ﻗﻪﺷﻘﻪﺭﺩﯨﻜﻰ ﺋﯩﻜﻜﻰ ﺩﺍﯕﻠﯩﻖ ﻣﻪﺩﺭﯨﺲ ﮬﻪﻗﻘﯩﺪﻩ ﺑﯩﻠﮕﻪﻧﻠﯩﺮﯨﻢ

ﻗﻪﺷﻘﻪﺭﺩﯨﻜﻰ ﺋﯩﻜﻜﻰ ﺩﺍﯕﻠﯩﻖ ﻣﻪﺩﺭﯨﺲ ﮬﻪﻗﻘﯩﺪﻩ ﺑﯩﻠﮕﻪﻧﻠﯩﺮﯨﻢ

ﻣﯘﮬﻪﻣﻤﻪﺩﺋﯩﻤﯩﻦ ﻗﯘﺭﺑﺎﻧﻰ (ﺋﯩﺸﻘﻰ)

ﻗﻪﺷﻘﻪﺭ ﺷﻪﮬﺮﯨﻨﯩﯔ ﺋﯚﺗﻤﯜﺷﯩﺪﻩ 17 ﻣﻪﺩﺭﯨﺲ (ﺋﺎﻟﻰ ﯞﻩ ﺋﻮﺗﺘﯘﺭﺍ ﺋﻮﻗﯘﺵ ﻳﯘﺭﺗﻰ)ﺑﺎﺭ ﺑﻮﻟﯘﭖ ،ﺑﯘﻧﯩﯖﺪﯨﻦ ﮬﯧﻴﺘﮕﺎﮬ ﻣﻪﺩﺭﯨﺴﻰ① ، ﺋﯚﻣﻪﺭ ﮬﯩﻜﯩﻢ ﺑﻪﮒﻣﻪﺩﺭﯨﺴﻰ② ،ﺗﺎﺝ ﮬﯧﻜﯩﻢ ﺑﻪﮒ ﻣﻪﺩﺭﯨﺴﻰ ③، ﺩﻭﺭﻏﺎ ﺑﻪﮒ ﻣﻪﺩﺭﯨﺴﻰ ④، ﺗﻮﺧﺘﻰ ﺧﻮﺟﺎ ﻣﻪﺩﺭﯨﺴﻰ ، '' ﻛﻪﻧﺠﺎﺯﺍ ''

ﻣﻪﺩﺭﯨﺴﻰ ⑤، ﺋﻪﮬﺮﺍﺭﺧﺎﻥ ﺗﯚﺭﻩﻡ ﻣﻪﺩﺭﯨﺴﻰ⑥ ، ﺗﺎﻏﺎﺭﭼﻰ ﻛﻮﭼﯩﺴﯩﺪﯨﻜﻰ ﻣﻪﺩﺭﯨﺲ⑦ ﺗﯩﻦ ﺋﯩﺒﺎﺭﻩﺕ ﻳﻪﺗﺘﻪ ﻣﻪﺩﺭﯨﺲ ﻗﻪﺷﻘﻪﺭ ﺷﻪﮬﺮﯨﻨﯩﯔ '' ﺗﺎﺷﻘﺎﺭﻗﻰ ﺷﻪﮬﻪﺭ '' ﺩﻩﭖ ﺋﺎﺗﺎﻟﻐﺎﻥ ﻗﯩﺴﯩﻤﯩﻐﺎ ﺟﺎﻳﻼﺷﻘﺎﻥ ، ﺷﯘﻧﯩﯖﺪﻩﻙ ﺩﯙﯓ ﻣﻪﺳﭽﯩﺘﺘﯩﻜﻰﻣﻪﺩﺭﯨﺲ⑧ ، ﯞﺍﯕﻠﯩﻖ ﻣﻪﺩﺭﯨﺲ ⑨، ﺧﺎﻧﻠﯩﻖ ﻣﻪﺩﺭﯨﺲ⑩ ، ﻗﺎﺯﺍﻧﭽﻰﻣﻪﺩﺭﯨﺲ(11) ﺋﺎﺑﺪﯗﯞﯦﻠﻰ ﺑﺎﻱ)ﻣﻪﺩﺭﯨﺴﻰ 12|| ﺋﺎﺧﯘﻥ ﺑﺎﻳﻮﻓﻼﺭ ﻣﻪﺩﺭﯨﺴﻰ(13) ، ﺳﺎﻗﯩﻴﻪﻣﻪﺩﺭﯨﺴﻰ(14) ،

ﭼﺎﭺ ﻣﻪﺩﺭﯨﺴﻰ (15) ، ﻻﻱ ﭘﻪﺷﺘﺎﻕ ﻣﻪﺩﺭﯨﺴﻰ(16) ، ﻛﻪﺳﻜﻪﻥ ﻳﺎﺭﺩﯨﻜﻰ ﻣﻪﺩﺭﯨﺲ(17) ﺗﯩﻦ ﺋﯩﺒﺎﺭﻩﺕ ﺋﻮﻥ ﻣﻪﺩﺭﯨﺲ ''ﺋﯩﭽﻜﯩﺮﯨﻜﻰ ﺷﻪﮬﻪﺭ'' ﺩﻩﭖ ﺋﺎﺗﺎﻟﻐﺎﻥ ﻗﯩﺴﯩﻤﯩﻐﺎ ﺋﻮﺭﯗﻧﻼﺷﻘﺎﻥ . ﺗﺎﺷﻘﺎﺭﻗﻰ ﺷﻪﮬﻪﺭ ﻗﯩﺴﯩﻤﯩﺪﯨﻜﻰ ﻣﻪﺭﯨﺴﻠﻪﺭﮔﻪ ﻧﯩﺴﭙﻪﺗﻪﻥ ﺋﯩﭽﻜﯩﺮﯨﻜﻰ ﺷﻪﮬﻪﺭﮔﻪ ﺟﺎﻳﻼﺷﻘﺎﻥ ﻣﻪﺩﺭﯨﺴﻠﻪﺭ ﻗﻪﺩﯨﻤﻰ ﯞﻩ ﺋﯘﺯﺍﻕ ﺗﺎﺭﯨﺨﻘﺎ ﺋﯩﮕﻪ ، ﺷﯘﻧﯩﯖﺪﻩﻙ ﺑﯘﻻﺭﺩﯨﻦ ''ﺧﺎﻧﻠﯩﻖ ﻣﻪﺩﺭﯨﺴﻰ'' ﺑﯩﻠﻪﻥ ''ﺳﺎﻗﯩﻴﻪ ﻣﻪﺩﺭﯨﺴﻰ '' ﺗﯩﺨﻤﯘ ﻗﻪﺩﯨﻤﯩﺮﺍﻕ ﺑﻮﻟﯘﭖ ﮬﯩﺴﺎﺑﻠﯩﻨﯩﺪﯗ . ﺑﯩﺰ ﺑﯘﻗﯘﺭﻟﯩﺮﯨﻤﯩﺰﺩﺍ ﺋﻪﻧﻪ ﺷﯘ ﺋﯩﻜﻜﻰ ﻣﻪﺩﺭﯨﺲ ﮬﻪﻗﻘﯩﺪﻩ ﭘﯩﻜﯩﺮ ﻳﯜﺭﮔﯜﺯﯨﻤﯩﺰ .

1-ﺧﺎﻧﻠﯩﻖ ﻣﻪﺩﺭﯨﺲ

ﺑﯘ ﻧﺎﻣﺪﯨﻜﻰ ﻣﻪﺩﺭﯨﺲ ﺩﯙﻟﻪﺕ ﺑﺎﺷﻠﯩﻘﻠﻰ ﺧﺎﻧﻼﺭ ﺗﻪﺭﯨﭙﯩﺪﯨﻦ ﻳﺎﺳﺎﻟﻐﺎﻥ ﻣﻪﺩﺭﯨﺴﻠﻪﺭ ﺑﻮﻟﯘﭖ ،ﺑﯘﻻﺭﻧﻰ ﺋﻮﻣﻮﻣﻪﻥ ''ﺳﻪﺋﯩﺪﯨﻴﻪ ''

ﺧﺎﻧﻠﯩﻘﻰ ﭘﺎﺩﯨﺸﺎﮬﻠﯩﺮﻯ ﻳﺎﺳﯩﻐﺎﻥ ، ﻳﻪﻛﻪﻧﺪﻩ ﺑﯘ ﻧﺎﻡ ﺑﯩﻠﻪﻥ ﻳﺎﺳﺎﻟﻐﺎﻥ ﺋﯜﭺ ﻣﻪﺩﺭﯨﺲ ﺑﺎﺭ ﺑﻮﻟﯘﭖ ، ﺑﯩﺮﻯ ﺋﺎﻟﺘﯘﻧﻠﯘﻕ ﻣﺎﺯﺍﺭ ﻳﯩﻨﯩﺪﯨﻜﻰ ﺋﺎﺑﺪﯗﺭﯨﺸﯩﺘﺨﺎﻧﻨﯩﯔ ﻳﺎﺳﯩﻐﯩﻨﯩﺪﯗﺭ ،ﻳﻪﻧﻰ ﺑﯩﺮﻯ ﻛﻮﻧﺎ ﺧﺎﻧﻠﯩﻖ ﻣﻪﺩﺭﯨﺴﻰ ،ﻳﻪﻧﻰ ﺑﯩﺮﻯ ﺭﻩﺳﺘﻪ ﺋﺎﺭﻗﯩﺴﯩﺪﯨﻜﻰ ﺭﯨﻜﯩﺴﺘﺎﻥ (ﻗﯘﻣﻠﯘﻕ) ﺩﺍ ﺋﺎﺑﺪﯗﻟﻼﺧﺎﻧﻨﯩﯔ ﻳﺎﺳﯩﻐﯩﻨﯩﺪﯗﺭ .

