ﻧﺎﺯﯗﻙ ﺭﻭﻫﺘﯩﻦ ﭘﺎﻟﯟﺍﻧﻼﺭ ﺭﻭﻫﯩﻐﺎ ﻣﻪﺩﻫﯩﻴﻪ

ﻧﺎﺯﯗﻙ ﺭﻭﻫﺘﯩﻦ ﭘﺎﻟﯟﺍﻧﻼﺭ ﺭﻭﻫﯩﻐﺎ ﻣﻪﺩﻫﯩﻴﻪ

يوللىغان ۋاقتى 2006-7-18

ﻳﺎﺯﻏﯘﭼﯩﺴﻰ : ﻧﯘﺭﺑﯩﻴﻪ ﻳﺎﺳﯩﻦ

ﻫﻪﻗﯩﻘﯩﻲ ﺋﻪﺭﻛﻪﻛﻠﻪﺭ ﻣﯘﻫﻪﺑﺒﻪﺕ ﺋﯜﭼﯜﻧﻼ ﺋﻪﻣﻪﺱ ، ﺩﯗﻧﻴﺎﻧﻰ ﺋﯚﺯﮔﻪﺭﺗﯩﺶ ﺋﯜﭼﯜﻥ ﻳﺎﺭﺍﻟﻐﺎﻥ . ﺋﻪﺭ - ﺋﺎﻳﺎﻟﻠﯩﻖ ﻣﯘﻫﻪﺑﺒﻪﺕ ﺳﻮﺭﯗﻧﯩﺪﺍ ﻳﺎﻛﻰ ﺑﯘ ﻳﻮﻟﺪﺍ ﻗﯘﻝ ﺑﻮﻟﯘﭖ ﻛﻪﺗﻜﻪﻥ ﺋﻪﺭﻟﻪﺭﻧﻰ ﻫﻪﻗﯩﻘﯩﻲ ﺋﻪﺭﻛﻪﻛﻠﯩﻚ ﻛﺎﺗﯧﮕﻮﺭﯨﻴﯩﺴﯩﺪﯨﻦ ﻗﻮﻏﻼﭖ ﭼﯩﻘﯩﺮﯨﺶ ﻛﯧﺮﻩﻙ . ___ "" ﺷﯩﻨﺠﺎﯓ ﻣﻪﺩﻩﻧﯩﻴﯩﺘﻰ "" ﺟﯘﺭﻧﯩﻠﻰ "" ﺗﻪﭘﻪﻛﻜﯘﺭ ﻛﯚﺯﻯ "" ﺳﻪﻫﯩﭙﯩﺴﯩﺪﯨﻦ

ﺑﯩﺰ ﺋﯘﻳﻐﯘﺭﻻﺭﺩﺍ ﺋﻮﻏﯘﻝ ﺑﺎﻟﯩﻠﯩﺮﯨﻨﻰ ﺑﻮﯞﺍﻕ ﯞﺍﻗﺘﯩﺪﯨﻦ ﺗﺎﺭﺗﯩﭗ "" ﺋﻪﺭﻛﻪﻙ ﺑﺎﻻﻡ ! "" ، "" ﻫﯘ ﺋﻪﺭﻛﯩﻜﯩﻢ ! "" ﺩﻩﭖ ﺋﻪﺭﻛﯩﻠﯩﺘﯩﺪﯨﻐﺎﻥ ﺋﺎﺩﻩﺕ ﺑﺎﺭ . ﺋﻮﻏﯘﻟﻼﺭ ﺋﺎﺗﺎ - ﺋﺎﻧﯩﺴﯩﻨﯩﯔ ، ﭼﻮﯕﻼﺭﻧﯩﯔ ﻛﯚﯕﻠﯩﮕﻪ ﻳﺎﻗﻘﯘﺩﻩﻙ ﺋﯩﺶ ﻗﯩﻠﺴﺎ "" ﺋﻪﺭﻛﻪﻛﺘﻪ - ﻣﺎﻧﺎ ! "" ، "" ﺋﻪﺭﻛﻪﻛﺘﻪﻙ ﺋﯩﺶ ﻗﯩﻠﺪﯨﯔ ، ﺋﻮﻏﻠﯘﻡ !"" ﺩﻩﭖ ﻣﺎﺧﺘﯩﻠﯩﺪﯗ . ﺩﯦﻤﻪﻛﻜﻰ ﺋﻪﺭﻛﻪﻛﻠﯩﻚ ﺋﯘﻗﯘﻣﻰ ﻳﯩﮕﯩﺘﻠﯩﺮﯨﻤﯩﺰﻧﯩﯔ ﻗﯘﻟﯩﻘﻰ ﯞﻩ ﺩﯨﻠﯩﻐﺎ ﻛﯩﭽﯩﻜﯩﺪﯨﻦ ﺗﺎﺭﺗﯩﭗ ﺳﯩﯖﯩﭗ ﻛﻪﺗﻜﻪﻥ ﺑﻮﻟﯩﺪﯗ . 14 ﻳﺎﺷﻠﯩﻖ ﺋﯩﻨﯩﻤﻨﯩﯔ ﺋﯧﻴﺘﯩﭗ ﺑﯧﺮﯨﺸﯩﭽﻪ ، ﻣﻪﻫﻪﻟﻠﯩﺪﯨﻜﻰ ﺋﻮﻏﯘﻟﻼﺭﺩﯨﻦ ﺑﯩﺮﻩﺭﻯ ﺋﯘﺭﯗﺷﯘﭖ ﻗﯧﻠﯩﭗ ﻳﯩﻐﻠﯩﺴﺎ ﻳﺎﻛﻰ ﺋﺎﺗﺎ - ﺋﺎﻧﯩﺴﯩﻐﺎ ﭼﯧﻘﯩﭗ ﻛﯩﺮﺳﻪ ﺷﯘ ﺑﺎﻟﯩﻨﻰ ﺑﺎﻟﯩﻼﺭ ﻫﻪﺭﮔﯩﺰ ﺋﺎﺭﯨﻐﺎ ﺋﺎﻟﻤﺎﻳﺪﯨﻜﻪﻥ .

ﻳﻪﻧﻪ ﺩﯨﻘﻘﻪﺕ ﻗﯩﻠﺴﺎﻡ ، "" ﻧﻮﭼﻰ ﺑﻮﻟﺴﺎﯓ . . . "" ﺩﯦﮕﻪﻥ ﺋﯩﺒﺎﺭﻩ ﻳﯩﮕﯩﺘﻠﯩﺮﯨﻤﯩﺰﻧﯩﯔ ﺋﺎﻏﺰﯨﺪﺍ ﺋﻪﯓ ﻛﯚﭖ ﺗﯩﻠﻐﺎ ﺋﯧﻠﯩﻨﯩﺪﯨﻜﻪﻥ . ﺩﯦﻤﻪﻙ ﻧﻮﭼﻰ ﺑﻮﻟﯘﺵ ، ﻳﯩﮕﯩﺘﻠﯩﻚ ﺭﻭﻫﻰ ﺑﻮﻟﯘﺵ ﻳﻪﻧﻰ ﺋﻪﺭﻛﻪﻙ ﺑﻮﻟﯘﭖ ﻳﺎﺷﺎﺵ ﺑﺎﺭﻟﯩﻖ ﻳﯩﮕﯩﺘﻠﯩﺮﯨﻤﯩﺰﻧﯩﯔ ﺋﺎﺭﺯﯗﺳﻰ ، ﺋﺎﺭﻣﯩﻨﻰ ، ﻧﯩﺸﺎﻧﻰ ﺋﯩﻜﻪﻥ .

