻦ ، ﻟﯧﻜﯩﻦ ، ﻣﻪﺩﻩﻧﯩﻴﻪﺗﻠﯩﻚ ، ﺗﻪﺭﺑﯩﻴﻪ ﻛﯚﺭﮔﻪﻥ ﺯﯨﻴﺎﻟﯩﻼﺭﻧﯩﯔ ﺑﯘﻧﺪﺍﻕ ﻗﯩﻠﯩﺸﻰ ﺳﯩﻠﻪﺭﭼﻪ ﻣﯘﯞﺍﭘﯩﻘﻤﯘ ؟؟

ﺑﯘ ﻣﺎﻗﺎﻻ ﺋﯩﻼﻥ ﻗﯩﻠﯩﻨﻐﺎﻧﺪﯨﻦ ﻛﯩﻴﯩﻦ ﺗﻮﺭﺩﺍﺷﻼﺭﻧﯩﯔ ﺋﯩﻨﻜﺎﺳﻰ

ﺩﻩﯞﯨﺮﺩﺍﺷﻨﯩﯔ ﺋﯩﻨﻜﺎﺳﻰ ﺗﯚﯞﻩﻧﺪﯨﻜﭽﻪ :

ﺳﯩﺰﻧﯩﯔ ﺋﻪﺯﯨﺰﺍﻧﻪ ﻗﻪﺷﻘﻪﺭﺩﯨﻜﻰ ﻛﺎﻣﺎﻧﺪﯨﺮﻭﭘﻜﯩﯖﯩﺰﻧﯩﯔ ﻛﯚﯕﯜﻟﻠﯜﻙ ﺋﯚﺗﻜﯩﻨﯩﺪﯨﻦ ﺋﯩﻨﺘﺎﻳﯩﻦ ﺧﯘﺭﺳﻪﻧﻤﻪﻥ.

ﺳﯩﺰﻧﯩﯔ ﺑﯩﺮﯨﻨﺠﻰ ﺳﻮﺋﺎﻟﯩﯖﯩﺰﻏﺎ ﻣﯘﻧﺪﺍﻕ ﺟﺎﯞﺍﭖ ﺑﯧﺮﯨﺸﻨﻰ ﻻﻳﯩﻖ ﺗﺎﭘﺘﯩﻢ، ﺑﯩﺰﻧﯩﯔ ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ

ﻣﻪﺩﻩﻧﯩﻴﻪﺕ ﻣﯩﺮﺍﺳﻠﯩﺮﻯ ﻣﺎﻛﺎﻧﻰ ﮬﯧﺴﺎﭘﻠﯩﻨﯩﺪﯗ، ﮬﻪﺭ ﻗﺎﻳﺴﻰ ﺷﻪﮬﻪﺭ، ﯞﯨﻼﻳﻪﺕ،ﺋﺎﭘﺘﻮﻧﻮﻡ ﺋﻮﺑﻼﺳﺘﻼﺭﺩﺍ ﺋﯚﺯﯨﮕﻪ ﺧﺎﺱ

ﺋﺎﻻﮬﯩﺪﯨﻠﯩﻜﻜﻪ ﺋﯩﮕﻪ ﻗﻪﺩﯨﻢ ﺋﻪﺟﺪﺍﺗﻼﺭ ﻣﻪﻗﺒﻪﺭﯨﺴﻰ،ﻣﻪﺩﻩﻧﯩﻴﻪﺕ- ﻳﺎﺩﯨﻜﺎﺭﻟﯩﻘﻠﯩﺮﻯ ﺋﻮﺭﯗﻧﻠﯩﺮﻯ ﺑﺎﺭ.

ﺳﯩﺰﻧﯩﯔ ﻳﯘﺳﯘﭖ ﺧﺎﺱ ﮬﺎﺟﯩﭗ ﻣﻪﻗﺒﻪﺭﯨﺴﯩﺪﻩ ﺋﺎﺩﻩﻡ ﺋﯘﭼﺮﯨﺘﺎﻟﻤﯩﻐﺎﻧﻠﯩﻘﯩﯖﯩﺰﻧﻰ ﻣﯘﻧﺪﺍﻕ ﺑﯩﺮ ﻗﺎﻧﭽﻪ ﻧﯘﻗﺘﯩﻼﺭﺩﺍ

ﭘﯩﻜﯩﺮ ﻳﯜﺭﮔﯜﺯﯛﭖ ﺑﺎﻗﺘﯩﻢ، ﺑﯩﺮﺳﻰ ﺋﯘﻧﺪﺍﻕ ﻣﻪﺩﻩﻧﯩﻲ-ﻳﺎﺩﯨﻜﺎﺭﻟﯩﻘﻼﺭ ﺋﻮﺭﻧﻰ ﻛﯜﻧﺪﻩ ﺯﯨﻴﺎﺭﻩﺕ ﻗﯩﻠﯩﯟﯨﺮﯨﺪﯨﻐﺎﻥ ﻳﻪﺭ ﺋﻪﻣﻪﺱ،ﺑﻪﻟﻜﯩﻢ ﺳﯩﺰ ﺳﺎﻳﺎﮬﻪﺗﭽﯩﻠﻪﺭﻧﯩﯔ ﭼﯩﻘﯩﭗ ﻛﯧﺘﯩﺸﯩﮕﻪ ﻛﯩﺮﯨﭗ ﻗﺎﻟﻐﺎﻧﺴﯩﺰ،ﺋﯘﻧﺪﺍﻕ ﺟﺎﻳﻼﺭﻏﺎ ﭘﻪﻗﻪﺕ ﺳﯩﺰﮔﻪ ﺋﻮﺧﺸﺎﺵ ﺳﯩﺮﺗﺘﯩﻦ ﻣﯧﮭﻤﺎﻧﻼﺭ ﻛﻪﻟﮕﻪﻥ ﯞﺍﻗﯩﺘﺘﺎ ﺷﯘﻻﺭﻏﺎ ﺗﻮﻧﯘﺷﺘﯘﺭﯗﺵ ﻛﯚﺭﺳﯩﺘﯩﺶ ﻣﻪﻗﺴﯩﺪﯨﺪﻩ ﺯﯨﻴﺎﺭﻩﺕ ﻗﯩﻠﯩﺶ ﺑﯘ ﺗﻪﺑﯩﺌﯩﻲ ﺋﻪﮬﯟﺍﻝ. ﻳﻪﻧﻪ ﺑﯩﺮﺳﻰ ﺑﯩﺰﻧﯩﯔ ﻳﯜﺳﯜﭖ ﺧﺎﺱ ﮬﺎﺟﯩﭙﻘﺎ ﺋﻮﺧﺸﺎﺵ ﺋﯘﻟﯘﻕ ﺋﻪﺟﺪﺍﺗﻠﯩﺮﯨﻤﯩﺰﻏﺎ ﺑﻮﻟﻐﺎﻥ ﭼﯜﺷﻪﻧﭽﻪ-ﮬﯚﺭﻣﯩﺘﯩﻤﯩﺰ ﺑﻪﻟﻜﯩﻢ ﻳﯧﺘﻪﺭﻟﯩﻚ ﺑﻮﻟﻤﯩﻐﺎﻥ ﺑﻮﻟﯘﺷﻰ ﻣﯜﻣﻜﯩﻦ.