ﺷﯘﻧﯩﯔ ﺩﻩﻙ ﺧﻮﺗﻪﻥ ﺋﯩﻠﭽﻰ ﺷﻪﮬﺮﯨﺪﻩ ﺑﯘ ﻧﺎﻣﺪﺍ ﺑﯩﺮ ﻣﻪﺩﺭﯨﺲ ﺑﺎﺭ ﺑﻮﻟﯘﭖ ،ﻗﻪﺷﻘﻪﺭﺩﯨﻤﯘ ﺑﯩﺮﻯ ﺑﺎﺭ ،ﺑﯘﻧﻰ '' ﺳﻪﺋﯩﺪﯨﻴﻪ '' ﺧﺎﻧﻠﯩﻘﯩﻨﯩﯔ 8-ﭘﺎﺩﯨﺸﺎﮬﻰ ﺑﻮﻟﻐﺎﻥ ﺋﺎﺑﺪﯗﻟﻼﺧﺎﻥ ﺋﺎﺑﺪﯗﺭﯦﮭﯩﻢ ﺋﻮﻏﻠﻰ ﺗﺎﺭﯨﺨﻰ 1048-ﻳﯩﻠﻰ (ﻣﯩﻼﺩﯨﻴﻪ1638-ﻳﯩﻠﻰ) ﺗﻪﺧﯩﺘﺘﻪ ﺋﻮﻟﺘﯘﺭﻏﺎﻧﺪﯨﻦ ﻛﯩﻴﯩﻦ ﻳﺎﺳﯩﻐﺎﻥ .

ﻗﻪﺷﻘﻪﺭﺩﯨﻜﻰ ﺑﯘ ﻣﻪﺩﺭﯨﺲ ﺋﻪﻳﻨﻰ ﭼﺎﻏﺪﯨﻜﻰ ﺷﻪﮬﻪﺭﻧﯩﯔ ﻗﺎﻕ ﺋﻮﺗﺘﯘﺭﯨﺴﯩﺪﺍ ﻛﯚﭖ ﻣﻪﺩﺭﯨﺲ ﯞﻩ ﺟﺎﻣﻪﻟﻪﺭ ﺑﯩﻠﻪﻥ ﺋﺎﯞﺍﺕ ﺑﻮﻟﻐﺎﻥ

'' ﺋﻮﺭﺩﺍ ﺋﯩﺸﯩﻜﻰ '' ﻧﺎﻣﻠﯩﻘﯩﻖ ﮔﯜﺯﻩﺭﮔﻪ ﺳﯩﻠﯩﻨﻐﺎﻥ ﺑﻮﻟﯘﭖ ،ﺑﯘﺭﯗﻧﻘﻰ ﭼﺎﻏﻼﺭﺩﺍ ﺷﺎﮬ ﺋﻮﺭﺩﯨﺴﻰ '' ﻗﻪﺳﯩﺮ '' ﺑﺎﺭ ﺋﯩﺪﻯ|ﺑﯘ ﺋﺎﺗﺎﻟﻤﺎ ﺋﻪﺭﻩﺑﭽﯩﺪﻩ ﻣﻪﺩﺭﯨﺴﻪﺋﻰ ﻣﻪﻟﻪﻛﯩﻴﻪ ، ﺋﯩﻨﮕﻠﯩﺰﭼﯩﺪﺍ ﺭﻭﻳﺎﻝ ﻛﺎﻟﺞ (royal gollege) ﺩﯨﻴﯩﻠﯩﺪﯗ .

ﻗﻪﺷﻘﻪﺭ ﺧﺎﻧﻠﯩﻖ ﻣﻪﺩﺭﯨﺴﻰ ﻏﺎﻳﻪﺕ ﺯﻭﺭ ﻣﻪﺭﯨﭙﻪﺕ ﺋﻮﺭﻧﻰ ﺑﻮﻟﯘﭖ ، ﺋﻪﻳﻨﻰ ﭼﺎﻏﺪﺍ ﺋﯘﻳﻐﯘﺭ ﻣﺎﺋﺎﺭﯨﭙﯩﻨﻰ ﻳﯘﻗﯩﺮﻯ ﻛﯚﺗﯜﺭﯛﺷﻜﻪ

ﺋﺎﻻﮬﯩﺪﻩ ﺭﻭﻝ ﺋﻮﻳﺒﻨﯩﻐﺎﻥ ﺑﯩﺮ ﺋﻮﺭﯗﻥ ﺑﻮﻟﯘﭖ ﮬﯩﺴﺎﺑﻠﯩﻨﯩﺪﯗ ،

ﺑﯘ ﻣﻪﺩﺭﯨﺲ ﺧﺎﻥ ﺗﻪﺭﻩﭘﺘﯩﻦ ﻗﯘﺭﯗﻟﻐﺎﻥ ﺑﻮﻟﻐﺎﭼﻘﯩﻤﯘ ﻧﺎﻣﻰ '' ﺧﺎﻧﻠﯩﻖ ﻣﻪﺩﺭﯨﺲ ''ﺩﯨﻴﯩﻠﯩﭗ ﺋﯘﻧﯩﯔ ﺑﯩﺮﺩﯨﻨﺒﯩﺮ ﺋﯩﻘﺘﯩﺴﺎﺩﻯ ﻣﻪﺑﻠﯩﺨﻰ '' ﯞﻩﻗﻒ '' (ﯞﻩﺧﭙﻪ) ﻛﯩﺮﯨﻤﻰ ﺑﻮﻟﯘﭖ ،ﻳﺎﺳﯩﻐﯘﭼﯩﻨﯩﯔ ﺋﺎﺟﺮﺍﺗﻘﺎﻥ ﺯﻭﺭ ﻣﯩﻘﺪﺍﺭﺩﯨﻜﻰ ﯞﻩﺧﭙﻪ ﺯﯦﻤﯩﻦ ،ﯞﻩﺧﭙﻪ ﺳﺎﺭﺍﻱ ، ﯞﻩﺧﭙﻪ ﺩﯗﻛﺎﻧﻠﯩﺮﯨﻨﯩﯔ ﻛﯩﺮﯨﻤﻠﯩﺮﻯ ﺋﻮﻗﯘﺗﻘﯘﭼﯩﻼﺭﻧﯩﯔ ﺋﯩﺶ ﮬﻪﻗﻘﻰ - ﺋﻮﻗﯘﻏﺎﻧﻼﺭﻏﺎ ﺑﯩﺮﯨﻠﯩﺪﯨﻐﺎﻥ ﺧﺎﻧﻪﻧﺪﻩ (ﺋﻮﻗﯘﺵ ﻳﺎﺭﺩﻩﻡ ﭘﯘﻟﻰ)