"" ﻫﻪﻗﯩﻘﯩﻲ ﺋﻪﺭﻛﻪﻙ "" ﺩﯦﮕﻪﻥ ﺑﯘ ﺳﯚﺯﮔﻪ ﻫﻪﺭ ﻛﯩﻢ ﺋﯚﺯﻯ ﺧﺎﻟﯩﻐﺎﻧﭽﻪ ﺗﻪﺑﯩﺮ ﺑﯧﺮﯨﺸﻠﯩﺮﻯ ﺗﺎﻣﺎﻣﻪﻥ ﻣﯘﻣﻜﯩﻦ . ﻟﯧﻜﯩﻦ ﻣﯧﻨﯩﯔ ﻧﻪﺯﯨﺮﯨﻤﺪﯨﻜﻰ _ ﻫﯧﺴﺴﯩﻴﺎﺗﭽﺎﻥ ، ﻧﺎﺯﯗﻙ ﺗﻪﺑﯩﺌﻪﺗﻠﯩﻚ ﺑﯩﺮ ﺋﯘﻳﻐﯘﺭ ﻗﯩﺰﯨﻨﯩﯔ ﻧﻪﺯﯨﺮﯨﺪﯨﻜﻰ ﺋﻪﺭﻛﻪﻙ ﺋﻪﯓ ﺋﺎﻟﺪﻯ ﺑﯩﻠﻪﻥ ﺯﯨﻤﻤﯩﺴﯩﺪﯨﻜﻰ ﺗﻮﻟﯩﻤﯘ ﺋﯧﻐﯩﺮ ﻣﻪﺳﯘﻟﯩﻴﻪﺗﻨﻰ ﺗﻮﻧﯘﭖ ﻳﯧﺘﻪﻟﻪﻳﺪﯨﻐﺎﻥ ، ﺳﯚﻳﯜﻣﻠﯜﻙ ﺋﺎﻧﯩﺴﯩﻐﺎ ، ﻫﻪﻣﺸﯩﺮﯨﻠﯩﺮﯨﮕﻪ ﺑﯩﺨﻪﺗﻪﺭﻟﯩﻚ ، ﺳﯚﻳﯜﻧﯜﺵ ﺗﯘﻳﻐﯘﺳﻰ ﺋﺎﺗﺎ ﻗﯩﻼﻻﻳﺪﯨﻐﺎﻥ ، ﺋﯘﻟﯘﻍ ﺋﺎﺗﯩﻐﺎ ﻛﯜﭼﻠﯜﻙ ﻳﯚﻟﻪﻙ ، ﻣﯘﯕﺪﺍﺵ ﺑﻮﻻﻻﻳﺪﯨﻐﺎﻥ ، ﺋﯚﺯﯨﮕﻪ ﺳﺎﻫﯩﺒﺠﺎﻣﺎﻟﻼﺭﻧﻰ ﻫﻪﻣﺮﺍ ﻗﯩﻠﯩﺸﺘﯩﻦ ﺑﯘﺭﯗﻥ ﯞﯨﺠﺪﺍﻥ ، ﻫﻪﻗﻘﺎﻧﯩﻴﻪﺕ ﺗﯘﻳﻐﯘﺳﯩﻨﻰ ﻫﻪﻣﺮﺍﻫ ﻗﯩﻼﻻﻳﺪﯨﻐﺎﻥ ﺑﻮﻟﯘﺷﻰ ﻛﯧﺮﻩﻙ . ﻫﻪﻗﯩﻘﯩﻲ ﺋﻪﺭﻛﻪﻙ ﻳﻪﻧﻪ ﺋﯚﺯﻯ ﻗﯘﺭﻏﺎﻥ ﺋﺎﺋﯩﻠﯩﻨﻰ ﺋﯚﺯﯨﻨﯩﯔ ﻛﯚﻳﯜﻣﭽﺎﻧﻠﯩﻘﻰ ، ﻣﻪﺳﯘﻟﯩﻴﻪﺗﭽﺎﻧﻠﯩﻘﻰ ﺑﯩﻠﻪﻥ ﺟﻪﻧﻨﻪﺕ ﻛﻪﺑﯩﻲ ﺗﺎﺭﺗﯩﻤﻠﯩﻖ ﻗﯩﻼﻟﯩﺸﻰ ، ﻣﯧﻬﺮﯨﺒﺎﻥ ﺋﺎﻳﺎﻟﯩﻐﺎ ، ﺳﻪﺑﯩﻲ ﺋﻪﯞﻻﺩﯨﻐﺎ ﻣﯧﻬﺮﯨﻨﻰ ﺑﯧﻐﯩﺸﻠﯩﻴﺎﻟﯩﺸﻰ ﻛﯧﺮﻩﻙ . ﻫﻪﻗﯩﻘﯩﻲ ﺋﻪﺭﻛﻪﻙ ﻳﻪﻧﻪ ﺋﯚﺯﻯ ﻳﺎﺷﺎﯞﺍﺗﻘﺎﻥ ﺩﯗﻧﻴﺎﻧﻰ ﺋﯚﺯ ﺋﻪﺟﺮﻯ - ﻣﯧﻬﻨﯩﺘﻰ ﺑﯩﻠﻪﻥ ﺗﯧﺨﯩﻤﯘ ﮔﯜﺯﻩﻟﻠﻪﺷﺘﯜﺭﯛﺷﻰ ﻛﯧﺮﻩﻙ . ﺷﯘﻧﺪﺍﻕ ! ﺑﯘ ﺩﻩﻝ ﺳﯚﻳﯜﻣﻠﯜﻙ ﺩﺍﺩﺍﻣﻨﻰ ﺗﯩﭗ ﻗﯩﻠﻐﺎﻥ ﻫﺎﻟﺪﺍ ﺳﯩﺰﯨﭗ ﭼﯩﻘﯩﻠﻐﺎﻥ ﻫﻪﻗﯩﻘﯩﻲ ﺋﻪﺭﻛﻪﻙ ﺳﯜﺭﯨﺘﻰ . ﺑﻪﻟﻜﯩﻢ ﻣﻪﻥ ﺳﯜﺭﻩﺗﻠﻪﭖ ﭼﯩﻘﻘﺎﻥ ﺑﯘ ﺋﻪﺭﻛﻪﻙ ﺑﺎﺷﻘﯩﻼﺭ ﺋﯜﭼﯜﻥ ﻧﯘﺭﻏﯘﻥ ﻛﻪﻣﭽﯩﻠﯩﻜﻠﯩﺮﻯ ﺑﻮﻟﯘﭖ ﺗﯘﻳﯘﻟﯘﺷﻰ ﻣﯘﻣﻜﯩﻦ . ﻟﯧﻜﯩﻦ ﻣﻪﻥ ﺋﯜﭼﯜﻥ ﺑﯘﻻﺭ ﻳﯧﺘﻪﺭﻟﯩﻚ .

ﺋﯧﺴﯩﻤﻨﻰ ﺑﯩﻠﮕﯩﺪﻩﻙ ﺑﻮﻟﻐﺎﻧﺪﯨﻦ ﺗﺎﺭﺗﯩﭗ ﺩﺍﺩﺍﻡ ﺋﯚﻳﺪﻩ ﺗﯧﻠﯧﯟﯨﺰﻭﺭﻧﻰ ﺋﺎﭼﺴﺎ ﭘﻪﻗﻪﺕ ﻛﯜﻧﺪﯨﻠﯩﻚ ﺧﻪﯞﻩﺭﻟﻪﺭﻧﯩﻼ ﻛﯚﺭﯨﺪﯨﻜﻪﻥ . ﻛﯧﻴﯩﻦ ﺳﯩﻤﻠﯩﻖ ﺗﯧﻠﯧﯟﯨﺰﯨﻴﻪ ﺋﻮﻣﯘﻣﻠﯩﺸﯩﭗ ﻗﺎﻧﺎﻟﻼﺭ ﻛﯚﭘﻪﻳﮕﻪﻥ ﺑﻮﻟﺴﯩﻤﯘ ﺋﯚﻳﯩﻤﯩﺰﺩﯨﻜﻰ ﺗﯧﻠﯧﯟﯨﺰﻭﺭﻧﯩﯔ ﺋﯧﻜﺮﺍﻧﯩﺪﺍ ﻫﻪﺭ ﺑﯩﺮ ﻗﺎﻧﺎﻟﺪﯨﻜﻰ ﺧﻪﯞﻩﺭﻟﻪﺭ ﭘﺮﻭﮔﺮﺍﻣﻤﯩﺴﻰ ﺑﯩﻠﻪﻥ ﭘﯘﺗﺒﻮﻝ ، ﯞﺍﺳﻜﯧﺘﺒﻮﻝ ، ﺑﻮﻛﺲ ﻣﯘﺳﺎﺑﯩﻘﯩﻠﯩﺮﯨﻼ ﻛﯚﺭﯛﻧﻪﺗﺘﻰ . ﺑﯩﺰ ﻛﯚﺭﯛﺷﻜﻪ ﻣﯘﯞﻩﭘﭙﻪﻕ ﺑﻮﻻﻻﻳﺪﯨﻐﺎﻥ ﻛﯚﭖ ﻗﯩﺴﯩﻤﻠﯩﻖ ﻓﯩﻠﯩﻤﻠﻪﺭ "" ﺳﯘ ﺑﻮﻳﯩﺪﺍ "" ، "" ﺋﻪﯓ ﺋﺎﺧﯩﺮﻗﻰ ﻛﯚﻝ "" ﻗﺎﺗﺎﺭﻟﯩﻖ ﺳﺎﻧﺎﻗﻠﯩﻖ ﺑﯩﺮ ﻧﻪﭼﭽﯩﻼ ﻓﯩﻠﯩﻢ ﺋﯩﺪﻯ . ﻣﺎﻧﺎ ﻣﯘﺷﯘﻧﺪﺍﻕ ﻣﯘﻫﯩﺘﺘﺎ ﻫﻪﺗﺘﺎ ﺋﺎﭘﺎﻣﻤﯘ ﺗﻪﻧﻬﻪﺭﯨﻜﻪﺕ ﺗﯜﺭﻟﯩﺮﯨﻨﯩﯔ ﻧﻮﻣﯘﺭ ﺑﯧﺮﯨﺶ ﻗﺎﺋﯩﺪﯨﻠﯩﺮﯨﺪﯨﻦ ﺗﺎﺭﺗﯩﭗ ﺋﯘﺳﺘﺎ ﺑﻮﭘﻜﻪﺗﺘﻰ . ﺑﯩﺰ ﭘﻪﺭﺯﻩﻧﺘﻠﻪﺭﮔﯩﻤﯘ ﺋﯘﺯﺍﻗﺘﯩﻦ ﺋﯘﺯﺍﻕ ﻛﯩﻨﻮﻻﺭﻧﻰ ﻛﯚﺭﯛﺵ ﯞﺍﻗﯩﺖ ﺋﯩﺴﺮﺍﭘﭽﯩﻠﯩﻘﯩﺪﻩﻙ ﺑﯩﻠﯩﻨﯩﺪﯨﻐﺎﻥ ﺑﻮﻟﯘﭖ ، 45 ﻗﺎﻧﺎﻟﺪﯨﻜﻰ ﺧﻪﯞﻩﺭﻟﻪﺭﻧﻰ ، ﺗﯜﺭﻟﯜﻙ ﺗﻪﻧﺘﻪﺭﺑﯩﻴﻪ ﻣﯘﺳﺎﺑﯩﻘﯩﻠﯩﺮﯨﻨﻰ ﺋﯩﺰﺩﻩﭖ ﻛﯚﺭﯨﺪﯨﻐﺎﻥ ﺑﻮﻟﺪﯗﻕ .