ﺋﯩﻜﻜﯩﻨﭽﻰ ﺳﻮﺋﺎﻟﯩﯖﯩﺰﻏﺎ ﻛﻪﻟﮕﻪﻥ ﯞﺍﻗﯩﺘﺘﺎ ﺑﯘﻧﯩﯖﺪﺍ ﮬﻪﻣﻤﻪﻳﻠﻪﻧﻨﯩﯔ ﺑﺎﺵ ﺗﺎﺭﺗﯩﭗ ﺑﻮﻟﻤﺎﻳﺪﯨﻐﺎﻥ ﻣﻪﺟﺒﯘﺭﯨﻴﯩﺘﻰ ﺑﺎﺭ،

ﻣﻪﻧﻤﯘ ﺑﯘ ﻳﯩﻞ ﺑﯩﺮﯨﻨﺠﻰ ﺋﺎﻳﺪﺍ ﻛﯩﻨﺪﯨﻚ ﻗﯧﻨﯩﻢ ﺗﯚﻛﯜﻟﮕﻪﻥ ﺋﻪﺯﯨﺰ ﻳﯘﺭﺗﯘﻡ ﻗﻪﺷﻘﻪﺭﮔﻪ ﺑﺎﺭﺩﯨﻢ، ﻛﯩﭽﯩﻚ ﯞﺍﻗﯩﺘﻠﯩﺮﯨﻤﯩﺰﺩﺍ

ﺩﺍﯞﺍﻣﻠﯩﻖ ﺋﻪﺗﺮﺍﭘﯩﺪﺍ ﺋﻮﻳﻨﺎﻳﺪﯨﻐﺎﻥ، ﻧﺎﻣﻰ ﭘﯜﺗﯜﻥ ﺟﺎﮬﺎﻧﻐﺎ ﭘﯘﺭ ﻛﻪﺗﻜﻪﻥ ﮬﻪﻳﯟﻩﺗﻠﯩﻚ ﺗﯜﻣﻪﻥ ﺩﻩﺭﻳﺎﺳﯩﻨﯩﯔ ﮬﺎﺯﯨﺮﻗﻰ ﮬﺎﻟﯩﺘﯩﻨﻰ ﻛﯚﺭﯛﭖ ﺋﯩﺨﺘﯩﻴﺎﺭﺳﯩﺰ ﻛﯚﺯﻟﯩﺮﯨﻤﺪﯨﻦ ﻳﺎﺵ ﺋﻪﮔﯩﮕﻪﻥ ﺋﯩﺪﻯ.ﻛﯧﻴﯩﻦ ﺩﻭﺳﺘﯘﻡ ﺋﺎﺗﺎﻣﺎﻧﻨﯩﯔ ﺳﯜﺭﻩﺗﻠﯩﻚ ﻣﺎﻗﺎﻟﯩﺴﯩﻨﻰ ﻛﯚﺭﯛﭖ ﻳﻪﻧﻪ ﺑﯩﺮ ﻗﯧﺘﯩﻢ ﮬﻪﺳﺮﻩﺗﻠﻪﻧﮕﻪﻥ ﺋﯩﺪﯨﻢ،ﺑﯘ ﺑﯩﺰﻧﯩﯔ ﻣﯘﮬﯩﺖ ﺋﺎﺳﺮﺍﺵ ﺋﯧﯖﯩﻤﯩﺰﻧﯩﯔ ﺗﻮﻟﯘﻕ ﻳﯧﺘﯩﻠﻤﯩﮕﻪﻧﻠﯩﻜﯩﻨﻰ ﭼﯜﺷﻪﻧﺪﯛﺭﯛﭖ ﺑﯧﺮﯨﺪﯗ، ﻣﻪﻧﻤﯘ ﺷﯘ ﯞﺍﻗﯩﺘﺘﺎ ﺷﻪﮬﻪﺭ ﺭﻩﮬﺒﻪﺭﻟﯩﺮﯨﻨﯩﯔ ﺑﯘ ﺋﯩﺸﻘﺎ ﺋﺎﻻﮬﯩﺪﻩ ﻛﯚﯕﯜﻝ ﺑﯚﻟﯜﯞﺍﺗﻘﺎﻧﻠﯩﻘﯩﻨﻰ ﺋﺎﯕﻠﯩﻐﺎﻥ ﺑﻪﻟﻜﯩﻢ ﭘﺎﺕ ﺋﺎﺭﯨﺪﺍ ﺋﻪﺳﻠﯩﮕﻪ ﻛﯧﻠﯩﺸﻰ ﻣﯜﻣﻜﯩﻦ، ﮬﻪﻡ ﺷﯘﻧﺪﺍﻕ ﺑﻮﻟﯘﺷﯩﻨﻰ ﭼﯩﻦ ﺩﯨﻠﯩﻤﺪﯨﻦ ﺋﯜﻣﯩﺖ ﻗﯩﻠﯩﻤﻪﻥ.

ﺋﯜﭼﯩﻨﭽﻦ ﺳﻮﺋﺎﻟﯩﯖﯩﺰﻏﺎ ﻛﻪﻟﮕﻪﻧﺪﻩ ﺳﯩﺰ ﺋﯘﭼﺮﺍﺗﻘﺎﻥ ﺋﯘ ﺋﻪﮬﯟﺍﻝ ﺑﻪﻟﻜﯩﻢ ﺑﺎﺷﻘﺎ ﺷﻪﮬﻪﺭﻟﻪﺭﮔﻪ ﺳﯧﻠﯩﺸﺘﯘﺭﻏﺎﻧﺪﺍ ﻗﻪﺷﻘﻪﺭﺩﻩ ﻧﯩﺴﺒﻪﺗﻪﻥ ﺋﺎﺯ ﺑﻮﻟﺴﺎ ﻛﯧﺮﻩﻙ ﺩﻩﭖ ﺋﻮﻳﻼﻳﻤﻪﻥ، ﻣﻪﻧﻤﯘ ﺑﺎﺷﻘﺎ ﺷﻪﮬﻪﺭﻟﻪﺭﺩﻩ ﺑﯘﻧﺪﺍﻕ ﺋﻪﮬﯟﺍﻟﻼﺭﻧﻰ ﺗﻮﻻ ﺋﯘﭼﺮﺍﺗﻘﺎﻥ، ﺑﻪﺯﯨﺪﻩ ﺋﯩﺨﺘﯩﻴﺎﺭﺳﯩﺰ ﺋﯚﺯﯨﻤﯩﺰﻣﯘ ﺷﯘﻻﺭ ﻗﺎﺗﺎﺭﯨﺪﺍ ﺳﺎﻧﯩﻠﯩﭗ ﻗﯧﻠﯩﺸﯩﻤﯩﺰ ﻣﯜﻣﻜﯩﻦ، ﻣﯧﻨﯩﯖﭽﻪ ﺑﻮﻟﻐﺎﻧﺪﺍ ﺑﯘ ﺋﻪﮬﯟﺍﻟﻨﻰ ﺋﻮﻣﯘﻣﻴﯜﺯﻟﯜﻙ ﺗﯜﮔﯩﺘﯩﺶ ﻛﯧﺮﻩﻙ، ﺑﯘ ﺗﻮﻏﺮﯨﺴﯩﺪﺍ ﺗﻮﺭ ﯞﻩ ﺟﻪﻣﯩﻴﻪﺗﺘﯩﻤﯘ ﻳﺎﺧﺸﻰ ﺗﻪﺷﯟﯨﻘﻼﺭ ﺑﻮﻟﯘﯞﺍﺗﯩﺪﯗ، ﮬﻪﻣﻤﯩﻤﯩﺰ ﺷﯘﻧﯩﯖﻐﺎ ﺋﺎﯞﺍﺯ ﻗﻮﺷﺴﺎﻕ ﺑﻪﻟﻜﯩﻢ ﺑﯘ ﻛﻪﻣﭽﯩﻠﻠﯩﻜﻠﻪﺭﻧﻰ ﺗﯜﺯﯨﺘﯩﭗ ﻛﯧﺘﻪﻟﯩﺸﯩﻤﯩﺰ ﻣﯜﻣﻜﯩﻦ.