، ﻣﻪﺩﺭﯨﺴﻨﻰ ﺑﺎﺷﻘﯘﺭﻏﯘﭼﻰ ﻣﯚﺗﯩﯟﻩﻟﻠﻰ ﻗﺎﺗﺎﺭﻟﯩﻖ ﺧﺎﺩﯨﻤﻼﺭ ، ﺷﯘﻧﯩﯖﺪﻩﻙ ﻣﻪﺩﺭﯨﺴﻨﯩﯔ ﺭﯦﻤﻮﻧﺘﻠﯩﺮﻯ ﻗﺎﺗﺎﺭﻟﯩﻖ ﭼﯩﻘﯩﻤﻼﺭﻏﺎ ﺋﯩﺸﻠﯩﺘﯩﻠﻪﺗﺘﻰ . ﺑﯘ ﺭﯨﻤﯘﻧﺖ ﭼﯩﻘﯩﻤﻠﯩﺮﻯ ﮔﻪﺭﭼﻪ ﻣﻪﺩﺭﯨﺴﻨﯩﯔ ﺋﯜﭺ ﺋﻪﺳﯩﺮﻟﻪﭖ ﺋﯚﻣﯜﺭ ﻛﯚﺭﯛﺷﯩﮕﻪ ﺗﯜﺭﺗﻜﻪ ﺑﻮﻟﻐﺎﻥ ﺑﻮﻟﺴﯩﻤﯘ ،ﻟﯩﻜﯩﻦ ﺋﯘﺯﯗﻥ ﻳﯩﻠﻼﺭﻧﯩﯔ ﺋﯚﺗﯜﺷﻰ ﺑﯩﻠﻪﻥ ﺑﯘ ﺑﯩﻨﺎﻧﯩﯔ ﻗﯘﺭﯗﻟﯘﺷﻠﯩﺮﻯ ﻛﻮﻧﯩﺮﺍﺷﻘﺎ ، ﺑﯘﺯﯗﻟﯘﺷﻘﺎ ﻳﯜﺯ ﺗﯘﺗﺘﻰ - ﺩﻩ ، ﻳﯩﻘﯩﻠﯩﺶ ﮬﺎﻟﯩﺘﯩﮕﻪ ﻳﯩﺘﯩﭗ ﻗﺎﻟﺪﻯ .

ﺑﯘ ﭼﺎﻏﺪﺍ ﻣﯘﺑﺎﻱ ﮬﺎﺟﯩﻨﯩﯔ ﺋﻮﻏﻠﻰ ﮬﯜﺳﯩﻴﯩﻦ ﺑﺎﻱ ﺋﻮﺗﺘﯘﺭﯨﻐﺎ ﭼﯩﻘﺘﻰ - ﺩﻩ ﻣﯩﻼﺩﯨﻴﻪ 1895- ﻳﯩﻠﯩﺪﺍ ﺑﯘ ﻣﻪﺩﺭﯨﺴﻨﻰ ﻛﻪﯓ ﻛﯚﻟﻪﻣﻠﯩﻚ ﺭﯦﻤﯘﻧﺖ ﻗﯩﻠﯩﺸﻘﺎ ﺑﺎﺷﻠﯩﺪﻯ .

ﻣﯘﺳﺎﺑﺎﻱ ﻗﻪﺷﻘﻪﺭ ﺋﯜﺳﺘﯘﻥ ﺋﺎﺗﯘﺷﺘﯩﻦ ﺑﻮﻟﯘﭖ ، ﻏﯘﻟﺠﯩﺪﯨﻜﻰ ﻣﻪﺷﮭﯘﺭ ''ﻣﯘﺳﺎﺑﺎﻳﯘﻓﻼﺭ '' ﻧﯩﯔ ﺋﺎﺳﺎﺳﭽﯩﺴﯩﺪﯗﺭ .

ﺑﯘ ﻣﻪﺩﺭﯨﺲ ﮬﻪﻗﻘﯩﺪﻩ ﺋﯘﻳﻐﯘﺭ ﻣﯘﺗﻪﭘﻪﻛﻜﯘﺭ ﺷﺎﺋﯩﺮﻯ ﮬﯜﺳﯩﻴﯩﻦ '' ﺗﻪﺟﻪﻟﻠﻰ '' ،''ﭼﯘﺑﯘﺩ ﻣﻪﺩﺭﯨﺴﻪﺋﻰ ﺧﺎﻧﻠﯩﻖ ﺯﯨﺲ ﻣﺎﯞﺳﯘﭘﻰ '' ﻗﯘﺭﻯ ﺑﯩﻠﻪﻥ ﺑﺎﺷﻼﻧﻐﺎﻥ ﯞﻩ ﮬﻪﺭ ﺑﯩﺮ ﻗﯘﺭﯨﺪﯨﻦ 1312-ﺗﺎﺭﯨﺦ (ﮬﯩﺠﺮﯨﻴﻪ) ))مىلادىيە 1895-يىلىغا توغرا كىلىدۇﭼﯩﻘﯩﺪﯨﻐﺎﻥ ﺳﻪﻛﻜﯩﺰ ﻣﯩﺴﺮﺍﻟﯩﻖ ﺷﯧﺌﯩﺮﯨﺪﺍ ﻣﯘﻧﺪﺍﻕ ﺩﯨﮕﻪﻥ (ﺑﯩﺰ ﺑﯘﻧﯩﯔ ﻳﻪﺷﻤﯩﺴﯩﻨﻰ ﺑﻪﺭﺩﯗﻕ) :

'' ﺧﺎﻧﻠﯩﻖ ﻣﻪﺩﺭﯨﺴﻰ ﻛﻮﻧﯩﺮﯨﻐﺎﻥ ﯞﻩ ﺧﺎﺭﺍﭖ ﺑﻮﻟﯘﭖ ﻳﯩﻘﯩﻠﯩﺶ ﮬﺎﻟﯩﻐﺎ ﻛﻪﻟﮕﻪﻧﺪﻩ ﮬﯩﻤﻤﻪﺕ ﺗﻪﺑﯩﺌﻪﺗﻠﯩﻚ ، ﺳﺎﺧﺎﯞﻩﺕ ﺩﯨﯖﯩﺰﻯ ﮬﯚﺳﯩﻴﯩﻦ ﺋﺎﺧﯘﻥ ، ﻳﺎﺧﺸﻰ ﺋﻪﺧﻼﻕ ، ﺋﻮﺑﺪﺍﻥ ﺋﯩﺸﻼﺭﻧﯩﯔ ﺑﺎﮬﺎﺭﻯ ﯞﻩ ﮬﺎﺟﯩﻼﺭﻧﯩﯔ ﺳﻪﺭﺧﯩﻠﻰ (ﺋﯩﻠﻐﺎﻧﺪﯨﺴﻰ)ﻣﯘﺳﺎ ﭘﻪﻳﻐﻪﻣﺒﻪﺭﻧﯩﯔ ﻧﺎﻣﺪﯨﺸﯩﻨﯩﯔ ﭘﻪﺭﺯﻩﻧﺘﻰ ﮬﯚﺳﯩﻴﯩﻦ ﺋﺎﺧﯘﻥ ﻳﺎﻟﻐﯘﺯﻻ ﻣﻪﺩﺭﯨﺲ ﺗﻪﻣﯩﺮ ﻗﯩﻠﻤﯩﺪﻯ ، ﺑﻪﻟﻜﻰ ﺩﯨﻦ ﺋﯜﭼﯜﻥ ﺋﯚﺯﯨﮕﻪ ﺑﯩﺮ ﻗﻪﺳﯩﺮ (ﺷﺎﮬﻪﻧﻪ ﺋﯩﻤﺎﺭﻩﺕ) ﻳﺎﺳﯩﺪﻯ . ﺋﯘﻧﯩﯔ ﺑﯩﻠﻪﻥ ﺋﯚﺯﯨﮕﻪ ﺟﻪﻧﻨﻪﺗﻠﻪﺭﺩﻩ ﺋﻮﺭﯗﻥ ﯞﻩ ﺗﯘﺭﺍﻗﻠﯩﻖ ﺟﺎﻱ ﺑﯩﻨﺎ ﻗﯩﻠﺪﻯ . '' (ھۆسىيىن باي:مىلادىيە 1926-يىلى ۋاپات بولغان ).

ﻣﺎﻧﺎ ﺑﯘﻻﺭﺩﯨﻦ ﺑﯘ ﻣﻪﺩﺭﯨﺲ ﻛﯩﻢ ﺗﻪﺭﻩﭘﺘﯩﻦ ﻳﺎﺳﺎﻟﻐﺎﻧﻠﯩﻘﻰ ، ﻛﯩﻤﻠﻪﺭ ﺗﻪﺭﻩﭘﺘﯩﻦ ﻳﺎﺳﺎﻟﻐﺎﻧﻠﯩﻘﻰ ، ﻛﯩﻤﻠﻪﺭ ﺗﻪﺭﯨﭙﯩﺪﯨﻦ ﺷﯩﻜﻪﺳﺘﻪﺭﻏﺖ (ﺭﯦﻤﯘﻧﺖ) ﻗﯩﻠﯩﻨﻐﺎﻧﻠﯩﻘﯩﻨﻰ ﻛﯚﺭﯛﭖ ﺋﺎﻻﻻﻳﻤﯩﺰ .

