ﻟﯩﻦ ﺑﻴﺎﯞﻧﯩﯔ ﺋﯚﻟﯜﻣﻰ ﺗﻮﻏﺮﯨﺴﯩﺪﯨﻜﻰ ﻳﯧﯖﻰ ﻗﯩﻴﺎﺱ

ﻟﯩﻦ ﺑﻴﺎﯞﻧﯩﯔ ﺋﯚﻟﯜﻣﻰ ﺗﻮﻏﺮﯨﺴﯩﺪﯨﻜﻰ ﻳﯧﯖﻰ ﻗﯩﻴﺎﺱ

nida

 يوللىغان ۋاقتى 2006-9-15

ﻳﺎﭘﻮﻧﯩﻴﻪ ﺋﻮﺭﺗﺎﻕ ﺋﺎﮔﯧﻨﺘﻠﯩﻘﻰ( 共同社 )

13 - ﺳﯧﻨﺘﻪﺑﯩﺮ ﺋﯧﻼﻥ ﻗﯩﻠﻐﺎﻥ ﺑﯩﺮ ﺗﯧﻠﮕﺮﺍﻣﻤﯩﺪﺍ، ﺑﯘ ﺋﺎﮔﯧﻨﺘﻠﯩﻘﻨﯩﯔ 1971 - ﻳﯩﻠﻰ 13 - ﺳﯧﻨﺘﻪﺑﯩﺮ ﻟﯩﻦ ﺑﻴﺎﯞ ﺋﻮﻟﺘﯘﺭﻏﺎﻥ ﺋﺎﻳﺮﻭﭘﯩﻼﻧﻨﯩﯔ ﻣﻮﯕﻐﯘﻟﯩﻴﻪ ﭼﯧﮕﺮﯨﺴﻰ ﺋﯩﭽﯩﺪﻩ ﭼﯜﺷﯜﭖ ﻛﻪﺗﻜﻪﻧﻠﯩﻚ ﯞﻩﻗﻪﺳﯩﻨﯩﯔ ﺋﻪﻳﻨﻰ ﭼﺎﻏﺪﯨﻜﻰ ﻣﻮﯕﻐﯘﻟﯩﻴﻪ ﮬﯚﻛﯜﻣﯩﺘﻰ ﺧﯘﻻﺳﯩﻠﯩﮕﻪﻥ ﺩﻭﻛﻼﺕ ﻣﺎﺗﯧﺮﯨﻴﺎﻟﯩﻐﺎ ﺋﯧﺮﯨﺸﻜﻪﻧﻠﯩﻜﻰ ﺩﯦﻴﯩﻠﮕﻪﻥ. ﺩﻭﻛﻼﺗﺘﺎ ﺋﺎﻳﺮﻭﭘﯩﻼﻥ ﻳﯧﻘﯩﻠﻐﯘﺳﯩﻨﯩﯔ ﻳﯧﺘﯩﺸﻤﻪﺳﻠﯩﻜﻰ ﺳﻪﯞﻩﺑﯩﺪﯨﻦ ﭼﯜﺷﯜﭖ ﻛﻪﺗﻜﻪﻧﻠﯩﻜﯩﺪﻩﻙ ﭼﯜﺷﻪﻧﺪﯛﺭﯛﺵ ﺋﯩﻨﻜﺎﺭ ﻗﯩﻠﯩﻨﻐﺎﻥ.

