ﺋﯩﭙﺎﺭﺧﺎﻥ ﯞﻩ ﺋﯘﻧﯩﯖﻐﺎ ﺑﯧﻐﯩﺸﻼﻧﻐﺎﻥ ﺑﻪﺩﯨﺌﯩﻲ ﺋﻪﺳﻪﺭﻟﻪﺭ ﻫﻪﻗﻘﯩﺪﻩ

        

ﺋﯩﭙﺎﺭﺧﺎﻥ ﯞﻩ ﺋﯘﻧﯩﯖﻐﺎ ﺑﯧﻐﯩﺸﻼﻧﻐﺎﻥ ﺑﻪﺩﯨﺌﯩﻲ ﺋﻪﺳﻪﺭﻟﻪﺭ ﻫﻪﻗﻘﯩﺪﻩ

ﻣﯘﺋﻪﻟﻠﯩﭙﻰ : ﺝ . ﺭﻩﻫﯩﻢ ﺭﻭﻫﻼﻥ

ﻳﻮﻟﻠﯩﻐﯘﭼﻰ: ﻛﻮﻟﺪﯗﺭﻣﺎ

 يوللىغان ۋاقتى 2006-7-8

ﺋﯚﺯﯨﻨﯩﯔ ﺗﻪﯕﺪﺍﺷﺴﯩﺰ ﮔﯜﺯﻩﻟﻠﯩﻜﻰ ﯞﻩ ﺑﺎﺗﯘﺭﻟﯩﻘﻰ ﺑﯩﻠﻪﻥ ﺩﯨﻠﻼﺭﺩﺍ ﻫﯚﺭﻣﻪﺕ ﯞﻩ ﻗﺎﻳﯩﻠﻠﯩﻖ ﺗﯘﻳﻐﯘﺳﻰ ﺋﻮﻳﻐﺎﺗﻘﯘﭼﻰ ﺋﯘﻳﻐﯘﺭ ﻗﯩﺰﻯ ﺋﯩﭙﺎﺭﺧﺎﻥ 1734- ﻳﯩﻠﻰ ﺋﯩﻠﯩﺪﺍ ﺗﯘﻏﯘﻟﻐﺎﻥ . ﺋﺎﺗﯩﺴﻰ ﺋﻪﻟﻰ ﺧﯘﺟﺎ ﻳﻪﻛﻪﻧﻠﯩﻚ ﺑﻮﻟﯘﭖ ، ﺋﺎﭘﭙﺎﻕ ﺧﯘﺟﯩﻨﯩﯔ ﺋﯩﻨﯩﺴﯩﻨﯩﯔ ﻧﻪﯞﺭﯨﺴﻰ ﻣﯚﻣﯩﻦ ﻏﯘﺟﯩﻨﯩﯔ ﺋﻮﻏﻠﻰ ، ﺋﺎﻧﯩﺴﻰ ﻣﻪﺳﺘﯘﺭﻩ ﺋﯧﺰﯨﻢ ﺋﯚﺯﺑﯧﻜﯩﺴﺘﺎﻧﻨﯩﯔ ﺳﻪﻣﻪﺭﻗﻪﻧﺪ ﺋﻮﺑﻼﺳﺘﯩﻐﺎ ﻗﺎﺭﺍﺷﻠﯩﻖ ﺭﻩﻫﺒﯩﺖ ﻗﯩﺸﻠﯩﻘﯩﺪﯨﻜﻰ ﻛﺎﺗﺘﺎ ﺋﯩﺸﺎﻥ ﻏﻮﺟﺎ ﻣﯧﻬﻤﺎﻧﻨﯩﯔ ﻗﯩﺰﻯ ﺋﯩﺪﻯ . ﺋﻪﻟﻰ ﻏﻮﺟﺎ 1730-ﻳﯩﻠﻼﺭﺩﺍ ﺋﯩﻠﯩﺪﺍ ﻫﺎﻛﯩﻤﯩﻴﻪﺕ ﻳﯜﺭﮔﯩﺰﯨﯟﺍﺗﻘﺎﻥ ﭼﻮﯓ - ﻛﯩﭽﯩﻚ ﻏﻮﺟﯩﻼﺭﻧﻰ ﭘﺎﻧﺎﻫ ﺗﺎﺭﺗﯩﭗ ﺋﺎﺋﯩﻠﯩﺴﻰ ﺑﯩﻠﻪﻥ ﺋﯩﻠﯩﻐﺎ ﻛﯚﭼﯜﭖ ﭼﯩﻘﯩﺪﯗ . ﺋﺎﺭﯨﺪﯨﻦ ﺗﯚﺕ ﻳﯩﻞ ﺋﯚﺗﯜﭖ ﺋﯩﭙﺎﺭﯨﺌﺎﻥ ﺩﯗﻧﻴﺎﻏﺎ ﻛﯧﻠﯩﺪﯗ . ﻗﻮﻳﯘﻕ ﺋﯩﺴﻼﻡ ﺩﯨﻨﻰ ﻣﯘﻫﯩﺘﯩﺪﺍ ﺋﯚﺳﯜﭖ ﻳﯧﺘﯩﻠﮕﻪﻥ ﺋﯩﭙﺎﺭﺧﺎﻥ ﺋﺎﺗﯩﺴﯩﻨﯩﯔ ﻳﺎﺭﺩﯨﻤﯩﺪﻩ ﻗﯘﺭﺍﻥ ﺳﺎﯞﺍﺩﯨﻨﻰ ﭼﯩﻘﯩﺮﯨﭙﻼ ﻗﺎﻟﻤﺎﺳﺘﯩﻦ ، ﻫﻪﺭ ﺧﯩﻞ ﺑﯩﻠﯩﻤﻠﻪﺭﻧﻰ ﺋﯚﮔﯩﻨﯩﺪﯗ ﻫﻪﻣﺪﻩ ﺋﻪﻳﻨﻰ ﺩﻩﯞﺭﻧﯩﯔ ﻫﺎﻛﯩﻤﯩﻴﻪﺕ ﻳﯧﺰﯨﻘﻰ ﺑﻮﻟﻐﺎﻥ ﭼﺎﻏﺎﺗﺎﻱ ﻳﯧﺰﯨﻖ ﺋﯧﻠﯩﭙﺒﻪﺳﯩﻨﻰ ﺗﯩﺰﻻ ﻛﺰﻟﻪﺷﺘﯜﺭﯛﭖ ، ﺋﻮﻗﯘﺵ ﻳﯧﺰﯨﺸﻨﯩﻤﯘ ﺋﯚﮔﯩﻨﯩﯟﺍﻟﯩﺪﯗ . ﺋﯘ ﻛﯩﭽﯩﻜﯩﺪﯨﻨﻼ ﺯﯦﺮﻩﻙ ، ﺋﻪﻗﯩﻠﻠﯩﻖ ، ﺗﯘﻏﻤﺎ ﭼﯩﺮﺍﻳﻠﯩﻖ ﺑﻮﻟﯘﭖ ، ﺗﺎﺭﯨﺨﻲ ﻣﻪﻧﺒﻪﻟﻪﺭﺩﻩ ﺋﻪﻻﻧﯘﺭ ﺧﯧﻨﯩﻢ ، ﻣﻪﻣﯘﺭﯨﻲ ﺋﻪﺯﻩﻡ ﺋﯩﺴﯩﻤﻠﯩﺮﻯ ﺋﺎﺗﺎﻟﻐﺎﻧﻠﯩﻘﻰ ، ﻛﯧﻴﯩﻦ ﺋﯘﻧﯩﯔ ﺑﻪﺩﯨﻨﯩﺪﯨﻦ ﺋﯩﭙﺎﺭ ﻫﯩﺪﻯ ﻛﯧﻠﯩﭗ ﺗﯘﺭﯨﺪﯨﻐﺎﻧﻠﯩﻘﯩﺪﯨﻦ " ﺋﯩﭙﺎﺭﺧﺎﻥ " ﺩﻩﭖ ﺋﺎﺗﺎﻟﻐﺎﻧﻠﯩﻘﻰ ﺋﯧﻨﯩﻖ ﻳﯧﺰﯨﭗ ﻗﺎﻟﺪﯗﺭﯗﻟﻐﺎﻥ .