ﺗﻮﻟﯘﻗﺴﯩﺰ ﺋﻮﺗﺘﯘﺭﯨﺪﯨﻜﻰ ﭼﺎﻏﻠﯩﺮﯨﻢ ﺑﻮﻟﺴﺎ ﻛﯧﺮﻩﻙ . ﺑﯩﺮ ﻛﯜﻧﻰ ﻛﻪﭼﺘﻪ ﺩﺍﺩﺍﻡ "" ﺑﯜﮔﯜﻥ ﻛﻪﭼﺘﻪ ﺑﯩﺮ ﺋﯘﻳﻐﯘﺭ ﺑﻮﻛﺴﭽﯩﻨﯩﯔ ﻣﯘﺳﺎﺑﯩﻘﯩﺴﻰ ﺑﺎﺭ ﺋﯩﻜﻪﻥ "" ﺩﻩﭖ ﺧﯧﻠﻰ ﻛﻪﭼﻜﯩﭽﻪ ﺗﯧﻠﯧﯟﯨﺰﻭﺭ ﺋﺎﻟﺪﯨﺪﺍ ﺋﻮﻟﺘﯘﺭﺩﻯ . ﺋﻪﺗﯩﺴﻰ ﺋﻪﺗﯩﮕﻪﻧﺪﻩ ﺋﯩﻤﺘﯩﻬﺎﻥ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﻣﯧﻨﯩﯔ ﺗﯧﻠﯧﯟﯨﺰﻭﺭ ﻛﯚﺭﯛﺷﯜﻣﮕﻪ ﺭﯗﺧﺴﻪﺕ ﻗﯩﻠﯩﻨﻤﺎﻳﺘﺘﻰ . ﺩﺍﺩﺍﻡ ﻫﻪﺗﺘﺎ ﺗﯧﻠﯧﯟﯨﺰﻭﺭﻧﯩﯔ ﺋﺎﯞﺍﺯﯨﻨﯩﻤﯘ ﭘﯜﺗﯜﻧﻠﻪﻱ ﺋﯚﭼﯜﺭﯛﯞﻩﺗﻜﻪﻧﯩﺪﻯ . ﺋﺎﻣﺎﻟﺴﯩﺰ ﺑﯩﺮ ﻫﯩﻴﻠﻪ ﺋﻮﻳﻼﭖ ﺗﺎﭘﺘﯩﻢ . ﻳﻪﻧﻰ ﻫﯘﺟﺮﺍﻣﻨﯩﯔ ﺋﯩﺸﯩﻜﯩﻨﻰ ﭼﺎﻧﺪﯗﺭﻣﺎﻱ ﻗﯩﻴﺎ ﺋﯧﭽﯩﭗ ﻗﻮﻳﯘﭖ ﻣﯘﺳﺎﺑﯩﻘﯩﻨﻰ ﻛﯚﺭﺩﯛﻡ . ﺗﯧﻠﯧﯟﯨﺰﻭﺭﺩﯨﻜﻰ _ ﻣﻪﻥ ﺋﯩﺸﯩﻚ ﻗﯩﺴﯩﻠﭽﯩﻘﻰ ﺋﺎﺭﻗﯩﻠﯩﻖ ﻛﯚﺭﯛﯞﺍﺗﻘﺎﻥ _ ﺑﺎﺯﻏﺎﻧﺪﻩﻙ ﻣﯘﺷﺘﻠﯩﺮﻯ ﺑﯩﻠﻪﻥ ﺭﻩﻗﯩﺒﯩﻨﻰ ﺑﺎﺵ ﺋﻪﮔﺪﯛﺭﮔﻪﻥ ﺋﯘ ﺋﯘﻳﻐﯘﺭ ﻳﯩﮕﯩﺖ ﺋﺎﺑﺪﯗﺷﯜﻛﯜﺭ ﻣﯩﺠﯩﺖ ﺋﯩﺪﻯ . ﻣﯘﺳﺎﺑﯩﻘﻪ ﺗﯜﮔﯩﮕﻪﻧﺪﻩ ﺩﺍﺩﺍﻣﻨﯩﯔ "" ﺋﻪﺭﻛﻪﻛﻜﻪﻧﻐﯘ ﻣﺎﻧﺎ ! "" ﺩﯦﮕﻪﻥ ﺋﺎﯞﺍﺯﻯ ﺋﺎﯕﻼﻧﺪﻯ . ﻣﻪﻥ ﺑﯘ ﺋﻪﻫﯟﺍﻟﺪﺍ ﺑﯩﺮ ﺋﯧﻐﯩﺰﻣﯘ ﮔﻪﭖ ﻗﯩﻼﻟﻤﺎﻳﺘﺘﯩﻢ . ﻟﯧﻜﯩﻦ ﻫﺎﻳﺎﺟﯩﻨﯩﻢ ﺩﺍﺩﺍﻣﻨﯩﯖﻜﯩﺪﯨﻦ ، ﺗﻮﻏﺮﯨﺴﻰ ﺷﯘ ﯞﺍﻗﯩﺘﺘﯩﻚ ﻫﻪﺭ ﺑﯩﺮ ﺗﺎﻣﺎﺷﯩﺒﯩﻨﻨﯩﯖﻜﯩﺪﯨﻦ ﻛﻪﻡ ﺋﻪﻣﻪﺱ ﺋﯩﺪﻯ . ﺋﺎﺷﯘ ﻛﯜﻧﻨﻰ ﺋﻮﻳﻠﯩﺴﺎﻡ ﺩﺍﺩﺍﻣﻨﯩﻼ ﺋﯜﻟﮕﻪ ﻗﯩﻠﯩﭗ ﺳﯩﺰﯨﭗ ﭼﯩﻘﯩﻠﯩﺸﻰ ﻛﯧﺮﻩﻙ ﺑﻮﻟﻐﺎﻥ ﺋﻪﺭﻛﻪﻙ ﺳﯜﺭﯨﺘﯩﮕﻪ ﻳﻪﻧﻪ ﺑﯩﺮ ﺧﯩﺴﻠﻪﺕ ﻗﻮﺷﯘﻟﯘﭖ ﻗﺎﻟﻐﺎﻧﯩﻜﻪﻥ . ﻳﻪﻧﻰ ﺋﻪﺭﻛﻪﻙ ﺩﯦﮕﻪﻥ ﭘﺎﻟﯟﺍﻥ ﺑﻮﻟﯘﺷﻰ ، ﯞﯨﺠﺪﺍﻥ ﺗﯘﻳﻐﯘﻟﯩﺮﻯ ﺑﯩﻠﻪﻥ ﺑﺎﺗﯘﺭﻟﯘﻕ ﺷﻪﺟﻪﺭﯨﺴﯩﻨﻰ ﻳﯧﺰﯨﺸﻰ ﻛﯧﺮﻩﻙ ﺋﯩﻜﻪﻥ .

ﻧﻪﭼﭽﻪ ﻳﯩﻠﻼﺭ ﺋﯚﺗﯜﭖ ﻗﻪﻟﺒﯩﻤﮕﻪ ﭘﺎﻟﯟﺍﻥ ﺋﯘﻗﯘﻣﯩﻨﻰ ﺋﻮﺭﻧﺎﺗﻘﺎﻥ ﺷﯘ ﺋﺎﻛﯩﻤﯩﺰﻧﯩﯔ "" ﺟﯘﯕﮕﻮ ﺑﻮﻛﺲ ﭘﺎﺩﯨﺸﺎﻫﻰ "" ﺑﻮﻟﯘﭖ ، ﻳﻪﻧﻰ ﭘﺎﻟﯟﺍﻧﻠﯩﻖ ﺗﺎﺟﯩﺴﻰ ﻛﯩﻴﯩﭗ ﺑﻮﻛﺲ ﺳﻪﻫﻨﯩﺴﯩﺪﯨﻦ ﭼﯧﻜﯩﻨﮕﻪﻧﻠﯩﻜﯩﻨﻰ ﺋﺎﯕﻠﯩﻐﺎﻧﯩﺪﯨﻢ . ﻳﺎﻕ ! ﺋﻪﺳﻠﻰ ﺋﯘ ﭼﯧﻜﯩﻨﻤﯩﮕﻪﻧﯩﻜﻪﻥ . ﻗﺎﺭﺍﯓ ! ﺋﯘ ﻫﺎﺯﯨﺮﻣﯘ ﺑﻮﻛﺲ ﺳﻪﻫﻨﯩﺴﯩﺪﻩ ﺗﯘﺭﻣﺎﻣﺪﯗ ؟ ﺗﻮﻏﺮﺍ ! ﺋﯘ ﮔﻪﺭﭼﻪ ﭼﯧﻠﯩﺶ ﻣﻪﻳﺪﺍﻧﯩﻨﯩﯔ ﺋﯚﺯﯨﺪﻩ ﺑﻮﻟﻤﯩﺴﯩﻤﯘ ، ﺋﯚﺯﯨﻨﯩﯔ ﻣﻮﻝ ﺗﻪﺟﺮﯨﺒﯩﻠﯩﺮﻯ ﺑﯩﻠﻪﻥ ﻳﺎﺭﺍﻣﻠﯩﻖ ﻣﻪﺷﻘﺎﯞﯗﻟﻐﺎ ﺋﺎﻳﻠﯩﻨﯩﭗ ﺑﯩﺮ ﺗﻮﭖ ﺋﻪﺭﻛﻪﻛﻨﻰ ﺋﯚﺯﯨﺪﻩﻙ ﭘﺎﻟﯟﺍﻧﻐﺎ ﺋﺎﻳﻼﻧﺪﯗﺭﯗﺵ ﻳﻮﻟﯩﺪﺍ ﻳﻪﻧﻪ ﺗﻪﺭ ﺋﺎﻗﻘﯘﺯﯗﯞﯦﺘﯩﭙﺘﯘ .