ﺋﺎﺑﺪﯗﻝ ﻏﻮﭘﯘﺭﻧﯩﯔ ﺋﯩﻨﻜﺎﺳﻰ ﺗﯚﯞﻩﻧﺪﯨﻜﭽﻪ

ﺳﺎﻳﺎﮬﻪﺗﭽﯩﻠﯩﻚ ﻳﺎﺧﺸﻰ ﺑﺎﻍ،ﺋﯩﮕﯩﺰ ﺗﺎﻏﻼﺭ،ﻧﻪﻏﻤﻪ ﻧﺎﯞﺍﻻﺭ،ﻧﺎﺯﯨﻨﯩﻦ ﺋﯘﺳﯘﻟﻼﺭ ﺑﯩﻠﻪﻥ ﺧﺎﻟﻰ ﺋﻮﻟﺘﯘﺭﯗﺷﻼﺭ ﺋﺎﺭﺍ ﻗﯩﺰﯨﻴﺪﯨﻐﺎﻥ ﻧﻪﺭﺳﻪ ﺋﻮﺧﺸﺎﻳﺪﯗ،ﺑﻪﻟﻜﯩﻢ ﺑﯘ ﺟﻪﮬﻪﺗﺘﻪ ﻳﯜﺳﯜﭖ ﺧﺎﺱ ﮬﺎﺟﯩﭙﻨﯩﯔ ﻣﻪﻗﺒﻪﺭﯨﺴﯩﺪﻩ ﺑﯘ ﺋﺎﻣﯩﻠﻼﺭ ﺋﺎﺯ،ﺋﯩﻠﻤﯩﻲ ﺭﻭﮬ ﻛﯚﭖ ﺳﺎﻟﻤﺎﻗﻨﻰ ﺋﯩﮕﯩﻠﯩﮕﻪﭼﻜﻪ ﺷﯘﻧﺪﺍﻕ ﺑﻮﻟﺪﯨﻤﯩﻜﯩﻨﻪ؟ﺋﯚﺯﯨﻤﯩﺰﻣﯘ ﺋﻮﻳﯘﻧﻐﺎ ﺋﻤﺮﺍﻕ ﺧﻪﻕ ﺑﻮﻟﻐﺎﻧﺪﯨﻜﯩﻦ.

ﺧﻪﻧﺰﯗﭼﻪ ﺳﯚﺯﻟﻪﺷﻨﯩﯔ <ﻣﻪﺩﻩﻧﯩﻴﻪﺗﻠﻪﻙ>ﺑﻮﻟﯘﺷﻨﯩﯔ ﺑﯩﺮ ﺋﺎﻣﯩﻠﻰ ﺑﻮﻟﯘﭖ ﻗﯧﻠﯩﯟﺍﺗﻘﺎﻧﻠﯩﻘﻰ ﻣﯧﻨﯩﻤﯘ ﺋﻮﻳﻼﻧﺪﯗﺭﯗﭖ ﻗﻮﻳﯩﯟﺍﺗﺎﺗﺘﻰ،ﺑﯩﺮ ﻛﯜﻧﻰ ﻳﻮﻟﺪﺍ ﺑﯩﺮ ﺋﯘﻳﻐﯘﺭ ﺋﯘﭼﺮﯨﺪﯨﻜﻰ ﺋﯘ ﺑﺎﻟﯩﺴﯩﻐﺎ <ﻳﻰ،ﺋﯧﺮ،ﺳﻪﻥ>ﺩﻩﭖ ﺧﻪﻧﺰﯗﭼﻪ ﺳﺎﻧﺎﻕ ﺳﺎﻧﺎﺷﻨﻰ ﺋﯚﮔﯩﺘﯩﭗ ﻣﯧﯖﯩﯟﯨﺘﯩﭙﺘ،ﺋﺎﺭﻗﯩﺪﯨﻨﻼ ﺑﯩﺮ ﺧﻪﻧﺰﯗﻧﻰ ﻛﯚﺭﺩﯛﻡ ﺋﯘ ﺑﺎﻟﯩﺴﯩﻐﺎ<ﯞﺍﻥ،ﺗﯘ،ﺳﺮﻯ>ﺩﻩﭖ ﺋﯩﻨﮕﻠﯩﺰﭼﻪ ﺳﺎﻧﺎﻕ ﺳﺎﻧﺎﺷﻨﻰ ﺋﯚﮔﯩﺘﯩﭗ ﻣﯧﯖﯩﯟﯨﺘﯩﭙﺖﯘ...hayran

ﭘﯘﺭﺳﻪﺗﻨﯩﯔ ﺋﯩﻨﻜﺎﺳﻰ

ﺋﺎﺩﻩﺗﺘﻪ ﻗﻪﺷﻘﻪﺭﺩﻩ ﻣﻪﻛﺘﻪﭖ ﻣﯘﺩﯨﺮﯨﻨﻰ ( xioazhang)ﺩﻩﭖ ﺋﺎﻟﯩﺪﯗ. ﻛﯚﭘﯩﻨﭽﻪ ﺋﺎﺩﻩﻣﻠﻪﺭ ﺷﯘﻧﺪﺍﻕ ﺩﻩﭖ ﺋﺎﺩﻩﺗﻠﯩﻨﯩﭗ ﻗﺎﻟﻐﺎﻥ. ﻟﯩﻜﯩﻦ ﮬﺎﺯﯨﺮ ﻛﯚﭖ ﺋﺎﺩﻩﻣﻠﻪﺭ ﭘﻪﺭﺯﻩﻧﯩﺘﻠﯩﺮﯨﻨﻰ ﺧﻪﻧﺰﯗﭼﻪ ﺋﻮﻗﯘﺗﯩﯟﺍﺗﻘﺎﭼﯩﻘﯩﻤﯘ ﻳﺎﻛﻰ ﺧﯩﺰﻣﻪﺗﺘﻪ ﺧﻪﻧﺰﯗ ﻗﻮﻟﻠﯩﻨﯩﯟﺍﺗﻘﺎﭼﻘﯩﻤﯘ -ﺗﺎﯓ.. ﺑﯩﺮ ﻗﯩﺴﻢ ﺋﺎﺩﻩﻣﻠﻪﺭ ﺋﯚﺯ ﺗﯘﺭﻣﯘﺷﯩﺪﯨﻤﯘ ﺧﻪﻧﺰﯗﭼﻪ ﻗﻮﻟﻠﯩﻨﯩﺪﯨﻐﺎﻥ ﺑﻮﻟﯘﭖ ﻛﯩﺘﯩﭙﺘﯘ.. ﻣﻪﻥ ﻗﻪﺷﻘﻪﺭﺩﻩ ﺑﯘﻧﺪﺍﻗﻼﺭﻧﻰ ﺑﻪﻙ ﺋﯘﭼﯩﺮﯨﺘﯩﻤﻪﻥ. ﺋﯚﺯﯨﻤﯩﺰﻧﯩﯔ ﺳﺎﭖ ﺗﯩﻠﺪﺍ ﺳﯚﺯﻟﻪﺵ ﺟﻪﮬﻪﺗﺘﻪ ﮬﺎﺯﯨﺮ ﻳﻪﻧﯩﻼ ﺋﯜﺭﯛﻣﭽﯩﺪﻩ ﺧﯧﻠﻰ ﺑﻪﻙ ﺋﯩﺘﺒﺎﺭ ﺑﯩﻠﻪﻥ ﻗﺎﺭﺍﻳﺪﯗ. ﻟﻜﯩﻦ ﻗﻪﺷﻘﻪﺭﺩﻩ ﺑﻮﻟﺴﺎ ﺋﯘﻧﺪﺍﻕ ﻗﺎﺭﯨﻤﺎﻳﺪﯨﻐﺎﻥ ﺋﻮﺧﺸﺎﻳﺪﯗ. ﻛﯚﭖ ﻗﯩﺴﯩﻢ ﺋﻮﻗﯘﻏﯘﭼﯩﻼﺭ ﺋﯚﺯ ﺗﯩﻠﺪﺍ ﺳﯚﺯﻟﻤﻪﻳﺪﯗ.. ﮬﻪﻡ ﻗﻪﺷﻘﻪﺭﺩﻩ ﻛﯚﭘﯩﻨﭽﻪ ﺋﺎﺗﺎﻟﻐﯘﻻﺭﻧﻰ ﺋﯘﻳﻐﯘﺭﭼﻪ ﺩﯨﺴﯖﯩﺰ ﺑﯩﻠﻤﻪﻳﺪﯗ.. ﺷﯘﻧﯩﯔ ﺑﯩﻠﻪﻥ ﻳﻪﻧﯩﻼ ﺧﻪﻧﺰﯗﭼﻪ ﺩﯨﻤﻪﻱ ﺋﺎﻣﺎﻝ ﻳﻮﻕ ... ﺑﯘ ﻳﻪﺭﺩﻩ ﺗﯩﻠﻐﺎ ﺋﺎﻧﭽﻪ ﺑﻪﻙ ﻛﯚﯕﯜﻝ ﺑﯚﻟﯜﭖ ﻛﻪﺗﻤﻪﻳﺪﯨﻜﻪﻥ.