ﺑﯘ ﻣﻪﺩﺭﯨﺴﻨﯩﯔ ﺋﻮﺭﻧﻰ ، ﻛﯚﻟﯩﻤﻰ ﯞﻩ ﺑﯩﻨﺎﻟﯩﺮﻯ ، ﻛﯧﻴﯩﻨﻜﻰ ﺗﻪﻗﺪﯨﺮﻯ ﮬﻪﻗﻘﯩﺪﻩ ﻳﻮﻟﺪﺍﺵ ﻗﻪﻣﻪﺭﺟﺎﻥ ﺋﯚﺯ ﻣﺎﻗﺎﻟﯩﺴﯩﺪﻩ ﺋﯧﻨﯩﻖ ﻛﯚﺭﺳﻪﺗﻜﻪﻧﻠﯩﻜﺘﯩﻦ ، ﺑﯩﺰﻣﯘ ﺷﯘﻧﯩﯔ ﺑﯩﻠﻪﻧﻼ ﻛﯘﭘﺎﻳﯩﻠﻪﻧﺪﯗﻕ .

2- '' ﺳﺎﻗﯩﻴﻪ ﻣﻪﺩﺭﯨﺴﻰ ''

''ﺳﺎﻗﯩﻴﻪ ﻣﻪﺩﺭﯨﺲ'' ﻗﻪﺷﻘﻪﺭﻧﯩﯔ ﺋﯩﭽﻜﯩﺮﯨﻜﻰ ﺷﻪﮬﺮﯨﮕﻪ ﻣﻪﻧﺴﯘﭖ ''ﺳﺎﻗﯩﻴﻪ'' ﻧﺎﻣﻠﯩﻖ ﻣﻪﮬﻪﻟﻠﯩﮕﻪ ﺋﻮﺭﯗﻧﻼﺷﻘﺎﻥ . ﺑﯘ ﻣﻪﺩﺭﯨﺲ ﻗﻪﺩﯨﻤﯩﻠﯩﻖ ﺟﻪﮬﻪﺗﺘﻪ ''ﺧﺎﻧﻠﯩﻖ ﻣﻪﺩﺭﯨﺲ'' ﺗﯩﻦ ﺑﯘﺭﯗﻧﺮﺍﻕ ﺑﻮﻟﯘﭖ ، ﺋﯩﺴﯩﻢ ﯞﻩ ﺋﺎﺗﺎﻟﻤﺎ ﺟﻪﮬﻪﺗﻠﻪﺭﮔﻪ ﻗﺎﺭﯨﻐﺎﻧﺪﺍ ، ﻣﯩﻼﺩﯨﻴﻪ 13- ﻳﺎﻛﻰ 14- ﺋﻪﺳﯩﺮﻟﻪﺭﺩﻩ ﻳﺎﺳﺎﻟﻐﺎﻧﻠﯩﻘﯩﻨﻰ ﺑﯩﻠﮕﯩﻠﻰ ﺑﻮﻟﯩﺪﯗ .

ﺑﯘ ﻣﻪﺩﺭﯨﺴﻨﯩﯔ ﺋﻪﺳﻠﻰ ﻧﺎﻣﻰ '' ﺗﻮﻗﺎ ﺑﻪﮒ ﻣﻪﺩﺭﯨﺲ '' ﺑﻮﻟﯘﭖ ﺑﯘ ''ﺗﻮﻏﺮﯗﻝ'' ﺩﯦﮕﻪﻥ ﺋﺎﺗﺎﻟﻤﯩﺪﯨﻦ ﺑﯘﺯﯗﻟﻐﺎﻧﺪﯗﺭ .

ﻣﻪﺷﮭﯘﺭ ﻣﻮﯕﻐﯘﻝ ﺋﯩﻤﭙﯧﺮﯨﻴﯩﺴﯩﺪﯨﻜﻰ ﭼﯩﯖﮕﯩﺰﺧﺎﻥ ﺩﻩﯞﺭﯨﺪﻩ ''ﺑﻪﺭﺭﺍﺱ'' ﺩﯨﮕﻪﻥ ﺑﯩﺮ ﻗﻪﺑﯩﻠﻪ ﺑﺎﺭ ﺑﻮﻟﯘﭖ ، ﺑﻪﺭﺭﺍﺳﻼﺭ ﻣﻪﻟﯘﻡ ﺋﯩﻤﺘﯩﻴﺎﺯﻏﺎ ﺋﯩﮕﻪ ﺋﯩﺪﻯ ،ﻣﺎﻧﺎ ﺑﯘ ﺑﻪﺭﺭﺍﺳﻼﺭﺩﯨﻦ ﺑﻮﻟﻐﺎﻥ ﺋﻪﺭ ﺗﻮﻏﺮﯗﻝ ﺑﻪﺭﺭﺍﺱ ﺩﯨﻪﻩﻥ ﻛﯩﺸﻰ ﺗﻪﺭﯨﭙﯩﺪﯨﻦ ﺑﯘ ﻣﻪﺩﺭﯨﺲ ﻳﺎﺳﺎﻟﻐﺎﻥ ﺑﻮﻟﯘﭖ ، ﺋﻪﺭ ﺗﻮﻏﺮﯗﻝ ﺑﻪﮔﻨﯩﯔ ﻣﻪﺩﺭﯨﺴﻰ ﺩﻩﭖ ﻧﺎﻡ ﺋﺎﻟﻐﺎﻥ ،ﻛﯩﻴﯩﻦ ﺑﯘ ﺋﺎﺗﺎﻟﻤﺎ ﺳﯚﺯﯨﻨﯩﯔ ﺋﯩﻐﯩﺮﻟﯩﻘﻰ ﺑﯩﻠﻪﻥ ''ﺋﻪﺭ'' ﺳﯚﺯﻯ ﺗﺎﺷﻠﯩﻨﯩﭗ ''ﺗﻮﻏﺮﯗﻝ ﺑﻪﮒ'' ﺩﯨﻴﯩﻠﮕﻪﻥ .ﺑﺎﺭﺍ-ﺑﺎﺭﺍ ﺳﯚﺯ ﻳﻪﻧﻪ ﺑﯘﺯﯗﻟﯘﭘﺘﻮﻗﺎ ﺑﻪﮒ ﺩﯨﮕﻪﻥ ﺳﯚﺯ ﺋﯘﺗﺘﯘﺭﯨﻐﺎ ﭼﯩﻘﯩﭗ ﺯﺍﻣﺎﻧﻨﯩﯔ ﺋﯚﺗﯜﺷﻰ ﺑﯩﻠﻪﻥ ﺗﻮﻗﺎ ﺑﻪﮔﻜﻪ ﺋﯚﺯﮔﻪﺭﮔﻪﻥ . ﻳﯩﻘﯩﻨﻘﻰ ﺯﺍﻣﺎﻧﻐﯩﭽﻪ ﺗﻮﻗﺎ ﺑﻪﮔﻨﯩﯔ ﻣﻪﺩﺭﯨﺴﻰ ﺩﯨﮕﻪﻥ ﻧﺎﻡ ﺧﻪﻟﯩﻘﻘﻪ ﺳﯩﯖﮕﻪﻥ ،ﻣﺎﻧﺎ ﺑﯘﻧﯩﯖﻐﺎ ﻗﺎﺭﯨﻐﺎﻧﺪﺍ ،ﺑﯘ ﻣﻪﺩﺭﯨﺴﻨﯩﯔ ﺗﻪﻣﯩﺮﯨﻨﻰ 500 ﻳﯩﻠﺪﯨﻦ ﺋﺎﺷﻘﺎﻥ ﺩﯨﻴﯩﺸﻜﻪ ﺑﻮﻟﯩﺪﯗ .

ﻣﯘﻧﺪﺍﻗﺘﺎ ''ﺳﺎﻗﯩﻴﻪ'' ﺩﯨﮕﻪﻥ ﻧﺎﻡ ﻗﺎﻧﺪﺍﻕ ﺑﻮﻟﯘﭖ ﺋﯘﺗﺘﯘﺭﯨﻐﺎ ﭼﯩﻘﻘﺎﻥ ؟!