ﺋﻪﻧﻪ ! ﺋﯘ ﺋﺎﺗﺎﻗﻠﯩﻖ ﺑﻮﻛﺲ ﺗﯩﺮﯦﻨﯧﺮﯨﻤﯩﺰ ﺋﺎﺑﻠﯩﻜﯩﻢ ﺋﺎﺑﺪﯗﺭﯦﺸﯩﺖ ﺋﺎﻛﯩﻨﯩﯔ ﻳﯧﺘﻪﻛﭽﯩﻠﯩﻜﯩﺪﻩ ﺋﺎﺑﺪﯗﺭﻩﻫﻤﺎﻥ ﺋﺎﺑﻠﯩﻜﯩﻤﻨﻰ ﺧﻪﻟﻘﺎﺭﺍ ﺑﻮﻛﺲ ﺳﻪﻫﻨﯩﺴﯩﮕﻪ ﭼﯩﻘﺎﺭﺩﻯ ، ﺋﯘﻧﯩﯔ ﻏﻪﻟﯩﺒﯩﺴﻰ ﺋﯜﭼﯜﻥ ﺗﻪﯓ ﺧﯘﺷﺎﻟﻼﻧﺪﻯ .

ﺋﻪﻧﻪ ! ﺋﯘ ﺋﻪﻛﺮﻩﻡ ﺋﯩﺴﻬﺎﻗﻨﻰ ﻣﻪﻳﺪﺍﻧﻐﺎ ﭼﯩﻘﺎﺭﺩﻯ . ﺋﻪﻛﺮﻩﻣﻨﯩﯔ ﺗﺎﻏﺎﻕ ﺳﯚﯕﯩﻜﻰ ﭼﯩﻘﯩﭗ ﻛﯧﺘﯩﭗ ﻣﯘﺳﺎﺑﯩﻘﯩﻨﻰ ﺩﺍﯞﺍﻣﻼﺷﺘﯘﺭﺍﻟﻤﯩﻐﺎﻧﺪﺍ ﺋﯘ ﺋﻪﻛﺮﻩﻡ ﺑﯩﻠﻪﻥ ﺗﻪﯓ ﻳﯩﻐﻠﯩﺪﻯ . ﺋﻪﻧﻪ ! ﺋﺎﺷﯘ ﻛﯧﻠﯩﺸﻜﻪﻥ ﺑﺎﺗﯘﺭﯨﻤﯩﺰ ﺋﯚﺯﯨﺪﻩﻛﻼ ﺳﯘﺑﺎﺗﻠﯩﻖ ﻳﻪﻧﻪ ﺑﯩﺮ ﻳﯩﮕﯩﺘﻨﻰ _ ﺗﯚﻟﻪﯞﻗﺎﻧﻨﻰ ﻏﻪﻟﯩﺒﯩﺴﻰ ﺋﯜﭼﯜﻥ ﭼﯩﯔ ﻗﯘﭼﺎﻗﻼﭖ ﭘﯧﺸﺎﻧﯩﺴﯩﺪﯨﻦ ﺳﯚﻳﺪﻯ . ﺋﺎﺑﺪﯗﺷﯜﻛﯜﺭ ﺋﺎﻛﺎ ﻳﻪﻧﻪ 17 ﻳﺎﺷﻠﯩﻖ ﺷﺎﮔﯩﺮﺗﻰ ﺋﺎﺑﺪﯗﺭﯦﺸﯩﺘﻨﻰ ﻳﺎﺵ ﭘﻪﺭﻗﯩﻤﯘ ، ﺑﻪﺩﻩﻥ ﺳﺎﭘﺎﺳﻰ ﭘﻪﺭﻗﯩﻤﯘ ﭼﻮﯓ ﺑﻮﻟﻐﺎﻥ ﺭﻩﻗﯩﺒﯩﺪﯨﻦ ﻣﻪﺟﺒﯘﺭﯨﻲ ﻳﺎﻧﺪﯗﺭﯗﯞﺍﻟﺪﻯ ﯞﻩ ﻗﯘﻟﯩﻘﯩﻐﺎ : "" ﭘﯘﺭﺳﻪﺕ ﺳﺎﯕﺎ ﺗﯧﺨﻰ ﺟﯩﻖ ، ﻣﻪﻳﺪﺍﻥ ﻛﯚﺭﺳﻪﯕﻼ ﺑﻮﻟﯩﺪﯗ "" ﺩﯦﺪﻯ . ﺋﯚﺯ ﯞﺍﻗﺘﯩﺪﺍ ﺑﻮﻛﺲ ﻣﻪﻳﺪﺍﻧﯩﻨﯩﯔ ﺋﯚﺯﯨﺪﻩ ﺷﺎﻧﻠﯩﻖ ﻧﻪﺗﯩﺠﯩﻠﻪﺭﻧﻰ ﻳﺎﺭﯨﺘﯩﭗ ﺧﻪﻟﻖ ﻗﻪﻟﺒﯩﻨﻰ ﻫﺎﻳﺎﺟﺎﻧﻐﺎ ﺳﺎﻟﻐﺎﻥ ﺑﯘ ﭘﺎﻟﯟﺍﻥ ﺋﻪﻣﺪﯨﻠﯩﻜﺘﻪ ﺷﯘ ﻣﻪﻳﺪﺍﻧﻨﻰ ﺋﺎﻳﺮﯨﭗ ﺗﯘﺭﯨﺪﯨﻐﺎﻥ ﺗﯚﺕ ﺗﺎﻝ ﺋﺎﺭﻏﺎﻣﭽﯩﻨﯩﯔ ﺋﯘ ﺗﻪﺭﯨﭙﯩﺪﻩ ﻳﻪﻧﻪ ﺗﻪﺭ ﺗﯚﻛﯜﯞﺍﺗﯩﺪﯗ ، ﺋﻪﻣﺪﻯ ﺧﻪﻟﻘﯩﮕﻪ ﺋﯚﺯﯨﺪﻩﻙ ﺑﻮﻛﺲ ﭘﺎﻟﯟﺍﻧﻠﯩﺮﯨﻨﻰ ﺗﻪﻗﺪﯨﻢ ﺋﯧﺘﯩﯟﺍﺗﯩﺪﯗ .

ﻳﺎﺷﺎ ! ﺧﻪﻟﻘﻨﯩﯔ ﺋﻮﻏﻼﻧﻰ ، ﻫﻪﻗﯩﻘﯩﻲ ﺋﻪﺭﻛﯩﻜﻰ !

"" ﺷﯩﻨﺠﺎﯓ ﻣﻪﺩﻩﻧﯩﻴﯩﺘﻰ "" ﺟﯘﺭﻧﯩﻠﯩﻨﯩﯔ 2002 - ﻳﯩﻞ 1 - ﺳﺎﻧﯩﺪﯨﻦ ﺋﺎﺑﺪﯗﻟﻪﻫﻪﺩ ﺋﺎﺑﺪﯗﺭﻩﺷﯩﺪ ﺑﻪﺭﻗﯩﻲ ﺋﺎﻛﯩﻤﯩﺰﻧﯩﯔ "" ﺋﺎﺳﯩﻴﺎ ﺑﻮﻛﺲ ﭼﯧﻤﭙﯩﻴﻮﻧﻰ "" ، "" ﺋﻮﻟﯧﻤﭙﯩﻚ ﺋﻮﻏﻼﻧﻰ "" ﺋﺎﺑﺪﯗﺭﻩﻫﻤﺎﻥ ﺋﺎﺑﻠﯩﻜﯩﻢ 2001 - ﻳﯩﻠﻰ ﺋﯚﺗﻜﯜﺯﯛﻟﮕﻪﻥ ﻣﻪﻣﻠﯩﻜﻪﺕ ﺑﻮﻳﯩﭽﻪ 9 - ﻧﯚﯞﻩﺗﻠﯩﻚ ﺗﻪﻧﻬﻪﺭﯨﻜﻪﺕ ﻣﯘﺳﺎﺑﯩﻘﯩﺴﯩﻨﯩﯔ ﺑﻮﻛﺲ ﺗﯜﺭﯨﺪﻩ ﺋﺎﻟﺘﯘﻥ ﻣﯧﺪﺍﻝ ﺋﯧﻠﯩﭗ ﺧﻪﻟﻘﯩﻤﯩﺰﮔﻪ ﺷﺎﻥ - ﺷﻪﺭﻩﭖ ﻛﻪﻟﺘﯜﺭﮔﻪﻧﻠﯩﻜﯩﮕﻪ ﺋﺎﺗﺎﭖ ﻳﺎﺯﻏﺎﻥ "" ﻣﯘﺷﺖ ﺋﯩﻠﻬﺎﻣﻰ ﺗﯘﻏﻘﺎﻥ ﺧﯩﻴﺎﻟﻼﺭ "" ﺩﯦﮕﻪﻥ ﺋﻪﺳﯩﺮﯨﻨﻰ ﺋﻮﻗﯘﭖ ﺧﯘﺩﺩﻯ ﺷﯘ ﻣﻪﻳﺪﺍﻧﺪﺍ ﺋﯚﺯﯛﻡ ﺑﺎﺭﺩﻩﻙ ﻫﺎﻳﺎﺟﺎﻧﻠﯩﻨﯩﭗ ﻛﯚﺯﯛﻣﮕﻪ ﺋﯩﺴﺴﯩﻖ ﻳﺎﺷﻼﺭ ﺋﺎﻟﻐﯩﻨﯩﻢ ، ﺷﯘ ﻣﺎﻗﺎﻟﯩﻨﻰ ﻗﺎﻳﺘﺎ - ﻗﺎﻳﺘﯩﻼﭖ ﺋﻮﻗﯘﻏﯩﻨﯩﻢ ﻫﯧﻠﯩﻤﯘ ﺋﯧﺴﯩﻤﺪﻩ . ﭼﯜﻧﻜﻰ ﺟﯘﻏﯘﻣﻨﯩﯔ ﻛﯩﭽﯩﻚ ، ﺗﯧﻨﯩﻤﻨﯩﯔ ﺋﺎﻧﭽﻪ ﺳﺎﻏﻼﻡ ﺋﻪﻣﻪﺳﻠﯩﻜﯩﮕﻪ ﻗﺎﺭﯨﻤﺎﻱ ﻣﻪﻥ ﺳﯧﭙﻰ ﺋﯚﺯﯨﺪﯨﻦ ﺑﯩﺮ ﺗﻪﻧﺘﻪﺭﺑﯩﻴﻪ ﻫﻪﯞﻩﺳﻜﺎﺭﻯ ﺑﻮﻟﯘﭖ ﭼﯩﻘﻘﺎﻧﯩﺪﯨﻢ . ﺑﻮﻟﯘﭘﻤﯘ ﭘﯘﺗﺒﻮﻝ ﺑﯩﻠﻪﻥ ﺑﻮﻛﺲ ﻣﯧﻨﯩﯔ ﻣﻪﺳﺘﺎﻧﯩﻼﺭﭼﻪ ﻛﯚﺭﯨﺪﯨﻐﺎﻥ ﺗﯜﺭﯛﻡ ﺋﯩﺪﻯ . ﻣﯧﻨﯩﯔ ﺑﻮﻛﺴﻘﺎ ﻗﯩﺰﯨﻘﯩﺪﯨﻐﯩﻨﯩﻤﻨﻰ ﺋﺎﯕﻠﯩﻐﺎﻥ ﺑﯩﺮ ﻳﯘﺭﺗﻠﯘﻗﯘﻣﻨﯩﯔ ﺩﯦﮕﻪﻥ ﮔﯧﭙﯩﻨﻰ ﻫﺎﺯﯨﺮﻏﯩﭽﻪ ﺋﯧﭽﯩﻨﯩﺶ ، ﻣﻪﺳﺨﯩﺮﻩ ﻫﯧﺴﺴﯩﻴﺎﺗﯩﺪﺍ ﺋﻪﺳﻠﻪﭖ ﻗﺎﻟﯩﻤﻪﻥ : "" ﺗﻮﯞﺍ ! ﻛﯩﭽﯩﻜﻜﯩﻨﻪ ﺑﯩﺮ ﻗﯩﺰ ﺑﺎﻻ ﺗﯘﺭﯗﭖ ﺑﻮﻛﺴﻘﺎ ﻗﯩﺰﯨﻘﻘﯩﻨﯩﯖﯩﺰ ﻧﯧﻤﯩﺴﻰ ؟ ﻗﯩﺰﻻﺭ ﺩﯦﮕﻪﻥ ﻣﯧﻬﺮﯨﺒﺎﻥ ، ﺗﺎﺭﺗﯩﻨﭽﺎﻕ ﺑﻮﻟﯩﺪﯨﻐﺎﻥ . ﺋﯩﻜﻜﻰ ﺋﯩﻨﺴﺎﻧﻨﻰ ﻣﯘﺷﺘﻼﺷﺘﯘﺭﯗﭖ ﻗﻮﻳﯘﭖ ﻗﺎﺭﺍﭖ ﺋﻮﻟﺘﯘﺭﯗﭖ ﻫﯘﺯﯗﺭﻟﯩﻨﺎﻟﯩﺴﯩﯖﯩﺰ ﺳﯩﺰﻣﯘ " ﺋﯧﺴﯩﻞ " ﻗﯩﺰ ﺋﯩﻜﻪﻧﺴﯩﺰ ! "" ﺷﯘ ﭼﺎﻏﺪﺍ ﺋﯘﻧﯩﯖﻐﺎ ﻻﻳﯩﻘﯩﺪﺍ ﺟﺎﯞﺍﺏ ﻗﺎﻳﺘﯘﺭﺍﻟﻤﯩﻐﺎﻧﻠﯩﻘﯩﻢ ﺋﯜﭼﯜﻥ ﻫﺎﺯﯨﺮﻣﯘ ﺋﯚﻛﯜﻧﯩﻤﻪﻥ . ﺑﻪﻟﻜﯩﻢ ﺋﯘﻧﯩﯖﺪﻩﻙ ﺋﺎﺯﺭﺍﻗﻤﯘ ﺗﻪﻧﺘﻪﺭﺑﯩﻴﻪ ﻫﻪﯞﯨﺴﻰ ﺑﻮﻟﻤﯩﻐﺎﻥ ، ﺗﻮﻏﺮﯨﺮﺍﻗﻰ ﭘﺎﻟﯟﺍﻧﻠﯩﻖ ﺋﯘﻗﯘﻣﻰ ﻗﻪﻟﺒﯩﺪﻩ ﺑﻮﻟﻤﯩﻐﺎﻥ ، ﺟﺎﭘﺎﻟﯩﻖ ﻫﻪﻡ ﻫﺎﻳﺎﺟﺎﻧﻠﯩﻖ ﺑﯘ ﺗﯜﺭﻧﻰ ، ﺋﻪﺭﻛﻪﻛﻠﯩﻜﻨﯩﯔ ﺭﻩﻣﺰﻯ ﺑﻮﻟﻐﺎﻥ ﺑﻮﻛﺴﻨﻰ ﭼﯜﺷﻪﻧﻤﯩﮕﻪﻥ ﺋﯘ ﻛﯩﺸﯩﮕﻪ ﺟﺎﯞﺍﺏ ﻗﺎﻳﺘﯘﺭﯗﺷﻤﯘ ﺋﺎﺭﺗﯘﻗﭽﻪ ﺑﻮﻟﻐﯩﻴﺘﺘﻰ !

ﺋﺎﺑﺪﯗﺷﯜﻛﯜﺭ ﺋﺎﻛﯩﺪﯨﻦ ، "" ﺋﺎﺳﯩﻴﺎ ﺑﻮﻛﺲ ﭼﯧﻤﭙﯩﻴﻮﻧﻰ "" ، "" ﺋﻮﻟﯧﻤﭙﯩﻚ ﺋﻮﻏﻼﻧﻰ "" ﺋﺎﺑﺪﯗﺭﻩﻫﻤﺎﻧﻨﯩﯔ ﭼﯩﺮﺍﻳﻠﯩﻖ _ "" ﭘﺎﻛﯩﺰ "" ﻣﯘﺷﺘﯩﺪﯨﻦ ، ﺋﻪﻛﺮﻩﻣﻨﯩﯔ ﺋﻪﭘﭽﯩﻞ ﻗﯧﭽﯩﭗ ﺗﯘﺭﯗﭖ ﻗﺎﻳﺘﯘﺭﻣﺎ ﻫﯘﺟﯘﻣﻐﺎ ﺋﯚﺗﯜﭖ ﺭﻩﻗﯩﺒﯩﻨﻰ ﻫﺎﻟﺴﯩﺰﻻﻧﺪﯗﺭﯗﺷﯩﺪﯨﻦ ، "" ﺋﺎﺳﯩﻴﺎ ﺑﻮﻛﺲ ﭼﯧﻤﭙﯩﻴﻮﻧﻰ "" ، "" ﺋﻮﻟﯧﻤﭙﯩﻚ ﺋﻮﻏﻼﻧﻰ "" ﻗﺎﻧﺎﺕ ﺋﯩﺴﻼﻣﻨﯩﯔ ﺋﻮﻣﺎﻗﻠﯩﻖ ﺋﺎﺭﯨﻼﺷﻘﺎﻥ ، ﻟﯧﻜﯩﻦ ﺗﻮﻟﯩﻤﯘ ﺗﻮﺭﻟﯘﻕ ﻣﯘﺷﺘﻠﯩﺮﯨﺪﯨﻦ ، ﺋﺎﺑﺪﯗﺭﯗﺳﯘﻟﻨﯩﯔ ﺋﺎﻟﺪﺍﭖ ﺗﯘﺭﯗﭖ ﻣﯘﺷﺖ ﺋﯧﺘﯩﭗ ﺭﻩﻗﯩﺒﯩﻨﻰ 2 - ﻳﺎﻛﻰ 3 - ﻣﻪﻳﺪﺍﻧﺪﯨﻼ ﭼﯧﻜﯩﻨﯩﺸﻜﻪ ﻣﻪﺟﺒﯘﺭ ﻗﯩﻠﻐﯩﻨﯩﺪﯨﻦ ﻫﯘﺯﯗﺭﻟﯩﻨﯩﺶ ﻣﯧﻨﯩﯖﭽﻪ ﭘﺎﻟﯟﺍﻧﻠﯩﻘﻘﺎ ﭼﻮﻗﯘﻧﯩﺪﯨﻐﺎﻥ ، ﭘﺎﻟﯟﺍﻧﻼﺭﻧﻰ ﻗﻪﺩﯨﺮﻟﻪﻳﺪﯨﻐﺎﻥ ﺋﺎﺩﻩﻣﻠﻪﺭﻧﯩﯖﻼ ﻗﻮﻟﯩﺪﯨﻦ ﻛﻪﻟﺴﻪ ﻛﯧﺮﻩﻙ ! ﺑﯘ ﺧﯘﺩﺩﻯ ﺋﺎﺑﺪﯗﺭﯦﻬﯩﻢ ﺩﯙﻟﻪﺕ ﺋﺎﻛﯩﻨﯩﯔ "" ﺷﯩﻨﺠﺎﯓ ﻣﻪﺩﻩﻧﯩﻴﯩﺘﻰ "" ﺟﯘﺭﻧﯩﻠﯩﻨﯩﯔ 2001 - ﻳﯩﻞ 1 - ﺳﺎﻧﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ "" ﻧﯧﻤﯩﺸﻘﺎ ﺋﻮﻳﻼﻧﻤﺎﻳﻤﯩﺰ ؟ ! "" ﻧﺎﻣﻠﯩﻖ ﻣﺎﻗﺎﻟﯩﺴﯩﺪﻩ ﺑﺎﻳﺎﻥ ﻗﯩﻠﻐﺎﻥ ﺗﺎﻡ ﻗﻮﭘﯘﺭﯗﯞﺍﺗﻘﺎﻥ ﺋﯜﭺ ﺋﺎﺩﻩﻡ ﺗﻮﻏﺮﯨﺴﯩﺪﯨﻜﻰ ﻫﯧﻜﺎﻳﻪﺗﻜﻪ ﺋﻮﺧﺸﺎﺵ ﺋﯩﺶ ﺋﯩﻜﻪﻥ . ﮔﻪﺭﭼﻪ ﻫﯧﻜﺎﻳﻪﺗﺘﯩﻜﻰ ﺋﯜﭼﯩﻼ ﻛﯩﺸﻰ ﺗﺎﻡ ﻗﻮﭘﯘﺭﯗﯞﺍﺗﻘﺎﻥ ﺑﻮﻟﺴﯩﻤﯘ ، " ﻧﯧﻤﻪ ﺋﯩﺶ ﻗﯩﻠﯩﯟﺍﺗﯩﺴﯩﻠﻪﺭ ؟ "" ﺩﯦﮕﻪﻥ ﺳﻮﺋﺎﻟﻐﺎ ﺑﯩﺮﻯ "" ﺗﺎﻡ ﻗﻮﭘﯘﺭﯗﯞﺍﺗﯩﻤﻪﻥ "" ، ﻳﻪﻧﻪ ﺑﯩﺮﻯ "" ﭘﯘﻝ ﺗﯧﭙﯩﯟﺍﺗﯩﻤﻪﻥ "" ﺩﯦﺴﻪ ، ﺋﯜﭼﯩﻨﭽﻰ ﺑﯩﺮﻯ "" ﺋﯚﺯﮔﯩﭽﻪ ﺋﯘﺳﻠﯘﺑﺘﺎ ﺑﯩﺮ ﺋﯚﻱ ﺳﺎﻟﻤﺎﻗﭽﯩﻤﻪﻥ "" ﺩﻩﭖ ﺟﺎﯞﺍﺏ ﺑﯧﺮﯨﺪﯗ . ﺷﯘﻧﯩﯖﺪﻩﻙ ﺑﻮﻛﺴﻨﯩﯖﻤﯘ ﻫﻪﺭ ﻛﯩﻤﮕﻪ ﺑﯧﺮﯨﺪﯨﻐﺎﻥ ﻟﻪﺯﺯﯨﺘﻰ ، ﺳﯧﻬﺮﯨﻲ ﻛﯜﭼﯩﻤﯘ ﺋﻮﺧﺸﺎﺵ ﺑﻮﻟﻤﺎﻳﺪﯗ .