ﺋﯚﺯﺑﯩﻜﯩﻤﻨﯩﯔ ﺋﯩﻨﻜﺎﺳﻰ ﺗﯚﯞﻩﻧﺪﯨﻜﭽﻪ :

ﻣﻪﻧﻤﯘ ﺋﺎﯞﺍﺯ ﻗﻮﺷﯘﭖ ﻗﻮﻳﺎﻱ ~ ﻣﻪﻥ ﻗﻪﺷﻘﻪﺭﮔﻪ ﻛﻪﻟﮕﯩﻠﻰ 2 ﻳﯩﻞ ﺋﻪﺗﺮﺍﭘﯩﺪﺍ ﺑﻮﻟﺪﻯ~ ﻣﯧﻨﯩﯔ ﺑﯧﻠﯩﺸﯩﻤﭽﻪ ﻳﯘﺳﯘﭖ ﺧﺎﺱ ﮬﺎﺟﯩﭗ ﻣﻪﻗﺒﻪﺭﯨﺴﻰ ﺷﯘ ﺋﻪﺗﺮﺍﭘﺘﯩﻜﻰ ﺑﯩﺮ ﺧﻪﻧﺰﯗ ﺑﺎﺷﻼﻧﻐﯘﭺ ﻣﻪﻛﺘﻪﭘﻨﯩﯔ ﺗﻮﭖ ﻣﻪﻳﺪﺍﻧﻰ ﻗﯩﻠﯩﺶ ﺋﯜﭼﯜﻥ ﺗﯜﭘﺘﯜﺯ ﻗﯧﻠﯩﯟﯦﺘﯩﻠﮕﻪﻥ ﺋﯩﻜﻪﻥ ~ ﻛﯧﻴﯩﻦ ﻣﻪﻟﯘﻡ ﺳﻪﯞﻩﭘﻠﻪﺭ ﯞﻩ ﺋﯩﻨﻜﺎﺳﻼﺭ ﺳﻪﯞﻩﺑﯩﺪﯨﻦ ﮬﯚﻛﯩﻤﻪﺕ ﻗﺎﻳﺘﯩﺪﯨﻦ ﺳﺎﻟﻐﺎﻥ ﺋﯩﻜﻪﻥ ، ﮬﻪﻣﺪﻩ ﮬﺎﺯﯨﺮﻗﻰ ﻳﯘﺳﯘﭖ ﺧﺎﺱ ﮬﺎﺟﯩﭗ ﻣﻪﻗﺒﻪﺭﯨﺴﻰ ﺋﻪﺳﻠﻰ ﺋﻮﺭﻧﻰ ﺑﻮﻟﻤﺎﺳﺘﯩﻦ ﺳﻪﻝ ﻳﯚﺗﻜﯩﻠﯩﭗ ﻛﻪﺗﻜﻪﻥ ، ﮬﻪﻣﺪﻩ ﺑﯘ ﺗﻮﻏﺮﯨﺴﯩﺪﺍ ﺭﯨﯟﺍﻳﻪﺗﻤﯘ ﺑﺎﺭ ﺑﻮﻟﯘﭖ ﺋﻪﻳﻨﻰ ﯞﺍﻗﯩﺘﺘﺎ ﻳﯘﺳﯘﭖ ﺧﺎﺱ ﮬﺎﺟﯩﭗ ﻣﻪﻗﺒﻪﺭﯨﺴﯩﻨﻰ ﭼﺎﻗﻘﺎﻧﺪﺍ ﺷﯘ ﭼﯧﻘﯩﺶ ﺋﯩﺸﯩﻐﺎ ﻗﺎﺗﻨﺎﺷﻘﺎﻥ ﺋﯩﺸﭽﯩﻼﺭﻧﯩﯔ ﮬﻪﻣﻤﯩﺴﻰ ﺋﯘﻳﻐﯘﺭ ﺑﻮﻟﯘﭖ ﭼﯧﻘﯩﯟﺍﺗﻘﺎﻧﺪﺍ ﻳﯘﺳﯘﭖ ﺧﺎﺱ ﮬﺎﺟﯩﭙﻨﯩﯔ ﺋﺎﻏﺰﯨﻐﺎ ﺧﻪﻧﺠﻪﺭ ﭼﯩﺸﻠﻪﭖ ﻧﻪﭘﺮﻩﺗﻠﯩﻨﯩﭗ ﺗﯘﺭﻏﺎﻥ ﺭﻭﮬﻰ ﻛﯚﺭﻧﯩﭙﺘﯩﻤﯩﺶ ،ﮬﻪﻣﺪﻩ ﭼﯧﻘﯩﺶ ﻗﯘﺭﻟﯩﺸﻰ ﺋﺎﻳﺎﻏﻼﺷﻘﺎﻧﺪﯨﻦ ﻛﯧﻴﯩﻦ ﺷﯘ ﺋﯩﺸﻘﺎ ﻗﺎﺗﻨﺎﺷﻘﺎﻧﻼﺭﻧﯩﯔ ﮬﻪﻣﻤﯩﺴﻰ ﻣﻪﻟﯘﻡ ﺳﻪﯞﻩﭘﻠﻪﺭ ﺑﯩﻠﻪﻥ ﺟﯩﻨﯩﺪﯨﻦ ﺋﺎﻳﺮﯨﻠﻐﺎﻧﻤﯩﺶ .

ﺳﯩﺰﮔﻪ ﭼﯜﺷﻪﻧﺪﯛﺭﮔﯜﭼﻰ ﻗﯩﺰﭼﺎﻕ " ﻣﻪﺩﻩﻧﻴﻪﺕ ﺯﻭﺭ ﺋﯧﻨﻘﯩﻼﯞﻯ " ﺩﺍ ﺑﯘﺯﻏﯘﻧﭽﯘﻟﯘﻗﻘﺎ ﺋﯘﭼﯘﺭﻏﺎﻥ ﺩﯦﮕﯩﻨﻰ ﺳﺎﺧﺘﺎ ﮔﻪﭖ ﺑﻮﻟﯘﭖ ﻗﺎﭘﺘﯘ. ﻣﻪﻛﺘﻪﭖ ﺗﻮﭖ ﻣﻪﻳﺪﺍﻧﻰ ﻗﯩﻠﯩﺶ ﺋﯜﭼﯜﻥ ﺗﯜﭘﺘﯜﺯ ﻗﯩﻠﯟﻩﺗﻜﻪﻧﻠﯩﻜﻰ ﺭﯨﯟﺍﻳﻪﺕ ﺋﻪﻣﻪﺱ ﮬﻪﻣﺪﻩ " ﻣﻪﺩﻩﻧﻴﻪﺕ ﺯﻭﺭ ﺋﯧﻨﻘﯩﻼﯞﻯ" ﺩﻩﯞﺭﯨﻤﯘ ﺋﻪﻣﻪﺱ!

