ئىسھاقبەگ ۋە دەلىلقان سۇگۇربايوف

ئىسھاقبەگ ۋە دەلىلقان سۇگۇربايوف

hanjar

يوللىغان ۋاقتى 2008-8-3

ﮔﯧﻨﯧﺮﺍﻝ ﻟﯧﻴﺘﯧﻨﺎﻧﺖ ﺋﯩﺴﻬﺎﻕ ﺑﻪﮒ

ﺋﯩﺴﻬﺎﻕ ﺑﻪﮒ ﺷﯩﻨﺠﺎﯓ ﺋﯘﻟﯘﻏﭽﺎﺕ ﻧﺎﻫﯩﻴﯩﺴﯩﺪﯨﻜﻰ ﺳﯩﻤﺨﺎﻧﯩﻨﯩﯔ ﻗﻮﺷﺌﯚﺗﯜﻙ {ﻗﻮﺵ ﺋﯚﺗﯩﺪﯨﻐﺎﻥ ﺟﺎﻱ} ﻛﻪﻧﺘﯩﺪﯨﻦ ﺑﻮﻟﯘﭖ ،1900-ﻳﯩﻠﻰ 11-ﺋﺎﻳﻨﯩﯔ 20-ﻛﯜﻧﻰ ﻫﺎﻟﻠﯩﻖ ﭼﺎﺭﯞﯨﭽﻰ ﻣﯘﻧﯘﻥ ﻫﺎﺟﻰ (ﻗﯩﺮﻏﯩﺰ)ﺋﺎﺋﯩﻠﯩﺴﯩﺪﻩ ﺩﯗﻧﻴﺎﻏﺎ ﻛﻪﻟﮕﻪﻥ . ﺋﯘﻧﯩﯔ ﺗﯘﻧﺠﻰ ﺋﯩﺴﻤﻰ ﺳﺎﻗﻤﻪﺕ ﺋﯩﺪﻯ .ﺳﺎﻗﻤﻪﺕ ﺩﺍﺩﯨﺴﯩﻨﯩﯔ ﺗﻪﺷﻪﺑﺒﯘﺳﻰ ﺑﯩﻠﻪﻥ ﺩﯨﻨﯩﻲ ﻣﻪﻛﺘﻪﭘﺘﻪ (ﺋﺎﺗﯘﺷﻠﯘﻕ ﺋﺎﺑﺪﯗﻛﯧﺮﯨﻢ ﺧﻪﻟﭙﯩﺘﯩﻤﺪﻩ ) ﺧﻮﺟﺎ ﻫﺎﭘﯩﺰ ﻏﯩﭽﻪ ﺋﻮﻗﯩﻐﺎﻥ ، ﺷﯘﻧﯩﯖﺪﯨﻦ ﻛﯧﻴﯩﻦ ﺧﻪﻟﻖ ﺋﯘﻧﻰ ﻣﻮﻟﻼ ﺋﯩﺴﻬﺎﻕ ﺩﻩﭖ ﺋﺎﺗﯩﻐﺎﻥ .

ﻣﻮﻟﻼ ﺋﯩﺴﻬﺎﻕ ﻛﯩﭽﯩﻜﯩﺪﯨﻦ ﺷﻮﺥ ، ﺗﯧﺘﯩﻚ ﻫﻪﻡ ﺯﯦﺮﻩﻙ ، ﻛﯚﺭﮔﻪﻥ ﻧﻪﺭﺳﯩﮕﻪ ﻗﯩﺰﯨﻘﯩﺪﯨﻐﺎﻥ ﯞﻩ ﺋﯘﻧﯩﯔ ﺳﯩﺮﯨﻨﻰ ﺑﯩﻠﯩﺸﻜﻪ ﻗﯩﺰﯨﻘﯩﺪﯨﻐﺎﻥ ﺋﻪﺧﻼﻗﻠﯩﻖ ،ﻣﯩﺠﻪﺯﻯ ،ﺳﯚﺯ ﻫﻪﺭﻛﯩﺘﻰ ﻳﯧﻘﯩﻤﻠﯩﻖ ،ﻛﯚﭖ ﺋﺎﯕﻼﭖ ﺋﺎﺯ ﺳﯚﺯﻟﻪﺷﻨﻰ ﺋﯚﺯﯨﮕﻪ ﺋﺎﺩﻩﺕ ﻗﯩﻠﯩﭗ ﺋﯚﺳﻜﻪﻥ . ﻣﻮﻟﻼ ﺋﯩﺴﻬﺎﻗﻨﯩﯔ ﺩﺍﺩﯨﺴﻰ ﻣﯘﻧﯘﻥ ﻫﺎﺟﻰ ﺋﯩﻠﻐﺎﺭ ، ﺗﻪﺭﻩﻗﻘﯩﭙﻪﺭﯞﻩﺭ ﻛﯩﺸﻰ ﺋﯩﺪﻯ . ﺋﯘ ،ﻣﻮﻟﻼ ﺋﯩﺴﻬﺎﻗﻘﺎ ﺗﯩﺠﺎﺭﻩﺕ ﻳﻮﻟﻠﯩﺮﯨﻨﻰ ﺋﯚﮔﯜﺗﯜﺵ ﺋﯜﭼﯜﻥ ، ﺋﯘﻧﻰ ﺳﯩﻤﺨﺎﻧﯩﺪﺍ ﺳﺎﺭﺍﻱ ﯞﻩ ﺩﯗﻛﺎﻥ ﺋﯧﭽﯩﭗ ﺗﯩﺠﺎﺭﻩﺕ ﻗﯩﻠﯩﯟﺍﺗﻘﺎﻥ ﺋﯩﻤﯩﻦ ﺧﺎﻣﭽﻰ ،ﻧﯩﻴﺎﺯ ﺋﺎﺧﯘﻥ ،ﺗﻮﺧﺘﻰ ﺋﺎﺧﯘﻥ ﻗﺎﺗﺎﺭﻟﯩﻖ ﺋﯘﻳﻐﯘﺭ ﺳﻮﺩﯨﮕﻪﺭﻟﻪﺭﮔﻪ ﻗﻮﺷﯘﭖ ﻗﻮﻳﯩﺪﯗ . ﻣﻮﻟﻼ ﺋﯩﺴﻬﺎﻕ ﺗﯩﺠﺎﺭﻩﺕ ﻳﻮﻟﯩﻨﻰ ﻧﺎﻫﺎﻳﯩﺘﻰ ﺗﯧﺰ ﺋﯚﮔﯜﻧﯩﯟﯦﻠﯩﭗ ، ﺋﯘﺯﺍﻕ ﺋﯚﺗﻤﻪﻱ ﭘﯜﺗﯜﻥ ﺋﯘﻟﯘﻏﭽﺎﺕ ﺗﺎﻏﻠﯩﺮﯨﺪﯨﻜﻰ ﺧﻪﻟﻘﻨﻰ ﺗﯘﺭﻣﯘﺵ ﺑﯘﻳﯘﻣﻠﯩﺮﻯ ﺑﯩﻠﻪﻥ ﺗﻪﻣﯩﻨﻠﻪﻳﺪﯗ .ﻣﯘﺷﯘ ﺟﻪﺭﻳﺎﻧﺪﺍ ﺋﯘ ﻛﯩﺸﯩﻠﻪﺭﻧﯩﯔ ﺧﻪﺕ -ﭼﻪﻙ ، ﺳﻮﯞﻏﺎ -ﺳﺎﻻﻣﻠﯩﺮﯨﻨﯩﻤﯘ ﺧﺎﻟﯩﺲ ﻳﻪﺗﻜﯜﺯﯛﭖ ﺑﯧﺮﯨﺪﯗ ﯞﻩ ﺑﺎﺭﻏﺎﻧﻼ ﻳﻪﺭﺩﻩ ﺋﺎﻣﻤﯩﻨﯩﯔ ﺋﺎﻟﻘﯩﺸﻰ ، ﻫﯚﺭﻣﯩﺘﯩﮕﻪ ﺋﯩﮕﻪ ﺑﻮﻟﯘﭖ ،ﺧﻪﻟﻖ ﺋﯩﭽﯩﺪﻩ ﻧﺎﻡ ﭼﯩﻘﯩﺮﯨﺸﻘﺎ ﺑﺎﺷﻼﻳﺪﯗ .