''ﺳﺎﻗﯩﻴﻪ''، ﻣﻪﺩﺭﯨﺴﻨﯩﯔ ﻧﺎﻣﻰ ﺑﻮﻟﻤﺎﻱ ''ﺳﺎﻗﻰ'' ﻧﺎﻣﻠﯩﻖ ﻣﻪﺷﮭﯘﺭ ﺑﯩﺮ ﻛﯩﺸﯩﻨﯩﯔ ﺋﯘﻟﺘﯘﺭﺍﻗﻼﺷﻘﺎﻥ ﺟﺎﻳﻨﯩﯔ ﺋﺎﺗﺎﻟﻤﯩﺴﯩﺪﯗﺭ . ﮬﺎﺯﯨﺮﻣﯘ ﮬﻪﺭ ﺑﯩﺮ ﻣﻪﮬﻪﻟﻠﯩﻨﯩﯔ ﻧﺎﻣﻰ ﻣﻪﺷﮭﯘﺭ ﻛﯩﺸﯩﻨﯩﯔ ﻧﺎﻣﯩﻐﺎ ﻣﻪﻧﺴﯘﭖ ﺑﻮﻟﯘﭖ ﻛﯧﻠﯩﯟﺍﺗﯩﺪﯗ .

ﺋﯘﻳﻐﯘﺭﻻﺭﻧﯩﯔ ﺋﯩﭽﯩﺪﻩ ﻛﯩﺸﯩﻠﻪﺭﻧﯩﯔ ﻧﺎﻣﯩﺪﺍ ﺑﯘﺭﯗﻥ ﺳﺎﻗﻰ ،ﺑﺎﻗﻰ ،ﺳﻪﻗﻰ ،ﻧﻪﻗﻰ، ﺩﯨﮕﻪﻥ ﺋﯩﺴﯩﻤﻼﺭ ﻛﯚﭖ ﺑﻮﻟﯘﭖ ،ﺳﺎﻗﻰ ﻗﺎﺳﺴﺎﭖ ﺩﯨﮕﻪﻥ ﻧﺎﻣﻰ ﺑﺎﺭ ﺑﯩﺮ ﺷﻪﺧﯩﺲ ﺑﯘﻧﯩﯔ ﻣﯩﺴﺎﻟﯩﺪﯗﺭﻛﻰ ،ﺋﯘ ﻳﯩﻘﯩﻦ ﺯﺍﻣﺎﻧﻐﯩﭽﻪ ﻗﺎﺳﺴﺎﭘﻠﯩﻖ ﻗﯩﻠﻐﺎﻧﯩﺪﻯ .

ﺳﺎﻗﻰ ﺋﻪﻧﻪ ﺷﯘﻻﺭﻧﯩﯔ ﺑﯩﺮﻯ ﺑﻮﻟﯘﭖ ،ﺋﯚﺗﻤﯜﺷﺘﻪ ﺋﯩﻤﺘﯩﻴﺎﺯ ﺋﯩﮕﯩﺴﻰ ﺑﻮﻟﻐﺎﻧﻠﯩﻘﺘﯩﻦ ﺑﯩﺮ ﻣﻪﮬﻪﻟﻠﯩﻨﯩﯔ ﻧﺎﻣﻰ ﺷﯘﻧﯩﯔ ﻧﺎﻣﻰ ﺑﯩﻠﻪﻥ ﺋﺎﺗﺎﻟﻐﺎﻥ ،ﮬﺎﺯﯨﺮﻣﯘ ﭼﺎﺳﺎ ﮔﯜﺯﯨﺮﯨﺪﯨﻦ ﻗﺎﺭﯨﻘﻰ ﺩﻩﺭﯞﺍﺯﺍ ﺋﻮﺭﻧﯩﻐﯩﭽﻪ ﻛﻪﻟﮕﻪﻥ ﺋﯘﺯﯗﻧﺪﯨﻦ- ﺋﯘﺯﺍﻕ ﺑﯩﺮ ﻣﻪﮬﻪﻟﻠﻪ ﺷﯘﻧﯩﯖﺪﻩﻙ ﺷﯘ ﻣﻪﮬﻪﻟﻠﯩﮕﻪ ﺋﻮﺭﯗﻧﻼﺷﻘﺎﻥ ﺋﺎﮬﺎﻟﯩﻠﻪﺭ ﻛﻮﻣﯩﺘﯩﺘﯧﻨﯩﯔ ﻧﺎﻣﯩﻤﯘ ''ﺳﺎﻗﯩﻴﻪ'' ﺩﯨﮕﻪﻥ ﻧﺎﻡ ﺑﯩﻪﻥ ﺋﺎﺗﯩﻠﯩﺪﯗ .

ﺑﯘ ﻣﻪﺩﺭﯨﺴﻤﯘ ﺋﻪﻧﻪ ﺷﯘ ﻧﺎﻣﻠﯩﻖ ﻣﻪﮬﻪﻟﻠﯩﮕﻪ ﺋﻮﺭﯗﻧﻼﺷﻘﺎﻧﻠﯩﻘﺘﯩﻦ ''ﺳﺎﻗﯩﻴﻪ'' ﺩﯨﻜﻰ ﻣﻪﺩﺭﯨﺲ ﺩﯨﻴﯩﻠﯩﭗ ﻛﯩﻴﯩﻦ ''ﺩﯨﻜﻰ'' ﺩﯨﮕﻪﻥ ﺳﯚﺯ ﭼﯜﺷﯜﺭﯛﻟﯜﭖ ﺳﺎﻗﯩﻴﻪ ﻣﻪﺩﺭﯨﺴﻰ ﺑﻮﻟﯘﭖ ﻛﻪﺗﻜﻪﻥ .

''ﺳﺎﻗﯩﻴﻪ'' ﮬﻪﺭﮔﯩﺰﻣﯘ ﺋﯘﺳﺴﯘﺯﻟﯘﻕ ﺳﺎﺗﯩﺪﯨﻐﺎﻥ ﺩﻭﻏﭽﻰ ، ﺳﯘﭼﯩﻼﺭﻧﯩﯔ ﺋﻮﺭﯗﻧﻼﺷﻘﺎﻧﻠﯩﻘﻰ ﺑﯩﻠﻪﻥ ﻗﻮﻳﯘﻟﻐﺎﻥ ﻧﺎﻡ ﺋﻪﻣﻪﺱ ،''ﺳﺎﻗﻰ'' ﺩﯨﮕﻪﻥ ﺳﯚﺯﻣﯘ ﺋﯘﺳﺴﯘﺯﻟﯘﻕ ﺩﯨﮕﻪﻥ ﻣﻪﻧﯩﺪﻩ ﺑﻮﻟﯘﭖ ''ﺳﺎﺗﻘﯘﭼﻰ ﺩﯨﮕﻪﻥ ﻣﻪﻧﯩﺪﻩ ﺋﻪﻣﻪﺱ ،''ﺳﺎﻗﻰ'' ﺩﯨﮕﻪﻥ ﺳﯚﺯﻣﯘ ﺋﯘﺳﺴﯘﺯﻟﯘﻕ ﺩﯨﮕﻪﻥ ﻣﻪﻧﯩﺪﻩ ﺑﻮﻟﯘﭖ ''ﺳﺎﺗﻘﯘﭼﻰ'' ﺩﯨﮕﻪﻥ ﻣﻪﻧﯩﺪﻩ ﺋﻪﻣﻪﺱ ،ﺷﯩﺌﯧﺮﻻﺭﺩﯨﻜﻰ ''ﻛﻪﻝ ﺋﻪﻱ ﺳﺎﻗﻰ'' ،''ﺳﺎﻗﯩﻴﺎ'' ...

ﺩﯨﮕﻪﻥ ﺧﯩﺘﺎﺑﻼﺭ ﺋﯘﺳﺴﯘﺯﻟﯘﻕ ﻛﻪﻟﺘﯜﺭ ،ﺋﯘﺳﺴﺎﭖ ﻛﻪﺗﺘﯩﻢ ،ﺩﯨﮕﻪﻥ ﻣﻪﻧﺎﻻﺭﻧﻰ ﺑﯩﻠﺪﯛﺭﯨﺪﯗ - ﺩﻩ ،ﮬﻪﺭﮔﯩﺰﻣﯘ ﺋﯘﺳﺴﯘﺯﻟﯘﻕ ﺳﺎﺗﯩﺪﯨﻐﺎﻥ ﺋﻮﺭﯗﻧﻨﯩﯔ ﺟﯘﻏﻼﻧﻤﯩﺴﯩﻨﻰ ﻛﯚﺭﺳﻪﺗﻤﻪﻳﺪﯗ ،ﺋﻪﻣﯩﻠﯩﻴﻪﺗﺘﻪ ﺑﯘ ﺋﯘﺯﯗﻧﺪﯨﻦ-ﺋﯘﺯﺍﻕ ﻛﻮﭼﺎ ﺭﻩﺳﺘﯩﺪﻩ ﺩﻭﻏﭽﻰ ،ﺟﯘﻻﭘﭽﻰ ﻳﺎﻛﻰ ﺳﺎﻣﺎﯞﻩﺭﭼﯩﻠﻪﺭﻧﯩﯔ ﺟﺎﻳﯩﻤﯘ ﺋﻪﻣﻪﺱ ﺋﯩﺪﻯ .