ﺋﯩﭙﺎﺭﺧﺎﻥ ﺋﻪﻳﻨﻰ ﺯﺍﻣﺎﻥ ﻣﯘﻫﯩﺘﯩﺪﺍ ﻳﯜﺯ ﺑﯧﺮﯨﯟﺍﺗﻘﺎﻥ ﺋﯚﺯﮔﯜﺭﯨﺶ ﯞﻩ ﭘﺎﺋﺎﻟﯩﻴﻪﺗﻠﻪﺭﮔﻪ ﻗﯩﺰﯨﻘﺎﺗﺘﻰ . ﺷﯘﯕﺎ، ﺋﯘ ﺋﺎﻛﯩﺴﻰ ﺗﻮﺧﺘﻰ ﻏﻮﺟﯩﻼﺭﻧﯩﯔ ﻳﺎﺭﺩﯨﻤﻰ ﺋﺎﺳﺘﯩﺪﺍ ﺋﺎﺕ ﻣﯩﻨﯩﺶ ، ﻗﯧﻠﯩﭽﯟﺍﺯﻟﯩﻖ ﻗﺎﺗﺎﺭﻟﯩﻖ ﻫﻪﺭﺑﯩﻲ ﻣﺎﻫﺎﺭﻩﺗﻠﻪﺭﻧﯩﻤﯘ ﭘﯩﺸﺸﯩﻖ ﺋﯚﮔﻪﻧﺪﻯ . ﺋﯘﻧﯩﯔ ﺗﻪﯕﺪﺍﺷﺴﯩﺰ ﻫﯚﺳﻨﻰ ﺟﺎﻣﺎﻟﻰ ، ﺋﺎﺕ ﭼﺎﭘﺘﯘﺭﯗﺵ ﯞﻩ ﻗﯧﻠﯩﭽﯟﺍﺯﻟﯩﻖ ﻣﺎﻫﺎﺭﯨﺘﻰ ﺋﻪﻳﻨﻰ ﺯﺍﻣﺎﻧﺪﯨﻜﻰ ﻗﯘﺭﺩﺍﺵ ﻏﻮﺟﯩﺰﺍﺩﯨﻠﻪﺭﻧﻰ ﺋﯩﺨﺘﯩﻴﺎﺭﺳﯩﺰ ﺋﯚﺯﯨﮕﻪ ﻣﻪﭘﺘﯘﻥ ﻗﯩﻼﺗﺘﻰ . 1751-ﻳﯩﻠﻰ 17 ﻳﺎﺷﻘﺎ ﻛﯩﺮﮔﻪﻥ ﺋﯩﭙﺎﺭﺧﺎﻥ ﻏﻮﺟﺎ ﺟﺎﻫﺎﻧﻐﺎ ﻳﺎﺗﻠﯩﻖ ﻗﯩﻠﯩﻨﻐﺎﻥ . ﺋﯘﻧﯩﯖﺪﯨﻦ ﺧﺎﻗﺎﻧﻰ ﺋﻪﺯﻩﻡ ﺋﯩﺴﯩﻤﻠﯩﻚ ﺑﯩﺮ ﺋﻮﻏﯘﻝ ﭘﻪﺭﺯﻩﻧﺖ ﻛﯚﺭﮔﻪﻧﻠﯩﻜﻰ ﺗﺎﺭﯨﺨﻨﺎﻣﯩﻠﻪﺭﺩﻩ ﻗﻪﻳﺖ ﻗﯩﻠﯩﻨﻐﺎﻥ ﺑﻮﻟﺴﯩﻤﯘ ، ﺋﯘﻧﯩﯔ ﻛﯧﻴﯩﻨﻜﻰ ﺗﻪﻗﺪﯨﺮﻯ ﻫﻪﻗﻘﯩﺪﻩ ﻣﻪﻟﯘﻣﺎﺕ ﻗﺎﻟﺪﯗﺭﯗﻟﻤﯩﻐﺎﻥ . 1756-ﻳﯩﻠﻰ ﺋﺎﻣﯘﺭﺳﯩﻨﺎ ﺋﯩﺴﻴﺎﻧﯩﻐﺎ ﻗﺎﺗﻨﺎﺷﻘﺎﻥ ﻏﻮﺟﺎ ﺟﺎﻫﺎﻥ ﺋﯩﺴﻴﺎﻥ ﺑﺎﺳﺘﯘﺭﯗﻟﻐﺎﻧﻠﯩﻖ ﺳﻪﯞﻩﺑﯩﺪﯨﻦ ﺋﯩﻠﯩﺪﺍ ﺗﯘﺭﺍﻟﻤﺎﻱ ، ﻳﻪﻛﻪﻧﮕﻪ ﻗﺎﻳﺘﯩﭗ ﻛﻪﻟﮕﻪﻧﺪﻩ ، ﺋﯩﭙﺎﺭﺧﺎﻧﻤﯘ ﺑﯩﻠﻠﻪ ﻗﺎﻳﺘﯩﭗ ﻛﻪﻟﮕﻪﻧﯩﺪﻯ . ﻳﻪﻛﻪﻧﺪﻩ ﻏﻮﺟﺎ ﺟﺎﻫﺎﻥ ، ﻏﻮﺟﺎ ﺑﯘﺭﻫﺎﻧﯩﺪﯨﻦ ﺋﺎﻛﺎ- ﺋﯘﻛﺎ ﺑﯩﺮﻟﯩﻜﺘﻪ "ﺑﺎﺗﯘﺧﺎﻥ " ﻫﺎﻛﯩﻤﯩﻴﯩﺘﯩﻨﻰ ﺗﻪﺷﻜﯩﻠﻠﻪﭖ ﭼﯩﯔ ﺳﯘﻻﻟﯩﺴﯩﮕﻪ ﻗﺎﺭﺷﻰ ﺋﯩﺴﻴﺎﻥ ﻛﯚﺗﯜﺭﯨﺪﯗ . 1758 -ﻳﯩﻠﻰ ﮔﯧﻨﺮﺍﻝ ﺟﺎﯞﺧﯘﻱ ﺑﺎﺷﭽﯩﻠﯩﻘﯩﺪﯨﻜﻰ ﭼﯩﯔ ﺳﯘﻻﻟﯩﺴﻰ ﻗﻮﺷﯘﻧﻠﯩﺮﻯ ﭼﻮﯓ - ﻛﯩﭽﯩﻚ ﻏﻮﺟﯩﻼﺭﻧﯩﯔ ﺋﯩﺴﻴﺎﻧﯩﻨﻰ ﺑﺎﺳﺘﯘﺭﯨﺪﯗ . ﻏﻮﺟﺎ ﺟﺎﻫﺎﻥ ، ﻏﻮﺟﺎ ﺑﯘﺭ ﻫﺎﻧﯩﺪﯨﻦ 400ﺩﯨﻦ ﺋﺎﺭﺗﯘﻕ ﺳﻪﺭﯞﺍﺯﻟﯩﺮﻯ ﺑﯩﻠﻪﻥ ﺧﻮﺗﯘﻥ ، ﺑﺎﻻ- ﭼﺎﻗﯩﻠﯩﺮﻯ ﺑﯩﻠﻪﻥ ﺑﻪﺩﻩﺧﺸﺎﻧﻐﺎ ﻗﯧﭽﯩﭗ ﻛﯧﺘﯩﺪﯗ . ﭼﯩﯔ ﺳﯘﻻﻟﯩﺴﻰ ﻫﯚﻛﯜﻣﯩﺘﻰ ﺑﻪﺩﻩﺧﺸﺎﻥ ﺑﻪﮔﻠﯩﻜﯩﮕﻪ ﺳﻮﻏﺎ - ﺳﺎﻻﻡ ﺑﯧﺮﯨﺶ ﻳﻮﻟﻰ ﺑﯩﻠﻪﻥ ﭼﻮﯓ - ﻛﯩﭽﯩﻚ ﻏﻮﺟﯩﻼﺭﻧﻰ ﺗﯘﺗﯘﭖ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﻐﺎﻧﻠﯩﻘﺘﯩﻦ ، ﺑﻪﺩﻩﺧﺸﺎﻥ ﺑﻪﮔﻠﯩﻜﻰ ﺋﯘﻻﺭﻧﻰ ﺋﯚﻟﺘﯜﺭﯛﭖ ، ﻛﺎﻟﻠﯩﺴﯩﻨﻰ ﭼﯩﯔ ﻫﯚﻛﯜﻣﯩﺘﯩﮕﻪ ﺗﺎﭘﺸﯘﺭﯨﺪﯗ . ﺑﯩﺮﺍﻕ ، ﻳﻪﻧﻪ ﺑﯩﺮ ﻗﯩﺴﯩﻢ ﻏﻮﺟﯩﻼﺭ ﯞﻩ ﺋﯘﻻﺭﻧﯩﯔ ﺑﺎﻻ - ﭼﺎﻗﯩﻠﯩﺮﯨﻨﯩﯔ ﺩﺍﯞﺍﻣﻠﯩﻖ ﺑﻪﺩﻩﺧﺸﺎﻧﺪﺍ ﻳﯘﺷﯘﺭﻧﯘﭖ ﻗﺎﻟﻐﺎﻧﻠﯩﻘﯩﻨﻰ ﭼﯩﯔ ﻫﯚﻛﯜﻣﯩﺘﻰ ﺑﯩﻠﯩﭗ ﻗﺎﻟﻐﺎﻧﻠﯩﻘﺘﯩﻦ ، ﺑﻪﺩﻩﺧﺸﺎﻥ ﺋﺎﻗﺴﺎﻗﯩﻠﯩﻐﺎ ﻳﻪﻧﻪ ﺑﯩﺮ ﻗﯧﺘﯩﻢ ﻣﻪﺧﺴﯘﺱ ﺳﻮﯞﻏﺎ - ﺳﺎﻻﻡ ، ﻣﻪﻛﺘﯘﭖ ﻳﻮﻟﻼﭖ ﺋﯩﭙﺎﺭﺧﺎﻥ ﺑﺎﺷﻠﯩﻖ ﻗﺎﻟﺪﯗﻕ ﻛﯚﭼﻠﻪﺭﻧﻰ ﺗﺎﭘﺸﯘﺭﯗﭖ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﯩﺪﯗ . ﺑﯘﻧﯩﯔ ﺑﯩﻠﻪﻥ ﺟﺎﯞﺧﯘﻱ ﺑﻪﺩﻩﺧﺸﺎﻥ ﺑﻪﮔﻠﯩﻜﻰ ﺗﺎﭘﺸﯘﺭﯗﭖ ﺑﻪﺭﮔﻪﻥ ﻧﻪﭼﭽﻪ ﻳﯜﺯ ﻛﯩﺸﯩﻨﻰ ﺋﻪﺳﯩﺮ ﺳﯜﭘﯩﺘﯩﺪﻩ ﻣﻪﺧﺴﯘﺱ ﻧﺎﺯﺍﺭﻩﺗﻜﻪ ﺋﯧﻠﯩﭗ ﺑﯧﻴﺠﯩﯖﻐﺎ ﻳﻮﻟﻐﺎ ﺳﺎﻟﯩﺪﯗ .