1928-ﻳﯩﻠﻰ ﻳﺎﯓ ﺯﯦﯖﺸﯩﻦ ﺋﯚﻟﯜﭖ ،ﺟﯩﻦ ﺷﯘﺭﯦﻦ ﺗﻪﺧﯩﺘﻜﻪ ﭼﯩﻘﯩﭙﻼ ﻫﻪﺭﺑﯩﻲ ، ﻣﻪﻣﯘﺭﻯ ﺋﻮﺭﮔﺎﻧﻼﺭﻧﻰ ﻳﯧﯖﯩﻼﭖ ، ﺋﯘﻟﯘﻏﭽﺎﺕ ﻧﺎﻫﯩﻴﯩﺴﯩﻨﻰ ﻳﯧﺮﯨﻢ ﻫﺎﻛﯩﻤﻠﯩﻖ ( ﺷﯘ ﭼﺎﻏﺪﺍ ﺋﯘﻟﯘﻏﭽﺎﺗﺘﺎ 2000 ﺋﺎﺋﯩﻠﯩﻠﯩﻚ ﺋﺎﻫﺎﻟﻪ ﺑﺎﺭ ﺋﯩﺪﻯ ) ﻗﯩﻠﯩﭗ ﺑﻪﻟﮕﯩﻠﻪﻳﺪﯗ . ﺋﯘﻟﯘﻏﭽﺎﺕ ﻧﺎﻫﯩﻴﯩﺴﻰ ﺳﯩﻤﺨﺎﻧﯩﺪﯨﻜﻰ 40 ﺗﯩﻦ ﺋﺎﺭﺗﯘﻕ ﻗﯩﺮﻏﯩﺰ ﺋﺎﺋﯩﻠﯩﺴﯩﻨﻰ ﺑﯩﺮ ﺑﻪﮔﻠﯩﻚ ﻗﯩﻠﯩﭗ ، ﺑﯘ ﺑﻪﮔﻠﯩﻜﻜﻪ ﻣﻮﻟﻼ ﺋﯩﺴﻬﺎﻗﻨﻰ ﺑﻪﮒ ﻗﯩﻠﯩﭗ ﺳﺎﻳﻼﻳﺪﯗ .ﺷﯘﻧﯩﯖﺪﯨﻦ ﻛﯧﻴﯩﻦ ﺧﻪﻟﻖ ﻣﻮﻟﻼ ﺋﯩﺴﻬﺎﻗﻨﻰ ﺋﯩﺴﻬﺎﻕ ﺑﻪﮒ ﺩﻩﭖ ﺋﺎﺗﯩﺸﯩﺪﯗ . 1933-ﻳﯩﻠﻰ 3- ﺋﺎﻳﻨﯩﯔ ﺋﺎﺧﯩﺮﻟﯩﺮﻯ ﺋﻮﺳﻤﺎﻥ ﺋﯧﻠﻰ ﻗﯩﺴﻤﻰ ﻗﻪﺷﻘﻪﺭﻧﻰ ﺋﯩﺸﻐﺎﻝ ﻗﯩﻠﻐﺎﻧﺪﯨﻦ ﻛﯧﻴﯩﻦ ، ﺋﯩﺴﻬﺎﻕ ﺑﻪﮒ ﭘﻪﻳﺠﺎﯓ ﺑﻮﻟﯩﺪﯗ .

1933-ﻳﯩﻠﻰ 4-ﺋﺎﻳﻨﯩﯔ 8- ﻛﯜﻧﻰ ﺗﯚﻣﯜﺭ ﺋﯧﻠﻰ ﻗﻮﺷﯘﻧﻰ ﻗﻪﺷﻘﻪﺭﮔﻪ ﻳﯧﺘﯩﭗ ﻛﻪﻟﮕﻪﻧﺪﯨﻦ ﻛﯧﻴﯩﻦ ، ﺋﯩﺴﻬﺎﻕ ﺑﻪﮔﻨﯩﯔ ﺋﺎﺩﯨﻤﻰ 200 ﮔﻪ ﻳﯧﺘﯩﭗ ،ﺋﯘﻧﯩﯔ ﻗﯩﺴﻤﻰ ﺑﯩﺮ ﭘﻮﻟﻚ ﺑﻮﻟﯘﭖ ، ﺋﯚﺯﮔﻪﺭﺗﯩﭗ ﺗﻪﺷﻜﯩﻞ ﻗﯩﻠﯩﻨﯩﺪﯗ ﯞﻩ «ﺑﯩﺮﯨﻨﭽﻰ ﭘﻮﻟﻚ » ﺩﻩﭖ ﺋﺎﺗﯩﻠﯩﺪﯗ .

ﺋﯩﺴﻬﺎﻕ ﺑﻪﮒ ﺷﯘﻧﯩﯖﺪﯨﻦ ﻛﯧﻴﯩﻦ ﻧﺎﻡ ﭼﯩﻘﯩﺮﯨﺪﯗ ، ﺧﻪﻟﻖ ﺋﯘﻧﻰ ﻫﯩﻤﺎﻳﻪ ﻗﯩﻠﯩﺪﯗ ، ﺋﯘﻧﯩﯔ ﺋﺎﺑﺮﻭﻳﯩﻨﯩﯔ ﻛﯜﻧﺪﯨﻦ -ﻛﯜﻧﮕﻪ ﺋﯚﺳﯜﺷﻰ ﺷﯧﯔ ﺷﯩﺴﻪﻱ ﻫﯚﻛﯜﻣﯩﺘﯩﻨﻰ ﺑﯩﺌﺎﺭﺍﻡ ﻗﯩﻠﯩﺪﯗ . ﺑﯘﻧﯩﯔ ﺑﯩﻠﻪﻥ ﺷﯧﯔ ﺷﯩﺴﻪﻱ ﺋﯘﻧﯩﯔ ﻗﯩﺴﻤﯩﻨﻰ ﺗﺎﺭﻗﯩﺘﯩﯟﯦﺘﯩﭗ ،ﺋﯘﻧﻰ ﺋﯘﻟﯘﻏﭽﺎﺕ ﻧﺎﻫﯩﻴﯩﺴﯩﮕﻪ ﻫﺎﻛﯩﻢ ﻗﯩﻠﯩﭗ ﺑﻪﻟﮕﯩﻠﻪﻳﺪﯗ .