ﻣﻪﻥ ﻛﯜﻧﺪﻩ 3 ﯞﺍﻕ ﺷﯘ ﻳﻪﺭﺩﯨﻦ ﺋﯚﺗﯩﻤﻪﻥ ﺋﯘﻳﻪﺭ ﮬﻪﻗﯩﻘﻪﺗﻪﻥ ﺩﺍﺋﯩﻢ ﺷﯘﻧﺪﺍﻕ ﺟﯩﻤﺠﯩﺖ ، ﺷﻪﺧﺴﻪﻥ ﻣﻪﻧﻤﯘ ﺑﯘﻧﺪﺍﻕ ﻳﺎﻟﻐﺎﻧﺪﯨﻦ ﻗﻮﭘﯘﺭﯗﭖ ﻗﻮﻳﻐﺎﻥ ﻳﻪﺭﻧﻰ ﺯﯦﻴﺎﺭﻩﺕ ﻗﯩﻠﯩﺸﻨﻰ ﺧﺎﻟﯩﻤﺎﻳﻤﻪﻥ ، ﻟﯧﻜﯩﻦ ﮬﻪﺭﺑﯩﺮ ﺋﺎﻟﺪﯨﺪﯨﻦ ﺋﯚﺗﻜﻪﻧﺪﻩ ﻛﯚﯕﻠﯜﻡ ﻳﯧﺮﯨﻢ ﺑﻮﻟﯩﺪﯗ!

ﻗﺎﻟﻐﺎﻥ ﺋﯩﻜﻜﻰ ﺳﯘﺋﺎﻟﯩﯖﯩﺰﻏﺎ ﭘﯩﻜﯩﺮ ﻗﺎﺗﻨﺎﺷﺘﯘﺭﺍﻟﻤﺎﻳﺪﯨﻜﻪﻧﻤﻪﻥ .......

ﺳﻪﺭﯞﯨﻨﯩﯔ ﺋﯩﻨﻜﺎﺳﻰ ﺗﯚﯞﻩﻧﺪﯨﻜﭽﻪ :

ﯩﯔ ﻗﯩﻤﻤﻪﺗﻠﯩﻚ ﯞﺍﻗﺘﯩﻨﻰ ﺳﻪﺭﭖ ﻗﯩﻠﯩﭗ ﭼﯘﺷﻪﻧﭽﻪ ﺑﻪﺭﮔﯩﻨﯩﮕﻪ ﻛﯚﭖ ﺭﻩﮬﻤﻪﺕ ، ﻣﯘﺟﯩﻤﻪﻟﻠﯩﻜﻠﻪﺭﻧﻰ ﭼﯘﺷﯘﻧﯩﯟﯦﻠﯩﺸﯩﻤﻐﺎ ﻳﺎﺭﺩﯨﻤﻰ ﺑﻮﻟﺪﻯ .

OZBEKIM ﺋﻪﮬﯟﺍﻝ ﮬﻪﻗﯩﻘﻪﺗﻪﻥ ﺳﯩﺰ ﺋﯧﻴﺘﻘﺎﻧﺪﻩﻛﺘﯘ ، ﻟﯧﻜﯩﻦ " ﺯﺍﻣﺎﻥ ﺯﻭﺭﻧﯩﯔ " ﺑﻮﻟﻐﺎﭺ ، ﺋﻪﺯﻩﻟﺪﯨﻨﻼ ﺗﺎﺭﯨﺦ ﺑﯘﺭﻣﯘﻟﯘﻧﯘﭖ ﻛﯧﻴﯩﻨﻜﯩﻠﻪﺭﮔﻪ ﺋﻪﻳﻨﻪﻥ ﻳﻪﺗﻜﯘﺯﯗﻟﻤﯩﮕﻪﻥ ، ﺷﯘﯕﺎ ﭼﯘﺷﻪﻧﺪﯗﺭﮔﯘﭼﻰ ﻗﯩﺰﻣﯘ ﺋﻪﻳﻨﻪﻥ ﺋﻪﮬﯟﺍﻟﻨﻰ ﺋﯧﻴﺘﯩﺸﻘﺎ ﺋﺎﻣﺎﻟﺴﯩﺰﺩﯗﺭ ، ﺗﻮﻏﺮﺍ ﭼﯘﺷﯘﻧﯘﺷﻜﻪ ﺑﻮﻟﯩﺪﯗ . ﺳﯩﺰﮔﯩﻤﯘ ﺭﻩﮬﻤﻪﺕ ، ﺋﻪﺳﻜﻪﺭﺗﻤﯩﮕﻪﻥ ﺑﻮﻟﺴﯩﯖﯩﺰ ﺧﺎﺗﺎ ﭼﯘﺷﻪﻧﭽﻪﻡ ﺧﺎﺗﺎ ﭘﯧﺘﻰ ﻗﯧﻠﯩﯟﻩﺭﮔﻪﻥ ﺑﻮﻻﺭ ﺋﯩﺪﻯ . ﺗﯧﻤﺎﻣﺪﺍ ﺩﯦﻴﯩﺸﻨﻰ ﺋﯘﻧﺘﯘﻟﯘﭖ ﻗﺎﭘﺘﯩﻤﻪﻥ ، ﻳﯘﺳﯘﭖ ﺧﺎﺱ ﮬﺎﺟﯩﭙﻨﯩﯔ ﻣﻪﻗﺒﻪﺭﯨﺴﻰ ﺋﺎﺳﺘﯩﺪﺍ ﺋﯘﻧﯩﯔ ﺟﻪﺳﯩﺪﻯ ﻳﻮﻕ ﺋﯩﻜﻪﻥ ، ﺟﻪﺳﻪﺕ ﺳﯚﯕﻪﻛﻠﯩﺮﻯ ﻳﺎﻧﺪﯨﻜﻰ ﺋﯚﻳﺪﻩ ﺳﺎﻗﻼﺍﻧﻐﺎﻥ ﺑﻮﻟﯘﭖ ، ﺋﯘ ﻳﻪﺭﮔﻪ ﺯﯨﻴﺎﺭﻩﺕ ﻗﯩﻠﻐﯘﭼﯩﻼﺭﻧﻰ ﻛﯩﺮﮔﯘﺯﻣﻪﻳﺪﯨﻜﻪﻥ . ﺑﯘﻧﻰ ﭼﯘﺷﻪﻧﺪﯗﺭﮔﯘﭼﻰ ﻗﯩﺰ ﺋﯧﻴﺘﻘﺎﻥ ﺋﯩﺪﻯ .