1762- ﻳﯩﻠﻰ ﻗﻪﺷﻘﻪﺭﺩﻩ ﻏﻮﺟﯩﻼﺭﻧﯩﯔ ﭼﯩﯔ ﺳﯘﻻﻟﯩﺴﻰ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ ﻳﻪﻧﻪ ﺑﯩﺮ ﻗﯧﺘﯩﻤﻠﯩﻖ ﺋﯩﺴﻴﺎﻧﻰ ﻳﯜﺯ ﺑﯧﺮﯨﺪﯗ . ﺋﻪﺳﯩﺮ ﺋﯧﻠﯩﻨﻐﺎﻧﻼﺭ ﺋﯩﭽﯩﺪﯨﻦ ﻳﯘﺷﯘﺭﯗﻥ ﻗﯧﭽﯩﭗ ﭼﯩﻘﻘﺎﻥ ﺋﯩﭙﺎﺭﺧﺎﻧﻤﯘ ﺋﻪﺭﻩﻧﭽﻪ ﻳﺎﺳﯩﻨﯩﭗ ﺑﯘ ﻗﯧﺘﯩﻤﻘﻰ ﺋﯩﺴﻴﺎﻧﻐﺎ ﻗﺎﺗﻨﺎﺷﻘﺎﻧﯩﺪﻯ . ﭼﯩﯔ ﺳﯘﻻﻟﯩﺴﻰ ﻗﻮﺷﯘﻧﻠﯩﺮﻯ ﺑﯘ ﻗﯧﺘﯩﻤﻘﻰ ﺋﯩﺴﻴﺎﻧﻨﻰ ﺗﺎﺭﻣﺎﺭ ﻗﯩﻠﻐﺎﻧﺪﯨﻦ ﻛﯧﻴﯩﻦ ، ﺋﯩﭙﺎﺭﺧﺎﻧﻨﻰ ﺋﺎﻗﺴﯘﻧﯩﯔ ﻗﯘﻣﺒﺎﺵ ﺩﯦﮕﻪﻥ ﻳﯧﺮﯨﺪﯨﻦ ﺗﯘﺗﯘﭖ ﺑﯩﺮ ﻗﯩﺴﯩﻢ ﺋﻪﺳﯩﺮﻟﻪﺭ ﺑﯩﻠﻪﻥ ﺑﯧﻴﺠﯩﯖﻐﺎ ﺋﯧﻠﯩﭗ ﺑﺎﺭﯨﺪﯗ . ﺋﯩﭙﺎﺭﺧﺎﻧﻨﯩﯔ ﮔﯜﺯﻩﻟﻠﯩﻜﯩﺪﯨﻦ ﻫﻪﻳﺮﺍﻧﯘ ﻫﻪﺱ ﻗﺎﻟﻐﺎﻥ ﭼﻴﻪﻥ ﻟﻮﯓ ﺧﺎﻥ ﺋﯩﭙﺎﺭﺧﺎﻧﻐﺎ ﺋﯩﺨﺘﯩﻴﺎﺭﺳﯩﺰ ﻣﻪﭘﺘﯘﻥ ﺑﻮﻟﯘﭖ ﻗﺎﻟﻐﺎﻥ . ﺋﯩﭙﺎﺭﺧﺎﻧﻨﯩﯔ ﺧﺎﻥ ﺋﻮﺭﺩﯨﺴﯩﻐﺎ ﻛﻪﻟﮕﯩﭽﻪ ﺑﻮﻟﻐﺎﻥ ﻫﺎﻳﺎﺗﻰ ﻫﻪﻗﻘﯩﺪﻩ ﺗﺎﺭﯨﺨﯩﻲ ﻣﻪﻧﺒﻪﻟﻪﺭ ﺑﯩﺮﺩﻩﻛﻠﯩﻜﻜﻪ ﺋﯩﮕﻪ ﺑﻮﻟﺴﯩﻤﯘ ، ﺋﯘﻧﯩﯔ ﻛﯧﻴﯩﻨﻜﻰ ﺗﻪﻗﺪﯨﺮﻯ ﻫﻪﻗﻘﯩﺪﻩ ﺑﻪﺯﻯ ﺋﻮﺋﯩﺸﯩﻤﯩﻐﺎﻥ ﻛﯚﺯﻗﺎﺭﺍﺷﻼﺭ ﻣﻪﯞﺟﯘﺕ . ﻫﻪﻗﯩﻘﻪﺗﻨﻰ ﺋﻪﻣﻪﻟﯩﻴﻪﺗﺘﯩﻦ ﺋﯩﺰﺩﻩﺵ ﭘﯩﺮﯨﻨﺴﯩﭙﻰ ﺑﻮﻳﯩﭽﻪ ﻗﺎﺭﯨﻐﺎﻧﺪﺍ ، ﺋﯘﻳﻐﯘﺭ ﺗﺎﺭﯨﺦ ﻣﻪﻧﺒﻪﻟﯩﺮﻯ ﯞﻩ ﻧﺎﻫﺎﻳﯩﺘﻰ ﺗﻪﭘﺴﯩﻠﯩﻲ ﺧﺎﺗﯩﺮﻟﻪﻧﮕﻪﻥ ﭼﯩﯔ ﺳﯘﻻﻟﯩﺴﻰ ﺋﻮﺭﺩﺍ ﺗﺎﺭﯨﺨﻨﺎﻣﻠﯩﺮﯨﺪﯨﻦ ﻣﻪﻟﯘﻣﻜﻰ ، ﻳﯘﺭﺕ - ﻗﻪﯞﻣﯩﺪﯨﻦ ، ﺋﯧﺮﯨﺪﯨﻦ ﺋﺎﻳﺮﯨﻠﻐﺎﻥ ﺋﯩﭙﺎﺭﯨﺌﺎﻥ ﺋﻮﺭﺩﯨﻐﺎ ﻛﯩﺮﮔﻪﻧﺪﯨﻦ ﻛﯧﻴﯩﻦ ، ﺧﺎﻧﻐﺎ ﻗﺎﺗﺘﯩﻖ ﺋﯚﭼﻤﻪﻧﻠﯩﻚ ﯞﻩ ﻧﻪﭘﺮﻩﺕ ﺑﯩﻠﻪﻥ ﻣﯘﺋﺎﻣﯩﻠﻪ ﻗﯩﻠﻐﺎﻥ . ﭘﯘﺭﺳﻪﺕ ﺗﯧﭙﯩﭗ ﺋﯩﻨﺘﯩﻘﺎﻡ ﺋﯧﻠﯩﺶ ﺋﺎﺭﺯﯗﺳﯩﺪﺍ ﻳﯧﻨﯩﺪﺍ ﺧﻪﻧﺠﻪﺭ ﺳﺎﻗﻼﭖ ﻳﯜﺭﮔﻪﻥ . ﺋﯩﭙﺎﺭﺧﺎﻧﻨﯩﯔ ﻛﯚﯕﻠﯩﻨﻰ ﻣﺎﻳﯩﻞ ﻗﯩﻠﯩﺶ ، ﺋﯘﻧﯩﯔ ﺋﯩﻨﺘﯩﻘﺎﻡ ﺋﯧﻠﯩﺶ ﯞﻩ ﻳﯘﺭﺗﯩﻨﻰ ﺳﯧﻐﯩﻨﯩﺶ ﺋﺎﺭﺯﯗﺳﯩﻨﻰ ﻳﻮﻕ ﻗﯩﻠﯩﺶ ﺋﯜﭼﯜﻥ ﭼﻴﻪﻥ ﻟﻮﯓ ﺧﺎﻥ ﺧﯩﻠﻤﯘ ﺧﻞ ﭼﺎﺭﯨﻠﻪﺭﻧﻰ ﺋﯩﺸﻠﻪﺗﻜﻪﻥ . ﺋﯩﭙﺎﺭﺧﺎﻥ ﺋﯜﭼﯜﻥ ﺋﯘﻳﻐﯘﺭ ﭘﺎﺳﻮﻧﯩﺪﺍ ﺋﯩﻤﺎﺭﻩﺕ ﺳﯧﻠﯩﭗ ، ﺋﯘﻳﻐﯘﺭ ﻣﻪﻫﻪﻟﻠﯩﺴﻰ ﺑﯩﻨﺎ ﻗﯩﻠﻐﺎﻥ . ﻟﯧﻜﯩﻦ ﺋﯩﭙﺎﺭﺧﺎﻥ ﻧﯧﻴﯩﺘﯩﺘﯩﺪﯨﻦ ﻫﻪﺭﮔﯩﺰ ﻳﺎﻧﻤﯩﻐﺎﻥ . ﭼﻴﻪﻥ ﻟﻮﯓ ﺧﺎﻧﻨﻰ ﺋﯚﺯﯨﮕﻪ ﻳﯩﻘﯩﻦ ﻳﻮﻻﺗﻤﯩﻐﺎﻥ ﯞﻩ ﻳﻪﯓ ﺋﯩﭽﯩﺪﻩ ﺳﺎﻗﻠﯩﻐﺎﻥ ﺧﻪﻧﺠﻪﺭﻧﻰ ﻛﯚﺭﺳﯩﺘﯩﭗ :"ﺋﻪﻝ - ﻳﯘﺭﺗﯘﻡ ﺧﺎﻧﯩﯟﻩﻳﺮﺍﻥ ﺑﻮﻟﺪﻯ ، ﺋﯚﻟﯜﺷﻜﻪ ﺭﺍﺯﯨﻤﻪﻧﻜﻰ ، ﺋﻮﻏﯘﻝ - ﻗﯩﺰﻟﯩﺮﯨﻤﯩﺰﻧﯩﯔ ﺑﯩﻜﺎﺭﺩﯨﻦ - ﺑﯩﻜﺎﺭ ﺋﯚﻟﯜﭖ ﻛﯧﺘﯩﺸﯩﮕﻪ ﭼﯩﺪﺍﭖ ﺗﯘﺭﺍﻟﻤﺎﻳﻤﻪﻥ ، ﺋﯩﻨﺘﯩﻘﺎﻡ ﺋﺎﻟﻤﺎﻱ ﻗﻮﻳﻤﺎﻳﻤﻪﻥ ! " ﺩﯦﮕﻪﻥ . ﭼﻴﻪﻥ ﻟﻮﯓ ﺧﺎﻥ ﺋﺎﺷﯩﻘﻰ ﺑﯩﻘﺎﺭﺍﺭﻟﯩﻖ ﺋﯩﭽﯩﺪﻩ ﺋﯘﻧﯩﯖﺪﯨﻦ ﻳﻪﻧﯩﻼ ﺋﯜﻣﯩﺪﯨﻨﻰ ﺋﯜﺯﻩﻟﻤﯩﮕﻪﻥ . ﺋﯩﭙﺎﺭﺧﺎﻥ ﺧﺎﻧﻐﺎ ﻗﻮﻝ ﺳﺎﻟﻤﺎﻗﭽﻰ ﺑﻮﻟﻐﺎﻥ ﺑﻮﻟﺴﯩﻤﯘ ، ﻣﻪﺧﭙﯩﻲ ﭘﺎﻳﻼﻗﭽﯩﻼﺭﻧﯩﯔ ﻧﺎﺯﺍﺭﻩﺕ ﻗﯩﻠﯩﺸﻰ ﺗﯜﭘﻪﻳﻠﯩﺪﯨﻦ ﺋﺎﺭﺯﯗﺳﻰ ﺋﻪﻣﻪﻟﮕﻪ ﺋﺎﺷﻤﯩﻐﺎﻥ . ﺑﯘﻧﯩﯖﺪﯨﻦ ﻗﺎﺗﺘﯩﻖ ﭼﯚﭼﯩﮕﻪﻥ ﺧﺎﻥ ﺋﺎﻧﺎ ﭼﻴﻪﻥ ﻟﻮﯓ ﺧﺎﻥ ﺳﺮﺗﻘﺎ ﭼﯩﻘﯩﭗ ﻛﻪﺗﻜﻪﻥ ﭘﯘﺭﺳﻪﺗﺘﯩﻦ ﭘﺎﻳﺪﯨﻠﯩﻨﯩﭗ ﺋﯩﭙﺎﺭﺧﺎﻧﻨﻰ ﺋﯚﻟﺘﯜﺭﯞﻩﺗﻜﻪﻥ . ﺑﯘ 1765- ﻳﯩﻠﻰ ﺋﯩﭙﺎﺭﺧﺎﻧﻨﯩﯔ 29 ﻳﺎﺷﻘﺎ ﻛﯩﺮﮔﻪﻥ ﯞﺍﻗﺘﻰ ﺋﯩﺪﻯ . ﺋﯩﭙﺎﺭﺧﺎﻥ ﺋﯚﻟﮕﻪﻧﺪﯨﻦ ﻛﯧﻴﯩﻨﻜﻰ ﺋﻪﻫﯟﺍﻻﺗﻠﯩﺮﻯ ﻫﻪﻗﻘﯩﺪﻩ ﻫﯧﻠﯩﻬﻪﻡ ﻗﯩﺴﻤﻪﻥ ﺋﯩﻠﻤﯩﻲ ﻣﯘﻧﺎﺯﯨﻠﻪﺭ ﺑﻮﻟﯩﯟﺍﺗﻘﺎﻥ ﺑﻮﻟﺴﯩﻤﯘ ، ﻳﯘﻗﯩﺮﯨﻘﻰ ﺑﺎﻳﺎﻧﻼﺭ ﺧﻪﻧﺰﯗ ﺗﺎﺭﯨﺦ ﻣﻪﻧﺒﻪﻟﯩﺮﯨﺪﻩ ﺑﯩﺮﺩﻩﻛﻠﯩﻜﻜﻪ ﺋﯩﮕﯩﺪﯗﺭ . ﺗﺎﺭﯨﺨﺘﯩﻦ ﺑﯘﻳﺎﻥ ﺟﯘﯕﮕﻮ ﯞﻩ ﭼﻪﺗﻪﻝ ﺋﻪﺩﯨﭙﻠﯩﺮﻯ ، ﺳﻪﻧﻪﺗﻜﺎﺭﻟﯩﺮﻯ ﯞﻩ ﺭﻩﺳﺴﺎﻣﻠﯩﺮﯨﻨﻰ ﺋﯚﺯ ﺋﯩﮕﻪ ﻣﻪﻫﻠﯩﻴﺎ ﻗﯩﻠﯩﭗ ، ﻛﯧﻠﯩﯟﺍﺗﻘﺎﻥ ﺗﻪﯕﺪﺍﺷﺴﯩﺰ ﺳﺎﻫﯩﭙﺠﺎﻣﺎﻝ ﯞﻩ ﻗﻪﻳﺴﻪﺭ ﺋﯘﻳﻐﯘﺭ ﻗﯩﺰﻯ ﺋﯩﭙﺎﺭﺧﺎﻥ ﻫﻪﻗﻘﯩﺪﻩ ﻛﯚﭘﻠﯩﮕﻪﻥ ﺩﺭﺍﻣﺎ ، ﻛﯩﻨﻮ ﺳﯩﻨﺎﺭﯨﻴﯩﺴﻰ ، ﻫﯧﻜﺎﻳﻪ، ﺷﯧﺌﯩﺮ ، ﺩﺍﺳﺘﺎﻥ ﯞﻩ ﺋﯩﭙﺎﺭﺧﺎﻧﻨﯩﯔ ﻫﻪﺭ ﺧﯩﻞ ﻗﯩﻴﺎﭘﻪﺗﺘﯩﻜﻰ ﺭﻩﺳﯩﻤﻠﯩﺮﻯ ﺋﯩﺠﺎﺩ ﻗﯩﻠﯩﻨﯩﭗ ﺋﯘﻧﻰ ﺗﯧﺨﯩﻤﯘ ﻣﻪﺷﯘﺭ ﺷﻪﺧﺴﻜﻪ ﺋﺎﻳﻼﻧﺪﯗﺭﺩﻯ . ﺷﯘﻧﺪﺍﻗﻼ "ﺟﯘﯕﮕﻮﺩﯨﻜﻰ ﻣﯘﻧﺎﻟﯩﺰﺍ" ﺩﯦﮕﻪﻥ ﭘﻪﺧﺮﻟﯩﻚ ﻧﺎﻣﻐﺎ ﺋﯧﺮﯨﺸﺘﯜﺭﺩﻯ .