ﺋﯩﺴﻬﺎﻕ ﺑﻪﮒ ﻗﯩﺴﯩﻤﺪﯨﻦ ﺋﺎﻳﺮﯨﻠﯩﭗ ﻫﺎﻛﯩﻢ ﺑﻮﻟﻐﺎﻧﺪﯨﻦ ﻛﯧﻴﯩﻦ ، ﺑﯩﺮﯨﻨﭽﯩﺪﯨﻦ ،ﺧﻪﻟﻖ ﺋﯜﺳﺘﯩﺪﯨﻜﻰ ﺋﯧﻐﯩﺮ ﺋﺎﻟﯟﺍﻥ - ﻳﺎﺳﺎﻗﻨﻰ ﻳﻪﯕﮕﯩﻠﻠﯩﺘﯩﺪﯗ ،ﺋﻮﺭﯗﻧﺴﯩﺰ ﺋﺎﻟﯟﺍﻧﻼﺭﻧﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯨﺪﯗ ، ﺑﺎﺝ -ﺗﯚﻟﻪﻣﻠﻪﺭﻧﻰ ﻧﻮﻗﺘﯩﻠﯩﻖ ﺋﺎﺯﺍﻳﺘﯩﺪﯗ . ﺋﯩﻜﻜﯩﻨﭽﯩﺪﯨﻦ ،ﺋﯘﻟﯘﻏﭽﺎﺕ ﻧﺎﻫﯩﻴﯩﺴﯩﺪﯨﻜﻰ ﭼﺎﺭﯞﯨﭽﻰ -ﺩﯦﻬﻘﺎﻧﻼﺭﻧﯩﯔ ﺗﯘﺭﻣﯘﺷﯩﻨﻰ ﻛﯚﺯﺩﯨﻦ ﻛﻪﭼﯜﺭﯛﭖ ،ﻛﻪﻣﺒﯩﻐﻪﻟﻠﻪﺭﻧﻰ ﻗﯘﺗﻘﯘﺯﯗﺵ ، ﺋﯚﻱ - ﻣﺎﻛﺎﻧﻼﺷﺘﯘﺭﯗﺵ ،ﺗﯧﺮﯨﻘﭽﯩﻠﯩﻘﻨﻰ ﺋﯚﮔﯜﺗﯜﺵ ﻗﺎﺗﺎﺭﻟﯩﻖ ﺋﯩﺸﻼﺭﻧﻰ ﭘﯩﻼﻧﻼﻳﺪﯗ . ﻧﺎﻫﯩﻴﻪ ﻣﺎﻟﯩﻴﯩﺴﯩﺪﯨﻦ ﭘﯘﻝ ﺋﺎﺟﯩﺮﺗﯩﺶ ﺑﯩﻠﻪﻥ ﺑﯩﻠﻠﻪ ،ﻛﻪﯓ ﻛﯚﻟﻪﻣﺪﻩ ﺋﯩﺌﺎﻧﻪ ﺗﻮﭘﻼﭖ ﯞﻩ ﻫﯚﻛﯜﻣﻪﺗﺘﯩﻦ ﻳﺎﺭﺩﻩﻡ ﺳﻮﺭﺍﺵ ،ﺋﯚﺷﺮﻩ - ﺯﺍﻛﺎﺕ ﻳﯩﻐﯩﺶ ﺋﺎﺭﻗﯩﻠﯩﻖ ﻧﯘﺭﻏﯘﻥ ﻣﻪﺑﻠﻪﻍ ﺗﻮﭘﻼﭖ ﺧﻮﺗﻪﻥ ، ﻟﻮﭖ ، ﻗﺎﻏﯩﻠﯩﻖ ، ﺗﺎﺷﻘﻮﺭﻏﺎﻥ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻦ ﻗﻮﻱ -ﻛﺎﻻ ﺳﯧﺘﯩﯟﺍﻟﯩﺪﯗ ، ﺧﻪﻟﻖ ﺋﺎﻣﻤﯩﺴﯩﻨﻰ ﺑﻮﺯ ﻳﻪﺭ ﺋﯧﭽﯩﭗ ، ﺋﯚﺳﺘﻪﯓ ﭼﯧﭙﯩﺸﻘﺎ ﺳﻪﭘﻪﺭﯞﻩﺭ ﻗﯩﻠﯩﺪﯗ ، ﻛﯚﭘﻠﯩﮕﻪﻥ ﺋﯚﻳﻠﻪﺭﻧﻰ ﺳﯧﻠﯩﭗ ، ﺷﯩﻨﺠﺎﯕﺪﯨﻜﻰ ﻗﯩﺮﻏﯩﺰﻻﺭ ﺗﺎﺭﯨﺨﯩﺪﺍ ﺗﯘﻧﺠﻰ ﺑﻮﻟﯘﭖ ﭘﻪﻧﻨﯩﻲ ﻣﻪﻛﺘﻪﭖ ﺋﺎﭼﯩﺪﯗ . 1940-ﻳﯩﻠﯩﻨﯩﯔ ﺋﺎﺧﯩﺮﺩﺍ ﺷﯧﯔ ﺷﯩﺴﻪﻱ ﺋﯩﺴﻬﺎﻕ ﺑﻪﮔﻨﻰ ﻗﺎﺯﺍﻕ - ﻗﯩﺮﻏﯩﺰ ﺋﻮﻳﯘﺷﻤﯩﺴﯩﻐﺎ ﺭﻩﺋﯩﺲ ﻗﯩﻠﯩﺶ ﺑﺎﻫﺎﻧﯩﺴﻰ ﺑﯩﻠﻪﻥ ﺋﯜﺭﯛﻣﭽﯩﮕﻪ ﭼﺎﻗﯩﺮﺗﯩﭗ ﻧﻪﺯﻩﺭ ﺑﻪﻧﺖ ﻗﯩﻠﯩﺪﯗ .