2004 - ﻳﯩﻠﻰ 26 - ﺳﯧﻨﺘﻪﺑﯩﺮﺩﯨﻦ 30 - ﺳﯧﻨﺘﻪﺑﯩﺮﮔﯩﭽﻪ "" ﻗﯩﺰﯨﻠﺘﺎﻍ "" ﺗﻪﻧﺘﻪﺭﺑﯩﻴﻪ ﺳﺎﺭﯨﻴﯩﻨﯩﯔ ﺑﻮﻛﺲ ﺯﺍﻟﯩﺪﺍ ﺋﯚﺗﻜﯜﺯﯛﻟﮕﻪﻥ ﺧﻪﻟﻘﺎﺭﺍﻟﯩﻖ ﺑﻮﻛﺲ ﺗﻪﻛﻠﯩﭗ ﻣﯘﺳﺎﺑﯩﻘﯩﺴﯩﻨﻰ ﻛﯚﺭﮔﻪﻥ ﻫﻪﺭ ﺑﯩﺮ ﻳﯜﺭﯨﻜﻰ ﺋﻮﻳﻐﺎﻕ ﺋﯩﻨﺴﺎﻥ ﺧﯘﺩﺩﻯ ﻣﺎﯕﺎ ﺋﻮﺧﺸﺎﺷﻼ ﺑﺎﺗﯘﺭﻟﯘﻕ _ ﻫﻪﻗﯩﻘﯩﻲ ﺋﻪﺭﻛﻪﻛﻠﯩﻜﻨﯩﯔ ﻣﻪﻧﯩﺴﯩﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﭼﻮﯕﻘﯘﺭ ﺗﻮﻧﯘﭖ ﻳﻪﺗﻜﻪﻥ ﺑﻮﻟﺴﺎ ﻛﯧﺮﻩﻙ . ﺷﯩﻨﺠﺎﯓ ﺑﻮﻛﺲ ﺋﻪﺯﯨﻤﻪﺗﻠﯩﺮﻯ 14 ﺩﯙﻟﻪﺕ ، ﺑﻪﺵ ﺋﯚﻟﻜﯩﺪﯨﻦ ﻛﻪﻟﮕﻪﻥ ﺳﻪﺭﺧﯩﻞ ﺑﻮﻛﺴﭽﯩﻼﺭ ﺋﺎﺭﯨﺴﯩﺪﺍ ﺗﺎﻻﻧﺘﯩﻨﻰ ﻧﺎﻣﺎﻳﺎﻥ ﻗﯩﻠﯩﭗ ﺗﯚﺕ ﺋﺎﻟﺘﯘﻥ ﻣﯧﺪﺍﻝ ، ﺑﯩﺮ ﻛﯜﻣﯜﺵ ﻣﯧﺪﺍﻝ ، ﺋﯩﻜﻜﻰ ﻣﯩﺲ ﻣﯧﺪﺍﻟﻨﻰ ﻗﻮﻟﻐﺎ ﻛﻪﻟﺘﯜﺭﯛﭖ ﻳﻪﻧﻪ ﺑﯩﺮ ﻗﯧﺘﯩﻢ ﺑﺎﺗﯘﺭﻟﯘﻕ ﻣﺎﺭﺷﯩﻨﻰ ﻳﺎﯕﺮﺍﺗﺘﻰ . ﺯﺍﻟﺪﯨﻜﻰ "" ﻳﺎﺭﺍﻳﺴﻪﻥ ﻳﯩﮕﯩﺖ ! "" ، "" ﻳﺎﺷﺎﭖ ﻛﻪﺕ ، ﺋﻪﺭﻛﻪﻙ ! "" ، "" ﺋﺎﺑﺪﯗﺭﻩﻫﻤﺎﻥ ، ﺑﻮﺷﺎﺷﻤﺎ ! "" ، "" ﻏﻪﻳﺮﻩﺕ ﻗﯩﻞ ! ﺋﺎﺑﺪﯗﺭﯗﺳﯘﻝ ! "" ، "" ﭘﺎﻟﯟﺍﻧﺪﻩﻙ ﻣﯘﺷﺖ ﺋﺎﺗﻪ ، ﻧﻪﺑﻰ "" ﺩﯦﮕﻪﻥ ﺗﻮﯞﻻﺷﻼﺭﺩﯨﻦ ﺧﻪﻟﻘﯩﻤﯩﺰﻧﯩﯔ ﺋﯚﺯ ﭘﺎﻟﯟﺍﻧﻠﯩﺮﯨﻨﻰ ﻫﯚﺭﻣﻪﺗﻠﻪﻳﺪﯨﻐﺎﻥ ، ﺑﯧﺸﯩﺪﺍ ﻛﯚﺗﯜﺭﯨﺪﯨﻐﺎﻥ ﺭﻭﻫﻰ ﻧﺎﻣﺎﻳﺎﻥ ﺑﻮﻟﺪﻯ . ﺷﯩﻨﺠﺎﯓ ﺑﻮﻛﺴﭽﯩﻠﯩﺮﻯ ﺗﺎﻛﻰ ﺋﯩﺴﻤﻰ ﺋﯧﻼﻥ ﻗﯩﻠﯩﻨﻐﺎﻧﺪﯨﻦ ﺗﺎﺭﺗﯩﭗ ﻣﯘﺳﺎﺑﯩﻘﯩﺴﯩﻨﻰ ﺗﯜﮔﯩﺘﯩﭗ ﻣﻪﻳﺪﺍﻧﺪﯨﻦ ﭼﯜﺷﻜﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﺋﯜﺯﯛﻟﻤﻪﻱ ﺩﺍﯞﺍﻣﻼﺷﻘﺎﻥ ﭼﺎﯞﺍﻙ ، ﻣﻪﺩﻩﺗﻠﻪﺭﺩﯨﻦ ﺋﯚﺯﯨﻨﯩﯔ ﺯﯨﻤﻤﯩﺴﯩﺪﯨﻜﻰ ﻳﯜﻛﻨﯩﯔ ﺋﯧﻐﯩﺮﻟﯩﻘﯩﻨﻰ ﺗﻮﻟﯘﻕ ﻫﯧﺲ ﻗﯩﻠﺪﻯ . ﮔﻪﺭﭼﻪ ﺑﻮﻛﺲ ﺳﻪﻫﻨﯩﺴﯩﺪﻩ ﺋﻪﺯﯨﻤﻪﺗﻠﯩﺮﯨﻤﯩﺰ ﻳﻪﻛﻤﯘﻳﻪﻙ ﺋﯧﻠﯩﺸﺴﯩﻤﯘ ﻟﯧﻜﯩﻦ ﺋﯘﻻﺭﻧﯩﯔ ﻗﻪﻟﺒﯩﮕﻪ ﺧﻪﻟﻖ ﻗﻪﻟﺒﻰ ﻫﻪﻣﺮﺍﻫ ﺋﯩﺪﻯ ، ﺋﯘﻻﺭﻧﯩﯔ ﭼﯧﻤﭙﯩﻴﻮﻥ ﺑﻮﻟﯘﺵ ﺋﺎﺭﺯﯗﺳﯩﻐﺎ ﺧﻪﻟﻘﻨﯩﯔ ﭼﯧﻤﭙﯩﻴﻮﻥ ﺋﻮﻏﻼﻧﻠﯩﺮﯨﻨﻰ ﻛﯚﺭﯛﺵ ﺋﺎﺭﺯﯗﺳﻰ ﻫﻪﻣﺪﻩﻡ ﺋﯩﺪﻯ ، ﺋﯘﻻﺭﻧﯩﯔ ﺋﯧﺘﯩﯟﺍﺗﻘﺎﻥ ﻫﻪﺭ ﺑﯩﺮ ﻣﯘﺷﺘﻰ ﺧﻪﻟﻘﻨﯩﯔ ﺗﺎﻻﻱ ﺋﺎﺭﺯﯗ - ﺋﺎﺭﻣﯩﻨﻰ ﻳﯘﻏﯘﺭﯗﻟﻐﺎﻥ ﺧﺎﺳﯩﻴﻪﺗﻠﯩﻚ ﻣﯘﺷﺖ ﺋﯩﺪﻯ . ﺷﯘﯕﯩﻤﯘ ﺋﯘﻻﺭ ﺭﻩﻗﯩﺒﻠﯩﺮﯨﻨﻰ ﺋﯘﺭﯗﭖ ﻳﯩﻘﯩﺘﺘﻰ ، 2 - ، 3 - ﻣﻪﻳﺪﺍﻥ ﺋﯧﻠﯩﺸﯩﺸﺘﯩﻼ ﺋﺎﻕ ﺑﺎﻳﺮﺍﻕ ﭼﯩﻘﺎﺭﻏﯘﺯﺩﻯ . ﺧﻪﻟﻖ ﺑﯘ ﺯﻩﺑﻪﺭﺩﻩﺱ ﻳﯩﮕﯩﺘﻠﯩﺮﯨﻨﻰ _ ﺋﻪﺟﺮﯨﺪﯨﻦ ﺋﯚﺯﻟﯩﺮﯨﮕﻪ ﺧﯘﺷﭙﯘﺭﺍﻕ ﮔﯜﻟﻠﻪﺭﻧﻰ ﺳﯘﻧﻐﺎﻥ ﺋﻪﺯﯨﻤﻪﺗﻠﻪﺭﻧﻰ ﻗﯩﭙﻘﯩﺰﯨﻞ ﮔﯜﻟﺪﻩﺳﺘﯩﻠﻪﺭﮔﻪ ﻛﯚﻣﯜﯞﻩﺗﺘﻰ ، ﭘﯧﺸﺎﻧﯩﺴﯩﺪﯨﻦ ﺳﯚﻳﺪﻯ ، ﺑﯧﺸﯩﺪﯨﻦ ﺋﯧﮕﯩﺰ ﻛﯚﺗﯜﺭﺩﻯ .