ﻣﻮﯕﻐﯘﻟﯩﻴﯩﺪﯨﻜﻰ ﺋﺎﻻﻗﯩﺪﺍﺭ ﺋﻪﺭﺑﺎﺑﻼﺭﻧﯩﯔ ﺑﯩﺸﺎﺭﯨﺘﯩﭽﻪ ﺋﻪﻳﻨﻰ ﭼﺎﻏﺪﺍ ﺋﺎﻳﺮﻭﭘﯩﻼﻥ ﺋﯩﭽﯩﺪﻩ ﻗﯧﭽﯩﺶ ﻣﻪﺳﯩﻠﯩﺴﻰ ﺋﯜﺳﺘﯩﺪﻩ ﺗﺎﻻﺵ - ﺗﺎﺭﺗﯩﺶ ﺑﻮﻟﻐﺎﻥ. ﺑﯘ ﺋﯩﺸﻘﺎ 35 ﻳﯩﻞ ﺑﻮﻟﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺑﯘ ﻣﺎﺗﯧﺮﯨﻴﺎﻟﻨﯩﯔ ﺟﯘﯕﮕﻮ ﮬﺎﺯﯨﺮﻗﻰ ﺯﺍﻣﺎﻥ ﺗﺎﺭﯨﺨﯩﺪﯨﻜﻰ ﺑﯩﺮ ﻣﯘﮬﯩﻢ، ﺯﻭﺭ ﺳﯩﺰﻧﻰ ﺋﯧﭽﯩﺸﻘﺎ ﻳﺎﺭﺩﯨﻤﻰ ﺑﻮﻟﯩﺪﯨﻜﻪﻥ. ﺋﻮﺭﺗﺎﻕ ﺋﺎﮔﯧﻨﺘﻠﯩﻘﻰ ﺋﺎﻟﺪﯨﻨﻘﻰ ﻛﯜﻧﻰ ﻣﻮﯕﻐﯘﻟﯩﻴﻪ ﺩﯙﻟﻪﺗﻠﯩﻚ ﺳﺎﻗﭽﻰ ﻧﺎﺯﺍﺭﯨﺘﯩﻨﯩﯔ ﺳﺎﺑﯩﻖ ﻣﯘﺋﺎﯞﯨﻦ ﻧﺎﺯﯨﺮﻯ، ﺋﯩﻠﮕﯩﺮﻯ ﻳﻪﺭﻟﯩﻜﺘﻪ ﺋﻪﯓ ﺋﺎﻟﯩﻲ ﺋﺎﻣﺎﻧﻠﯩﻖ ﺳﺎﻗﻼﺵ ﺋﻮﺭﮔﯩﻨﯩﻨﯩﯔ ﻣﻪﺳﺌﯘﻟﻰ ﺑﻮﻟﻐﺎﻥ ﮬﻪﻣﺪﻩ ﻟﯩﻦ ﺑﻴﺎﯞ ﺋﻮﻟﺘﯘﺭﻏﺎﻥ ﺋﺎﻳﺮﻭﭘﯩﻼﻧﻨﯩﯔ ﭼﯜﺷﯜﭖ ﻛﯧﺘﯩﺶ ﯞﻩﻗﻪﺳﯩﻨﻰ ﺗﻪﻛﺸﯜﺭﯛﺷﻜﻪ ﻗﺎﺗﻨﺎﺷﻘﺎﻥ ﺋﻮﺳﯘﻟﯩﻦ ﺋﻮﺗﯘﮔﯧﻦ ﺟﯧﻚ ( 奥索林·奥特恭捷格 )ﻧﻰ ﻣﻪﺧﺴﯘﺱ ﺯﯨﻴﺎﺭﻩﺕ ﻗﯩﻠﺪﻯ. ﺋﯘﻧﯩﯔ ﺋﯩﺴﭙﺎﺗﻠﯩﺸﯩﭽﻪ، ﺳﯚﯞﯨﺖ ﮬﯚﻛﯜﻣﯩﺘﻰ ﺑﺎﺷﺘﯩﻦ - ﺋﺎﺧﯩﺮ ﺑﯘ ﺋﯩﺸﻘﺎ ﺯﯨﭻ ﺋﺎﺭﯨﻼﺷﻘﺎﻥ، ﻗﺎﺭﺍ ﻗﯘﺗﯩﻨﻰ ﻗﺎﻳﺘﯘﺭﯨﯟﯦﻠﯩﺶ ﻗﺎﺗﺎﺭﻟﯩﻖ ﺧﯩﺰﻣﻪﺗﻠﻪﺭﻧﻰ ﻗﯩﻠﻐﺎﻧﯩﻜﻪﻥ.