1942- ﻳﯩﻠﻰ 1- ﺋﺎﻳﺪﺍ ﺳﯘﯓ ﻣﯧﻴﻠﯩﯔ ﯞﻩ ﺟﯘ ﺷﺎﯞﻟﯩﻴﺎﯕﻼﺭ ﺷﯩﻨﺠﺎﯕﻐﺎ ﻛﯧﻠﯩﭗ ،ﺷﯧﯔ ﺷﯩﺴﻪﻱ ﺑﯩﻠﻪﻥ ﺗﯩﻞ ﺑﯩﺮﯨﻜﺘﯜﺭﯛﭖ ، ﮔﻮﻣﯩﻨﺪﺍﯓ ﭘﯩﺮﻗﯩﺴﯩﻨﻰ ﻗﯘﺭﻏﺎﻧﻠﯩﻘﯩﻨﻰ ﺭﻩﺳﻤﯩﻲ ﺋﯧﻼﻥ ﻗﯩﻠﯩﺪﯗ . ﺑﯘ ﭼﺎﻏﺪﺍ ﻫﯩﻴﻠﯩﮕﻪﺭ ﺷﯧﯔ ﺷﯩﺴﻪﻱ ﯞﺍﻗﯩﺘﻠﯩﻖ ﻳﻮﻝ ﻗﻮﻳﯘﺵ ﺳﯩﻴﺎﺳﯩﺘﯩﻨﻰ ﻳﯘﺭﮔﯜﺯﮔﻪﻧﺪﻩﻙ ﻗﯩﻠﯩﭗ ، ﺋﯩﺴﻬﺎﻕ ﺑﻪﮔﻨﻰ ﺋﯩﻠﻰ ﻗﯩﺮﻏﯩﺰ -ﻗﺎﺯﺍﻕ ﺋﻮﻳﯘﺷﻤﯩﺴﯩﻐﺎ ﺭﻩﺋﯩﺲ ﻗﯩﻠﯩﭗ ﺑﻪﻟﮕﯩﻠﻪﻳﺪﯗ . ﺋﯩﺴﻬﺎﻕ ﺑﻪﮒ ﺭﻩﺋﯩﺲ ﺑﻮﻟﻐﺎﻧﺪﯨﻦ ﻛﯧﻴﯩﻦ ،ﻣﻪﺩﻩﻧﯩﻴﻪﺕ - ﻣﺎﺋﺎﺭﯨﭗ ﺋﯩﺸﻠﯩﺮﯨﻐﺎ ﺋﺎﻻﻫﯩﺪﻩ ﻛﯚﯕﯜﻝ ﺑﯚﻟﯜﭖ ، ﺋﻮﻳﯘﺷﻤﺎ ﺧﯩﺰﻣﯩﺘﯩﻨﻰ ﻛﯚﺭﯛﻧﻪﺭﻟﯩﻚ ﻳﺎﺧﺸﯩﻼﻳﺪﯗ .ﻛﯧﻴﯩﻦ ﺷﯧﯔ ﺷﯩﺴﻪﻱ ﺋﯚﺯﯨﻨﯩﯔ ﻫﻪﻗﯩﻘﻰ ﺋﻪﭘﺘﻰ- ﺑﻪﺷﯩﺮﺳﯩﻨﻰ ﺋﺎﺷﻜﺎﺭﻻﭖ ،ﺟﺎﻟﻼﺗﻠﯩﻖ ﻗﯧﻠﯩﭽﯩﻨﻰ ﻗﺎﻳﺘﺎ ﻗﻮﻟﯩﻐﺎ ﺋﺎﻟﯩﺪﯗ . ﺋﯘ ،ﺋﯩﻠﻰ ﺭﺍﻳﯘﻧﯩﻐﺎ ﺑﻮﻟﻐﺎﻥ ﻫﻪﺭﺑﯩﻲ -ﺳﯩﻴﺎﺳﻰ ﻧﺎﺯﺍﺭﻩﺗﻨﻰ ﻛﯜﭼﻪﻳﺘﯩﭗ ، ﺋﯩﻠﻰ -ﺋﯜﺭﯛﻣﭽﻰ ﺋﺎﺭﻟﯩﻘﯩﻐﺎ ﻛﯚﭘﻠﻪﭖ ﺋﻪﺳﻜﻪﺭ ﺗﯘﺭﻏﯘﺯﯨﺪﯗ .

ﯞﻩﺯﯨﻴﻪﺗﻨﻰ ﺑﺎﻳﻘﯩﻐﺎﻥ ﺋﯩﺴﻬﺎﻕ ﺑﻪﮒ 1943-ﻳﯩﻠﻰ 4- ﺋﺎﻳﺪﺍ ﺋﯚﺯﯨﻨﯩﯔ ﻳﯧﻘﯩﻦ ﺋﺎﺩﻩﻣﻠﯩﺮﯨﺪﯨﻦ ﺋﯩﻜﻜﻨﻰ ﺋﯧﻠﯩﭗ ،ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﯩﻐﺎ ﺋﯚﺗﯜﭖ ﻛﯧﺘﯩﺪﯗ . ﺋﯩﺴﻬﺎﻕ ﺑﻪﮒ ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﯩﻐﺎ ﭼﯩﻘﯩﭗ ، ﺋﯘ ﻳﻪﺭﺩﻩ ﺷﯩﻨﺠﺎﯕﻠﯩﻖ ﺋﯩﻠﻐﺎﺭﻻﺭﺩﯨﻦ ﺋﻪﺗﺮﻩﺕ ﺗﻪﺷﻜﯩﻠﻠﻪﻳﺪﯗ ﯞﻩ ﺑﯘ ﺋﻪﺗﺮﻩﺗﻜﻪ ﺋﯚﺯﻯ ﺑﯩﯟﺍﺳﺘﻪ ﺭﻩﻫﺒﻪﺭﻟﯩﻚ ﻗﯩﻠﯩﺪﯗ .

ﺋﯩﺴﻬﺎﻕ ﺑﻪﮒ 200ﺩﯨﻦ ﺋﺎﺭﺗﯘﻕ ﻗﻮﺭﺍﻟﻼﻕ ﺋﻪﺳﻜﻪﺭ ﺑﯩﻠﻪﻥ ﺳﯩﻤﺨﺎﻧﺎ ﭼﯧﮕﺮﯨﺴﯩﻐﺎ ﻳﯧﻘﯩﻦ ﻳﻪﺭﺩﻩ ﻫﻪﺭﺑﯩﻲ ﻫﺎﺯﯨﺮﻟﯩﻖ ﯞﻩ ﻣﻪﺷﯩﻖ ﺋﯧﻠﯩﭗ ﺑﺎﺭﯨﺪﯗ . ﻫﯘﺟﯘﻡ ﺑﺎﺷﻼﺷﺘﯩﻦ ﺋﯩﻜﻜﻰ ﻛﯜﻥ ﺋﯩﻠﮕﯩﺮﻯ ،ﺧﺎﺋﯩﻦ ﺗﺎﻏﺎﻱ ﺋﯘﺭﯗﺵ ﭘﯩﻼﻧﯩﻨﻰ ﮔﻮﻣﯩﻨﺪﺍﯓ ﻫﯚﻛﯜﻣﯩﺘﯩﮕﻪ ﺋﺎﺷﻜﺎﺭﻻﭖ ﻗﻮﻳﯩﺪﯗ . ﺷﯘﻧﯩﯔ ﺑﯩﻠﻪﻥ ﮔﻮﻣﯩﻨﺪﺍﯕﻨﯩﯔ ﺷﯩﻤﺎﻟﯩﻲ ﺷﯩﻨﺠﺎﯕﺪﯨﻜﻰ ﺑﯩﺮ ﻗﯩﺴﯩﻢ ﻫﺎﺭﺑﯩﻲ ﻛﯜﭼﻰ ﺟﻪﻧﯘﺑﯩﻲ ﺷﯩﻨﺠﺎﯕﻐﺎ ﻳﯚﺗﻜﯩﻠﯩﺪﯗ . ﺑﯘ ﭼﺎﻏﺪﺍ ﺋﯩﺴﻬﺎﻕ ﺑﻪﮒ ﺋﯩﻠﯩﺪﯨﻜﻰ ﺗﻪﺷﻜﯩﻼﺕ ﺑﯩﻠﻪﻥ ﻣﯘﻧﺎﺳﯩﯟﻩﺕ ﺑﺎﻏﻼﭖ ، ﻗﻮﺯﻏﯩﻼﯕﻨﯩﯔ ﻛﯚﺗﯜﺭﯛﻟﯜﺵ ﯞﺍﻗﺘﯩﻨﻰ 1944-ﻳﯩﻠﻰ 11- ﺋﺎﻱ ﻗﯩﻠﯩﭗ ﺑﯧﻜﯩﺘﯩﺪﯗ .