1914- ﻳﯩﻠﻰ ﺋﺎﺳﺎﺭﻩ - ﺋﻪﺗﯩﻘﯩﻠﻪﺭ ﺋﻮﺭﻧﻰ ﭘﯩﯖﺘﻴﻪﻥ ﺧﺎﻥ ﺳﺎﺭﯨﻴﻰ ﻣﯘﺯﯨﻴﻰ ﯞﻩ ﭼﯩﯖﺪﯗﺩﯨﻜﻰ ﻳﺎﺯﻟﯩﻖ ﺋﻮﺭﺩﯨﺪﯨﻦ ﺋﯧﻠﯩﭗ ﻛﯧﻠﯩﻨﮕﻪﻥ ﻧﯘﺭﻏﯘﻥ ﺋﺎﺳﺎﺭﻩ ﺋﻪﺗﯩﻘﯩﻠﻪﺭ ﺋﺎﺭﯨﺴﯩﺪﺍ ﺋﻮﻥ ﻧﻪﭼﭽﻪ ﺳﺎﻫﯩﭙﺠﺎﻣﺎﻝ ﻗﯩﺰﻧﯩﯔ ﻣﺎﻱ ﺑﻮﻳﺎﻕ ﺭﻩﺳﯩﻤﻰ ﺑﺎﺭ ﺑﻮﻟﯘﭖ ، ﺑﯘﻻﺭﻧﻰ ﭼﻴﻪﻥ ﻟﻮﯓ ﺧﺎﻥ ﺩﻩﯞﺭﯨﺪﻩ ، ﺋﻮﺭﺩﯨﺪﺍ ﻳﺎﻟﻼﭖ ﺋﯩﺸﻠﻪﺗﻜﻪﻥ ، ﺋﯩﺘﺎﻟﯩﻴﯩﻠﯩﻚ ﺭﻩﺳﺴﺎﻡ ﺭﻭﺑﯩﺮﺍﻧﺖ ﺳﯩﺰﻏﺎﻧﯩﻜﻪﻥ . ﺑﯘﻧﯩﯔ ﺋﯩﭽﯩﺪﻩ ﻫﻪﺭﺑﯩﻴﭽﻪ ﻳﺎﺳﺎﻧﻐﺎﻥ ﺋﺎﺟﺎﻳﯩﭗ ﭼﯩﺮﺍﻳﻠﯩﻖ ﺑﯩﺮﻗﯩﺰﻧﯩﯔ ﺭﻩﺳﯩﻤﻰ "ﻳﯘﺩﻯ ﺳﺎﺭﯨﻴﻰ " ﻧﯩﯔ ﻏﻪﺭﺑﯩﻲ ﻫﻮﺟﺮﯨﺴﯩﺪﺍ ﻛﯚﺭﮔﻪﺯﻣﻪ ﻗﯩﻠﯩﻨﻐﺎﻥ . ﺭﻩﺳﯩﻤﻨﯩﯔ ﺋﺎﺳﺘﯩﻐﺎ ﺋﯧﻨﯩﻖ ﻗﯩﻠﯩﭗ :"ﺋﯩﭙﺎﺭﺧﺎﻥ ﻏﻪﺭﺑﯩﻲ ﺩﯨﻴﺎﺭﻟﯩﻖ ﯞﺍﯕﻨﯩﯔ - ﻣﻪﻟﯩﻜﯩﺴﻰ " ﺩﻩﭖ ﻳﯧﺰﯨﻠﯩﭗ ، ﺋﯩﭙﺎﺭﺧﺎﻧﻨﯩﯔ ﻫﺎﻳﺎﺗﻰ ﻳﯘﻗﯩﺮﻗﯩﺪﻩﻙ ﻗﯩﺴﻘﯩﭽﻪ ﺑﺎﻳﺎﻥ ﻗﯩﻠﯩﻨﻐﺎﻥ . ﺑﯘ ﺋﯩﭙﺎﺭﯨﺌﺎﻥ ﻫﺎﻳﺎﺕ ﯞﺍﻗﺘﯩﺪﺍ ﺳﯩﺰﯨﻠﻐﺎﻥ ﺗﯘﻧﺠﻰ ﻣﺎﻱ ﺑﻮﻳﺎﻕ ﺋﻪﺳﻪﺭ ﺋﯩﺪﻯ . ﺟﯘﯕﺨﯘﺋﺎ ﻣﯩﻨﮕﻮﻧﯩﯔ 7- ﻳﯩﻠﻰ ﺧﻪﻧﺰﯗ ﺷﺎﺋﯩﺮﻯ ﺷﻰ ﻳﯩﻦ ﺑﯘ ﺭﻩﺳﯩﻤﮕﻪ ﺋﺎﺗﺎﭖ ﺑﯧﻐﯩﺸﻠﯩﻤﺎ ﻳﺎﺯﻏﺎﻥ ﺑﻮﻟﯘﭖ ﺷﯧﺌﯩﺮ ﻳﺎﺯﻏﺎﻥ ﺑﻮﻟﯘﭖ ، ﺋﯘ ﺷﯧﺌﯩﺮ ﺗﯚﯞﻩﻧﺪﯨﻜﯩﭽﻪ :