ﺑﯘ ﺩﻭﻛﻼﺗﻨﯩﯔ ﺗﯧﻤﯩﺴﻰ <<ﺟﯘﯕﮕﻮ ﺋﺎﻳﺮﻭﭘﯩﻼﻧﯩﻨﯩﯔ ﻣﻮﯕﻐﯘﻟﯩﻴﻪ ﭼﯧﮕﺮﯨﺴﻰ ﺋﯩﭽﯩﺪﻩ ﭼﯜﺷﯜﭖ ﻛﻪﺗﻜﻪﻧﻠﯩﻚ ﺳﻪﯞﻩﺑﯩﻨﻰ ﺑﯧﻜﯩﺘﯩﺶ ﮬﯚﺟﺠﯩﺘﻰ>> ﺑﻮﻟﯘﭖ، ﺋﯩﻤﺰﺍﻻﻧﻐﺎﻥ ﯞﺍﻗﯩﺖ 1971 - ﻳﯩﻠﻰ 20 - ﻧﻮﻳﺎﺑﯩﺮ، ﺟﻪﻣﺌﯩﻲ 16 ﺑﻪﺕ. ﺋﻮﺭﺗﺎﻕ ﺋﺎﮔﯧﻨﺘﻠﯩﻘﻰ ﺋﺎﻟﺪﯨﻨﻘﻰ ﻛﯜﻧﻰ ﺋﯧﻼﻥ ﻗﯩﻠﯩﻨﻤﯩﻐﺎﻥ ﺑﯘ ﮬﯚﺟﺠﻪﺕ ﯞﻩ ﺑﺎﺷﻘﺎ ﺭﻩﺳﯩﻤﻠﻪﺭﮔﻪ ﺋﯧﺮﯨﺸﻜﻪﻥ.

ﺩﻭﻛﻼﺗﺘﺎ ﺋﯧﻴﺘﯩﻠﯩﺸﯩﭽﻪ، 1971 - ﻳﯩﻠﻰ 13 - ﺳﯧﻨﺘﻪﺑﯩﺮ ﯞﻩﻗﻪﺳﯩﻨﻰ ﺗﻪﻛﺸﯜﺭﯛﺵ ﯞﻩﻗﻪ ﻳﯜﺯ ﺑﯧﺮﯨﭗ ﺑﯩﺮ ﺋﺎﻳﺪﯨﻦ ﻛﯧﻴﯩﻦ (8 - ﺋﯚﻛﺘﻪﺑﯩﺮﺩﯨﻦ 18 - ﺋﯚﻛﺘﻪﺑﯩﺮﮔﯩﭽﻪ) ﺋﯧﻠﯩﭗ ﺑﯧﺮﯨﻠﻐﺎﻥ، ﺋﻪﻳﻨﻰ ﭼﺎﻏﺪﺍ ﺳﯚﯞﯨﺖ ﻣﯘﺗﻪﺧﺨﻪﺳﯩﺴﻠﯩﺮﻯ ﺗﻪﻛﺸﯜﺭﯛﺵ ﺧﯩﺰﻣﯩﺘﯩﮕﻪ ﻗﺎﺗﻨﺎﺷﻘﺎﻥ.

ﺩﻭﻛﻼﺗﺘﺎ ﺋﯧﻴﺘﯩﻠﯩﺸﯩﭽﻪ، ﺗﻪﻛﺸﯜﺭﯛﺵ ﮔﯘﺭﯗﭘﭙﯩﺴﯩﻨﯩﯔ ﺋﻪﻳﻨﻰ ﭼﺎﻏﺪﺍ ﭼﯩﻘﺎﺭﻏﺎﻥ ﻳﻪﻛﯜﻧﻰ ﺑﻮﻟﺴﺎ، ﺑﯘ ﺋﺎﻳﺮﻭﭘﯩﻼﻧﻨﯩﯔ ﭼﯜﺷﯜﭖ ﻛﯧﺘﯩﺸﯩﺪﯨﻜﻰ ﺑﯩﯟﺍﺳﯩﺘﻪ ﺳﻪﯞﻩﺏ ﻳﻮﻝ ﺑﺎﺷﻼﺵ ﻣﻪﺳﯩﻠﯩﺴﻰ. ﺑﯘ ﺋﺎﻳﺮﻭﭘﯩﻼﻧﻨﯩﯔ ﺋﯧﺘﯩﭗ ﭼﯜﺷﯜﺭﯨﯟﯦﺘﯩﻠﯩﺶ ﻣﯘﻣﻜﯩﻨﭽﯩﻠﯩﻜﯩﻨﻰ ﻳﻮﻕ ﻗﯩﻠﯩﺪﯗ.