1944-ﻳﯩﻠﻰ ﺧﻪﺗﻪﺭﻟﯩﻚ ﺋﻪﻫﯟﺍﻝ ﯞﻩ ﯞﻩﺯﯨﻴﻪﺕ ﺗﻪﻗﻪﺯﺯﺍﺳﻰ ﺑﯩﻠﻪﻥ ﻧﯩﻠﻘﺎ ﻧﺎﻫﯩﻴﯩﺴﯩﺪﯨﻦ ﻏﯧﻨﻰ ،ﭘﺎﺗﯩﺦ ، ﺋﻪﻛﺒﻪﺭ ﺑﺎﺗﯘﺭﻻﺭ ﺑﺎﺷﻼﻣﭽﯩﻠﯩﻘﯩﺪﺍ ﻗﻮﺭﺍﻟﻠﯩﻖ ﻗﻮﺯﻏﯩﻼﯓ ﻛﯚﺗﯜﺭﯛﻟﯩﺪﯗ ، ﺷﻪﺭﻗﯩﻲ ﺑﻪﺵ ﻧﺎﻫﯩﻴﻪ ﻧﺎﻫﺎﻳﯩﺘﻰ ﺗﯧﺰﻻ ﻗﻮﺯﻏﯩﻼﯕﭽﯩﻼﺭ ﻗﻮﻟﯩﻐﺎ ﺋﯚﺗﯩﺪﯗ . ﺑﯘ ﭼﺎﻏﺪﺍ ﮔﻮﻣﯩﻨﺪﺍﯓ ﻏﯘﻟﺠﺎ ﺷﻪﻫﺮﯨﺪﯨﻜﻰ ﺑﯩﺮ ﺑﯚﻟﯜﻡ ﻗﯩﺴﻤﯩﻨﻰ ﺗﺎﻏﻘﺎ ﻳﯚﺗﻜﻪﭖ ، ﻗﻮﺯﻏﯩﻼﯕﻨﻰ ﺗﯩﻨﺠﯩﺘﻤﺎﻗﭽﻰ ﺑﻮﻟﯩﺪﯗ . ﻣﯘﺷﯘﻧﺪﺍﻕ ﺟﯩﺪﺩﯨﻲ ﭘﻪﻳﺘﺘﻪ ﺋﺴﯩﻬﺎﻕ ﺑﻪﮒ ﭼﻮﯓ ﻗﯩﺴﻤﯩﻨﻰ ﺑﺎﺷﻼﭖ ﻏﯘﻟﺠﯩﻐﺎ ﻳﯧﺘﯩﭗ ﻛﯧﻠﯩﺪﯗ .

ﺋﯩﺴﻬﺎﻕ ﺑﻪﮒ ﻗﯩﺴﻤﻰ ﺋﯩﻠﻰ ﺳﯩﻠﯩﯖﺒﯘﺳﻰ ، ﻟﻪﯕﺸﺎﯓ ، ﺳﯜﻳﺪﯛﯓ ، ﻛﻪﯕﺴﺎﻱ ، ﺟﯩﯔ ، ﺷﯩﺨﯘ ، ﺗﻮﻏﺮﺍ ﺳﯘ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻜﻰ ﺋﯘﺭﯗﺷﻼﺭﺩﺍ ﺋﯚﺯ ﻣﺎﻫﺎﺭﯨﺘﯩﻨﻰ ﺋﯩﺸﻘﺎ ﺳﯧﻠﯩﭗ ، ﮔﻮﻣﯩﻨﺪﺍﯓ ﻗﯩﺴﯩﻤﻠﯩﺮﯨﻨﻰ ﺋﯘﺳﺘﻰ- ﺋﯜﺳﺘﯩﻠﻪﭖ ﻣﻪﻏﻠﯘﭖ ﻗﯩﻠﯩﺪﯗ . ﺋﺎﻻﻗﯩﺰﺍﺩﻩ ﺑﻮﻟﯘﺷﻘﺎﻥ ﮔﻮﻣﯩﻨﺪﺍﯓ ﻫﻪﺭﺑﯩﻲ -ﻣﻪﻣﯘﺭﻟﯩﺮﻯ ﺋﯜﭺ ﯞﯨﻼﻳﻪﺕ ﺧﻪﻟﻘﻨﯩﯔ ﻗﺎﻗﺸﺎﺗﻘﯘﭺ ﺯﻩﺭﺑﯩﺴﯩﮕﻪ ﺑﻪﺭﺩﺍﺷﻠﯩﻖ ﺑﯧﺮﻩﻟﻤﻪﻳﺪﯗ .

1945-ﻳﯩﻠﻰ 1-ﺋﺎﻳﺪﺍ ﺋﯩﺴﻬﺎﻕ ﺑﻪﮒ ﺋﯜﭺ ﯞﯨﻼﻳﻪﺕ ﺋﯩﻨﻘﯩﻼﺑﯩﺪﯨﻜﻰ ﺟﻪﻧﯘﺑﯩﻲ ﻓﯩﺮﻭﻧﺘﻘﺎ ﻣﻪﺳﺌﯘﻝ ﺑﻮﻟﯩﺪﯗ ، ﺗﯧﻜﻪﺳﺘﻪ ﺋﺎﺗﻠﯩﻖ ﺑﯩﺮﮔﺎﺩﺍ ﻗﯘﺭﯗﻟﯘﭖ ،ﺑﯩﺮﮔﺎﺩﯨﺮ ﺑﻮﻟﯩﺪﯗ .1945-ﻳﯩﻠﻰ 4-ﺋﺎﻳﻨﯩﯔ 8-ﻛﯜﻧﻰ ﺋﯜﭺ ﯞﯨﻼﻳﻪﺕ ﻣﯩﻠﻠﯩﻲ ﺋﺎﺭﻣﯩﻴﯩﺴﻰ ﻗﯘﺭﯗﻟﯩﺪﯗ . ﺑﯘ ﭼﺎﻏﺪﺍ ﺋﯩﺴﻬﺎﻕ ﺑﻪﮒ ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺑﺎﺵ ﻗﻮﻣﺎﻧﺪﺍﻧﻠﯩﻘﯩﻐﺎ ﺗﻪﻳﯩﻨﻠﯩﻨﯩﺪﯗ ، ﺋﯘﻧﯩﯖﻐﺎ ﮔﯧﻨﯧﺮﺍﻝ ﻟﯧﻴﺘﯧﻨﺎﻧﺘﻠﯩﻖ ﺋﻮﻧﯟﺍﻧﻰ ﺑﯧﺮﯨﻠﯩﺪﯗ .