ﻫﯚﺭ ﮔﯜﺯﻩﻝ ﺟﺎﻧﺎﻥ ﺗﯘﺭﺍﺭ ﺷﻪﻣﺸﻪﺭ ﺋﯧﺴﯩﭗ ﻫﻪﻳﯟﻩﺕ ﺑﯩﻠﻪﻥ ،

ﺳﯧﻐﯩﻨﯩﭗ ﺋﯚﺯ ﻳﯘﺭﺗﯩﻨﻰ ﭼﻪﻛﺴﯩﺰ ﻣﯧﻬﺮﻯ ﺷﻪﭘﻘﻪﺕ ﺑﯩﻠﻪﻥ .

ﺗﯚﻛﺘﻰ ﻗﺎﻥ ﺷﯘ ﻗﯩﺰ ﺋﯜﭼﯜﻥ ﺧﺎﻗﺎﻥ ﻗﯩﺮﯨﭗ ﭘﯘﻗﺮﺍﻧﻰ ﻛﯚﭖ ،

ﺳﯜﺭﮔﯩﻠﻰ ﻛﻪﻳﭗ - ﺳﺎﭘﺎ ﺋﯩﺸﺮﻩﺕ ﺑﯩﻠﻪﻥ ﺷﻪﻫﯟﻩﺕ ﺑﯩﻠﻪﻥ ،

ﻗﺎﻗﺸﯩﺘﯩﭗ ﺋﯧﭗ ﻛﻪﻟﺪﻯ ﺧﺎﻥ ﺷﯘ ﻗﯩﺰﻧﻰ ﺧﺎﻥ ﺩﯨﻴﺎﺭﯨﻐﺎ ،

ﺗﻪﯕﺮﯨﺘﺎﻍ ﻗﺎﻟﻐﺎﻥ ﻏﻪﺯﻩﭘﺘﻪ ﺑﻮﻏﯘﻟﯘﭖ ﻧﻪﭘﺮﻩﺕ ﺑﯩﻠﻪﻥ .

ﺑﯧﻴﺠﯩﯔ ﺗﯩﻴﺎﺗﯩﺮﻯ ﯞﻩ ﺩﺭﺍﻣﺎ ﺳﺎﻫﻪﺳﯩﺪﯨﻜﯩﻠﻪﺭﻣﯘ ﺑﯘ ﺑﺎﻳﺎﻧﻼﺭﻏﺎ ﺋﺎﺳﺎﺳﻪﻥ "ﺋﯩﭙﺎﺭﺧﺎﻧﻨﯩﯔ ﻏﻪﺯﯨﭙﻰ " ، "ﺋﯩﭙﺎﺭﺧﺎﻥ " ﻧﺎﻣﻠﯩﻖ ﺗﯩﻴﺎﺗﯩﺮﻻﺭﻧﻰ ﺋﻮﻳﻨﯩﻐﺎﻥ . ﺋﺎﺯﺍﺩﻟﯩﻘﻨﯩﯔ ﺩﻩﺳﻠﻪﭘﻜﻰ ﻣﻪﺯﮔﯩﻠﯩﺪﻩ " ﺋﯩﭙﺎﺭﺧﺎﻥ " ﻧﺎﻣﻠﯩﻖ ﺑﯧﻴﺠﯩﯔ ﺗﯩﻴﺎﺗﯩﺮﻯ ﺋﻮﻳﻨﺎﻟﻐﺎﻥ . ﺑﯘﻻﺭﻧﯩﯔ ﻫﻪﻣﻤﯩﺴﺪﻩ ﺋﯩﭙﺎﺭﺧﺎﻥ ﻏﻮﺟﺎ ﺟﺎﻫﺎﻧﻨﯩﯔ ﯞﺍﭘﺎﺩﺍﺭ ﺋﺎﻳﺎﻟﻰ ، ﭘﺎﺩﯨﺸﺎﻫﻘﺎ ﺗﯩﺰ ﭘﯜﻛﻤﯩﮕﻪﻥ ﻗﻪﻫﺮﯨﻤﺎﻥ ، ﻗﻪﻳﺴﻪﺭ ﺋﺎﻳﺎﻝ ﺳﯜﭘﯩﺘﯩﺪﻩ ﺗﻪﺳﯟﯨﺮﻟﻪﻧﮕﻪﻥ . ﺋﺎﺗﺎﻗﻠﯩﻖ ﺧﻪﻧﺰﯗ ﺷﺎﺋﯩﺮﻯ ﻳﻪﻥ ﭼﯩﯔ ﺋﯩﭙﺎﺭﺧﺎﻥ ﻫﻪﻗﻘﯩﺪﻩ "ﺋﺎﻕ ﺗﯘﻟﭙﺎﺭ " ﻗﺎﺗﺎﺭﻟﯩﻖ ﺷﯧﺌﯩﺮﻻﺭﻧﻰ ﻳﯧﺰﯨﭗ ﻗﺎﻟﺪﯗﺭﻏﺎﻥ . ﺷﺎﺋﯩﺮ ﻳﻪﻧﭽﯩﯖﻨﯩﯔ ﻣﯘﻧﯘ ﻣﯩﺴﺮﺍﻟﯩﺮﯨﻐﺎ ﻗﺎﺭﺍﯓ :

ﺑﺎﻫﺎﺭ ﻧﯘﺭﻟﯩﺮﯨﺪﺍ ﺟﺎﻧﻼﻧﻐﺎﻥ ﺩﺍﻻ ،

ﺟﯩﮕﺪﯨﻠﻪﺭ ﭼﯚﻣﯜﻟﺪﻯ ﭼﺎﭼﻘﺎﻥ ﭘﯘﺭﺍﻗﻘﺎ .