ﺩﻭﻛﻼﺗﺘﺎ ﺋﯧﻴﺘﯩﻠﯩﺸﯩﭽﻪ، ﺋﻪﻧﮕﯩﻠﯩﻴﻪ ﻳﺎﺳﯩﻐﺎﻥ ﺑﯘ ﺳﺎﻧﺴﺎﺟﻰ ﮬﺎﯞﺍ ﻳﺎﺧﺸﻰ ﺷﺎﺭﺍﺋﯩﺘﺘﺎ ﻟﯧﻨﯩﻴﻪ ﺧﺎﺗﺎﻟﯩﻘﯩﻨﻰ ﺋﯩﻨﺘﺎﻳﯩﻦ ﺋﺎﺯ ﺳﺎﺩﯨﺮ ﻗﯩﻠﯩﺪﯨﻜﻪﻥ. ﺋﯘﻧﯩﯔ ﺋﯜﺳﺘﯩﮕﻪ ﺑﯘ ﺋﺎﻳﺮﻭﭘﯩﻼﻧﺪﯨﻦ ﮬﯧﭽﻘﺎﻧﺪﺍﻕ ﺳﯩﻤﺴﯩﺰ ﺋﺎﻻﻗﻪ ﻛﻪﻟﻤﯩﮕﻪﻥ. ﺑﯘ ﺋﯩﻜﻜﻰ ﺋﻪﻣﻪﻟﯩﻴﻪﺕ ﺟﯘﯕﮕﻮﻧﯩﯔ ﭼﯜﺷﻪﻧﺪﯛﺭﯨﺸﯩﺪﯨﻜﻰ ﺑﯘ ﺋﺎﻳﺮﻭﭘﯩﻼﻧﻨﯩﯔ ﻟﯧﻨﯩﻴﯩﺪﯨﻦ ﺋﯧﺰﯨﭗ ﻛﻪﺗﻜﻪﻧﻠﯩﻜﯩﻨﻰ ﭼﻪﺗﻜﻪ ﻗﺎﻗﯩﺪﯨﻜﻪﻥ.

ﺩﻭﻛﻼﺗﺘﺎ ﻳﻪﻧﻪ ﺑﯘ ﺋﺎﻳﺮﻭﭘﯩﻼﻧﻨﯩﯔ ﻳﯧﻘﯩﻠﻐﯘﺳﻰ ﻳﯧﺘﯩﺸﻤﯩﮕﻪﻧﻠﯩﻚ ﭼﯜﺷﻪﻧﺪﯛﺭﯛﺷﯩﮕﻪ ﻗﺎﺭﯨﺘﺎ ﮔﯘﻣﺎﻥ ﺋﻮﺗﺘﯘﺭﯨﻐﺎﻥ ﻗﻮﻳﯘﻟﻐﺎﻥ، ﺩﻭﻛﻼﺗﺘﺎ: <<ﺋﺎﻳﺮﻭﭘﯩﻼﻥ ﻗﺎﻟﺪﯗﻗﻰ ﻧﺎﮬﺎﻳﯩﺘﻰ ﭼﻮﯓ ﺩﺍﺋﯩﺮﯨﺪﻩ ﺋﯩﻨﺘﺎﻳﯩﻦ ﺋﯘﺯﯗﻥ ﻛﯚﻳﮕﻪﻥ، ﺑﯘ ﺋﻪﻣﻪﻟﯩﻴﻪﺕ ﺋﺎﻳﺮﻭﭘﯩﻼﻧﺪﺍ ﺩﺍﯞﺍﻣﯩﻠﻖ ﺋﯘﭼﯘﺷﻘﺎ ﻳﯧﺘﻪﺭﻟﯩﻚ ﻳﯧﻘﯩﻠﻐﯘﻧﯩﯔ ﺑﺎﺭﻟﯩﻘﯩﻨﻰ ﺋﯩﺴﭙﺎﺗﻼﻳﺪﯗ. ﺋﻮﺕ ﺋﯘﺯﯗﻧﻠﯘﻗﻰ 975 ﻣﯧﺘﯩﺮ، ﻛﻪﯕﻠﯩﻜﻰ 321 ﻣﯧﺘﯩﺮ ﺟﺎﻳﻨﻰ ﻗﺎﭘﻠﯩﻐﺎﻥ، ﺋﺎﻳﺮﻭﭘﯩﻼﻥ ﭼﯜﺷﯜﭖ ﻛﻪﺗﻜﻪﻧﺪﻩ، ﻣﻮﺗﯘﺭﻯ ﻧﻮﺭﻣﺎﻝ ﺋﯩﻜﻪﻥ، ﺋﺎﻳﺮﻭﭘﯩﻼﻧﺪﯨﻜﻰ ﺧﺎﺩﯨﻤﻼﺭﻧﯩﯔ ﺟﯩﺪﺩﯨﻲ ﻣﻪﺳﯩﻠﻪ ﺗﯜﭘﻪﻳﻠﯩﺪﯨﻦ ﻗﻮﻧﯘﺵ ﻗﺎﺭﺍﺭﯨﻨﻰ ﭼﯩﻘﺎﺭﻏﺎﻧﻠﯩﻘﯩﻨﻰ ﺋﯩﺴﭙﺎﺗﻼﻳﺪﯨﻐﺎﻥ ﺋﯩﺴﭙﺎﺕ ﺗﯧﭙﯩﻠﻤﯩﺪﻯ>> ﺩﯦﻴﯩﻠﮕﻪﻥ.