ﺋﯜﭺ ﯞﯨﻼﻳﻪﺕ ﺭﻩﻫﺒﻪﺭﻟﯩﺮﻯ ﯞﻩ ﮔﯧﻨﯧﺮﺍﻝ ﻟﯧﻴﺘﯧﻨﺎﻧﺖ ﺋﯩﺴﻬﺎﻕ ﺑﻪﮒ 1945-ﻳﯩﻠﻰ 8-ﺋﺎﻳﻨﯩﯔ 15-ﻛﯜﻧﻰ ﺟﻪﻧﯘﺑﯩﻲ ﺷﯩﻨﺠﺎﯓ ﺧﻪﻟﻘﻨﯩﯔ ﮔﻮﻣﯩﻨﺪﺍﯓ ﺋﻪﻛﺴﯩﻴﻪﺗﭽﯩﻠﯩﺮﯨﮕﻪ ﻗﺎﺭﺷﻰ ﻗﻮﺯﻏﯩﻠﯩﯖﯩﻐﺎ ﻳﯧﺘﻪﻛﭽﯩﻠﯩﻚ ﻗﯩﻠﯩﭗ ، ﻓﺎﺷﯩﺰﯨﻤﻐﺎ ﻗﺎﺭﺷﻰ ﻛﯜﺭﻩﺷﻨﯩﯔ ﻏﻪﻟﺒﯩﺴﯩﻨﻰ ﮔﻮﻣﯩﻨﺪﺍﯓ ﺋﻪﻛﺴﯩﻴﻪﺗﭽﻰ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ ﻗﻮﺭﺍﻟﻠﯩﻖ ﻛﯜﺭﻩﺵ ﺑﯩﻠﻪﻥ ﻛﯜﺗﯩﯟﺍﻟﯩﺪﯗ . 1946-ﻳﯩﻠﻰ 3-ﺋﺎﻳﻨﯩﯔ 20-ﻛﯜﻧﻰ ﺋﯚﺯﻯ ﺑﯩﯟﺍﺳﺘﻪ ﺗﺎﺷﻘﻮﺭﻏﺎﻧﻐﺎ ﺑﯧﺮﯨﭗ ،ﺗﺎﻏﺎﺭﻣﺎ ، ﭼﯩﻞ ﮔﯜﻣﺒﻪﺯ ، ﺯﻩﺭﻩﭘﺸﺎﻥ ﺩﻩﺭﻳﺎﺳﻰ ﺑﻮﻳﯩﺪﺍ ﻗﻮﻣﺎﻧﺪﺍﻧﻠﯩﻖ ﺷﯩﺘﺎﺑﻰ ﻗﯘﺭﯗﭖ ،، ﺋﯩﻨﻘﯩﻼﺑﻘﺎ ﺑﯩﯟﺍﺳﺘﻪ ﺭﻩﻫﺒﻪﺭﻟﯩﻚ ﻗﯩﻠﯩﺪﯗ ﯞﻩ ﻗﯩﺴﯩﻤﻼﺭﻧﻰ ﺭﻩﺗﻠﻪﭖ ،ﺟﻪﻧﯘﺑﯩﻲ ﺷﯩﻨﺠﺎﯕﺪﺍ ﻣﯩﻠﻠﯩﻲ ﺋﺎﺭﻣﯩﻴﻪ ﻗﯘﺭﯗﺵ ﺧﯩﺰﻣﯩﺘﯩﻨﻰ ﺋﯩﺸﻠﻪﻳﺪﯗ .

1946-ﻳﯩﻠﻰ 7- ﺋﺎﻳﺪﺍ ﮔﻮﻣﯩﻨﺪﺍﯓ ﺗﻪﺭﻩﭖ ﺑﯩﻠﻪﻥ ﺋﯜﭺ ﯞﯨﻼﻳﻪﺕ ﺗﻪﺭﻩﭖ ﺑﯩﺮﻟﻪﺷﻤﻪ ﻫﻜﯚﯛﻣﻪﺕ ﻗﯘﺭﻏﺎﻧﺪﺍ ﺋﯘ ﺷﯩﻨﺠﺎﯓ ﺋﯚﻟﻜﯩﺴﯩﻨﯩﯔ ﺋﺎﻣﺎﻧﻠﯩﻖ ﺳﺎﻗﻼﺵ ﻗﻮﻣﺎﻧﺪﺍﻧﻰ ﺑﻮﻟﯩﺪﯗ .1947-ﻳﯩﻠﻰ ﮔﻮﻣﯩﻨﺪﺍﯓ ﺋﻪﻛﺴﯩﻴﻪﺗﭽﻰ ﻫﯚﻛﯜﻣﯩﺘﻰ 11 ﻣﺎﺩﺩﯨﻠﯩﻖ ﺗﯧﻨﯩﭽﻠﯩﻖ ﺑﯧﺘﯩﻤﯩﻨﻰ ﻳﯩﺮﺗﯩﭗ ﺗﺎﺷﻼﻳﺪﯗ . ﮔﯧﻨﯧﺮﺍﻝ ﺋﯩﺴﻬﺎﻕ ﺑﻪﮒ ﺋﯜﭺ ﯞﯨﻼﻳﻪﺕ ﺭﻩﻫﺒﻪﺭﻟﯩﺮﻯ ﺑﯩﻠﻪﻥ ﺑﯩﺮﻟﯩﻜﺘﻪ ﺋﯜﭺ ﯞﯨﻼﻳﻪﺗﻨﯩﯔ ﺋﯩﻘﺘﯩﺴﺎﺩﯨﻲ ، ﻣﻪﺩﻩﻧﯩﻴﻪﺕ ﻗﯘﺭﯗﻟﯘﺵ ﺋﯩﺸﻠﯩﺮﯨﻐﺎ ﯞﻩ ﺋﺎﺭﻣﯩﻴﻪ ﺧﯩﺰﻣﯩﺘﯩﮕﻪ ﻣﻪﺳﺌﯘﻝ ﺑﻮﻟﻐﺎﻧﺪﺍ ، ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻐﻰ ، ﻣﯩﻠﻠﻪﺗﻠﻪﺭ ﻣﻪﺩﻩﻧﯩﻴﯩﺘﻰ ، ﻣﻪﺩﻩﻧﯩﻴﻪﺕ -ﻣﺎﺋﺎﺭﯨﭗ ،ﺧﻪﻟﻖ ﺗﯘﺭﻣﯘﺷﻰ ﻗﺎﺗﺎﺭﻟﯩﻖ ﺳﺎﻫﻪﻟﻪﺭﺩﻩ ﻛﯚﺭﯛﻧﻪﺭﻟﯩﻚ ﻧﻪﺗﯩﺠﻪ ﻳﺎﺭﯨﺘﯩﺪﯗ .ﺋﯩﻠﻰ ، ﻗﻪﺷﻘﻪﺭ ، ﻣﻮﯕﻐﯘﻟﻜﯜﺭﻩﻟﻪﺭﺩﻩ ﻗﯘﺭﯗﻟﻐﺎﻥ ﻫﻪﺭﺑﯩﻲ ﻣﻪﻛﺘﻪﭘﻠﻪﺭﮔﻪ ﺑﯩﯟﺍﺳﺘﻪ ﻳﯧﺘﻪﻛﭽﯩﻠﯩﻚ ﻗﯩﻠﯩﺪﯗ ، ﻫﯚﻛﯜﻣﻪﺕ ﺋﯚﺯﯨﮕﻪ ﺗﻪﻗﺪﯨﻢ ﻗﯩﻠﻐﺎﻥ ﻗﻮﺭﻭ- ﺟﺎﻳﻨﻰ ﻣﻪﻛﺘﻪﭘﻜﻪ ﺗﻪﻗﺪﯨﻢ ﻗﯩﻠﯩﺪﯗ .