ﮔﯜﭘﯜﻟﺪﻩﭖ ﺋﯘﺭﯗﻟﻐﺎﻥ ﺟﯩﮕﺪﯨﻨﯩﯔ ﻫﯩﺪﻯ ،

ﻫﺎﻟﻘﯩﭗ ﺗﻪﯕﺮﯨﺘﺎﻏﺪﯨﻦ ﻛﯧﺘﻪﺭ ﻳﯩﺮﺍﻗﻘﺎ .

ﺋﯚﺗﻤﯜﺷﺘﻪ ﺑﯘ ﺋﺎﻧﭽﻪ ﻗﻪﺩﯨﻢ ﭼﺎﻍ ﺋﻪﻣﻪﺱ ،

ﻗﻪﺷﻘﻪﺭﺩﯨﻦ ﭼﯩﻘﻘﺎﻧﺘﻰ ﺑﯩﺮ ﺋﯘﻳﻐﯘﺭ ﻗﯩﺰﻯ .

ﺋﯩﺴﻤﯩﺪﯗﺭ ﺋﯩﭙﺎﺭﺧﺎﻥ ﮔﯜﺯﻩﻟﻠﯩﻜﺘﻪ ﺋﯘ ،

ﭘﯘﺭﺍﻗﻠﯩﻖ ﺋﯧﭽﯩﻠﻐﺎﻥ ﭼﯧﭽﻪﻛﻨﯩﯔ ﺋﯚﺯﻯ .

ﺑﻮﺯﻩﻙ ﻗﯩﭗ ﺑﻮﻻﻣﺪﯗ ﺑﺎﺗﯘﺭ ﻣﯩﻠﻠﻪﺗﻨﻰ ،

ﺋﯩﭙﺎﺭﺧﺎﻥ ﺷﯘﻻﺭﻧﯩﯔ ﻳﺎﺧﺸﻰ ﺋﯜﻟﮕﯩﺴﻰ !

1912-ﻳﯩﻠﻰ ﺟﯘﯕﺨﯘﺋﺎ ﻣﯩﻨﮕﻮ ﻫﯚﻛﯜﻣﯩﺘﻰ ﻗﯘﺭﯗﻟﻐﺎﻧﺪﯨﻦ ﻛﯧﻴﯩﻦ ﺟﯘﯕﮕﻮ ﺟﻪﻧﯘﺑﯩﻲ ﺩﯦﯖﯩﺰ ﺑﺎﻧﻜﯩﺴﻰ ﺑﺎﺳﺘﯘﺭﻏﺎﻥ ﮔﻮﻣﯩﻨﺪﺍﯓ ﭘﯘﻟﻰ ﻳﯜﺯﯨﮕﻪ ﺋﯩﭙﺎﺭﺧﺎﻧﻨﯩﯔ ﺳﯜﺭﯨﺘﻰ ﭼﯜﺷﯜﺭﯛﻟﮕﻪﻥ . ﺋﻪﻧﮕﯩﻠﯩﻴﻪ ﯞﻩ ﺑﯜﻳﯜﻙ ﺑﯩﺮﯨﺘﺎﻧﯩﻴﻪ ﻛﯜﺗﯜﭘﺨﺎﻧﯩﺴﯩﺪﺍ ﭘﺎﭘﺎ ﻛﺎﺳﺘﯩﯖﻠﻴﺘﻮﻥ ﺗﻪﺭﯨﭙﯩﺪﯨﻦ ﺋﯩﺠﺘﯩﻬﺎﺕ ﺑﯩﻠﻪﻥ ﺳﯩﺰﯨﻠﻐﺎﻥ "ﺋﯩﭙﺎﺭﺧﺎﻥ " ﻧﺎﻣﻠﯩﻖ ﻣﺎﻱ ﺑﻮﻳﺎﻕ ﺭﻩﺳﯩﻢ ﺋﻪﺗﯩﯟﺍﺭﻟﯩﻖ ﻳﺎﺩﯨﻜﺎﺭﻟﯩﻖ ﺳﯜﭘﯩﺘﯩﺪﻩ ﺳﺎﻗﻠﯩﻨﯩﭗ ﻛﻪﻟﻤﻪﻛﺘﻪ .

1930-ﻳﯩﻠﻰ ﻳﺎﭘﻮﻧﯩﻴﻪ ﺋﯩﺸﻠﯩﮕﻪﻥ "ﺋﯩﭙﺎﺭﺧﺎﻥ " ﻧﺎﻣﻠﯩﻖ ﻛﯩﻨﻮ ﻓﯩﻠﯩﻤﯩﺪﻩ ﺋﯩﭙﺎﺭﺧﺎﻧﻨﯩﯔ ﻣﺎﻧﺠﯘ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ ﺋﯧﻠﯩﭗ ﺑﺎﺭﻏﺎﻥ ﻗﻪﻳﺴﯩﺮﺍﻧﻪ ﻛﯜﺭﻩﺷﻠﯩﺮﻯ ﺗﻪﺳﯟﯨﺮﻟﻪﻧﮕﻪﻥ ﺑﻮﻟﯘﭖ ، 2- ﺩﯗﻧﻴﺎ ﺋﯘﺭﯗﺷﻰ ﻣﻪﺯﮔﯩﻠﯩﺪﻩ ﺟﯘﯕﮕﻮﺩﺍ ﻗﻮﻳﯘﻟﻐﺎﻥ .