ﺋﻪﻣﺪﻯ ''ﺳﺎﻗﻰ'' ﻛﻪﻟﯩﻤﯩﺴﻰ ﺷﻪﺧﯩﺴﻠﻪﺭﻧﯩﯔ ﻧﺎﻣﻰ ﺑﻮﻟﻐﺎﻧﺪﺍ ''ﺳﺎﻗﯩﻴﻪ'' ﺩﯦﮕﻪﻥ ﺟﯜﻣﻠﯩﻨﻰ ﻧﯧﻤﻪ ﺩﻩﭖ ﭼﯜﺷﯩﻨﯩﺶ ﻛﯩﺮﻩﻙ ؟

ﺳﺎﻗﯩﻴﻪ ﻛﯩﺸﯩﻠﻪﺭﺩﻩ ﺗﻪﺧﻪﻟﻠﯘﺱ ﺑﻮﻟﯘﭘﻤﯘ ﻛﯧﻠﯩﺪﯗ ،ﺋﯩﺶ ﺋﯩﺰﻟﯩﺮﯨﻨﻰ ﺑﯩﻠﺪﯛﺭﯨﺪﯨﻐﺎﻥ ﻣﻪﻧﯩﺪﯨﻤﯘ ﺋﯧﻴﺘﯩﻠﯩﺪﯗ . ﻗﻪﺷﻘﻪﺭ ﺧﺎﻧﻠﯩﻖ ﻣﻪﺩﺭﯨﺴﯩﮕﻪ ﺗﯘﺗﺎﺵ ﺳﯩﻠﯩﻨﻐﺎﻥ ''ﻗﺎﺯﺍﻧﭽﻰ ﻣﻪﺩﺭﯨﺴﻰ'' ﺑﯘﻧﯩﯖﻐﺎ ﻣﯩﺴﺎﻟﺪﯗﺭﻛﻰ ﺋﯘ ،ﻗﺎﺯﺍﻥ ﺳﺎﺗﯩﺪﯨﻐﺎﻥ ﻗﺎﺯﺍﻧﭽﯩﻼﺭ ﺋﻮﺭﯗﻧﻼﺷﻘﺎﻥ ﺟﺎﻳﻐﺎ ﺳﯧﻠﯩﻨﻐﺎﻧﻠﯩﻘﺘﯩﻦ ''ﻗﺎﺯﺍﻧﭽﻰ ﻣﻪﺩﺭﯨﺴﻰ'' ﺩﻩﭖ ﺋﺎﺗﺎﻟﻐﺎﻥ، ﻛﯩﻴﯩﻨﻜﻰ ﭼﺎﻏﻼﺭﺩﺍ ﻗﻪﺷﻘﻪﺭ ﺑﺎﻳﻠﯩﺮﯨﺪﯨﻦ ﻛﯧﺮﯨﻢ ﺑﺎﻳﯟﻩﭼﭽﻪ ،ﺧﺎﻧﺌﯧﺮﯨﻘﻠﯩﻖ ﺯﯗﻟﭙﯩﻴﻪﺧﺎﻥ ﻧﺎﻣﻠﯩﻖ ﺑﯩﺮ ﺋﺎﻳﺎﻟﻨﯩﯔ ﻳﺎﺳﯩﻐﺎﻥ ﺑﯘ ﻣﻪﺭﯨﺴﯩﻨﻰ ﺑﺎﺷﻘﯩﺪﯨﻦ ﺭﯦﻤﯘﻧﺖ ﻗﯩﻠﯩﭗ ﺋﺎﺯﺍﺩﻩ ﭘﻪﺷﺘﺎﻕ ﻣﯘﻧﺎﺭﯨﻠﻪﺭ ﺑﯩﻠﻪﻥ ﺯﯨﻨﻨﻪﺗﻠﻪﭖ ﺋﯘﻧﯩﯖﻐﺎ ''ﻣﻪﺩﺭﯨﺴﻪﺋﻰ ﻛﻪﺭﯨﻤﯩﻴﻪ'' ﺩﻩﭖ ﻧﺎﻡ ﺑﻪﺭﮔﻪﻥ .ﺩﯦﻤﻪﻙ ،ﺳﺎﻗﯩﻴﻪﻣﯘ ﺋﻪﻧﻪ ﺷﯘ ﺗﻪﺧﻪﻟﻠﯘﺱ ﯞﻩ ﺋﯩﮕﯩﻠﯩﻚ ﻧﺎﻣﻼﺭﺩﯨﻦ ﺑﻮﻟﯘﺷﻰ ﺗﻪﺑﯩﺌﻰ ، ﺑﯘ ﺗﻮﻗﺎ ﺑﻪﮔﻨﯩﯔ ﻣﻪﺭﯨﺴﻰ ﺋﯩﻜﻪﻥ ، ''ﺳﺎﻗﯩﻴﻪ'' ﺷﯘ ﻣﻪﮬﻪﻟﻠﯩﺪﯨﻜﻰ ﻣﻪﯞﺟﯘﺕ ﺋﻮﺭﯗﻧﻨﯩﯔ ﻧﺎﻣﻰ ﺑﻮﻟﯘﺷﻰ ﻛﯧﺮﻩﻙ .

''ﺳﺎﻗﯩﻴﻪ'' ﻣﻪﺩﺭﯨﺴﯩﻨﯩﯔ ﻳﺎﺳﯩﻠﯩﺸﻰ ﺋﯘﺯﯗﻥ ﺗﺎﺭﯨﺨﻘﺎ ﺋﯩﮕﻪ ﺑﻮﻟﯘﭖ ،ﻳﻮﻟﺪﺍﺵ ﻗﻪﻣﻪﺭﺟﺎﻧﻨﯩﯔ ﻣﺎﻗﺎﻟﯩﺴﯩﺪﯨﻤﯘ 1654-ﻳﯩﻠﻰ ﻗﻪﺷﻘﻪﺭﻟﯩﻚ ﺑﺎﮬﺎﯞﯗﺩﯗﻥ ﺑﺎﻱ ﺗﻪﺭﯨﭙﯩﺪﯨﻦ ﺭﯦﻤﯘﻧﺖ ﻗﯩﻠﺪﯗﺭﻏﺎﻧﻠﯩﻘﻰ ﺋﯧﻴﺘﯩﻠﻐﺎﻥ ،ﺑﯘ ،ﺋﯘﻧﯩﯔ ﻗﻪﺩﯨﻤﻜﻰ ﻣﻪﺩﺭﯨﺲ ﺋﯩﻜﻪﻧﻠﯩﻜﯩﻨﯩﯔ ﺩﻩﻟﯩﻠﯩﺪﯗﺭ .

ﺩﯦﻤﻪﻙ ،ﺑﯘ ﻣﻪﺩﺭﯨﺲ 1913-ﻳﯩﻠﻰ ﺑﺎﮬﺎﯞﯗﺩﯗﻥ ﻣﻪﺧﺴﯘﻡ ﺗﻪﺭﯨﭙﯩﺪﯨﻦ ﻏﻮﻟﻠﯘﻕ ﮬﺎﻟﺪﺍ ﻳﻪﻧﻪ ﺑﯩﺮ ﻗﯩﺘﯩﻢ ﺭﯦﻤﯘﻧﺖ ﻗﯩﻠﯩﻨﻐﺎﻧﯩﺪﻯ .

ﺳﺎﻝ ﺗﻪﺋﻤﯩﺮ ﺋﯩﻦ ﺭﺍﯞﺍﻗﻰ ﺑﯩﺪﺍﻥ

ﺋﻪﯞﯞﻩﻟﻪﺵ ﺷﯘﻏﻠﻰ ﺋﺎﺧﯩﺮﻩﺵ ﻏﯘﻓﺮﺍﻥ

ﺑﯘ ﺋﯩﻜﻜﻰ ﻣﯩﺴﺮﺍ ﺷﯩﺌﯧﺮ ﺋﻪﻧﻪ ﺷﯘ ﻛﯩﻴﯩﻨﻜﻰ ﺭﯦﻤﯘﻧﺘﺘﺎ ﻣﻪﺩﺭﯨﺲ ﭘﻪﺷﺘﯩﻘﯩﻐﺎ ﻳﯩﺰﯨﻠﻐﺎﻥ ﻣﯩﺴﺮﺍﻻﺭ ﺑﻮﻟﯘﭖ ،ﻳﺎﺳﯩﻠﯩﺶ ﺗﺎﺭﯨﺨﯩﻨﯩﯔ ﺋﻪﺑﺠﻪﺕ ﮬﯩﺴﺎﺑﻰ ﺑﯩﻠﻪﻥ ﻳﯩﺰﯨﻠﻐﺎﻧﻠﯩﻘﯩﻨﯩﯔ ﻛﯚﺭﺳﻪﺗﻤﯩﺴﯩﺪﯗﺭ .