ﻟﯧﻜﯩﻦ ، ﺳﯩﺰ ﺋﯧﻴﺘﻘﺎﻧﺪﻩﻙ ﺋﯘ ﻳﻪﺭ ﺋﺎﻟﯩﻤﻨﯩﯔ ﺋﻪﺳﻠﻰ ﻗﻪﺑﺮﯨﮕﺎﮬﻰ ﺑﻮﻟﻤﯩﻐﺎﻧﻠﯩﻘﻰ ﺋﯘﭼﯘﻧﻼ ﺋﯘﻧﻰ ﺗﺎﺷﻠﯩﯟﻩﺗﺴﻪﻙ ﺑﻮﻟﻤﺎﺱ . ﻣﯧﻨﯩﯖﭽﻪ ، ﻗﻪﺭﻩﻟﻠﯩﻚ ﻣﻪﺯﮔﯩﻠﺪﻩ ﻳﺎﺵ - ﺋﯚﺳﻤﯘﺭﻟﻪﺭﻧﻰ ﺋﺎﻟﯩﻤﻠﯩﺮﯨﻤﯩﺰﻧﯩﯔ ﻗﻪﺩﯨﻤﻰ ﺋﯘﺭﯗﻧﻠﯩﺮﯨﻨﻰ ﺯﯨﻴﺎﺭﻩﺕ ﻗﯩﻠﺪﯗﺭﯗﭖ ، ﺋﯘﻻﺭﻧﯩﯔ ﮬﺎﻳﺎﺕ - ﭘﺎﻟﯩﻴﯩﺘﯩﻨﻰ ﺗﻮﻧﯘﺷﺘﯘﺭﯨﺸﯩﻤﯩﺰ ﻛﯧﺮﻩﻙ . ﺑﯘ ﺑﯩﺮ ﺗﻪﺭﻩﭘﺘﯩﻦ ﺋﻪﯞﻻﺗﻼﺭﻧﯩﯔ ﺗﺎﺭﯨﺨﯩﻤﯩﺰﻧﻰ ، ﻣﻪﺷﮭﯘﺭ ﺷﻪﺧﺴﻠﯩﺮﯨﻤﯩﺰﻧﻰ ﺑﯩﻠﯩﯟﯦﻠﯩﺸﯩﻐﺎ ﭘﺎﻳﺪﯨﻠﯩﻖ ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ، ﻣﯩﻠﻠﻰ ﺋﯩﭙﺘﯩﺨﺎﺭﻟﯩﻖ ﺗﯘﻳﻐﯘﻣﯩﺰﻧﻰ ﺋﻮﻳﻐﯘﺗﯘﭖ ، ﻳﺎﺵ - ﺋﯚﺳﻤﯘﺭﻟﻪﺭﻧﻰ ﺋﯩﻠﯩﻢ ﻣﻪﺭﯨﭙﻪﺗﻨﻰ ﺳﯚﻳﯩﺪﯨﻐﺎﻥ ﻗﯩﻠﯩﭗ ﺗﻪﺭﺑﯩﻴﯩﻠﻪﺷﻜﻪ ﺯﻭﺭ ﺋﻪﮬﻤﯩﻴﯩﺘﻰ ﺑﺎﺭ .

ﻳﺎﯞﯗﺯ 914 ﻧﯩﯔ ﺋﯩﻨﻜﺎﺳﻰ ﺗﯚﯞﻩﻧﺪﯨﻜﭽﻪ :