ﺑﯘ ﻳﻪﺭﺩﻩ ﺷﯘ ﻧﻪﺭﺳﻪ ﺗﻮﻟﯩﻤﯘ ﺋﯧﻨﯩﻘﻜﻰ ، ﺑﯜﮔﯜﻧﻜﻰ ﻛﯜﻧﺪﻩ ﭘﺎﻟﯟﺍﻧﻠﯩﻖ _ ﻫﻪﻗﯩﻘﯩﻲ ﺋﻪﺭﻛﻪﻛﻠﯩﻚ ﭘﻪﻗﻪﺕ ﻣﯘﺷﺖ ﺋﯧﺘﯩﺸﺘﯩﻼ ﺋﯩﭙﺎﺩﯨﻠﻪﻧﻤﻪﻳﺪﯗ ، ﺋﯘ ﻳﯜﻛﺴﻪﻙ ﺋﯩﺮﺍﺩﯨﺪﻩ ، ﻏﺎﻳﻪﺕ ﺯﻭﺭ ﭼﯩﺪﺍﻣﭽﺎﻧﻠﯩﻘﺘﺎ ، ﺳﯘﻧﻤﺎﺱ ﺭﻭﻫﺘﺎ ، ﺋﯚﺯﯨﮕﻪ ﺗﯧﮕﯩﺸﻠﯩﻚ ﺋﯩﺸﻨﻰ ﯞﺍﻳﯩﻐﺎ ﻳﻪﺗﻜﯜﺯﯛﭖ ﻗﯩﻠﯩﺸﺘﺎ ﺋﯩﭙﺎﺩﯨﻠﯩﻨﯩﺪﯗ .

ﺋﺎﺑﺪﯗﺭﻩﻫﻤﺎﻥ ﺋﺎﺑﻠﯩﻜﯩﻤﻨﯩﯔ ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﻮﻗﯘﻏﯘﭼﯩﻼﺭ ﺳﻮﺭﯨﻐﺎﻥ "" ﻧﯧﻤﯩﺸﻘﺎ ﺑﻮﻛﺲ ﻛﻪﺳﭙﯩﻨﻰ ﺗﺎﻟﻠﯩﻐﺎﻥ ﺋﯩﺪﯨﯖﯩﺰ ؟ ! "" ﺩﯦﮕﻪﻥ ﺳﻮﺋﺎﻟﯩﻐﺎ "" ﭘﺎﻟﯟﺍﻥ ﺑﻮﻻﻱ ﺩﯦﮕﻪﻥ "" ﺩﻩﭖ ﺟﺎﯞﺍﺏ ﺑﻪﺭﮔﯩﻨﯩﻨﻰ ﺋﺎﯕﻠﯩﻐﺎﻧﯩﺪﯨﻢ . ﺑﯘ ﺟﺎﺳﺎﺭﻩﺗﻠﯩﻚ ﻳﯩﮕﯩﺖ ﺷﯘ ﺋﯩﺮﺍﺩﯨﺴﯩﺪﻩ ﭼﯩﯔ ﺗﯘﺭﻏﺎﻧﯩﺪﻯ . ﺑﯜﮔﯜﻧﻜﻰ ﻛﯜﻧﺪﻩ ﭼﻪﺑﺪﻩﺱ ﻣﯘﺷﺘﻠﯩﺮﻯ ﺑﯩﻠﻪﻥ ﺟﯘﯕﮕﻮ ﺑﻮﻛﺲ ﺳﻪﻫﻨﯩﺴﯩﺪﯨﻦ ﻫﺎﻟﻘﯩﭗ ﺋﺎﺳﯩﻴﺎ ﺑﻮﻛﺲ ﺳﻪﻫﻨﯩﺴﯩﺪﯨﻜﻰ ﻧﯘﺭﻟﯘﻕ ﭼﻮﻟﭙﺎﻧﻐﺎ ، ﻳﻪﻧﻰ ﺋﯚﺯ ﺋﺎﺭﻣﯩﻨﯩﺪﯨﻜﻰ ﭘﺎﻟﯟﺍﻧﻐﺎ ﺋﺎﻳﻼﻧﺪﻯ . ﺑﯘﻧﯩﯔ ﺑﯩﻠﻪﻥ ﺋﯘ ﺋﯘﻳﻐﯘﺭ ﺋﺎﺗﯩﻠﯩﺮﯨﻨﯩﯔ ﺳﯚﻳﯜﻣﻠﯜﻙ ﭘﻪﺭﺯﻩﻧﺘﯩﮕﻪ ﺋﺎﻳﻠﯩﻨﯩﭗ ، ﺗﺎﻻﻱ ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﻗﻪﻟﺒﯩﺪﻩ ﺑﺎﺗﯘﺭﻟﯘﻕ ﺋﺎﺑﯩﺪﯨﺴﯩﻨﻰ ﺗﯩﻜﻠﯩﺪﻯ .

ﺋﻪﻛﺮﻩﻡ ﺑﺎﺭﺍﺕ ﺋﯚﺯﯨﻨﯩﯔ ﺋﺎﺑﺪﯗﺷﯜﻛﯜﺭ ﺋﺎﻛﯩﻨﯩﯖﻜﯩﮕﻪ ﺋﻮﺧﺸﺎﻳﺪﯨﻐﺎﻥ "" ﭘﺎﻛﯩﺰ "" ﻣﯘﺷﺘﻠﯩﺮﻯ ﺑﯩﻠﻪﻥ "" ﻳﻪﻛﻜﻪ ﻣﯘﺷﺖ ﺑﺎﺗﯘﺭﻯ "" ﺩﯦﮕﻪﻥ ﻧﺎﻣﻨﻰ ﺋﯧﻠﯩﭗ ، ﺑﺎﺗﯘﺭﻟﯘﻕ ﻛﯚﻛﯩﺪﻩ ﻳﻪﻧﻪ ﺑﯩﺮ ﭼﻮﻟﭙﺎﻧﻐﺎ ﺋﺎﻳﻼﻧﺪﻯ .