ﺑﺎﺵ ﻗﻮﻣﺎﻧﺪﺍﻥ ﺋﯩﺴﻬﺎﻕ ﺑﻪﮒ 1949-ﻳﯩﻠﻰ 8 -ﺋﺎﻳﻨﯩﯔ 27-ﻛﯜﻧﻰ ﻣﻪﻣﻠﯩﻜﻪﺗﻠﯩﻚ ﺗﯘﻧﺠﻰ ﻧﯚﯞﻩﺗﻠﯩﻚ ﺳﯩﻴﺎﺳﯩﻲ ﻛﯧﯖﻪﺵ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﺶ ﺋﯜﭼﯜﻥ ﺑﯧﻴﺠﯩﯖﻐﺎ ﻛﯧﺘﯩﯟﺍﺗﻘﺎﻧﺪﺍ ،ﺋﺎﻳﺮﯗﭘﯩﻼﻥ ﻫﺎﺩﯨﺴﯩﺴﯩﮕﻪ ﺋﯘﭼﺮﺍﭖ ، ﺋﯜﭺ ﯞﯨﻼﻳﻪﺕ ﺋﯩﻨﻘﯩﻼﺑﯩﻨﯩﯔ ﺑﺎﺷﻘﺎ ﺭﻩﻫﺒﻪﺭﻟﯩﺮﻯ ﺑﯩﻠﻪﻥ ﺑﯩﻠﻠﻪ ﻗﺎﺯﺍ ﻗﯩﻠﯩﺪﯗ .

ﮔﯧﻨﯧﺮﺍﻝ ﻣﺎﻳﻮﺭ ﺩﻩﻟﯩﻠﻘﺎﻥ ﺳﯘﮔﯘﺭﺑﺎﻳﻮﻑ

ﺩﻩﻟﯩﻠﻘﺎﻥ ﺳﯘﮔﯘﺭﺑﺎﻳﻮﻑ 1906-ﻳﯩﻠﻰ ﻗﯘﺑﺪﯗﺩﺍ ﭼﺎﺭﯞﯨﭽﻰ ﺋﺎﺋﯩﻠﯩﺴﯩﺪﻩ ﺩﯗﻧﻴﺎﻏﺎ ﻛﻪﻟﮕﻪﻥ . 1933-ﻳﯩﻠﻰ ﻣﺎﺟﯘﯕﻴﯩﯔ ﻗﯩﺴﻤﯩﺪﯨﻜﻰ ﻣﺎﺧﻪﻳﺒﯩﯔ ﻗﻮﺷﯘﻧﻰ ﺋﺎﻟﺘﺎﻳﺪﺍ ﻗﯩﺮﻏﯩﻨﭽﯩﻠﯩﻖ ﻗﯩﻠﻐﺎﻧﺪﺍ ،ﺋﯘ ﻣﺎﺧﻪﻳﺒﯩﯔ ﺑﺎﻧﺪﯨﺘﻠﯩﺮﯨﻐﺎ ﻗﺎﺭﺷﻰ ﻗﻮﺭﺍﻟﻠﯩﻖ ﻛﯜﺭﻩﺷﻜﻪ ﻗﺎﺗﻨﺎﺷﻘﺎﻥ .

1937-ﻳﯩﻠﻰ ﺟﯘﯕﮕﻮ ﮔﯘﯕﭽﻪﻧﺪﺍﯕﯩﻨﯩﯔ ﺗﻪﺳﯩﺮﻯ ﺑﯩﻠﻪﻥ ﭘﯜﺗﯜﻥ ﺷﯩﻨﺠﺎﯕﺪﺍ ﻳﺎﭘﻮﻧﻐﺎ ﻗﺎﺭﺷﻰ ﻣﯩﻠﻠﯩﻲ ﺑﯩﺮﻟﯩﻚ ﺳﻪﭖ ﻗﯘﺭﯗﻟﻐﺎﻧﺪﺍ ، ﺩﻩﻟﯩﻠﻘﺎﻥ ﭼﺎﺭﯞﯨﭽﯩﻠﯩﻖ ﺭﺍﻳﯘﻧﻠﯩﺮﯨﺪﺍ ﻳﺎﭘﻮﻧﻐﺎ ﻗﺎﺭﺷﻰ ﺗﻪﺷﯟﯨﻘﺎﺕ ﺋﯧﻠﯩﭗ ﺑﺎﺭﻏﺎﻥ ﯞﻩ ﺋﺎﻟﺘﺎﻳﺪﯨﻜﻰ ﺟﺎﻫﺎﻧﮕﯩﺮﻟﯩﻜﻜﻪ ﻗﺎﺭﺷﻰ ﺋﯘﻳﯘﺷﻤﯩﻨﯩﯔ ﻏﻮﻟﻠﯘﻕ ﺋﻪﺯﺍﻟﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ .

1940-ﻳﯩﻠﻰ 9-ﺋﺎﻳﺪﺍ ﺩﻩﻟﯩﻠﻘﺎﻥ ﺋﺎﻟﺘﺎﻱ ﻧﺎﻫﯩﻴﯩﺴﯩﮕﻪ ﻣﯘﺋﺎﯞﯨﻦ ﻫﺎﻛﯩﻢ ﺑﻮﻟﻐﺎﻥ . 1941-ﻳﯩﻠﻰ ﺷﯧﯔ ﺷﯩﺴﻪﻱ ﻫﯚﻛﯜﻣﯩﺘﻰ ﺋﯩﻠﻐﺎﺭﻻﺭﻏﺎ ﺯﯨﻴﺎﻧﻜﻪﺷﻠﯩﻚ ﻗﯩﻠﯩﺸﻘﺎ ﺑﺎﺷﻠﯩﻐﺎﻧﺪﺍ ﺋﯘ ﺳﻮﯞﯦﺖ ﺋﯩﺘﺘﯩﭙﺎﻗﯩﻐﺎ ﻗﯧﭽﯩﭗ ﻛﯧﺘﯩﭗ ،ﺷﯘ ﻳﻪﺭﺩﻩ 1943-ﻳﯩﻠﯩﻐﯩﭽﻪ ﺋﻮﻗﯩﻐﺎﻥ . 1944-ﻳﯩﻠﻰ 6-ﺋﺎﻳﻨﯩﯔ ﺋﺎﺧﯩﺮﯨﺪﺍ ﺋﺎﻟﺘﺎﻳﻐﺎ ﻗﺎﻳﺘﯩﭗ ﻛﯧﻠﯩﭗ ، ﺗﺎﺭﻗﯩﻠﯩﭗ ﻛﻪﺗﻜﻪﻥ (ﺋﻪﺳﻠﯩﺪﯨﻜﻰ ) ﻗﻮﺭﺍﻟﻠﯩﻖ ﻗﯩﺴﻤﯩﻨﻰ ﻳﯩﻐﯩﭗ ﭼﺎﺭﯞﯨﭽﯩﻼﺭﺩﯨﻦ ﻗﻮﺭﺍﻟﻠﯩﻖ ﻗﻮﺷﯘﻥ ﺗﯜﺯﯛﭖ ،ﺷﯘ ﻳﯩﻠﻰ 10 ﺋﺎﻳﺪﺍ ،ﺩﻩﻟﯩﻠﻘﺎﻥ ﺋﺎﻟﺘﺎﻱ ﺋﯩﻨﻘﯩﻼﺑﯩﻲ ﯞﺍﻗﯩﺘﻠﯩﻖ ﻫﯚﻛﯜﻣﯩﺘﻰ ﻧﯩﯔ ﺭﻩﺋﯩﺴﻰ ، ﭘﺎﺭﺗﯩﺰﺍﻥ ﺋﻪﺗﺮﯨﺘﯩﻨﯩﯔ ﺑﺎﺵ ﻗﻮﻣﺎﻧﺪﺍﻧﻰ ﺑﻮﻟﻐﺎﻥ ﻫﻪﻡ ﮔﻮﻣﯩﻨﺪﺍﯓ ﺑﯩﻠﻪﻥ ﺑﻮﻟﻐﺎﻥ ﺋﯘﺭﯗﺷﻼﺭﺩﺍ ﺋﺎﻟﺘﺎﻳﻨﯩﯔ ﺑﯩﺮ ﻗﯩﺴﯩﻢ ﻳﯧﺮﯨﻨﻰ ﺩﯛﺷﻤﻪﻥ ﻗﻮﻟﯩﺪﯨﻦ ﺗﺎﺭﺗﯩﯟﯦﻠﯩﭗ ﺋﺎﺯﺍﺩ ﻗﯩﻠﻐﺎﻥ ﯞﻩ ﺋﺎﻟﺘﺎﻳﻨﯩﯔ ﺋﺎﺯﺍﺩﻟﯩﻘﻰ ﺋﯜﭼﯜﻥ ﺗﯚﻫﭙﻪ ﻗﻮﺷﻘﺎﻥ .1946-ﻳﯩﻠﻰ ﺋﺎﻟﺘﺎﻱ ﺋﺎﺯﺍﺩ ﺑﻮﻟﻐﺎﻧﺪﯨﻦ ﻛﯧﻴﯩﻦ ، ﺋﺎﻟﺘﺎﻱ ﻣﻪﻣﯘﺭﯨﻲ ﻣﻪﻫﻜﯩﻤﯩﺴﯩﻨﯩﯔ ﻣﯘﺋﺎﯞﯨﻦ ﯞﺍﻟﯩﻴﺴﻰ ،ﺋﺎﺗﻠﯩﻖ ﭘﻮﻟﻚ ﻛﻮﻣﺎﻧﺪﯨﺮﻯ ، ﺋﯜﭺ ﯞﯨﻼﻳﻪﺕ ﻣﯩﻠﻠﯩﻲ ﺋﺎﺭﻣﯩﻴﻪ ﻣﯘﺋﺎﯞﯨﻦ ﻗﻮﻣﺎﻧﺪﺍﻧﻰ ﻗﺎﺗﺎﺭﻟﯩﻖ ﯞﻩﺯﯨﭙﯩﻠﻪﺭﻧﻰ ﺋﯚﺗﯩﮕﻪﻥ . 1947-ﻳﯩﻠﻰ ﻣﯩﻠﻠﯩﻲ ﺋﺎﺭﻣﯩﻴﯩﮕﻪ ﻗﻮﻣﺎﻧﺪﺍﻧﻠﯩﻖ ﻗﯩﻠﯩﭗ ،ﺋﻮﺳﻤﺎﻥ ﺑﺎﻧﺪﯨﺘﻨﯩﯔ ﺋﺎﻟﺘﺎﻳﻐﺎ ﻗﯩﻠﻐﺎﻥ ﻫﯘﺟﯘﻣﯩﻨﻰ ﺗﺎﺭﻣﺎﺭ ﻗﯩﻠﻐﺎﻥ .1948-ﻳﯩﻠﻰ 8 -ﺋﺎﻳﺪﺍ ﺩﻩﻟﯩﻠﻘﺎﻥ « ﺷﯩﻨﺠﺎﯕﺪﺍ ﺗﯧﻨﯩﭽﻠﯩﻖ ﺧﻪﻟﯩﻘﭽﯩﻠﯩﻘﻨﻰ ﻫﯩﻤﺎﻳﻪ ﻗﯩﻠﯩﺶ ﺋﯩﺘﺘﯩﭙﺎﻗﻰ ﻣﻪﺭﻛﯩﺰﯨﻲ ﺗﻪﺷﻜﯩﻼﺗﻨﯩﯔ ﻫﻪﻳﺌﯩﺘﻰ ﺑﻮﻟﯘﭖ ،ﺋﺎﻟﺘﺎﻳﻨﯩﯔ ﺋﯩﻘﺘﯩﺴﺎﺩﯨﻲ ، ﻣﻪﺩﻩﻧﯩﻲ -ﻣﺎﺋﺎﺭﯨﭗ ﯞﻩ ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻘﻰ ﺋﯩﺸﻠﯩﺮﯨﻨﯩﯔ ﻳﺎﺧﺸﯩﻠﯩﻨﯩﺸﯩﻐﺎ ﺗﻮﻫﭙﻪ ﻗﻮﺷﻘﺎﻥ .

ﺩﻩﻟﯩﻠﻘﺎﻥ ﺳﯘﮔﯘﺭﺑﺎﻳﻮﻑ 1949-ﻳﯩﻠﻰ 8-ﺋﺎﻳﻨﯩﯔ 27- ﻛﯜﻧﻰ ﻣﻪﻣﻠﯩﻜﯩﺘﻠﯩﻚ ﺗﯘﻧﺠﻰ ﻧﯚﯞﻩﺗﻠﯩﻚ ﺳﯩﻴﺎﺳﯩﻲ ﻛﯧﯖﻪﺷﻨﯩﯔ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﺸﻘﺎ ﻛﯧﺘﯩﯟﯦﺘﯩﭗ ﺋﻪﺧﻤﻪﺗﺠﺎﻥ ﻗﺎﺳﯩﻤﻰ ﺑﺎﺷﻠﯩﻖ ﻛﯩﺸﯩﻠﻪﺭ ﺑﯩﻠﻪﻥ ﺑﯩﻠﻠﻪ ﺋﺎﻳﺮﻭﭘﯩﻼﻥ ﯞﻩﻗﻪﺳﯩﺪﻩ ﻗﯘﺭﺑﺎﻥ ﺑﻮﻟﻐﺎﻥ .

ﻣﻪﻧﺒﻪ: ﺷﯩﻨﺠﺎﯓ ﻳﯧﻘﯩﻨﻘﻰ ﺯﺍﻣﺎﻥ ﺗﺎﺭﯨﺨﯩﺪﯨﻜﻰ ﻣﻪﺷﻬﯘﺭ ﺷﻪﺧﺴﻠﻪﺭ~~ﺩﯨﻦ