ﻣﻮﯕﻐﯘﻟﯩﻴﻪ ﺗﻪﺭﻩﭘﻨﯩﯔ ﺋﺎﺧﺒﺎﺭﺍﺕ ﺋﻪﺭﺑﺎﺑﻠﯩﺮﯨﻨﯩﯔ ﺋﻪﻳﻨﻰ ﭼﺎﻏﺪﯨﻜﻰ ﺳﯚﺯﯨﮕﻪ ﻗﺎﺭﯨﻐﺎﻧﺪﺍ، ﺗﻪﻛﺸﯜﺭﯛﺵ ﺧﺎﺩﯨﻤﻠﯩﺮﻯ ﺑﯩﺮﺩﻩﻙ :<<ﺋﺎﻳﺮﻭﭘﯩﻼﻥ ﺧﺎﺩﯨﻤﻠﯩﺮﻯ ﺋﺎﺭﯨﺴﯩﺪﺍ ﺟﻪﯓ ﺑﻮﻟﻐﺎﻥ، ﻟﯩﻦ ﺑﻴﺎﯞﻧﻰ ﻗﻮﻟﻼﻳﺪﯨﻐﺎﻧﻼﺭ ﺳﯚﯞﯨﺘﻜﻪ ﻗﯧﭽﯩﭗ ﻛﻪﺗﻤﻪﻛﭽﻰ ﺑﻮﻟﻐﺎﻥ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻜﯩﻠﻪﺭ ﺑﻮﻟﺴﺎ ﺟﯘﯕﮕﻮﻏﺎ ﻗﺎﻳﺘﻤﺎﻗﭽﻰ ﺑﻮﻟﻐﺎﻥ>> ﺩﻩﭖ ﻗﺎﺭﯨﻐﺎﻧﯩﻜﻪﻥ.

ﻣﻮﯕﻐﯘﻟﯩﻴﯩﻨﯩﯔ ﺑﯘ ﺩﻭﻛﻼﺗﯩﺪﺍ ﺋﯧﻴﺘﯩﻠﯩﺸﯩﭽﻪ، ﯞﻩﻗﻪ ﻳﯜﺯ ﺑﻪﺭﮔﻪﻥ ﺟﺎﻳﺪﯨﻦ ﺗﯧﭙﯩﻠﻐﺎﻥ 8 ﺗﺎﭘﺎﻧﭽﯩﻨﯩﯔ ﺑﯩﺮﺳﻰ ﺑﻪﺗﻠﯩﻨﯩﭗ ﺑﻮﻟﻐﺎﻧﯩﻜﻪﻥ.

ﺋﺎﻳﺮﻭﭘﯩﻼﻧﺪﺍ ﻗﻮﺭﺍﻟﻠﯩﻖ ﺗﻮﻗﯘﻧﯘﺵ ﺑﻮﻟﻐﺎﻥ - ﺑﻮﻟﻤﯩﻐﺎﻧﻠﯩﻘﻰ ﻳﻪﻧﯩﻼ ﺑﯩﺮ ﺳﯩﺮ. ﺑﯘ ﺋﺎﮔﯧﻨﺘﻠﯩﻖ ﺋﯩﮕﻪ ﺑﻮﻟﻐﺎﻥ ﺳﯚﯞﯨﺖ ﯞﻩ ﻣﻮﯕﻐﯘﻟﯩﻴﻪ ﮬﯚﻛﯜﻣﯩﺘﯩﻨﯩﯔ ﻳﻪﻧﻪ ﺑﯩﺮ ﺑﯩﺮﻟﻪﺷﻤﻪ ﺗﻪﻛﺸﯜﺭﯛﺵ ﺩﻭﻛﻼﺗﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﻟﯩﻦ ﺑﻴﺎﯞﻧﯩﯔ ﺟﻪﺳﯩﺪﯨﺪﻩ ﺋﻮﻕ ﺋﯩﺰﻯ ﺑﺎﻳﻘﺎﻟﻤﯩﻐﺎﻥ.