ﺩﯨﻤﻪﻙ ﺷﯘﻏﻠﻰ (ﺷﯩﻐﯩﻞ) ﻛﻪﻟﯩﻤﯩﺴﻰ ﺭﯦﻤﯘﻧﺘﻨﯩﯔ ﺑﺎﺷﻠﯩﻨﯩﺶ ﻳﯩﻠﻰ 1330 ﻧﻰ ﻛﯚﺭﺳﻪﺗﺴﻪ ،ﻏﯘﻓﺮﺍﻥ (ﻏﻔﺮﺍﻥ) ﻛﻪﻟﯩﻤﯩﺴﻰ ﻗﯘﺭﯗﻟﯘﺷﻨﯩﯔ ﭘﯜﺗﻜﻪﻧﻠﯩﻚ ﻳﯩﻠﻰ 1331 ﻧﻰ ﻛﯚﺭﺳﯩﺘﯩﺪﯗ .

ﺑﯘ ﺳﺎﻥ ﮬﯩﺠﺮﯨﻴﻪ ﮬﯩﺴﺎﺑﻰ ﺑﯩﻠﻪﻥ ﺑﻮﻟﯘﭖ ،ﻣﯩﻼﺩﯨﻴﯩﮕﻪ 1912-،1913- ﻳﯩﻠﻼﺭ ﺋﯩﺪﻯ .

ﺑﺎﮬﺎﯞﯨﺪﯨﻦ ﻣﻪﺧﺴﯘﻡ ﺑﯘ ﻣﻪﺩﺭﯨﺴﻨﯩﯔ ﺋﺎﺗﺎﻗﻠﯩﻖ ﯞﻩ ﺋﯘﺯﯗﻥ ﺗﺎﺭﯨﺨﻘﺎ ﺋﯩﮕﻪ ﻣﯘﺩﻩﺭﺭﯨﺴﻰ ﺑﻮﻟﯘﭖ 1914-ﻳﯩﻠﻰ ﯞﺍﭘﺎﺕ ﺑﻮﻟﺪﻯ .

ﺳﺎﻗﯩﻴﻪ ﻣﻪﺩﺭﯨﺴﻰ ﻳﯘﺭﺗﻨﯩﯔ ﺋﺎﺗﺎﻗﻠﯩﻖ ﺑﯩﻠﯩﻢ ﻳﯘﺭﺗﻰ ﺑﻮﻟﯘﭖ ،ﺋﯘﻳﻐﯘﺭ ﻣﺎﺋﺎﺭﯨﭙﯩﻨﻰ ﻳﯘﻗﯩﺮﻯ ﻛﯚﺗﯜﺭﯛﺷﻜﻪ ﻧﯘﺭﻏﯘﻥ ﮬﻪﺳﺴﻪ ﻗﻮﺷﻘﺎﻥ ﺋﻮﺭﯗﻧﺪﯗﺭ . ﺑﯘﻧﯩﯖﻐﺎ ﺋﯚﻟﻜﯩﻤﯩﺰﻧﯩﯔ ﺷﯩﻤﺎﻟﻰ ،ﺷﻪﺭﻗﻰ ﯞﻩ ﺟﻪﻧﯘﺑﯩﺪﯨﻜﻰ ﺟﺎﻳﻼﺭﺩﯨﻦ ﮬﻪﺭ ﻳﯩﻠﻰ ﻧﻪﭼﭽﻪ ﻳﯜﺯﻟﯩﮕﻪﻥ ﺋﻮﻗﯘﻏﯘﭼﯩﻼﺭ ﻛﯩﻠﯩﭗ ﺋﻮﻗﯘﻳﺘﺘﻰ ،ﺑﯘﻧﯩﯖﺪﺍ ﺩﯨﻨﻰ ﺩﻩﺭﺳﻠﻪﺭ (ﭘﯩﻘﻘﻪ) ﺳﻪﺭﭖ - ﻧﻪﮬﯟﯨﻠﻪﺭ ، ﻣﻪﻧﺘﯩﻘﻪ ، ﺋﻪﺩﯨﺒﯩﻴﺎﺕ (ﻣﻪﺳﻨﻪﯞﻯ ﻗﺎﺗﺎﺭﻟﯩﻘﻼﺭ) ﺋﻮﻗﯘﺗﯘﻻﺗﺘﻰ - ﺩﻩ ،ﺋﻮﻣﻮﻣﻪﻥ ﺋﻪﺭﻩﺑﭽﻪ ، ﭘﺎﺭﯨﺴﭽﻪ ﺗﻪﺭﺟﯩﻤﺎﻧﻼﺭ ﻳﯩﺘﯩﺸﺘﯜﺭﯨﻠﻪﺗﺘﻰ .. ﺋﯘﻧﯩﯔ ﺋﯩﻘﺘﯩﺴﺎﺩﻯ ﺋﺎﺳﺎﺳﯩﻤﯘ ﯞﻩﺧﭙﻪ ﻛﯩﺮﯨﻤﯩﺪﯨﻦ ﺑﻮﻟﯘﭖ ، ﺑﯘ ﻛﯩﺮﯨﻤﻠﻪﺭ ﻣﻪﺩﺭﯨﺴﻨﯩﯔ ﺋﻮﻗﯘ - ﺋﻮﻗﯘﺗﯘﺵ ﺋﯩﺸﻠﯩﺮﯨﻨﻰ ﺭﺍﯞﺍﺟﻼﻧﺪﯗﺭﯗﺷﻨﯩﯔ ﺋﺎﻣﯩﻠﻠﯩﺮﯨﺪﯨﻦ ﺋﯩﺪﻯ .

ﺑﯘ ﻣﻪﺩﺭﯨﺴﺘﻪ ﻧﯘﺭﻏﯘﻧﻠﯩﻐﺎﻥ ﺋﺎﻟﯩﻤﻼﺭ ﻳﯩﺘﯩﺸﯩﭗ ﭼﯩﻘﻘﺎﻥ ، ﺷﯘﻧﯩﯖﺪﻩﻙ ﺋﻪﻟﻨﯩﯔ ﺗﻪﺭﺑﯩﻴﯩﭽﯩﺴﻰ ﺑﻮﻟﻐﺎﻥ ﻧﯘﺭﻏﯘﻥ ﺋﺎﻟﯩﻤﻼﺭ ﺋﻮﻗﯘﺗﯘﺵ ﺋﯜﭼﯜﻥ ﻧﯘﺭﻏﯘﻥ ﻛﯜﭺ ﭼﯩﻘﺎﺭﻏﺎﻧﯩﺪﻯ .

ﺋﯩﺰﺍﮬﺎﺗﻼﺭ :

① ﮬﯧﻴﺘﮕﺎﮬ ﻣﻪﺩﺭﯨﺴﻰ: ﮬﺎﺯﯨﺮﻗﻰ ﮬﯧﻴﺘﮕﺎﮬ ﺟﺎﻣﻪﺳﻰ ﺋﯩﭽﯩﺪﻩ .

② ﺋﯚﻣﻪﺭ ﮬﯩﻜﯩﻢ ﺑﻪﮒﻣﻪﺩﺭﯨﺴﻰ: ﮬﺎﺯﯨﺮﻗﻰ ﻗﻮﻧﺎﻕ ﺑﺎﺯﯨﺮﻯ 2-ﺑﺎﺷﻼﻧﻐﯘﭺ ﻣﻪﻛﺘﻪﭖ ﺋﻮﺭﻧﻰ .

③ ،ﺗﺎﺝ ﮬﯧﻜﯩﻢ ﺑﻪﮒ ﻣﻪﺩﺭﯨﺴﻰ : ﭼﺎﺳﺎ ﺑﺎﺷﻘﺎﺭﻣﺎ ﺋﻮﺭﺩﺍ ﺋﺎﻟﺪﻯ ﺑﺎﺳﻤﺎ ﺯﺍﯞﯗﺕ ﺋﻮﺭﻧﻰ (ﭼﯩﻘﯩﯟﯨﺘﯩﻠﮕﻪﻥ).