ﺑﯘﻧﯩﯖﻐﺎ ﻣﻪﻧﻤﯘ ﺋﯩﻜﻜﻰ ﺋﯧﻐﯩﺰ ﺳﯚﺯ ﻗﯩﺴﺘﯘﺭﯗﭖ ﻗﻮﻳﺎﻱ. ﻳﯜﺳﯜﭖ ﺧﺎﺱ ﮬﺎﺟﯩﭗ ﻣﻪﻗﺒﻪﺭﯨﺴﯩﻨﯩﯔ ﺟﯩﻤﺠﯩﺘﻠﯩﻘﻰ ﺩﺍﺋﯩﻤﻰ ﺋﻪﮬﯟﺍﻟﺪﻩﻙ ﻗﯩﻠﯩﺪﯗ. ﺑﯩﺰ 2003- ﻳﯩﻠﻰ ﻣﺎﻱ ﺑﺎﻳﯩﺮﯨﻤﯩﺪﺍ ﺑﻪﺵ ﺋﺎﻏﯩﻴﻨﻪ ﺋﺎﻳﺎﻟﻠﯩﺮﯨﻤﯩﺰ ﯞﻩ ﺑﺎﻟﯩﻠﯩﺮﯨﻤﯩﺰﻧﻰ ﺋﯧﻠﯩﭗ ﺳﺎﻳﺎﮬﻪﺕ ﻗﯩﻠﯩﭗ ﻗﻪﺷﻘﻪﺭﮔﻪ ﺑﺎﺭﺩﯗﻕ، ﺷﯘ ﺟﻪﺭﻳﺎﻧﺪﺍ ﺋﯩﭙﺎﺭﺧﺎﻥ ﻣﻪﻗﺒﻪﺭﯨﺴﻰ (ﺋﺎﭘﭙﺎﻕ ﺧﻮﺟﺎ ﻣﺎﺯﯨﺮﻯ)، ﻳﯜﺳﯜﭖ ﺧﺎﺱ ﮬﺎﺟﯩﭗ ﻣﻪﻗﺒﻪﺭﯨﺴﻰ، ﮬﻪﺯﺭﯨﺘﻰ ﻣﻮﻟﻼﻡ ﻣﺎﺯﯨﺮﻯ (ﻣﻪﮬﻤﯘﺕ ﻗﻪﺷﻘﻪﺭﻯ ﻣﻪﻗﺒﻪﺭﯨﺴﻰ) ﮬﻪﻣﻤﯩﺴﯩﮕﻪ ﺑﯩﺮﻩﺭ ﻗﯘﺭ ﺑﺎﺭﺩﯗﻕ. ﺩﯨﻤﯩﺴﯩﻤﯘ ﻳﯜﺳﯜﭖ ﺧﺎﺱ ﮬﺎﺟﯩﭗ ﻣﻪﻗﺒﻪﺭﯨﺴﻰ ﺑﯩﻠﻪﻥ ﺑﯩﻠﻪﻥ ﮬﻪﺯﺭﯨﺘﻰ ﻣﻮﻟﻼﻡ ﻣﻪﻗﺒﻪﺭﯨﺴﯩﻨﯩﯔ ﺟﯩﻤﺠﯩﺘﻠﯩﻘﻰ ﺑﻮﻟﺪﻯ، ﺑﻮﻟﯘﭘﻤﯘ ﻳﯜﺳﯜﭖ ﺧﺎﺱ ﮬﺎﺟﯩﭗ ﻣﺎﺯﯨﺮﻯ ﻗﻪﺷﻘﻪﺭ ﺷﻪﮬﯩﺮﯨﻨﯩﯔ ﻣﻪﺭﻛﯩﺰﯨﻲ ﻗﯩﺴﻤﯩﻐﺎ ﺟﺎﻳﻼﺷﻘﺎﻧﯩﻜﻪﻥ، ﺑﯩﺰ ﻛﯩﺮﺳﻪﻙ ﺧﯘﺩﺩﻯ ﺳﯩﺰ ﻳﻮﻟﯘﻗﺘﯘﺭﻏﺎﻧﺪﻩﻙ ﺑﯩﺮ ﭼﻪﺗﺌﻪﻟﻠﯩﻚ ﻛﯩﺸﯩﺪﯨﻦ ﺑﺎﺷﻘﺎ ﮬﯩﭽﻜﯩﻢ ﻳﻮﻕ، ﮬﻪﺭ ﮬﺎﻟﺪﺍ ﺋﯘﺷﺸﺎﻕ ﺑﺎﻟﯩﻠﯩﺮﯨﻤﯩﺰﻧﻰ ﺋﯧﻠﯩﭗ ﺑﯧﺮﯨﭙﺘﯩﻜﻪﻧﻤﯩﺰ ﺑﺎﻟﯩﻠﯩﺮﯨﻤﯩﺰ ﻳﯜﮔﯜﺭﯛﭖ ﻳﯜﺭﯛﭖ، ﻗﯩﻴﺎ - ﭼﯩﻴﺎ ﻗﯩﻠﯩﺸﯩﭗ ﺋﺎﺯﺭﺍﻕ ﺟﺎﻧﻼﻧﻐﺎﻧﺪﻩﻙ ﺑﻮﻟﺪﻯ، ﻟﯧﻜﯩﻦ ﺑﯩﺰ ﺋﯘ ﻳﻪﺭﺩﻩ ﺑﯩﺮﻩﺭ ﺳﺎﺋﻪﺗﭽﻪ ﺗﯘﺭﯗﭖ ﻣﻪﻗﺒﻪﺭﯨﻨﻰ ﺯﯨﻴﺎﺭﻩﺕ ﻗﯩﻠﯩﺶ ﺧﻪﺗﻤﻪ ﻗﯘﺭﺋﺎﻥ ﺋﻮﻗﯘﺵ ﯞﻩ ﺧﺎﺗﯩﺮﻩ ﺋﯜﭼﯜﻥ ﺳﯜﺭﻩﺗﻜﻪ ﭼﯜﺷﯜﺵ ﺟﻪﺭﻳﺎﻧﯩﺪﺍ ﺑﯩﺰ ﯞﻩ ﮬﯧﻠﯩﻘﻰ ﭼﻪﺗﺌﻪﻟﻠﯩﻜﺘﯩﻦ ﺑﺎﺷﻘﺎ ﮬﯩﭽﻜﯩﻢ ﻛﯩﺮﻣﯩﺪﻯ. ﻟﯧﻜﯩﻦ ﺋﺎﭘﭙﺎﻕ ﺧﻮﺟﺎ ﻣﺎﺯﯨﺮﻯ ﺷﻪﮬﻪﺭﻧﯩﯔ ﺳﯩﺮﺗﯩﻐﺎ ﺟﺎﻳﻼﺷﻘﺎﻥ ﺑﻮﻟﺴﯩﻤﯘ ﻟﯧﻜﯩﻦ ﺑﺎﺭﯨﺪﯨﻐﺎﻥ ﺋﺎﺩﻩﻣﻠﻪﺭﻧﯩﯔ ﻛﯚﭘﻠﯩﻜﻰ ﺋﺎﺩﻩﻣﻨﻰ ﮬﻪﻳﺮﺍﻥ ﻗﺎﻟﺪﯗﺭﯨﺪﯗ، ﺑﯘﻣﯘ ﺑﻪﻟﻜﯩﻢ ﺋﺎﭘﭙﺎﻕ ﺧﻮﺟﺎ ﻣﺎﺯﯨﺮﯨﻨﯩﯔ ﻗﻪﺩﯨﻤﯩﻠﯩﻜﻰ ﯞﻩ ﺋﯘﻳﻐﯘﺭ ﺑﯩﻨﺎﻛﺎﺭﻟﯩﻘﯩﻨﯩﯔ ﻧﺎﻣﺎﻳﻪﻧﺪﯨﺴﻰ ﺑﻮﻟﯘﺷﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻜﺘﯘ، ﻟﯧﻜﯩﻦ ﻣﯧﻨﻰ ﮬﻪﻣﻤﯩﺪﯨﻦ ﮬﻪﻳﺮﺍﻥ ﻗﺎﻟﺪﯗﺭﻏﯩﻨﻰ ﺋﯘ ﻳﻪﺭﺩﯨﻜﻰ ﭼﯜﺷﻪﻧﺪﯛﺭﮔﯜﭼﻰ ﺋﯘﻳﻐﯘﺭ ﻗﯩﺰﻟﯩﺮﻯ ﺧﯘﺩﺩﻯ ﺑﺎﻧﻜﺎ ﯞﻩ ﭘﻮﭼﺘﯩﺨﺎﻧﯩﻨﯩﯔ ﺧﯩﺰﻣﻪﺕ ﻛﯩﻴﯩﻤﯩﺪﻩﻙ ﻛﻮﭘﺘﺎ ﻳﻮﭘﻜﺎ ﻛﯩﻴﯩﭗ ﺑﯩﺮﻧﻪﭼﭽﻪ ﺧﻪﻧﺰﯗ ﻗﯩﺰﻧﯩﯔ ﺋﻪﺗﻠﻪﺵ ﻛﯚﻳﻨﻪﻙ ﻛﯩﻴﯩﭗ ﺑﯩﺰ ﺋﯩﭙﺎﺭﺧﺎﻧﻨﯩﯔ ﺳﯩﻤﯟﻭﻟﻰ ﺩﻩﭖ ﺧﺎﺗﯩﺮﻩ ﺋﯜﭼﯜﻥ ﺭﻩﺳﯩﻤﮕﻪ ﭼﯜﺷﻜﯜﭼﯩﻠﻪﺭﺩﯨﻦ ﭘﯘﻝ ﺋﯧﻠﯩﺸﻠﯩﺮﻯ ﺑﻮﻟﺪﻯ. (ﺑﯘ ﺋﯚﺯ ﻛﯚﺯﯛﻡ ﺑﯩﻠﻪﻥ ﻛﯚﺭﮔﻪﻥ ﮬﻪﻗﯩﻘﻰ ﺋﻪﮬﯟﺍﻝ، ﮬﺎﺯﯨﺮﻣﯘ ﺷﯘﻧﺪﺍﻗﻤﯘ ﻳﺎﻛﻰ ﺋﻪﻣﻪﺳﻤﯘ ﺑﯩﻠﻤﻪﻳﻤﻪﻥ). ﻳﻪﻧﻪ ﺑﯩﺮ ﺋﯩﺶ ﻣﻪﮬﻤﯘﺕ ﻗﻪﺷﻘﯩﺮﻯ ﻣﺎﺯﯨﺮﯨﻐﺎ ﺑﺎﺭﺳﺎﻕ ﻣﺎﺯﺍﺭﻧﯩﯔ ﺋﯩﭽﯩﺪﻩ ﺑﯩﺮ ﺋﺎﻳﺎﻝ ﺑﯩﺮ ﭘﻮﻛﻪﻳﮕﻪ ﮬﻪﺭ ﺧﯩﻞ ﺗﺎﻣﺎﻙ ﯞﻩ ﺑﺎﺷﻘﺎ ﻧﻪﺭﺳﯩﻠﻪﺭ ﻗﺎﺗﺎﺭﯨﺪﺍ ﭘﯩﯟﯨﻨﻰ ﺗﯩﺰﯨﭗ ﻗﻮﻳﯘﭘﺘﯘ، ﻳﯧﻨﯩﻐﺎ ﺑﯧﺮﯨﺸﯩﻤﯩﺰﻏﺎ ﭘﯩﯟﺍ ﺋﯩﭽﯩﯖﻼﺭ ﺗﻮﯕﻼﺗﻘﯘﺩﺍ ﻣﯘﺯﺩﻩﻙ ﭘﯩﯟﺍ ﺑﺎﺭ ﺑﯩﺰﻧﻰ ﺧﯧﺮﯨﺪﺍﺭﻟﯩﻘﻘﺎ ﭼﯩﻠﻠﯩﺪﻯ، ﺷﯘﻧﯩﯔ ﺑﯩﻠﻪﻥ ﻣﻪﻥ ﺭﻩﮬﻤﻪﺕ، ﻣﻪﮬﻤﯘﺕ ﺑﻮﯞﯨﻤﯩﺰ ﭘﯩﯟﺍ ﺋﯩﭽﻤﯩﮕﻪﻥ ﺑﻮﻟﻐﯩﻴﺘﻰ، ﺑﯘ ﺑﺎﺯﺍﺭ ﺋﻪﻣﻪﺱ ﻣﺎﺯﺍﺭ ﺑﻮﻟﻐﺎﻧﺪﯨﻜﯩﻦ ﺋﯩﭽﻤﻪﻳﻠﻰ ﺩﻩﭖ ﺷﯘﻧﯩﯔ ﻳﯧﻨﯩﺪﯨﻜﻰ ﺑﯩﺮ ﻗﯩﺰﺩﯨﻦ ﻗﯧﺘﯩﻖ ﺋﯩﭽﯩﭗ ﻗﺎﻳﺘﯩﭗ ﻛﻪﻟﺪﯗﻕ. ﻣﯘﺷﯘﻧﺪﺍﻕ ﺋﻪﮬﯟﺍﻟﻨﯩﯔ ﻣﻪﮬﻤﯘﺕ ﻗﻪﺷﻘﻪﺭﻯ ﻣﺎﺯﯨﺮﯨﺪﺍ ﻛﯚﺭﯛﻟﯩﺸﻰ ﺋﺎﺩﻩﻣﻨﯩﯔ ﺋﯩﭽﯩﻨﻰ ﺋﺎﭼﭽﯩﻖ ﻗﯩﻠﻤﺎﻱ ﻗﺎﻟﻤﺎﻳﺪﯗ.