1986-ﻳﯩﻠﻰ ﺷﻴﺎﯕﮕﺎﯓ ﻳﺎﯕﺰﯨﺠﻴﺎﯓ ﻛﯩﻨﻮ ﺋﯩﺴﺘﻮﺩﯨﻴﯩﺴﻰ ﺑﯩﻠﻪﻥ ﺗﻴﻪﻧﺠﯩﻦ ﻛﯩﻨﻮ ﺋﯩﺴﺘﻮﺩﯨﻴﯩﺴﻰ ﺑﯩﺮﻟﯩﺸﯩﭗ ﺋﯩﺸﻠﯩﮕﻪﻥ ﺋﯩﭙﺎﺭﺧﺎﻥ ﻫﻪﻗﻘﯩﺪﻩ "ﺷﺎﭘﺎﺋﻪﺕ ﯞﻩ ﻗﯩﺴﺎﺱ " ﻧﺎﻣﻠﯩﻖ ﻛﯩﻨﻮ ﻓﯩﻠﯩﻤﻰ ، -1934ﻳﯩﻠﻰ ﺳﻪﻫﻨﯩﻠﻪﺷﺘﯜﺭﯛﻟﮕﻪﻥ "ﺋﯩﭙﺎﺭﺧﺎﻥ " ﻧﺎﻣﻠﯩﻖ ﺗﯩﻴﺎﺗﯩﺮﻻﺭ ﺋﯩﻠﮕﯩﺮﻯ - ﺋﺎﺧﯩﺮ ﻗﻮﻳﯘﻟﻐﺎﻥ . ﺋﯘﻧﺪﯨﻦ ﺑﺎﺷﻘﺎ ﺋﺎﻣﯧﺮﯨﻜﯩﻠﯩﻖ ﻳﺎﺯﻏﯘﭼﻰ ﭘﯩﺮﯨﻞ ﺱ . ﺑﻮﻛﻨﯩﯔ ﺋﯩﭙﺎﺭﺧﺎﻧﻨﻰ ﺗﯧﻤﺎ ﻗﯩﻠﯩﭗ ﻳﺎﺯﻏﺎﻥ "ﺟﯘﯕﮕﻮ ﺳﺎﺭﯨﻴﯩﺪﺍ ﺑﯩﺮ ﺋﻪﺳﯩﺮ " ﻧﺎﻣﻠﯩﻖ ﺭﻭﻣﺎﻧﻰ ﻧﻮﺑﯩﻞ ﺋﻪﺩﻩﺑﯩﻴﺎﺕ ﻣﯘﻛﺎﭘﺎﺗﯩﻐﺎ ﺋﯧﺮﯨﺸﻜﻪﻥ . 1945 - ﻳﯩﻠﻰ ﺗﯜﺭﻛﯩﻴﯩﺪﻩ ﻧﻪﺷﯩﺮ ﻗﯩﻠﯩﻨﻐﺎﻥ "ﺟﯘﯕﮕﻮﺩﯨﻜﻰ ﺑﯩﺮ ﻫﻪﻗﯩﻘﻪﺕ" ﻧﺎﻣﻠﯩﻖ ﻛﯩﺘﺎﺑﺘﯩﻤﯘ ﺋﯩﭙﺎﺭﺧﺎﻥ ﻫﻪﻗﻘﯩﺪﻩ ﻛﻪﯓ ﻣﻪﻟﯘﻣﺎﺕ ﺑﯧﺮﯨﻠﮕﻪﻥ .

ﺋﺎﻟﻤﺎﺋﺎﺗﺎﺩﺍ ﭼﯩﻘﯩﺪﯨﻐﺎﻥ "ﻛﻮﻣﻤﯘﻧﯩﺰﻡ ﺗﯘﻏﻰ " ﮔﯧﺰﯨﺘﯩﻨﯩﯔ 1969-ﻳﯩﻠﻰ 1-ﺋﯩﻴﯘﻝ ﺳﺎﻧﯩﺪﺍ ﺋﺎﺗﺎﻗﻠﯩﻖ ﻗﺎﺯﺍﻕ ﻳﺎﺯﻏﯘﭼﯩﺴﻰ ﯞﻩ ﺷﺎﺋﯩﺮﻯ ﺳﺎﺑﯩﺖ ﻣﻮﻗﺎﻧﻮﻓﻨﯩﯔ "ﺋﯩﭙﺎﺭﺧﺎﻥ " ﻧﺎﻣﻠﯩﻖ ﺩﺍﺳﺘﺎﻧﻰ ﺋﯧﻼﻥ ﻗﯩﻠﯩﻨﻐﺎﻥ . ﺷﯘﻧﺪﺍﻗﻼ 1947-ﻳﯩﻠﻰ ﺋﺎﺗﺎﻗﻠﯩﻖ ﻳﺎﺯﻏﯘﭼﻰ ﯞﻩ ﺷﺎﺋﯩﺮ ﺋﺎﺑﺪﯗﺭﻩﻫﯩﻢ ﺗﯩﻠﻪﺷﻮﻑ ﺋﯚﺗﻜﯜﺭﻧﯩﯔ ﺋﯩﭙﺎﺭﺧﺎﻥ ﻫﻪﻗﻘﯩﺪﻩ ﻳﺎﺯﻏﺎﻥ "ﻧﻮﻣﯘﺱ ﻗﯘﺭﺑﺎﻧﻰ " ﻧﺎﻣﻠﯩﻖ ﺩﺍﺳﺘﺎﻧﻰ ، ﺋﺎﺯﺍﺩﻟﯩﻘﺘﯩﻦ ﻛﯧﻴﯩﻦ ﺋﻪﺩﯨﺐ ﺋﯩﻤﯩﻦ ﺗﯘﺭﺳﯘﻧﻨﯩﯔ "ﺋﯩﭙﺎﺭﺧﺎﻥ " ﻧﺎﻣﻠﯩﻖ ﺷﯧﺌﯩﺮﻯ ﺋﯧﻼﻥ ﻗﯩﻠﯩﻨﯩﭗ ، ﺋﯩﭙﺎﺭﯨﺌﺎﻧﻨﯩﯔ ﺋﻮﺑﺮﺍﺯﻯ ﺧﻪﻟﻘﯩﻤﯩﺰﮔﻪ ﺗﻮﻧﯘﺗﯘﻟﺪﻯ . ﺭﻩﺳﺴﺎﻡ ﺋﺎﺑﺪﯗﺷﯜﻛﯜﺭ ﻛﯩﺮﯨﻤﻨﯩﯔ ﻳﯧﻘﯩﻨﺪﺍ ﺳﯩﺰﻏﺎﻥ ﺑﯩﺮﻗﺎﻧﭽﻪ ﻣﺎﻱ ﺑﻮﻳﺎﻕ ﺭﻩﺳﯩﻤﻠﯩﺮﯨﻤﯘ ﺋﯩﭙﺎﺭﺧﺎﻥ ﺗﯩﻤﯩﺴﯩﺪﯨﻜﻰ ﻧﺎﺩﯨﺮ ﺋﻪﺳﻪﺭﻟﻪﺭ ﺑﻮﻟﯘﭖ ، ﺋﯩﭙﺎﺭﺧﺎﻧﻨﻰ ﺩﯗﻧﻴﺎﻏﺎ ﺗﻮﻧﯘﺗﻤﺎﻗﺘﺎ . ﺋﯩﭙﺎﺭﺧﺎﻥ ﻫﻪﻗﻘﯩﺪﯨﻜﻰ ﺗﻪﺗﻘﯩﻘﺎﺗﻼﺭﻣﯘ ﺋﯜﺯﯛﻟﻤﻪﻱ ﺩﺍﯞﺍﻣﻠﯩﺸﯩﭙﻼ ﻗﺎﻟﻤﺎﺳﺘﯩﻦ ، ﺋﯩﭙﺎﺭﺧﺎﻥ ﺗﯧﻤﯩﺴﯩﺪﺍ ﻳﯧﯖﻰ ﺭﻭﻣﺎﻥ ، ﻛﯩﻨﻮ - ﺗﯧﻠﯧﯟﯨﺰﯨﻴﻪ ﻓﯩﻠﯩﻤﻠﯩﺮﻯ ﺩﺍﯞﺍﻣﻠﯩﻖ ﻣﻪﻳﺪﺍﻧﻐﺎ ﻛﻪﻟﻤﻪﻛﺘﻪ .

**************************************************************************

"ﻳﯧﯖﻰ ﻗﺎﺷﺘﯧﺸﻰ " ﺟﻮﺭﻧﯩﻠﯩﻨﯩﯔ 2004- ﻳﯩﻠﻠﯩﻖ 5- ﺳﺎﻧﯩﺪﯨﻦ ﺋﯧﻠﯩﻨﺪﻯ