④ ﺩﻭﺭﻏﺎ ﺑﻪﮒ ﻣﻪﺩﺭﯨﺴﻰ: ﺷﻪﮬﻪﺭﻟﯩﻚ ﺑﺎﻧﻜﺎ ﺋﺎﺭﻗﯩﺴﯩﺪﯨﻜﻰ ﺋﺎﮬﺎﻟﯩﻠﻪﺭ ﺑﯩﻨﺎﺳﻰ ﺋﻮﺭﻧﻰ (ﺑﯘﺭﯗﻥ ﺷﻪﮬﻪﺭ ﮔﯘﯕﺸﻰ ﺋﻮﺭﻧﻰ ﺑﻮﻟﻐﺎﻥ).

⑤ ﻛﻪﻧﺠﺎﺯﺍ ﻣﻪﺩﺭﯨﺴﻰ: ﮬﺎﺯﯨﺮﻗﻰ ﺋﯚﺳﺘﻪﯕﺒﻮﻳﻰ 4-ﭘﻪﻳﭽﯘﺳﯘﻧﯩﯔ ﺋﻮﺭﻧﻰ .

⑥ ﺋﻪﮬﺮﺍﺭﺧﺎﻥ ﺗﯚﺭﻩﻡ ﻣﻪﺩﺭﯨﺴﻰ :ﮬﺎﺯﯨﺮﻗﻰ ﺋﯚﺳﺘﻪﯕﺒﻮﻳﻰ ﺑﺎﺷﻘﺎﺭﻣﺎ ﺋﻮﺭﻧﻰ .

⑦ ﺗﺎﻏﺎﺭﭼﻰ ﻛﻮﭼﯩﺴﯩﺪﯨﻜﻰ ﻣﻪﺩﺭﯨﺲ: ﮬﺎﺯﯨﺮﻗﻰ ﺗﺎﻏﺎﺭﭼﻰ ﻛﻮﭼﯩﺴﻰ ﺋﺎﮬﺎﻟﯩﻠﻪﺭ ﻛﻮﻣﯩﺘﯧﺖ ﺋﻮﺭﻧﻰ .

⑧ ﺩﯙﯓ ﻣﻪﺳﭽﯩﺖ ﻣﻪﺩﺭﯨﺴﻰ : ﮬﺎﺯﯨﺮﻗﻰ ﺗﺎﻏﺎﺭﭼﯩﻠﯩﻖ ﯞﻩ ﮔﯧﻠﻪﻣﭽﯩﻠﯩﻚ ﻛﺎﺭﺧﺎﻧﯩﺴﻰ ﺋﻮﺭﻧﻰ .

⑨ ﯞﺍﯕﻠﯩﻖ ﻣﻪﺩﺭﯨﺲ ؛ﮬﺎﺯﯨﺮﻗﻰ ﺋﻮﺭﺩﺍ ﺋﯩﺸﯩﻜﻰ 1- ﺑﺎﺷﻼﻧﻐﯘﭺ ﻣﻪﻛﺘﻪﭖ ﺋﻮﺭﻧﻰ .

⑩ ﺧﺎﻧﻠﯩﻖ ﻣﻪﺩﺭﯨﺲ : ﮬﺎﺯﯨﺮﻗﻰ ﺟﻪﻧﯘﺑﻰ ﺷﯩﻨﺠﺎﯓ ﺳﯩﻴﺎﺳﻰ ﻣﻪﻛﺘﻪﭖ ﺋﻮﺭﻧﻰ .

(11)ﻗﺎﺯﺍﻧﭽﻰ ﻣﻪﺩﺭﯨﺴﻰ : ﺑﯘ ﻣﻪﺩﺭﯨﺴﻤﯘ ﺟﻪﻧﯘﺑﻰ ﺷﯩﻨﺠﺎﯓ ﺳﯩﻴﺎﺳﻰ ﻣﻪﻛﺘﻪﭖ ﺋﯩﭽﯩﺪﻩ ﺑﻮﻟﯘﭖ ﺧﺎﻧﻠﯩﻖ ﻣﻪﺩﺭﯨﺲ ﺑﯩﻠﻪﻥ ﺗﯘﺗﺎﺵ ﺳﯩﻠﯩﻨﻐﺎﻥ .

(12) ﺗﻮﻗﺎﻡ ﻣﻪﺩﺭﯨﺴﻰ :ﮬﺎﺯﯨﺮﻗﻰ ﺧﻪﻟﻖ ﺑﺎﺷﻘﯘﺭﻏﺎﻥ ﺗﯩﻞ - ﺗﯩﺨﻨﯩﻜﺎ ﻣﻪﻛﺘﯩﭙﻰ ﺋﻮﺭﻧﻰ .

(13)ﺋﺎﺧﯘﻥ ﺑﺎﻳﻮﻓﻼﺭ ﻣﻪﺩﺭﯨﺴﻰ :ﺳﺎﺑﯩﻖ ﭼﺎﺳﺎ ﺑﺎﺷﻘﺎﺭﻣﺎ ﻳﯧﻨﯩﺪﯨﻜﻰ ﺧﻪﻟﻖ ﺑﺎﺷﻘﯘﺭﻏﺎﻥ ﻣﻪﻛﺘﻪﭖ ﺋﻮﺭﻧﻰ .

(14)ﺳﺎﻗﯩﻴﻪ ﻣﻪﺩﺭﯨﺴﻰ :ﮬﺎﺯﯨﺮﻗﻰ ﭼﺎﺳﺎ 14-ﺑﺎﺷﻼﻧﻐﯘﭺ ﻣﻪﻛﺘﻪﭖ ﻳﯩﻨﯩﺪﺍ (ﻏﯘﺟﻰ ﺑﻪﮒ ﮬﺎﺟﯩﻢ ﺗﺎﻏﺎﺭﭼﯩﻠﯩﻖ ﻛﺎﺭﺧﺎﻧﺎ ﺋﺎﭼﻘﺎﻥ ﺋﻮﺭﯗﻥ ).

(15) ﭼﺎﭺ ﻣﻪﺩﺭﯨﺴﻰ : ﮬﺎﺯﯨﺮﻗﻰ ﭼﺎﺳﺎ ﻏﻮﺟﯩﻼ ﻛﻮﭼﯩﺴﻰ ﺋﯘﺩﯗﻟﯩﺪﯨﻜﻰ ﺳﻮﺩﺍ - ﺳﺎﻧﺎﺋﻪﺕ ﺑﯩﺮﻟﻪﺷﻤﻪ ﻛﺎﺭﺧﺎﻧﺎ ﺋﻮﺭﻧﻰ .

(16)ﻻﻱ ﭘﻪﺷﺘﺎﻕ ﻣﻪﺩﺭﯨﺴﻰ : ﺑﻪﺷﺌﯧﺮﯨﻖ ﻛﻮﭼﯩﺴﻰ ﺋﯩﭽﯩﺪﯨﻜﻰ ﻳﺎﺳﯩﻠﯩﯟﺍﺗﻘﺎﻥ ﺑﺎﺷﻼﻧﻐﯘﭺ ﻣﻪﻛﺘﻪﭖ ﺋﻮﺭﻧﻰ .

(17) ﻛﻪﺳﻜﻪﻧﻴﺎﺭ ﻣﻪﺩﺭﯨﺴﻰ ﺳﺎﺋﺎﺩﻩﺗﺒﺎﻱ ﻣﻪﺩﺭﯨﺴﻰ ﺩﻩﭘﻤﯘ ﺋﺎﺗﯩﻠﯩﺪﯗ) ﮬﺎﺯﯨﺮﻗﻰ ﺷﻪﮬﻪﺭﻟﯩﻚ ﺋﯩﺴﻼﻡ ﺩﯨﻨﻰ ﺟﻪﻣﯩﻴﯩﺘﻰ ﺑﺎﺷﻘﯘﺭﯨﺸﯩﺪﯨﻜﻰ ﻳﺎﺳﯩﻠﯩﯟﺍﺗﻘﺎﻥ ﺩﯨﻨﻰ ﻣﻪﻛﺘﻪﭖ ﺋﻮﺭﻧﻰ .

1989-ﻳﯩﻠﻰ ، ﻣﺎﺭﺕ ، ﻗﻪﺷﻘﻪﺭ

ﻣﻪﻧﺒﻪ :

ﻗﺷﻘﻪﺭ ﺋﻪﺩﯨﺒﯩﻴﺎﺗﻰ ﮊﻭﺭﻧﯩﻠﻰ 1993-ﻳﯩﻠﻰ 3-ﺳﺎﻥ