ﺗﯜﻣﻪﻥ ﺩﻩﺭﻳﺎﺳﻰ ﻣﻪﺳﯩﻠﯩﺴﯩﺪﻩ ﺋﯚﺯﯨﻨﯩﯔ ﺋﺎﻧﺎ ﺩﻩﺭﻳﺎﺳﯩﻨﻰ ﻗﻮﻏﺪﺍﭖ ﻗﺎﻻﻟﻤﯩﻐﺎﻧﻠﯩﻘﻰ ﺋﯜﭼﯜﻥ ﺑﺎﺭﻟﯩﻖ ﻗﻪﺷﻘﻪﺭ ﺧﻪﻟﻘﻰ ﻧﻮﻣﯘﺱ ﻗﯩﻠﯩﺸﻰ ﻛﯧﺮﻩﻙ. ﺋﯧﺴﯩﻤﺪﻩ ﻗﯧﻠﯩﺸﯩﭽﻪ ﺗﯘﻧﺠﻰ ﻗﯧﺘﯩﻢ 1980- ﻳﯩﻠﻰ ﻗﻪﺷﻘﻪﺭﮔﻪ ﺑﺎﺭﻏﯩﻨﯩﻤﺪﺍ ﻛﯩﭽﯩﻚ ﺑﻮﻟﺴﺎﻣﻤﯘ ﺗﯜﻣﻪﻥ ﺩﻩﺭﻳﺎﺳﯩﺪﯨﻦ ﺋﯜﺯﯛﭖ ﺋﯚﺗﯩﻤﻪﻥ ﺩﻩﭖ ﺋﯘ ﻗﺎﺗﻘﺎ ﺑﺎﺭﻏﯘﭼﻪ ﺑﯩﻠﯩﻜﯩﻤﺪﻩ ﻣﺎﻏﺪﯗﺭ ﻗﺎﻟﻤﺎﻱ ﺋﯧﻘﯩﭗ ﻛﻪﺗﻜﯩﻠﻰ ﺗﺎﺱ ﻗﺎﻟﻐﺎﻧﻠﯩﻘﯩﻢ ﮬﺎﺯﯨﺮﻏﯩﭽﻪ ﺋﯧﻨﯩﻖ ﺋﯧﺴﯩﻤﺪﻩ، ﻟﯧﻜﯩﻦ 2003- ﻳﯩﻠﻰ ﺑﯧﺮﯨﭗ ﻛﯚﺭﮔﯩﻨﯩﻢ ﺋﺎﺩﻩﻣﻨﻰ ﺋﯧﻘﯩﺘﯩﭗ ﻛﯧﺘﯩﺪﯨﻐﺎﻥ ﺩﻩﺭﻳﺎ ﺋﻪﻣﻪﺱ ﺑﻪﻟﻜﻰ ﭘﻮﻕ ﺳﯜﺩﯛﻙ ﺋﺎﻗﯩﺪﯨﻐﺎﻥ ﺑﯩﺮ ﺋﯧﺮﯨﻖ ﺑﻮﻟﺪﻯ. ﺷﯩﻨﺠﺎﯕﺪﺍ ﻗﻪﺷﻘﻪﺭﺩﻩﻙ ﺷﻪﮬﻪﺭ ﺋﯩﭽﯩﺪﯨﻦ ﺩﻩﺭﻳﺎ ﺋﯧﻘﯩﭗ ﺋﯚﺗﯩﺪﯨﻐﺎﻥ ﺷﻪﮬﻪﺭﻟﻪﺭ ﻛﯚﭖ ﺋﻪﻣﻪﺱ، ﻣﯧﻨﯩﯔ ﺑﯩﻠﯩﺸﯩﻤﭽﻪ ﻛﻮﺭﻟﯩﺪﺍ ﻛﯚﻧﭽﻰ ﺩﻩﺭﻳﺎﺳﻰ، ﻏﯘﻟﺠﯩﺪﺍ ﺋﯩﻠﻰ ﺩﻩﺭﻳﺎﺳﻰ، ﺋﺎﻗﺴﯘﺩﺍ ﺩﻭﻻﻥ ﺩﻩﺭﻳﺎﺳﻰ (ﺋﯚﺳﺘﯩﯖﻰ) ﺑﺎﺭ، ﺑﯘ ﺋﯜﭺ ﺷﻪﮬﻪﺭﺩﯨﻜﻰ ﺩﻩﺭﻳﺎﻻﺭﻧﯩﯔ ﺋﻪﮬﯟﺍﻟﻰ ﮬﯩﭽﻘﺎﻳﺴﯩﺴﻰ ﺗﯜﻣﻪﻥ ﺩﻩﺭﻳﺎﺳﯩﻨﯩﯖﻜﯩﮕﻪ ﺋﻮﺧﺸﯩﻤﺎﻳﺪﯗ، ﺋﻪﮔﻪﺭ ﻗﻪﺷﻘﻪﺭ ﺧﻪﻟﻘﻰ ﺑﯘ ﮬﻪﻗﺘﻪ ﺳﯩﻴﺎﺳﯩﻲ ﻛﯧﯖﻪﺵ ﯞﻩ ﺧﻪﻟﻖ ﻗﯘﺭﯗﻟﺘﺎﻱ ﻳﯩﻐﯩﻨﻠﯩﺮﯨﺪﺍ ﻛﯚﭘﺮﻩﻙ ﭘﯩﻜﯩﺮ ﻗﯩﻠﯩﭗ، ﺗﯜﻣﻪﻥ ﺩﻩﺭﻳﺎﺳﯩﻨﯩﯔ ﺋﻪﮬﯟﺍﻟﯩﻨﻰ ﺋﻮﯕﺸﯩﻤﯩﺴﺎ ﻳﻪﻧﻪ ﻧﻪﭼﭽﻪ ﻳﯩﻠﺪﯨﻦ ﻛﯧﻴﯩﻦ ﺗﯜﻣﻪﻥ ﺩﻩﺭﻳﺎﺳﻰ ﭘﻪﻗﻪﺕ ﺑﯩﺮ ﺗﺎﺭﯨﺨﻼ ﺑﻮﻟﯘﭖ ﻗﺎﻟﯩﺪﯗ ﺧﺎﻻﺱ.

ﺟﻪﻧﯘﺑﯩﻲ ﺷﯩﯖﻘﺎﯕﺪﺍ ﻣﯘﺷﯘﻧﺪﺍﻕ ﮔﻪﭖ ﺳﯚﺯﻟﻪﺭﻧﯩﯔ ﺋﺎﺭﯨﺴﯩﻐﺎ ﺧﻪﻧﺰﯗﭼﻪ ﺋﺎﺭﯨﻼﺷﺘﯘﺭﯗﭖ ﺳﯚﺯﻟﻪﺵ ﺋﻪﮬﯟﺍﻟﻰ ﮬﻪﻗﯩﻘﻪﺗﻪﻥ ﺧﯧﻠﻰ ﺋﯧﻐﯩﺮ

ﻣﯧﻨﯩﯔ ﺋﯩﻨﻜﺎﺳﯩﻢ : ﺋﯩﺰﺩﯨﻨﯩﺶ ﺳﻪﻧﻤﯘ ﮔﻪﭖ ﻗﯩﻠﯩﭗ ﺑﺎﻗﻤﺎﻣﺴﻪﻥ ؟!