ﺋﺎﺑﺪﯗﺭﯗﺳﯘﻝ ﺋﺎﺟﺎﻳﯩﺐ ﺗﻪﻣﻜﯩﻦ ﻫﻪﺭﯨﻜﻪﺗﻠﯩﺮﻯ ﺑﯩﻠﻪﻥ ﺑﻮﻛﺲ ﺧﯘﻣﺎﺭﻟﯩﺮﯨﻨﯩﯔ ﻗﻪﻟﺒﯩﺪﯨﻜﻰ ﻗﯩﺰﻏﯩﻨﻠﯩﻘﯩﻨﻰ ، ﺑﻮﻛﺴﻘﺎ ﺑﻮﻟﻐﺎﻥ ﺗﻪﻟﭙﯜﻧﯜﺷﯩﻨﻰ ﺗﯧﺨﯩﻤﯘ ﻳﯘﻗﯩﺮﻯ ﭘﻪﻟﻠﯩﮕﻪ ﻛﯚﺗﯜﺭﺩﻯ . ﺋﯘ ﺭﻩﻗﯩﺒﯩﻨﻰ ﻳﯧﯖﯩﭗ ﻗﻮﻟﻠﯩﺮﯨﻨﻰ ﻣﻪﻳﺪﯨﺴﯩﮕﻪ ﻗﻮﻳﯘﭖ ﺧﻪﻟﻘﻘﻪ ﺳﺎﻻﻡ ﺑﻪﺭﮔﻪﻧﺪﻩ ﺟﯜﭖ - ﺟﯜﭖ ﻛﯚﺯﻟﻪﺭ ﻫﺎﻳﺎﺟﺎﻧﺪﯨﻦ ﻧﻪﻣﺪﻩﻟﺪﻯ . "" ﺑﻮﻛﺲ ﻣﯧﻨﯩﯔ ﻫﺎﻳﺎﺗﯩﻢ ، ﭼﯧﻤﭙﯩﻴﻮﻧﻠﯘﻕ ﺋﺎﺷﯘ ﻫﺎﻳﺎﺗﯩﻤﻨﯩﯔ ﺑﯩﺮﺩﯨﻨﺒﯩﺮ ﻗﻮﻏﻠﯩﺸﯩﺶ ﻧﯩﺸﺎﻧﻰ ، ﻟﻪﺯﺯﯨﺘﻰ ، ﺑﺎﺭﻟﯩﻘﯩﻢ ﺑﻮﻛﺲ ﺋﯜﭼﯜﻥ "" ﺩﻩﭖ ﻳﺎﺷﺎﻳﺪﯨﻐﺎﻥ ﺋﻪﺯﯨﻤﻪﺕ ﻗﺎﻧﺎﺕ ﺋﯩﺴﻼﻡ ﺭﻩﻗﯩﺒﯩﻨﻰ ﻳﯘﻗﯩﺮﻯ ﺋﯜﺳﺘﯜﻧﻠﯜﻙ ﺑﯩﻠﻪﻥ ﻳﻪﯕﮕﻪﻧﺪﻩ ﺳﺎﻫﯩﺒﺨﺎﻧﻠﯩﻖ ﺋﻮﺭﻧﯩﺪﺍ ﺋﻮﻟﺘﯘﺭﻏﺎﻥ ﺋﯘﺳﺘﺎﺯ ﺗﯩﺮﯦﻨﯧﺮ ﺋﺎﺑﻠﯩﻜﯩﻢ ﺋﺎﺑﺪﯗﺭﯦﺸﯩﺖ ﺋﺎﻛﯩﻤﯘ ﺋﻮﺭﻧﯩﺪﯨﻦ ﺳﻪﻛﺮﻩﭖ ﺗﯘﺭﯗﭖ ﻛﻪﺗﺘﻰ .

ﺋﺎﺑﺪﯗﻧﻪﺑﻰ ﻗﺎﺯﺍﻗﯩﺴﺘﺎﻧﻠﯩﻖ ﻣﺎﻫﯩﺮ ﺑﯩﻠﻪﻥ ﺋﺎﺧﯩﺮﻗﻰ ﻣﯩﻨﯘﺗﻘﯩﭽﻪ ﺋﯧﻠﯩﺸﯩﭗ ﻛﯩﭽﯩﻜﻜﯩﻨﻪ ﻧﻮﻣﯘﺭ ﭘﻪﺭﻗﻰ ﺑﯩﻠﻪﻥ ﻳﯧﯖﯩﻠﯩﭗ ﻗﺎﻟﻐﺎﻧﺪﺍ ﺗﺎﻣﺎﺷﯩﺒﯩﻨﻼﺭ : "" ﻳﺎﺧﺸﻰ ﺋﻮﻳﻨﯩﺪﯨﯔ ﻧﻪﺑﻰ ، ﻫﯧﭽﻘﯩﺴﻰ ﻳﻮﻕ ، ﺳﻪﻥ ﻳﻪﻧﯩﻼ ﺑﯩﺰﻧﯩﯔ ﺑﺎﺗﯘﺭﯨﻤﯩﺰ "" ﺩﻩﭖ ﯞﺍﺭﻗﯩﺮﯨﺪﻯ . ﺑﻮﻛﺴﺘﺎ ﭘﻪﻗﻪﺕ ﭼﯧﻤﭙﯩﻴﻮﻧﻠﯘﻗﻼ ﺋﯧﺘﯩﺮﺍﭖ ﻗﯩﻠﯩﻨﺴﯩﻤﯘ ﻟﯧﻜﯩﻦ ﺋﯚﺯ ﭘﺎﻟﯟﺍﻧﻠﯩﺮﯨﻤﯩﺰﻧﯩﯔ ﻳﯘﻗﯩﺮﻯ ﺗﯧﺨﻨﯩﻜﺎ ﺑﯩﻠﻪﻥ ﭼﯩﺮﺍﻳﻠﯩﻖ ﻣﯘﺷﺖ ﺋﯧﺘﯩﺸﻠﯩﺮﯨﻤﯘ ﺑﯩﺮ ﺧﯩﻞ ﭼﯧﻤﭙﯩﻴﻮﻧﻠﯘﻕ .

ﺧﻪﻟﻖ ﭘﺎﻟﯟﺍﻧﻠﯩﺮﯨﻨﻰ ﺋﻪﻧﻪ ﺷﯘﻧﺪﺍﻕ ﻗﻪﺩﯨﺮﻟﻪﻳﺪﯗ ، ﺋﯘﻻﺭﻏﺎ ﻣﻪﺩﻩﺕ ﺑﯧﺮﯨﺪﯗ . ﭼﯜﻧﻜﻰ ﺑﯘ ﭘﺎﻟﯟﺍﻧﻼﺭ ، ﺑﯘ ﺋﻪﺭﻛﻪﻛﻠﻪﺭ ﺧﻪﻟﻘﻨﯩﯔ ﺋﯩﺴﺴﯩﻖ ﻗﯧﻨﯩﻨﻰ ﺋﯘﺭﻏﯘﺗﯩﺪﯗ ، ﻏﻪﻳﺮﯨﺘﯩﮕﻪ ﻏﻪﻳﺮﻩﺕ ﻗﻮﺷﯩﺪﯗ ، ﻗﻪﻟﺒﯩﮕﻪ ﭘﻪﺧﯩﺮﻟﯩﻨﯩﺶ ﻫﯧﺴﺴﯩﻴﺎﺗﻰ ﺋﺎﺗﺎ ﻗﯩﻠﯩﺪﯗ .

ﺧﯘﻻﺳﻪ ﺷﯘﻛﻰ ، ﺑﻮﻛﺴﭽﻰ ﭘﺎﻟﯟﺍﻧﻠﯩﺮﯨﻤﯩﺰ ﺑﻮﻛﺲ ﺳﻪﻫﻨﯩﺴﯩﺪﻩ ﺑﺎﺯﻏﺎﻧﺪﻩﻙ ﻣﯘﺷﺘﻠﯩﺮﻯ ﺑﯩﻠﻪﻥ ﻫﻪﻗﯩﻘﯩﻲ ﺋﻪﺭﻛﻪﻛﻠﯩﻜﻨﻰ ﻧﺎﻣﺎﻳﺎﻥ ﻗﯩﻠﯩﯟﺍﺗﻘﺎﻥ ﻣﯩﻨﯘﺗﻼﺭﺩﺍ ﻫﻪﺭ ﺑﯩﺮ ﯞﯨﺠﺪﺍﻧﻰ ﺋﻮﻳﻐﺎﻕ ﺋﻮﻗﯘﺭﻣﻪﻧﻤﯘ ﻫﺎﻳﺎﺕ ﺳﻪﻫﻨﯩﺴﯩﺪﻩ ﻫﻪﻗﯩﻘﯩﻲ ﺋﻪﺭﻛﻪﻛﻠﯩﻜﻨﻰ ﻧﺎﻣﺎﻳﺎﻥ ﻗﯩﻠﻐﯘﺳﻰ !

************************************

ﺋﺎﭘﺘﻮﺭ : ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﻰ ﺋﺎﺧﺒﺎﺭﺍﺕ ﺋﯩﻨﯩﺴﺘﯩﺘﯘﺗﻰ ﺭﺍﺩﯨﺌﻮ - ﺗﯧﻠﯧﯟﯨﺰﯨﻴﻪ ﺋﺎﺧﺒﺎﺭﺍﺗﭽﯩﻠﯩﻘﻰ ﻛﻪﺳﭙﻰ 2001 - ﻳﯩﻠﻠﯩﻖ ﺳﯩﻨﯩﭗ ﺋﻮﻗﯘﻏﯘﭼﯩﺴﻰ

( "" ﺷﯩﻨﺠﺎﯓ ﻣﻪﺩﻩﻧﯩﻴﯩﺘﻰ "" 2005 - ﻳﯩﻠﻠﯩﻖ 1 - ﺳﺎﻧﯩﺪﯨﻦ ﺋﯧﻠﯩﻨﺪﻯ )